၃) ဘာသာရေး ဟိတ်ဟန်နှင့်ဆိုင်သည့် ဆုတောင်းခြင်းမှာ မည်သည့်အရာဖြစ်ပြီး ယင်းနှင့်ပတ်သက်၍ အဘယ့်ကြောင့် မည်သည့်ရလဒ်မျှ မရှိသနည်း

ဆက်စပ်သော ဘုရားသခင်၏ နှုတ်ကပတ်တော်များ-

ပုံမှန်ဝိညာဉ်အသက်တာကို ဆုတောင်းခြင်း၊ ဓမ္မသီချင်းသီဆိုခြင်း၊ အသင်းတော်အသက်တာ၌ ပါဝင်ခြင်းနှင့် ဘုရားသခင်၏ နှုတ်ကပတ်တော်များကို စားသောက်ခြင်းကဲ့သို့သော အလေ့အထများ၌သာ ကန့်သတ်မထားပေ။ ယင်းထက်၊ သစ်လွင်ပြီး ဖျတ်လတ်တက်ကြွသော ဝိညာဉ်အသက်တာကို အသက်ရှင်ခြင်း ပါဝင်လေသည်။ အရေးကြီးသည်မှာ သင် မည်သို့ လက်တွေ့လုပ်ဆောင်သည်မဟုတ်ဘဲ၊ သင်၏ လက်တွေ့လုပ်ဆောင်ခြင်းက မည်သည့် အသီးအပွင့် သီးပွင့်သည်ဆိုသည့်အရာ ဖြစ်သည်။ ထိုသို့သော လက်တွေ့လုပ်ဆောင်မှုများက တစ်စုံတစ်ရာ သက်ရောက်မှုရှိသည် ဖြစ်စေ မရှိသည်ဖြစ်စေ သို့မဟုတ် စစ်မှန်သော သိနားလည်မှုဆီသို့ လမ်းပြသည်ဖြစ်စေ မပြသည်ဖြစ်စေ ပုံမှန်ဝိညာဉ်အသက်တာတွင် ဆုတောင်းခြင်း၊ ဓမ္မသီချင်းများ သီဆိုခြင်း၊ ဘုရားသခင်၏ နှုတ်ကပတ်တော်များကို စားသောက်ခြင်း သို့မဟုတ် သူ၏ နှုတ်ကပတ်တော်များကို တွေးဆခြင်းတို့ သေချာပေါက် ပါဝင်သည်ဟု လူအများစုက ယုံကြည်ကြလေသည်။ ဤလူတို့သည် အပေါ်ယံ လုပ်ထုံးလုပ်နည်းများကို လိုက်နာရန်သာ အာရုံစိုက်ကြပြီး မိမိတို့၏ ရလဒ်များကို မစဉ်းစားကြချေ။ ၎င်းတို့သည် ဘာသာရေး ဓလေ့များထဲ နေထိုင်ကြသူများဖြစ်ပြီး၊ အသင်းတော်အတွင်း နေထိုင်သူများ မဟုတ်ကြသကဲ့သို့ ဘုရားသခင်၏ နိုင်ငံတော်သားများ သာ၍ပင် မဟုတ်ကြချေ။ ၎င်းတို့၏ ဆုတောင်းပတ္ထနာများ၊ ဓမ္မသီချင်း သီဆိုခြင်းနှင့် ဘုရားသခင်၏ နှုတ်ကပတ်တော်များကို စားသောက်ခြင်းအားလုံးသည် စည်းမျဉ်းလိုက်နာခြင်းသာဖြစ်သည်၊ မလုပ်မနေရ လုပ်ဆောင်ခြင်းဖြစ်ပြီး ရေပန်းစားမှုများကို အမီလိုက်ဖို့ လုပ်ဆောင်ခြင်းဖြစ်ကာ လိုအင်ဆန္ဒရှိခြင်းမှ လုပ်ဆောင်ခြင်း မဟုတ်သကဲ့သို့ စိတ်နှလုံးမှ လုပ်ဆောင်ခြင်း မဟုတ်ချေ။ ဤလူတို့ မည်မျှ ဆုတောင်းပါစေ သို့မဟုတ် သီဆိုပါစေ၊ ၎င်းတို့ လက်တွေ့လုပ်ဆောင်သည့်အရာသည် စည်းမျဉ်းများနှင့် ဘာသာရေး ဓလေ့များသာ ဖြစ်သည့်အတွက် ၎င်းတို့၏ အားထုတ်မှုများက မည်သည့်အကျိုးမျှ ဖြစ်ထွန်းလိမ့်မည်မဟုတ်။ ၎င်းတို့သည် ဘုရားသခင်၏ နှုတ်ကပတ်တော်များကို အမှန်တကယ် လက်တွေ့လုပ်ဆောင်ခြင်း မရှိကြ။ ၎င်းတို့သည် မိမိတို့ အဘယ်သို့ လက်တွေ့လုပ်ဆောင်သည်ဆိုသည်နှင့် ဘုရားသခင်၏ နှုတ်ကပတ်တော်များကို လိုက်လျှောက်ဖို့ စည်းမျဉ်းများအဖြစ် ၎င်းတို့ အဘယ်သို့ သဘောထားကြသည်တို့အပေါ် ရေးကြီးခွင်ကျယ် လုပ်ခြင်းကိုသာ အာရုံစိုက်ကြလေသည်။ ထိုသို့သော လူတို့သည် ဘုရားသခင်၏ နှုတ်ကပတ်တော်များကို လက်တွေ့လုပ်ဆောင် နေကြခြင်း မဟုတ်ချေ။ ၎င်းတို့သည် ဇာတိပကတိကိုသာ အလိုဖြည့်နေကြပြီး အခြားသူများ မြင်ဖို့ရန်သာ ဆောင်ရွက် နေကြလေသည်။ ဤဘာသာရေးထုံးတမ်းနှင့် စည်းမျဉ်းများသည် လူသားထံမှလာသည်၊ ဘုရားသခင်ထံမှလာခြင်း မဟုတ်ပေ။ ဘုရားသခင်သည် စည်းမျဉ်းများကို လိုက်နာခြင်းမရှိသကဲ့သို့ မည်သည့် စည်းမျဉ်းကိုမျှ လိုက်နာရခြင်းလည်း မရှိပေ။ ယင်းထက်၊ သူသည် နေ့စဉ် လက်တွေ့ကျသော အလုပ်များကို ပြီးမြောက်လျက် အသစ်သောအရာများကို လုပ်ဆောင်သည်။ နေ့စဉ် နံနက်ခင်း ဝတ်ပြုအစီအစဉ်တက်ရခြင်း၊ ညနေခင်း ဆုတောင်းခြင်း၊ အစာမစားမီ ကျေးဇူးတော်ချီးမွမ်းဆုတောင်းခြင်း၊ အရာရာ၌ ကျေးဇူးတော် ချီးမွမ်းခြင်းကဲ့သို့သော အလေ့အထများဖြင့် မိမိတို့ကိုယ်ကိုယ် ကန့်သတ်ထားသော ကိုယ်ပိုင်မူ သုံးရပ်သုံး အသင်းတော်ထဲက လူများကဲ့သို့ပင်၊ ၎င်းတို့ မည်မျှလုပ်ဆောင်သည်ဖြစ်စေ၊ ၎င်းတို့ မည်မျှ ကြာကြာ လုပ်ဆောင်ပါစေ သန့်ရှင်းသောဝိညာဉ်တော် အလုပ်လုပ်ခြင်း ၎င်းတို့၌ ရှိမည်မဟုတ်ပေ။ လူတို့သည် စည်းမျဉ်းများအလယ် အသက်ရှင်ပြီး သူတို့၏ စိတ်နှလုံးများသည် လက်တွေ့လုပ်ဆောင်မှု နည်းစနစ်များအပေါ် အာရုံစိုက်သည့်အခါ၊ ၎င်းတို့၏ စိတ်နှလုံးကို စည်းမျဉ်းများနှင့် လူသားအယူအဆတို့က နေရာယူထားသောကြောင့် သန့်ရှင်းသော ဝိညာဉ်တော် အလုပ်မလုပ်နိုင်ချေ၊ သို့ဖြစ်ရာ ဘုရားသခင်သည် ၎င်းတို့အပေါ် ကြားဝင်ပြီး အလုပ်မလုပ်နိုင်သကဲ့သို့ ၎င်းတို့သည် စည်းမျဉ်းများ၏ ထိန်းချုပ်မှုအောက်တွင်သာ ဆက်လက်အသက်ရှင်နိုင်ကြလေသည်။ ထိုသို့သောလူတို့သည် ဘုရားသခင်၏ ချီးမွမ်းခြင်းကို ရနိုင်စွမ်း အစဉ်ထာဝရ မရှိချေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပုံမှန်ဝိညာဉ်ရေးရာ အသက်တာနှင့် စပ်လျဉ်း၍” မှ

