၅၆) အယူအဆများနှင့် စိတ်ကူးအထင်များကို ဖြေရှင်းခြင်းဆိုင်ရာ အခြေခံသဘောတရားများ

(၁) ဘုရားသခင်တစ်ပါးတည်းသာလျှင် သမ္မာတရားဖြစ်ကြောင်း၊ သမ္မာတရားသည် သူ၏နှုတ်ကပတ်တော်များမှ လာကြောင်းနှင့် လူသား အယူအဆများနှင့် စိတ်ကူးအထင်များသည် မည်မျှပင် ကောင်းစေကာမူ ယင်းတို့သည် အနှစ်သာရ မရှိသော အယူဝါဒသာ ဖြစ်နေကြောင်းကို အခိုင်အမာ သက်သေထူရန် လိုအပ်သည်။

(၂) လူသားအယူအဆများနှင့် စိတ်ကူးအထင်များသည် ဘုရားသခင်၏ နှုတ်ကပတ်တော်များနှင့် လုံးဝကိုက်ညီခြင်းမရှိဘဲ သမ္မာတရား၏ အနှစ်သာရနှင့် သဟဇာတ မဖြစ်ပေ။ ထိုအရာများအတိုင်း အသက်ရှင်နေထိုင်သူသည် ကယ်တင်မခံရနိုင်ချေ။

(၃) သမ္မာတရားသည် အယူအဆများ၏ တစ်ခုတည်းသော ပြေးမလွတ်သည့် အကုသိုလ်ဝိပါက်ဖြစ်သည်။ အကြင်သူသည် ဘုရားသခင်၏ နှုတ်ကပတ်တော်များကို ပိုမိုဖတ်ရှုပြီး သမ္မာတရားကို ရှာဖွေရမည်။ သို့မှသာလျှင် လူသားအယူအဆများနှင့် စိတ်ကူးအထင်များကို လုံးလုံးလျားလျား ပြုပြင်နိုင်မည်။

(၄) ဘုရားသခင်၏ နှုတ်ကပတ်‌တော်များကို တွေ့ကြုံခံစားကာ လက်တွေ့လုပ်ဆောင်ပြီး သမ္မာတရားကို နားလည်လာရန်နှင့် ဘုရားသခင်ကို အစစ်အမှန်သိလာရန် လိုအပ်သည်။ သို့မှသာလျှင် အကြင်သူသည် လူသားအယူအဆများနှင့် စိတ်ကူးအထင်များကို လုံးဝဖယ်ရှားရှင်းထုတ်နိုင်မည်။

ဆက်စပ်သော ဘုရားသခင်၏ နှုတ်ကပတ်တော်များ-

သင်တို့သည် ဘုရားသခင်၏အမှု၏ အခြေခံသဘောတရားများကို မသိသောကြောင့်၊ ပြီးလျှင် သန့်ရှင်းသော ဝိညာဉ်တော်၏ အလုပ်ကို သင်တို့၏ မဆင်မခြင် သဘောထားမှုကြောင့်၊ ဘုရားသခင်၏ အမှုကို ဆန့်ကျင်ခြင်း၊ သို့မဟုတ် ယနေ့အမှုကို တိုင်းတာရန် သင်တို့၏ကိုယ်ပိုင် အယူအဆများကို အသုံးပြုခြင်း ဖြစ်သည်ကို သိကြလော့။ ဘုရားသခင်ကို သင်တို့၏ဆန့်ကျင်ခြင်းနှင့် သန့်ရှင်းသော ဝိညာဉ်တော်၏ အလုပ်ကို သင်တို့၏ ဟန့်တားပိတ်ဆို့ခြင်းသည် သင်တို့၏ အယူအဆများနှင့် ပင်ကို မာနထောင်လွှားမှုအားဖြင့် ဖြစ်သည်။ ယင်းမှာ ဘုရားသခင်၏ အမှုသည် မှားယွင်းသောကြောင့် မဟုတ်ဘဲ၊ သင်တို့သည် သဘာဝအားဖြင့် နာခံမှုမရှိလွန်းသောကြောင့် ဖြစ်သည်။ ဘုရားသခင်၌ ၎င်းတို့၏ယုံကြည်မှုကို ရှာတွေ့ပြီးနောက်တွင်၊ လူအချို့သည် လူသားက မည်သည့်နေရာမှ လာသည်ကိုပင် သေချာမှုဖြင့် ပြောဆိုနိုင်ခြင်း မရှိသော်လည်း သန့်ရှင်းသော ဝိညာဉ်တော်၏ အမှုနှင့်ဆိုင်သည့် အမှန်များနှင့် အမှားများကို သုံးသပ်သည့် လူသိရှင်ကြား ဟောပြောမှုများကို လုပ်ဝံ့ကြလေသည်။ ၎င်းတို့သည် မှတ်ချက်များ ပေးရင်းနှင့် အလှည့်မရောက်မီ ပြောဆိုရင်း၊ သန့်ရှင်းသော ဝိညာဉ်တော်၏ အမှုသစ်ရှိသော တမန်တော်များကို ဆုံးမခြင်းပင်ပြုကြလေသည်။ ၎င်းတို့၏ လူ့သဘာဝသည် အလွန် နိမ့်ကျပြီး၊ ၎င်းတို့ထဲတွင် အသိစိတ် အနည်းငယ်မျှ မရှိပေ။ ထိုသို့သော လူများကို သန့်ရှင်းသော ဝိညာဉ်တော်၏အလုပ်က ငြင်းပယ်ပြီး ငရဲ၏မီးများဖြင့် လောင်ကျွမ်းစေခြင်း ခံရမည့်နေ့ ရောက်လာလိမ့်မည် မဟုတ်လော။ ၎င်းတို့သည် ဘုရားသခင်၏အမှုကို မသိကြဘဲ၊ ယင်းအစား သူ၏အမှုကို ဝေဖန်ကာ ဘုရားသခင်အား မည်သို့အမှုပြုရမည်ကို ညွှန်ကြားရန်လည်း ကြိုးစားကြ၏။ ထိုသို့သော မလျော်ကန်သည့် လူတို့သည် ဘုရားသခင်ကို မည်သို့ သိနိုင်မည်နည်း။ လူသားသည် ဘုရားသခင်ကို ရှာဖွေခြင်းနှင့် တွေ့ကြုံခြင်း ဖြစ်စဉ်အတွင်း သိလာကြပေသည်။ လူသားသည် သန့်ရှင်းသော ဝိညာဉ်တော်၏ အသိဉာဏ်ပွင့်လင်းစေခြင်းမှတစ်ဆင့် ဘုရားသခင်ကို သိလာခြင်းမှာ စိတ်ကူးပေါက်သည်အတိုင်း ဝေဖန်ခြင်းမှတစ်ဆင့် မဟုတ်ပေ။ ဘုရားသခင်နှင့်ဆိုင်သည့် လူတို့၏ အသိပညာ သာ၍ တိကျမှန်ကန်လေလေ၊ သူ့ကို ၎င်းတို့ ဆန့်ကျင်မှု လျော့နည်းလေလေ ဖြစ်၏။ ဆန့်ကျင်ဘက်အနေဖြင့် ဘုရားသခင်ကို လူတို့ အသိနည်းလေလေ၊ သူ့ကိုဆန့်ကျင်ရန် အလားအလာများလေလေ ဖြစ်၏။ သင်၏ အယူအဆများ၊ သင်၏ သဘာဝဟောင်းနှင့် သင်၏လူ့သဘာဝ၊ စရိုက်လက္ခဏာနှင့် ကိုယ်ကျင့်တရား အမြင်သဘောထားတို့သည် သင့်အနေနှင့် ဘုရားသခင်ကို ခုခံရာတွင် အသုံးပြုသည့် “အရင်းအနှီး” ဖြစ်ပြီး၊ သင်၏ကိုယ်ကျင့်တရားသည် သာ၍ ဖောက်ပြန်ပျက်စီးကာ၊ သင်၏အရည်အသွေးများက စက်ဆုပ်ဖွယ်ဖြစ်ပြီး သင်၏လူ့သဘာဝက နိမ့်ကျလာလေလေ၊ ဘုရားသခင်၏ရန်သူ ဖြစ်လေလေ ဖြစ်၏။ အားကောင်းသော အယူအဆများ ပိုင်ဆိုင်ပြီး၊ မိမိကိုယ်ကိုယ် မှန်ကန်သည်ဟု ယူမှတ်သော စိတ်သဘောထား ရှိသူများသည် လူ့ဇာတိခံ ဘုရားသခင်နှင့်ဆိုင်သည့် ရန်လိုမှုတွင် သာ၍ ရှိကြလေသည်။ ထိုသို့သောလူများသည် အန္တိခရစ်များ ဖြစ်ကြ၏။ သင်၏အယူအဆများကို ပြုပြင်ခြင်း မရှိပါက၊ ယင်းတို့သည် ဘုရားသခင်ကို အစဉ် ဆန့်ကျင်နေလိမ့်မည်။ သင်သည် ဘုရားသခင်နှင့် မည်သည့်အခါမျှ သဟဇာတရှိလိမ့်မည် မဟုတ်သကဲ့သို့၊ သူ့ထံမှ အမြဲ ဝေးကွာလိမ့်မည် ဖြစ်သည်။

သင်၏ အယူအဆအဟောင်းတို့ကို ဘေးဖယ်ထားခြင်းအားဖြင့်သာ အသိပညာသစ်ကို သင် ရရှိနိုင်သည်၊ သို့သော် အသိပညာဟောင်းသည် အယူအဆအဟောင်းများနှင့် သေချာပေါက် မညီမျှပေ။ “အယူအဆများ” ဆိုသည်မှာ လူသားက စိတ်ကူးသည့် လက်တွေ့အရှိတရားနှင့် သဘောကွဲလွဲသော အရာများကို ရည်ညွှန်းသည်။ အသိပညာဟောင်းသည် ခေတ်ဟောင်းတွင် ခေတ်နောက်ကျပြီးသားဖြစ်ပြီး လူသားကို အမှုသစ်ထဲသို့ ဝင်ရောက်ခြင်းမှ တားဆီးခဲ့ပါက၊ ထိုသို့သော အသိပညာသည်လည်း အယူအဆတစ်ခု ဖြစ်၏။ လူသားသည် ထိုသို့သော အသိပညာကို မှန်ကန်သည့် ချဉ်းကပ်မှု လုပ်ဆောင်နိုင်ပြီး၊ အဟောင်းနှင့် အသစ် ပေါင်းစပ်လျက် ဘုရားသခင်ကို မတူကွဲပြားသော ရှုထောင့်အချို့မှ သိလာနိုင်ပါက၊ အသိပညာဟောင်းသည် လူသားအဖို့ အထောက်အကူ တစ်ရပ်ဖြစ်လာပြီး ခေတ်သစ်ထဲသို့ လူသားဝင်ရောက်သည့် အခြေခံအကြောင်းရင်း ဖြစ်လာ၏။...လူသားသည် သူ၏စိတ်ထဲတွင် သူကိုယ်တိုင်စိတ်ကူးထားသော ဘုရားသခင်ကို ယုံကြည်ပြီး လက်တွေ့အရှိတရား၏ ဘုရားသခင်ကို မရှာဖွေပေ။ လူတစ်ဦးသည် ယုံကြည်ခြင်း တစ်မျိုး ရှိပါက၊ လူတစ်ရာအလယ်တွင် ယုံကြည်ခြင်း အမျိုးတစ်ရာ ရှိ၏။ လူသားသည် ဘုရားသခင်၏ အမှု၏ လက်တွေ့အရှိတရားကို မမြင်ရသေးသောကြောင့်၊ သူသည် ယင်းကို သူ၏ နားများဖြင့်သာ ကြားဖူးပြီး သူ၏ မျက်လုံးများဖြင့် မရှုမြင်ရသေးကြောင့်၊ ထိုသို့သော ယုံကြည်မှုများ ရှိခြင်း ဖြစ်သည်။ လူသားသည် ဒဏ္ဍာရီများနှင့် ပုံပြင်များကို ကြားရပြီးဖြစ်သည်- သို့သော် သူသည် ဘုရားသခင့်အမှု၏ အချက်အလက်များနှင့်ဆိုင်သည့် အသိပညာကို ကြားရခဲ၏။ ထို့ကြောင့် ယုံကြည်သူများ ဖြစ်လာသည်မှာ တစ်နှစ်သာ ရှိသေးသော လူတို့သည် ၎င်းတို့၏ ကိုယ်ပိုင်အယူအဆများမှ တစ်ဆင့် ဘုရားသခင်ကို ယုံကြည်လာကြခြင်း ဖြစ်သည်။ ၎င်းတို့၏ ဘဝတစ်ခုလုံး ဘုရားသခင်ကို ယုံကြည်ခဲ့သူများအတွက်လည်း အလားတူ မှန်ကန်ပေသည်။ အချက်အလက်များကို မမြင်နိုင်သူများသည် ဘုရားသခင်နှင့်ပတ်သက်သည့် အယူအဆများရှိသည့် ယုံကြည်ခြင်းမှ မည်သည့်အခါမျှ လွတ်မြောက်နိုင်ကြလိမ့်မည် မဟုတ်ပေ။ လူသားသည် သူ၏ အယူအဆအဟောင်းများ၏ အချုပ်အနှောင်များမှ မိမိကိုယ်ကိုယ် လွတ်မြောက်စေပြီးဖြစ်ကာ နယ်မြေသစ်ထဲသို့ ဝင်ရောက်ပြီးဖြစ်သည်ဟု ယုံကြည်သည်။ ဘုရားသခင်၏ စစ်မှန်သောမျက်နှာကို မမြင်နိုင်သူများ၏ အသိပညာသည် အယူအဆများနှင့် ကောလာဟလများသာ ဖြစ်သည်ကို လူသားမသိသလော။ လူသားက သူ၏အယူအဆများမှာ မှန်ကန်ပြီး အမှားမရှိဟု ထင်ကာ ဤအယူအဆများသည် ဘုရားသခင်ထံမှ လာသည်ဟု တွေးထင်၏။ ယနေ့ခေတ်တွင် လူသားသည် ဘုရားသခင်၏အမှုကို မျက်မြင်တွေ့သည့်အခါတွင်၊ နှစ်ပေါင်းများစွာ တစ်ဆင့်ပြီးတစ်ဆင့် တည်ဆောက်ပြီးဖြစ်သည့် အယူအဆများကို လွှတ်ပေးလိုက်လေသည်။ အတိတ်မှ စိတ်ကူးများနှင့် အကြံများသည် ဤအဆင့်၏အမှုအဖို့ အတားအဆီးတစ်ခု ဖြစ်လာပြီးဖြစ်ကာ လူသားအတွက် ထိုသို့သော အယူအဆများကို လက်လွှတ်ရန်နှင့် ထိုသို့သော စိတ်ကူးများကို ချေပရန် ခက်ခဲလာပြီးဖြစ်သည်။ ယနေ့အထိ ဘုရားသခင်နောက်သို့ လိုက်ခဲ့ကြသူများစွာ၏ ဤတစ်ဆင့်ပြီးတစ်ဆင့် လုပ်ဆောင်သည့် အမှုအပေါ် အယူအဆများသည် ယခင်ထက် ပို၍ ဆိုးရွားလာပြီးဖြစ်ကာ ဤလူတို့သည် လူ့ဇာတိခံ ဘုရားသခင်ကို ခေါင်းမာသော ရန်လိုမှုတစ်ခုကို တစ်ဖြည်းဖြည်း ဖြစ်ပေါ်စေကြပြီ ဖြစ်သည်။ ဤမုန်းတီးမှု၏ အရင်းအမြစ်သည် လူသား၏ အယူအဆများနှင့် စိတ်ကူးများတွင် တည်လေသည်။ လူသား၏ အယူအဆများနှင့် စိတ်ကူးများသည် ယနေ့ခေတ်အမှု၊ လူသား၏ အယူအဆများနှင့် သဘောကွဲလွဲသည့် အမှု၏ ရန်သူ ဖြစ်လာပြီး ဖြစ်သည်။ ဤသည်မှာ အတိအကျအားဖြင့် အမှန်တရားသည် လူသားကို သူ၏ စိတ်ကူးများအား ဇက်ပုံပေးခွင့်မပြုသကဲ့သို့၊ ထို့အပြင် လူသားအနေနှင့် ယင်းကို အလွယ်တကူ ချေပနိုင်ခြင်း မရှိဘဲ၊ လူသား၏ အယူအဆများနှင့် စိတ်ကူးစိတ်သန်းများသည် အမှန်တရား၏ တည်ရှိခြင်းကို ခွင့်မပြုသည်သာမက၊ လူသားသည် အချက်အလက်များ၏ အမှားထောက်ပြခြင်းနှင့် မှန်ကန်မှုအပေါ် စဉ်းစားခြင်း မရှိဘဲ၊ သူ၏ အယူအဆများကို စွဲစွဲမြဲမြဲ လွှတ်ပေးရုံမျှ လွှတ်ပေးပြီး သူ၏ကိုယ်ပိုင် စိတ်ကူးစိတ်သန်းကို အသုံးပြုသောကြောင့် ဖြစ်ပေသည်။ ဤအရာကို လူသား အယူအဆများ၏ အပြစ်ဟုသာပြောနိုင်ပြီး ဘုရားသခင့်အမှု၏ အပြစ်ဟု ပြော၍ မရပေ။ လူသားသည် သူဆန္ဒရှိသည့် မည်သည့်အရာကိုမဆို စိတ်ကူးကောင်း စိတ်ကူးနိုင်သော်လည်း၊ ဘုရားသခင်၏ အမှု၏ မည်သည့်အဆင့်ကိုမျှ၊ သို့မဟုတ် မည်သည့်အစိတ်အပိုင်းကိုမျှ လွတ်လပ်စွာ အငြင်းပွားနိုင်ခြင်း မရှိပေ။ ဘုရားသခင့်အမှု၏ အမှန်တရားကို လူသားက ချိုးဖောက်၍ မရပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုအဆင့် သုံးဆင့်ကို သိခြင်းသည် ဘုရားသခင်ကို သိခြင်း၏ လမ်းကြောင်းဖြစ်သည်” မှ

