၂) ဘုရားသခင်အတွက် အရာအားလုံးကို စွန့်လွှတ်ကာ အသုံးခံပြီးဖြစ်သည့်သူအချို့သည် အစေခံသူများ ဖြစ်လာကြသည့်အကြောင်းအရင်း

ဆက်စပ်သော ဘုရားသခင်၏ နှုတ်ကပတ်တော်များ-

လူအချို့အတွက် ၎င်းတို့၏တာဝန်များကို ထမ်းဆောင်ရာ၌ မည်သည့်ပြဿနာကို တွေ့ကြုံကောင်း တွေ့ကြုံကြပါစေ၊ ၎င်းတို့သည် သမ္မာတရားကို မရှာဖွေဘဲ ၎င်းတို့၏ကိုယ်ပိုင် အတွေးများ၊ အယူအဆများ၊ စိတ်ကူးများနှင့် အလိုဆန္ဒများနှင့်အညီ အစဉ်ပြုမူလုပ်ဆောင်ကြ၏။ ၎င်းတို့သည် ၎င်းတို့၏ တစ်ကိုယ်ကောင်းဆန်သော အလိုဆန္ဒများကို စဉ်ဆက်မပြတ် ဖြည့်ဆည်းနေကြပြီး ၎င်းတို့၏ဖောက်ပြန်ပျက်စီးသော စိတ်သဘောထားများသည် ၎င်းတို့၏လုပ်ဆောင်ချက်များကို အမြဲ ထိန်းချုပ်နေ၏။ ၎င်းတို့သည် ၎င်းတို့အား သတ်မှတ်ခွဲဝေပေးထားသည့် တာဝန်များကို ပြီးမြောက်အောင် ဆောင်ရွက်ကောင်း ဆောင်ရွက်နိုင်ကြသော်လည်း မည်သည့်သမ္မာတရားကိုမျှ မရရှိကြပေ။ ထို့ကြောင့် ထိုသို့သော လူတို့သည် မိမိတို့၏ တာဝန်များကို ဆောင်ရွက်နေချိန်တွင် မည်သည့်အရာများအပေါ် မှီခိုနေကြသနည်း။ ၎င်းတို့သည် သမ္မာတရားအပေါ် မှီခိုနေခြင်း မဟုတ်သကဲ့သို့ ဘုရားသခင်ကို မှီခိုနေခြင်းလည်း မဟုတ်ပေ။ ၎င်းတို့နားလည်သော ထိုသမ္မာတရားအနည်းငယ်သည် ၎င်းတို့၏စိတ်နှလုံးများထဲ၌ အချုပ်အခြာအာဏာ မရယူထားပေ။ ၎င်းတို့သည် ၎င်းတို့၏ကိုယ်ပိုင် အထုံပါရမီများနှင့် အစွမ်းအစများ၊ ၎င်းတို့ ဆည်းပူးရရှိခဲ့သော မည်သည့် အသိပညာမဆိုနှင့် ၎င်းတို့၏ ပင်ကိုစွမ်းရည်များအပြင်၊ ဤတာဝန်များကို ပြီးစီးစေရန် ၎င်းတို့၏ စိတ်စွမ်းအား သို့မဟုတ် ကောင်းသော ရည်ရွယ်ချက်များအပေါ် မှီခိုနေကြပေသည်။ ဤသည်မှာ ၎င်းတို့၏တာဝန်ကို ကောင်းစွာ ထမ်းဆောင်ခြင်း ဖြစ်သလော။ ဤသည်မှာ ၎င်းတို့၏တာဝန်ကို ကျေနပ်ဖွယ်ရာ ထမ်းဆောင်ခြင်း ဖြစ်သလော။ သင်သည် တစ်ခါတစ်ရံတွင် သင်၏တာဝန်ကို ဖြည့်ဆည်းဖို့ သင်၏သဘာဝကျခြင်း၊ စိတ်ကူးစိတ်သန်း၊ အယူအဆများ၊ အသိပညာနှင့် သင်ယူခြင်းတို့ကို အမှီပြုကောင်း အမှီပြုနိုင်သော်လည်း၊ သင် လုပ်ဆောင်သည့် အရာတစ်ချို့တွင် ကိုယ်ကျင့်တရားဆိုင်ရာ မည်သည့် ပြဿနာများမျှ မထွက်ပေါ်ပေ။ အပေါ်ယံအားဖြင့်၊ သင်သည် လမ်းမှား လိုက်ခဲ့ခြင်း မရှိသေးသည့်အလား ထင်ရသော်လည်း၊ လျစ်လျူရှု၍မရသော အရာတစ်ခုရှိ၏- သင်၏တာ၀န်ကို ဆောင်ရွက်ခြင်း လုပ်ငန်းစဉ်အတွင်းတွင်၊ အကယ်၍ သင်၏အယူအဆများ၊ စိတ်ကူးများနှင့် ကိုယ်ပိုင်အလိုဆန္ဒများ မည်သည့်အခါမျှ မပြောင်းလဲဘဲ သမ္မာတရားနှင့် မည်သည့်အခါမျှ အစားထိုးခြင်း မရှိပါက၊ ပြီးလျှင် သင်၏လုပ်ရှားမှုများနှင့် လုပ်ဆောင်ချက်များမှာ သမ္မာတရား အခြေခံသဘောတရားများနှင့်အညီ မည်သည့်အခါမျှ လုပ်ဆောင်ခြင်းမရှိပါက၊ နောက်ဆုံးရလဒ်မှာ မည်သို့ ဖြစ်လိမ့်မည်နည်း။ သင်သည် အစေခံသူတစ်ဦး ဖြစ်လာလိမ့်မည်။ ဤသည်မှာ သမ္မာကျမ်းစာထဲ၌ “ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျှင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။” (ရှင်မဿဲခရစ်ဝင် ၇:၂၂-၂၃) ဟု အတိအကျ ရေးသားထားသည့်အရာ ဖြစ်သည်။ ဘုရားသခင်သည် လုံ့လဝီရိယကို အသုံးပြုပြီး အစေခံခြင်းကို လုပ်ဆောင်သော ဤလူတို့အား “အဓမ္မအမှုကိုပြုသောသူတို့” ဟု အဘယ့်ကြောင့် ခေါ်သနည်း။ ငါတို့တွင် သေချာနိုင်သော အချက်တစ်ချက်ရှိသည်၊ ယင်းမှာ မည်သည့် တာဝန်များ သို့မဟုတ် အလုပ်ကို ဤလူတို့က လုပ်ဆောင်ပါစေ၊ ၎င်းတို့၏ အရင်းခံအကြောင်းရင်းများ၊ တွန်းအား၊ ရည်ရွယ်ချက်များနှင့် အတွေးများသည် သူတို့၏ တစ်ကိုယ်ကောင်းဆန်သော စိတ်ဆန္ဒများမှ လုံးလုံးလျားလျား ထွက်ပေါ်လာကာ၊ ၎င်းတို့၏ကိုယ်ပိုင် ထင်မြင်ချက်များနှင့် ကိုယ်ကျိုးများအပေါ် လုံးဝအခြေခံထားပြီး၊ ၎င်းတို့၏ အရေးထားမှုနှင့် အစီအစဉ်များသည် ၎င်းတို့၏ နာမည်ဂုဏ်သတင်း၊ အဆင့်အတန်း၊ ဝင့်ဝါမှုနှင့် အနာဂတ်မျှော်လင့်ချက်များကို လုံးဝ ဗဟိုပြုပေသည်။ စိတ်ထဲတွင်၊ ၎င်းတို့သည် သမ္မာတရား လုံး၀မပိုင်ဆိုင်ကြသကဲ့သို့၊ သမ္မာတရား အခြေခံသဘောတရားများနှင့်အညီ ၎င်းတို့ မပြုမူကြပေ။ ထို့ကြောင့်၊ ယခု သင်တို့အတွက် ရှာဖွေဖို့ အရေးကြီးသောအရာမှာ မည်သည့်အရာနည်း။ (သမ္မာတရားကို ကျွန်ုပ်တို့ ရှာဖွေသင့်ပြီး ဘုရားသခင်၏ အလိုတော်နှင့် ပြဋ္ဌာန်းချက်များနှင့်အညီ ကျွန်ုပ်တို့၏ တာဝန်များကို ဆောင်ရွက်သင့်ပါသည်။) ဘုရားသခင်၏ ပြဋ္ဌာန်းချက်များနှင့်အညီ သင်တို့၏ တာဝန်များကို ထမ်းဆောင်ရာတွင် အတိအကျအားဖြင့် မည်သည့်အရာကို သင်တို့ လုပ်ဆောင်သင့်သနည်း။ တစ်စုံတစ်ခု လုပ်ဆောင်သောအခါ သင်၏ ရည်ရွယ်ချက်များ၊ ထင်မြင်ချက်များနှင့် စပ်လျဉ်း၍ ၎င်းတို့သည် သမ္မာတရားနှင့် ကိုက်ညီမှုရှိမရှိ ဆိုသည့်အပြင်၊ သင်၏ ရည်ရွယ်ချက်များနှင့် စိတ်ကူးများသည် သင်၏ကိုယ်ပိုင် အတ္တဆန်သော စိတ်ဆန္ဒများ သို့မဟုတ် ဘုရားသခင်၏ အိမ်တော်၏ အကျိုးအမြတ်များကို ဖြည့်ဆည်းရန် စီမံထားခြင်း ရှိမရှိဆိုသည်ကို မည်သို့ သိမြင်ရမည်ကို သင် သင်ယူရမည်။ သင်၏ ရည်ရွယ်ချက်များနှင့် စိတ်ကူးများသည် သမ္မာတရားနှင့် ကိုက်ညီမှုရှိပါက သင်၏တာဝန်ကို သင်၏ အတွေးနှင့်အညီ သင် လုပ်ဆောင်နိုင်၏။ သို့သော်၊ ၎င်းတို့သည် သမ္မာတရားနှင့် ကိုက်ညီမှုမရှိပါက သင်သည် အလျင်အမြန် ပြန်လှည့်ပြီး ထိုလမ်းကြောင်းကို စွန့်ခွာရမည်။ ထိုလမ်းကြောင်းသည် မမှန်ကန်သကဲ့သို့၊ ထိုအတိုင်း သင်လက်တွေ့လုပ်ဆောင်၍ မရပေ။ ထိုလမ်းကြောင်းအတိုင်း သင် ဆက်လက်လျှောက်လှမ်းပါက၊ သင်သည် မကောင်းမှု ကျူးလွန်ခြင်းဖြင့် အဆုံးသတ်လိမ့်မည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတစ်ဦး၏တာဝန်များထဲ၌ ဘုရားသခင်၏နှုတ်ကပတ်တော်များကို ခံစားနည်း” မှ