သင်တို့သည် တကယ့် အသက်တာတွင် အရာများစွာကို လက်တွေ့ကျင့်သုံးရန်သာမက ထိုအရာများအတွင်းသို့ ဝင်ရောက်ရန်တို့ကို လျစ်လျူရှုထားလျက် သင်တို့၏ ဝိညာဉ်ရေးရာ အခြေအနေ၊ ဝိညာဉ်ရေးရာဆိုင်ရာ ကိစ္စများကို အစဉ်အမြဲ ပြောဆိုခဲ့လေ့ရှိသည်။ သင်တို့သည် နေ့စဉ် ရေးသား၊ ဖတ်ရှု၊ နားထောင်ခဲ့ကြ၏။ ချက်ပြုတ်ရင်းပင် “အို ဘုရားသခင်၊ ကိုယ်တော်သည် ကျွန်ုပ်၏ ဘဝအတွင်းတွင် ကျွန်ုပ်၏အသက် ဖြစ်တော်မူပါ။ ဤနေ့ရက်သည် မည်သို့ပင်ဖြစ်စေ၊ ကိုယ်တော် ကျွန်ုပ်ကို ကောင်းချီးပေးပြီး ဉာဏ်အလင်း ပေးတော်မူပါ။ ယနေ့တွင် ကိုယ်တော်သည် အကျွန်ုပ်အား မည်သည့်အရာ ဉာဏ်အလင်းပေးသည်ဖြစ်စေ၊ ကိုယ်တော်၏ နှုတ်ကပတ်တော်များသည် ကျွန်ုပ်၏အသက်အဖြစ် ဆောင်ရွက်နိုင်ရန်အတွက် ကိုယ်တော်၏ နှုတ်ကပတ်တော်များကို ယခုမျက်မှောက်တွင် ကျွန်ုပ်နားလည်စေရန် ခွင့်ပြုတော်မူပါ၊” ဟု သင်တို့ ဆုတောင်းခဲ့ကြသည်။ သင်တို့သည် ညစာစားသော အခါတွင်လည်း ဆုတောင်းခဲ့ကြသည်။ “အို အဖ ဘုရားသခင်၊ ကိုယ်တော်သည် အကျွန်ုပ်တို့အား အစားအစာများကို ချပေး သနားတော်မူသည်။ အကျွန်ုပ်တို့အား ကောင်းချီးပေးတော်မူပါ။ အာမင်။ အကျွန်ုပ်တို့၏ အသက်တာများကို ကိုယ်တော့် အပေါ်တွင် မှီခိုခွင့်ပြုပါ။ ကိုယ်တော်သည် ကျွန်ုပ်တို့နှင့် ရှိပါစေ။ အာမင်။” သင်တို့သည် ညစာစားပြီး၍ ပန်းကန်များ ဆေးကြောနေစဉ်တွင်၊ သင်သည် “အို ဘုရားသခင် ကျွန်ုပ်သည် ဤပန်းကန်ဖြစ်ပါသည်။ ကျွန်ုပ်တို့သည် စာတန်၏ ဖျက်စီးခြင်းကိုခံခဲ့ရပြီး၊ အသုံးပြုပြီးသော ပန်းကန်များကဲ့သို့ ဖြစ်ကြကာ ရေဖြင့် သန့်ရှင်းစေရပါမည်၊ ကိုယ်တော်သည် ရေဖြစ်ပြီး၊ ကိုယ်တော်၏ နှုတ်ကပတ်တော်များသည် အကျွန်ုပ်၏ အသက်ကို ထောက်ပံ့ပေးသော အသက်ရှင်သော ရေ ဖြစ်ကြပါ၏။” ဟု တောင်စဉ်ရေမရ စပြောပါသည်။ သင်မသိလိုက်ခင် အိပ်ယာဝင်ချိန်ရောက်လာပြီး၊ သင်တို့သည် “အို ဘုရားသခင်၊ ကိုယ်တော်သည် အကျွန်ုပ်ကိုတစ်နေ့တာလုံး ကောင်းချီးပေးတော်မူပြီး လမ်းပြတော်မူခဲ့သည်။ ကိုယ်တော့်ကို အကျွန်ုပ်အမှန်တကယ် ကျေးဇူးတင်ပါသည်။...” ဟု နောက်တစ်ကြိမ် တောင်စဉ်ရေမရ ပြောပြန်သည်။ ယင်းမှာ တစ်နေ့တာကို သင်တို့ ဖြတ်သန်းပြီး အိပ်စက်အနားယူခြင်းသို့ ဝင်ရောက်သည့် ပုံစံဖြစ်သည်။ လူအများစုတို့သည် နေ့စဉ် ဤကဲ့သို့ အသက်ရှင်ကြပြီး၊ ယခုအချိန်၌ပင် သူတို့၏ ဆုတောင်းချက်များကို စိတ်ထဲကမပါဘဲ ပြောကြလျက်၊ သူတို့သည် အမှန်တကယ် ဝင်ရောက်မှုကို လျစ်လျူရှုကြသည်။ ဤကား ထိုသူတို့၏ ယခင်ဘဝဖြစ်သည်— ဤအရာသည် သူတို့၏ ဘဝဟောင်း ဖြစ်သည်။ ထို့အပြင် လူအများစုမှာ ထိုကဲ့သို့သာ ဖြစ်ကြသည်၊ ထိုသူတို့သည် အမှန်တကယ် လေ့ကျင့်မှု မရှိကြဘဲ၊ သူတို့တွင် စစ်မှန်သည့် ပြောင်းလဲမှု အလွန်နည်းပါးကြသည်။ သူတို့သည် စိတ်မပါဘဲ ဆုတောင်းကြပြီး၊ သူတို့၏ စကားလုံးများတည်း မှတစ်ဆင့်သာ ဘုရားသခင်ကို ချဉ်းကပ်ကြသော်လည်း သူတို့ နားလည်မှုတွင် လေးနက်မှုမရှိကြပေ။ အရိုးရှင်းဆုံး နမူနာ တစ်ရပ်ဖြစ်သည့် သင်တို့၏ အိမ်ရှင်းခြင်းကို ကြည့်ကြပါစို့။ သင်တို့၏ အိမ်သည် ရှုပ်ပွနေသည်ကို သင်တို့ မြင်ကြသည်။ ထိုကြောင့် သင်တို့ ထိုင်၍ ဆုတောင်းသည်။ “အို ဘုရားသခင် ကျွန်တော့်အပေါ် စာတန် ယူဆောင်လာသော ပျက်ဆီးခြင်းကို ကြည့်တော်မူပါ။ အကျွန်ုပ်သည် ဤအိမ်ကဲ့သို့ပင် ညစ်ညမ်း ပါသည်။ အို ဘုရားသခင် ကိုယ်တော့်ကို အကျွန်ုပ် အမှန်ပင် ချီးမွမ်း၍ ကျေးဇူးတင်ပါသည်။ ကိုယ်တော်၏ ကယ်တင်ခြင်းနှင့် ဉာဏ်အလင်းပေးခြင်း မရှိပါက ဤအချက်ကို အကျွန်ုပ် သိနားလည်မည် မဟုတ်ပါ။” သင်တို့သည် ထိုနေရာတွင် ထိုင်၍သာ အချိန်ကြာမြင့်စွာ ဆုတောင်းလျက် တောင်စဉ်ရေမရ ပြောဆိုသည်၊ ထို့နောက် တောင်စဉ်ရေမရ ပြောဆိုသော အမယ်အိုကဲ့သို့ ဘာမှ မဖြစ်သကဲ့သို့ ပြုမူသည်။ သင်တို့သည် အပေါ်ယံ အမူအကျင့် အများအပြားဖြင့် တကယ့် စစ်မှန်ခြင်းသို့ အမှန်တကယ် ဝင်ရောက်ခြင်း အလျှင်းမရှိပဲ သင်တို့၏ ဝိညာဉ်အသက်တာကို ဤနည်းလမ်းဖြင့် သင်တို့ဖြတ်ကျော် ကြသည်။ တကယ့်လေ့ကျင့်ခြင်းထဲသို့ ဝင်ရောက်ခြင်းတွင် လူများ၏ လက်တွေ့ဘဝများနှင့် သူတို့၏ လက်တွေ့ အခက်အခဲများ ပါဝင်သည်— ဤသည်မှာ သူတို့ပြောင်းလဲသည့် တစ်ခုတည်းသော နည်းလမ်းဖြစ်သည်။ တကယ် လက်တွေ့အသက်တာ မပါဘဲ လူသားများ မပြောင်းလဲပေ။ သူတို့၏ စိတ်မပါဘဲ ဆုတောင်းခြင်းသည် အဘယ်အကျိုးရှိ မည်နည်း။ လူသားများ၏ သဘာဝကို နားလည်မှု မရှိပါက အရာရာသည် အချိန်ဖြုန်းခြင်းသာ ဖြစ်ပြီး၊ ထို့အပြင် လက်တွေ့ကျင့်သုံးသည့် လမ်းကြောင်း မရှိပါက အရာရာသည် အချည်းနှီးသော အားထုတ်မှုသာ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အသင်းတော် အသက်တာနှင့် လက်တွေ့အသက်တာ ဆွေးနွေးခြင်း” မှ