အကယ်၍ ဘုရားသခင်သည် အပြောင်းအလဲမရှိသော ရွှံ့စေးရုပ်တုအလား၊ ဘုရားသခင်ကို အကဲဖြတ်ရန်နှင့် ဘောင်ခတ်ရန် မိမိတို့၏ အယူအဆများ အသုံးပြုသည့်အပြင်၊ သမ္မာကျမ်းစာ၏ ကန့်သတ်ချက်များအတွင်း၌ ဘုရားသခင်ကို လုံးလုံးလျားလျား ဘောင်ခတ်ပြီး အကန့်အသတ်ရှိသော အမှုအတိုင်းအတာအတွင်း၌ သူ့ကို ထိန်းချုပ်ထားပါက၊ ဤသည်မှာ သင်တို့က ဘုရားသခင်ကို ရှုတ်ချမိပြီဖြစ်ကြောင်း သက်သေပြလေသည်။ ဘုရားသခင်ကို မေရှိယဟုသာ ခေါ်ဆိုနိုင်ပြီး မေရှိယဟု ခေါ်ခြင်းခံရသောသူမှသာလျှင် ဘုရားသခင်ဖြစ်နိုင်သည့်အလား၊ ဓမ္မဟောင်းခေတ်ထဲက ယုဒလူမျိုးတို့သည် သူတို့၏စိတ်နှလုံးထဲ၌ တရားသေ စွဲကိုင်ထားသည့် ရုပ်တုဆင်းတုပုံစံအဖြစ် ဘုရားသခင်ကို သဘောထားခဲ့ကြသောကြောင့်၊ ထို့ပြင် လူသားမျိုးနွယ်က ဘုရားသခင်ကို (အသက်မဲ့သော) ရွှံ့စေးရုပ်တုပမာ အစေခံပြီး ကိုးကွယ်ခဲ့ကြသောကြောင့်၊ သူတို့သည် ထိုခေတ်၏ယေရှုကို သေမိန့်ပေးကာ လက်ဝါးကားတိုင်ထက်၌ သံမှိုစွဲရိုက်ခဲ့ကြကာ- ထိုသို့ဖြင့် အပြစ်မဲ့သောယေရှုမှာ သေဒဏ်ချမှတ်ခြင်းကို ခံခဲ့ရသည်။ ဘုရားသခင်သည် ပုန်ကန်ပြစ်မှားခြင်း တစ်စုံတစ်ရာ ကင်းမဲ့ခဲ့စေကာမူ၊ လူသားက သူ့ကို သက်ညှာရန် ငြင်းဆန်ခဲ့ပြီး၊ သူ့ကို သေမိန့်ပေးရန် မရမကတောင်းဆိုခဲ့ကြသဖြင့် ယေရှုမှာ ကားစင်တင်သတ်ခံခဲ့ရ၏။ ဘုရားသခင်သည် ပြောင်းလဲခြင်းမရှိဟု လူက အမြဲယုံကြည်ပြီး၊ ဘုရားသခင်၏ စီမံခန့်ခွဲမှုအပေါ် လူက ပြီးပြည့်စုံသော နားလည်ခြင်းရှိသည့်အလား၊ ဘုရားသခင်လုပ်ဆောင်သမျှ အရာခပ်သိမ်းကို လူက သူ၏လက်ခုပ်ထဲတွင် ထိန်းထားသည့်အလား သမ္မာကျမ်းစာဟူသော တစ်အုပ်တည်းသော စာအုပ်ပေါ်အခြေခံ၍ သူ့အား အနက်ဖွင့်ဆိုကြသည်။ လူတို့သည် လွန်လွန်ကဲကဲပင် ကိုးရိုးကားရား ဖြစ်နေကြပြီး၊ လွန်လွန်ကဲကဲပင် မာနထောင်လွှားနေကြကာ၊ သူတို့အားလုံးမှာ ချဲ့ကားပြောဆိုခြင်းတွင် အလွန်ကျွမ်းကျင်ကြသည်။ ဘုရားသခင်နှင့်ပတ်သက်ပြီး သင်၏ အသိပညာမှာ မည်မျှပင် ကြီးမားနေပါစေ၊ သင်သည် ဘုရားသခင်၏ အမှုကို လုံးလုံးလျားလျား လိုက်နာနိုင်စွမ်း မရှိသည့်အပြင်၊ ဘုရားသခင်က စုံလင်အောင် ပြုလုပ်ထားသည့် လမ်းကြောင်းကို လိုက်လျှောက်နိုင်စွမ်း မရှိသောကြောင့်၊ သင်သည် ဘုရားသခင်ကို မသိကျွမ်းကြောင်း၊ သင်သည် ဘုရားသခင်ကို အဆန့်ကျင်ဆုံးသောသူ တစ်ယောက်ပင် ဖြစ်ကြောင်းနှင့်၊ သင်သည် ဘုရားသခင်ကို ပြစ်မှားမိခဲ့ပြီဖြစ်ကြောင်း ငါပြောနေသေးသည်။ ဘုရားသခင်သည် လူ၏ လုပ်ဆောင်ချက်များအပေါ် အဘယ်ကြောင့် မည်သည့်အခါမျှ ကျေနပ်ခြင်းမရှိရသနည်း။ အဘယ်ကြောင့်ဆိုသော် လူသားသည် ဘုရားသခင်ကို မသိကျွမ်းသောကြောင့်၊ သူ၌ အယူအဆများ များစွာရှိပြီး၊ ဘုရားသခင်နှင့်ပတ်သက်၍ သူ၏အသိပညာမှာ လက်တွေ့အရှိတရားနှင့် မည်သို့မျှ မကိုက်ညီသောကြောင့်ဖြစ်ကာ၊ ထိုအစား သူသည် အပြောင်းအလဲမရှိဘဲ ဓာတ်ပြားဟောင်းကိုသာ ငြီးငွေ့ဖွယ် ပြန်ပြန်ဖွင့်နေပြီး အခြေအနေတိုင်းအတွက် တစ်ခုတည်းသော ကိုင်တွယ်ဖြေရှင်းနည်းကိုသာ အသုံးပြုသောကြောင့် ဖြစ်သည်။ ထို့ကြောင့် ဘုရားသခင်သည် ယနေ့တွင် ကမ္ဘာမြေကြီးသို့ ဆင်းကြွလာကာ နောက်ထပ်တစ်ကြိမ် လက်ဝါးကပ်တိုင်ပေါ်တွင် လူသားများ၏ သံမှိုစွဲရိုက်ထားခြင်းကို ခံရခြင်းဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဆိုးညစ်သောသူများသည် အပြစ်ဒဏ်ပေးခြင်းကို မုချခံကြရလိမ့်မည်” မှ

ဘုရားသခင်၏အမှုတွင် အသစ်သော ဖွံ့ဖြိုးတိုးတက်မှုများ အမြဲရှိသောကြောင့်၊ အမှုသစ် ထွက်ပေါ်လာသကဲ့သို့ ခေတ်ကုန်သွားပြီး ဟောင်းသွားသောအမှု ရှိပေသည်။ အဟောင်းနှင့် အသစ် ဤကွဲပြားသော အမှုအမျိုးမျိုးသည် ဆန့်ကျင်ဘက် မဟုတ်ဘဲ၊ အပြန်အလှန် ဖြည့်ဆည်းလေသည်။ အဆင့်အသီးသီးသည် ပြီးခဲ့သည့်အဆင့်နောက်မှ လိုက်လာပေသည်။ အမှုသစ်ရှိသောကြောင့် ဟောင်းသောအရာများသည် အမှန်ပင် ဖယ်ရှားခံရပေမည်။ ဥပမာအားဖြင့် လူသား၏နှစ်ပေါင်းများစွာ အတွေ့အကြုံနှင့် သွန်သင်ချက်တို့နှင့် တွဲဖက်လျက်၊ လူသား၏ ကာလကြာရှည် တည်မြဲသော အလေ့အထများနှင့် ပြောနေကျ စကားပုံ အချို့သည် လူသား၏စိတ်ထဲတွင် အယူအဆများ နည်းဟန်မျိုးစုံ၊ ပုံစံမျိုးစုံ ဖြစ်ပေါ်ပြီးဖြစ်သည်။ နှစ်များစွာတစ်လျှောက် ရှေးခေတ်ကာလများမှ အစဉ်အလာရှိသည့် သဘောတရားများ ပျံ့နှံ့မှုနှင့်အတူ ဘုရားသခင်သည် သူ၏ စစ်မှန်သော မျက်နှာနှင့် ပင်ကို စိတ်သဘောထားတို့ကို လူသားထံ အပြည့်အဝ ထုတ်ဖော်ပြဖို့ ရှိသေးသည်မှာ လူသား၏ ထိုသို့သော အယူအဆများ ဖြစ်ပေါ်ခြင်းအဖို့ သာ၍ အခါအခွင့်သင့်ပေသေး၏။ လူသားက ဘုရားသခင်ကို ယုံကြည်သည့် ကာလတစ်လျှောက်တွင်၊ အယူအဆ အမျိုးမျိုး၏ လွှမ်းမိုးမှုက လူများတွင် ဘုရားသခင်အပေါ် အထင်အရ သိနားလည်မှုမျိုးစုံ အဆက်မပြတ် ဖြစ်ပေါ်မှုနှင့် ဆင့်ကဲပြောင်းလဲမှု ဆီသို့ ဆိုက်ရောက်စေပြီးဖြစ်လေသည်၊ ယင်းက ဘုရားသခင်ကို အစေခံသည့် ဘာသာရေးသမားများစွာကို ဘုရားသခင်၏ ရန်သူများ ဖြစ်စေခဲ့သည်ဟု ပြောကောင်း ပြောနိုင်ပေသည်။ ထို့ကြောင့်၊ လူတို့၏ ဘာသာရေး အယူအဆများ အားကောင်းလေလေ၊ ၎င်းတို့သည် ဘုရားသခင်ကို ဆန့်ကျင်လေလေဖြစ်ပြီး ဘုရားသခင်၏ ရန်သူဖြစ်လေလေ ဖြစ်သည်။ ဘုရားသခင်၏အမှုသည် အမြဲအသစ်ဖြစ်ကာ မည်သည့်အခါတွင်မျှ ဟောင်းနွမ်းခြင်းမရှိပေ။ ယင်းသည် မည်သည့်အခါမျှ အယူဝါဒ မဖြစ်ပေါ်စေဘဲ၊ ယင်းအစား သာ၍ကြီးမားသော အတိုင်းအတာအထိ သို့မဟုတ် သာ၍ လျော့နည်းသော အတိုင်းအတာအထိ အစဉ်မပြတ် ပြောင်းလဲကာ အသစ်ပြုပြင်ခံရလျက် ရှိသည်။ ဤနည်းဖြင့် အမှုပြုခြင်းသည် ဘုရားသခင်ကိုယ်တော်တိုင်၏ ပင်ကိုစိတ်သဘောထား ဖော်ပြချက်တစ်ခု ဖြစ်သည်။ ယင်းသည် ဘုရားသခင်အမှု၏ ပင်ကို အခြေခံသဘောတရားလည်းဖြစ်ကာ ဘုရားသခင်က သူ၏စီမံခန့်ခွဲမှုကို ပြီးမြောက်စေသည့် နည်းလမ်းများထဲမှတစ်ခု ဖြစ်သည်။ အကယ်၍ ဘုရားသခင်သည် ဤနည်းဖြင့် အမှုမပြုခဲ့ပါက၊ လူသားသည် ပြောင်းလဲမည် မဟုတ်၊ သို့မဟုတ် ဘုရားသခင်ကို သိနိုင်မည် မဟုတ်သကဲ့သို့၊ စာတန်သည် ရှုံးနိမ့်မည် မဟုတ်ပေ။ ထို့ကြောင့်၊ သူ၏အမှုတွင် တစ်သမတ်တည်း မဟုတ်သည့်ပုံရသော်လည်း၊ အမှန်အားဖြင့် ပုံမှန်ဖြစ်သော ပြောင်းလဲမှုများ အစဉ်မပြတ် ဖြစ်ပေါ်လေသည်။ သို့သော် လူသားက ဘုရားသခင်ကို ယုံကြည်သည့် နည်းလမ်းမှာ အတော်အတန် ကွာခြားသည်။ သူသည် ဟောင်းနွမ်းကာ၊ ရင်းနှီးကျွမ်းဝင်သော အယူဝါဒများနှင့် စနစ်များကို ဖက်တွယ်ပြီး ထိုအရာများ ဟောင်းလေလေ၊ သူ့အဖို့ နှစ်လိုဖွယ်ရှိလေလေ ဖြစ်သည်။ လူသား၏မိုက်မဲသော စိတ်၊ ကျောက်တုံးကဲ့သို့ ခေါင်းမာသော စိတ်သည် အလွန်များပြားလှသော မတွေးတတ်အောင် ခက်ခဲနက်နဲသည့် ဘုရားသခင်၏ အမှုသစ်နှင့် နှုတ်ကပတ်တော်သစ်များကို မည်သို့ လက်ခံနိုင်မည်နည်း။ လူသားသည် အမြဲအသစ်ဖြစ်ကာ လုံးဝ အိုဟောင်းခြင်း မရှိသည့် ဘုရားသခင်ကို ရွံမုန်း၏။ သူသည် သွားရှည်လျားကာ၊ ဆံပင်ဖြူပြီး နေရာတစ်ခုတွင် ကပ်နေသည့် အိုမင်းသောဘုရားသခင်ကိုသာ နှစ်သက်သည်။ ထိုသို့ဖြင့်၊ လူသားနှင့် ဘုရားသခင်သည် မိမိတို့ကိုယ်ပိုင် အကြိုက်များ ရှိကြသောကြောင့် လူသားသည် ဘုရားသခင်၏ ရန်သူဖြစ်သွားသည်။ ဤဆန့်ကျင်ဘက်ဖြစ်ခြင်း များစွာတို့သည် ဘုရားသခင်က အမှုသစ်ကို လုပ်ဆောင်နေခဲ့သည်မှာ နှစ်ပေါင်းခြောက်ထောင်နီးပါး ကြာပြီဖြစ်သည့် အချိန်ကာလ တစ်ခုဖြစ်သော ယနေ့တွင်ပင် တည်ရှိဆဲဖြစ်သည်။ သို့ဖြစ်၍ ၎င်းတို့သည် ကုစား၍မရနိုင်ပေ။ ယင်းမှာ လူသား၏ခေါင်းမာခြင်း သို့မဟုတ် ဘုရားသခင်၏ စီမံအုပ်ချုပ်ရေးဆိုင်ရာ အမိန့်များကို မည်သည့်လူသားကမျှ မချိုးဖောက်နိုင်ခြင်းကြောင့် ဖြစ်ကောင်း ဖြစ်ပေမည်- သို့သော် ဘုရားသခင်က သူ့ကိုပံ့ပိုးမည့်သူ မည်သူမျှ မရှိသည့်အလား၊ သူ၏ မပြီးစီးသေးသည့် စီမံခန့်ခွဲခြင်းအမှုကို ဆက်လက် ဆောင်ရွက်နေစဉ်တွင် ထိုခရစ်ယာန်ဓမ္မဆရာများနှင့် ဓမ္မဆရာမများသည် မှိုတက်၍ အိုဟောင်းသော စာအုပ်များနှင့် စာရွက်များကို ဖက်တွယ်ထားကြဆဲ ဖြစ်သည်။ ဤဆန့်ကျင်ကွဲလွဲချက်များသည် လူသားနှင့် ဘုရားသခင်ကို ရန်သူများဖြစ်စေပြီး ပြေလည်ရန် မဖြစ်နိုင်သော်လည်း၊ ဘုရားသခင်သည် ၎င်းတို့ကို တစ်ချိန်တည်းတွင် ထိုနေရာ၌ရှိပြီး ထိုနေရာ၌မရှိသည့်အလား အရေးမစိုက်ပေ။ သို့ရာတွင် လူသားသည် မိမိ၏ ယုံကြည်ချက်များနှင့် အယူအဆများကို ဆက်လက် စွဲကိုင်ထားဆဲဖြစ်ပြီး၊ ထိုအရာများကို လုံးဝ လက်မလွှတ်ပေ။ သို့တိုင် တစ်ခုသောအရာသည် ပကတိအတိုင်း ရှင်းနေပြီးဖြစ်သည်- လူသားသည် မိမိ၏ ရပ်တည်ချက်မှ သွေဖည်မသွားသော်လည်း၊ ဘုရားသခင်၏ခြေများသည် အမြဲ ရွေ့လျားနေပြီး ပတ်ဝန်းကျင်နှင့်အညီ သူ၏ ရပ်တည်ချက်ကို သူ အမြဲပြောင်းလဲနေပေသည်။ အဆုံးတွင်၊ မတိုက်လိုက်ရဘဲနှင့် ရှုံးနိမ့်သွားမည့်သူမှာ လူသားဖြစ်သည်။ ထိုအတောအတွင်းတွင်၊ ဘုရားသခင်သည် ရှုံးနိမ့်သွားသည့် သူ၏ရန်သူအားလုံး၏ အကြီးမားဆုံးသော ရန်သူဖြစ်သကဲ့သို့၊ ရှုံးနိမ့်သွားသည့် လူသားမျိုးနွယ်ရော မရှုံးနိမ့်သည့် လူသားမျိုးနွယ်တို့အတွက်ပါ ရပ်တည်ကာကွယ်သူလည်း ဖြစ်သည်။ မည်သူသည် ဘုရားသခင်နှင့် ယှဉ်ပြိုင်ပြီး အောင်နိုင်မည်နည်း။ လူသား၏ အယူအဆများစွာတို့သည် ဘုရားသခင်၏အမှု နောက်ပိုင်းတွင် ပေါက်ဖွားခဲ့ကြသောကြောင့်၊ ထိုအယူအဆများသည် ဘုရားသခင်ထံမှ လာပုံရလေသည်။ သို့သော်လည်း ဘုရားသခင်သည် လူသားကို ဤအရာကြောင့် ခွင့်လွှတ်ခြင်း မရှိသကဲ့သို့၊ ထို့ပြင် ဘုရားသခင်၏ အမှုနောက်ပိုင်းတွင် သူ၏အမှုပြင်ပ၌ ရှိသည့် “ဘုရားသခင် အတွက်” အကျိုးများကို တစ်သုတ်ပြီး တစ်သုတ် ဖြစ်ပေါ်စေခြင်းအတွက် လူသားအပေါ် ဘုရားသခင် ချီးမွမ်းခြင်းလည်း မရှိပေ။ ယင်းအစား၊ သူသည် လူသား၏ အယူအဆများနှင့် ဟောင်းနွမ်းကာ၊ ဘုရားတရားကိုင်းရှိုင်းသည့် ယုံကြည်မှုများကို အလွန့်အလွန် ရွံ့မုန်းပြီး ထိုအယူအဆများ ဦးစွာထွက်ပေါ်ခဲ့သည့် နေ့စွဲများကို အသိအမှတ်ပြုလိုစိတ်ပင် မရှိချေ။ လူသား၏ အယူအဆများကို လူသားက ပျံ့နှံ့စေသည့်အတွက်၊ ထိုအယူအဆများသည် မိမိ၏အမှုမှ ထွက်ပေါ်လာသည်ဟု ဘုရားသခင် လုံးဝလက်မခံပေ။ ထိုအရာများ၏ အရင်းအမြစ်သည် လူသား၏အတွေးများနှင့် စိတ်တို့ဖြစ်၏- ဘုရားသခင်မဟုတ်ဘဲ၊ စာတန် ဖြစ်ပေသည်။ ဘုရားသခင်၏ ရည်ရွယ်ချက်မှာ သူ၏အမှုကို ဟောင်းနွမ်းကာ မသေဆုံးစေဘဲ၊ အသစ်ဖြစ်စေကာ ရှင်သန်စေဖို့အတွက် အမြဲ ဖြစ်ခဲ့ပြီး၊ လူသားကို သူ လိုက်နာစောင့်ထိန်းစေသည့်အရာမှာ ခေတ်ကာလအလိုက် ပြောင်းလဲပြီး ထာဝရမတည်သကဲ့သို့ မပြောင်းလဲနိုင်သည့်အရာ မဟုတ်ပေ။ ဤသည်မှာ အဘယ်ကြောင့်ဆိုသော် သူသည် လူသားကို သေဆုံးစေကာ အိုမင်းစေသော နတ်ဆိုးတစ်ပါးဖြစ်သည်ထက်၊ လူသားကို အသက်ရှင်စေကာ အသစ်ဖြစ်စေသော ဘုရားသခင် ဖြစ်သောကြောင့် ဖြစ်သည်။ ဤအရာကို သင်တို့ နားမလည်ကြသေးသလော။ သင်သည် အမြင်ကျဉ်းမြောင်းသောကြောင့် ဘုရားသခင်နှင့်သက်ဆိုင်သည့် အယူအဆများရှိပြီး ထိုအယူအဆများကို သင် လက်လွှတ်နိုင်စွမ်း မရှိပေ။ ယင်းမှာ ဘုရားသခင်၏ အမှုအတွင်းတွင် အဓိပ္ပာယ် အလွန်နည်းပါးလွန်းသောကြောင့် မဟုတ်သကဲ့သို့၊ ဘုရားသခင်၏ အမှုသည် လူသား၏ ဆန္ဒများနှင့် ကွဲပြားခြားနားသောကြောင့် မဟုတ်သည့်အပြင်၊ ယင်းသည် ဘုရားသခင်က မိမိ၏တာဝန်များကို အမြဲ ပေါ့ဆသောကြောင့်လည်း မဟုတ်ပေ။ သင်သည် နာခံမှု ကင်းမဲ့လွန်းသောကြောင့်နှင့် အဖန်ဆင်းခံ သတ္တဝါတစ်ဦး၏ သဏ္ဌာန် အနည်းငယ်မျှ မရှိသောကြောင့်၊ သင်သည် သင်၏အယူအဆများကို လက်မလွှတ်နိုင်ပေ။ ယင်းမှာ ဘုရားသခင်သည် သင့်အတွက် အမှုအရာများကို ခက်ခဲစေခြင်းကြောင့် မဟုတ်ပေ။ ဤအရာအလုံးစုံတို့ကို သင်က ဖြစ်စေခဲ့ခြင်း ဖြစ်ပြီး၊ ဘုရားသခင်နှင့် လုံးဝ ဆက်နွှယ်မှုမရှိပေ။ ဆင်းရဲဒုက္ခနှင့် ကံဆိုးခြင်းအားလုံးကို လူသားက ဖန်တီးခြင်း ဖြစ်၏။ ဘုရားသခင်၏ အကြံအစည်များသည် အမြဲ ကောင်းမြတ်၏- သူသည် သင့်ကို အယူအဆများ ဖြစ်ပေါ်စေဖို့ ဆန္ဒမရှိဘဲ၊ ခေတ်များ ကုန်လွန်သွားသည်နှင့်အမျှ ပြောင်းလဲကာ အသစ်ပြုပြင်ခံရစေလိုသည်။ သို့သော် သင့်အတွက် မည်သည့်အရာ ကောင်းမြတ်သည်ကို သင် မသိသကဲ့သို့၊ အမြဲ စေ့စေ့စပ်စပ် ကြည့်ရှုစစ်ဆေးခြင်း သို့မဟုတ် စိစစ်ခြင်း တစ်ခုမဟုတ်လျှင်တစ်ခု လုပ်ဆောင်နေလေသည်။ ယင်းမှာ ဘုရားသခင်သည် သင့်အတွက် အမှုအရာများကို ခက်ခဲစေခြင်း မဟုတ်ဘဲ၊ သင်သည် ဘုရားသခင်ကို ကြည်ညိုမှု မရှိသကဲ့သို့၊ သင်၏မနာခံခြင်းသည် အလွန်ကြီးမားနေခြင်း ဖြစ်ပေသည်။ ဘုရားသခင် ယခင်ကပေးထားသည့်အရာ၏ အရေးမပါလှသော အစိတ်အပိုင်းအချို့ကို ယူဆောင်ပြီးနောက်၊ လှည့်ကာ ဘုရားသခင်ကို တိုက်ခိုက်ရန် ယင်းကို အသုံးပြုဝံ့သည့် အဖန်ဆင်းခံ သတ္တဝါငယ်လေးတစ်ဦး- ဤသည်မှာ လူသား၏မနာခံခြင်း မဟုတ်လော။ လူသားများသည် ဘုရားသခင်၏ ရှေ့၌ မိမိတို့၏အမြင်များကို ဖော်ပြရန် အရည်အချင်း လုံးဝမရှိသကဲ့သို့၊ ထိုမှိုတက်သည့် အယူအဆများကို မဆိုထားနှင့်- ၎င်းတို့၏ သုံးစားမရသည့်၊ နံဟောင်နေကာ ပုပ်သိုးနေသည့်၊ ကွန့်လွန်းသော စကားအသုံးအနှုန်းကို ၎င်းတို့သည် ဆန္ဒရှိသည်အတိုင်း ဟိုဟိုသည်သည် ပြစားဝင့်ဝါဖို့ အရည်အချင်း သာ၍ပင်မရှိဟု ဆိုထိုက်ပေသည်။ ၎င်းတို့သည် သာ၍ပင် အသုံးမကျဖြစ်ကြသည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ ယနေ့အမှုကို သိသောသူများသာလျှင် ဘုရားသခင်ကို အစေခံနိုင်သည်” မှ

