စစ်မှန်သည့် ပျော်ရွှင်မှုကို ကျွန်မ ရှာတွေ့ပြီ

28.11.2019

ကျန်းဟွာ၊ ကမ္ဘောဒီးယားနိုင်ငံ

စစ်မှန်သည့် ပျော်ရွှင်မှုကို ကျွန်မ ရှာတွေ့ပြီ

ကျွန်မက သာမာန် လယ်သမားမိသားစု တစ်စုထဲတွင် မွေးဖွားလာခဲ့သည်။ ကျွန်မတို့ မချမ်းသာသော်လည်း၊ ကျွန်မ အဖေနှင့် အမေတို့က အချင်းချင်း ချစ်ပြီး၊ ကျွန်မကို အလွန်ကောင်းမွန်စွာ ဆက်ဆံကြသည်- ကျွန်မတို့က ကျွန်မတို့ မိသားစု အသက်တာတွင် ပျော်ရွှင်ပြီး၊ ကောင်းကြီးမင်္ဂလာ ခံစားရသည်ဟု သင်သေချာပေါက် ပြောနိုင်ပါသည်။ ကျွန်မ ကြီးပြင်းလာပြီးနောက်၊ ကျွန်မက မိမိကိုယ်ကို ပြောခဲ့သည်။ ကျွန်မကို ကောင်းကောင်းမွန်မွန် ဆက်ဆံသည့် ခင်ပွန်းတစ်ယောက် ရှာဖွေရမည်၊ ထို့နောက် အတိသုခပြည့်ဝပြီး ပျော်ရွှင်သော မိသားစု တစ်စု တည်ထောင်ရမည်။ ဤသည်မှာ အရေးအကြီးဆုံး အရာ ဖြစ်သည်။ ကျွန်မ ဓနဥစ္စာများကို မရှာဖွေပါ- ကျွန်မ လိုအပ်သည့် အရာမှာ ကျွန်မ ခင်ပွန်းနှင့် ချစ်ခင်သော ပေါင်းသင်းဆက်ဆံရေး တစ်ခု နှင့် ငြိမ်းချမ်းသော မိသားစု အသက်တာတစ်ခု တို့သာ ဖြစ်ပါသည်။

ကျွန်မခင်ပွန်းကို အပြန်အလှန် အသိများမှတစ်ဆင့် ကျွန်မ ဆုံတွေ့ခဲ့သည်။ သူက တော်တော် အရပ်ပုသောကြောင့်၊ အစပိုင်းတွင် သူ့ကို ကျွန်မ မကြိုက် သော်လည်း၊ ကျွန်မ အဖေနှင့် အမေတို့က သူ့နှင့် ပတ်သက်ပြီး ကောင်းမွန်သည့် ထင်မြင်ချက် ရှိကြသည်။ သူ့မှာ ကြင်နာ တတ်သော နှလုံးသားတစ်ခု ရှိပြီး၊ ကျွန်မကို ကောင်းစွာ ဆက်ဆံလိမ့် မည်ဟု သူတို့က ပြောကြသည်။ သူက လူများကို ရိုးသားစွာ ဆက်ဆံ သည်ကို ကျွန်မ မြင်ရပြီး၊ သူက သူ့မိသားစုကို ကောင်းမွန်စွာ ဆက်ဆံမည့်သူတစ်ယောက် အသွင်ပေါက်သည်။ ကျွန်မက “သူနည်းနည်းပုလည်း ရပါတယ်။ သူငါ့ကို ကောင်းကောင်း မွန်မွန် ဆက်ဆံသရွေ့၊ အဆင်ပြေပါတယ်။” ဟု တွေးမိသည်။ ထို့ကြောင့် ကျွန်မ မင်္ဂလာဆောင်ခြင်းအတွက် သဘောတူခဲ့ပြီး၊ ၁၉၈၉ ခုနှစ်တွင် ကျွန်မတို့ လက်ထပ်ခဲ့သည်။ ကျွန်မတို့ လက်ထပ်ပြီးနောက်၊ ကျွန်မခင်ပွန်းက ကျွန်မကို နူးညံ့စွာ ဆက်ဆံပြီး၊ ကောင်းစွာ ဂရုစိုက်ခဲ့သည်။ ကျွန်မ ကလည်း သူ့ကို စောင့်ရှောက်ခြင်းတွင် စိတ်ရောလူပါ လုံးလုံးနှစ်မြုပ် ထားပြီး၊ သူ့ကို ကျွန်မ စိတ်ထဲ ထိပ်ဆုံးတွင် အမြဲထားခဲ့သည်။ ကျွန်မတို့ သမီးလေးနှစ်ယောက် မွေးလာပြီးနောက်၊ သူက မည်သည့်အရာမျှ စိုးရိမ်နေဖို့ မလိုဘဲ အလုပ်သွားနိုင်ဖို့ ကျွန်မက အိမ်မှာနေပြီး၊ အိမ်ထောင်မှုကိစ္စကို တာဝန်ယူဆောင်ရွက်ခဲ့သည်။ နောက်ပိုင်းတွင် ကျွန်မတို့ ကလေးနှစ်ယောက် ကျောင်းတက်ဖို့ မြို့မှထွက်ခွာ ခဲ့ရ သောကြောင့်၊ သူတို့ စာသင်နေစဉ် သူတို့နှင့် ရှိနေပေးဖို့အတွက် အနီးအနားတွင် နေရာတစ်ခု ငှားရမ်းခဲ့သည်။ ကျွန်မက တစ်စုံတစ်ခုကို တာဝန်ယူဆောင်ရွက် နိုင်သမျှ ကာလပတ်လုံး၊ မိသားစုအရေးနှင့် ပတ်သက်ပြီး ကြီးသည်ဖြစ်စေ၊ သေးသည်ဖြစ်စေ ကျွန်မ ခင်ပွန်းကို မည်သည့်အခါမျှ ပြဿနာမပေးခဲ့ပါ။ တစ်ခါတစ်ရံ အရေးကိစ္စများက ခက်ခဲသည် သို့မဟုတ် ပင်ပန်းသည်၊ သို့သော် ခင်ပွန်းနှင့် ဇနီးအဖြစ် ကျွန်မတို့ ပေါင်းသင်းဆက်ဆံရေးက အပြန်အလှန် ချစ်ခြင်း၊ စောင့်ရှောက်ခြင်းနှင့် ထောက်ထားညှာတာခြင်းတို့ဖြင့် ပြည့်နေပြီး၊ ကျွန်မတို့ ငြိမ်းချမ်းသော ဘဝတစ်ခုတွင် အသက်ရှင်လေသည်။ ကျွန်မမှာ တကယ့်ကို ပျော်ရွှင်သော ဘဝတစ်ခု ရှိသည်ဟု ကျွန်မ ခံစားခဲ့ရသည်။