လူတို့သည် မည်သည့်ပါရမီများ၊ ဆုကျေးဇူးများ၊ သို့မဟုတ် အစွမ်းအစများကို ပိုင်ဆိုင်ပါစေ၊ ၎င်းတို့သည် အမှုအရာများကို တကယ်လုပ်ဆောင်ကာ၊ ၎င်းတို့၏တာဝန်ကို ထမ်းဆောင်ရာ၌ ၎င်းတို့၏ခွန်အားကိုသာ အသုံးပြုကြပါက၊ မည်သည့်အရာကို ၎င်းတို့ပြုပါစေ၊ ၎င်းတို့သည် ၎င်းတို့၏စိတ်ကူးများ၊ အယူအဆများ၊ သို့မဟုတ် အလိုအလျောက် တုံ့ပြန်မှုများအပေါ် အမှီပြုကြပါက၊ ၎င်းတို့သည် မိမိတို့၏ အစွမ်းအစများကို လွယ်လွယ်ရှေ့ထားပြီး၊ ဘုရားသခင်၏အလိုတော်ကို မည်သည့်အခါမျှ ရှာဖွေခြင်းမရှိသည့်အပြင်၊ ၎င်းတို့၏စိတ်နှလုံးများထဲ၌ အမြင်သဘောထား သို့မဟုတ် လိုအပ်ချက်များ မရှိကြဘဲ၊ “ငါသည် သမ္မာတရားကို လက်တွေ့ကျင့်သုံးရမည်၊ ငါ့တာဝန်ကို ငါ ဆောင်ရွက်နေသည်”ဟု ဆိုကြပါက၊ ၎င်းတို့၏အတွေးများက အလုပ်ကို ကောင်းစွာလုပ်ဆောင်ခြင်းနှင့်၎င်းတို့၏ အလုပ်များ ပြီးစီးစေခြင်းတို့ဖြင့်သာ အစပြုပါက၊ ၎င်းတို့သည် ၎င်းတို့၏ဆုကျေးဇူးများ၊ ပါရမီများ၊ စွမ်းရည်များနှင့် တတ်ကျွမ်းမှုများအားဖြင့် လုံးလုံးလျားလျား အသက်ရှင်သော လူများ ဖြစ်ကြပါသလော။ ဤကဲ့သို့သော လူများစွာ ရှိပါသလော။ ယုံကြည်ခြင်းတွင် ၎င်းတို့သည် မိမိတို့ကိုယ်ကိုယ် အားထုတ်ကြိုးပမ်းရန် ၎င်းတို့၏ကိုယ်ပိုင်လုပ်အားကို ရောင်းစားရန်နှင့် ၎င်းတို့၏အစွမ်းအစများကို ရောင်စားရန်သာ စဉ်းစားကြသည်။ အထူးသဖြင့် ဘုရားသခင်၏အိမ်တော်က ၎င်းတို့ လုပ်ဆောင်ရန် အထွေထွေအလုပ်များကို ပေးသောအခါ လူအများစုသည် ဤအမြင်ဖြင့် အမှုအရာများကို ချဉ်းကပ်ကြ၏။ ၎င်းတို့ပြုသမျှမှာ ၎င်းတို့ကိုယ်ကို အားထုတ်ကြိုးပမ်းခြင်း ဖြစ်၏။ တစ်ခါတစ်ရံတွင် ၎င်းတို့၏ပါးစပ်ကို အသုံးပြုခြင်း၊ တစ်ခါတစ်ရံ ၎င်းတို့၏လက်များနှင့် ကာယခွန်အားကို အသုံးပြုခြင်း၊ တစ်ခါတစ်ရံ ဟိုဒီ ပြေးလွှားခြင်းကို ဆိုလိုသည်။ ထိုအရာများအားဖြင့် အသက်ရှင်ခြင်းမှာ လူတစ်ဦး၏ခွန်အားကို အသုံးပြုခြင်းဖြစ်ပြီး၊ သမ္မာတရားကို လက်တွေ့လုပ်ဆောင်ခြင်း မဟုတ်ဟု အဘယ်ကြောင့် ဆိုထားသနည်း။ တစ်စုံတစ်ဦးသည် ဘုရားသခင်၏အိမ်တော်က အလုပ်တစ်ခုကို ပေးအပ်ခံရပြီး၊ ယင်းကို ရရှိခြင်းနှင့် ပတ်သက်၍ ၎င်းတို့သည် အသင်းတော်ခေါင်းဆောင်များကို ပြောပြနိုင်ပြီး ၎င်းတို့၏ချီးကျူးခြင်းကို ခံနိုင်ရန်အတွက် ဤအလုပ်ကို အမြန်ဆုံးမည်ကဲ့သို့ လုပ်ဆောင်ပြီးစီးရန်အကြောင်းကိုသာ စဉ်းစားကြ၏။ ၎င်းတို့၌ တစ်ဆင့်ပြီးတစ်ဆင့် အစီအစဉ်တစ်ခု စိတ်ကူးရကောင်းရနိုင်သည်။ ၎င်းတို့သည် အလွန်အလေးအနက်ထားပုံ ရသော်လည်း ၎င်းတို့သည် အလုပ်ကို ပုံပန်းအတွက် လုပ်ဆောင်ခြင်းထက်ပို၍ မည်သည့်အရာကိုမျှ အာရုံမထားကြပေ၊ သို့မဟုတ် ၎င်းတို့ လုပ်ဆောင်နေသည့်အခါ ၎င်းတို့သည် ပျော်ရွှင်ခြင်းနှင့် ရောင့်ရဲခြင်းကို ခံစားကြရပြီး ၎င်းတို့ကြိုးပမ်းသော စုံလင်ခြင်းအဆင့်သို့ ရောက်ရှိကြရန် ၎င်းတို့အတွက် လုပ်ဆောင်ပုံနှင့်ပတ်သက်၍ ကိုယ်ပိုင်စံနှုန်းကို သတ်မှတ်ကြ၏။ ၎င်းတို့သည် မည်သည့် စံနှုန်းကိုသတ်မှတ်ကြပါစေ၊ သမ္မာတရားနှင့်ဆက် နွှယ်မှုမရှိပါက၊ အရေးယူလုပ်ဆောင်ခြင်း မပြုမီ သမ္မာတရားကို ရှာဖွေခြင်း သို့မဟုတ် ၎င်းတို့ကို ဘုရားသခင်စေခိုင်းသော အရာတို့ကို နားလည်ပြီး အတည်ပြုခြင်း မရှိသော်လည်း၊ ဆန့်ကျင်ဘက်အနေဖြင့် ၎င်းတို့သည် မမြင်မစမ်း စိတ်ရှုပ်ထွေး၍ ဆင်ကန်းတောတိုး ပြုမူလုပ်ဆောင်ပါက ဤသည်မှာ ၎င်းတို့ကိုယ်ကို အားထုတ်ကြိုးပမ်းခြင်းသာ ဖြစ်၏။ ၎င်းတို့သည် ၎င်းတို့၏အလိုဆန္ဒများ၊ ၎င်းတို့၏ဦးနှောက် သို့မဟုတ် ဆုကျေးဇူးများ၊ သို့မဟုတ် ၎င်းတို့၏စွမ်းရည်များနှင့် တတ်ကျွမ်းမှုများအလျောက် ပြုမူလုပ်ဆောင်နေကြခြင်းဖြစ်၏။ ထို့ကြောင့် ဤနည်းဖြင့် ၎င်းတို့အလုပ်လုပ်ဆောင်ခြင်း၏ အကျိုးဆက်မှာ အဘယ်နည်း။ အလုပ်သည် ပြီးမြောက်ကောင်း ပြီးမြောက်နိုင်ခဲ့သည်၊ မည်သူမျှ အမှားအယွင်း တစ်စုံတစ်ခုကိုမျှ သိခြင်းမရှိဘဲ၊ သင်သည် ၎င်းနှင့်ပတ်သက်၍ အလွန်ပျော်ရွှင်ကောင်း ပျော်ရွှင်နေနိုင်သည်။ သို့သော်လည်း ၎င်းကို လုပ်ဆောင်နေစဉ် နံပါတ်တစ်- သင်သည် ဘုရားသခင်၏ရည်ရွယ်ချက်ကို နားမလည်ခဲ့ပေ၊ ထို့အပြင် နံပါတ်နှစ်- သင်သည် ၎င်းကို သင်၏စိတ်နှလုံးအကြွင်းမဲ့နှင့် ခွန်အားရှိသမျှဖြင့် လုပ်ဆောင်ခဲ့ခြင်းမရှိပေ၊ သင်စိတ်ပါလက်ပါလုပ်ဆောင်ခဲ့ခြင်းမရှိပေ။ အကယ်၍ သင်သည် သမ္မာတရား၏နိယာမများကို ရှာာဖွေခဲ့ပြီးဖြစ်ပါက၊ အကယ်၍ သင်သည် ဘုရားသခင်၏အလိုတော်ကို ရှာဖွေခဲ့ပြီးဖြစ်ပါက၊ သင်သည် အလုပ်ကို ပြီးမြောက်အောင် လုပ်ဆောင်ရာတွင် ၉၀ ရာခိုင်နှုန်း ထိရောက်မှု ရှိခဲ့မည် ဖြစ်ပြီး၊ သင်သည် သမ္မာတရား၏ စစ်မှန်မှုထဲသို့လည်း ဝင်ရောက်နိုင်ခဲ့ပြီး သင် လုပ်ဆောင်နေသောအရာမှာ ဘုရားသခင်၏ အလိုတော်နှင့်ညီကြောင်း သင် မှန်ကန်စွာ နားလည်ခဲ့ပြီးဖြစ်လိမ့်မည်။ သို့ရာတွင် အကယ်၍ သင်သည် သတိလက်လွတ်နှင့် ဖြစ်ကတတ်ဆန်း ဖြစ်ခဲ့ပါက၊ အလုပ်ပြီးမြောက်ကောင်း ပြီးမြောက်ခဲ့နိုင်သော်လည်း သင်၏စိတ်နှလုံးထဲ၌ ၎င်းကို သင် မည်မျှကောင်းစွာ လုပ်ဆောင်ခဲ့ကြောင်းနှင့်ပတ်သက်၍ ရှင်းလင်းလိမ့်မည် မဟုတ်ပေ။ သင်၌ စံအမှတ် ရှိလိမ့်မည်မဟုတ်ပေ၊ ၎င်းမှာ ဘုရားသခင်၏အလိုတော်နှင့် ညီမညီ သိလိမ့်မည်မဟုတ်ပေ၊ သို့မဟုတ် သမ္မာတရားနှင့် ညီမညီ သိလိမ့်မည်မဟုတ်ပေ။ ထို့ကြောင့် ဤအခြေအနေမျိုးတွင် တာဝန်များကို လုပ်ဆောင်သောအခါတိုင်း၊ သင့်ကိုယ်သင် အားထုတ်ကြိုးစားခြင်းဟူသော စကားလုံးနှစ်လုံးဖြင့် ဤအရာကို ရည်ညွှန်းနိုင်ပါသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတို့ အသက်ရှင်ဖို့ မှီခိုနေခဲ့ကြသည့် အရာအတိအကျ” မှ

