၇၅) မိမိ၏ ရာထူးအဆင့်အတန်းကို အတည်ပြုခြင်းဆိုင်ရာ အခြေခံသဘောတရားများ

(၁) သင်၏ အားသာချက်များနှင့် ဆုကျေးဇူးများအတိုင်း သင်၏ တာဝန်ကို ရွေးချယ်လော့။ လူအများစုက သင်၏ ရွေးချယ်မှုကို သင့်တော်သည်ဟု ယူဆသရွေ့ သင်သည် ယင်းကို သင်၏ တာဝန်အဖြစ် အတည်ပြုသင့်သည်။

(၂) မိမိတို့၏ တာဝန်ကို ကောင်းမွန်စွာ လုပ်ဆောင်သူတို့သည် ၎င်းတို့၏ ရာထူးအဆင့်အတန်းကို ရှာတွေ့ပြီးဖြစ်ကာ မိမိတို့၏ တာဝန်ကို ကောင်းမွန်စွာ လုပ်ဆောင်သူသည် ဖန်ဆင်းခံ သတ္တဝါတစ်ဦးအဖြစ် ၎င်းတို့၏ ရာထူးတွင် ခိုင်ခိုင်မာမာ ရပ်တည်နေပေသည်။

(၃) အကြင်သူသည် မိမိတို့၏ တာဝန်ကို ထမ်းဆောင်နေစဉ် ဘုရားသခင့်အိမ်တော်၏ အစီအစဉ်များကို ကျိုးနွံနာခံသင့်သည်။ မိမိတို့၏ တာဝန်က မသင့်လျော်ဟု ခံစားရလျှင် ခေါင်းဆောင်များနှင့် အမှုတော်ဆောင်များဖြင့် မိတ်သဟာယပြုလျက် သင့်လျော်သည့် တာဝန်များကို ရွေးချယ်လော့။

(၄) အကြင်သူ၏ သီးသန့်တာဝန်က အဘယ်အရာဖြစ်နေပါစေ ၎င်းတို့သည် ဘုရားသခင်ထံ ဆုတောင်းပြီး သူ့အပေါ် မှီခိုသင့်ကာ ကိစ္စရပ်များအားလုံးတွင် သမ္မာတရားကို ရှာဖွေလျက် အခြေခံသဘောတရားများအတိုင်း ပြုမူသင့်၏။ ထိုသို့လုပ်ဆောင်ခြင်းဖြင့် ၎င်းတို့သည် မိမိတို့၏ တာဝန်ကို ကျေနပ်ဖွယ်ရာ ထမ်းဆောင်လာနိုင်ကြလိမ့်မည်။

ဆက်စပ်သော ဘုရားသခင်၏ နှုတ်ကပတ်တော်များ-

သူ၏စီမံခန့်ခွဲမှု အစီအစဉ်တစ်ခုလုံး၌၊ ဘုရားသခင်သည် ကြာမြင့်သောအချိန်ကပင် သင် လူသားလောကအကြားသို့ အကြိမ်မည်မျှ လာရောက်မည်၊ နောက်ဆုံးသောကာလတွင် သင်သည် မည်သည့်အမျိုးအနွယ်နှင့် မည်သည့် မိသားစုထဲတွင် မွေးဖွားမည်၊ ဤမိသားစု၏ ငွေကြေးအခြေအနေ မည်သို့ရှိမည်၊ သင်သည် ယောကျ်ား သို့မဟုတ် မိန်းမ ဖြစ်မဖြစ်၊ သင်၏ အားသာချက်များမှာ မည်သည့်အရာများ ဖြစ်သည်၊ သင်သည် မည်သည့်ပညာအရည်အချင်းအဆင့်ရှိမည်၊ သင်သည် မည်မျှ ရှင်းလင်းစွာ ပြောဆိုနိုင်မည်၊ သင်၏အရည်အချင်းများမှာ မည်သည့်အရာဖြစ်မည်၊ သင်သည် မည်သည့်အရွယ်၌ ဘုရားသခင်၏အိမ်တော်သို့ လာရောက်ပြီး သင်၏တာဝန်အား ထမ်းဆောင်မည်နှင့်၊ သင်သည် မည်သည့်အချိန်တွင် မည်သည့်တာဝန်အား ထမ်းဆောင်ရမည်ကို စီစဉ်ခဲ့သည်၊ ဘုရားသခင်သည် အချိန်ကြာမြင့်စွာကပင် သင့်အတွက် အဆင့်တိုင်းအား စီမံထားခဲ့သည်။ သင် မမွေးဖွားခင်ကပင်၊ သင်သည် သင်၏ရှေးလွန်ခဲ့သော ဘဝများစွာကပင် လူတို့ကြားလာခဲ့သောအခါ၊ ဤနောက်ဆုံးအဆင့် အတောအတွင်းတွင် မည်သည့်တာဝန်အား သင် ထမ်းဆောင်ရမည်ကို ဘုရားသခင်သည် ကြိုတင်စီစဉ်ပေးထားပြီး ဖြစ်သည်။ ဤသည်မှာ ဟာသတစ်ခုမဟုတ်ပေ။ သင်သည် ဤနေရာတွင် ဤဒေသနာအား နားထောင်ရန် ရှိနေခြင်းသည်ပင် ဘုရားသခင်မှ စီမံထားသောကြောင့် ဖြစ်သည်။ ဤသည်မှာ သေးငယ်သောအရာတစ်ခု မဟုတ်ပေ။ ထို့အပြင် သင်၏ရုပ်ပိုင်းဆိုင်ရာ အခြေအနေ၊ သင်၏ အသက်အရွယ်တစ်ခု၌ အတွေ့အကြုံ၊ သင်သည် မည်သည့်တာဝန်များအား ထမ်းဆောင်နိုင်သည်။ သင်၏ အရည်အချင်းများနှင့် စွမ်းဆောင်ရည်များ- ၎င်းတို့မှာ အချိန်ကြာမြင့်စွာကပင် သင့်အတွက် ဘုရားသခင်မှ စီမံထားပေးခြင်း ဖြစ်သည်။ ဆိုလိုသည်မှာ ဘုရားသခင်သည် သင့်အား အသုံးချရန် ဆန္ဒရှိပြီး သင့်အား ဤတာဝန်နှင့် အသက်မွေးမှုအား မပေးအပ်ခင်ကပင်၊ သူသည် သင့်အတွက် ဤသည်ကို ကြိုတင်ပြင်ဆင်ထားပြီးသား ဖြစ်သည်။ ထို့ကြောင့် သင်သည် ၎င်းမှ ထွက်ပြေးရန်ကောင်းသလော။ သင့်အနေနှင့် ချီတုံချတုံ ဖြစ်နေရန် ကောင်းသလော။ ဤသည်အား လုပ်ဆောင်ခြင်းဖြင့် သင်သည် ဘုရားသခင်အား စိတ်ပျက်စေခဲ့သည်တကား။ သင်၏တာဝန်အား ကျောခိုင်းခြင်းလောက် ကြီးမားသည့် ပုန်ကန်သောလုပ်ဆောင်မှု မရှိပေ။ ဤသည်မှာ အလွန်စက်ဆုပ်ဖွယ်ကောင်းသောအပြစ်တစ်ခုဖြစ်သည်။ ဘုရားသခင်၏ ရည်ရွယ်ချက်များမှာ သတိကြီးစွာဖြင့် အလွန်လေးနက်နေသည်။ လွန်ခဲ့သည့် မရေတွက်နိုင်သော မျိုးဆက်များစွာ၊ ဘုရားသခင်သည် ယနေ့ သင် ရောက်လာခြင်းကို ကြိုတင်ခွဲခန့်မှတ်သားထားခဲ့ကာ- သင့်အား ဤတာဝန် ပေးအပ်ခဲ့သည်။ ထို့ကြောင့် သင်သည် ဤတာဝန်အတွက် တာဝန်မရှိပါသလော။ ၎င်းမှာ သင်၏ဘဝတန်ဖိုးပင် မဟုတ်ပါသလော။ ထို့အပြင် အကယ်၍ သင်သည် ဘုရားသခင်မှ သင့်အား ပေးအပ်ထားသော တာဝန်အား မထမ်းဆောင်ပါက၊ သင်၏အသက်ရှင်ခြင်းတွင် အသုံးဝင်မှု တစ်စုံတစ်ဂာ ရှိသလော။ ဘုရားသခင်သည် သင့်အား ဤအခြေအနေတွင် ထားခဲ့သည်၊ သူသည် သင့်အား ဤအရည်အသွေး ပေးခဲ့သည်၊ သူသည် သင့်အား ထိုစွမ်းရည်များနှင့် ကျွမ်းကျင်မှုများပေးခဲ့သည်၊ သူသည် ဤအသက်အရွယ်အထိ နေထိုင်ရန်နှင့် ဤအရာအား လုပ်ဆောင်ရန်အတွက် အခြေအနေအားလုံး ပေးခဲ့သည်၊ သို့သော် သင်သည် ၎င်းအား လုပ်ဆောင်ခြင်းမရှိဘဲ သင်သည် အဝေးသို့ ထွက်ပြေးခဲ့သည်။ သင်သည် သက်တောင့်သက်သာ ဘဝတစ်ခု၌သာအသက်ရှင်လိုသည်၊ လောက၌ ကိုယ့်ထူးကိုယ်ချွန် အောင်မြင်လိုသည်၊ စာတန်အား အစေခံရန်အတွက် ဘုရားသခင်ပေးသည့်အရာကိုသာ အသုံးပြုလိုသည်။ ဘုရားသခင်သည် ဤသည်၌ ပျော်နိုင်သလော။ ဤသည်က သူ့အား ပျော်ရွှင်အောင် လုပ်ဆောင်ပေးနိုင်သလော။ သင်သည် သင်၏တာဝန် ထမ်းဆောင်ခြင်း မပြုပေ၊ ထို့အပြင် သင်သည် ဘုရားသခင်၏ တရားစီရင်ခြင်း ပလ္လင်မှ ထွက်ပြေးသည်။ ထိုကဲ့သို့သော လူများအတွက် ဘုရားသခင် မည်သို့ ဆုံးဖြတ်သနည်း။ သူသည် ၎င်းတို့အား သုတ်သင်လေသတည်း။ သင်သည် ဤလောကထဲသို့ မည်သည့်အခါမျှ တစ်ဖန် မွေးဖွား၍ ရောက်လာတော့မည် မဟုတ်ပေ။ ဘုရားသခင်သည် သင့်အား မည့်သည့်အရာမျှ၊ တစ်ဖန် အပ်နှံ့တော့မည် မဟုတ်ပေ။ သင်၏တာဝန်အား သင့်ထံမှ ယူဆောင်သွားပြီ ဖြစ်ပြီး၊ ထို့ကြောင့် သင့်တွင် အခွင့်အရေး လုံးဝမရှိတော့ပေ၊ ဤသည်က သင့်အား ဒုက္ခရောက်နေကြောင်းဆိုလိုသည်။ ထိုကဲ့သို့သောသူသည် ဘုရားသခင်၏ ငေးကြည့်ခြင်းမှ တစ်ကြိမ်တစ်ခါ ပြေးထွက်ခဲ့သည်၊ ၎င်းသည် ငါ၏ တရားစီရင်ခြင်း ပလ္လင်မှ၊ ငါ၏ မျက်မှောက်မှ ထွက်ပြေးခဲ့သည်။ ၎င်းသည် ၎င်း၏ တာဝန်အား ထမ်းဆောင်ခြင်းမရှိခဲ့ပေ၊ ၎င်းသည် ၎င်း၏တာဝန်အား ပြီးမြောက်ခြင်းမရှိပေ။ ဤသည်မှာ နိဂုံးဖြစ်သည်၊ ဤသည်မှာ ပြီးဆုံးသွားပြီဖြစ်သည်၊ ၎င်း၏ဘဝမှာ ဤနေရာတွင် အဆုံးသတ်သည်၊ နောက်ထပ် မစဉ်းစားတော့ရန် ပြီးဆုံးသွားပြီဖြစ်ကာ ၎င်းအား ထပ်မံပြောဆိုရန် အတွက် မလိုအပ်တော့ပေ။ ကြေကွဲဖွယ်ကောင်းလိုက်လေခြင်း။

ယနေ့တွင်၊ ဘုရားသခင်၏ အိမ်တော်၌ တာဝန်တစ်ခုကို သင် ထမ်းဆောင်သည့်အခါ၊ ကြီးသည်ဖြစ်စေ ငယ်သည်ဖြစ်စေ၊ ရုပ်ပိုင်းဆိုင်ရာ အားထုတ်မှုပါဝင်သည်ဖြစ်စေ၊ သင်၏ ဦးနှောက် အသုံးပြုခြင်း ပါဝင်သည်ဖြစ်စေ၊ ယင်းကို အသင်းတော် ပြင်ပတွင် လုပ်ဆောင်သည်ဖြစ်စေ အသင်းတော် အတွင်းတွင် လုပ်ဆောင်သည်ဖြစ်စေ၊ သင် ထမ်းဆောင်သည့် တာဝန်သည် မတော်တဆ မဟုတ်ပေ။ ဤသည်မှာ သင်၏ ရွေးချယ်မှု မဟုတ်၊ ယင်းကို ဘုရားသခင်က ညွှန်ကြားထားခြင်း ဖြစ်သည်။ သင် တို့ထိခံရပြီး ဤသာသနာနှင့် တာဝန် အသိစိတ်ရှိကာ ဤတာဝန်ကို ထမ်းဆောင်နိုင်သည်မှာ ဘုရားသခင်၏ စေခိုင်းချက်တာဝန်ကြောင့်သာ ဖြစ်သည်။ မယုံကြည်သူများထဲတွင်၊ ဆွဲဆောင်မှုရှိသည့်၊ ဉာဏ်ရည်ဉာဏ်စွမ်းရှိသည့် သို့မဟုတ် တတ်စွမ်းနိုင်သည့်သူများစွာ ရှိသည်။ သို့သော် ဘုရားသခင်က ၎င်းတို့ကို အခွင့်အရေးပေးသလော။ မပေးပေ။ ဘုရားသခင်က ဤလူစုဖြစ်သည် သင်တို့ကိုသာ အခွင့်အရေးပေး၏။ သူသည် သင့်အား အခန်းကဏ္ဍမျိုးစုံကို တာဝန်ယူစေသည်၊ သူ၏ စီမံခန့်ခွဲခြင်း အမှုထဲတွင် တာဝန်နှင့် ဝတ္တရားမျိုးစုံကို ဆောင်ရွက်စေပြီး၊ နောက်ဆုံးတွင် ဘုရားသခင်၏ စီမံခန့်ခွဲခြင်း အစီအစဉ် အဆုံးသတ်လာချိန်တွင်၊ ဤသည်မှာ ဘုန်းအသရေနှင့် ဂုဏ်ပြုခြင်း ဖြစ်လေမည်တည်း။ ထို့ကြောင့်၊ ၎င်းတို့၏ တာဝန်ကို ထမ်းဆောင်နေစဉ်တွင်၊ လူတို့သည် အခက်အခဲအနည်းငယ် ခံစားရချိန်တွင်၊ အမှုအရာများကို ၎င်းတို့ စွန့်လွှတ်ရမည်ဖြစ်ပြီး မိမိတို့ကိုယ်ကိုယ် အသုံးတော်ခံရမည့်အချိန်တွင်၊ အဆင့်အတန်း၊ ကျော်ကြားမှုနှင့် လောက၌ အခွင့်အလမ်းများကို ၎င်းတို့ ဆုံးရှုံးရချိန်တွင်၊ ယင်းမှာ ဘုရားသခင်က ထိုအရာများကို ၎င်းတို့ထံမှ ယူဆောင်သွားပြီးဖြစ်သည့်အလား ဖြစ်သည်- သို့သော် ၎င်းတို့သည် သာ၍ ကြီးမားကာ သာ၍ ကောင်းမွန်သော တစ်စုံတစ်ရာကို ရရှိကြပြီး ဖြစ်သည်။ ဘုရားသခင်ထံမှ မည်သည့်အရာကို ၎င်းတို့ ရရှိကြပြီနည်း။ သင်၏ တာဝန်ကို ကောင်းမွန်စွာ သင် ထမ်းဆောင်ပြီးသည့်အခါမှသာ၊ သင့်အတွက် ဘုရားသခင်၏ စေခိုင်းချက်တာဝန်ကို သင် ပြီးစီးပြီးသည့်အခါ၊ သင်၏ အသက်တာတစ်ခုလုံးကို သင်၏ သာသနာနှင့် စေခိုင်းချက်တာဝန်အတွက် အသက်ရှင်ပြီး အကျိုးရှိသော အသက်တာတစ်ခုကို သင် အသက်ရှင်ချိန်တွင်- ထိုအခါမှသာ သင်သည် စစ်မှန်သော လူတစ်ဦး ဖြစ်ပေသည်။ ဘုရားသခင်က သင့်ကို ရွေးချယ်ပြီးဖြစ်သောကြောင့်၊ သူသည် သူ၏ စီမံခန့်ခွဲမှုထဲတွင် ဘုရားသခင်၏ အဖန်ဆင်းခံ သတ္တဝါတစ်ဦး၏ တာဝန်ကို သင့်အား ထမ်းဆောင်ခွင့်ပေးပြီးဖြစ်ကာ သင်၏ အသက်တာအဖို့ သာ၍ ကြီးမားသော တန်ဖိုး သို့မဟုတ် အဓိပ္ပာယ် မရှိနိုင်ပေ။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်အားနာခံခြင်းနှင့်ဆိုင်သော လက်တွေ့လုပ်ဆောင်မှု အခြေခံသဘောတရားများ” မှ

သင်တို့ကိုယ်သင်တို့ ပြုမူနေထိုင်ခြင်းအတွက် သင်တို့၏ အခြေခံသဘောတရားများမှာ အဘယ်နည်း။ သင်သည် သင့်အတွက် သင့်တော်သည့် ရာထူးအဆင့်အတန်းကို ရှာဖွေပြီး သင်၏ ရာထူးအဆင့်အတန်းအတိုင်း ခိုင်မာစွာ ရပ်တည်လျက် သင်၏ရာထူးအဆင့်အတန်း အတိုင်း ပြုမူနေထိုင်သင့်သည်။ ဥပမာအားဖြင့် အသက်မွေးဝမ်းကျောင်းတစ်ခုတွင် ကျွမ်းကျင်ပြီး ထိုအသက်မွေးဝမ်းကျောင်း၏ အခြေခံသဘောတရားများကို နားလည်သဘောပေါက်နိုင်သူများ ရှိကြသည်၊ ပြီးလျှင် ၎င်းတို့သည် ဤကိစ္စနှင့်စပ်လျဉ်း၍ နောက်ဆုံး စစ်ဆေးမှုများ ပြုလုပ်သင့်သည်။ အခြားလူတိုင်းကို ၎င်းတို့၏စိတ်ကူးများပေါ်တွင် အခြေခံ၍ တစ်ခုခု လုပ်ဆောင်စေပြီး ဤတာဝန်ကို ပိုမိုကောင်းမွန်အောင် ထမ်းဆောင်စေလျက် စိတ်ကူးများနှင့် ထိုးထွင်းအမြင်များကို ပေးနိုင်သည့်သူများရှိသည်။ သို့ဆိုလျှင် ၎င်းတို့သည် စိတ်ကူးများကို ထောက်ပံ့ပေး သင့်သည်။ သင့်အတွက် သင့်တော်သည့် ရာထူး အဆင့်အတန်းကို သင် ရှာဖွေနိုင်ပြီး၊ သင်၏ ညီအစ်ကိုမောင်နှမများနှင့် သဟဇာတဖြစ်အောင် သင် အလုပ်လုပ်နိုင်ပါက၊ သင်သည် သင်၏တာဝန်ကို ဖြည့်ဆည်းနေလိမ့်မည်ဖြစ်ကာ၊ သင်၏ ရာထူး အဆင့်အတန်းအတိုင်း သင့်ကိုယ်သင် ပြုမူနေထိုင် လိမ့်မည်။ သင်သည် သင်၏အတွေးအခေါ် အနည်းငယ်ကို ပေးနိုင်ဖို့သာ ဖြစ်သော်လည်း၊ အခြားအရာများကိုပါ ပေးလိုပြီး၊ ထိုသို့လုပ်ဆောင်ရန် သင်သည် အဆုံး၌ အလွန်ကြိုးစား လုပ်ဆောင် သော်လည်း၊ မလုပ်ဆောင်နိုင်ဆဲ ရှိနေသည်၊ ထို့နောက်တွင် အခြားသူများက ထိုအခြားအရာများကို ထောက်ပံ့ပေးသည့်အခါ၊ သင်သည် သက်သောင့်သက်သာမဖြစ်တော့ဘဲ၊ နားထောင်ဖို့လည်း ဆန္ဒမရှိကာ၊ သင်၏ စိတ်နှလုံးသည် နာကျင်ပြီး ဘောင်ခတ်ခြင်းခံရသည်၊ ပြီးလျှင် ဘုရားသခင်သည် တရားမမျှတဟု သင်ပြောပြီး၊ ဘုရားသခင်ကို သင်အပြစ်တင်ပါက- ဤအရာသည် ရည်မှန်းချက်ဖြစ်သည်။ လူတစ်ယောက်တွင် ရည်မှန်းချက် ဖြစ်ပေါ်စေသည်မှာ မည်သည့် စိတ်သဘောထားနည်း။ မာနထောင်လွှားသည့် စိတ်သဘောထားတစ်ခုသည် ရည်မှန်းချက် ဖြစ်ပေါ်စေသည်။ ဤအခြေအနေများသည် သင်တို့ထဲ၌ သေချာပေါက် အချိန်မရွေး ပေါ်ပေါက်လာနိုင်ပြီး၊ ၎င်းတို့ကို ဖြေရှင်းဖို့ သမ္မာတရားကို သင်တို့ မရှာဖွေနိုင်ဘဲ၊ အသက်တာ ဝင်ရောက်မှု မရှိကာ၊ အဆိုပါကိစ္စနှင့် စပ်လျဉ်း၍လည်း ပြောင်းလဲ၍မရနိုင်ပါက၊ သင်တို့၏ တာဝန်များကို သင်တို့ ထမ်းဆောင်ရာတွင် အသုံးပြုသည့် အရည်အချင်း အတိုင်းအတာနှင့် စင်ကြယ်ခြင်းတို့သည် နိမ့်ကျပေလိမ့်မည်။ ဤအရာများကို သင်တို့ မရရှိနိုင်ပါက၊ ဘုရားသခင် ရသင့်ရထိုက်သော ဘုန်းအသရေကို သူ့အားပေးဖို့သည်လည်း သင်တို့အတွက် အလွန်ပင် ခက်ခဲပေလိမ့်မည်။ လူအချို့က နယ်ပယ် နှစ်ခု သုံးခုတွင် ပါရမီများရှိကြသည်၊ အချို့က နယ်ပယ် တစ်ခုတွင် ပါရမီရှိပြီး၊ အချို့က ပါရမီလုံးဝ မရှိကြပေ- သင်တို့သည် ဤအရေးကိစ္စများကို မှန်ကန်စွာ ကိုင်တွယ်ဖြေရှင်းနိုင်ပါက၊ သင်သည် သင်၏ ရာထူးအဆင့်အတန်းကို ရှာတွေ့ပြီး ဖြစ်လိမ့်မည်။ ၎င်းတို့၏ ရာထူးအဆင့်အတန်းများကို ရှာတွေ့ပြီး ဖြစ်သည့်လူများသည် ၎င်းတို့၏ ရာထူး အဆင့်အတန်းများအတိုင်း မိမိတို့ကိုယ်ကိုယ် ပြုမူနေထိုင်နိုင်ပြီး ၎င်းတို့၏ တာဝန်များကိုလည်း ကောင်းစွာ ထမ်းဆောင်နိုင်သည်။ ၎င်းတို့၏ ရာထူး အဆင့်အတန်းများကို မည်သည့်အခါမျှ မရှာဖွေနိုင်သည့်လူများ၊ ၎င်းတို့၏ ပန်းကန်လုံးများ ထဲတွင် အစားအစာရှိနေလျက်နှင့် အိုးကို အမြဲတမ်း လက်လှမ်းနေသူများ၊ ပေါ်ပေါက်လာသည့် ၎င်းတို့အတွက် အကျိုးရှိစေသည့် အရာမှန်သမျှကို ဖမ်းဆုပ်သူများ၊ ၎င်းတို့၏ ကိုယ်ပိုင် ရည်မှန်းချက်များ အမြဲတမ်း ရှိသော်လည်း၊ ၎င်းတို့သည် ဘုရားသခင်၏ ရည်ရွယ်ချက်များအတွက် အရေးထားမှုကို ပြနေပြီး ၎င်းတို့၏ တာဝန်ကို သစ္စာရှိစွာ ထမ်းဆောင် နေသည်ဟု ယုံကြည်နေကြသူများ ရှိကြသည်- ဤယုံကြည်မှုက မှားယွင်းပြီး၊ ယင်းက “သစ္စာရှိခြင်း”ကို မှားယွင်းစွာ နားလည်သဘောပေါက်မှု တစ်ခု ဖြစ်သည်။ သင်သည် သစ္စာရှိလိုပြီး၊ သင်၏ တာဝန်ကို ကျေနပ်ဖွယ်ရာ ထမ်းဆောင်လိုပါက၊ ဤသည်မှာ သင်၏ ရှာဖွေလိုက်စားမှုနှင့် သင်၏ လိုအင်ဆန္ဒတို့ဖြစ်ပါက၊ သင့်အတွက် သင့်တော်သည့် ရာထူးအဆင့်အတန်းကို သင် ပထမဦးစွာ ရှာဖွေရမည်ဖြစ်ပြီး၊ ထို့နောက်တွင် သင် လုပ်ဆောင်နိုင်သမျှကို သင်၏ စိတ်နှလုံး အကြွင်းမဲ့ရှိသမျှနှင့်၊ ဉာဏ်ရှိသမျှနှင့် အစွမ်းသတ္တိ ရှိသမျှနှင့် လုပ်ဆောင်လော့။ ဤသည်မှာ လက်ခံနိုင်ဖွယ်ဖြစ်ပြီး၊ ထိုကဲ့သို့သော တာဝန် ထမ်းဆောင်မှုတွင် စင်ကြယ်မှု အတိုင်းအတာတစ်ခု ရှိသည်။ ဤသည်မှာ စစ်မှန်သော ဖန်ဆင်းခံ တစ်ယောက် လုပ်သင့်သည့်အရာ ဖြစ်သည်။ ပထမဦးစွာ စစ်မှန်သော ဖန်ဆင်းခံတစ်ယောက်သည် အဘယ်ဖြစ်သည်ကို သင် နားလည်ရမည်- စစ်မှန်သည့် ဖန်ဆင်းခံတစ်ယောက်သည် အာဂလူ တစ်ယောက် မဟုတ်ဘဲ၊ ကမ္ဘာမြေပေါ်တွင် ရိုးရိုးစင်းစင်းနှင့် ကျိုးကျိုးနွံနွံ အသက်ရှင် နေထိုင်သူတစ်ယောက် ဖြစ်ပြီး၊ လုံးဝ သာမန်ထက် လွန်ကဲခြင်း မရှိပေ။ သာမန်ထက် လွန်ကဲမှုမရှိခြင်း ဆိုသည်မှာ မည်သည့်အရာကို ဆိုလိုသနည်း။ ယင်းက သင်မည်မျှ မြင့်မားစွာ ရပ်နိုင်ပါစေ၊ မည်မျှ မြင့်မားစွာ ခုန်နိုင်ပါစေ၊ သင်၏ တကယ့်အရပ် ပြောင်းလဲလိမ့်မည် မဟုတ် ဆိုသည့် အမှန်တရားက ဆက်လက် တည်ရှိနေပြီး၊ သင့်မှာ သာမန်ထက်လွန်ကဲသော စွမ်းရည်မရှိဟု ဆိုလိုခြင်း ဖြစ်သည်။ အခြား သူများထက် သာလွန်ဖို့၊ အခြားသူများထက် အဆင့်အတန်းရှိဖို့ သင် အမြဲတမ်း ဆန္ဒရှိပါက၊ ဤအရာက သင်၏ မာနထောင်လွှားမှု၊ စာတန်ဆန်သော စိတ်သဘောထားတို့အားဖြင့် ဖြစ်ပေါ်လာခြင်း ဖြစ်ပြီး၊ ယင်းမှာ သင်၏ ထင်ယောင်ထင်မှားဖြစ်ခြင်းသာ ဖြစ်လေသည်။ အမှန်မှာမူ ဤအရာကို သင် မရရှိနိုင်ဘဲ၊ သင့်အတွက် ထိုသို့လုပ်ဆောင်ရန်လည်း မဖြစ်နိုင်ချေ။ ဘုရားသခင်က သင့်အား ထိုကဲ့သို့ ပါရမီ သို့မဟုတ် ကျွမ်းကျင်မှုတို့ကို မပေးခဲ့သကဲ့သို့၊ ထိုသို့သော အနှစ်သာရတစ်ခုကိုလည်း သူက သင့်အား မပေးခဲ့ချေ။ သင်၏ ပုံပန်းသဏ္ဌာန်၊ မိသားစုနှင့် သင်မွေးဖွားသည့် ဆယ်စုနှစ်တို့ ကွဲပြားနိုင်ပြီး၊ သင်၏ ပါရမီများနှင့် အစွမ်းအစများတွင် ကွဲပြားချက်အချို့ ရှိနိုင်သော်လည်း၊ သင်သည် အခြားသူများနှင့် လုံးလုံး ကွဲပြားမှုမရှိဘဲ၊ သာမန်၊ ရိုးရိုး လူသားမျိုးနွယ်ဝင် တစ်ယောက် ဖြစ်သည်ကို မမေ့လျော့နှင့်။ သို့သော် ဤအရာကို မမေ့နှင့်- သင်သည် မည်မျှပင် ကွဲပြားခြားနားပါစေ၊ ဤသေးငယ်သော နည်းလမ်းများနှင့် သင်၏ ဖောက်ပြန်ပျက်စီးသော စိတ်သဘောထားတို့၌သာလျှင် အခြားသူများနှင့် တထေရာတည်းဖြစ်သည်၊ ပြီးလျှင် သင်၏ တာဝန်ကို ထမ်းဆောင်ခြင်းတွင် သင်လိုက်နာရမည့် အခြေခံ သဘောတရားများ၊ ရည်မှန်းချက်ပန်းတိုင်များနှင့် ဦးတည်ရာတို့သည် အခြားသူများနှင့် ချွတ်စွပ်တူသည်။ ၎င်းတို့၏ ခွန်အားများနှင့် အစွမ်းအစများတွင်မျှသာ လူများသည် ကွဲပြားကြလေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “မိမိကိုယ်ကိုယ် ပြုမူနေထိုင်ခြင်းတွင် ရှိထားသင့်သည့် အခြေခံသဘောတရားများ” မှ