ထိုအချိန်က ကျွန်မ ခင်ပွန်းရသည့် ငွေက ကျွန်မတို့ နေ့စဉ် ကုန်ကျစရိတ် များကို ကာမိဖို့ လုံလောက်ခဲ့သည်။ ကျွန်မတို့ ဘဝများက အနည်းငယ် ခက်ခဲသော်လည်း၊ သူ့ကို ကျွန်မ တစ်ခါမျှ မညည်းညူခဲ့ပါ။ ခင်ပွန်းတစ်ယောက် နှင့် ဇနီးတစ်ယောက်တို့သည် ဘဝ၏ ဝမ်းမြောက် ခြင်းများနှင့် ဝမ်းနည်းခြင်း များကိုလည်း မျှဝေခံစားသင့်သည်ဟု ကျွန်မ ခံစားခဲ့ရသည်။ သို့သော် နောက်ပိုင်းတွင် ကျွန်မ ခင်ပွန်း အလုပ်နေရာမှ ဘဏ္ဍာရေး အခြေအနေ ယိုယွင်း လာခဲ့သည်။ ထိုသို့ယိုယွင်းသည်မှာ သူက လစဉ် သူရနေကျ၏ တစ်ဝက်သာ အိမ်သို့ ယူလာနိုင်ပြီး၊ ကျွန်မတို့၏ ကလေးများ ကောလိပ်ကျောင်းလခအတွက် ပေးဖို့ ကျွန်မတို့ အခက်ကြုံလာသည်အထိပင် ဖြစ်ပါသည်။ ကျွန်မ ခင်ပွန်း ဝန်ပိနေသည့် ဖိစီးမှုကို ကျွန်မ ကူညီပြီး ဝေမျှခံစားပေးဖို့ ကြိုးစား အားထုတ် ရာတွင်၊ ကျွန်မ ဆွေမျိုးများထံမှ ငွေများကို မကြာခဏ စတင်ချေးငှားခဲ့ရသည်။ ကျွန်မက “ဒီအခက်အခဲတွေက ခဏပါပဲ။ အချိန်ကြာလာတာနဲ့အမျှ ကိစ္စတွေက ပိုကောင်းလာမှာပါ။” ဟု တွေးမိ သည်။ ကျွန်မတို့ အချိန် အလွန်ကြာမြင့်စွာ ငွေချေးငှားခြင်းဖြင့် အဆုံးသတ်ရသည့်အတွက်၊ ကျွန်မတို့ အကြွေးများက တိုးသထက် တိုးလာပြီး၊ ကျွန်မတို့နှစ်ယောက်လုံး အလွန်စိတ်ဖိစီးလာခဲ့သည်။ ၂၀၁၃ ခုနှစ်တွင် ကျွန်မ ခင်ပွန်းက ငွေရှာဖို့ နိုင်ငံရပ်ခြားသွားရန် အကြံဉာဏ် ရခဲ့သည်။ သူက ကျွန်မကို ပြောသည့်အချိန်တွင်၊ သူသွားသည်ကို ကျွန်မက မြင်ဖို့ အင်တင်တင်ဖြစ်နေသော်လည်း၊ ကျွန်မက “သူက နိုင်ငံခြားကို နှစ်နှစ် သုံးနှစ် လောက်သွားပြီး ငွေရှာလိုက်ရင်၊ ငါတို့ အကြွေးတွေ ငါတို့ ပြန်ဆပ်နိုင်မှာပဲ၊ ပြီးတော့ ငါတို့ မိသားစု အခြေအနေလည်း တိုးတက်လာလိမ့်မယ်။ အဲဒီအပြင် ငါတို့ကလေးတွေက ကြီးပြင်းလာပြီး၊ သူတို့ကိုလည်း ကောင်းတဲ့ ဘဝတစ်ခု ငါတို့ ပေးချင်တယ်။” ဟု တွေးမိသည်။ ကျွန်မတို့ မိသားစု အတွက် သူနိုင်ငံရပ်ခြားသို့ အလုပ်လုပ်ဖို့ သွားခြင်းကို ကျွန်မ သဘောတူခဲ့သည်။

ကျွန်မခင်ပွန်း ကမ္ဘောဒီးယားနိုင်ငံသို့ သွားပြီး၊ ထိုနိုင်ငံတွင် သုံးနှစ်နေထိုင် ခဲ့သည်၊ ထိုအချိန်အတွင်း ကျွန်မက အိမ်တွင်နေကာ၊ ကလေးများနှင့် ကျွန်မတို့၏ အသက်ကြီးရွယ်အို မိဘနှစ်ပါးတို့ကို တာဝန်ယူစောင့်ရှောက်ခဲ့သည်။ ပထမတွင် ကျွန်မခင်ပွန်းက အိမ်ကို မကြာခဏ ဖုန်းခေါ်ပြီး၊ မိသားစုအတွက် သူဂရုစိုက် ကြောင်း ပြခဲ့သည်။ သူက အိမ်သို့ ငွေလည်း ပို့ပေးသည်။ သို့သော်လည်း အချိန်ကြာ လာသည်နှင့် အမျှ သူက ဖုန်းခေါ်ဆိုမှု စတင် နည်းသထက် နည်းလာပြီး၊ အဆုံးသတ်တွင် ကိစ္စများ အလွန် ဆိုးရွားလာသည်မှာ သူက ဖုန်းမခေါ်တော့သလို၊ ငွေလည်းတစ်ပြား မှ မပို့ခဲ့သည်မှာ ကြာခဲ့ပြီ ဖြစ်သည်။ သူ့ကို ဆိုးရွားသည့်အရာ တစ်စုံတစ်ခုဖြစ်မည်ကို ကျွန်မ စိတ်ပူသောကြောင့်၊ ကျွန်မနှင့်အတူ သမီးနှစ်ယောက်ကိုပါ ခေါ်ပြီး၊ သူ့ကို သွားတွေ့ခဲ့သည်။ ကမ္ဘောဒီးယားနိုင်ငံသို့ ကျွန်မတို့ ရောက်သော အချိန်တွင်၊ ကျွန်မ ခင်ပွန်းက အန္တရာယ်ကင်းပြီးကျန်းမာလျက် ရှိသည်ကို မြင်ရသည်၊ ကျွန်မ အလွန် စိတ်သက်သာရာရခဲ့သည်။ ကမ္ဘောဒီးယားနိုင်ငံသို့ ကျွန်မတို့၏ ပထမဆုံး ခရီးဖြစ်သောကြောင့်၊ ကျွန်မ ခင်ပွန်းနှင့် ကျွန်မတို့ သုံးယောက် ခဏတာ ထိုနေရာတွင် နေထိုင်ကြပြီးနောက်၊ တရုတ်ပြည်သို့ ပြန်သွားဖို့ ကျွန်မ စီစဉ်ထား ခဲ့သည်။ သို့သော် ကျွန်မခင်ပွန်းနှင့် အိမ်မှထွက်ခွာတိုင်း၊ သူ့ကို သိသည့်လူများက ကျွန်မကို ထူးခြားသောအကြည့်များဖြင့် ကြည့်သည် ကို ကျွန်မ တွေ့ရသည်။ ကျွန်မတို့ တူညီသော ဘာသာစကား မပြောသည့်အတွက်၊ သူတို့က ထိုသို့ ကြည့်ခြင်းအားဖြင့် မည်သည့် အရာကို ဆိုလိုသည်ကို ကျွန်မ မသိခဲ့ပါ။ သီတင်း တစ်ပတ် ကြာပြီး နောက်၊ သတိပေးချက်တစ်ခုမျှ မရှိဘဲ၊ ကျွန်မ ယောက်ျား သူစိမ်း ကလေးတစ်ယောက်ကို သူ့လက်ထဲတွင် ချီကာ ကျွန်မကို လာတွေ့ ခဲ့သည်။ သူက ကလေးငယ်ကို “သွားလေ၊ အန်တီကို နှုတ်ဆက်လိုက်။” ဟု ပြောလိုက်သည်။ ထိုအချိန်က မည်သည့်အရာ ဖြစ်နေမှန်း ကျွန်မ မသိသော ကြောင့်၊ သူ့ကို ကျွန်မ ငေးကြောင်စွာသာ စိုက်ကြည့် နေခဲ့သည်။ ကျွန်မခင်ပွန်း ကို မေးသည့်အချိန်တွင်၊ ဤသည်မှာ ကမ္ဘောဒီးယားနိုင်ငံတွင် သူ အခြားမိန်းမ တစ်ဦးဖြင့် ရခဲ့သည့် ကလေး တစ်ယောက်ဖြစ်ကြောင်း ကျွန်မ စုံစမ်း သိရှိခဲ့ရ သည်။ ကျွန်မ အလွန် ဒေါသထွက်သည်မှာ စကားတစ်လုံးပင် မပြောနိုင် ပါ။ ကျွန်မက လုံးလုံး မည်သည့်အရာကို ပြောရမည်မှန်းမသိခဲ့ဘဲ အရူး တစ်ယောက် ကဲ့သို့ ခံစားရသည်။ ကျွန်မက သူ့ကို ဆူပူဖို့ ကြိုးစားချိန်တွင် သူက “ဒါက လုံးလုံး ပုံမှန်ပဲလေ။ ဒီမှာ လူတွေအများကြီး ဒါမျိုးကို လုပ်ကြတယ်။” ဟု တည်ငြိမ်စွာ ပြောခဲ့သည်။ သူဤအရာကို ပြောသည်ကို ကြားရခြင်းက ကျွန်မကို အလွန်ဒေါသ ထွက်စေသည်မှာ ကျွန်မ တစ်ကိုယ်လုံး တုန်နေသည်။ ကျွန်မကို နှစ်ပေါင်းများစွာ ချစ်ခဲ့သည့် ကျွန်မ ခင်ပွန်းက အလွန်အေးစက်ပြီး၊ အလွန် အကြင်နာမဲ့သော အရာတစ်ခုကို ပြောနိုင် ပြီး၊ အလွန် အရှက်မရှိသော အလုပ်ကို လုပ်နိုင်သည်ကို ကျွန်မ တစ်ခါမျှ မတွေးဖူးခဲ့ပါ။ ကျွန်မ ဒေါသတွင်၊ သူ့ကို အချက်ရေအနည်းငယ် ပြင်းပြင်းထန်ထန် ပါးရိုက်လိုက်သည်။ သူ့သစ္စာဖောက်မှု က ကျွန်မ အတွက် ရုတ်တရက် မမျှော်လင့်ထားသည့် အရာဖြစ်သည်။ ကျွန်မက ဤဖြစ်ရပ်ကို တကယ့်ကို လက်မခံနိုင်ခဲ့ပါ။ ကျွန်မ လုံးလုံး မလှုပ် မယှက်ချင်ဖြစ်လာသည်။ ကျွန်မ ကြမ်းပြင်ပေါ်တွင်သာ ထိုင်ချ လိုက်ပြီး၊ ခါးသီးစွာ ငိုကြွေးလေသည်။ ကျွန်မက မိမိကိုယ်ကို “သူက ဘာဖြစ်လို့ ငါ့ကို ဒါမျိုး လုပ်ရတာလဲ။ ငါသိဖူးခဲ့တဲ့ ယောက်ျား ဘယ်ရောက်သွားပြီလဲ။ သူ့က ထာဝရ ချစ်ခြင်းမေတ္တာနဲ့ ပတ်သက် ပြီး သူ့ ကတိကို ပေးခဲ့တယ်။ အဲဒါဟာ၊ ပြီးတော့ သူ့နူးညံ့မှုတွေနဲ့ ဂရုစိုက်မှုတွေ အားလုံးဟာ အတုအယောင်တွေလား။ ဒီမိသားစု အတွက် ငါ့စိတ်ရောလူရော ပေးခဲ့ပြီးပြီ။ သူ့ကို ငါ ပိုက်ဆံ၊ ပစ္စည်းကောင်းတွေ အတွက် တစ်ခါမှ မတောင်းခဲ့ ဘူး။ ဒါပေမဲ့ အခုတော့...” ဟု အကြိမ်ကြိမ် မေးမြန်းခဲ့သည်။ ကျွန်မက အလွန့် အလွန် အရှက်ကွဲပြီး၊ စိတ်ထဲ နက်နက် ရှိုင်းရှိုင်းတွင် နာကျင်ပြီး မတရား လုပ်ခံရသည်ဟု ခံစားခဲ့ရသည်။ ကျွန်မ အသက်ဆက်ရှင်ဖို့ မဖြစ်နိုင်တော့ဟု ခံစားခဲ့ရပါသည်။