ယခင်က ငါဖော်ပြခဲ့သည့် အရာအားလုံးထဲတွင်- ဘုရားသခင်ကို ချစ်ခြင်းအရာ၌ သင်တို့၏နှလုံးသား၊ စိတ်၊ ဝိညာဉ်နှင့် အစွမ်းအစရှိသမျှကို စိုက်ထုတ်ခြင်းတွင်- သင်တို့သည် မိမိတို့၏အစွမ်းအစကိုသာ ထုတ်၏။ မိမိတို့၏နှလုံးသား၊ စိတ်နှင့် ဝိညာဉ်အားလုံးကို အသုံးပြုရာတွင် သင်တို့မအောင်မြင်ကြသေးပေ။ သင်တို့သည် ဤသွင်ပြင်လက္ခဏာသုံးခုကို စွမ်းဆောင်ရရှိခြင်း မရှိကြသေးချေ။ သင်တို့၏တာဝန်တွင် သင်တို့၏အစွမ်းအစကို စိုက်ထည့်ဖို့သာ သင်တို့သိကြ၏။ သင်တို့သည် ဘုရားသခင်၏အမြင်တွင် မည်သည့်လူစားမျိုး ဖြစ်သနည်း။ (အစေခံသူတစ်ဦး ဖြစ်သည်။) အစေခံသူတစ်ဦးဖြစ်ဖို့ သင်တို့ဆန္ဒရှိသလော။ အစေခံသူတစ်ဦးဖြစ်ဖို့ သင်တို့ဆန္ဒမရှိသော်လည်း၊ သင်တို့သည် အစေခံမှုကို ပေးနေကြဆဲဖြစ်၏၊ ထို့အပြင် သင်တို့သည် ယင်းတွင် ကျေနပ်နှစ်သိမ့်ကာ ယင်းကို မည်သည့်အခါတွင်မျှ မငြီးငွေ့ကြပေ။ ဤသည်မှာ သင်တို့ရှိနေသည့် လမ်းကြောင်းမျိုး ဖြစ်သည်။ သင်တို့သည် အစေခံသူတစ်ဦးဖြစ်ရန် ဆန္ဒမရှိသော်လည်း၊ တက်ကြွစွာ အစေခံမှုကို ပေး၏- ဤသည်မှာ ဆန့်ကျင်ကွဲလွဲမှုတစ်ခုဖြစ်သည် မဟုတ်လော။ ဤအရာသည် အဘယ်ကြောင့် ဖြစ်လာလေပြီနည်း။ ယင်းမှာ နောက်ဆုံးတွင် မည်သည့်ပန်းတိုင်သို့ သင်ရောက်လိမ့်မည်ကို အဆုံးအဖြတ်ပေးသည့် သင်ရှိနေသော လမ်းကြောင်းမျိုးကြောင့် ဖြစ်သည်။ အရပ်သုံး အသုံးအနှုန်းများအရ၊ ဤသည်မှာ “စိုက်သည့်အတိုင်း ရိတ်ရသည်” ဟု ဆိုလိုပေသည်။ သင်လျှောက်လှမ်းသည့် လမ်းကြောင်းသည် အစေခံသူတစ်ဦး၏ လမ်းကြောင်းဖြစ်ပြီး သင်ရွေးချယ်ထားသည့် လမ်းကြောင်းမှာ အစေခံသူတစ်ဦး၏ လမ်းကြောင်းဖြစ်သည်၊ ထို့ကြောင့် ဤသည်မှာ သင်သည် အစေခံမှု ပေးခြင်းအားဖြင့် အဆုံးသတ်ရလိမ့်မည်ဟု ဆိုလိုသည်။ သင်သည် အစွမ်းအစ စိုက်ထည့်ခြင်းကိုသာ စိတ်ဝင်စားပြီး မည်သည့်အားအင်ကိုမျှ အသုံးပြုရန်၊ သို့မဟုတ် မည်သည့်အတွေးမျှ တွေးပေးရန် မလိုလားသောကြောင့်၊ သင်၏သခင်ဖြစ်သည့် ဘုရားသခင်ကို ချစ်ရာတွင် မိမိနှလုံးသား၊ စိတ်နှင့် ဝိညာဉ်တို့ကို မစိုက်ထုတ်လိုသောကြောင့်၊ အဆုံးတွင် သင်ရရှိသည့် ရလဒ်မှာ မိမိ၏အစွမ်းအစကို သင်အသုံးချခြင်းသာ ဖြစ်နိုင်ပေသည်။ အကျိုးဆက်အနေဖြင့်၊ သင်သည် အစေခံမှု ပေးခြင်းဖြင့် အဆုံးသတ်ရ၏။ ဤနေရာတွင် ဆန့်ကျင်ကွဲလွဲမှု မရှိပေ။ ဆန့်ကျင်ကွဲလွဲမှုဆိုသည်မှာ အဘယ်နည်း။ ယင်းမှာ လူတို့သည် အစေခံသူများဖြစ်ရန် ဆန္ဒမရှိသကဲ့သို့၊ တစ်စုံတစ်ဦးက ၎င်းတို့အား ထိုသို့အမည်တပ်သည်ကို ကြားချိန်တွင်၊ ၎င်းတို့ မပျော်မရွှင် ဖြစ်လာကြသည်။ ၎င်းတို့က၊ “ယင်းသည် ငါ့ကို အသရေဖျက်ခြင်း မဟုတ်လော။ ငါ့ကို အထင်သေးခြင်းဖြစ်သည် မဟုတ်လော။ ယင်းသည် အခြားသူများအပေါ် ဘက်လိုက်ခြင်းတစ်ခုကို ပြသ၏၊ ဟုတ်သည် မဟုတ်လော။ ငါသည် ငါ၏အားထုတ်မှုနှင့် အစွမ်းအစများစွာကို ဆက်ကပ်ထားပြီးဖြစ်သည် မဟုတ်လော။ ငါသည် အစေခံသူတစ်ဦး အဘယ်သို့ဖြစ်နိုင်သနည်း” ဟု တွေးကြသည်။ သင်မှန်ပေ၏။ အစွမ်းအစများစွာကို သင်ထုတ်ထားပြီးဖြစ်သည်- ထို့ကြောင့် ယင်းက သင့်ကို အစေခံသူစစ်စစ် ဖြစ်စေသည်။ သင့်အနေဖြင့် အစွမ်းအစထုတ်ရုံမျှသာ မဖြစ်စေရမည့်နည်းကို တွေးရမည်ဖြစ်သော်လည်း၊ ထိုအရာထဲသို့ သင်၏နှလုံးသား တစ်ခုလုံးကိုလည်း စိုက်ထည့်ထားရမည်။ ဤအရာကို စံနှုန်းတစ်ခုအဖြစ် လက်လှမ်းလော့။ သင်၏သခင်ဖြစ်သည့် ဘုရားသခင်ကို သင်၏နှလုံးသား၊ စိတ်နှင့် ဝိညာဉ်အားလုံးဖြင့် ချစ်လော့။ ယင်းတို့ကို မည်သည့်အရာအပေါ် သင်အသုံးပြုသင့်သနည်း။ သင်သည် သင်၏နှလုံးသား၊ စိတ်နှင့် ဝိညာဉ်အားလုံးကို သင်၏တာဝန်အား ကောင်းစွာလုပ်ဆောင်ခြင်းအပေါ် ဆက်ကပ်မြှုပ်နှံသင့်ပြီး၊ ဤနည်းဖြင့် သင်သည် ဘုရားသခင်၏အမြင်တွင် လူကောင်းတစ်ဦး ဖြစ်လာလိမ့်မည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏တာဝန်ကို ကျေပွန်အောင်ထမ်းဆောင်ရာ၌ သင်၏စိတ်နှလုံး၊ ဉာဏ်နှင့် ဝိညာဉ်တို့ကို အသုံးပြုသည့်အခါမှသာ သင်၌လူသားပုံသဏ္ဌာန်ရှိလိမ့်မည်” မှ