ဘုရားသခင်သည် လူ့ဇာတိကို ခံယူပြီး၊ လူသားတို့ကြား အမှုပြုရန် ကြွလာသောအခါ အားလုံးသည် သူ့ကို ရှုမြင်ကြရပြီး၊ သူ၏ နှုတ်ကပတ်တော်များကို ကြားကြရကာ၊ သူ၏ လူ့ဇာတိခန္ဓာအတွင်းမှ ဘုရားသခင် ပြုသော လုပ်ဆောင်ချက်များကို မြင်ကြရ၏။ ထိုအခိုက်အတန့်တွင်၊ လူသား၏ အယူအဆအားလုံးသည် အမြှုပ်ဖြစ်သွားသည်။ လူ့ဇာတိ၌ ဘုရားသခင် ပေါ်ထွန်းသည်ကို မြင်ပြီးသောသူများအတွက်မူ၊ သူ့ကို လိုလားစွာ နာခံကြပါက၊ ၎င်းတို့ ရှုတ်ချခံရလိမ့်မည်မဟုတ်၊ သူ့ကို တမင်တကာ ဆန့်ကျင်သောသူတို့မှာမူ ဘုရားသခင်၏ ရန်ဘက်အဖြစ် သတ်မှတ်ခံရလိမ့်မည်။ ထိုသို့သောလူများသည် အန္တိခရစ်များ၊ ဘုရားသခင်ကို တမင် ဆန့်ကျင်သော ရန်သူများ ဖြစ်ကြလေသည်။ ဘုရားသခင်နှင့် စပ်လျဉ်း၍ အယူအဆများ သိုထားသော်လည်း၊ သူ့ကို နာခံရန် အဆင်သင့်ရှိပြီး လိုလားနေသူများသည် ပြစ်တင်ရှုတ်ချခြင်းကို ခံကြရလိမ့်မည်မဟုတ်။ ဘုရားသခင်သည် လူသားကို သူ၏အတွေးများနှင့် စိတ်ကူးများအတွက် ဘယ်သောခါမျှ ပြစ်တင်ရှုတ်ချခြင်း မပြုဘဲ၊ လူသား၏ ရည်ရွယ်ချက်များနှင့် လုပ်ရပ်များပေါ် အခြေခံ၍ ပြစ်တင်ရှုတ်ချလေသည်။ အကယ်၍သာ သူသည် လူသား၏ ၎င်း၏ အတွေးများနှင့် စိတ်ကူးများပေါ် အခြေခံ၍ စီရင်မည်ဆိုပါက၊ လူတစ်ဦးမျှ ဘုရားသခင်၏ အမျက်ဒေါသနှင့်ပြည့်သော လက်များမှ လွတ်မြောက်နိုင်မည် မဟုတ်ပေ။ လူဇာတိခံ ဘုရားသခင်ကို တမင် ဆန့်ကျင်သော သူတို့သည် ၎င်းတို့၏ မနာခံမှုအတွက် အပြစ်ဒဏ်ပေးခံကြရမည် ဖြစ်သည်။ ဘုရားသခင်ကို တမင် ဆန့်ကျင်သောသူတို့နှင့် စပ်လျဉ်း၍၊ ၎င်းတို့၏ ဆန့်ကျင်ခြင်းသည် ဘုရားသခင်နှင့်ပတ်သက်၍ အယူအဆများ ၎င်းတို့ သိုထားသည့်အချက်မှ အစပြု၏၊ ယင်းကတစ်ဆင့် ဘုရားသခင်၏ အမှုကို နှောင့်ယှက်သည့် လုပ်ရပ်များသို့ ၎င်းတို့ကို သွေးဆောင်လေသည်။ ဤလူများသည် ဘုရားသခင်၏အမှုကို တမင်သက်သက် ခုခံကာ ဖျက်ဆီးကြလေသည်။ ၎င်းတို့သည် ဘုရားသခင်နှင့်ပတ်သက်၍ အယူအဆများရှိသည်သာ မဟုတ်ဘဲ၊ သူ၏အမှုကို နှောင့်ယှက်သည့် လုပ်ဆောင်ချက်များတွင်လည်း ပါဝင်ပတ်သက်ကြကာ၊ ဤအကြောင်းကြောင့် ဤလူစားမျိုးများသည် ပြစ်တင်ရှုတ်ချခံရပေလိမ့်မည်။ ဘုရားသခင်၏အမှုကို တမင် နှောင့်ယှက်ခြင်း မရှိသူတို့သည် ရည်ရွယ်ချက်ရှိရှိ နာခံနိုင်ကြပြီး အနှောင့်အယှက်များနှင့် အတားအဆီးများ ဖြစ်စေသည့် လုပ်ဆောင်ချက်များတွင် ပါဝင်ပတ်သက်ခြင်း မရှိကြသောကြောင့် အပြစ်သားများကဲ့သို့ ပြစ်တင်ရှုတ်ချခံရလိမ့်မည် မဟုတ်ပေ။ ဤကဲ့သို့သော လူတို့သည် ပြစ်တင်ရှုတ်ချခံရလိမ့်မည် မဟုတ်။ သို့သော်၊ လူတို့သည် ဘုရားသခင်၏အမှုကို နှစ်ပေါင်းများစွာ တွေ့ကြုံပြီးသည့်အချိန်တွင်၊ ဘုရားသခင်နှင့် ပတ်သက်၍ အယူအဆများ ၎င်းတို့ သိုထားဆဲဖြစ်ပြီး၊ လူ့ဇာတိခံ ဘုရားသခင်၏ အမှုကို မသိနိုင်မြဲရှိပါက၊ ပြီးလျှင် သူ၏အမှုကို နှစ်ပေါင်းမည်မျှ ၎င်းတို့ ကြုံတွေ့ပြီးသည်ဖြစ်စေ၊ ဘုရားသခင်နှင့်ပတ်သက်၍ အယူအဆများဖြင့် ၎င်းတို့ ဆက်လက် ပြည့်နှက်ကြကာ သူ့ကို မသိလာနိုင်ကြသေးပါက၊ အနှောင့်အယှက် ပေးသော လုပ်ဆောင်ချက်များတွင် ၎င်းတို့ ပါဝင်ပတ်သက်ခြင်း မရှိလျှင်ပင်၊ ၎င်းတို့၏ စိတ်နှလုံးများသည် ဘုရားသခင်နှင့်ပတ်သက်သော အယူအဆများစွာဖြင့် ပြည့်နှက်ကြပြီး၊ ဤအယူအဆများသည် သိသာလာခြင်း မရှိသော်လည်း၊ ဤကဲ့သို့သော လူများသည် ဘုရားသခင်၏အမှုအဖို့ မည်သို့မျှ အကူအညီမဖြစ်ပေ။ ၎င်းတို့သည် ဘုရားသခင်အတွက် ဧဝံဂေလိတရားကို မဖြန့်ဝေနိုင်ကြပေ၊ သို့မဟုတ် သူ့အဖို့ သက်သေမရပ်တည်နိုင်ကြပေ။ ဤသို့သော လူများသည် အသုံးမကျသကဲ့သို့ ဉာဏ်မရှိသူများ ဖြစ်သည်။ ၎င်းတို့သည် ဘုရားသခင်ကို မသိကြသည့်အပြင် ဘုရားသခင်နှင့် ပတ်သက်သည့် ၎င်းတို့၏ အယူအဆများကို လုံးလုံးလျားလျား မစွန့်ပစ်နိုင်ကြသောကြောင့်၊ ၎င်းတို့ ပြစ်တင်ရှုတ်ချခံကြရ၏။ ယင်းကို ဤသို့ဆိုနိုင်၏- ယုံကြည်ခြင်း၌ လူသစ်များအတွက် ဘုရားသခင်နှင့် ပတ်သက်သည့် အယူအဆများ ကိုင်စွဲခြင်း သို့မဟုတ် သူနှင့်ပတ်သက်၍ ဘာမျှမသိခြင်းသည် ပုံမှန်ဖြစ်သော်လည်း၊ နှစ်ပေါင်းများစွာ ဘုရားသခင်၌ ယုံကြည်ပြီးဖြစ်ကာ သူ၏အမှုကို များစွာတွေ့ကြုံရပြီးသူတစ်ဦးအတွက်၊ အယူအဆများကို ဆက်လက်ကိုင်စွဲဖို့မှာ ထိုသို့သောလူတစ်ဦးအတွက် ပုံမှန်မဟုတ်သကဲ့သို့၊ ဘုရားသခင်နှင့် သက်ဆိုင်သော အသိပညာ မရှိဖို့ဆိုသည်မှာ ဤကဲ့သို့သော လူတစ်ဦးအတွက် သာ၍ပင် ပုံမှန်မဟုတ်ပေ။ ဤသည်မှာ ပုံမှန်အခြေအနေတစ်ခု မဟုတ်သောကြောင့် ၎င်းတို့ ပြစ်တင်ရှုတ်ချခြင်း ခံရကြပေသည်။ ဤပုံမှန်မဟုတ်သော လူများသည် အမှိုက်သာဖြစ်၏။ ၎င်းတို့သည် ဘုရားသခင်ကို အဆန့်ကျင်ဆုံးသော သူများနှင့် ဘုရားသခင်၏ ကျေးဇူးတော်ကို အချည်းနှီး မွေ့လျော်ကြသူများ ဖြစ်၏။ ထိုသို့သော လူအားလုံးသည် အဆုံးတွင် ဖယ်ရှားခံကြရပေမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို မသိသောသူ အားလုံးသည် ဘုရားသခင်ကို ဆန့်ကျင်သောသူများ ဖြစ်ကြသည်” မှ

သင်တို့သည် ဘုရားသခင်ကို ဤနှစ်များတစ်လျှောက်လုံး ယုံကြည်လာကြပြီးဖြစ်ကာ၊ သမ္မာတရားအချို့ကို သင်တို့နားလည်ကြသော်လည်း၊ သင်တို့အသီးသီး၏ အတွင်းတွင်ရှိသည်မှာ သင်တို့၏ ကိုယ်ပိုင်အနက်ပြန်မှုများ၊ ယုံကြည်မှုများနှင့် စိတ်ကူးထင်မြင်မှုများဖြစ်သည်- ပြီးလျှင် ယင်းတို့အားလုံးသည် ဘုရားသခင်၏ ရည်ရွယ်ချက်များအပြင် သမ္မာတရားနှင့် ဆန့်ကျင်ကာ ကွဲလွဲပေသည်။ ဤအရာများသည် လူတို့၏အယူအဆများ ဖြစ်သည်။ သမ္မာတရားနှင့် သဘောကွဲလွဲသော အရာတိုင်းသည် လူသား၏အယူအဆများ၊ စိတ်ကူးထင်မြင်မှုများနှင့် သက်ဆိုင်ပေသည်။ ထိုသို့ဆိုလျှင် လူသား၏ အယူအဆများက အဘယ်သို့ဖြစ်လာသနည်း။ မတူကွဲပြားသည့် အကြောင်းတရားများစွာ ရှိ၏။ ယင်းသည် တစ်စိတ်တစ်ဒေသအားဖြင့် အသိပညာကို ဖြန့်ဖြူးခြင်းနှင့် စွဲမှတ်အောင် အထပ်ထပ်သွန်သင်ခြင်းတို့ကြောင့် ဖြစ်သည်။ ထိုနည်းတူ ရိုးရာယဉ်ကျေးမှု၏ တစ်စတစ်စဆိုးလာသော လွှမ်းမိုးမှုအပြင် လူမှုရေး ရေပန်းစားမှုများနှင့် အချို့သော မိသားစု သွန်သင်ချက်များ၏ သက်ရောက်မှုလည်း ရှိပေသည်။ ခြုံငုံကြည့်လျှင်၊ လူသားသည် စာတန်နှင့်ဆိုင်သည့် ဆိုးယုတ်သော လူ့အဖွဲ့အစည်း၏ လွှမ်းမိုးမှုနှင့် အယူဝါဒသွတ်သွင်းပေးခြင်းကို ခံထားရပြီးဖြစ်သည်။ ဤသည်မှာ သူ့အယူအဆများ၏ အရင်းခံအကြောင်းတရား ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “မိမိ၏ အယူအဆများကို ဖြေရှင်းခြင်းအားဖြင့်သာ ဘုရားသခင်ကို ယုံကြည်ခြင်း၏ မှန်သော လမ်းကြောင်းထဲသို့ ဝင်ရောက်နိုင်သည် (၁)” မှ