အချို့လူတို့သည် နယ်ပယ်တစ်ခုတွင် ပါရမီ၊ သို့မဟုတ် အထူးကျွမ်းကျင်မှုရှိပြီး ထိုနယ်ပယ်တွင် ၎င်းတို့၏တာဝန်ကို လုပ်ဆောင်ရာ၌ အလွန်ကျွမ်းကျင်သည်ဟု ၎င်းတို့ကိုယ်၎င်းတို့ ထင်မြင်ကြသည်။ ထို့ကြောင့် ၎င်းတို့သည် မိမိတို့ကိုယ်ကို ထောက်ခံရန် အစွမ်းကုန်ကြိုးစားကြသည်။ ဘုရားသခင်၏ အိမ်တော်သည် ဤကဲ့သို့သောသူကို စိတ်ပျက်စေမည်မဟုတ်သည်မှာ မှန်သည်။ ဘုရားသခင်၏ အိမ်တော်သည် ပင်ကိုယ်စွမ်းရည်ကို ချစ်မြတ်နိုးပြီး လူအမျိုးအစားတစ်ခုချင်းစီကို အကောင်းဆုံးအသုံးပြုလိမ့်မည်။ သင်သည် မည်သည့်နယ်ပယ်တွင် အထူးကျွမ်းကျင်မှုများနှင့် ပါရမီများရှိသည်ဖြစ်စေ၊ သို့မဟုတ် မည်သည့်နယ်ပယ်တွင် သင်၏အားသာချက်များကို အပြည့်ဝဆုံးအသုံးချနိုင်သည်ဖြစ်စေ ထိုနယ်ပယ်တွင် သင့်ကို ရာထူးတိုးမြှင့်ပေးပြီး အသုံးပြုရန်အတွက် ဘုရားသခင်၏အိမ်တော်က အကောင်းဆုံးပြုလုပ်လိမ့်မည်ဖြစ်ပြီး သင့်ကို လျစ်လျူရှုလိမ့်မည်မဟုတ်ပေ။ ဥပမာ အချို့လူတို့သည် ၎င်းတို့တွင် စာပေဆိုင်ရာ ပါရမီရှိသည်၊ ၎င်းတို့သည် စာပေကို ချစ်မြတ်နိုးသည်၊ စာတိုပေစရေးသားနိုင်သည်၊ ဤနယ်ပယ်တွင် အထူးအားသာချက်ရှိသည်ဟု ခံစားမိကြသည်။ ထိုကဲ့သို့သောသူကို စာရေးသားသည့်နယ်ပယ်တွင် အလုပ်လုပ်စေရန် ဘုရားသခင်၏အိမ်တော်က စီစဉ်လိမ့်မည်။ သို့သော် အချိန်ကာလတစ်ခုကြာပြီးနောက်တွင် ၎င်းတို့သည် ကောင်းမွန်စွာ အလုပ်မလုပ်လျှင် ၎င်းတို့အခိုင်အမာဆိုသော အထူးကျွမ်းကျင်မှုနှင့် ဝါသနာသည် မိမိတို့ကိုယ်ကိုနှင့်ပတ်သက်၍ ၎င်းတို့ယုံကြည်ချင်သည့်အရာသက်သက်သာဖြစ်ပြီး ၎င်းတို့၏ ပင်ကိုစွမ်းရည်နှင့် အစွမ်းအစသည် အလုပ်နှင့် လုံးလုံးမသင့်လျော်ဟု ဘုရားသခင်၏အိမ်တော်က မြင်လိမ့်မည်။ ဤသို့ဆိုလျှင် မည်သည့်အရာကို လုပ်ဆောင်သင့်သနည်း။ ၎င်းတို့ကိုသာ လက်ခံကျေနပ်လိုက်ပြီး “သင့်တွင် စိတ်ထက်သန်မှုရှိသည်။ သင်သည် ပင်ကိုစွမ်းရှည်ရှိလှသည်မဟုတ်ဘဲ သာမန်အစွမ်းအစသာရှိသော်လည်း စိတ်ဆန္ဒရှိပြီး အလုပ်ကြိုးစားရန် အသင့်ဖြစ်နေသရွေ့ ဘုရားသခင်၏အိမ်တော်က သင့်ကို လက်ခံကျေနပ်လိမ့်မည်ဖြစ်ပြီး ဤနေရာတွင် ဆက်လက်အလုပ်လုပ်ရန် ခွင့်ပြုလိမ့်မည်။ ဆိုးဆိုးရွားရွား သင်လုပ်ဆောင်လျှင်လည်း ကိစ္စမရှိ။ ဘုရားသခင်၏အိမ်တော်က မျက်ကွယ်ပြုမည်ဖြစ်ပြီး သင့်ကို ပြန်လည်နေရာချထားပေးရန် မလိုအပ်” ဟု ပြောဆိုနိုင်သလော။ ဤသည်မှာ ဤကဲ့သို့သောအမှုကိစ္စများကို ကိုင်တွယ်ရာတွင် ဘုရားအိမ်တော်၏ အခြေခံစည်းမျဉ်းများဖြစ်သလော။ (မဟုတ်ပါ။) ဤသို့သောအခြေအနေတစ်ခုကို ကြုံတွေ့ရသည့်အခါ မည်သည့်အရာကို လုပ်ဆောင်သင့်သနည်း။ (လူတစ်ယောက်၏ အစွမ်းအစ၊ အားသာချက်များနှင့်အညီ ထိုသူနှင့်သင့်တော်သော တာဝန်ကို ချပေးရပါမည်။) ဤသည်မှာ လုပ်ဆောင်ရန် သင့်လျော်သောအရာမဟုတ်လော။ သို့သော် လူအချို့မှာ ဤအရာကို မလုပ်ဆောင်နိုင်ပေ။ ဤသို့ဆိုလျှင် ၎င်းတို့၏ လူ့သဘာဝ၌ ပြဿနာတစ်ခုမရှိသလော။ ယင်းပြဿနာသည် အဘယ်နည်း။ ထိုကဲ့သို့သောသူပြောသည်မှာ “ငါ့တစ်သက်လုံး မယုံကြည်သူများ၏ လောကတွင် စာပေပညာရှင်တစ်ယောက်ဖြစ်ချင်ခဲ့သည်။ ဂျာနယ်လစ်တစ်ယောက်၊ စာရေးဆရာ၊ သို့မဟုတ် အယ်ဒီတာတစ်ယောက်ဖြစ်ချင်ခဲ့သည်။ သို့သော် ငါ့မိသားစု၏ အခြေအနေနှင့် အခြားအကြောင်းပြချက်များကြောင့် ငါနှစ်သက်သောအလုပ်ကို မလုပ်နိုင်ခဲ့။ ယခုအခါတွင် ဘုရားသခင်၏အိမ်တော်သို့ ရောက်လာပြီးဖြစ်၍ ငါလိုချင်သောအရာကို နောက်ဆုံးတွင် ရရှိနိုင်သော်လည်း ၎င်းတို့က ငါသည် လုံလောက်သောအစွမ်းအစမရှိ၊ ကောင်းမွန်းစွာမလုပ်နိုင်၊ အလုပ်အတွက် အရည်အချင်းပြည့်မီခြင်းမရှိဟု ဆိုကြသည်။ ငါ့ကို လုပ်ခွင့်မပေး။ ဤသည်မှာ ငါ့ဘဝ၏ အကြီးမားဆုံးသောဆန္ဒက အမှန်တကယ်ဖြစ်လာခြင်းမရှိဟု အဓိပ္ပာယ်ရသည်။ ငါ၏စိတ်ထက်သန်မှုနှင့် ငါ၏ဆန္ဒကို မဖြည့်ဆည်းနိုင်။ အခြားမည်သည့်အလုပ်ကိုမျှ ငါမနှစ်သက်။ ငါစိတ်ဝင်စားသောအလုပ်ကို လုပ်လိုသော်လည်း ယခုအခါတွင် ဘုရားအိမ်တော်က ငါ့ကို လုပ်ခွင့်မပြု” ဟု ဖြစ်သည်။ လူတစ်ယောက်သည် မတူညီသောတာဝန်တစ်ခုသို့ ပြောင်းရွှေ့နေရာချထားခံလိုက်ရသည့်အခါ ထိုသူသည် သာမန်အခြေအနေတွင် မည်သည့်အရာကို လုပ်ဆောင်သင့်သနည်း။ (ကျိုးနွံနာခံသင့်ပါသည်။) အဘယ်ကြောင့် ကျိုးနွံနာခံရမည်နည်း။ ဘုရားသခင်၏အိမ်တော်သည် လူတို့ကို ၎င်းတို့နှစ်သက်သည့်အရာများနှင့်အညီ တာဝန်များကို ချထားပေးခြင်းမပြုလုပ်ဘဲ အလုပ်၏ ရလဒ်များနှင့်အညီသာ တာဝန်ချထားပေးသည်။ ဘုရားသခင်၏အိမ်တော်သည် လူတို့၏ တာဝန်များကို ၎င်းတို့၏ တစ်ကိုယ်ရေနှစ်သက်မှုများနှင့်အညီ စီစဉ်ပေးသင့်သည်ဟု သင်တို့ထင်မြင်သလော။ လူတစ်ယောက်၏ နှစ်သက်မှုကို ဖြည့်ဆည်းပေးခြင်းသည် ဘုရားသခင်၏အိမ်တော်က ထိုသူကို အသုံးပြုရာတွင် ကြိုတင်သတ်မှတ်ချက်တစ်ခု ဖြစ်သင့်သလော။ (မဖြစ်သင့်ပါ။) ဘုရားသခင်၏အိမ်တော်တွင်ရှိသောလူတို့ကို အသုံးပြုခြင်း အခြေခံသဘောတရားများနှင့် မည်သည့်ချဉ်းကပ်နည်းက ကိုက်ညီမှုရှိသနည်း။ မည်သည့်ချဉ်းကပ်နည်းက သမ္မာတရား အခြေခံသဘောတရားများနှင့် ကိုက်ညီသနည်း။ အလုပ်၏ရလဒ်များအပေါ်တွင် အခြေခံသော၊ ဘုရားအိမ်တော်က လိုအပ်သည့်အရာအပေါ်တွင် အခြေခံသော ချဉ်းကပ်နည်းဖြစ်သည်။ သင့်တွင် ဝါသနာများ၊ စိတ်ဝင်စားမှုများနှင့် ဆန္ဒများရှိသော်လည်း သင်၏ဆန္ဒများ၊ စိတ်ဝင်စားမှုများနှင့် ဝါသနာများသည် ဘုရားအိမ်တော်၏အလုပ်ကို ကျော်လွန်သင့်သလော။ သင်သည် ဤနေရာတွင် မလျှော့ဘဲ “ဤအရာကို ကျွန်ုပ်လုပ်ချင်သည်။ ကျွန်ုပ်ကို