လူများစွာတို့သည် “ဘုရားသခင်၏ မျက်မှောက်၌” အဆုံးမရှိ ဆုတောင်းကြသည်။ ဆုတောင်းချက်များသည် ၎င်းတို့ နှုတ်ဖျားတွင် အမြဲတမ်း ရှိကောင်း ရှိနေနိုင်သော်လည်း၊ ၎င်းတို့သည် ဘုရားသခင်၏ မျက်မှောက်ထဲတွင် အမှန်တကယ် အသက်မရှင်ကြပေ။ ဤသည်မှာ ထိုကဲ့သို့သောလူများ ဘုရားသခင်၏ မျက်မှောက်၌ ၎င်းတို့၏ အခြေအနေများကို ထိန်းထားနိုင်သည့် တစ်ခုတည်းသော နည်းလမ်းသာ ဖြစ်သည်။ ၎င်းတို့သည် ဘုရားသခင်နှင့် အချိန်ပြည့် ထိတွေ့ဖို့အလို့ငှာ ၎င်းတို့၏ စိတ်နှလုံးများကို အသုံးပြုရန် လုံးဝ မစွမ်းဆောင်နိုင်ကြပေ၊ ဘုရားသခင်၏ ဝန်ထုပ်များကို သတိချပ်ခြင်းအားဖြင့် ၎င်းတို့၏ စိတ်နှလုံးများထဲ၌ ဘုရားသခင်နှင့် ထိတွေ့ရန်အလို့ငှာ ဆင်ခြင်ခြင်းမှတစ်ဆင့်ဖြစ်စေ၊ တိတ်ဆိတ်စွာ အာရုံပြုခြင်း မှတစ်ဆင့်ဖြစ်စေ၊ သို့မဟုတ် ၎င်းတို့၏ စိတ်နှလုံးများကို အသုံးပြုခြင်းမှတစ်ဆင့်ဖြစ်စေ တွေ့ကြုံခံစားရခြင်း နည်းလမ်းများအားဖြင့် ဘုရားသခင်၏ ရှေ့သို့ ရောက်လာရန်လည်း မစွမ်းဆောင်နိုင်ကြပေ။ ၎င်းတို့သည် ကောင်းကင်ဘုံ၌ရှိသော ဘုရားသခင်ထံ မိမိတို့၏ နှုတ်များဖြင့် ဆုတောင်းချက်များကို ဆက်ကပ်ရုံသာ ဆက်ကပ်ကြ၏။ လူအများစု၏ စိတ်နှလုံးများထဲတွင် ဘုရားသခင် ကင်းမဲ့နေကြပြီး၊ ၎င်းတို့သည် ဘုရားသခင်ထံ တိုးဝင်ချဉ်းကပ်ကြသောအခါမှသာ ထိုနေရာ၌ ဘုရားသခင် ရှိခြင်းဖြစ်သည်၊ များသောအားဖြင့် ဘုရားသခင်သည် ထိုနေရာ၌ လုံးဝရှိမနေပါ။ ဤအရာက မိမိစိတ်နှလုံးထဲ ဘုရားသခင် မရှိခြင်း၏ သရုပ်သကန် မဟုတ်သလော။ အကယ်၍ ၎င်းတို့၏ စိတ်နှလုံးများထဲတွင် ဘုရားသခင် အမှန်တကယ်ရှိခဲ့ပါက၊ ဓားပြများနှင့် သားရဲကောင်များ လုပ်သောအရာများကို ၎င်းတို့ လုပ်နိုင်မည်လော။ အကယ်၍ လူတစ်ဦးသည် ဘုရားသခင်ကို အမှန်တကယ် ကြောက်ရွံ့လျှင်၊ ၎င်းတို့၏ စစ်မှန်သည့် နှလုံးသားကို ဘုရားသခင်နှင့် ဆက်သွယ်ထိတွေ့စေပြီး၊ ၎င်းတို့၏ အကြံအစည်များနှင့် အတွေးအခေါ်များတွင် ဘုရားသခင်၏ နှုတ်ကပတ်တော်များ အမြဲ ရှိနေပေလိမ့်မည်။ ၎င်းတို့သည် အပြောအဆို သို့မဟုတ် လုပ်ရပ်တွင် အမှားများ ပြုကြလိမ့်မည်မဟုတ်သကဲ့သို့၊ ဘုရားသခင်အား သိသာထင်ရှားစွာ ဆန့်ကျင်သည့် မည်သည့်အရာကိုမျှ လုပ်ကြလိမ့်မည် မဟုတ်ပေ။ ထိုအရာမျိုးသည် ယုံကြည်သူတစ်ဦး ဖြစ်ခြင်းအတွက် စံနှုန်း ဖြစ်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတွေ့အကြုံနှင့်ပတ်သက်၍” မှ