လူတို့၏ အယူအဆများသည် ၎င်းတို့စားသည့်အရာ၊ သို့မဟုတ် ၎င်းတို့အိပ်စက်ပုံတို့အပေါ် မထိခိုက်နိုင်သကဲ့သို့၊ ၎င်းတို့၏ ပုံမှန်လူ့ဘဝများကို သက်ရောက်မှု မရှိနိုင်သော်လည်း၊ ယင်းတို့သည် လူတို့၏စိတ်များနှင့် ၎င်းတို့၏အတွေးများတွင် ဧကန် တည်ရှိကြပေသည်၊ ယင်းတို့သည် တစ်ချိန်လုံး လူတို့နောက်လိုက်ရင်း၊ အရိပ်တစ်ခုကဲ့သို့ လူတို့ထံ တွယ်ကပ်ကြလေသည်။ ယင်းတို့ကို သင့်အနေဖြင့် စဉ်ဆက်မပြတ် မဖယ်ရှားပါက၊ သင်၏အပြုအမူနှင့် တွေးခေါ်ခြင်းတို့ကို ယင်းတို့က စဉ်ဆက်မပြတ် ထိန်းချုပ်လိမ့်မည်၊ သင်၏ဝေဖန်ပိုင်းခြားနိုင်စွမ်းကို ယင်းတို့က ထိန်းချုပ်လိမ့်မည်ဖြစ်ပြီး၊ ဘုရားသခင်နှင့်ပတ်သက်သည့် သင်၏အသိပညာကို ထိန်းချုပ်လိမ့်မည်ဖြစ်ကာ ဘုရားသခင်နှင့် သင်၏ဆက်ဆံရေးကို ထိန်းချုပ်လိမ့်မည်ဖြစ်သည်။ အယူအဆများသည် အဓိကပြဿနာတစ်ခု ဖြစ်သည်။ လူတို့၌ ဘုရားသခင်နှင့် ပတ်သက်သည့် အယူအဆများရှိနေခြင်းသည် ၎င်းတို့နှင့် ဘုရားသခင်ကြားတွင် ဘုရားသခင်၏ စစ်မှန်သော မျက်နှာကို မြင်ရခြင်းမှ ၎င်းတို့ကို တားဆီးသည့်၊ ဘုရားသခင်၏ စစ်မှန်သော စိတ်သဘောထားနှင့် စစ်မှန်သော အနှစ်သာရတို့ကို မြင်ရခြင်းမှ ၎င်းတို့ကို တားဆီးသည့် တံတိုင်းတစ်ခု တည်နေသကဲ့သို့ဖြစ်သည်- အကြောင်းမှာ လူတို့သည် ၎င်းတို့၏ အယူအဆများအလယ်နှင့် ၎င်းတို့၏ စိတ်ကူးထင်မြင်မှုများအလယ်တွင် အသက်ရှင်ကြပြီး ဘုရားသခင်က မှန်သလော၊ မှားသလောဆိုသည်ကို ဆုံးဖြတ်ဖို့နှင့် ဘုရားသခင်လုပ်ဆောင်သမျှအားလုံးကို အကဲဖြတ်ဖို့၊ ရှုတ်ချဖို့နှင့် ဝေဖန်ဖို့ ၎င်းတို့၏ အယူအဆများကို အသုံးပြုကြသည့်အတွက် ဖြစ်သည်။ ဤအရာကို လုပ်ဆောင်ခြင်းအားဖြင့် လူတို့သည် မည်သည့်အခြေအနေမျိုးထဲသို့ မကြာခဏ ကျဆင်းကြရသနည်း။ လူတို့သည် ၎င်းတို့၏အယူအဆများအလယ်၌ အသက်ရှင်ချိန်တွင် ဘုရားသခင်ကို အမှန်တကယ် ကျိုးနွံနာခံနိုင်ကြသလော။ ၎င်းတို့တွင် ဘုရားသခင်၌ စစ်မှန်သော ယုံကြည်ခြင်း ရှိနိုင်ကြသလော။ မရှိနိုင်ကြပေ။ ၎င်းတို့သည် အနည်းငယ် ကျိုးနွံနာခံကြသည့်အချိန်တွင်ပင်၊ ယင်းသည် ၎င်းတို့၏ ကိုယ်ပိုင် အယူအဆများနှင့် စိတ်ကူးထင်မြင်မှုများအရ ဖြစ်သည်။ တစ်စုံတစ်ဦးအနေဖြင့် ၎င်းတို့၏ အယူအဆများနှင့် စိတ်ကူးထင်မြင်မှုများအတိုင်း ကျိုးနွံနာခံသည်နှင့်တစ်ပြိုင်နက်၊ ထိုနာခံခြင်းသည် စာတန်နှင့် အပြင်လောကတို့နှင့်သက်ဆိုင်ပြီး သမ္မာတရားနှင့် ဆန့်ကျင်ကွဲလွဲသည့် ကိုယ်ရေးကိုယ်တာ အမှုအရာများဖြင့် စွန်းထင်းလာလေသည်။ ဘုရားသခင်နှင့် ပတ်သက်သည့် လူတို့၏ အယူအဆများနှင့်ဆိုင်သော ပြဿနာမှာ ဆိုးရွားသည့် အရာတစ်ခုဖြစ်သည်။ ယင်းသည် ဖြေရှင်းရန် အရေးတကြီး လိုအပ်သည့် လူသားနှင့် ဘုရားသခင်ကြားက အဓိက ပြဿနာတစ်ခုဖြစ်သည်။ ဘုရားသခင်၏ရှေ့မှောက်သို့ လာကြသူတိုင်းသည် အယူအဆများ ယူဆောင်လာကြသည်၊ ဘုရားသခင်နှင့်ပတ်သက်သည့် သံသယမျိုးစုံကို ၎င်းတို့ ယူဆောင်လာကြသည်။ ထိုနည်းတူပင် ၎င်းတို့သည် ဘုရားသခင်က ၎င်းတို့အပေါ် အပ်နှင်းထားသည့် အရာများအားလုံးနှင့် ရင်ဆိုင်ရသည့်အခါ၊ သူ၏အစီအစဉ်များနှင့် စီစဉ်ညွှန်ကြားတို့နှင့် ရင်ဆိုင်ရသည့်အခါ၊ ဘုရားသခင်နှင့် ပတ်သက်သည့် နားလည်မှုလွဲခြင်း အမြောက်အမြားကို ယူဆောင်လာကြသည်ဟုလည်း ဆိုနိုင်ပေသည်။ ထို့နောက်တွင် ဘုရားသခင်နှင့် မည်သည့်ဆက်ဆံရေးမျိုးကို ၎င်းတို့ရင်ဆိုင်ရသနည်း။ လူတို့သည် ဘုရားသခင်ကို စဉ်ဆက်မပြတ် နားလည်မှုလွဲကြသည်၊ ၎င်းတို့သည် ဘုရားသခင်ကို စဉ်ဆက်မပြတ် သံသယဝင်ကြပြီး၊ ဘုရားသခင် မှားသည်၊ မှန်သည်ကို တိုင်းတာဖို့၊ သူ၏နှုတ်ကပတ်တော်တိုင်းနှင့် အမှုတိုင်းကို အကဲဖြတ်ဖို့ ၎င်းတို့၏ ကိုယ်ပိုင်စံနှုန်းများကို စဉ်ဆက်မပြတ် အသုံးပြုကြလေသည်။ ဤအပြုအမူသည် အဘယ်နည်း။ ၎င်းတို့သည် ဘုရားသခင်ကို ပုန်ကန်နေကြသည်၊ ဆန့်ကျင်နေကြသည်၊ ရှုတ်ချနေကြသည်၊ ပြစ်မှားစော်ကားနေကြသည်၊ ဝေဖန်တိကပြုနေကြသည်၊ ပြိုင်ဆိုင်နေကြသည့်အပြင်- သာ၍ဆိုးရွားသည့် ကိစ္စများတွင်၊ ဘုရားသခင်နှင့် “ယှဉ်တိုက်နေ” ကြပေသည်။ အကြီးလေးဆုံးသော အတိုင်းအတာတွင်၊ လူတို့၏ အယူအဆများသည် ၎င်းတို့ကို စစ်မှန်သော ဘုရားသခင်ကိုယ်တိုင်အား လက်ခံနိုင်စွမ်း မရှိဘဲ ဖြစ်စေသည်၊ သမ္မာတရားကို လက်ခံနိုင်စွမ်းနှင့် နာမခံနိုင်စွမ်း မရှိဘဲ ဖြစ်စေ၏၊ ထို့ကြောင့် ၎င်းတို့သည် ဘုရားသခင်၏ တည်ရှိခြင်းကို ငြင်းပယ်နိုင်ဖွယ်ရှိပြီး ၎င်းတို့နောက်လိုက်သည့် ဘုရားသခင်ကို စွန့်လွှတ်နိုင်ဖွယ်ရှိလေသည်။ ဤသည်မှာ ထိတ်လန့်ဖွယ် ပြဿနာတစ်ခု ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “မိမိ၏ အယူအဆများကို ဖြေရှင်းခြင်းအားဖြင့်သာ ဘုရားသခင်ကို ယုံကြည်ခြင်း၏ မှန်သော လမ်းကြောင်းထဲသို့ ဝင်ရောက်နိုင်သည် (၁)” မှ

လူတို့သည် ဘုရားသခင်နှင့် ပတ်သက်သည့် နားလည်မှုလွဲခြင်းများနှင့် အယူအဆများ ဖြစ်ပေါ်စေသည့်အခါ၊ ၎င်းတို့သည် ဘုရားသခင်မှာ သမ္မာတရားဖြစ်ပြီး လူတို့၌ သမ္မာတရားမရှိကြသကဲ့သို့၊ တလွဲထင်ကြသည်မှာ ၎င်းတို့သာလျှင် ဖြစ်သည်မှာ သေချာသည်ဟု ပထမဆုံး အသိအမှတ်ပြုရမည်ဖြစ်သည်။ ဤသည်မှာ လုပ်ရိုးလုပ်စဉ်တစ်မျိုးလော။ သင်သည် အပေါ်ယံအားဖြင့် ဤလက်တွေ့လုပ်ဆောင်မှုကို လုပ်ရိုးလုပ်စဉ်တစ်ခုအဖြစ်သာ ခံယူပါက၊ သင်ကိုယ်တိုင်၏ အမှားများကို သင် သိလာနိုင်သလော။ မည်သည့်အခါတွင်မျှ မသိနိုင်ပေ။ ယင်းသည် အဆင့်အချို့လိုသည်။ ပထမဦးဆုံး၊ သင်၏ လုပ်ရပ်များသည် အခြေခံသဘောတရားများနှင့် ကိုက်ညီခြင်း ရှိမရှိဆိုသည်ကို သင် ဆုံးဖြတ်ရမည်။ ပထမဦးစွာ သင်၏ ရည်ရွယ်ချက်များကို မကြည့်နှင့်။ သင်၏ ရည်ရွယ်ချက်များ မှန်ကန်သည့် အချိန်များရှိသော်လည်း သင် လက်တွေ့လုပ်ဆောင်သည့် အခြေခံသဘောတရားများက မှားယွင်းပေသည်။ သင် လက်တွေ့လုပ်ဆောင်သည့် အခြေခံသဘောတရားများက မှားယွင်းသည်ဟု အဘယ်ကြောင့် ငါ ဆိုသနည်း။ သင့်အနေဖြင့် ရှာဖွေပြီး ဖြစ်ကောင်းဖြစ်နိုင်သော်လည်း မည်သည့် အခြေခံသဘောတရားများမှာ အဘယ်အရာ ဖြစ်သည်ကို သင် လုံးဝ သိနားလည်မှု ရှိကောင်းရှိမည်မဟုတ်။ သင်သည် လုံးဝ မရှာဖွေသေးသကဲ့သို့ သင်၏ လုပ်ရပ်များကို သင်၏ ကောင်းမွန်သော ရည်ရွယ်ချက်များနှင့် စိတ်အားထက်သန်မှုတို့အပေါ်နှင့် သင်၏ စိတ်ကူးစိတ်သန်းနှင့် အတွေ့အကြုံတို့အပေါ် လုံးဝဥဿုံ အခြေခံပြီး ထို့ကြောင့် သင်သည် အမှားတစ်ခု ပြုလုပ်မိခဲ့ခြင်း ဖြစ်ကောင်းဖြစ်နိုင်သည်။ ယင်းကို သင် စိတ်ကူးနိုင်ပါသလော။ သင်သည် တစ်စုံတစ်ရာကို ကြိုတင်မမျှော်လင့်နိုင်သည့်အခါ၊ အမှားတစ်ခု ပြုမိ၏၊ ထိုအခါ သင်သည် ဖော်ထုတ်ခံရခဲ့သည် မဟုတ်လော။ သင် ဖော်ထုတ်ခံရသည်နှင့်တစ်ပြိုင်နက်၊ သင်သည် ဘုရားသခင်နှင့် ယှဉ်ပြိုင်မြဲယှဉ်ပြိုင်နေပါက၊ သင် မည်သို့ အမှားလုပ်မိသနည်း။ သင်၏ အကြီးမားဆုံးသော အမှားမှာ တစ်စုံတစ်ရာကို သင် အမှားလုပ်ခဲ့ပြီး အခြေခံသဘောတရားများကို ချိုးဖောက်မိခဲ့ကာ၊ ထိုသို့ဖြင့် ဆုံးရှုံးမှုတစ်ခု သို့မဟုတ် အခြား အကျိုးဆက်များကို ဖြစ်စေခြင်း မဟုတ်ဘဲ၊ တစ်စုံတစ်ရာကို အမှားပြုမိပြီးသည့်နောက်၊ သင်သည် ဇွတ်လုပ်ကာ သင်၏ အမှားကို အသိအမှတ်မပြုနိုင်ခြင်း ဖြစ်သည်။ သင်သည် ဘုရားသခင်၏ အမှု မှန်ကန်သည်ကို ငြင်းပယ်လျက်၊ ဘုရားသခင်ကို သင်၏ အယူအဆများနှင့် စိတ်ကူးစိတ်သန်းများဖြင့် ခုခံဆဲ ဖြစ်သည်။ ဤသည်မှာ သင်၏ အကြီးမားဆုံးနှင့် အကြီးလေးဆုံး အမှား ဖြစ်ခဲ့သည်။ လူတစ်ဦးထဲက ထိုသို့သော အခြေအနေတစ်ခုသည် ဘုရားသခင်ကို ခုခံခြင်း အခြေအနေတစ်ခု အဘယ်ကြောင့် ဖြစ်မည်နည်း။ လူတို့သည် ဘုရားသခင် လုပ်ဆောင်သမျှတိုင်းနှင့် သူ၏ အချုပ်အခြာအာဏာတို့ မှန်ကန်ပြီး၊ ယင်းတို့၏ အရေးပါမှုက မည်သည့်အရာဖြစ်သည်ကို သတိမပြုမိသည်ဖြစ်စေ၊ မပြုမိသည်ဖြစ်စေ၊ ၎င်းတို့အနေဖြင့် ၎င်းတို့ကိုယ်တိုင် မှားယွင်းသည်ကို ပထမဆုံး သတိမပြုမိနိုင်ပါက၊ ၎င်းတို့၏ အခြေအနေသည် ဘုရားသခင်ကို ခုခံခြင်း အခြေအနေတစ်ခု ဖြစ်သည်။ ဤအခြေအနေကို ပြုပြင်ဖို့ မည်သည့်အရာကို လုပ်ဆောင်ရမည်နည်း။ ဖော်ပြပြီးဖြစ်သည့်အတိုင်း၊ ဘုရားသခင်၏ အလိုကို ရှာဖွေခြင်းသည် လူတို့အတွက် လက်တွေ့ကျလှသည် မဟုတ်ပေ။ အချို့က “ရှာဖွေခြင်းသည် လက်တွေ့ကျလှသည် မဟုတ်ပါက၊ ယင်းမှာ ထိုအရာသည် မလိုအပ်သကဲ့သို့ ရှာဖွေကာ နားလည်၍ရနိုင်သည့်အရာကို ရှာ‌ဖွေဖို့ မလိုအပ်ဟု ဆိုလိုသလော။ ထိုအဆင့်ကို ကျွန်ုပ် ကျော်သာကျော်သွား၍ရနိုင်သည်” ဟု ပြောကြ၏။ ဤသည်မှာ သင့်တော်မည်လော။ ဤပုံစံဖြင့် ပြုမူသူတစ်ဦးသည် မကယ်တင်နိုင်လောက်အောင် ဖြစ်သည် မဟုတ်လော။ ထိုသို့သော လူများသည် အမှန်တကယ် ၎င်းတို့၏ အနက်ပြန်မှုများတွင် တိမ်းချော်ပြီး မှားယွင်းနေကြ၏။ ဘုရားသခင်၏ အလိုကို ရှာခြင်းသည် လူတို့အတွက် အတော်အတန် ဝေ့ဝိုက်သော အလုပ်တစ်ခု ဖြစ်သည်။ ၎င်းတို့အနေဖြင့် သာ၍လက်တွေ့ကျသော ဖြတ်လမ်းတစ်ခုကို လိုက်ရန် ဆန္ဒရှိပါက၊ မိမိတို့ကိုယ်ကိုယ် ငြင်းပယ်ခြင်း၊ မိမိတို့ကိုယ်ကိုယ် ဘေးဖယ်ထားခြင်း၊ ၎င်းတို့၏ လုပ်ရပ်များ မှားယွင်းပြီး သမ္မာတရားနှင့် ကိုက်ညီခြင်းမရှိသည်ကို သိရှိခြင်းနှင့် ထို့နောက် သမ္မာတရား အခြေခံသဘောတရားကို ရှာဖွေခြင်းအားဖြင့် ၎င်းတို့ စတင်သင့်၏။ ဤသည်တို့ စတင်ရမည့်အဆင့်များဖြစ်၏။ ယင်းတို့သည် ရိုးရှင်ပုံရကောင်းရနိုင်သော်လည်း၊ လူတို့သည် ဖောက်ပြန်ပျက်စီးခြင်းအပြင်၊ စိတ်ကူးစိတ်သန်းမျိုးစုံ၊ တောင်းဆိုမှုမျိုးစုံ ရှိကြပြီး၊ ၎င်းတို့သည် စိတ်ဆန္ဒများအပြင် လူတို့အား မိမိတို့ကိုယ်ကိုယ် ငြင်းပယ်ခြင်းနှင့် မိမိတို့ကိုယ်ကိုယ် နှိမ့်ချခြင်းတို့ကို နှောင့်ယှက်သည့် အရာအားလုံး ရှိကြသည့်အတွက်၊ ထိုအဆင့်တို့ကို လက်တွေ့လုပ်ဆောင်ခြင်းသည် အခက်အခဲများစွာ ပါရှိနေသည်။ ဤသည်တို့မှာ လုပ်ဆောင်ဖို့ လွယ်ကူသော အရာများ မဟုတ်ပေ။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “မိမိ၏ အယူအဆများကို ဖြေရှင်းခြင်းအားဖြင့်သာ ဘုရားသခင်ကို ယုံကြည်ခြင်း၏ မှန်သော လမ်းကြောင်းထဲသို့ ဝင်ရောက်နိုင်သည် (၃)” မှ