နောက်နေ့တွင် ကျွန်မမျက်နှာက မျက်ရည်များဖြင့် အမြဲစိုရွှဲနေ သည်။ ကျွန်မက ထိုအမျိုးသမီးနှင့် ထိုကလေးကို စက်ဆုပ်ရွံရှာသည်။ ကျွန်မ ကွာရှင်း ပြတ်စဲလိုသည်၊ ပြီးလျှင် ကျွန်မသမီးများကို တရုတ်ပြည်သို့ ပြန်ခေါ်သွားဖို့ အဆင်သင့်ပြင်ပြီးနောက်၊ ဤမိသားစုဟု ဆိုသည့် အရာမှ ထွက်ခွာချင်သည်ဟု ကျွန်မ ခင်ပွန်းကို ပြောခဲ့သည်။ သို့သော် အံ့အားသင့်စွာပင်၊ ကျွန်မခင်ပွန်းက ကွာရှင်းဖို့ သဘောမတူရုံသာမက၊ ထိုအမျိုးသမီးကိုလည်း မစွန့်ခွာလိုပါ။ နောက်ပိုင်းတွင် ကျွန်မ ခင်ပွန်းက နောက်ထပ် မိန်းမ တစ်ယောက်ယူပြီး၊ သူမနှင့် ကလေးတစ်ယောက် ရထားသည်ကို ကျွန်မ မိသားစုဝင်တစ်ချို့က သိရှိသည်မှာ အချိန်အတော် ကြာခဲ့ပြီ ဖြစ်သော်လည်း၊ ကျွန်မကို မပြောဘဲ တစ်ချိန်လုံး ထိမ်ချန်ထားကြသည်ကို ကျွန်မ သိခဲ့ရသည်။ ထို့နောက် ကျွန်မဘဝတွင် သိက္ခာတစ်ခု မကျန် လုယက်ယူငင်ခံရသည်ဟု အထူးသဖြင့် ခံစားခဲ့ရသည်။ သစ္စာဖောက်မှု နှင့် လှည့်စားမှုတို့ဖြင့် ကျွန်မ ပြန်လည်ပေးဆပ် ခံရမည်ဟု တစ်ခါမျှ စိတ်မကူးလျက် ကျွန်မမိသားစုကို စီမံခန့်ခွဲခြင်းတွင် ကျွန်မ စိတ်ရော ကိုယ်ရော ထည့်ထားခဲ့သည်။ ကျွန်မ အသဲကွဲခဲ့ ရပါသည်။ ဤပြင်းထန်သော ထိုးနှက်ချက်က အတော်အတန် နာကျင်ပြီး ဖြစ်သော်လည်း၊ ကျွန်မ အမှန်တကယ် လက်မခံနိုင်သည့် အရာမှာ ကျွန်မခင်ပွန်း ၏ အသိမိတ်ဆွေ များအားလုံးကြည့်သည့် ထူးခြားသော အကြည့်များဖြစ်သည်။ သူတို့က ကျွန်မ အကြောင်းကိုပင် အတင်း အဖျင်းပြောကြသေးသည်။ ကျွန်မကို သစ္စာဖောက် သည်မှာ ကျွန်မ ခင်ပွန်းဖြစ်ပြီး၊ ပထမတည်းက ကျွန်မမိသားစုကို ဖြိုခွဲခဲ့သူမှာ ထိုအမျိုးသမီးဖြစ်သည်၊ သို့သော် ထိုအချိန်တွင် အခြားလူများ၏ မျက်လုံးထဲ၌ ကျွန်မက အပြင်လူဖြစ်သည်။ ထိုအချိန်က ကျွန်မ ခံစားခဲ့ရ သည့် နာကျင်မှုကို ကျွန်မ တကယ့်ကို စကားလုံးဖြင့် မဖော်ပြနိုင်ပါ။ နေ့တိုင်းက တစ်နှစ်ကဲ့သို့ တစ်ရွေ့ရွေ့ကုန်ဆုံးနေပြီး၊ ကျွန်မ ၁၀ ကီလိုဂရမ်ကျော် ပိန်ကျ သွားခဲ့သည်။