ဘုရားသခင်၏ နှုတ်ကပတ်တော်များ၏ တရားစီရင်ခြင်းနှင့် ပြစ်တင်ဆုံးမခြင်း၊ ဘုရားသခင်၏ နှုတ်ကပတ်တော်များဖြင့် ပြုပြင်ခံရခြင်းနှင့် ကိုင်တွယ်ဖြေရှင်းခံရခြင်းတို့ကို တွေ့ကြုံခံစားနေချိန်နှင့် မိမိတို့ကိုယ်တိုင်၏ ဖောက်ပြန်ပျက်စီးသော စိတ်သဘောထားများကို သတိပြုမိနေချိန်တွင် လူအများစုက မည်သို့ ဆုတောင်းကြသနည်း။ ၎င်းတို့သည် “ဘုရားသခင်၊ ကျွန်ုပ် ဆင်းရဲဒုက္ခခံနေရပါ၏။ အို ဘုရားသခင်၊ ကျွန်ုပ် အလွန် ဆင်းရဲဒုက္ခခံနေရပါ၏” ဟု ပြောရင်း တစ်မျိူးတစ်စားတည်းသာ ဖြစ်ကြသည်။ ဤစကားများက သင်တို့ကို စက်ဆုပ်စေသည် မဟုတ်လော။ ဘုရားသခင်၏ ရှေ့မှောက်သို့ သင် လာချိန်တွင်၊ သင့်ကို အခြား တစ်စုံတစ်ရာ အနည်းငယ်မျှဖြင့် သူ အသိဉာဏ်ပွင့်လင်းစေဖို့ သင် အမှန်တကယ် လိုအပ်သည် မဟုတ်လော။ ယုံကြည်ခြင်းနှင့် ခွန်အား သို့မဟုတ် ဘုရားသခင်က သင်၏ အဓိကပံ့ပိုးမှုဖြစ်ဖို့အတွက်၊ ထို့အပြင် ရှေ့လမ်းကြောင်းကို သင် ကောင်းမွန်စွာ လျှောက်လှမ်းနိုင်ဖို့အလို့ငှာ သင့်ကို အသိဉာဏ်ပွင့်လင်းစေပြီး လမ်းပြဖို့ သင် လိုအပ်သည် မဟုတ်လော။ သူ၏ ဆုံးမပဲ့ပြင်မှုနှင့် ပြစ်တင်ဆုံးမခြင်းတို့ကို သင် လိုအပ်သည် မဟုတ်လော။ သူ၏ လမ်းပြမှုကို သင် လိုအပ်သည် မဟုတ်လော။ သင်၏ ဆင်းရဲဒုက္ခကို သက်သာစေဖို့သာ သူ့ကို သင် လိုအပ်သလော။ လူတို့သည် အတွင်းတွင် အမှန်တကယ် ခြောက်သွေ့ ညှိုးနွမ်းကြပြီး၊ အင်မတန် သနားဖွယ် အခြေအနေတစ်ခုတွင် ရှိကြ၏။ မည်သို့ဆုတောင်းရမည်ကို မသိသည်မှာ သေးငယ်သော ပြဿနာတစ်ခု ဖြစ်ပုံရကောင်းရမည် ဖြစ်သော်လည်း၊ အမှန်တွင်၊ သင်သည် ဤသေးငယ်သော ပြဿနာကို ထိုးဖောက်ပြီး ယင်း၏ အနှစ်သာရကို စိတ်ဖြာလေ့လာသည့်အခါ၊ ယင်းသည် လုံးဝ မသေးငယ်သည်ကို သင် မြင်ရသည်။ ဤအရာက သင်သည် လူတစ်ဦးအနေဖြင့် ပြောပလောက်စရာ အသက်အမျိုးအစား တစ်ခုတစ်လေမျှ မပိုင်ဆိုင်သကဲ့သို့၊ သင်၌ ရှိသည့် အသက်တွင်၊ သင်သည် ဘုရားသခင်နှင့် အပြန်အလှန်ဆက်ဆံခဲလှသည်ကို ပြသပေသည်။ သင်နှင့် ဘုရားသခင်ကြားတွင်၊ ဘုရားသခင်နှင့် သူ၏ နောက်လိုက်များကြား သို့မဟုတ် အဖန်ဆင်းခံ အရာဝတ္ထုများနှင့် ၎င်းတို့၏ ဖန်ဆင်းရှင်တို့ကြား တည်ရှိသင့်သည့် ဆက်ဆံရေးမျိုး သင် တကယ်ကို မတည်ဆောက်ရသေးပေ။ ပြဿနာတစ်ရပ်နှင့် ရင်ဆိုင်ရသည့်အခါ၊ သင်သည် သင်၏ ခံစားချက်အရဖြစ်သော ယူဆချက်များ၊ သဘောထားများ၊ အတွေးများ၊ အသိပညာ၊ ဆုကျေးဇူးနှင့် ပါရမီများ၊ ပြီးလျှင် ဖောက်ပြန်ပျက်စီးသော စိတ်သဘောထားများပေါ် အခြေခံ၍ ဆုံးဖြတ်ချက်များ ပြုလုပ်သည်။ သင်သည် ဘုရားသခင်နှင့် မည်သို့မျှ မပတ်သက်ပေ၊ ထို့ကြောင့် သူ့ရှေ့မှောက်သို့ သင် လာချိန်တွင်၊ သူ့အား မည်သည့်အရာမျှ ပြောဖို့ လုံးဝ မရှိချေ။ ဤသည်မှာ ဘုရားသခင်အား ယုံကြည်သော လူများ၏ ဝမ်းနည်းဖွယ် အခြေအနေတစ်ခု ဖြစ်သည်တကား။ ဤသည်မှာ အင်မတန် သနားဖွယ်ကောင်းသော အခြေအနေတစ်ခု ဖြစ်သည်တကား။ အထဲတွင်၊ လူတို့သည် ခြောက်သွေ့ပြီး ထုံထိုင်းကြသည်။ ဤအရာများနှင့် ပတ်သက်လာသည့်အခါ ၎င်းတို့ မည်သည့်အရာမျှ မခံစားရသကဲ့သို့ ယင်းတို့နှင့်ဆိုင်သည့် မည်သည့် သိနားလည်မှုမျှလည်း မရှိကြချေ။ ဘုရားသခင်၏ ရှေ့မှောက်သို့ ၎င်းတို့ လာကြသည့်အခါ၊ ၎င်းတို့ ဘာမျှ ပြောစရာမရှိကြချေ။ သင့်ကိုယ်သင် မည်သည့် အခြေအနေမျိုးတွင် ရှိသည်ကို တွေ့ရပါစေ၊ ပြီးလျှင် မည်သည့် အခက်အခဲများကို သင် ကြုံရပါစေ၊ ဘုရားသခင်၏ ရှေ့မှောက်တွင် သင်သည် အာစေးမိနေပါက၊ သင်၏ ယုံကြည်ခြင်းကို မေးခွန်းထုတ်၍ရနိုင်သည် မဟုတ်လော။ ယင်းသည် လူတို့၏ သနားဖွယ် မျက်နှာပင် မဟုတ်လော။ နှစ်ပေါင်းများလှစွာ ဘုရားသခင်ကို ယုံကြည်ပြီးနောက်တွင်၊ သင်သည် မည်သို့ဆုတောင်းရမည်ကို တစ်ဖန် သင်ယူရဆဲဖြစ်သည်၊ မည်သို့ ဆုတောင်းရမည်ကို သင် မသိဆဲဖြစ်သကဲ့သို့၊ ပြဿနာတစ်ခုကို သင် ကြုံရသည့်အခါတိုင်းတွင်၊ သင်သည် ပေါ်ပင်ရေပန်းစားသော စကားလုံးများကို ဟစ်အော်ရုံဟစ်အော်ကာ ဆုံးဖြတ်ချက်များ ပြုလုပ်သည်၊ သို့မဟုတ် ဘုရားသခင်ကို ညည်းညူပြီး သင် မည်သို့ ဆင်းရဲဒုက္ခခံနေရသည်ကို ပြောရင်း သင်၏ မကျေနပ်ချက်များကို ဖွင့်ဟသည်၊ သို့မဟုတ်ပါက ဝန်ချခြင်းဖြင့် သင့်ကိုယ်သင် ရှာကြံအကြောင်းပြပြီး မှန်ကန်ကြောင်းပြသည်။ သင်တို့သည် သမ္မာတရားထဲသို့ ဝင်ရောက်ဖို့ အလွန်နှေးကွေးရလေသည်မှာ အံ့ဩစရာ မဟုတ်ပေ။