လူတို့၏ အယူအဆများကို သမ္မာတရားအား အသုံးပြုလျက် ဖြေရှင်းရမည်။ ယင်းတို့ကို လူလုပ်ဖြေရှင်းနည်းဖြင့် အလွယ်တကူ ဘေးဖယ်ထား၍ မရနိုင်- ယင်းသည် ထိုမျှလောက် မလွယ်ကူပေ။ လူတို့သည် ဖြောင့်မတ်သော ကိစ္စရပ်များကို ဆည်းကပ်မှု မရှိဘဲ၊ ၎င်းတို့ ဘေးဖယ်ထားဖို့ အခက်တွေ့ကြသည့် အယူအဆများ၊ သို့မဟုတ် မိစ္ဆာဆန်ပြီး အဓိပ္ပာယ်မရှိသော အရာများကို ဖက်တွယ်တတ်ကြသည်။ ဤအရာ၏ အကြောင်းတရားမှာ အဘယ်နည်း။ ယင်းမှာ ၎င်းတို့၌ ဆိုးယုတ်သော စိတ်သဘောထားများ ရှိကြသောကြောင့် ဖြစ်သည်။ လူတို့၏ အယူအဆများက ကြီးသည်ဖြစ်စေ၊ ငယ်သည်ဖြစ်စေ၊ ဆိုးရွားသည်ဖြစ်စေ၊ မဆိုးရွားသည်ဖြစ်စေ၊ ၎င်းတို့၌ ဖောက်ပြန်ပျက်စီးသော စိတ်သဘောထားများ မရှိကြပါက၊ ဤအယူအဆများကို ဖြေရှင်းဖို့ လွယ်၏။ နောက်ဆုံးတွင်တော့၊ အယူအဆများမှာ တွေးခေါ်မှု နည်းလမ်းတစ်ခုသာ ဖြစ်သည်။ သို့သော် ခက်ထန်မှု၊ ဆိုးညစ်မှုနှင့် မာနထောင်လွှားမှုတို့ကဲ့သို့သော လူတို့၏ ဖောက်ပြန်ပျက်စီးသည့် စိတ်သဘောထားများကြောင့်၊ အယူအဆများသည် လူတို့အား ဘုရားသခင်ကို ခုခံစေသည့်၊ နားလည်မှုလွဲစေပြီး ဝေဖန်မှုကိုပင် ချမှတ်စေသည့် စနက်တံတစ်ခု ဖြစ်လာလေသည်။ ယင်းကို ၎င်းတို့ ထုတ်မပြောလောက်သော်လည်း၊ ၎င်းတို့၏ အပြုအမူက ၎င်းတို့သည် သင်၏ရှုထောင့်အမြင်ကို ခုခံပြီး လက်မခံကြသည်ကို ပြ၏။ ဖောက်ပြန်ပျက်စီးသော စိတ်သဘောထားတစ်ခု၏ ထိန်းချုပ်ခြင်းကို ခံရလျက်၊ ၎င်းတို့သည် ၎င်းတို့၏ အယူအဆများကို ဖက်တွယ်ကြ၏- ၎င်းတို့၏ စိတ်သဘောထားက ဤအရာကို ဖြစ်ပေါ်စေခြင်းဖြစ်သည်။ ထို့ကြောင့် အယူအဆများကို ဖြေရှင်းသည်နှင့်အမျှ၊ လူတို့၏ ဖောက်ပြန်ပျက်စီးသော စိတ်သေဘာထားများလည်း ဖြေရှင်းခံရလေသည်။ အကယ်၍ လူတို့၏ ဖောက်ပြန်ပျက်စီးသော စိတ်သဘောထားများ ဖြေရှင်းခံရပါက၊ ၎င်းတို့၏ မရင့်ကျက်သည့်၊ ကလေးဆန်သည့် အတွေးများစွာသည်- ရုပ်လုံးပေါ်လာနှင့်ပြီးဖြစ်သည့် အယူအဆများသည်ပင်- ၎င်းတို့အတွက် ပြဿနာတစ်ခု မဟုတ်ပေ။ ယင်းတို့သည် အတွေးများသာဖြစ်ပြီး၊ သင်၏တာဝန်ကို ထမ်းဆောင်ခြင်းအား၊ သို့မဟုတ် ဘုရားသခင်ကို သင်၏နာခံခြင်းအား မထိခိုက်ပေ။ အယူအဆများနှင့် ဖောက်ပြန်ပျက်စီးသော စိတ်သဘောထားများသည် ဆက်စပ်နေကြ၏။ တစ်ခါတစ်ရံတွင် အယူအဆတစ်ခုသည် သင်၏စိတ်နှလုံးထဲတွင် ရှိသော်လည်း၊ သင်၏ လုပ်ရပ်များကို ယင်းက မညွှန်ကြားပေ။ ယင်းက သင်၏ လက်ငင်းအကျိုးစီးပွားများကို မထိပါးသည့်အချိန်တွင်၊ သင်သည် ယင်းကို မသိကျိုးကျွန်ပြု၏။ သို့သော်၊ ယင်းကို မသိကျိုးကျွန်ပြုခြင်းသည် သင်၏အယူအဆအတွင်းတွင် ဖောက်ပြန်ပျက်စီးသော စိတ်သဘောထားမရှိဟု မဆိုလိုသကဲ့သို့၊ သင်၏အယူအဆများနှင့် ကွဲလွဲသည့် တစ်စုံတစ်ရာ ဖြစ်ပျက်သည့်အခါ၊ သင်သည် သဘောထားတစ်ခုခု၊ သင်၏ စိတ်သဘောထားက စိုးမိုးထားသည့် သဘောထားတစ်ခုဖြင့် ယင်းတို့ကို ဖက်တွယ်လေသည်။ ဤစိတ်သဘောထားမှာ ခက်ထန်မှု ဖြစ်နိုင်သည်၊ မာနထောင်လွှားမှု ဖြစ်နိုင်သကဲ့သို့ ဆိုးယုတ်မှု ဖြစ်နိုင်သည်။ သင်က၊ “ကျွန်ုပ်၏ ရှုထောင့်အမြင်သည် ကြိမ်ဖန်များစွာ သဘောတရားအားဖြင့် အတည်ပြုခံရပြီးဖြစ်သည်။ လူတို့သည် ထိုသို့သော အမြင်များကို နှစ်ထောင်ပေါင်းများစွာကြာ စွဲကိုင်လာကြပြီးဖြစ်သည်၊ ထို့ကြောင့် အဘယ်ကြောင့် ကျွန်ုပ်မစွဲကိုင်သင့်သနည်း။ ကိုယ်တော်သည် မမှန်ကန်ပါက၊ ယင်းသည် သမ္မာတရားဖြစ်ပြီး အခြားအရာအားလုံးအထက်တွင် ရှိသည်ဟု အဘယ်ကြောင့် ကိုယ်တော်ပြောနိုင်သေးသနည်း။ ကျွန်ုပ်၏ရှုထောင့်အမြင်သည် လူသားမျိုးနွယ်အားလုံးထဲတွင် အမြင်မားဆုံး ဖြစ်သည်” ဟု ဆိုရင်း ဘုရားသခင်ထံ လေလုံးထွားလေသည်။ အယူအဆတစ်ခုက သင့်ကို ဤကဲ့သို့ ပြုမူခြင်းသို့၊ ထိုသို့သော သင်္ကြန်အမြောက်ဖောက်ခြင်းသို့ ဆိုက်ရောက်စေနိုင်သည်။ မည်သည့်အရာက ဤအရာကို ဖြစ်ပေါ်စေသနည်း။ ဖောက်ပြန်ပျက်စီးသော စိတ်သဘောထားများက ဖြစ်ပေါ်စေခြင်းဖြစ်သည်။ အယူအဆများနှင့် လူတို့၏ ဖောက်ပြန်ပျက်စီးသော စိတ်သဘောထားများကြား ဆက်နွှယ်မှုသည် ကြီးမားပြီး ၎င်းတို့၏ အယူအဆများကို ဖြေရှင်းရမည်ဖြစ်သည်။ ဘုရားသခင်ကို ယုံကြည်ခြင်းနှင့် ပတ်သက်သည့် လူတို့၏ အယူအဆများကို ဖြေရှင်းပြီးသည်နှင့်တစ်ပြိုင်နက်၊ ဘုရားသခင့်အိမ်တော်၏ အမှုအစီအစဉ်များကို ကျိုးနွံနာခံဖို့ ၎င်းတို့အတွက် လွယ်ကူလာ၏၊ ထို့ကြောင့် ၎င်းတို့သည် ၎င်းတို့၏ တာဝန်ကို သာ၍ချောမွေ့စွာ ထမ်းဆောင်ကြသည်၊ ၎င်းတို့သည် လမ်းမလွှဲကြ၊ မစွက်ဖက်ကြ၊ သို့မဟုတ် မနှောင့်ယှက်ကြသကဲ့သို့၊ ဘုရားသခင်အပေါ် အရှက်ရစေသည့် မည်သည့်အရာကိုမျှ ၎င်းတို့ မလုပ်ဆောင်ကြချေ။ အကယ်၍ လူတို့၏ အယူအဆများနှင့် စိတ်ကူးထင်မြင်မှုများကို မဖြေရှင်းပါက၊ အနှောင့်အယှက်များနှင့် ဝင်ရောက်စွက်ဖက်ခြင်းများကို ဖြစ်စေသည့် အရာများ လုပ်ဆောင်ဖို့ ၎င်းတို့အတွက် လွယ်ကူလာ၏။ သာ၍ဆိုးရွားသော ကိစ္စများတွင်၊ လူတို့၏ အယူအဆများသည် ၎င်းတို့အထဲတွင် ဘုရားသခင်၏ လူ့ဇာတိခံယူခြင်းကို ခုခံခြင်းမျိုးစုံ ဖြစ်စေနိုင်၏၊ ယင်းက သင့်အား ခရစ်တော်ကို မေးခွန်းထုတ်စေနိုင်ပြီး သူ့ကို လက်မခံနိုင်ဖြစ်လာစေကာ တစ်ချိန်တည်းတွင်ပင် သင်၏သမ္မာတရားကို လက်ခံခြင်းနှင့် သမ္မာတရား စစ်မှန်မှုထဲသို့ ဝင်ရောက်ခြင်းကို ထိခိုက်စေပေသည်။ သာ၍ပင် ဆိုးရွားသ‌ည့် ကိစ္စရပ်များတွင်၊ ဘုရားသခင်၏ အမှုနှင့်ပတ်သက်သည့် လူတို့၏ အယူအဆအမျိုးမျိုးသည် ၎င်းတို့အား ဘုရားသခင်၏အမှု၊ ဘုရားသခင်အမှုပြုသည့် နည်းလမ်းများနှင့် ဘုရားသခင်၏ အချုပ်အခြာအာဏာနှင့် အစီအစဉ်များကို ငြင်းပယ်စေ၏- ထိုသို့ဖြစ်လျှင် ၎င်းတို့၌ ကယ်တင်ခြင်းနှင့်ဆိုင်သည့် မျှော်လင့်ချက် ဘာဆိုဘာမျှ မရှိပေ။ လူတို့၌ ဘုရားသခင်၏ မည်သည့်သွင်ပြင်လက္ခဏာနှင့် ပတ်သက်၍ အယူအဆများ ရှိသည်ဖြစ်စေ၊ ဤအယူအဆများနောက်ကွယ်တွင် ဖောက်ပြန်ပျက်စီးသော စိတ်သဘောထားများ ခိုအောင်းနေ၏၊ ယင်းအယူအဆများက လူတို့အား ၎င်းတို့ကိုယ်တိုင်၏ ဖောက်ပြန်ပျက်စီးသော စိတ်သဘောထားများကို အသုံးပြုလျက် ဘုရားသခင်၏အမှု၊ ဘုရားသခင်ကိုယ်တော်တိုင်နှင့် ဘုရားသခင်၏ စိတ်သဘောထားတို့ကို ချဉ်းကပ်ရန် မူမမှန်သော အကြောင်းပြချက်တစ်ခုကို သာ၍ပင် ပေးရင်း၊ ဤဖောက်ပြန်ပျက်စီးသော စိတ်သဘောထားများကို သာ၍ ဆိုးလာစေ၏၊ ဤအရာက ၎င်းတို့အား ဘုရားသခင်ကို ၎င်းတို့၏ ဖောက်ပြန်ပျက်စီးသော စိတ်သဘောထားများဖြင့် ခုခံဖို့ အားပေးတိုက်တွန်းသည် မဟုတ်လော။ ဤသည်မှာ လူသားအတွက် အယူအဆများ၏ အကျိုးဆက် ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “မိမိ၏ အယူအဆများကို ဖြေရှင်းခြင်းအားဖြင့်သာ ဘုရားသခင်ကို ယုံကြည်ခြင်း၏ မှန်သော လမ်းကြောင်းထဲသို့ ဝင်ရောက်နိုင်သည် (၁)” မှ

လူသားကို ဘုရားသခင်၏ ကယ်တင်ခြင်းသည် အနှစ်မဲ့သော စကားများသာ မဟုတ်ပေ။ သမ္မာတရားနှင့် သဘောကွဲလွဲသည့် ဖောက်ပြန်ပျက်စီးသော လူသားမျိုးနွယ်၏ အမှုအရာများကို- ၎င်းတို့၏ အယူအဆများ၊ စိတ်ကူးထင်မြင်မှုများ၊ အသိပညာ၊ ဒဿနအမြင်များ၊ ရိုးရာယဉ်ကျေးမှု၊ စသည်တို့ကို- ဖြေရှင်းဖို့အလို့ငှာနှင့် ဤအရာများကို စိတ်ဖြာလေ့လာဆွေးနွေးခြင်းအားဖြင့်၊ အပြုသဘောဆောင်သော အရာများတွင် မည်သည့်အရာပါဝင်သည်၊ အပျက်သဘောဆောင်သော အရာများတွင် မည်သည့်အရာပါဝင်သည်၊ ဘုရားသခင်ထံမှ မည်သည့်အရာများ လာသည်၊ စာတန်ထံမှ မည်သည့်အရာများ လာသည်၊ သမ္မာတရားက မည်သည့်အရာဖြစ်ပြီး၊ စာတန်၏ ဒဿနအမြင်များနှင့် ဆင်ခြင်တွေးခေါ်မှုစနစ်တို့က မည်သည့်အရာဖြစ်သည်တို့ကို လူသားအား နားလည်စေဖို့အလို့ငှာ ဤသမ္မာတရားများအားလုံးကို ဘုရားသခင်ဖော်ပြ၏။ လူတို့သည် ဤအရာများကို အရှိအတိုင်း မြင်နိုင်ကြသည့်အခါ၊ ဘဝ၏ မှန်ကန်သော လမ်းကြောင်းကို လိုက်စားဖို့ ၎င်းတို့ အလိုအလျောက် ရွေးချယ်ကြလိမ့်မည်ဖြစ်ပြီး၊ သမ္မာတရားကို ၎င်းတို့ လက်တွေ့လုပ်ဆောင်နိုင်ကြသည်၊ ဘုရားသခင် စေခိုင်းသည့်အတိုင်း လုပ်ဆောင်နိုင်ကြပြီး အပျက်သဘောဆောင်သော အရာများကို သိမြင်နိုင်ကြလေသည်။ ဤသည်မှာ လူကို ဘုရားသခင် တောင်းဆိုသောအရာဖြစ်ပြီး၊ ထိုနည်းတူပင် ယင်းသည် လူတို့ကို သူစုံလင်စေကာ ကယ်တင်သည့် စံနှုန်းလည်း ဖြစ်သည်။ လူအချို့က၊ “ဘုရားသခင်သည် လူသား၏ အယူအဆများကို စိတ်ဖြာလေ့လာသော်လည်း ကျွန်ုပ်၌ အယူအဆများ မရှိပါ။ အယူအဆများရှိသည့် လူတို့သည် ထုံးစံအတိုင်း စဉ်းလဲသော မြေခွေးအိုများ ဖြစ်ကြသည်၊ သို့မဟုတ်ပါက ဓမ္မပညာရှင်များနှင့် သူတော်ကောင်းအယောင်ဆောင် ဖာရိရှဲများ ဖြစ်သည်။ ကျွန်ုပ်သည် ထိုသို့မဟုတ်ပါ” ဟု ပြောကြသည်။ ဤနေရာတွင် ပြဿနာမှာ အဘယ်နည်း။ ၎င်းတို့သည် မိမိတို့ကိုယ်ကို မသိကြချေ။ ၎င်းတို့ထံ မည်သည့်အရာကို မိတ်သဟာယပြုသည်ဖြစ်စေ၊ ၎င်းတို့သည် မိမိတို့မှာ ထိုသို့မဟုတ်ဟု တွေးရင်း၊ ယင်းကို မိမိတို့ကိုယ်ကိုအဖို့ ကျင့်သုံးနိုင်စွမ်းမရှိကြချေ။ ဤသည်မှာ မသိနားမလည်မှုဖြစ်ပြီး၊ ၎င်းတို့၌ ဝိညာဉ်ရေးရာ အမှုအရာများနှင့်သက်ဆိုင်သည့် သိနားလည်မှု မရှိကြချေ။ ဤနည်းဖြင့် သင်တွေးနိုင်သလော။ ယနေ့တွင်၊ လူအများစုသည် ထိုသို့မတွေးကြပေ။ ၎င်းတို့သည် တရားဒေသနာများစွာကို ကြားထားကြပြီးဖြစ်သည်၊ အယောက်တိုင်း၌ ပြုသမျှနု၍ အပျက်သဘောဆောင်သော ဖောက်ပြန်ပျက်စီးခြင်းများနှင့် အယူအဆများ ရှိကြပြီး၊ ယင်းတို့ကို စိတ်ဖြာလေ့လာဆွေးနွေးရာတွင် ရှက်စရာ မည်သည့်အရာမျှမရှိဟု ၎င်းတို့ခံစားမိကြသည်။ ထို့အပြင်၊ ယင်းတို့ကို စိတ်ဖြာလေ့လာဆွေးနွေးပြီးနောက်တွင်၊ ယင်းသည် အခြားသူများကို ချင့်ချိန်နိုင်စွမ်း တိုးတက်စေလိမ့်မည်ဖြစ်ပြီး ၎င်းတို့ကိုယ်တိုင် ကြီးထွားလိမ့်မည်ဖြစ်ကာ သမ္မာတရားကို သာ၍ လျင်မြန်စွာ နားလည်နိုင်ကြလိမ့်မည်ဟု ၎င်းတို့ယုံကြည်ကြလေသည်။ ဤအကြောင်းရင်းကြောင့်၊ ၎င်းတို့သည် မိမိတို့ကိုယ်ကို ပွင့်ပွင့်လင်းလင်း စိတ်ဖြာလေ့လာဆွေးနွေးနိုင်ကြသည်။ ကိုင်း၊ ထိုသို့ဆိုလျှင်၊ အယူအဆများကို စိတ်ဖြာလေ့လာဆွေးနွေးခြင်း၏ ရည်မှန်းချက်မှာ အဘယ်နည်း။ ယင်းမှာ ဤအယူအဆများကို ဘေးဖယ်ထားဖို့၊ လူသားနှင့် ဘုရားသခင်ကြားက နားလည်မှုလွဲခြင်းများကို ဖြေရှင်းဖို့ဖြစ်ပြီး၊ ထို့နောက်တွင် လူသားအား ဘုရားသခင်စေခိုင်းသည့်အရာအပေါ် လူတို့အာရုံစိုက်အောင်၊ ကယ်တင်ခြင်း လမ်းကြောင်းပေါ်သို့ မည်သို့ဝင်ရောက်ရမည်ကို လူတို့သိရှိအောင်နှင့် သမ္မာတရားကို လက်တွေ့လုပ်ဆောင်ရန် မည်သည့်အရာ လုပ်ဆောင်ရမည်ကို လူတို့သိရှိအောင် ပြုပေးဖို့ ဖြစ်သည်။ နောက်ဆုံးတွင်၊ ဤနည်းဖြင့် အဆက်မပြတ် လက်တွေ့လုပ်ဆောင်ခြင်းအားဖြင့်၊ ရည်ရွယ်ထားသည့် အကျိုးတရားကို စွမ်းဆောင်ရရှိပေသည်။ တစ်ဖက်တွင်၊ လူတို့သည် ဘုရားသခင်၏ အလိုတော်ကို နားလည်လာကြလိမ့်မည်ဖြစ်ပြီး၊ ဘုရားသခင်ကို ကျိုးနွံနာခံလာနိုင်ကြလိမ့်မည်ဖြစ်ကာ၊ အခြားတစ်ဖက်တွင်၊ ၎င်းတို့သည် ဆိုးညစ်သော အယူအဆများနှင့် စိတ်ကူးထင်မြင်မှုများ၊ ပြီးလျှင် အသိပညာမှ ထွက်ပေါ်သော အရာများကဲ့သို့သော အပျက်သဘောဆောင်သည့်အရာများစွာကို ငြင်းပယ်ကာ ခုခံဖို့ ခံနိုင်ရည် ရှိကြလိမ့်မည်။ ဘာသာရေး ပညာရှင်တစ်ဦး၊ ဓမ္မပညာရှင်တစ်ဦး၊ သို့မဟုတ် ဘာသာရေး သင်းအုပ်ဆရာတစ်ဦး၊ သို့မဟုတ် အကြီးအကဲတစ်ဦးနှင့် ရင်ဆိုင်ရသည့်အခါ၊ ၎င်းတို့နှင့် သင်စတင်စကားပြောလိုက်သည်နှင့် ၎င်းတို့ကို သင်ရိပ်စားမိနိုင်ကာ၊ ၎င်းတို့၏ အယူအဆများ၊ စိတ်ကူးထင်မြင်မှုများ၊ မိစ္ဆာအယူဝါဒများနှင့် အတွေးမှားများ အမြောက်အမြားကို ချေပဖို့ သမ္မာတရားကို အသုံးပြုနိုင်လိမ့်မည်။ ဤအရာက သင်သည် အပျက်သဘောဆောင်သည့်အရာများကို ခွဲခြားနိုင်ကြောင်း၊ သမ္မာတရားအချို့ကို သင်နားလည်ထားပြီးဖြစ်ကြောင်း၊ ဝိညာဉ်ရင့်ကျက်မှု တစ်ခုခုကို သင်ပိုင်ဆိုင်ထားပြီး၊ ထို့ကြောင့် ဤဘာသာရေး ခေါင်းဆောင်များ၊ ပုဂ္ဂိုလ်များနှင့် ရင်ဆိုင်ရသည့်အခါ ကြောက်လန့်ခြင်း မရှိကြောင်းကို ပြသပေသည်။ သင်သည် ဘာသာတရား၏ ကျမ်းဟောင်းတရားများနှင့် အယူဝါဒ၊ အယူအဆများနှင့် စိတ်ကူးထင်မြင်မှုများကို ရိပ်စားမိပြီးဖြစ်သည့်အတွက်၊ ၎င်းတို့ပြောဆိုကြသည့် အသိပညာ၊ သင်ယူလေ့လာမှုနှင့် ဒဿနအမြင်များသည်- ၎င်းတို့၏ အတွေးအမြင်စနစ်နှင့် သဘောတရားတို့သည်ပင်- ခုခံကာကွယ်ခြင်းငှာ မစွမ်းသာသကဲ့သို့၊ ဘာသာတရား၏ အမှုအရာများက သင့်ကို မလှည့်ဖြားနိုင်တော့ပေ။ သို့သော် သင်သည် ထိုနေရာသို့ မရောက်သေး။ ဤဘာသာရေး လူလိမ်များနှင့် ဖာရိရှဲများ၊ သို့မဟုတ် ဂုဏ်ဒြပ်အနည်းငယ်ရှိသည့်သူ တစ်ဦးတလေနှင့် သင်ရင်ဆိုင်ရသည့်အခါ၊ သင်သည် ကြောက်လန့်လေသည်။ ၎င်းတို့ပြောဆိုနေသည့်အရာသည် မှားယွင်းကြောင်း၊ ယင်း၌ အယူအဆများနှင့် စိတ်ကူးထင်မြင်မှုများ ပါဝင်ကြောင်း၊ အသိပညာမှ ပေါက်ဖွားလာကြောင်းကို သင်သိသော်လည်း၊ ယင်းကို မည်သို့ငြင်းဆိုရမည်ကို သင်မသိ၊ မည်သည့်နေရာမှစ၍ ယင်းကို စတင် စိတ်ဖြာလေ့လာဆွေးနွေးရမည်၊ သို့မဟုတ် ဤလူတို့ကို မည်သည့် စကားများဖြင့် ဖော်ထုတ်ရမည်ကို သင်မသိပေ။ ဤအရာက သင်သည် သမ္မာတရားအား နားမလည်သေးသည်ကို ပြသည် မဟုတ်လော။ ထို့ကြောင့် သင်တို့သည် မိမိတို့ကိုယ်ကို သမ္မာတရားဖြင့် ပြင်ဆင်ရမည်ဖြစ်ပြီး မိမိတို့ကိုယ်ကို စိတ်ဖြာလေ့လာဆွေးနွေးဖို့ သင်ယူရမည်။ သမ္မာတရားကို သင်နားလည်သွားသည့်အခါ၊ အခြားလူတို့ကို သင်ရိပ်စားမိနိုင်လိမ့်မည်ဖြစ်သည်၊ သို့သော် သမ္မာတရားကို သင်နားမလည်ပါက၊ ၎င်းတို့ကို မည်သည့်အခါတွင်မျှ ရိပ်စားမိလိမ့်မည် မဟုတ်ပေ။ လူများနှင့် အမှုအရာများကို ရိပ်စားမိဖို့၊ သမ္မာတရားကို သင်နားလည်ရမည်။ သင်၏ အခြေခံအုတ်မြစ်အဖြစ်၊ သင့်အသက်အဖြစ် သမ္မာတရား မရှိဘဲ၊ သင်သည် မည်သည့်အရာကိုမျှ နက်နက်ရှိုင်းရှိုင်း ထိုးထွင်းသိမြင်နိုင်လိမ့်မည်မဟုတ်ပေ။