မျှော်လင့်ချက်ပျက်သုဉ်းခြင်းတွင် မိမိကိုယ်ကို လုံးလုံး လက်မြှောက် အရှုံး ပေးလိုက်သည့် အချိန်တွင်ပင်၊ အနန္တတန်ခိုးရှင် ဘုရားသခင်၏ ကယ်တင်ခြင်းက ကျွန်မပေါ် ကျရောက်လာခဲ့သည်။ ကျွန်မ ဘေးအိမ်မှ အိမ်နီးချင် လင်းတင်းက ဖြစ်ပျက်သည့် အရာအကြောင်း ကြားသောကြောင့်၊ ကျွန်မဆီသို့ လာရောက်ကာ၊ ကျွန်မနှင့် ဧဝံဂေလိ ဝေမျှ ခဲ့သည်။ သူမက “ယုံကြည်မှုရှိပါ- ဘုရားသခင်က အစ်မကို ကူညီနိုင်တယ်။” ဟု ပြောခဲ့သည်။ သို့သော် ဘုရားမဲ့ပညာရေးတစ်ခုတွင် ကြီးပြင်းခဲ့သော ကျွန်မကဲ့သို့ လူတစ်ယောက်က၊ လက်ဖျောက်တီးပြီး၊ ရုတ်တရက်ကြီး ယုံကြည်မှု မရှိနိုင်ပါ။ ကျွန်မ လုံးဝ မတုံ့ပြန်ခဲ့ပါ။ နောက်ပိုင်းတွင် လင်းတင်းက ကျွန်မနှင့် စကားထပ်ပြောဖို့ လာရောက်ပြီး “ဘုရား နှုတ်ကပတ်တော် တွေကို ဖတ်ပါ။ ဘုရားသခင်ကသာ အစ်မရဲ့ ဆင်းရဲဒုက္ခကနေ အစ်မကို ကယ်တင်နိုင်တယ်...” ဟု ပြောခဲ့သည်။ သူမပြောသမျှက အလွန် ရိုးသားသည်မှာ ကျွန်မ အနည်းငယ် တို့ထိခံရပြီး၊ သူမကို ဒုတိယအကြိမ် ငြင်းပယ်ဖို့ အခက်ကြုံခဲ့သောကြောင့် ကျွန်မက နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ကို လက်ခံခဲ့သည်။ ထိုစာအုပ်ကို ကျွန်မ ဖွင့်လိုက်ပြီး၊ အောက်ပါကျမ်းပိုဒ်ကို ကျွန်မတွေ့ခဲ့သည်။ “အနန္တတန်ခိုးရှင်၏ အသက်ထောက်မခြင်းထံမှ လမ်းလွဲပြီး သောအခါ လူသားတို့သည် ဘဝရည်ရွယ်ချက်ကို မသိနားမလည်ကြ သော်လည်း မည်သို့ပင်ဆိုစေကာမူ သေခြင်းတရားကို ကြောက်ရွံ့ ကြ၏။ ၎င်းတို့၌ အကူအညီ သို့မဟုတ် စောင့်မမှုကင်းမဲ့ကြသော်လည်း မိမိတို့၏မျက်လုံးများကို မှိတ်ရန်ဝန်လေးနေကြဆဲဖြစ်၍ ဤလောကကြီးထဲ၌ ယုတ်ညံ့သောဘဝကို အချိန်ဆွဲရန် မိမိတို့ ကိုယ်ကို စိတ်တင်းထားကြ၏၊ မိမိတို့ကိုယ်တိုင်၏ စိတ်ဝိညာဉ်များ အကြောင်း မသိသည့် လူစဉ်မမီသောသူများပေတည်း။ သင်သည် မျှော်လင့်ချက်၊ ရည်မှန်းချက်ကင်းမဲ့စွာဖြင့် အခြားသူများနည်းတူ ဤပုံစံဖြင့် အသက်ရှင်၏။ ဒဏ္ဍာရီလာ သန့်ရှင်းသူတစ်ပါးတည်းသာ မိမိတို့၏ဒုက္ခဆင်းရဲအလယ်၌ ညည်းတွားလျက်နေကာ သူ၏ ကြွရောက်လာခြင်းကို အသည်းအသန် စောင့်မျှော်နေသောလူများကို ကယ်တင်လိမ့်မည်။...သင် ပင်ပန်းနွမ်းနယ်သောအခါနှင့် ဤလောကကြီး၏ စိတ်ဓာတ်ကျဖွယ် ပျက်စီးခြောက်ကပ်ခြင်း တစ်စုံတစ်ရာကို စတင်ခံစားရသောအခါ၊ လမ်းပျောက်ခြင်းမရှိစေနှင့်၊ မငိုကြွေးလေနှင့်။ စောင့်ကြည့်တော်မူသောသူ အနန္တတန်ခိုးရှင် ဘုရားသခင်သည် သင်၏ရောက်လာခြင်းကို အချိန်မရွေး လက်ခံ ပွေ့ဖက်လေမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အနန္တတန်ခိုးရှင် သက်ပြင်းချတော်မူခြင်း”) ဘုရားသခင်၏ အူလှိုက် အသည်းလှိုက်ခံစားရသော နှုတ်ကပတ်တော်များကို ကျွန်မ ဖတ်ရသည့် အချိန်တွင်၊ ကျွန်မ အသံထွက်ငိုကြွေးပြီး၊ ဘုရားသခင်သည် လူသား မျိုးနွယ်ကို အမှန်တကယ် နားလည်သဘောပေါက်သည်ဟု ခံစားခဲ့ရသည်။ ကျွန်မ ခင်ပွန်း၏ သစ္စာဖောက်မှုကြောင့် ကျွန်မ သေလိုသော်လည်း၊ ကျွန်မမှာ သတ္တိမရှိသည့် အပြင်၊ ထိုနည်းဖြင့်လည်း မသေချင်ခဲ့ပါ။ ကျွန်မက ဘဝမှာ ကျွန်မ၏ ရည်ရွယ်ချက်နှင့် ဦးတည်ချက်တို့ ပျောက်ဆုံးခဲ့ပြီး၊ စိတ်တည်ငြိမ်အောင်လုပ်ပြီး၊ သင့်တော်စွာ တွေးတောလုပ်ဆောင်ဖို့ပင် လုံးလုံး ဂရုမစိုက်တော့ သည်အထိ ဖြစ်လာခဲ့သည်။ ဘုရားနှုတ်ကပတ်တော်များကို ကျွန်မ ဖတ်ရသည့်အချိန်တွင်၊ ဘဝတွင် မျှော်လင့်ချက်ရှိသည်ဟု မြင်ရသကဲ့သို့ ဖြစ်ပြီး၊ ကျွန်မ စိတ်နှလုံးက ငြိမ်သက်မှုတစ်ချို့ကို ရှာတွေ့ခဲ့သည်။ ကျွန်မခင်ပွန်းက ကျွန်မကို သစ္စာဖောက် ခဲ့သော်လည်း၊ ကျွန်မက ဘုရားသခင်ကို အားကိုးနိုင်သည်။ ကျွန်မ တစ်ယောက် တည်းမဟုတ်ပါ။ အနန္တတန်ခိုးရှင် ဘုရားသခင်က “ဤလောကကြီး၏ စိတ်ဓာတ်ကျဖွယ် ပျက်စီးခြောက်ကပ်ခြင်း တစ်စုံတစ်ရာကို စတင်ခံစားရသောအခါ၊ လမ်းပျောက်ခြင်းမရှိစေနှင့်၊ မငိုကြွေးလေနှင့်။ စောင့်ကြည့်တော်မူသောသူ အနန္တတန်ခိုးရှင် ဘုရားသခင်သည် သင်၏ရောက်လာခြင်းကို အချိန်မရွေး လက်ခံ ပွေ့ဖက်လေမည်။” ဟု ပြောခဲ့သည်။ ကျွန်မက နာကျင်ခဲ့သော သူတစ်ယောက်၊ ကျွန်မအတွက် ဂရုစိုက်သည့်သူ တစ်ယောက်မျှ မရှိသော သူတစ်ယောက် ဖြစ်သောကြောင့် ကျွန်မက ဘုရားသခင်ကို မှီခိုဖို့ ဆန္ဒရှိလာခဲ့သည်။ ဘုရားသခင်၏ ပွေ့ဖက်မှုကို ကျွန်မ လိုအပ်သည်။ နေ့စဉ်နေ့တိုင်းက အလွန်ခက်ခဲ၊ အလွန် ခြေကုန် လက်ပန်းကျပြီး၊ ကျွန်မ ထိုကဲ့သို့ ဆက်မသွား လိုတော့ပါ။ ဘုရားသခင်က လူသားမျိုးနွယ်ကို အလွန် ကောင်းစွာ နားလည် သဘောပေါက်သည့်အတွက်၊ ကျွန်မကို ဤနာကျင်မှုမှ ဝေးရာသို့ သေချာပေါက် ဦးဆောင်လမ်းပြနိုင်သည်ဟု ကျွန်မ သဘောပေါက် ခဲ့သည်။ ထို့ကြောင့် ဘုရားနှုတ်ကပတ်တော်များကို ကျွန်မ စတင် ဖတ်ရှုပြီး၊ လင်းတင်းနှင့် ဘုရားသခင်ကို ချီးမွမ်းခြင်း ဓမ္မသီချင်းများ သီဆိုဖို့ သင်ယူခဲ့သည်။ သူမက “အစ်မ ခက်ခဲတဲ့အချိန်တွင် ကြုံတွေ့ရ တဲ့အချိန်မှာ၊ ဘုရားသခင်ကို ဆုတောင်းပြီး၊ သူ့နှုတ်ကပတ်တော်တွေကို ဖတ်ပါ။ ဘုရားသခင်က ကျွန်မတို့ရဲ့ ဒဏ်ရာရထားတဲ့ စိတ်ဝိညာဉ်တွေ ကို နှစ်သိမ့်နိုင်တယ်။” ဟု ပြောခဲ့လေသည်။ ကျွန်မက ထိုအရာကိုသာ လုပ်ဆောင်ခဲ့သည်။ အနန္တတန်ခိုးရှင် ဘုရားသခင် အသင်းတော်မှ ညီအစ်ကိုမောင်နှမများ ရိုက်ကူးထားသည့် သီချင်းဗီဒီယိုများနှင့်၊ ဓမ္မ သီချင်းများ ကျွန်မ ကြည့်သည့်အချိန်တွင် ပြည့်လျှံခဲ့သည်။ အထူးသဖြင့် “ကောင်းသောခါနာန်ပြည်၌ ဝမ်းမြောက်ပျော်ရွှင်မှု” ဆိုသည့် ဗီဒီယိုကို ကျွန်မကြည့်ချိန်တွင် ကျွန်မ၏ စိတ်နှလုံးက ညီအစ်ကိုမောင်နှမများ၏ သီဆိုခြင်း နှင့် ကခုန်ခြင်းတို့နှင့်အတူ ကခုန်နေသကဲ့သို့ ခံစားခဲ့ရသည်။ ကျွန်မစိတ်နှလုံး ထဲမှ စိတ်အားငယ်ခြင်းနှင့် နာကျင်မှုတို့က တဖြည်းဖြည်းချင်း ပျောက်ကွယ် သွားပြီး၊ နောက်ဆုံးတွင် ကျွန်မမျက်နှာ ပေါ်တွင် အပြုံးတစ်ခု စတင်ပေါ်ပေါက် လာခဲ့သည်။ ဤသည်မှာ ကျွန်မ အမှန်တကယ် လိုအင်ဆန္ဒရှိသည့် မိသားစုဖြစ်ပြီး၊ စစ်မှန်သော ပျော်ရွှင်မှုက ညီအစ်ကိုမောင်နှမများတွင်သာ တွေ့နိုင်သည်ကို ကျွန်မ ရုတ်တရက် ခံစားခဲ့ရသည်။ ထို့ကြောင့် ကျွန်မက အနန္တတန်ခိုးရှင် ဘုရားသခင် အသင်းတော်ကို ပါဝင်ပူးပေါင်းပြီး၊ ကျွန်မ၏ ညီအစ်ကို မောင်နှမများနှင့် အသင်းတော် အသက်တာတစ်ခုကို စတင် အသက်ရှင် ခဲ့သည်။