အန္တိခရစ်တို့ကို ဖော်ထုတ်ခြင်း၌ “၎င်းတို့သည် မိမိတို့ကိုယ်ကိုယ် ထင်ရှားကျော်ကြားမှု ရစေဖို့... ၎င်းတို့၏တာဝန်ကို ထမ်းဆောင်ခြင်းဖြစ်သည်။... (၉)” မှ

ဘာသာရေး အခမ်းအနားနှင့်ဆိုင်သော ဆုတောင်းချက်များထက် ဘုရားသခင် သာ၍ စက်ဆုပ်ရွံရှာသောအရာ မည်သည့်အရာမျှ မရှိပေ။ စစ်မှန်ရိုးသားသောအခါမှသာ ဘုရားသခင်ထံ ဆုတောင်းချက်များကို လက်ခံပေသည်။ သင့်အနေ့ဖြင့် မည်သည့် ရိုးသားစစ်မှန်သော အရာမျှ ပြောစရာ မရှိပါက၊ တိတ်ဆိတ်စွာ နေလော့။ မမှန်ကန်သော စကားများကို အမြဲမပြောနှင့်၊ ပြီးလျှင် ဘုရားသခင်ကို လှည့်ဖြားဖို့ ကြိုးစားရင်း၊ သူ့ကို သင် မည်မျှချစ်သည်၊ သူ့ကို သင် မည်မျှ သစ္စာစောင့်သိရန် ဆန္ဒရှိသည်တို့ကို ပြောဆိုရင်း၊ ဘုရားသခင်၏ ရှေ့မှောက်တွင် ကျိုးကြောင်းမမြင်ဘဲ ကျမ်းသစ္စာများ မပြုနှင့်။ သင်သည် သင်၏ စိတ်ဆန္ဒများကို ရရှိနိုင်စွမ်းမရှိပါက၊ ဤစိတ်ဆုံးဖြတ်ချက်နှင့် ဝိညာဉ်အသက်တာ သင် ကင်းမဲ့ပါက၊ မည်သည့် အခြေအနေများအောက်တွင်မဆို ဤကဲ့သို့ ဘုရားသခင်ထံ ဆုမတောင်းနှင့်။ ယင်းမှာ လှောင်ပြောင်သရော်မှု ဖြစ်သည်။ လှောင်ပြောင်သရော်မှုဆိုသည်မှာ တစ်စုံတစ်ဦးကို လှောင်ခြင်း၊ ၎င်းတို့ကို ပြက်ချော်ချော်လုပ်ခြင်းဟု ဆိုလိုသည်။ လူတို့သည် ဤစိတ်သဘောထားမျိုးဖြင့် ဘုရားသခင်၏ ရှေ့မှောက် ဆုတောင်းကြသည့်အခါ၊ အနည်းဆုံးအနေဖြင့် ဤသည်မှာ လှည့်ဖြားမှု ဖြစ်၏။ အဆိုးဆုံးအနေဖြင့်၊ ဤအရာကို သင် မကြာခဏ လုပ်ဆောင်ပါက၊ သင်၌ လုံးဝ စက်ဆုပ်ဖွယ်ဖြစ်သော အကျင့်စရိုက်ရှိ၏။ ဘုရားသခင်သည် သင့်ကို ရှုတ်ချရမည်ဆိုပါက၊ ယင်းသည် ပြစ်မှားစော်ကားခြင်းဟု ခေါ်ဆိုရပေမည်။ လူတို့သည် ဘုရားသခင်အပေါ် ကြောက်ရွံ့မှု မရှိကြချေ၊ ဘုရားသခင်ကို မည်သို့ ကြောက်ရွံ့ရမည်၊ သို့မဟုတ် သူ့ကို မည်သို့ချစ်ပြီး စိတ်ကျေနပ်စေရမည်ကို ၎င်းတို့ မသိကြချေ။ သမ္မာတရားသည် သူတို့အဖို့ မရှင်းမလင်းဖြစ်ပါက၊ သို့မဟုတ် ၎င်းတို့၏ စိတ်သဘောထား ဖောက်ပြန်ပျက်စီးနေပါက၊ ဘုရားသခင်သည် ယင်းကို ပြုပြင်မည်မဟုတ်။ သို့သော် ၎င်းတို့သည် ထိုသို့သော အကျင့်စရိုက်ကို ဘုရားသခင်၏ ရှေ့မှောက်သို့ ယူဆောင်လာကြပြီး မယုံကြည်သူများက အခြားလူတို့ကို ဆက်ဆံသကဲ့သို့ ဘုရားသခင်ကို ဆက်ဆံကြလေသည်။ ထို့အပြင်၊ ၎င်းတို့သည် ဘုရားသခင်ကို စမ်းသပ်ပြီး နားပူနားဆာလုပ်ဖို့ ဤစကားများကို