သင်သည် အမှုအရာတစ်ခုကို လုပ်ဆောင်သည့်အခါ၊ အလုပ်တစ်ခု ပြီးမြောက်သောအခါ သို့မဟုတ် တာဝန်တစ်ခု ထမ်းဆောင်သည့်အခါ၊ ထိုအမှုအရာနှင့်ပတ်သက်၍ ပြောမည်ဆိုလျှင် သမ္မာတရားကို လက်တွေ့လုပ်ဆောင်သည့် နည်းလမ်းဖြင့် မည်သို့လုပ်ဆောင်သနည်း။ သမ္မာတရားအား လက်တွေ့လုပ်ဆောင်ခြင်းမဟုတ်သော နည်းဖြင့် မည်သို့လုပ်ဆောင်သနည်း။ သမ္မာတရားအား လက်တွေ့မလုပ်ဆောင်ခြင်းသည် သမ္မာတရားနှင့် ဆက်စပ်မှု မရှိပေ။ သင်သည် သင့်တာဝန်ကို ထမ်းဆောင်နေခြင်း ဖြစ်ကောင်းဖြစ်နိုင်သည်။ သို့သော် သမ္မာတရားနှင့် ပတ်သက်မှု သိပ်မရှိပေ။ ယင်းသည် ကောင်းမွန်သော အပြုအမူ အမျိုးအစားတစ်ခုသာဖြစ်ပြီး ကောင်းမှုတစ်ခုအဖြစ်လည်း ဆိုနိုင်သည်။ သို့သော် ဤအရာနှင့် သမ္မာတရားကို လက်တွေ့လုပ်ဆောင်ခြင်း အကြားတွင် အနည်းငယ် အလှမ်းကွာဝေးမှု ရှိနေသေးသည်။ ၎င်းတို့သည် ကွာခြားကြသည်။ ဤသို့ဆိုလျှင် မည်သည့်အရာပေါ်တွင် အခြေခံ၍ ၎င်းတို့ကို ခွဲခြားနိုင်သနည်း။ သင်သည် ဤအမှုအရာကို လုပ်ဆောင်သည့်အခါ တိကျသော အတိုင်းအတာနှင့် တိကျသော စည်းမျဉ်းတို့ကို ထိန်းသိမ်းရသည်။ ဤအရာများထဲမှ တစ်ခုမှာ ဘုရားသခင်၏အိမ်တော်၏ အကျိုးအမြတ်တို့အပေါ် ဆုံးရှုံးမှုမဖြစ်ပေါ်စေခြင်း ဖြစ်သည်။ အခြားတစ်ခုမှာ သင်သည် ပုံမှန် စားသောက်၊ အိပ်စက်ရန် မတတ်နိုင်ဘဲ အနည်းငယ်ပို၍ နေရာအနှံ့ အပြေးအလွှားသွားလာပြီး အနည်းငယ် ဒုက္ခခံခြင်းဖြစ်သည်။ ဤအရာအားလုံးတို့ကို သင် ပြီးမြောက်အောင်မြင်ခဲ့ပြီး တင်းကျပ်သော စံများကို သသင်အဖို့ အသုံးမပြုပါက၊ သင့်တာဝန်ကို ကျေနပ်ဖွယ်ရာ ပြီးမြောက်နိုင်ဖို့ လိုဦးမည်ဖြစ်သည်။ သို့ရာတွင် အခြားအရာတစ်ခုရှိသေးသည်- ဤအမှုအရာကို လုပ်ဆောင်သည့်အခါ သင့်စိတ်အတွင်းတွင် မည်သည့် ဖောက်ပြန်ပျက်စီးသည့် စိတ်သဘောထားရှိသည်ကို ဖော်ထုတ်ပြီး ရှာဖွေတွေ့ရှိပြီးပြီလော။ ဆိုလိုသည်မှာ ဤပြဿနာကို သင် ကြုံတွေ့သည့်အခါတွင် သင့်စိတ်အတွင်း၌ ဘုရားသခင် ကျေနပ်မှုမရှိသည့် မည်သည့် စိတ်ကူးများ၊ အမှုအရာများရှိသည်ကို ဖော်ထုတ်ပြီး ရှာဖွေတွေ့ရှိပြီးပြီလော။ ဤတာဝန်ကို ထမ်းဆောင်ခြင်းနှင့် ဤအမှုအရာကို လုပ်ဆောင်ခြင်းတို့မှတစ်ဆင့် သင့်ကိုယ်သင် နားလည်မှုအသစ်တစ်ခု ရရှိသလော။ ပြီးလျှင် သင် လက်တွေ့လုပ်ဆောင်သင့်ပြီး ဝင်ရောက်သင့်သည့် သမ္မာတရားတစ်ခုခု တွေ့ပြီလော။ (ဤသို့ဖြစ်ခြင်းမှာ ရှားသည်။ တစ်ခါတစ်ရံတွင် ကျွန်ုပ်၏ မာနထောင်လွှားမှုအား အပေါ်ယံနားလည်မှုမျှသာ ရရှိပြီး ရှေ့ဆက်မသွားတော့ပေ။) ဤသို့ဆိုလျှင် အချိန်အများစု၌ သင်သည် ပုံသေဖြစ်သော၊ သီအိုရီပိုင်းဆိုင်ရာဖြစ်သော နားလည်မှုတစ်ခုရှိပြီး စစ်မှန်သည့် နားလည်မှုမရှိပေ။ သင်သည် သမ္မာတရားကို မလိုက်စားလျှင် အလွန်ပင် မှားယွင်းသော သို့မဟုတ် ကောက်ကျစ်သောအရာတစ်ခုကိုမျှ သင် မလုပ်လျှင်ပင်၊ အဓိက အခြေခံသဘောတရားများကို သင် မချိုးဖောက်ဘဲ အပြင်ပန်း၌ သင်သည် လူသားဆန်မှု အနည်းငယ်ရှိသည့် လူကောင်းတစ်ယောက်ပုံစံရှိလျှင်ပင် သင်သည် သမ္မာတရားကို လက်တွေ့လုပ်ဆောင်ခြင်း မရှိသေးသလို မည်သည့်သမ္မာတရားကိုမျှ သင် မရရှိသေးပေ။ သင်၏ “အမှားတစ်ခုမျှ မလုပ်ရသေးခြင်း” နှင့် အပြင်ပန်းတွင် လူသားဆန်မှုရှိသည့် သူတစ်ဦးပုံစံ ရှိခြင်းသည် သမ္မာတရားနှင့် ကိုက်ညီမှုရှိခြင်း သို့မဟုတ် သမ္မာတရားကို လက်တွေ့လုပ်ဆောင်ခြင်းနှင့် မတူညီပေ။ ဤအရာနှင့် သမ္မာတရားအား လက်တွေ့လုပ်ဆောင်ခြင်းကြားတွင် ကွာဟမှုတစ်ခု၊ ခြားနားမှုတစ်ခုရှိသည်။ ထို့ကြောင့် ဘုရားသခင်အား လူများစွာတို့က ယုံကြည်ကြသည်။ အချိန်ကာလတစ်ခု ကြာပြီးနောက်တွင် လူတို့သည် လုံ့လကိုသာ စိုက်ထုတ်သော သူများဖြစ်သွားကြပြီကို ၎င်းတို့ တွေ့ရှိကြသည်။ ၎င်းတို့သည် အစပိုင်းတွင် ဤနည်းဖြင့် ယုံကြည်ရန် စီစဉ်ထားခြင်းမရှိပေ။ ဤသို့ဆိုလျှင် ၎င်းတို့သည် အမှုအရာများကို ကိုယ်ကာယ အသုံးချမှုဖြင့်သာ လုပ်ဆောင်သည့်သူများ အဘယ်သို့ ဖြစ်လာကြသနည်း။ “အမှုအရာများအား ကိုယ်ကာယ အသုံးချမှုဖြင့် လုပ်ဆောင်ခြင်း” ၏ ညွှန်းဆိုသည့် အဓိပ္ပာယ်မှာ အဘယ်နည်း။ အစေခံခြင်း၊ အသုံးချပစ္စည်းတစ်ခုဖြစ်ခြင်းကို ဆိုလိုသည်။ သင်တို့သည် အဘယ်ကြောင့် အစေခံသောသူများ ဖြစ်လာကြသနည်း။ သင်သည် ဤနည်းဖြင့် အစေခံရန် ဆန္ဒရှိသလော။ သင် စတင်ယုံကြည်စဉ်အခါက အစေခံခြင်းအမှုကို လုပ်ဆောင်ရန် မစီစဉ်ခဲ့ပေ။ သင်၏ အစီအစဉ်သည်- “ငါ အလေးအနက် ယုံကြည်ရမည်။ သမ္မာတရားကို နားလည်ရမည်။ အဆုံးတွင် ကောင်းကင်ဘုံသို့ ငါ တက်ရမည်။ အနည်းဆုံးအနေဖြင့် ငါ မသေရ။” ဟူ၍ ဖြစ်သည်။ ပြီးလျှင် အချိန်ခဏကြာ ယုံကြည်ပြီးနောက်တွင် သင်က “ငါ ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်ရမည်။ ထို့အပြင် ဘုရားသခင်ကို နာခံရမည်။” ဟူ၍ တွေးတောသည်။ သို့သော် သင်သည် ကိုယ်တိုင်မသိလိုက်ဘဲ အားထုတ်ကြိုးပမ်းသောသူ အဘယ်သို့ ဖြစ်သွားသနည်း။ အကြောင်းမှာ ဘုရားသခင်မှ သင့်အတွက် စီစဉ်ပေးသည့် ပတ်ဝန်းကျင်တွင် သို့မဟုတ် သင့်တာဝန်ကို ထမ်းဆောင်နေသည့် အချိန်ကာလအတွင်းတွင် သမ္မာတရားအတွင်းသို့ သင် မည်သည့်အခါမျှ မဝင်ရောက်နိုင်သောကြောင့် ဖြစ်သည်။ ပြီးလျှင် သင်သည် သင်၏ တာဝန်ကို ထမ်းဆောင်ခြင်းအား အစားထိုးသည့်အနေဖြင့် သင်၏ ကိုယ်ကာယ အသုံးချခြင်းကိုသာ အစဉ်အမြဲ အသုံးပြုနေသည်။ ဤသည်ကား အကြောင်းရင်းပင်ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့လုပ်ဆောင်ခြင်း ဆိုသည်မှာ အဘယ်နည်း။” မှ