နောက်ပိုင်းတွင် ဘုရားသခင်ထံမှ ဤနှုတ်ကပတ်တော်များကို ကျွန်မ ဖတ်ခဲ့ရသည်။ “လူကို စာတန် ဖျက်ဆီးသည့် နောက်ဆုံးနည်းလမ်းမှာ လူမှုရေး ရေပန်းစားမှုများ မှတဆင့် ဖြစ်သည်။ လူမှုရေး ရေပန်းစားမှုများ တွင် အကြောင်းအရာများစွာ ပါဝင်၏။ လူအချို့က၊ လူမှုရေး ရေပန်းစားမှုများဆိုသည်မှာ နောက်ဆုံးပေါ် ဖက်ရှင်များ၊ အလှအပပစ္စည်းများ၊ ဆံပင်ပုံစံများနှင့် အစားကောင်း အသောက်ကောင်းများကို ဆိုလိုသလော ဟူ၍ ပြောကြသည်။ ဤအရာတို့ကို လူမှုရေး ရေပန်းစားမှုများဟု မှတ်ယူပါသလော။ ၎င်းတို့သည် လူမှုရေး ရေပန်းစားမှုများ၏ အစိတ်အပိုင်းတစ်ခုကို ဖန်တီးသော်လည်း၊ ငါတို့သည် ၎င်းတို့အကြောင်းကို ဤနေရာတွင် ပြောမည်မဟုတ်။ လှုမှုရေး ရေပန်းစားမှုများက လူတို့အထဲသို့ ယူဆောင်လာသော အယူအဆများ၊ ကမ္ဘာကြီးထဲတွင် ၎င်းတို့က လူတို့ကို မိမိတို့ကိုယ်ကိုယ် ပြုမူနေထိုင်စေသည့် နည်းလမ်းနှင့် လူတို့အထဲတွင် ၎င်းတို့ ယူဆောင်သည့် ဘဝပန်းတိုင််များနှင့် အမြင်တို့အကြောင်းကိုသာ ငါတို့ ဆွေးနွေးချင်သည်။ ဤအရာများသည် လွန်စွာအရေးကြီး၏၊ ၎င်းတို့သည် လူသား၏ စိတ်အခြေအနေကို ထိန်းချုပ်ကာ၊ လွှမ်းမိုးနိုင်၏။ ဤရေပန်းစားမှုများသည် တစ်ခုပြီးတစ်ခု ထွက်ပေါ် လာပြီး လူတို့ကို အသိစိတ်၊ လူ့သဘာဝနှင့် ဆင်ခြင်တုံတရားတို့ကို ဆုံးရှုံးဖို့ ဖြစ်စေရင်း၊ ၎င်းတို့၏ ကိုယ်ကျင့်တရားများနှင့် အကျင့်စရိုက် အရည်အသွေးတို့ကို သာ၍ပင် အားနည်းစေလျက်၊ လူသားမျိုးနွယ်ကို အဆက်မပြတ် ဆုတ်ယုတ်စေသည့် ဆိုးယုတ်သော လွှမ်းမိုးမှု သယ်ဆောင်သည်မှာ ယခုတွင် လူအများစုသည် ဂုဏ်သိက္ခာ၊ လူ့သဘာဝ မရှိသလို၊ ဆင်ခြင်တုံတရားရှိဖို့ မဆိုထားနှင့်၊ အသိစိတ် တစ်ခုတစ်လေပင် မရှိဟု ငါတို့ ပြောနိုင်သည့်အတိုင်းအတာထိ ဖြစ်လေသည်။...ရေပန်းစားမှု အသစ်တစ်ခုသည် ကမ္ဘာလောက တစ်လျှောက် ရိုက်ခတ်သည့်အခါ၊ အရေအတွက် အနည်းငယ်သော လူတို့သာ ဖက်ရှင်ရှေ့ဆောင်များ အဖြစ် ပြုမူရင်း ခေတ်အမီဆုံးဖြစ်ကောင်း ဖြစ်ကြလိမ့်မည်။ ၎င်းတို့သည် အသစ်သော အရာတစ်ချို့ကို စတင်လုပ်ဆောင်ပြီးနောက် အယူအဆ အမျိုးအစားတစ်ချို့ သို့မဟုတ် ရှုထောင့်အမျိုးအစား တစ်ချို့ကို လက်ခံကြခြင်းဖြစ်သည်။ သို့ရာတွင် လူအများစုမှာကား အမှုမဲ့အမှတ်မဲ့နှင့် ဆန္ဒအလျောက် မဟုတ်ဘဲ ထိုအရာကို လက်ခံကာ၊ ထိုအထဲတွင် နစ်မြုပ်ပြီး ထိန်းချုပ် ခံရသည်အထိတိုင်၊ ဤရေစားမှုမျိုးဖြင့် အဆက်မပြတ် ကူးစက်ခံရ၏၊ လက်သင့်ခံရကာ ဆွဲဆောင်ခံရလိမ့်မည်ဖြစ်သည်။ ထိုသို့သော ရေပန်းစားမှုများက ကိုယ်နှင့် စိတ်မကျန်းမာသူ၊ သမ္မာတရားဆိုသည်မှာ မည်သည့်အရာ ဖြစ်သည်ကို မသိသူများနှင့် အပြုသဘောဆောင်သောအရာနှင့် အပျက် သဘောဆောင်သော အရာတို့ကြား မခွဲခြားတတ်သူတို့ကို စာတန်ထံမှလာသော ဘဝအမြင်များနှင့် တန်ဖိုးတို့ကို တစ်ခုပြီး နောက်တစ်ခု ပျော်ရွှင်စွာ လက်ခံစေလေသည်။ ၎င်းတို့သည် ဘဝကို မည်သို့ ချဉ်းကပ်ရမည့်အကြောင်း စာတန် ပြောသည့်အရာနှင့် ၎င်းတို့အပေါ် စာတန် နှင်းအပ် သည့် အသက်ရှင်ဖို့နည်းလမ်းကို လက်ခံကြသကဲ့သို့၊ ၎င်းတို့အနေဖြင့် ခုခံဖို့ သတိမူမိခြင်းရှိဖို့ မဆိုထားနှင့်၊ ခွန်အား မရှိသကဲ့သို့ အစွမ်းအစလည်း မရှိကြချေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)”) ဘုရားသခင်ထံမှ ဤနှုတ်ကပတ်တော်များက ကျွန်မကို ကျွန်မ ခင်ပွန်းပြောခဲ့သည့် အရာများကို ပြန်အမှတ်ရစေခဲ့သည်။ “ဒါက လုံးလုံးပုံမှန်ပဲလေ။ ဒီမှာ လူတွေအများကြီး ဒါမျိုးကို လုပ်ကြတယ်။” ကျွန်မခင်ပွန်း၏ အတွေး များနှင့် အမြင်ရှုထောင့်များက လူ့အဖွဲ့အစည်း၏ ရေပန်းစားမှုများသည် လူများကို မည်သို့ဆွဲဆောင်ပြီး၊ ယင်းကြောင့်ပျက်စီး ယိုယွင်းစေသည့် အကြောင်းကို ဘုရားနှုတ်ကပတ်တော် များတွင် ထုတ်ဖော်ထားသည့် အရာ၏ ဖြစ်ရပ်မှန် စံနမူနာတစ်ခု မဟုတ်ပါလား။ ကျွန်မခင်ပွန်း နိုင်ငံမှမထွက်ခွာမီက၊ သူက မိသားစုကို တာဝန်ယူ စောင့်ရှောက်နိုင်ပြီး၊ ကျွန်မနှင့် ကျွန်မတို့ ကလေးများအတွက် သူက ဂရုစိုက်ခဲ့သည်။ သို့သော် သုံးနှစ်အချိန်တိုအတွင်း အိမ်မှ အလုပ်ကို ထွက်ခွာပြီး ကတည်းက သူက လူ့အဖွဲ့အစည်း၏ ဆိုးယုတ်သော ရေပန်းစားမှုများ နောက် လိုက်ခြင်းထဲ ဇောက်ထိုးမိုးမျှော် ကျဆင်းသွားခဲ့သည်- သူက အရင်းနှီးဆုံးသော လူများကို သစ္စာဖောက်ခဲ့သည်။ ကျွန်မအတွေးများက လက်ရှိ လူ့အဖွဲ့အစည်း အကြောင်း တွေးသည့်အချိန်တွင်၊ အမျိုးသမီး များစွာက အပျော်မယား ဖြစ်ရခြင်းကို ရှက်စရာတစ်ခု ဖြစ်သည်ဟု မတွေးကြသည်ကို ကျွန်မ နားလည်သဘောပေါက်ခဲ့သည်။ ထိုအစား သူတို့မှာ ကျွမ်းကျင်မှု ရှိသည်ကို ဆိုလိုသည်ဟု သူတို့က တွေးထင် ကြသည်။ အမျိုးသားများစွာတို့က “နေအိမ် တွင် အလံနီထောင်ထားစဉ် ရောင်စုံအလံများက တခြားတွင် လေပြည် လေညင်းထဲတွင် တဖျပ်ဖျပ်လှုပ်ခါနေသည်။” ကဲ့သို့သော ဆိုးယုတ် သော အတွေးအားဖြင့် အဆိပ်ခတ်ခံရသည်။ ဤကဲ့သို့သော အကြံဉာဏ် များက သူတို့ကို မျက်နှာပြောင်တိုက်စွာ အချစ်ဇတ်ခင်းဖို့ ဦးတည်စေသည်။ သူတို့က ၎င်းကို ရှက်စရာဟု မတွေးဘဲ၊ ထိုအစား ဂုဏ်ယူစရာ ဖြစ်သည့် အရာတစ်ခုအဖြစ် တွေးကြသည်။ ကျွန်မ ခင်ပွန်းက ကျွန်မကို မကွာရှင်းလိုသော်လည်း၊ ထိုအမျိုးသမီးကိုလည်း မစွန့်ခွာလိုပါ။ ၎င်းမှာ သူက ထိုဆိုးယုတ်သော အတွေးမျိုး နှင့် အမြင်ရှုထောင့်မျိုးအားဖြင့် ထိန်းချုပ်ခံနေရခြင်း မဟုတ်ပါလား။ အနန္တတန်ခိုးရှင် ဘုရားသခင်၏ နှုတ်ကပတ်တော်ကို ဖတ်ရှုခြင်းမှတစ်ဆင့် အမှန်တကယ်တွင် လူတိုင်းက ဒုက္ခခံရသူတစ်ယောက် ဖြစ်သည်ကို ကျွန်မ နောက်ဆုံးတွင် နားလည်သဘောပေါက်နိုင်ခဲ့သည်။ လူတိုင်းက စာတန်အားဖြင့် ကျွန်မတို့ထဲတွင် ထည့်ပေးခဲ့သည့် ဆိုးယုတ်သော အတွေး၏ လှည့်စားမှုကို ခံရသည်။ ဤသည်မှာ ကိုယ်ကျင့်တရားမရှိခြင်း၊ အရှက်မရှိခြင်းအထိ ကျွန်မတို့ ဖောက်ပြန်ပျက်စီးရသည့် တစ်ခု တည်းသော အကြောင်းအရင်းဖြစ်သည်။ “လူများက သူတို့၏ ကိုယ်ပိုင် တစ်ကိုယ်ကောင်းဆန်သော ဆန္ဒများကို စိတ်ချမ်းသာစေခြင်းအားဖြင့် မည်သည့်အရာကို ရရှိသနည်း။ သူတို့ တကယ့်ကို ပျော်ရွှင်မှုကို ရရှိနိုင်သလား။” ကျွန်မ မြင်ရသလောက်က၊ ကျွန်မခင်ပွန်းနှင့် ထိုအမျိုးသမီးတို့သည် ကျွန်မထက်ပိုပြီး တစ်စက်မျှ မပျော်ရွှင်နေခဲ့ပါ၊ ထို့အပြင် ထိုကလေးငယ်သည် အပြစ်ကင်းသည့် သားကောင် တစ်ယောက်သာ ဖြစ်သည်။ ကျွန်မတို့ တစ်မိသားစုလုံး ခံရသည့် ဝေဒနာက စာတန်၏ ဖောက်ပြန်ပျက်စီးခြင်း နှင့် ဘေးဖြစ်စေခြင်းတို့၏ အကျိုးဆက်သာ မဟုတ်ပါလား။ ကျွန်မက မိမိကိုယ်ကို တွေးလိုက်သည့် အချိန်တွင်၊ ဘုရားသခင်၏ ကယ်တင်ခြင်းသာ ကျွန်မပေါ်သို့ မကျရောက်ခဲ့ပါက၊ ကျွန်မသည်လည်း လူ့အဖွဲ့အစည်း၏ ဆိုးယုတ်သော ရေပန်းစားမှုများအထဲတွင် ဆွေးမြည့်နေလောက်မည် ဖြစ်သည်။ ကျွန်မခင်ပွန်းက နောက်ထပ် မိန်းမတစ်ယောက်ကို ရှာတွေ့သည့်အားလျော်စွာ၊ ကျွန်မသည်လည်း တစ်ထေရာတည်း လုပ်ဆောင်ပြီး၊ ကျွန်မကို လိုချင်သည့် တခြားယောက်ျား များစွာ ရှိသည့်အတွက် တခြားတစ်ယောက်ကို ရှာဖွေနိုင် သည်ဟု တွေးမိသည်။ ကျွန်မက စာတန်၏ ဝါးမြိုခံရခါနီးတွင်ပင် ဘုရားသခင်က ကျွန်မကို ကယ်တင်ခဲ့သည့်အတွက် ကျွန်မ ကျေးဇူးတင်ပါသည်။ ဘုရားသခင်က ကျွန်မကို သူ့ရှေ့တော်မှောက်သို့ လာရောက်ခွင့်ပြုပြီး၊ သူ့ကွယ်ကာမှုကို လက်ခံရရှိခွင့်ပေးခဲ့သည်။ မဟုတ်ပါက၊ ကျွန်မသည် ဤလူ့အဖွဲ့အစည်း ၏ ဆိုးယုတ်သော ရေပန်းစားမှုအားဖြင့် ပျက်စီးလိမ့်မည် ဖြစ်သည်။