လူတို့သည် အမျိုးမျိုးသော အယူအဆများနှင့် စိတ်ကူးထင်မြင်မှုများကို ဖြေရှင်းပြီးချိန်တွင်၊ ၎င်းတို့၌ ဘုရားသခင်၏ နှုတ်ကပတ်တော်များနှင့်ဆိုင်သည့် အသိပညာနှင့် အတွေ့အကြုံများ ရှိသွားကြပြီး၊ တစ်ချိန်တည်းတွင် ဘုရားသခင့်နှုတ်ကပတ်တော်များ၏ လက်တွေ့အရှိတရားထဲသို့လည်း ၎င်းတို့ဝင်ရောက်ကြပြီး ဖြစ်သည်။ ဘုရားနှုတ်ကပတ်တော်များ၏ လက်တွေ့အရှိတရားထဲသို့ ဝင်ရောက်ခြင်း ဖြစ်စဉ်တွင်၊ လူတို့အထဲတွင် ဖြစ်ပေါ်သည့် အမျိုးမျိုးသော အယူအဆများနှင့် စိတ်ကူးထင်မြင်မှုများသည် တစ်ခုချင်း ဖြေရှင်းခံရပြီး ဘုရားသခင်၏အမှု၊ ဘုရားသခင်၏ အနှစ်သာရနှင့် လူတို့အပေါ် ဘုရားသခင်ထားရှိသည့် သဘောထား အမျိုးမျိုးနှင့်ဆိုင်သည့် လူတို့၏ အသိပညာတွင် အပြောင်းအလဲတစ်ခု ရှိလေသည်။ ဤအပြောင်းအလဲသည် အဘယ်သို့ ဖြစ်ပေါ်သနည်း။ ယင်းသည် လူတို့က ၎င်းတို့၏ အမျိုးမျိုးသော အယူအဆများနှင့် စိတ်ကူးထင်မြင်မှုများကို ဘေးဖယ်ထားသည့်အချိန်၊ အသိပညာ၊ ဒဿနအမြင်၊ ရိုးရာယဉ်ကျေးမှု၊ သို့မဟုတ် ပြင်ပလောကမှ လာသော စိတ်ကူးများနှင့် ရှုထောင့်အမြင်များ အမျိုးမျိုးကို ဘေးဖယ်ထားပြီး၊ ထိုအစား ဘုရားသခင်ထံမှ လာပြီး သမ္မာတရားနှင့် ဆက်စပ်သည့် အမျိုးမျိုးသော ရှုထောင့်အမြင်တို့ကို လက်ခံကြသည့်အခါတွင် ဖြစ်ပေါ်ပေသည်။ ထို့ကြောင့်၊ ဘုရားသခင်၏ နှုတ်ကပတ်တော်များကို ၎င်းတို့၏အသက်အဖြစ် လူတို့လက်ခံကြချိန်တွင်၊ ၎င်းတို့သည် ဘုရားနှုတ်ကပတ်တော်များ၏ လက်တွေ့အရှိတရားထဲသို့လည်း ဝင်ရောက်ကြပြီး၊ သမ္မာတရားကို အသုံးပြုရင်း မေးခွန်းများကို အရေးထားကာ တွေးတောနိုင်ကြ၍ ပြဿနာများကို သမ္မာတရားအား အသုံးပြုရင်း ဖြေရှင်းနိုင်ကြလေသည်။ ဤသည်တို့မှာ အယူအဆများကို ဖြေရှင်းခြင်းက လူတို့၏အသက်နှင့် ၎င်းတို့၏ ဖြစ်တည်မှုထံ ဆောင်ကြဉ်းပေးသော အပြောင်းအလဲများ ဖြစ်သည်။ လူတို့သည် ထိုသို့သော အပြာင်းအလဲများကို စွမ်းဆောင်ရရှိကြသည့်အခါ၊ ဘုရားသခင်နှင့် ၎င်းတို့၏ ဆက်ဆံရေးသည် ဖန်ဆင်းခံသတ္တဝါများနှင့် ဖန်ဆင်းရှင်တို့၏ ဆက်ဆံရေးတစ်ခု ဖြစ်လာသည်။ ဤအဆင့်ရှိ ဆက်ဆံရေးများတွင်၊ ယှဉ်ပြိုင်မှုမရှိ၊ စုံစမ်းနှောင့်ယှက်ခြင်းမရှိသကဲ့သို့၊ ပုန်ကန်မှု နည်းပါးလွန်းလှပေသည်။ လူတို့သည် များစွာ သာ၍ နာခံကြသည်၊ နားလည်မှုရှိကြသည်၊ ကိုးကွယ်တတ်ကြသည်၊ ဆည်းကပ်မှုရှိကြပြီး ဘုရားသခင်အပေါ် ရိုးသားကြကာ ဘုရားသခင်ကို အမှန်တကယ် ကြောက်ရွံ့ကြလေသည်။ သို့သော် လူတို့၏ အယူအဆများကို ဖြေရှင်းခြင်းသည် အလွန်စိတ်မချမ်းမြေ့စရာ ဖြစ်စဉ်တစ်ခု ဖြစ်သည်။ လူတို့သည် မိမိတို့ကိုယ်ကို ငြင်းပယ်ရမည်၊ ၎င်းတို့၏ အယူအဆများကို ဘေးဖယ်ထားရမည်၊ မှန်သည်ဟု ၎င်းတို့ယုံကြည်သည့်အရာများကို ဘေးဖယ်ထားရမည်၊ ၎င်းတို့ဖက်တွယ်သည့် အရာများကို ဘေးဖယ်ထားရမည်၊ မှန်ကန်မည်ဟု ၎င်းတို့ယုံကြည်ထားကြပြီး ၎င်းတို့၏ အသက်တာတစ်လျှောက်လုံး ၎င်းတို့လိုက်စားလာပြီး တောင့်တထားကြသည့် အရာများကို ဘေးဖယ်ထားရမည်ဖြစ်သည်။ ဤသည်မှာ လူတို့သည် မိမိတို့ကိုယ်ကို စွန့်လွှတ်ရမည်၊ စာတန်၏ လောကထံမှ သင်ယူခဲ့ရသည့် အသိပညာ၊ အတွေးအခေါ်များကို- ၎င်းတို့၏ ဖြစ်တည်မှု နည်းလမ်းကိုပင်- ဘေးဖယ်ထားရမည်ဖြစ်ပြီး ယင်းတို့ကို အခြားအသက်ရှင်ခြင်းနည်းလမ်း၊ သမ္မာတရားဖြစ်သည့် ဖြစ်တည်မှု၏ အခြေခံအုတ်မြစ်၊ အရင်းအမြစ်တို့နှင့် အစားထိုးရမည်ဟု ဆိုလိုပေသည်။ ထိုသို့ဖြင့်၊ လူတို့သည် ကြီးမားသည့် ဆင်းရဲဒုက္ခကို သည်းခံရမည်ဖြစ်သည်။ ထိုသို့သော ဆင်းရဲဒုက္ခမှာ ရုပ်ပိုင်းဆိုင်ရာ မကျန်းမာမှု၊ သို့မဟုတ် နေ့စဉ်ဘဝ၏ ဆင်းရဲဒုက္ခနှင့် အခက်အခဲများ မဖြစ်နိုင်သော်လည်း၊ ယင်းသည် မတူကွဲပြားသော အမှုအရာများနှင့် လူသားမျိုးနွယ်နှင့်ဆိုင်သည့် သင်၏စိတ်နှလုံးထဲရှိ အမြင်မျိုးစုံထဲက အပြောင်းအလဲတစ်ခုမှ လာကောင်းလာနိုင်သည်၊ သို့မဟုတ် ယင်းသည် ကမ္ဘာလောက၊ လူသားတည်ရှိမှု၊ လူသားမျိုးနွယ်နှင့် ဘုရားသခင်နှင့်ပင် သက်ဆိုင်သည့် သင်၏အသိပညာနှင့် အမြင်တို့ကို ပြောင်းပြန်လှန်စေသော၊ ဘုရားသခင်နှင့်ပတ်သက်၍ သင်၌ရှိသည့် အသိပညာ၏ အမျိုးမျိုးသော သွင်ပြင်လက္ခဏာများထဲက အပြောင်းအလဲတစ်ခုမှပင်လျှင် လာကောင်းလာနိုင်ပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “မိမိ၏ အယူအဆများကို ဖြေရှင်းခြင်းအားဖြင့်သာ ဘုရားသခင်ကို ယုံကြည်ခြင်း၏ မှန်သော လမ်းကြောင်းထဲသို့ ဝင်ရောက်နိုင်သည် (၁)” မှ

အယူအဆတစ်ခု ပေါ်ပေါက်လာသည့်အခါ ထိုအယူအဆသည် အဘယ်အရာဖြစ်ပါစေ ဦးစွာ အချိန်တချို့ယူ၍ ယင်းကို သင့်စိတ်ထဲတွင် စဉ်းစားဆင်ခြင်ပြီး ဆန်းစစ်လော့။ ဤအရာကို တွေးတောသည်မှာ မှန်ကန်ခြင်း ရှိမရှိကို လေ့လာလော့။ ထိုသို့သော အရာများကို တွေးတောခြင်းသည် ယုတ္တိအမှားပေါ် အခြေခံပြီး မှားယွင်းကြောင်း၊ ဤသည်မှာ ဘုရားသခင်ကို ပြစ်မှားခြင်း ဖြစ်ကြောင်း ရှင်းလင်းသော အသိစိတ်တစ်ခုရှိပါက မဆိုင်းမတွပင် ဘုရားသခင်ကို ဆုတောင်းကာ သူ၏ ဉာဏ်အလင်းပေးခြင်းနှင့် လမ်းပြခြင်းကို တောင်းလျှောက်လော့။ ထိုအရေးကိစ္စကို သင့်စိတ်ထဲ ထည့်ထားလော့၊ ထို့နောက်တွင် ဝတ်ပြုခြင်း၊ စုဝေးခြင်းနှင့် သင်၏တာဝန်ကို ထမ်းဆောင်ခြင်းအတောအတွင်းတွင် အခြား ဆက်နွှယ်သော အရေးကိစ္စများကို တဖြည်းဖြည်း သိလာပြီး တွေ့ကြုံလော့- ထို့ပြင် ထိုသို့သော အရေးကိစ္စများကို သိလာပြီး တွေ့ကြုံစဉ်တွင် သင်၏ကိုယ်ပိုင် အယူအဆများကို ဖြေရှင်းရေးအပေါ် အာရုံစိုက်လော့။ ဤကဏ္ဍရှိ အကြောင်းအရာများကို ဆွေးနွေးရင်း၊ အခြားသူများထံမှ အကူအညီရဖို့နှင့် ဘုရားသခင်၏နှုတ်ကပတ်တော်များ၌ ဖြေရှင်းချက်ကို ရှာဖွေဖို့ ကြိုးစားရင်း၊ ၎င်းတို့နှင့် သင့်တင့်လျောက်ပတ်သည့် မိတ်သဟာယဖွဲ့ခြင်းများကိုလည်း သင်ပြုနိုင်သည်မှာ မှန်ပေသည်။ ထိုကဲ့သို့ ဘုရားသခင် ပြောသည်မှာ မှန်ကန်ကြောင်းကို သင်သည် ဘုရားသခင်၏ နှုတ်ကပတ်တော်များနှင့် သင်ကိုယ်တိုင်၏ အတွေ့အကြုံများ အလယ်တွင် ဖြည်းဖြည်းချင်း ထောက်ခံလိမ့်မည်၊ ယင်းက သင်ကိုယ်တိုင်၏ အယူအဆများနှင့်သက်ဆိုင်သည့် ကိစ္စကို ဖြေရှင်းဖို့ ကူညီရာတွင် အလွန်တရာ ထိရောက်ပေသည်။ ထို့ပြင် သင်သည် ဘုရားသခင်၏ ထိုသို့သော နှုတ်ကပတ်တော်များနှင့် အလုပ်တို့ကို လက်ခံပြီး တွေ့ကြုံခံစား၍ နောက်ဆုံးတွင် ဘုရားသခင်၏အလိုတော်ကို နားလည်လာကာ ဘုရားသခင်၏ စိတ်သဘောထားများနှင့် သက်ဆိုင်သည့် အသိပညာကို ရရှိသောကြောင့် သင်၏အယူအဆများကို သင်ဖြေရှင်းပြီး ယင်းတို့ကို ဘေးဖယ်ထားသည်၊ ပြီးလျှင် ဘုရားသခင်ကို နားလည်မှုမလွဲသကဲ့သို့ ဘုရားသခင်ကို သတိရှိခြင်းလည်း မရှိသည့်အပြင် ဘုရားသခင်ကို ယုတ္တိမတန်သည့် တောင်းဆိုမှုများ မပြုပေ။ ဤသည်မှာ ဖြေရှင်း၍ရနိုင်သည့် အယူအဆတစ်မျိုး ဖြစ်ပေသည်။

ပြင်ဖို့ခက်ပြီး လူများမဖြေရှင်းနိုင်သည့် နောက်ထပ် အယူအဆတစ်မျိုးရှိသည်။ ဖြေရှင်းဖို့ခက်သည့် အယူအဆများအတွက် လူများလိုက်နာရမည့် အခြေခံသဘောတရား တစ်ခုရှိသည်။ သင်သည် ထိုသို့သော အယူအဆများကို ဖွင့်ပြောပါက အမှန်မှာ ဤအရာသည် အယူအဆများကို ဖြန့်ဝေခြင်း ဖြစ်လာသည်။ အယူအဆများကို ဖြန့်ဝေခြင်း၏ အကျိုးဆက်များနှင့် အယူအဆတို့ကို ငါမိတ်သဟာယပြုထားနှင့်ပြီးဖြစ်သည်၊ ဤပြဿနာ၏ အဖြစ်အနေကို သင်နားလည်သင့်သည်၊ ထို့ကြောင့် မဆင်မခြင် မှတ်ချက်များကို ကျယ်ကျယ်လောင်လောင် ထုတ်ပြောခြင်းထက် ထိုသို့သော အရာများကို သင့်ဘာသာ လေ့လာအကဲဖြတ်သည်မှာ အကောင်းဆုံးဖြစ်ပေသည်။ “အမှုကိစ္စများကို စိတ်ထဲတွင် မျိုသိပ်ထားဖို့ ခက်ခဲပါသည်” ဟု သင်ပြောလျှင် ဘုရားသခင်အား ဆုတောင်းရာ၌ ယင်းတို့ကို ပြောလော့။ ဘုရားသခင်ကို သင်အဘယ်အရာ ပြောသင့်သနည်း။ “အို ဘုရားသခင်။ ဤသည်တို့မှာ ကျွန်ုပ်တွေးနေခဲ့သည့် အတွေးမျိုးဖြစ်ပါသည်။ ယင်းတို့ကို ကျွန်ုပ်ဘေးဖယ်လိုသော်လည်း မဖယ်နိုင်ပါ။ ဤအရာများသည် ကိုယ်တော့်ကို ပြစ်မှားစော်ကားခြင်း ဖြစ်သည်ကို ကျွန်ုပ် သိပါသည်၊ ကိုယ်တော်၏ အကူအညီနှင့် လမ်းပြမှုတို့ကို ကျွန်ုပ် အနူးအညွတ် တောင်းလျှောက်ပါ၏၊ ကျွန်ုပ်၏ အယူအဆများ မှားယွင်းသည်ကို ကျွန်ုပ်အား နားလည်သဘောပေါက်စေလျက် ကျွန်ုပ်ကို ဆုံးမပဲ့ပြင်ဖို့နှင့် ကျွန်ုပ်ကို ဖော်ထုတ်ဖို့ သင့်တော်သည့် နည်းလမ်းများကို အသုံးပြုရန် ကိုယ်တော်ကို တောင်းလျှောက်ပါသည်။ ကိုယ်တော်အသုံးပြုသည့် မည်သည့် နည်းစနစ်ကိုမဆို ကျွန်ုပ် ဝမ်းမြောက်စွာ လက်ခံပါမည်” ဟုသာ ပြောလော့။ လူများကို နှောင့်ယှက်နိုင်ပြီး လှည့်ဖြားနိုင်သည့် ထိုသို့သော အယူအဆများကို ထုတ်ပြောမည့်အစား မိမိဘာသာ စိတ်ထဲတွင် မျိုသိပ်ထားလော့။ မိမိဘာသာ စိတ်ထဲတွင် မျိုသိပ်ထားဖို့ အခက်ကြုံနေပါက တစ်ကိုယ်တည်း တိတ်တဆိတ် တီးတိုးပြောလော့။ ယင်းက အလုပ်မဖြစ်ပါက ဆုတောင်းရာ၌ ယင်းတို့ကို သင်ပြောဆိုရမည်ဖြစ်ပြီး ဤအယူအဆများကို ဘေးဖယ်ခွင့်ပေးဖို့ ဘုရားသခင်၏ လမ်းပြခြင်းနှင့် ဘုရားနှုတ်ကပတ်တော်များ၏ ဉာဏ်အလင်း ရစေခြင်းတို့ကို တောင်းလျှောက်ရမည်။ “ညီအစ်ကို မောင်နှမများနှင့် စုဝေးချိန်အတွင်းတွင် ဤအယူအဆများကို ထုတ်ပြောခြင်းက အယူအဆများကို ဖြန့်ဝေခြင်း ဖြစ်သည်ဆိုလျှင် ယင်းတို့ကို မိမိဘာသာ စိတ်ထဲတွင် မျိုသိပ်ထားဖို့ ကျွန်ုပ်အခက်ကြုံနေသည့်အခါ ယင်းတို့ အကြောင်းကို မိသားစုဝင်များနှင့် ပြော၍ရသလော” ဟု လူအချို့က ပြောကြသည်။ သင်၏မိသားစုဝင်များက ညီအစ်ကိုမောင်နှမများသာဖြစ်ပြီး ဤအယူအဆများကို ထုတ်ပြောခြင်းက ၎င်းတို့အား စိတ်အနှောင့်အယှက် ဖြစ်စေလျှင် ဤသည်မှာ လုပ်ဆောင်ဖို့ မှန်ကန်သည့်အရာ ဖြစ်သလော။ သင်ပြောသည့်အရာသည် လူများအပေါ် ဆိုးရွားသော အကျိုးသက်ရောက်မှုတစ်ခု ရှိပါက၊ ယင်းက ၎င်းတို့အဖို့ နစ်နာစေပြီး အန္တရာယ်ရှိကာ ၎င်းတို့ကို လှည့်စားပါက သင်မည်သည့်အရာကို လုပ်သည်ဖြစ်စေ မပြောနှင့်။ သင်ဆုတောင်းရမည်ဖြစ်ပြီး ဤအရာကို ဖြေရှင်းပေးပါရန် ဘုရားသခင်ကို တောင်းလျှောက်ရမည်။ သင်၌ ဘုရားတရား ကိုင်းရှိုင်းပြီး ဖြောင့်မတ်ခြင်းကို ဆာမွတ်သော စိတ်နှလုံး ရှိသမျှကာလပတ်လုံး သင်၏အယူအဆများကို ဖြေရှင်းနိုင်သည်။ ဘုရားသခင်၏ နှုတ်ကပတ်တော်များက မကုစားနိုင်သည့်အရာ တစ်ခုမျှ မရှိ၊ မဖြေရှင်းနိုင်သည့်ပြဿနာ တစ်ခုမျှ မရှိချေ။ အရေးကြီးသည့်အရာမှာ သင်က ယင်းတို့ကို လက်ခံနိုင်ခြင်း ရှိမရှိ၊ ပြီးလျှင် သင်သည် ယင်းတို့ကို လက်တွေ့လုပ်ဆောင်ဖို့ လိုလားခြင်း ရှိမရှိနှင့် သင်၏အယူအဆများကို သင်ဘေးဖယ်နိုင်ခြင်း ရှိမရှိတို့ ဖြစ်ပေသည်။ ယင်းကို သင်ယုံကြည်ပါက သင်ဆုတောင်းသည့်အခါ ဤအရာနှင့် ပတ်သက်၍ ဘုရားသခင်ကို အသနားခံသင့်သည်။ သင့်အနေဖြင့် မည်မျှပင် တောင်းပန်တိုးလျှိုးလင့်ကစား ဘုရားသခင်က သင့်ကို ဉာဏ်အလင်းပေးခြင်း မရှိသကဲ့သို့ မည်သည့်အရာကိုမျှ ရှင်းလင်းစွာ နားလည်ခွင့်မပေးသည့်တိုင် ဤအယူအဆများက မည်သည့်အရာမျှ မဟုတ်သည်ကို သင်၏စိတ်နှလုံးနှင့် မသိစိတ်တို့တွင် သင်သည် အမှတ်တမဲ့ ယုံကြည်လာပြီး ယင်းက သင့်ကို အနှောင့်အယှက် မပေးတော့ပါက၊ ထို့ပြင် ဘုရားသခင်က ထိုကဲ့သို့ အဘယ်ကြောင့် ပြုမူခဲ့သည်ကို သင်နားမလည်သော်လည်း၊ ထိုကဲ့သို့ ပြုမူခဲ့ရသည့် အကြောင်းအရင်းကို သင့်အား ပြောဖို့ ဘုရားသခင်က ရှင်းလင်းသော နှုတ်ကပတ်တော်များကိုဖြစ်စေ၊ ရှင်းလင်းသော သမ္မာတရားများကိုဖြစ်စေ အသုံးမပြုထားဘဲ သူ၏ ရည်ရွယ်ချက်များနှင့်စပ်လျဉ်း၍ သင့်ကို မရှင်းပြထားသကဲ့သို့ သင့်အား သင်၏အယူအဆများကို ကုစားခွင့် မပေးထားသော်လည်း ထိုအယူအဆသည် ဘုရားသခင်နှင့် သင်၏ ပုံမှန် ဆက်ဆံရေးကို ကမောက်ကမ ဖြစ်စေဖို့၊ သင်၏တာဝန်ကို အလိုအလျောက်လည်း အကျိုးသက်ရောက်စေဖို့ မဆိုထားနှင့် သင့်ထဲ၌ အကောင်အထည် မပေါ်လာဘဲ ယင်းက သင်၏အသက်တာ၊ သင်၏ရှေ့လျှောက် လမ်းကြောင်း၊ သို့မဟုတ် သင်၏ သာမန် ဝိညာဉ်ရေးရာ အသက်တာတို့ကိုပင် မနှောင့်ယှက်ပါက ဤအယူအဆသည် အခြေခံအားဖြင့် ဖြေရှင်းပြီးဖြစ်သလော။ ဤသည်မှာ လက်တွေ့လုပ်ဆောင်ခြင်း လမ်းကြောင်း ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း (၁၆)” မှ

ဘုရားသခင်က မည်သည့်အရာကို လုပ်ပါစေ၊ ယင်းက သင့်အတွက် လက်ခံဖို့ လွယ်ကူသည်ဖြစ်စေ၊ သင့်အတွက် လက်ခံဖို့ ခက်ခဲပြီး သင်၌ အယူအဆများ ဖြစ်ပေါ်စေနိုင်ဖွယ် ရှိသည်ဖြစ်စေ တိုတိုပြောရလျှင် ဘုရားသခင်၏ ပင်ကိုလက္ခဏာသည် အကျိုးဆက်အနေဖြင့် ပြောင်းလဲခြင်း မရှိပေ။ သူသည် အစဉ် ဖန်ဆင်းရှင်ဖြစ်နေမည် ဖြစ်ပြီး သင်သည် ဘုရားသခင်၏ ဖန်ဆင်းခံသတ္တဝါ အစဉ် ဖြစ်နေလိမ့်မည်။ သင်သည် မည်သည့်အယူအဆမဆို၏ ကန့်သတ်ချက်များကို ငြင်းပယ်နိုင်ပြီး ဖန်ဆင်းခံသတ္တဝါနှင့် ဖန်ဆင်းရှင် ဆက်ဆံရေးကို ဘုရားသခင်နှင့် ထိန်းသိမ်းထားနိုင်ပါက သင်သည် ဘုရားသခင်၏ စစ်မှန်သော ဖန်ဆင်းခံသတ္တဝါ တစ်ဦးဖြစ်သည်။ သင်သည် မည်သည့်အယူအဆမဆို၏ လွှမ်းမိုးခြင်းကိုဖြစ်စေ၊ နှောင့်ယှက်ခြင်းကိုဖြစ်စေ မခံရအောင် နေနိုင်ပြီး သင်၏စိတ်နှလုံး နက်ရှိုင်းရာမှ စစ်မှန်စွာ နာခံနိုင်စွမ်း ရှိပါက၊ ပြီးလျှင် သမ္မာတရားကို သင်၏နားလည်မှုသည် နက်နဲသည်ဖြစ်စေ၊ ပေါ့တန်သည်ဖြစ်စေ ဘုရားသခင်သည် သမ္မာတရား၊ လမ်းခရီးနှင့် အသက်ဖြစ်ကြောင်း၊ ဘုရားသခင်သည် အစဉ် ဘုရားသခင်ဖြစ်နေမည်ဖြစ်ပြီး အမှားမလုပ်ကြောင်းတို့ကိုသာ သင်ယုံကြည်လျက် အယူအဆများကို ဘေးဖယ်နိုင်ပြီး ယင်းတို့အားဖြင့် ဘောင်ခတ် မခံရအောင် နေနိုင်ပါက သင်သည် ကယ်တင်ခြင်းခံရနိုင်သည်။ အမှန်တွင် လူတိုင်း၏ ဝိညာဉ်ရင့်ကျက်မှုမှာ အကန့်အသတ် ရှိသည်။ လူတို့၏ စိတ်တွင်း၌ အမှုကိစ္စမည်မျှကို ပြုံထည့်ထားနိုင်သနည်း။ ၎င်းတို့သည် ဘုရားသခင်ကို သိကျွမ်းနိုင်သလော။ ၎င်းတို့သည် ဘုရားသခင်ကို နားလည်နိုင်သလော။ ယင်းမှာ စိတ်ကူးယဉ်အတွေးသက်သက် ဖြစ်သည်။ မမေ့လျော့နှင့်။ လူများသည် ဘုရားသခင် ရှေ့မှောက်တွင် အစဉ် မွေးကင်းစများသာ ဖြစ်နေမည်။ သင်သည် သင့်ကိုယ်သင် တော်သည်ဟု အစဉ်တွေးပါက၊ သင်သည် အစဉ် ကြွားဝါပြီး “ဤအရာကို ကျွန်ုပ် နားမလည်နိုင်ပါက ကိုယ်တော်သည် ကျွန်ုပ်၏ ဘုရားသခင် ဖြစ်သည်ဟု ကျွန်ုပ်အသိအမှတ်မပြုနိုင်ပါ၊ ကိုယ်တော်သည် ကျွန်ုပ်၏ ဘုရားသခင်ဖြစ်သည်ဟု ကျွန်ုပ်လက်မခံနိုင်ပါ၊ ကိုယ်တော်သည် ဖန်ဆင်းရှင်ဖြစ်သည်ဟု ကျွန်ုပ် အသိအမှတ် မပြုနိုင်ပါ။ ကျွန်ုပ်၏ အယူအဆများကို ကိုယ်တော် မဖြေရှင်းပေးပါက ကိုယ်တော်သည် ဘုရားသခင်ဖြစ်သည်ကို ကျွန်ုပ်အသိအမှတ်ပြုမည်ဟုလည်းကောင်း၊ ကိုယ်တော်၏ အချုပ်အခြာအာဏာကို ကျွန်ုပ်လက်ခံမည်ဟုလည်းကောင်း၊ ကိုယ်တော့်ကို ကျွန်ုပ်နာခံမည်ဟုလည်းကောင်း ကိုယ်တော် တွေးလျှင် ကိုယ်တော်သည် စိတ်ကူးယဉ်နေခြင်းဖြစ်၏” ဟု ပြောလျက် အရာအားလုံးကို ကြိုးစားပြီး နားလည်ရမှ ဖြစ်မည်ဆိုပါက အမှုကိစ္စများသည် အလွဲလွဲအချော်ချော် ဖြစ်သွားပြီ ဖြစ်သည်။ ယင်းတို့သည် မည်သို့အလွဲလွဲအချော်ချော် ဖြစ်သွားသနည်း။ ဘုရားသခင်က ဤအရာများကို သင်နှင့် မဆွေးနွေးပေ။ လူသားအတွက်မူ သူသည် အောက်ပါအတိုင်း အစဉ်ဖြစ်လိမ့်မည်- ဘုရားသခင်ကို သင်၏ဘုရားသခင်အဖြစ် သင်လက်မခံပါက သင်သည် သူ၏ဖန်ဆင်းခံသတ္တဝါများထဲမှ တစ်ဦးဖြစ်သည်ဟု သူက လက်ခံမည်မဟုတ်ချေ။ ဘုရားသခင်က သင့်ကို သူ၏ဖန်ဆင်းခံသတ္တဝါများထဲမှ တစ်ဦးဖြစ်သည်ဟု လက်မခံပါက သူ့အပေါ် သင့်သဘောထား၏ အကျိုးဆက်အနေဖြင့် ဘုရားသခင်နှင့် သင်၏ ဆက်ဆံရေးတွင် အပြောင်းအလဲတစ်ခု ပေါ်ပေါက်လာသည်။ သင်သည် မနာခံနိုင်ပါက၊ ဘုရားသခင်၏ ပင်ကိုလက္ခဏာနှင့် အဖြစ်အနေတို့အပြင် ဘုရားသခင်ပြုသမျှ အရာအားလုံးကို လက်မခံနိုင်ပါက သင်၏ပင်ကိုလက္ခဏာတွင် ပြောင်းလဲမှုတစ်ခု ဖြစ်လိမ့်မည်။ သင်သည် ဘုရားသခင်၏ ဖန်ဆင်းခံ သတ္တဝါဖြစ်သေးသလော။ ဘုရားသခင်က သင့်ကို အသိအမှတ် မပြုလျှင် ထိုသို့မဟုတ်ကြောင်း မလျှော့တမ်း ပြောဆိုခြင်းက ဘာမျှထူးမည်မဟုတ်။ သင်သည် ဘုရားသခင်၏ ဖန်ဆင်းခံသတ္တဝါ မဟုတ်သည့်အပြင် ဘုရားသခင်ကလည်း သင့်ကို မလိုချင်ပါက သင်၌ ကယ်တင်ခံရမည့် မျှော်လင့်ချက် ရှိသေးသလော။ သင်သည် ဘုရားသခင်၏ ဖန်ဆင်းခံ သတ္တဝါတစ်ဦး ထမ်းဆောင်သင့်သည့် ဝတ္တရားများနှင့် တာဝန်များကို ထမ်းဆောင်နိုင်စွမ်း မရှိပါက၊ သင်သည် ဖန်ဆင်းရှင်ကို ဘုရားသခင်၏ဖန်ဆင်းခံသတ္တဝါတစ်ဦး အနေအထားမှ မဆက်ဆံပါက ဘုရားသခင်က သင့်ကို မည်သို့ဆက်ဆံမည်နည်း။ သင့်ကို သူမည်သို့ရှုမြင်မည်နည်း။ ဘုရားသခင်သည်လည်း သင့်ကို သူ၏ဖန်ဆင်းခံ သတ္တဝါ တစ်ဦးအဖြစ် သဘောထားလိမ့်မည် မဟုတ်ဘဲ စာတန်မာရ်နတ်အဖြစ် သဘောထားလိမ့်မည်။ သင့်ကိုယ်သင် တော်သည်ဟု သင်ထင်ခဲ့သည် မဟုတ်လော။ သို့ဆိုလျှင် သင့်ကိုယ်သင် စာတန်မာရ်နတ်ဖြစ်သွားအောင် အဘယ်သို့လျှင် လုပ်ခဲ့သနည်း။ ဤသည်မှာ တော်ခြင်းမဟုတ်၊ မိုက်မဲခြင်းဖြစ်၏။ ဤနှုတ်ကပတ်တော်များက လူများကို အဘယ်အရာ သွန်သင်ပေးသနည်း။ ၎င်းတို့သည် ဘုရားသခင်ရှေ့မှောက်တွင် ကျိုးနွံနာခံရမည်။ သင်၏အယူအဆများအတွက် သင်၌ အကြောင်းပြချက် ရှိလျှင်ပင်၊ သင်သည် သမ္မာတရားကို ပိုင်ဆိုင်သည်ဟုလည်းကောင်း၊ သင်သည် ဘုရားသခင်ကို ဆန့်ကျင်ကန့်ကွက်ဖို့နှင့် သူနှင့်ပတ်သက်၍ သင်ထင်ရာကို အခိုင်အမာဆိုဖို့ အရည်အချင်းပြည့်မီသည်ဟုလည်းကောင်း မတွေးထင်လေနှင့်။ သင်အဘယ်အရာကို လုပ်ပါစေ ထိုကဲ့သို့ မဖြစ်နှင့်။ ဘုရားသခင်၏ ဖန်ဆင်းခံသတ္တဝါတစ်ဦးဟူသည့် ပင်ကိုလက္ခဏာကို သင်ဆုံးရှုံးသည်နှင့်တစ်ပြိုင်နက် သင်သည် ဇာတ်သိမ်းသွားပြီဖြစ်သည်— ဤသည်မှာ ဟာသမဟုတ်ချေ။ လူတို့၌ အယူအဆများ ရှိသည့်အခါ ၎င်းတို့သည် ကွဲပြားခြားနားသော ချဉ်းကပ်နည်းတစ်ခုကို အသုံးပြုပြီး ကွဲပြားခြားနားသော ဖြေရှင်းချက်တစ်ခုကို ခံယူကျင့်သုံးကြသည့် အကြောင်းအရင်းအတိအကျကြောင့် အဆုံးသတ်သည် လုံးလုံး ကွဲပြားခြားနားခြင်း ဖြစ်ပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း (၁၆)” မှ