လူက အခြားသူများကို တိုင်းတာသည့်အခါ၊ ၎င်းတို့၏ ပံ့ပိုးမှုများနှင့်အညီ ထိုသို့ လုပ်ဆောင်လေသည်။ ဘုရားသခင်က လူကို အကဲဖြတ်သည့်အခါ၊ လူသား၏ သဘာဝနှင့်အညီ ထိုသို့ လုပ်ဆောင်ပေသည်။ အသက်ကို ဖွေရှာသော သူများအလယ်တွင်၊ ပေါလုသည် မိမိ၏ ကိုယ်ပိုင် အနှစ်သာရကို မသိသောသူတစ်ဦး ဖြစ်သည်။ သူသည် လုံးဝ မနှိမ့်ချခဲ့ သို့မဟုတ် မနာခံခဲ့သကဲ့သို့၊ ဘုရားသခင်နှင့် ဆန့်ကျင်ဘက်ဖြစ်သည့် သူ၏ အနှစ်သာရကိုလည်း မသိခဲ့ချေ။ ထို့ကြောင့် သူသည် အသေးစိတ်ကျသော အတွေ့အကြုံများကို မကြုံခဲ့ရသောသူဖြစ်ပြီး၊ သမ္မာတရားကို လက်တွေ့မလုပ်ဆောင်ခဲ့သော သူတစ်ဦးလည်း ဖြစ်ခဲ့သည်။ ပေတရုမှာမူ ကွဲပြားခြားနားခဲ့၏။ သူသည် သူ၏ မပြည့်စုံမှုများ၊ အားနည်းချက်များနှင့် ဘုရားသခင်၏ ဖန်ဆင်းခံ သတ္တဝါ တစ်ဦးအနေနှင့် သူ၏ ဖောက်ပြန်ပျက်စီးနေသော စိတ်သဘောထားကို သိခဲ့သည်၊ ထို့ကြောင့် သူ၏ စိတ်သဘောထားကို ပြောင်းလဲရန် လက်တွေ့လုပ်ဆောင်ခြင်း လမ်းကြောင်းတစ်ခု သူ ရှိခဲ့သည်။ သူသည် အယူဝါဒသာ ရှိသော်လည်း၊ လက်တွေ့အရှိတရား မပိုင်ဆိုင်သော သူများထဲမှ တစ်ဦး မဟုတ်ခဲ့ချေ။ ပြောင်းလဲသော သူတို့သည် ကယ်တင်ခြင်းခံရပြီးဖြစ်သည့် လူသစ်များ ဖြစ်ကြသည်၊ ၎င်းတို့သည် သမ္မာတရားအား လိုက်စားခြင်း၌ အရည်အချင်း ပြည့်မီကြသူများ ဖြစ်ကြသည်။ မပြောင်းလဲသော လူတို့သည် အလိုအလျောက် ခေတ်နောက်ကျသွားသော သူများနှင့် သက်ဆိုင်သည်။ ၎င်းတို့သည် ကယ်တင်ခြင်း မခံရသေးသော သူများ ဖြစ်ကြသည်၊ ဆိုလိုသည်မှာ ဘုရားသခင်၏ စက်ဆုပ်ရွံရှာခြင်းနှင့် ငြင်းပယ်ခြင်းခံရသော သူများ ဖြစ်ကြပေသည်။ ၎င်းတို့၏ အလုပ်သည် မည်မျှကြီးမြတ်သည် ဖြစ်ပါစေ၊ ဘုရားသခင်၏ အောက်မေ့ခြင်းကို ခံရလိမ့်မည် မဟုတ်။ ဤအရာကို သင်၏ ကိုယ်ပိုင် လိုက်စားခြင်းနှင့် နှိုင်းယှဉ်သောအခါတွင်၊ နောက်ဆုံးတွင် သင်သည် ပေတရု သို့မဟုတ် ပေါလုကဲ့သို့သော ပုဂ္ဂိုလ်မျိုး ဖြစ်သည်၊ မဖြစ်သည်မှာ ပကတိရှင်းနေပြီးသား ဖြစ်သင့်သည်။ သင်ဖွေရှာသော အရာတွင် သမ္မာတရား မရှိသေးပါက၊ ပြီးလျှင် ယနေ့တွင်ပင်လျှင် သင်သည် ပေါလုကဲ့သို့ မာနထောင်လွှားပြီး ပမာမခန့် ဖြစ်နေဆဲဖြစ်ကာ၊ သူကဲ့သို့ ရွှန်းရွှန်းဝေအောင် ပြောတတ်ပြီး ဝါကြွားဆဲဖြစ်ပါက၊ သင်သည် ရှုံးနိမ့်သည့် အကျင့်ဆုတ်ယုတ်သူ တစ်ယောက် ဖြစ်သည်မှာ ယုံမှားဖွယ်မရှိပေ။ သင်သည် ပေတရုကဲ့သို့ ကြိုးစားပါက၊ သင်သည် လက်တွေ့လုပ်ဆောင်မှုများနှင့် စစ်မှန်သည့် ပြောင်းလဲခြင်းများကို ရှာဖွေပြီး၊ မာနမထောင်လွှားဘဲ သို့မဟုတ် တစ်ဇွတ်ထိုး မလုပ်ဘဲ၊ သင်၏ တာဝန်ကို ထမ်းဆောင်ရန် ကြိုးစားပါက၊ သင်သည် အောင်နိုင်ခြင်းကို စွမ်းဆောင်ရရှိနိုင်သည့် ဘုရားသခင်၏ ဖန်ဆင်းခံ သတ္တဝါတစ်ဦး ဖြစ်ပေလိမ့်မည်။ ပေါလုသည် မိမိကိုယ်တိုင်၏ မနာခံခြင်းကို သိရန် မဆိုထားနှင့်၊ မိမိ ကိုယ်တိုင်၏ အနှစ်သာရ သို့မဟုတ် ဖောက်ပြန်ပျက်စီးခြင်းကို မသိခဲ့ချေ။ သူသည် ခရစ်တော်နှင့် သက်ဆိုင်သည့် သူ၏ စက်ဆုပ်ဖွယ် အာခံမှုကို မဖော်ပြခဲ့သကဲ့သို့၊ သူသည် လွန်ကဲစွာ နောင်တရခြင်းလည်း မရှိခဲ့ပေ။ အကျဉ်းရုံး ရှင်းပြချက်တစ်ခုကိုသာ သူပေးခဲ့ပြီး၊ သူ၏ စိတ်နှလုံးသားထဲတွင် ဘုရားသခင်ကို လုံးဝ ကျိုးနွံနာခံခြင်း မရှိခဲ့ပေ။ သူသည် ဒမာသက်မြို့သို့ သွားရာလမ်းတွင် လဲကျခဲ့သော်လည်း၊ သူသည် မိမိ၏စိတ်တွင်း ကို မဆန်းစစ်ခဲ့ချေ။ သူသည် အလုပ်လုပ်မြဲ လုပ်နေရရုံမျှနှင့် ရောင့်ရဲခဲ့ပြီး၊ မိမိကိုယ်ကိုယ် သိခြင်းနှင့် သူ၏ စိတ်သဘောထားဟောင်းအား ပြောင်းလဲခြင်းတို့ကို အရေးပါဆုံးသော ကိစ္စရပ်များအဖြစ် သူ မမှတ်ယူခဲ့ချေ။ သမ္မာတရားအား ပြောဆိုခြင်းမျှဖြင့်၊ သူ၏ ကိုယ်ပိုင် ဩတ္တပ္ပစိတ်အတွက် အခြားသူများကို ကျွန်တစ်ဦးသဖွယ် ထောက်ပံ့ပေးခြင်းမျှဖြင့်၊ သူ့ကိုယ်သူ ဖြေသိမ့်ရန်နှင့် အတိတ်မှ သူ၏ အပြစ်များကို မိမိဘာသာ ဖြေလွှတ်ရန် ခရစ်တော်၏ နောက်လိုက်များအား နှိပ်စက်ညှဉ်းပန်းမှု မပြုတော့ခြင်းမျှဖြင့် သူသည် ကျေနပ်နေခဲ့သည်။ သူ လိုက်စားခဲ့သော ပန်းတိုင်သည် အနာဂတ် သရဖူနှင့် အချိန်ပိုင်းမျှသာခံသော အလုပ်ထက် ဘာမျှမပိုပေ၊ သူ လိုက်စားခဲ့သော ပန်းတိုင်သည် ကြွယ်ဝသော ကျေးဇူးတော် ဖြစ်သည်။ သူသည် လုံလောက်သော သမ္မာတရားကို မဖွေရှာခဲ့သကဲ့သို့၊ ယခင်က သူနားမလည်ခဲ့သော သမ္မာတရားထဲသို့လည်း သာ၍ နက်ရှိုင်းစွာ တိုးတက်ရန် မကြိုးစားခဲ့ချေ။ ထို့ကြောင့် မိမိကိုယ်တိုင်နှင့် ပတ်သက်သည့် သူ၏ အသိပညာသည် မှားယွင်းသည်ဟု ပြော၍ရပြီး၊ သူသည် ပြစ်တင်ဆုံးမခြင်း သို့မဟုတ် တရားစီရင်ခြင်းကို လက်မခံခဲ့ချေ။ သူ အလုပ်လုပ်နိုင်ခဲ့သည်မှာ သူသည် မိမိကိုယ်တိုင်၏ သဘာဝ သို့မဟုတ် အနှစ်သာရနှင့် ပတ်သက်၍ အသိပညာကို ပိုင်ဆိုင်ထားသည်ဟု မဆိုလိုပေ။ သူ၏ အာရုံစိုက်မှုမှာ အပြင်ပန်း လက်တွေ့လုပ်ဆောင်မှုများသာ ဖြစ်ခဲ့သည်။ ထို့အပြင် သူကြိုးပမ်းခဲ့သည့်အရာမှာ ပြောင်းလဲမှု မဟုတ်ဘဲ အသိပညာ ဖြစ်ခဲ့သည်။ သူ၏ အလုပ်သည် ဒမာသက်သို့ သွားရာလမ်းပေါ်တွင် ယေရှု၏ ပေါ်ထွန်းခြင်း ရလဒ် လုံးလုံးဖြစ်ခဲ့သည်။ ယင်းမှာ သူသည် မူလက လုပ်ဆောင်ရန် စိတ်ဆုံးဖြတ်ခဲ့သည့်အရာ မဟုတ်သကဲ့သို့၊ ယင်းမှာ သူ၏ စိတ်သဘောထားဟောင်းကို ပြုပြင်ခြင်းအား လက်ခံပြီးသည့်နောက်ပိုင်းတွင် ဖြစ်ပွားခဲ့သော အလုပ်လည်း မဟုတ်ခဲ့ချေ။ သူသည် မည်သို့ အလုပ်လုပ်ခဲ့သည် ဖြစ်စေ၊ သူ၏ ဟောင်းသော စိတ်သဘောထားသည် မပြောင်းလဲခဲ့ချေ၊ ထို့ကြောင့် သူ၏ အလုပ်သည် သူ၏အတိတ်က အပြစ်များကို မဖြေလွှတ်ခဲ့ဘဲ၊ ထိုအချိန်က အသင်းတော်များအလယ် အချို့သော အခန်းကဏ္ဍ၌ လုပ်ဆောင်ခဲ့ရုံမျှ ဖြစ်ခဲ့သည်။ ဤကဲ့သို့သော မိမိ၏ စိတ်သဘောထားဟောင်းကို ပြောင်းလဲခြင်း မရှိသည့် လူတစ်ယောက်အနေနှင့် ဆိုလိုသည်မှာ၊ ကယ်တင်ခြင်းအား မရရှိခဲ့သကဲ့သို့ သာ၍ပင် သမ္မာတရား မရှိသောသူတစ်ဦးအနေဖြင့် သူသည် သခင်ယေရှုက လက်ခံသော သူများထဲမှ တစ်ဦး ဖြစ်လာနိုင်စွမ်း လုံးဝ မရှိခဲ့ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အောင်မြင်မှု သို့မဟုတ် ရှုံးနိမ့်မှုသည် လူလျှောက်သော လမ်းကြောင်းအပေါ်တွင် မူတည်သည်” မှ