နောက်ပိုင်းတွင် ဘုရားသခင်ထံမှ ဤနှုတ်ကပတ်တော်များကို ကျွန်မ ဖတ်ခဲ့ရသည်။ “ဘုရားသခင်၏ အနှစ်သာရသည် သန့်ရှင်းသောကြောင့် ယင်းသည် ဘုရားသခင် အားဖြင့်သာလျှင် ဖြောင့်မတ်သော အလင်းလမ်းကြောင်းပေါ် အသက်တာတစ်လျှောက် သင်လျှောက်လှမ်းနိုင်သည်ဟု အဓိပ္ပာယ် ရ၏။ ဘုရားသခင်အားဖြင့်သာ ဘဝ၏ အဓိပ္ပာယ်ကို သင်သိနိုင်၏။ ဘုရားသခင်အားဖြင့်သာ စစ်မှန်သော လူ့သဘာဝကို သင် အသက်ရှင်နေထိုင်နိုင်ပြီး သမ္မာတရားကို ပိုင်ဆိုင်နိုင်သကဲ့သို့ သိလည်းသိနိုင်သည်။ ဘုရားသခင်အားဖြင့်သာ သမ္မာတရားမှ အသက်ကို သင်ရရှိနိုင်သည်။ ဘုရားသခင်ကိုယ်တိုင်သာ သင့်အား မကောင်းမှုမှ ရှောင်ကြဉ်ရန် ကူညီပေးနိုင်ပြီး စာတန်၏ အန္တရာယ်နှင့် ထိန်းချုပ်မှုမှ သင့်အား ကယ်တင်ပေးနိုင်၏။ ဆင်းရဲဒုက္ခကို သင် မခံစားရတော့ရန်အလို့ငှာ ဘုရားသခင် မှအပ သင့်အား မည်သူမျှ၊ မည်သည့်အရာကမျှ ဒုက္ခပင်လယ် အတွင်းမှ မကယ်တင်နိုင်ပေ။ ဤသည်မှာ ဘုရားသခင်၏ အနှစ်သာရအားဖြင့် သတ်မှတ်ခြင်း ဖြစ်၏။ ဘုရားသခင် ကိုယ်တိုင်သည်သာ သင့်ကို လုံးဝကိုယ်ကျိုးမငဲ့ဘဲ ကယ်တင်၏၊ ဘုရားသခင်သည်သာ သင်၏အနာဂတ်၊ သင်၏ ကံကြမ္မာနှင့် သင်၏အသက်တာအတွက် အခြေခံအားဖြင့် တာဝန်ရှိပြီး၊ သူသည် သင့်အတွက် အရာခပ်သိမ်းကို စီစဉ်ပေး၏။ ဤသည်မှာ ဖန်ဆင်းခံဖြစ်စေ၊ ဖန်ဆင်းခံ မဟုတ်သည့်အရာဖြစ်စေ မည်သည့် အရာကမျှ မစွမ်းဆောင်နိုင်သည့် အရာတစ်ခုဖြစ်သည်။ ဖန်ဆင်းခံ သို့မဟုတ် ဖန်ဆင်းခံမဟုတ်သည့်အရာတို့က ဘုရားသခင်၏ အနှစ်သာရကဲ့သို့သော အနှစ်သာရကို မပိုင်ဆိုင်သောကြောင့် မည်သည့်လူ သို့မဟုတ် မည်သည့်အရာကမျှ သင့်အား ကယ်တင်ရန် သို့မဟုတ် သင့်အား ဦးဆောင်လမ်းပြရန် အစွမ်းအစမရှိချေ။ ဤသည်မှာ လူသားအဖို့ ဘုရားသခင်၏ အနှစ်သာရနှင့်ဆိုင်သော အရေးပါမှု ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)”) ဘုရားနှုတ်ကပတ်တော်များမှနေပြီး၊ လူသားမျိုးနွယ်အတွက် သူ့ချစ်ခြင်းမေတ္တာနှင့် စိုးရိမ်မှုတို့ကို ကျွန်မ ခံစားနိုင်ပြီး၊ စာတန်က ကျွန်မတို့ကို ဖောက်ပြန်ဖျက်ဆီးပြီး ထိခိုက်စေဖို့ လူမှုရေး ရေပန်းစားမှုမျိုးစုံကို အသုံးပြုနိုင်သော်လည်း၊ ကျွန်မတို့ ကယ်တင်ခြင်းအတွက် ဘုရားသခင်က မည်သည့်အခါမျှ လက်မလျှော့ ခဲ့သည်ကိုလည်း ကျွန်မ နားလည် သဘောပေါက်ခဲ့သည်။ ဘုရားသခင်က ကျွန်မတို့ သူ့ရှေ့တော်မှောက်သို့ ပြန်လာပြီး၊ သူ့ကယ်တင်ခြင်းကို လက်ခံနိုင်ဖို့ အခြေအနေမျိုးစုံကို သတ်မှတ် ပေးလျက်၊ ကျွန်မတို့ကို အမြဲတမ်း တိတ်တဆိတ် ကွယ်ကာနေသည်။ ကျွန်မ ခင်ပွန်း၏ သစ္စာဖောက်မှုနောက်ပိုင်း ကျွန်မက မကျေမချမ်းမှုတွင် မည်သို့ အသက်ရှင်နေသည်ကို ပြန်ပြောင်းတွေးကြည့်လျက်၊ ဘုရားသခင်၏ စောင့်ရှောက်မှု နဲ့ သနားကရုဏာတို့ကြောင့်သာ မဟုတ်ပါက၊ လူများကို ဖောက်ပြန်ဖျက်ဆီးဖို့ စာတန် အသုံးပြုသည့် ပရိယာယ်များနှင့် လှည့်စားသော အကြံအစည်များကို ကျွန်မ ရိပ်စားမိနိုင်ပြီး၊ ကျွန်မတို့ကို စာတန်၏ ဆိုးယုတ်သော ရေပန်းစားမှုများ မည်သို့ အဆိပ်ခတ်သည်ကို ရှင်းရှင်းလင်းလင်း မြင်နိုင်ဖို့အလို့ငှာ သူ့နှုတ်ကပတ်တော်များမှတစ်ဆင့် နှစ်သိမ့်ခံရပြီး၊ အားပေးခံ ရခြင်း မရှိခဲ့ပါက၊ ကျွန်မက ထို မကျေမချမ်းမှု နှင့် နာကျင်မှု အခြေအနေ တစ်ခုတွင် ထာဝရ ဆက်အသက်ရှင်နေမည် ဖြစ်သည်ကို ကျွန်မ သိခဲ့ပါသည်။ ၎င်းမှ ကျွန်မ မိမိကိုယ်ကို မည်သည့်အခါမျှ လွတ်မြောက်အောင် လုပ်နိုင်မည် မဟုတ်ပါ။ ကျွန်မ နှလုံးသားထဲမှ စက်ဆုပ်ရွံရှာခြင်း ပျောက်ကွယ်သွားဖို့ လုပ်ဆောင်ရန် သက်သက်ဖြင့် ကျွန်မက မိမိကိုယ်ကိုပင် လုံးလုံး ဖျက်ဆီးပစ်လိမ့်မည်။ ဤအတွေ့အကြုံမှတစ်ဆင့် ကျွန်မက ဘုရားသခင်၏ ချစ်ခြင်းမေတ္တာကို တွေ့ကြုံခံစားနိုင်ရုံသာမက၊ ဘုရားသခင်သည်သာလျှင် လူသားမျိုးနွယ် ကို စာတန်၏ ဖောက်ပြန်ပျက်စီးခြင်းနှင့် ဘေးဖြစ်စေခြင်းတို့မှ ကယ်တင်နိုင်ပြီး၊ ဘုရားသခင်က ကျွန်မကတို့ကို ဘဝတွင် အလင်းရောင် လမ်းကြောင်းပေါ်သို့ ဦးဆောင်လမ်းပြနိုင်သည်ကိုလည်း ကျွန်မ အမှန်တကယ် ခံစားလာရသည်။ ကျွန်မကို နာကျင်မှုချောက်ထဲမှ ကယ်တင်ခြင်းအတွက် အနန္တတန်ခိုးရှင် ဘုရားသခင်ကို ကျေးဇူးတင် ပါသည်။