အခြေခံသဘောတရားများကို နားလည်သွားသည့်အခါ အယူအဆများကို ဖြေရှင်းဖို့ လွယ်ကူလာသည်။ သင့်ကိုယ်သင် အယူအဆများအားဖြင့် ချည်နှောင်ခြင်း မခံရစေနှင့်။ ယင်းတို့ကို ဖြေရှင်းနိုင်ပါက ဖြေရှင်းဖို့ အစွမ်းကုန် လုပ်ဆောင်လော့၊ မဖြေရှင်းနိုင်ပါက ယင်းတို့ကြောင့် သင်၏တာဝန်နှင့် ဘုရားသခင်နှင့် သင်၏ဆက်ဆံရေးတို့ကို မထိခိုက်စေနှင့်။ ထိုနည်းတူပင် ဤအယူအဆများကို သင်မဖြန့်ဝေရ။ ယုတ်မာသူတစ်ဦး မဖြစ်နှင့်၊ အနှောင့်အယှက်များနှင့် ပျက်စီးခြင်းများကို ဖြစ်စေသည့်သူတစ်ဦး မဖြစ်လေနှင့်၊ စာတန်၏ တမန်တစ်ဦး မဖြစ်နှင့်၊ စာတန်၏ ထွက်ပေါက်တစ်ခု မဖြစ်နှင့်။ မည်မျှကြိုးစားပါစေ အပေါ်ယံသာ နားလည်ပြီး အယူအဆကို လုံးလုံး ဖြေရှင်းနိုင်ခြင်းမရှိပါက ယင်းကို လျစ်လျူသာရှုလိုက်လော့။ သမ္မာတရားကို လိုက်စားခြင်းနှင့် အသက်ဝင်ရောက်ခြင်းကို လိုက်စားခြင်းတို့ကို ယင်းကြောင့် မထိခိုက်စေနှင့်။ အခြေခံသဘောတရားများ၏ ဤသွင်ပြင် လက္ခဏာမျိုးစုံကို နားလည်ပြီးသည့်နောက် အခြေအနေ အများစုတွင် လူများကို ကာကွယ်၍ရနိုင်သည်။ သင်သည် သမ္မာတရားကို လက်ခံသည့်သူ၊ အပြုသဘောဆောင်သော အရာများကို ချစ်မြတ်နိုးသည့်သူ၊ မဆိုးယုတ်သည့်သူ၊ ကြားဖြတ်ဖို့ဖြစ်စေ၊ နှောင့်ယှက်ဖို့ဖြစ်စေ မလိုလားသကဲ့သို့ ထိုသို့ တမင်သက်သက် မပြုသည့်သူတစ်ဦး ဖြစ်ပါက သင်၌ အယူအဆများ ပေါ်ပေါက်လာသည့်အခါ သင်သည် ပုံမှန်အားဖြင့် ကွယ်ကာခြင်းခံရလိမ့်မည်။ အရင်းခံဖြစ်သော အခြေခံသဘောတရားမှာ ဤသို့ဖြစ်သည်- သင်၌ အယူအဆများ ရှိသည့်အခါ ယင်းတို့က ဖြေရှင်းရန် ခက်ခဲလျှင် ယင်းတို့နှင့်ပတ်သက်၍ တစ်စုံတစ်ခုကို မပြုမီ အချိန်ယူလော့။ ဦးစွာ စောင့်ဆိုင်းလော့၊ ဘုရားသခင်သည် အမှားများ မပြုလုပ်ချေ။ ဤအခြေခံသဘောတရားကို မှတ်ထားလော့။ ထို့အပြင် မိမိကိုယ်တိုင်၏တာဝန်ကိုလည်း ဘေးမဖယ်ရ— အယူအဆများကြောင့် ထိုတာဝန် ထိခိုက်၍ မရ။ သင်၌ အယူအဆများ ရှိလာသည်နှင့်တစ်ပြိုင်နက် “ငါ ပေါ့ပျက်ပျက်နေလျှင်ရော အဘယ်အရေးနည်း။ ငါ စိတ်ညစ်နေ၏၊ အလုပ်ကို ကောင်းကောင်း လုံးဝမလုပ်နိုင်” ဟု မတွေးလေနှင့်။ ဤအတိုင်း တွေးပါက အမှုကိစ္စများ အလွဲလွဲအချော်ချော် ဖြစ်လိမ့်မည်။ သင်၏ သဘောထားက အပျက်သဘောဆောင်ခြင်း၊ ဝတ်ကျေတမ်းကျေလုပ်ခြင်းနှင့် ဟန်ပြလုပ်ဆောင်ခြင်းသို့ ပြောင်းလဲသွားသည်နှင့်တစ်ပြိုင်နက် ဤသည်မှာ ပြဿနာဖြစ်သည်၊ ဤသည်မှာ အယူအဆများက သင့်အတွင်း၌ ပြဿနာများဖြစ်စေသည့် ကိစ္စတစ်ရပ် ဖြစ်သည်။ အယူအဆများက သင့်အတွင်းတွင် ပြဿနာများ ဖြစ်စေပြီး သင်၏တာဝန်ထမ်းဆောင်မှုကို ထိခိုက်စေသည့်အခါ ဘုရားသခင်နှင့် သင်၏ဆက်ဆံရေးသည် ပြောင်းလဲမှုတစ်ခုကို ကြုံနှင့်ပြီးဖြစ်လေသည်။ သင့်အတွင်းရှိ အယူအဆများကို မဖြေရှင်းထားသည့်အခါ ထိုအယူအဆအချို့က သင်၏ တာဝန်ထမ်းဆောင်ခြင်းကို မထိခိုက်စေသော်လည်း အချို့ကမူ ထိခိုက်စေ၏။ သင်၏တာဝန်အပေါ် ဤအယူအဆများ၏ အကျိုးသက်ရောက်မှုမှာ ယင်းတို့က သင့်အား ဘုရားသခင်ကို သံသယဖြစ်စေခြင်း ဖြစ်သည်။ သင်သည် သင်၏တာဝန်ကို ကောင်းမွန်စွာ မထမ်းဆောင်၊ သင်၏တာဝန်ကို မထမ်းဆောင်ခြင်းအဖို့ အကျိုးဆက်တစ်ခုတလေ ရှိသည်ဟု မခံစားရ၊ သင်သည် မကြောက်ရွံ့၊ သင်၌ ဘုရားသခင်ကို ကြောက်ရွံ့မှု မရှိခြင်း ဖြစ်သည်- ဤသည်မှာ အန္တရာယ်ရှိ၏၊ ဤသည်မှာ စုံစမ်းသွေးဆောင်ခြင်းထဲသို့ သင်ထိုးကျပြီး စာတန်၏ အရူးလုပ်ခံရကာ စာတန်၏ ဆွဲယူသွားခြင်းကို ခံရခြင်း ဖြစ်ပေသည်။ သင်၏အယူအဆများအပေါ် သင်ပြုလုပ်သည့် ဆုံးဖြတ်ချက်နှင့် သင်၏သဘောထားများသည် အရေးပါလှ၏။ အယူအဆများသည် ဖြေရှင်း၍ရသည်ဖြစ်စေ၊ မရသည်ဖြစ်စေ၊ ယင်းတို့ကို ဖြေရှင်းနိုင်သည့် အတိုင်းအတာက မည်သို့ပင်ဖြစ်စေ သင်နှင့် ဘုရားသခင်အကြားက ပုံမှန်ဆက်ဆံရေးသည် မပြောင်းလဲရ။ တစ်ဖက်တွင် သင်သည် ဘုရားသခင်ချခင်းပေးသည့် အရာအားလုံးကို နာခံနိုင်စွမ်း ရှိသင့်သည်- ဘုရားသခင်သည် အမှားမပြုလုပ်၊ ဤအရာကို သိသည့်အသိနှင့် ဤအရာနှင့်ဆက်နွှယ်သည့် သမ္မာတရားတို့က မည်သည့်အခါမျှ မပြောင်းလဲသင့်ပေ။ တစ်ဖက်တွင် ဘုရားသခင်က သင့်အား အပ်နှံထားသည့် တာဝန်ကို သင်ဘေးမဖယ်ရ၊ ဤတာဝန်ကို မစွန့်လွှတ်ရ။ အတွင်း၌ဖြစ်စေ၊ အပြင်၌ဖြစ်စေ သင်၌ ဘုရားသခင်ကို ခုခံခြင်း၊ မလိုလားခြင်း၊ ပုန်ကန်ခြင်း၊ သို့မဟုတ် မနာခံခြင်း မရှိပါက ဘုရားသခင်သည် သင်၏နာခံခြင်းကိုသာ တွေ့လိမ့်မည်ဖြစ်ပြီး သင်စောင့်မျှော်နေကြောင်းကိုသာ တွေ့လိမ့်မည်။ သင်၌ အယူအဆများ ရှိနိုင်ဆဲဖြစ်သော်လည်း သင်၌ မနာခံခြင်းနှင့် ခုခံခြင်း မရှိသောကြောင့် သင်၏မနာခံခြင်းကို ဘုရားသခင်က မမြင်ချေ။ ဘုရားသခင်က သင့်ကို သူ၏ဖန်ဆင်းခံ သတ္တဝါတစ်ဦးအဖြစ် သဘောထားဆဲဖြစ်သည်။ ဆန့်ကျင်ဘက်အားဖြင့် သင်၏စိတ်နှလုံးက ညည်းညူခြင်းများ၊ မကျေနပ်ချက်များနှင့်ပြည့်နေပြီး သင်သည် လက်တုံ့ပြန်မည့် အခွင့်အရေးကို ရှာဖွေနေကာ သင်၏တာဝန်ကို မထမ်းဆောင်လိုပါက၊ သင်၏တာဝန်ကို ထမ်းဆောင်မှုသည် ထိခိုက်နေပြီး ထိုတာဝန်ကို စွန့်လွှတ်ဖို့ပင် ကြိုးစားပါက၊ ထို့ပြင် သင်၏စိတ်နှလုံးထဲတွင် ဘုရားသခင်နှင့်ပတ်သက်၍ အကျိုးအကြောင်း မဆီလျော်သည့် မကျေမနပ်ဖြစ်ခြင်းမျိုးစုံ ရှိနေပြီး သင်၏တာဝန်ကို ထမ်းဆောင်စဉ်ကာလတစ်လျှောက်၌ မကျေနပ်ချက် ပေါက်ကွဲထွက်မှုအချို့ ရှိပါက ဤအချိန်တွင် ဘုရားသခင်နှင့် သင်၏ဆက်ဆံရေးတွင် ကြီးမားသော ပြောင်းလဲမှုတစ်ခု ပေါ်ပေါက်ပြီးဖြစ်လေသည်။ သင်၏ အနေအထားသည် ဘုရားသခင်၏ ဖန်ဆင်းခံသတ္တဝါတစ်ဦး အနေအထား မဟုတ်တော့ပေ၊ သင်သည် ဘုရားသခင်၏ ဖန်ဆင်းခံသတ္တဝါတစ်ဦး မဟုတ်တော့ဘဲ၊ သင်သည် စာတန်မာရ်နတ်၏ ထွက်ပေါက်တစ်ခု ဖြစ်လာပြီးဖြစ်သည်— ထို့ကြောင့် ဘုရားသခင်က သင့်ကို သိပ်စာနာနေတော့မည် မဟုတ်ချေ။ လူများသည် ဤအခြေအနေသို့ ရောက်လာသည့်အခါ ၎င်းတို့သည် အန္တရာယ်ထူပြောသော နယ်ပယ်၌ ရှိနေပေပြီ။ ဘုရားသခင်က မည်သည့်အရာမျှ မလုပ်လျှင်ပင် သင်သည် အသင်းတော်၌ ရပ်တည်နိုင်မည် မဟုတ်ချေ။ ထို့ကြောင့် လူတို့လုပ်သမျှအရာအားလုံး၌- အထူးသဖြင့် အယူအဆများကို ဖြေရှင်းခြင်းကဲ့သို့သော အရေးကိစ္စများ ပါဝင်ပတ်သက်နေသည့်အခါတွင်- ၎င်းတို့သည် ဘုရားသခင်ကို ပုန်ကန်ပြစ်မှားသည့် အရာများကိုဖြစ်စေ၊ ဘုရားသခင်ပြစ်တင်ရှုတ်ချသည့် အရာများကိုဖြစ်စေ၊ အခြားသူများအား နာကျင်စေသော၊ သို့မဟုတ် ထိခိုက်စေသော အရာများကိုဖြစ်စေ လုပ်ဆောင်ခြင်းမှ ရှောင်ရှားဖို့ ဂရုစိုက်ရမည်။ ဤသည်မှာ အခြေခံသဘောတရားဖြစ်သည်။

ဘုရားသခင်နှင့်ပတ်သက်၍ အယူအဆများ ရှိခြင်းသည် ကိစ္စကြီးပင်ဖြစ်၏။ လက်ခံခြင်း၊ နာခံခြင်း၊ နားထောင်ခြင်းတို့အပြင် လူသားနှင့် ဘုရားသခင်အကြား အများအားဖြင့် အမြင်ရဆုံးအရာသည် လူတို့၌ ဘုရားသခင်နှင့်ပတ်သက်၍ အယူအဆများ ထားရှိခြင်း ဖြစ်သည်။ ဤအရာကို လုံးဝ လျစ်လျူရှု၍ မရနိုင်ချေ။ လူများ၌ ဤအယူအဆများကို ချဉ်းကပ်ဖို့ သင့်တော်သည့် နည်းစနစ်နှင့် လမ်းကြောင်း မရှိပါက ဘုရားသခင်နောက်ကို လိုက်လျှောက်ခြင်းသည် ၎င်းတို့အတွက် အလွန် ပင်ပန်းခက်ခဲရပေလိမ့်မည်၊ ၎င်းတို့သည် လမ်းလွှဲများစွာကို လျှောက်ရမည်ဖြစ်ပြီး ၎င်းတို့သတိမထားသည်နှင့် တစ်ပြိုင်နက် ၎င်းတို့သည် ဘုရားသခင်အပေါ် မနာခံခြင်းနှင့် ရန်လိုခြင်း လမ်းကြောင်းပေါ်သို့ ခြေချမိကောင်း ချမိနိုင်သည်။ ဤလမ်းကြောင်းပေါ် ၎င်းတို့ခြေချမိသည့်အခါ ၎င်းတို့အတွက် ဇာတ်သိမ်းသွားပြီဖြစ်သည်— ၎င်းတို့၌ အခွင့်အရေး ရှိသေးသည်ဟု သင်တို့ထင်သလော။ ဤအရာကို အလွယ်အတကူ ပြုပြင်၍ရမည့်နည်း မရှိချေ။ ၎င်းတို့၌ အခွင့်အရေး လုံးဝမရှိချေ။ ထို့ကြောင့် သင်သည် သူ၏ ဖန်ဆင်းခြင်းမဟုတ်ကြောင်း ဘုရားသခင်မငြင်းဆန်မီ သင်သည် ဘုရားသခင်၏ ဖန်ဆင်းခံသတ္တဝါတစ်ဦး ဖြစ်ဖို့နည်းလမ်းကို သင်ယူရမည်။ ဖန်ဆင်းရှင်ကို မည်သို့လေ့လာရမည်ကိုဖြစ်စေ၊ ဖန်ဆင်းရှင်သည် သင်ယုံကြည်သည့် ဘုရားသခင်ဖြစ်သည်ကို မှန်မမှန် စစ်ဆေးပြီး အတည်ပြုဖို့ကိုဖြစ်စေ ကြိုးစား သင်ယူမနေနှင့်- ဤသည်မှာ သင်၏ဝတ္တရား မဟုတ်ချေ၊ ယင်းက သင်၏တာဝန် မဟုတ်ပေ။ လူတို့အနေဖြင့် နေ့စဉ် ၎င်းတို့၏စိတ်နှလုံးထဲ၌ ဆင်ခြင်တွေးတောပြီး စဉ်းစားသင့်သည့်အရာမှာ ဘုရားသခင်၏ ဖန်ဆင်းခံ သတ္တဝါကောင်းတစ်ဦး ဖြစ်ဖို့နည်းလမ်းဖြစ်သည်၊ ဘုရားသခင်သည် ဖန်ဆင်းရှင်ဟုတ်မဟုတ်၊ သူသည် ဘုရားဟုတ်မဟုတ်၊ ဘုရားသခင်က တစ်စုံတစ်ခုကို ပြုလုပ်သည့်အခါ ဘုရားသခင်၌ ယင်းကို ပြုလုပ်ခွင့်ရှိမရှိ သက်သေပြဖို့နည်းလမ်းကို မဟုတ်ချေ- ဤအရာမှာ သင်လေ့လာသင့်သည့် အရာမဟုတ်ချေ။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း (၁၆)” မှ

အရှေ့သို့- ၅၅) ကြောင်းကျိုးမဆီလျော်မှုများကို ကာကွယ်ခြင်းဆိုင်ရာ အခြေခံသဘောတရားများ

နောက်တစ်ခုသို့- ၅၇) ဘုရားသခင်ကို ခုခံမှုနှင့် အထင်မှားမှုတို့ကို ပြုပြင်ခြင်းဆိုင်ရာ အခြေခံသဘောတရားများ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၃၅) စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

၁၈) ဘုရားသခင်အပေါ် မှီခိုခြင်းနှင့် ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

၇) ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်ထဲတွင် ရောက်နေပြီး အခက်အခဲတစ်ခုဖြင့် ရင်ဆိုင်နေရချိန်တွင်၊ ဘုရားသခင်၏...

၇၀၂ စိတ်ထားပြောင်းလဲမှုများသည် သန့်ရှင်းသော ဝိညာဉ်တော်ရဲ့ လုပ်ဆောင်မှုနှင့် ဆက်စပ်နေသည်

၁သန့်ရှင်းသော ဝိညာဉ်တော်ရဲ့အလုပ်နှင့်ရှိနေခြင်းကသင် ရိုးသားစွာရှာ မရှာ ဆုံး ဖြတ်တာအခြားသူများကို စီရင်ခြင်းမဟုတ်...သူတို့ အမြင်တွေ လည်း...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်