အသုံးပြုရင်း ဆုတောင်းခြင်းဖြင့် ဘုရားသခင်၏ ရှေ့မှောက်တွင် လေးလေးနက်နက် ဒူးထောက်ကြပြီး၊ ၎င်းတို့ ပြီးစီးသွားသည့်အခါ၊ မိမိကိုယ်ကိုယ် ပြစ်တင်ခြင်း ၎င်းတို့ မခံစားရသည်သာမက၊ ၎င်းတို့၏ လုပ်ရပ်များနှင့်သက်ဆိုင်သော လေးနက်မှုအပေါ် အသိစိတ်လည်း မခံစားကြပေ။ ထိုအခြေအနေတွင်၊ ဘုရားသခင်သည် သူတို့နှင့်အတူ ရှိသလော။ ဘုရားသခင်၏ မျက်မှောက် လုံးဝ မရှိသည့် လူတစ်ဦးသည် ဉာဏ်အလင်းပေးခံရပြီး အလင်းပြခံရနိုင်သလော။ ၎င်းတို့သည် သမ္မာတရားဖြင့် ဉာဏ်အလင်းပေးခြင်းခံရနိုင်သလော။ (မခံရနိုင်ပါ။) သို့ဆိုလျှင် ၎င်းတို့ ဒုက္ခရောက်ပေပြီ။ သင်တို့သည် ဤသို့ အကြိမ်များစွာ ဆုတောင်းဖူးသလော။ ထိုသို့ မကြာခဏ သင်တို့ လုပ်ဆောင်ကြသလော။ အပြင်လောကတွင် လူတို့ အလွန်ကြာမြင့်စွာ အချိန်ကုန်သည့်အခါ၊ ၎င်းတို့သည် လူမှုအဖွဲ့အစည်း၏အနံ့ဆိုး နံဟောင်ကြသည်၊ ၎င်းတို့၏ မသမာသော သဘာဝဗီဇက အားမြင့်သွားပြီး၊ ၎င်းတို့သည် ဆိုးယုတ်သော အဆိပ်များနှင့် အသက်ရှင်ခြင်း နည်းလမ်းများဖြင့် ယှက်သန်းလာကြသည်။ ၎င်းတို့၏ နှုတ်များမှ လာသည့်အရာများသည် အမှားနှင့် လှည်ဖြားမှု စကားများဖြစ်သည်၊ စဉ်းစားခြင်းမရှိဘဲ ၎င်းတို့ စကားပြောဆိုကြသည်၊ သို့မဟုတ်ပါက ၎င်းတို့၏ ကိုယ်ပိုင် စိတ်ပါဝင်စားမှုများနှင့် ရည်မှန်းချက်များသာ အမြဲပါရှိပြီး မှန်ကန်သော အရင်းခံအကြောင်းများ ရှိခဲလှသည့် စကားများကို ပြောဆိုကြလေသည်။ ဤအရာများမှာ ဆိုးရွားသော ပြဿနာများဖြစ်၏။ လူတို့သည် ဤစာတန်ဆန်သော အတွေးအခေါ်များနှင့် ရှင်သန်ခြင်း နည်းလမ်းများကို ဘုရားသခင်၏ ရှေ့မှောက်သို့ ယူသွားသည့်အခါ၊ ဘုရားသခင်၏ စိတ်သဘောထားကို ၎င်းတို့ ပုန်ကန်ပြစ်မှားမိသည် မဟုတ်လော။ ပြီးလျှင် ဤအရာ၏ အကျိုးဆက်သည် မည်သည့်အရာ ဖြစ်လိမ့်မည်နည်း။ အပေါ်ယံတွင်၊ ဤဆုတောင်းချက်များသည် ဘုရားသခင်ကို လှည့်ဖြားဖို့နှင့် လှည့်စားဖို့ ကြိုးပမ်းမှုများ ဖြစ်ပြီး သူ၏ အလိုနှင့် သတ်မှတ်ချက်များနှင့် သဟဇာတ မဖြစ်ပေ။ အခြေခံအားဖြင့် ပြောရလျှင်၊ ဤအရာကို လူ့သဘာဝက ဖြစ်စေခြင်း ဖြစ်သည်။ ယင်းသည် ဖောက်ပြန်ပျက်စီးခြင်းနှင့်ဆိုင်သည့် ယာယီ ထုတ်ဖော်ပြခြင်း တစ်တစ်စုံတစ်ရာ မဟုတ်ပေ။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင့်ကိုယ်သင် သိရှိသည့်အခါမှသာ သမ္မာတရားကို သင်ရှာဖွေလိုက်စားနိုင်သည်” မှ