ဤရက်များတွင် ကျွန်မက ဘုရားနှုတ်ကပတ်တော်များကို ပို၍ဖတ်ရှုသည့် အတွက်၊ သမ္မာတရားအနည်းငယ်ကို နားလည် သဘောပေါက်လာပြီး၊ ပြဿနာ များစွာကိုလည်း ကျွန်မ လေ့လာနိုင် လေသည်။ ကျွန်မခင်ပွန်း သို့မဟုတ် ထိုအမျိုးသမီးကိုလည်း ကျွန်မ နောက်ထပ် မမုန်းတော့ပါ။ သူတို့က သူတို့နေ လိုသည့် မည်သည့်ဘဝမျိုး ကိုမဆို လွတ်လပ်စွာ ရွေးချယ်ခွင့်ရှိသည်။ ကျွန်မက ဆွေမျိုးများနှင့် မိတ်ဆွေများဖြင့် တည်ငြိမ်ပြီး ဣန္ဒြေဆည်လာ နိုင်သည်။ ကျွန်မတို့ အားလုံးက စာတန်အားဖြင့် ဖောက်ပြန်ဖျက်ဆီးခံရပြီး၊ ကျွန်မတို့ အားလုံး သားကောင်များဖြစ်သောကြောင့် ကျွန်မ မိသားစုအတွက် မည်သည့် အပြစ်တင်မှုမျှ နောက်ထပ် မရှိတော့ပါ။ ယခုအခါတွင် ကျွန်မက ညီအစ်ကို မောင်နှမများဖြင့် ဝတ်ပြုအစည်းအဝေးပွဲများကို မကြာခဏတက်ရောက်ပြီး၊ ထိုနေရာတွင် ကျွန်မတို့ ဘုရား နှုတ်ကပတ်တော်များ ဖတ်ရှုကြသည်၊ မိတ်သဟာယပြုကြပြီး၊ ကျွန်မတို့၏ သီးခြားအတွေ့အကြုံများကို ဝေငှကြ သည်။ ဘုရားနှုတ်ကပတ်တော် များက ကျွန်မ နေ့စဉ် အကျိုးရရှိခဲ့သည်။ ကျွန်မ၏ စိတ်နှလုံးထဲတွင် ငြိမ်သက်ခြင်းနှင့် ဝမ်းမြောက်ခြင်းတို့ရှိပြီး၊ ကျွန်မ ဘဝက မျှော်လင့်ချက် ဖြင့်ပြည့်နေသည်။ ကျွန်မကို ဘဝတွင် မှန်ကန်သည့် လမ်းကြောင်း ပေါ်သို့ လမ်းပြပြီး၊ စစ်မှန်သော အိမ်တစ်ခု ပေးခြင်းအတွက် အနန္တတန်ခိုးရှင် ဘုရားသခင်ကို ကျွန်မ ကျေးဇူးတင်ပါသည်။ ဤသည်မှာ ကျွန်မက စစ်မှန်သည့် ပျော်ရွှင်မှုကို တွေ့ရှိသည့် နေရာဖြစ် ပြီး၊ ဘုရားသခင်နောက်ကို ထာဝရလိုက်ဖို့သာ ကျွန်မ ဆန္ဒရှိပါသည်။