လုပ်ဆောင်ခွင့်မပေးလျှင် ကျွန်ုပ်အသက်မရှင်ချင်ပါ။ ကျွန်ုပ်၏တာဝန်ကို မထမ်းဆောင်ချင်ပါ။ ဤအရာကို လုပ်ဆောင်ခွင့်မပေးလျှင် ကျွန်ုပ်ကို မည်သည့်အရာ လုပ်ခိုင်းသည်ဖြစ်စေ ကျွန်ုပ်သည် စိတ်ပါမည်မဟုတ်။ အစွမ်းကုန်လုပ်ဆောင်မည်မဟုတ်” ဟု ဆိုလျှင် ဤသည်မှာ ရှက်ဖွယ်သောအရာမဟုတ်လော။ သင်၏ တစ်ကိုယ်ရေဆန္ဒများ၊ စိတ်ဝင်စားမှုများနှင့် ဝါသနာများအတွက် ဘုရားအိမ်တော်ရှိ အလုပ်၏ထိရောက်မှုကို စွန့်လွှတ်ခြင်းသည် သမ္မာတရားနှင့် ညီသလော။ (မညီပါ။) သမ္မာတရားနှင့်မညီသော အရေးကိစ္စများကို လူတို့က မည်သို့ကိုင်တွယ်သင့်သနည်း။ လူအချို့က “အဖွဲ့၏အကျိုးအတွက် ၎င်းတို့သည် စွန့်လွှတ်အနစ်နာခံမှုများ ပြုလုပ်သင့်သည်” ဟု ဆိုကြသည်။ ဤသည်မှာ မှန်ကန်သလော။ သမ္မာတရား ဟုတ်သလော။ (မဟုတ်ပါ။) ယင်းသည် မရေရာသော မှတ်ချက်ဖြစ်သည်။ သူတစ်ပါးတို့ကို ရှုပ်ထွေးစေသော စကားများ၊ အယောင်ဆောင်စကားများဖြစ်သည်။ သင်၏တာဝန်ထမ်းဆောင်မှုတွင် ဤစကားတို့ကို သင်အသုံးပြုလျှင် သင်သည် ဘုရားသခင်ကို စော်ကားပုတ်ခတ်နေခြင်းဖြစ်သည်။ ယင်းသည် အဘယ်ကြောင့် စော်ကားပုတ်ခတ်ခြင်းဖြစ်သနည်း။ သင့်ကိုယ်သင် စွန့်လွှတ်အနစ်နာခံရန် ဘုရားသခင်က သင့်ကို မတောင်းဆိုပေ။ သမ္မာတရားကို လက်တွေ့လုပ်ဆောင်ပြီး ဇာတိပကတိကို စွန့်လွှတ်ရန် လူတို့ကို ဘုရားသခင်တောင်းဆိုသည်။ သမ္မာတရားကို သင်လက်တွေ့မလုပ်ဆောင်နိုင်လျှင် သင့်တာဝန်ကို ကောင်းစွာမထမ်းဆောင်နိုင်ပေ။ သင်သည် သင်၏တာဝန်ကို ကောင်းစွာမလုပ်ဆောင်လျှင် သင်၏တာဝန်ကို ထမ်းဆောင်ရန် အခွင့်အရေးအား ဘုရားသခင်၏အိမ်တော်က ပိတ်ပင်သလော။ ဘုရားသခင်၏ နှုတ်ကပတ်တော်များကို လက်ခံရန် အခွင့်အရေးကို သင့်အား ပိတ်ပင်သလော။ ဘုရားသခင်၏ နှုတ်ကပတ်တော်များကို စားသောက်ရန်၊ သို့မဟုတ် လက်တွေ့လုပ်ဆောင်ရန် အခွင့်အရေးကို သင့်အား ပိတ်ပင်သလော။ ဤကဲ့သို့သောအရာကို မပြုလုပ်ပေ။ ကယ်တင်ခြင်းခံရရန် အခွင့်အလမ်းနှင့် ကယ်တင်ခြင်းရရှိပိုင်ခွင့်ကို သင့်အား မပိတ်ပင်ပေ။ သင်သည် တာဝန်တစ်ခုနှင့် မသင့်တော်သောကြောင့် သင့်အတွက်သင့်တော်သော တာဝန်နှင့် ပတ်ဝန်းကျင်တစ်ခုထံသို့ သင့်ကို ပြောင်းရွှေ့ပေးခြင်းမျှသာ ဖြစ်သည်။ ဤမျှသာဖြစ်သည်။ ဤသည်မှာ အလွန်ပင် သာမန်ဖြစ်သော၊ နားလည်ရ သိပ်လွယ်သော အရာတစ်ခုဖြစ်သည်။ ယင်းကို မှန်ကန်စွာ မှတ်ယူသင့်သည်။ မှန်ကန်စွာ မှတ်ယူရန်နည်းလမ်းမှာ အဘယ်နည်း။ ဤအမှုကိစ္စကို သင်ကြုံတွေ့သောအခါ ဦးစွာလုပ်ဆောင်ရမည့်အရာမှာ သင့်အပေါ် ဘုရားအိမ်တော်၏ အကဲဖြတ်မှုကို လက်ခံရမည်။ သင်သည် ဤအလုပ်ကို သင်၏စိတ်ခံစားချက်အရ ချစ်မြတ်နိုးသော်လည်း အမှန်တွင် သင်သည် ဤအလုပ်နှင့် သင့်တော်ခြင်း၊ သို့မဟုတ် ဤအလုပ်၌ ကျွမ်းကျင်ခြင်းမရှိ။ ထို့ကြောင့် ဤအလုပ်ကို သင်မလုပ်ဆောင်နိုင်ပေ။ သင့်ကို အခြားတာဝန်သို့ ရွှေ့ပြောင်းရမည်ဖြစ်သည်။ ဤသို့သဘောထားမှတ်ယူသည်မှာ မှန်ကန်သောနည်းလမ်းဖြစ်သလော။ ဤအရာကို သင်ဦးစွာ နားလည်သဘောပေါက်သင့်သည်။ အချိန်ကာလတစ်ခုကြာသည်အထိ သင်လေ့ကျင့်ပြီးနောက်တွင် သင်သည် အလုပ်မလုပ်နိုင်ဆဲဖြစ်ကြောင်း၊ သင်၏ အစွမ်းအစသည် မလုံလောက်ကြောင်း၊ သင်သည် ဤတာဝန်နှင့် မသင့်တော်ကြောင်း ဘုရားသခင်၏အိမ်တော်က မြင်လျှင် မြည်းအား ကရန် အဓမ္မမစေခိုင်းနှင့်။ ဘုရားသခင်၏အိမ်တော်သည် သင့်အတွက် အမှုအရာများကို ခက်ခဲစေရန် မပြုလုပ်ပေ၊ သို့မဟုတ် လူတို့အား ၎င်းတို့၏အစွမ်းထက် သာလွန်သောအရာများကို လုပ်ဆောင်ရန် အဓမ္မမစေခိုင်းပေ။ ထို့ကြောင့် ဤအရာကို ထိတွေ့ခြင်းသည် သင့်အတွက် ကောင်းသောအရာမဟုတ်လော။ ပထမဦးစွာ ယင်းသည် သင်၏နှစ်သက်မှုများ၊ လိုအင်ဆန္ဒများနှင့်ပတ်သက်ပြီး သင့်ကို စဉ်းစားချင့်ချိန်နိုင်မှုရှိစေသည်။ ယခင်က သင့်တွင် စာပေပုံစံ၊ စာရေးခြင်းပုံစံဖြင့် ဝါသနာတစ်ခုရှိခဲ့သော်လည်း ဤသည်မှာ မိမိဖြစ်ချင်သည့်အတိုင်း ထင်မြင်မှုအပေါ် အခြေခံသည့် ဝါသနာတစ်ခုမျှသာဖြစ်သည်။ တစ်ဖက်သတ် ထင်မြင်သောဝါသနာ၊ မိမိစိတ်ခံစားချက်ဆန္ဒ၏ ရုပ်လုံးမျှသာဖြစ်သည်။ သင်၏ အမှန်တကယ် ပါရမီနှင့် အစွမ်းအစတို့နှင့် အလွန်အမင်း အလှမ်းဝေးသည်။ စမ်းသပ်သည့်ကာလတစ်ခုကို ဖြတ်သန်းပြီးသည့်နောက်တွင် သင်အပါအဝင် ဘုရားသခင်၏အိမ်တော်နှင့် သင့်ပတ်ဝန်းကျင်ရှိ ညီအစ်ကိုမောင်နှမများသည် သင်၏ တကယ့်ပါရမီနှင့် အစွမ်းအစကို ရှင်းလင်းစွာ နားလည်နိုင်ကြသည်။ ဤသည်မှာ သင့်အတွက် ကောင်းသောအရာတစ်ခုဖြစ်သည်။ ယင်းသည် အနည်းဆုံး သင်၏အစွမ်းအစ အတိုင်းအတာကို သိစေပြီး သင့်ကိုယ်သင် မှန်ကန်စွာ မှတ်ယူနိုင်ရန် ပြုလုပ်ပေးသည်။ သင့်ကိုယ်သင်နားလည်မှုသည် သင်၏ဝါသနာများ၊ ဆန္ဒများကြားထဲတွင် ပိတ်မိမနေတော့ပေ။ အနည်းဆုံး သင်ကိုယ်တိုင်၏ အစွမ်းအစအပေါ် တိကျသောနားလည်မှုနှင့် အကဲဖြတ်မှုတစ်ခု ရှိသည်။ ယခုအခါ သင်သည် ပို၍ လက်တွေ့ကျသည်မဟုတ်လော။ သင်သည် သင်၏ စိတ်ကူးထင်မြင်မှုနှင့် ဆန္ဒများကြားတွင် ပိတ်မိမနေဘဲ ဤအလုပ်ကို လုပ်နိုင်ခြင်းရှိမရှိ၊ သို့မဟုတ် မည်သည့်အရာကို သင်လုပ်နိုင်သည်ဆိုသည်နှင့် ပတ်သက်၍ ပို၍ လက်တွေ့ဆန်လာသည်၊ ပို၍ စစ်မှန်မှုရှိလာသည်၊ ပို၍ တိကျလာသည်။ ဤသည်မှာ တစ်ပိုင်းဖြစ်သည်။ ဤသည်မှာ သင့်ကိုယ်သင်သိကျွမ်းခြင်းတွင် အပြုသဘောဆောင်သော အသုံးဝင်မှုရှိသည်။ အရေးပါဆုံးဖြစ်သည့် အခြားတစ်ပိုင်းမှာ သင်သည် ဤအရာတို့ကို မည်သည့်အတိုင်းအတာအထိ မှတ်မိနိုင်သည်ဖြစ်စေ၊ ဤအရာတို့ကို သင်လုံးဝမှတ်မိသည်ဖြစ်စေ ဘုရားအိမ်တော်၏ စီမံမှုများနှင့် ပတ်သက်ပြီး သင်အနည်းဆုံး ထားရှိသင့်သည့် သဘောထားမှာ နာခံမှုသဘောထားဖြစ်သည်။ သင်သည် စိတ်ကြိုက်ရွေးချယ်ယူခြင်း၊ သို့မဟုတ် မိမိကိုယ်တိုင်၏ အစီအစဉ်များ၊ ရွေးချယ်မှုများကို ဆုပ်ကိုင်ထားခြင်း မပြုလုပ်သင့်ပေ။ ဤသည်မှာ သင်အထားရှိသင့်ဆုံး အသိစိတ်ဖြစ်သည်။ သင်သည် ဤအရာများကို ယခုအသိအမှတ်မပြုလျှင် ပြဿနာမရှိ။ ဘုရားအိမ်တော်၏ စီမံမှုများကို သင်နာခံပြီး လက်ခံသရွေ့၊ နောင်လာမည့်နေ့ရက်များတွင် အဆက်မပြတ်တိုးတက်မှုရှိသရွေ့၊ သင်၏တာဝန်ကို အလေးအနက်ထားပြီး သစ္စာရှိသရွေ့ သင်၏အတွေ့အကြုံ တဖြည်းဖြည်းချင်း များလာသည်နှင့်အမျှ သင်ယခုအသိအမှတ်မပြုသော ထိုပြဿနာများကို နည်းနည်းချင်း အသိအမှတ်ပြုလာလိမ့်မည်။ ဘုရားသခင်သည် သင့်ကို မမျှမတ ဆက်ဆံမည်မဟုတ်ပေ။

အန္တိခရစ်တို့ကို ဖော်ထုတ်ခြင်း၌ “ရာထူးဂုဏ်သိန် မရှိသောအခါ၊ သို့မဟုတ် ကောင်းချီးရရန် မျှော်လင့်ချက်မရှိသောအခါ ၎င်းတို့က နောက်ဆုတ်ချင်ကြသည်” မှ

စိတ်ကူးယဉ်အိပ်မက်များနှင့် လက်တွေ့အရှိတရားတို့ အကြားတွင် ပဋိပက္ခတစ်ခု မကြာခဏ ရှိတတ်သည်။ အချိန်အများစုတွင် လူများက ၎င်းတို့၏ စိတ်ကူးယဉ်အိပ်မက်များသည် ခြေခြေမြစ်မြစ်ရှိသည်ဟု တွေးထင်ကြသည်။ စိတ်ကူးယဉ်အိပ်မက်များနှင့် လက်တွေ့အရှိတရားတို့သည် လုံးဝကွဲပြားခြားနားသည်ကို ၎င်းတို့ မသိကြသလော။ စိတ်ကူးယဉ်အိပ်မက်များသည် သင်လိုချင်သည့်အရာသာ ဖြစ်သည်၊ ယင်းတို့သည် တစ်ဇွတ်ထိုးနိုင်ခြင်း၊ သို့မဟုတ် ထွေရာစိတ်ကူးတို့မှ မကြာခဏ ပေါက်ဖွားလာသည့် စိတ်ကို တဒင်္ဂလွှမ်းမိုးထားသောအရာ အချို့သာဖြစ်ပြီး လက်တွေ့အရှိတရားနှင့် မကိုက်ညီကြပေ။ လူတို့၌ စိတ်ကူးယဉ်အိပ်မက်များစွာ ရှိကြသည့်အခါ မည်သည့်အမှားများ မကြာခဏ ဖြစ်ပေါ်သနည်း။ ၎င်းတို့သည် ၎င်းတို့၏ မျက်စိရှေ့တည့်တည့်တွင်ရှိသည့် အလုပ်— လက်ရှိအခိုက်အတန့်တွင် ၎င်းတို့လုပ်ဆောင်နေသင့်သည့် အလုပ်ကို— လျစ်လျူရှုကြသည်။ ၎င်းတို့က လက်တွေ့အရှိတရားကို လျစ်လျူရှုပြီး ၎င်းတို့ ထမ်းဆောင်သင့်သည့် တာဝန်၊ ၎င်းတို့လုပ်ဆောင်နေသင့်သည့် အလုပ်၊ ထိုအခိုက်အတန့်ရှိ ၎င်းတို့၏ ဝတ္တရားများနှင့် တာဝန်များကို ဘေးသို့ ဖယ်ထားလိုက်ကြသည်။ ယင်းတို့ကို ၎င်းတို့က ပေါ့တန်စွာ သဘောထားကြပြီး ၎င်းတို့ ဆန္ဒရှိသည့်အရာကို ထလုပ်ကြကာ ၎င်းတို့အလိုရှိသည့်အရာကို လုပ်ဆောင်လျက် ၎င်းတို့၏ကိုယ်ပိုင် စိတ်ကူးယဉ်အိပ်မက်များ၌ မွေ့လျော်ကြသည်။ ထိုသို့ဖြစ်သောကြောင့် ဤလူများသည် ၎င်းတို့၏တာဝန်ကို အမှန်တကယ် မထမ်းဆောင်နိုင်သည်သာမက သာ၍အရေးကြီးသည်မှာ ဘုရားအိမ်တော်၏အမှုကိုလည်း ၎င်းတို့က နှောင့်နှေးစေပြီး ဘုရားအိမ်တော်၏အမှုကို နှောင့်ယှက်သည်။ လူများစွာတို့သည် သမ္မာတရားကို နားမလည်ကြသကဲ့သို့ သမ္မာတရားကို လိုက်စားခြင်းလည်း မရှိချေ။ ၎င်းတို့သည် ၎င်းတို့၏တာဝန်ကို မည်သည့်အရာအဖြစ် သဘောထားသနည်း။ ၎င်းတို့သည် ယင်းကို အလုပ်အဖြစ်၊ သို့မဟုတ် ဝါသနာတစ်ခုအဖြစ်၊ သို့မဟုတ် စိတ်ဝင်စားမှု တစ်ခုအဖြစ် သဘောထားကြသည်။ ဘုရားသခင်က ၎င်းတို့ကို ပေးထားသည့် လုပ်ငန်းဆောင်တာတစ်ခုအဖြစ်ဖြစ်စေ၊ အငန်းအတာတစ်ခုအဖြစ်ဖြစ်စေ သဘောမထားကြ၊ သို့မဟုတ် ၎င်းတို့တာဝန်ယူရမည့် တာဝန်တစ်ခုအဖြစ် သဘောမထားကြ၊ ၎င်းတို့၏တာဝန်ကို ထမ်းဆောင်သည့်ကာလတစ်လျှောက်တွင် သမ္မာတရားနှင့် ဘုရားသခင်၏ အလိုတော်ကို နားလည်ဖို့ ကြိုးစားရန်မှာမူ ဝေလာဝေးပင်ဖြစ်၏။ ထို့ကြောင့် မိမိတို့၏ တာဝန်ကို ထမ်းဆောင်သည့် ကာလတစ်လျှောက်တွင် ဆင်းရဲဒုက္ခ အနည်းငယ်ကို ခံစားရသဖြင့် စိတ်ပြောင်းကာ ထိုတာဝန်မှ မည်သို့ခေါင်းရှောင်ရမည်ကို စတင်တွေးတောသူအချို့ ရှိသည်။ ၎င်းတို့သည် အခက်အခဲတစ်ခု၊ သို့မဟုတ် ဆုတ်ဆိုင်းမှုတစ်ခုကို ကြုံတွေ့သည့်အခါ နောက်ကြောင်းပြန်လှည့်ကြ၏၊ ထို့အတူ ထိုတာဝန်မှ ကြိုးစားပြီး ခေါင်းရှောင်ဖွယ်လည်း ရှိ၏။ သမ္မာတရားကို ရှာဖွေမည့်အစား ၎င်းတို့သည် ထွက်ပေါက် အကြောင်း တွေးတောကြသည်။ ၎င်းတို့သည် လိပ်နှင့်တူ၏။ တစ်စုံတစ်ခုဖြစ်သည်နှင့်တစ်ပြိုင်နက် ၎င်းတို့၏အခွံထဲတွင် ပုန်းကွယ်ကာ ထိုကိစ္စပြီးစီးသွားသည့်အချိန်မှသာ တစ်ဖန် ထွက်လာကြသည်။ ထိုသို့သောလူများစွာ ရှိလေသည်။ အထူးသဖြင့် တာဝန်တစ်ခုကို တာဝန်ယူ ထမ်းဆောင်ခိုင်းသည့်အခါ ယင်းကို မည်သို့သစ္စာရှိစွာ ထမ်းဆောင်ဖို့၊ မည်သို့လျောက်ပတ်စွာ လုပ်ဆောင်ဖို့၊ သို့မဟုတ် ဤအလုပ်ကို မည်သို့ကောင်းစွာ အပြီးသတ်ဖို့ သေချာစဉ်းစားခြင်း မရှိသည့်သူအချို့ ရှိကြသည်။ ထိုအစား ၎င်းတို့၏တာဝန်ကို မည်သို့အချောင်ခိုဖို့၊ ကိုင်တွယ်ဖြေရှင်းခံရခြင်းကို မည်သို့ ရှောင်ရှားဖို့၊ ၎င်းတို့၏တာဝန်ကို မည်သို့ရှင်းထုတ်ဖို့၊ ပြဿနာတစ်ခု၊ သို့မဟုတ် ရှုံးနိမ့်မှုတစ်ခု ဖြစ်ပေါ်သည့်အခါ မည်သို့လုံးလုံးရှောင်နေဖို့ကို ၎င်းတို့တွေးကြသည်။ ၎င်းတို့ ပထမဆုံးတွေးသည့်အရာမှာ ၎င်းတို့၏ လွတ်မြောက်လမ်း ဖြစ်သည်။ အခြားအရာအားလုံးထက်ပို၍ ၎င်းတို့၏ အကြိုက်များနှင့် မက်မောခြင်းများကိုသာ ၎င်းတို့ ဆင်ခြင်စဉ်းစားကြကာ ၎င်းတို့၏တာဝန်ကို မည်သို့ လုပ်ဆောင်နိုင်သည်နှင့် မည်သို့သစ္စာရှိစွာ လုပ်ဆောင်နိုင်သည်ကို ဆင်ခြင်စဉ်းစားခြင်း မရှိကြပေ။ ထိုသို့သော လူများသည် သမ္မာတရားကို ရရှိနိုင်သလော။ ၎င်းတို့သည် သမ္မာတရားတွင် မည်သည့်လုံ့လစိုက်ထုတ်မှုမျှ မရှိကြပေ။ ၎င်းတို့အတွက် တစ်ပါးခြံက မြက်သည် အမြဲစိမ်းနေတတ်၏။ ယနေ့တွင် ၎င်းတို့က ဤအရာကို လုပ်ချင်သည်၊ နောက်တစ်နေ့တွင် ၎င်းတို့က ထိုအရာကို လုပ်ချင်ကြသည်။ လူတိုင်း၏ တာဝန်သည် ၎င်းတို့လုပ်ဆောင်နေသည့် တာဝန်ထက် သာ၍ကောင်းပုံရနေပြီး ထိုတာဝန်အားလုံးသည် သာ၍လွယ်ကူပုံရနေသည်။ ၎င်းတို့သည် သမ္မာတရားတွင် အကယ်ပင် မည်သည့်လုံ့လစိုက်ထုတ်မှုမျှ မရှိကြပေ။ ၎င်းတို့၌ ထိုသို့သောအတွေးများ ရှိသည့်အခါ ပြဿနာက မည်သည့်အရာဖြစ်သည်ကို ၎င်းတို့သုံးသပ်ခြင်း မရှိသကဲ့သို့ ပြဿနာကို ဖြေရှင်းခြင်းလည်း မရှိကြပေ။ မည်သူက ထင်ပေါ်ကျော်ကြားမှုကို ရထားသည်၊ မည်သူက အထက်၏အသိအမှတ်ပြုခြင်းကို ခံထားရသည်၊ မည်သူက အထက်နှင့် ဆွေးနွေးပြောဆိုခွင့်ရသည်၊ မည်သူက ၎င်းတို့ အလုပ်လုပ်သည့်အခါ ကိုင်တွယ်ဖြေရှင်းခံရဖို့ မလိုအပ် စသည်တို့ကိုသာ ကြည့်လျက် ၎င်းတို့သည် အပြင်ပန်း လက်တွေ့လုပ်ဆောင်မှုများကိုသာ အစဉ် အာရုံစိုက်ကြသည်။ ၎င်းတို့အမြဲ တွေးနေကြသည်မှာ ဤအရာများသာ ဖြစ်သည်။ ဤအရာများကိုသာ အမြဲတွေးတောနေသည့်သူများသည် ၎င်းတို့၏ တာဝန်ကို သစ္စာရှိစွာ ထမ်းဆောင်နိုင်သည်ဟု သင်တို့ဆိုမည်လော။ ယင်းမှာ မည်သည့်အခါမျှ ဖြစ်လာမည် မဟုတ်ပေ။ ထို့ကြောင့် ဤနည်းဖြင့် ၎င်းတို့၏တာဝန်ကို ထမ်းဆောင်သူများသည် မည်သည့်လူစားမျိုး ဖြစ်ကြသနည်း။ ၎င်းတို့သည် သမ္မာတရားကို လိုက်စားသလော။ ပထမဦးစွာ သေချာသည့်အရာ တစ်ခုရှိလျှင် ယင်းမှာ ဤလူစားမျိုးသည် သမ္မာတရားကို မလိုက်စားခြင်းပင် ဖြစ်၏။ ၎င်းတို့ လိုက်စားသည်မှာ ဘုရားအိမ်တော်တွင် မျက်နှာသာရဖို့ ခယဝယ လုပ်ခြင်း၊ ကောင်းချီးမင်္ဂလာများကို မွေ့လျော်ခံစားခြင်း၊ လူမြင်ခံရပြီး သတိထားခံရလျက်၊ လူသိများအောင် လုပ်ခြင်းတို့သာ ဖြစ်သည်— ယင်းက လူ့အဖွဲ့အစည်း၌ ရှိနေခြင်းနှင့် မည်သည့်ကွာခြားချက်မျှ မရှိပေ။ ၎င်းတို့သည် အဖြစ်အနေအားဖြင့် မည်သည့်လူစားမျိုးဖြစ်ကြသနည်း။ ၎င်းတို့သည် မယုံကြည်သူများဖြစ်ကြ၏။

အန္တိခရစ်တို့ကို ဖော်ထုတ်ခြင်း၌ “၎င်းတို့သည် အခြားသူများအား သမ္မာတရား သို့မဟုတ် ဘုရာသခင်ကို မနာခံစေဘဲ၊ ၎င်းတို့ကိုသာ နာခံစေသည် (အပိုင်း ၁)” မှ

အစွမ်းအစကောင်းနှင့် ညံ့ဖျင်းသော အစွမ်းအစတို့သည် မည်သည့်အရာဖြစ်သည်ကို နားလည်သဘောပေါက်ခြင်းနှင့် မိမိ၏ ကိုယ်ပိုင်အစွမ်းအစ၊ သဘာဝ အဖြစ်အနေတို့အကြောင်း ရှင်းလင်းသိမြင်ခြင်းတို့အားလုံးသည် မိမိကိုယ်ကို သိကျွမ်းခြင်းအတွက် အကျိုးရှိလေသည်။ လူများက ၎င်းတို့ရပ်တည်သည့်နေရာကို သိသည့်အခါ အမှားများ ပြုကြခြင်း နည်းသွားလိမ့်မည်။ လူများသည် မိမိတို့ကိုယ်ကို နားလည်သိကျွမ်းသည့်အခါ မာနထောင်လွှားတော့မည် မဟုတ်ဘဲ ၎င်းတို့၏အပြုအမူသည် သာ၍ တာဝန်သိပြီး ဝတ္တရား ကျေပွန်လိမ့်မည်။ မိမိကိုယ်ကို မသိခြင်းသည် ပြဿနာများစွာကို ဖြစ်စေနိုင်၏။ သာမန်အစွမ်းအစသာ ရှိသော်လည်း မိမိတို့ကိုယ်မိမိ အစွမ်းအစမြင့်မားသည်ဟု တွေးထင်နေကြသော လူအချို့ရှိသည်။ ၎င်းတို့၌ ခေါင်းဆောင်မှုအတွက် အထုံပါရမီရှိသည်ဟု ယုံကြည်ကြသည်။ အတွင်း၌ ၎င်းတို့သည် ခေါင်းဆောင်တစ်ဦးဖြစ်ဖို့၊ အဖွဲ့ကို ကြီးကြပ်ကွပ်ကဲဖို့ စိတ်အားထက်သန်စွာ စောင့်နေကြသော်လည်း မည်သူကမျှ ၎င်းတို့ကို မရွေးချယ်ဖူးပေ။ ဤသည်က ၎င်းတို့ကို စိတ်အနှောင့်အယှက်မပေးသလော။ လူများက ထိုသို့သော အရာများအားဖြင့် စိတ်အနှောင့်အယှက်ဖြစ်ပြီး နေမထိထိုင်မသာ ဖြစ်သည့်အခါ ၎င်းတို့၏တာဝန်ကို ကောင်းစွာ မထမ်းဆောင်ဘဲ ဘုရားသခင်စက်ဆုပ်ရွံရှာသည့် အသိတရားမဲ့သော အရာများ၊ အရှက်ရစေသည့် မိုက်မဲသောအရာများကို လုပ်တတ်ကြသည်။ ထိုသို့ဖြစ်သဖြင့် ၎င်းတို့သည် ရှေးဦးစွာ မိမိတို့ကိုယ်ကို သိခြင်းအားဖြင့် ဖောက်ပြန်ပျက်စီးသည့် ၎င်းတို့ စိတ်သဘောထားများ၏ ဤအခြေခံကျသည့် ထုတ်ဖော်ချက်များကို ရင်ဆိုင်ဖြေရှင်းရမည် ဖြစ်သည်။ ယင်းတွင် မာနထောင်လွှားခြင်း၊ အသိတရားမဲ့ခြင်း၊ ၎င်းတို့၏အစွမ်းအစက ကောင်းမွန်ကြောင်း၊ ၎င်းတို့သည် အခြားသူများထက် သာလွန်ကြောင်း၊ အခြားသူများကို ၎င်းတို့က လမ်းညွှန်သင့်ကြောင်း စသည်တို့ကို အစဉ်တွေးနေခြင်းတို့ ပါဝင်သည်။ ဤပြဿနာများကို ဖြေရှင်းပြီးသည့်အခါ သင်သည် မဖောက်မပြန်ဘဲ သင်၏တာဝန်ကို ကောင်းမွန်စွာ ထမ်းဆောင်လိမ့်မည်၊ သင်၏အပြုအမူ၌ သာ၍ သင့်တင့်လျောက်ပတ်ခြင်း ရှိလိမ့်မည်၊ ပြီးလျှင် အပြင်ပန်း ရန်လိုခြင်း၊ စိတ်ကြီးဝင်ခြင်း၊ မောက်မာခြင်းနှင့် မိမိကိုယ်ကို ထူးကဲသည်ဟု တွေးထင်ခြင်းကဲ့သို့သော အတွေးများနှင့် အပြုအမူများသည် သင့်ကို ဒုက္ခပေးလိမ့်မည် မဟုတ်ဘဲ သင်သည် သာ၍များစွာ ရင့်ကျက်လာပြီးဖြစ်လိမ့်မည်။ ယုတ်စွအဆုံးအနေဖြင့် သင်၌ သန့်ရှင်းသူတစ်ဦး၏ သိက္ခာရှိ၊ တည်ကြည်သည့် ဟန်ပန်ရှိလိမ့်မည်ဖြစ်ပြီး ယင်းမှာ ဘုရားသခင် ရှေ့မှောက်သို့ သင်လာရောက်နိုင်မည့် တစ်ခုတည်းသော နည်းလမ်း ဖြစ်ပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို နားလည်သဘောပေါက်ခြင်းသည် မိမိ၏ တာဝန်ကို သင့်တင့်လျောက်ပတ်စွာ ဖြည့်ဆည်းခြင်းအဖို့ အရေးကြီးသည်” မှ