အရှေ့သို့- ၂) စစ်မှန်သော ဆုတောင်းခြင်းဆိုသည်မှာ မည်သည့်အရာဖြစ်ပြီး စစ်မှန်သော ဆုတောင်းခြင်းသည် မည်သည့်အရာကို ရရှိနိုင်သနည်း

နောက်တစ်ခုသို့- ၄) လူတစ်ဦးသည် စစ်မှန်သည့် ဆုတောင်းခြင်းထဲသို့ ဝင်ရောက်သည့်နည်းလမ်း

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

၁) ခရစ်တော် အယောင်ဆောင်သောသူတစ်ဦးကို မည်သို့ ခွဲခြားနိုင်သနည်း၊ ပြီးလျှင် သူ၏ ဝိသေသလက္ခဏာများမှာ အဘယ်နည်း

ကိုးကားရန် သမ္မာကျမ်းပိုဒ်များ-“ထိုအခါ သူတပါးက ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်း မယုံကြနှင့်။ အကြောင်းမူကား၊...

၃) ဘုရားသခင်၏ အမှုတော် အဆင့်သုံးဆင့်လုံးကြား ဆက်နွှယ်မှု

ဆက်စပ်သော ဘုရားသခင်၏ နှုတ်ကပတ်တော်များ-ယေဟောဝါ၏ အမှုမှသည် ယေရှု၏အမှုထိတိုင်၊ ပြီးလျှင် ယေရှု၏အမှုမှသည် ဤလတ်တလော အဆင့်ထိ၊ ဤအဆင့်သုံးဆင့်သည်...

၅) တရုတ် ကွန်မြူနစ်ပါတီ အစိုးရသည် အနန္တတန်ခိုးရှင် ဘုရားသခင် အသင်းတော်ကို သွေးရူးသွေးတန်း ဖိနှိပ်ပြီး ညှဉ်းပန်းနှိပ်စက်သည့် အကြောင်းအရင်း အစစ်အမှန်

ဆက်စပ်သော ဘုရားသခင်၏ နှုတ်ကပတ်တော်များ-အဆင်းနီသော နဂါးကြီး၏ သရုပ်သကန်များမှာ ငါ့အားခုခံခြင်း၊ ငါ့နှုတ်ကပတ်တော်များ၏ အဓိပ္ပာယ်တို့ကို...

၂) ဘုရားသခင်၏ နာမတော် ပြောင်းလဲကောင်း ပြောင်းလဲနိုင်သည်၊ သို့သော် သူ၏ အနှစ်သာရကား ဘယ်သောအခါမျှ မပြောင်းလဲပေ

ဆက်စပ်သော ဘုရားသခင်၏ နှုတ်ကပတ်တော်များ-ကမ္ဘာမြေသို့ ဘုရားသခင် ကြွလာသည့်အကြိမ်တိုင်းတွင် သူ၏ နာမ၊ သူ၏ လိင်၊ သူ၏ပုံသဏ္ဌာန်နှင့် သူ၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကိုကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်