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

ချောက်ကမ်းပါးစွန်းမှ ပြန်လာသည်

ကျောက်ဂွမ်မင်း၊ တရုတ်ပြည် ၁၉၈၀ခုနှစ်များ အစပိုင်းတွင် ကျွန်တော်က အသက် ၃၀အရွယ်ရှိပြီး၊ ဆောက်လုပ်ရေးကုမ္ပဏီတစ်ခုတွင် အလုပ် လုပ်နေခဲ့သည်။...

ခရစ်ယာန် ဝိညာဉ်ရေးရာ နိုးကြားမှုတစ်ခု

လင်းဝူ၊ ဂျပန်နိုင်ငံ ကျွန်တော်က ၈၀ ခုနှစ်ဖွား ကလေးတစ်ယောက် ဖြစ်ပြီး၊ သာမာန် လယ်သမား အိမ်ထောင်စုတစ်စုတွင် မွေးဖွားခဲ့သည်။ ကျွန်တော် အစ်ကိုက...

သန့်စင်ခြင်းကို ရရှိခြင်း လမ်းကြောင်းပေါ်သို့ အနန္တတန်ခိုးရှင် ဘုရားသခင်က ကျွန်တော့်ကို ဦးဆောင်ခဲ့သည်

ဂန်ချန်း၊ အမေရိကန်ပြည်ထောင်စု အသက်ရှင်ရပ်တည်ရန် ကြိုးစားလုပ်ဆောင်ဖို့ စင်္ကာပူကို ၂၀၀၇ ခုနှစ်တွင် ကျွန်တော့်ဘာသာ လာခဲ့ပါသည်။ စင်္ကာပူက...