အရှေ့သို့- ၁) ဘုရားသခင်၏ လူတို့ဆိုသည်မှာ အဘယ်အရာဖြစ်ပြီး အစေခံသူများဆိုသည်မှာ အဘယ်နည်း

နောက်တစ်ခုသို့- ၃) ဘုရားသခင်၏လူများ ဖြစ်လာဖို့ အစေခံသူများ ဖြည့်ဆည်းရမည့် သတ်မှတ်ချက်များမှာ အဘယ်နည်း

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

၁) ပညာသတိရှိသော သတို့သမီးများနှင့် မိုက်မဲသော သတို့သမီးများမှာ အဘယ်နည်း

ကိုးကားရန် သမ္မာကျမ်းပိုဒ်များ- “ထိုအခါ ကောင်းကင်နိုင်ငံတော်သည်ကား၊ မင်္ဂလာဆောင်လုလင်ကို ခရီးဦးကြိုပြုအံ့သောငှါ မီးခွက်ကို ကိုင်ယူ၍...

၃) ဘုရားသခင်သည် နောက်ဆုံးသောကာလတွင် သူ၏တရားစီရင်ခြင်း အမှုတော်ကို လုပ်ဆောင်ရန် လူသားကို အသုံးမပြုဘဲ၊ လူ့ဇာတိခံယူပြီး ကိုယ်တော်တိုင် လုပ်ဆောင်ရသည့်အကြောင်းအရင်း

ဆက်စပ်သော ဘုရားသခင်၏ နှုတ်ကပတ်တော်များ-တရားစီရင်ခြင်းအမှုသည် ဘုရားသခင်ကိုယ်တိုင်၏အမှု ဖြစ်၏။ ထို့ကြောင့် ယင်းအား ဘုရားသခင်ကိုယ်တော်တိုင်...

၁) သခင်ယေရှုသည် ဖာရိရှဲများကို အဘယ်ကြောင့် ကျိန်ဆဲခဲ့သနည်း။ ဖာရိရှဲများ၏ အနှစ်သာရမှာ အဘယ်နည်း။

ကိုးကားရန် သမ္မာကျမ်းပိုဒ်များ-“ထိုအခါ ယေရုရှလင်မြို့သားဖာရိရှဲတို့နှင့် ကျမ်းပြုဆရာတို့သည် ချဉ်းကပ်ပြီးလျှင်၊ ရှေးဟောင်းတို့မှဆက်ခံသော...

၄) ဘာသာရေးလောက၏ ဖာရိရှဲများနှင့် အန္တိခရစ်တို့၏ လှည့်ဖြားခြင်းနှင့် ထိန်းချုပ်မှုတို့ကို ခံစားရသူတစ်ဦး၏ အကျိုးဆက်များနှင့် ၎င်းတို့သည် ဘုရားသခင်၏ ကယ်တင်ခံရနိုင်ခြင်း ရှိမရှိ

ဆက်စပ်သော ဘုရားသခင်၏ နှုတ်ကပတ်တော်များ-ကယ်တင်ခြင်းရရှိဖို့အလို့ငှာ လူတစ်ဦးပြည့်မီရမည့် သတ်မှတ်ချက်များမှာ အဘယ်နည်း။ ပထမဦးစွာ၊ ၎င်းတို့သည်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကိုကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်