ဘုရားသခင်၏အိမ်တော်သည် အသင့်တော်ဆုံးပုံစံဖြင့် လူတို့အား ၎င်းတို့၏ အမှန်တကယ်လုပ်ဆောင်နိုင်စွမ်းအရ အကောင်းဆုံးအသုံးပြုသည်။ သင်၏ လူ့သဘာဝသည် ကောင်းမွန်ပြီး သင်၏အစွမ်းအစက ညံ့ဖျင်းပါက၊ သင်၏တာဝန်ကို သင်၏စိတ်နှလုံး၊ အစွမ်းရှိသမျှဖြင့် ထမ်းဆောင်လော့။ ဘုရားသခင်၏ လက်ခံမှုနှင့် ကိုက်ညီရန်အတွက် သင်သည် ခေါင်းဆောင်၊ သို့မဟုတ် အမှုဆောင်ဖြစ်ရန်မလိုပေ။ ခေါင်းဆောင်တစ်ယောက်က စိတ်ဝင်စားရန်လိုသည့်အရာကို သင်သည် စိတ်ဝင်စားလိုသော်လည်း၊ ထိုသို့မပြုလုပ်နိုင်လျှင်၊ သင်သည် ခေါင်းဆောင်တစ်ယောက်ဖြစ်ရန် လိုအပ်သည့် အရည်အချင်းများကို မပိုင်ဆိုင်ဘဲ တာဝန်နှင့် မကိုက်ပါက၊ မည်သည့်အရာကို သင်ပြုလုပ်သင့်သနည်း။ ထိုသို့ဆိုလျှင် ၎င်းကို ဆက်လက်လုပ်ဆောင်ပြီး သင့်ကိုယ်သင် ပိုအခက်တွေ့စေဖို့ မလုပ်ဆောင်နှင့်။ သင်သည် ပေါင်ငါးဆယ်သယ်နိုင်လျှင်၊ “ပေါင်ငါးဆယ်သည် မလုံလောက်သေး။ ပို၍ကြီးမားသော ဝန်ထုပ်ကိုငါသယ်ချင်သည်။ ငါ့ကို သတ်ဆိုလျှင်ပင် ပေါင်တစ်ရာကို ငါ သယ်မည်” ဟု ကြွားဝါပြောဆိုခြင်း မပြုဘဲ ပေါင်ငါးဆယ်ကို သယ်လော့။ ခေါင်းဆောင်၊ သို့မဟုတ် အမှုဆောင်တစ်ယောက် ဖြစ်နိုင်စွမ်းမရှိခြင်းက သင့်ကို သေချာပေါက် သတ်မည်မဟုတ်ဘဲ၊ ဘုရားအိမ်တော်၏ အလုပ်ကို နှောင့်နှေးစေမည်ဖြစ်ပြီး၊ ယင်း၏ တိုးတက်မှုနှင့် ထိရောက်မှုနှုန်းအပေါ် ထိခိုက်မည် ဖြစ်ကာ၊ လူအချို့၏ ဘဝတိုးတက်မှုကို နှောင့်နှေးစေမည်ဖြစ်သည်။ ဤသည်မှာ သင်မခံယူနိုင်သည့် တာဝန်ဖြစ်သည်။ အဘယ်ကြောင့်ဆိုသော် သင်၏ အစွမ်းအစ မလုံလောက်သောကြောင့်ဖြစ်သည်။ ထို့ကြောင့် သင်သည် မိမိကိုယ်ကိုယ် သတိပြုမိလျှင်၊ ဦးစွာနောက်ဆုတ်ပြီး အစွမ်းအစကောင်းမွန်သော၊ ကောင်းမွန်စွာ အရည်အချင်းပြည့်မီပြီး၊ သင့်ထက်သာလွန်သောသူတစ်ယောက်ကို ခေါင်းဆောင်အဖြစ် အကြံပြုသင့်သည်။ ဤသည်မှာ အမြော်အမြင်ရှိသည့် လမ်းစဉ်ဖြစ်ပြီး၊ ဤသို့ပြုလုပ်မှသာ စစ်မှန်သော လူ့သဘာဝနှင့် စစ်မှန်သော အသိစိတ်ရှိသည့်၊ သမ္မာတရားကို အမှန်တကယ်နားလည်ပြီး လက်တွေ့လုပ်ဆောင်သည့် သူတစ်ယောက်ဖြစ်သည်။ သင်က၊ “ငါ၏ အစွမ်းအစသည် ညံ့သော်လည်း ငါ၏လူ့သဘာဝက ကောင်းမွန်သည်။ အရေးကိစ္စများကို ငါ တာဝန်ယူဆောင်ရွက်လိုသည်။ ဆင်းရဲဒုက္ခခံကို သည်းခံပြီး အဖိုးအခပေးဆပ်လိုသည်။ ငါသည် စိတ်ပြတ်သားပြီး အမှုအရာများကို သင့်ထက်ပို၍ ဇွဲကြီးစွာလုပ်ဆောင်သည်။ ငါသည် သည်းခံတတ်ပြီး ကိုင်တွယ်ဖြေရှင်းခံရခြင်း၊ သို့မဟုတ် ပြုပြင်ခံရခြင်း၊ သို့မဟုတ် စမ်းသပ်ခံရခြင်းကို မကြောက်ပေ။ ငါ၏ အစွမ်းအစ အလွန်မကြီးမားလျှင် အဘယ်အရေးနည်း” ဟု အစဉ် စဉ်းစားသည်။ ဤသည်မှာ သင့်အား ရှုတ်ချရန် မလိုဆိုဘဲ သင့်အား အမျိုးအစားခွဲရန်၊ သင်လုပ်ဆောင်နိုင်သည့်အရာ၊ သင်နှင့်သင့်တော်သည့်အရာ၊ သင်နှင့်သင့်တော်သည့် တာဝန်တို့နှင့်ပတ်သက်၍ သင်ရှင်းလင်းမှုရှိစေရန် ဖြစ်သည်။ အခြားကိစ္စတစ်ခုတွင် သင်ယခုရင်ဆိုင်ရသည့် လက်တွေ့အကျဆုံးပြဿနာတစ်ခုမှာ သင်၏ အရည်အချင်းက နိမ့်ကျလွန်းခြင်းဖြစ်သည်။ ခေါင်းဆောင်တစ်ယောက်၏ တာဝန်ကို သင်မထမ်းဆောင်နိုင်ပေ။ ယင်းသည် သင်နှင့်မသင့်တော်သကဲ့သို့၊ သင်သည် ဦးဆောင်ဖို့ကြိုးစားလျှင် ဘုရားအိမ်တော်၏အလုပ်ကို သင်နှောင့်နှေးစေလိမ့်မည်။ အလုပ်ရှုပ်ခြင်းကို သင်နှစ်သက်ပြီး သင်သည် လူ့သဘာဝရှိလျှင်၊ သင်သည် အရေးကိစ္စများကို ကိုင်တွယ်ဆောင်ရွက်ပြီး အဖိုးအခပေးဆပ်လိုလျှင် သင်နှင့်သင့်တော်သည့် အလုပ်တစ်ခု၊ သင်ထမ်းဆောင်သင့်သည့် တာဝန်တစ်ခုရှိသည်။ ဘုရားသခင်၏အိမ်တော်သည် ယင်းကို သင့်လျော်စွာ စီစဉ်ပေးလိမ့်မည်။ သင့်အား ခေါင်းဆောင်ဖြစ်ခွင့်မပြုခြင်းသည် ဘုရားအိမ်တော်၏ စည်းမျဉ်းများ၊ အခြေခံသဘောတရားများနှင့် ညီသည်။ သို့သော် ဘုရားသခင်၏အိမ်တော်သည် သင်၏ အစွမ်းအစကြောင့် သင်၏တာဝန်ကို ထမ်းဆောင်ရန် သို့မဟုတ် ဘုရားသခင်အား ယုံကြည်ပြီး လိုက်လျှောက်ရန် သင်၏အခွင့်အရေးကို ပိတ်ပင်ခြင်းကို အသေအချာပင် မည်သည့်အခါမျှ ပြုလုပ်မည်မဟုတ်ပေ။ ဤသည်မှာ သင့်လျော်သလော။ ဤကိစ္စနှင့်ပတ်သက်ပြီး ပိုမိုအသေးစိတ်ကျသော မိတ်သဟာယလိုအပ်သေးသလော။ အစွမ်းအစပိုနိမ့်ကျသော အချို့လူတို့သည် ဤအရာကိုကြားပြီး၊ “မိတ်သဟာယပြုခြင်းမှာ လုံလောက်သည်။ ငါ၏ဤမျက်နှာကို ပြရန်နေရာမရှိ။ ငါ၏အစွမ်းအစသည် ညံ့ဖျင်းသည်ကို ငါသိသည်။ ထို့ကြောင့် ငါသည် ခေါင်းဆောင်၊ သို့မဟုတ် အမှုဆောင်တစ်ယောက်ဖြစ်မည်မဟုတ်။ အုပ်စုခေါင်းဆောင်၊ သို့မဟုတ် ကြီးကြပ်သူဖြစ်လျှင် အဆင်ပြေမည်၊ သို့မဟုတ် ကြုံရာကျပန်းအလုပ်များ၊ အချက်အပြုတ်၊ သန့်ရှင်းရေးတို့ကို လုပ်ကောင်းလုပ်မည်။ မည်သည့်အရာမဆို အဆင်ပြေသည်။ အခြားလူများက မည်သည့်အရာကိုပြောသည်ဖြစ်စေ ငါလုပ်ရမည့်အရာကို လုပ်ဆောင်မည်ဖြစ်ပြီး၊ ဘုရားအိမ်တော်၏ အစီအစဉ်များနှင့် ဘုရားသခင်၏ အကြံအစည်များကို ကျိုးနွံနာခံမည်။ အစွမ်းအစ ပိုမိုနိမ့်ကျခြင်းသည်လည်း ဘုရားသခင်၏ ကျေးဇူးတော်ဖြစ်သည်။ ဤတွင် ဘုရားသခင်၏ ကောင်းမွန်သော အလိုတော်ရှိပြီး ဘုရားသခင်သည် မှားယွင်းစွာ အလုပ်မလုပ်ပေ”ဟု တွေးတောကြသည်။ သင်သည် အမှုအရာများကို ဤသို့ မြင်နိုင်လျှင်၊ အဆင်ပြေလိမ့်မည်။ ပြဿနာကို ထပ်၍ မိတ်သဟာယဖွဲ့ရန် မလိုတော့ပေ။ အနှစ်ချုပ်အားဖြင့်၊ ဤလူတို့အပေါ် မှန်ကန်သော သဘောထားနှင့်အမြင်ကို ပိုမိုများပြားသော လူများက ထားရှိစေရန်၊ ဤလူတို့သည် ၎င်းတို့၏ ကိုယ်ပိုင် ညံ့ဖျင်းသည့်အစွမ်းအစအပေါ် မှန်ကန်သော သဘောထားနှင့်အမြင်ထားရှိနိုင်ရန်အလို့ငှာ သမ္မာတရားကို အရှိအတိုင်း ထုတ်ဖော်ပြရင်း၊ အစွမ်းအစ ပိုနည်းပါးသည့်လူတို့၏ ပြဿနာများကိုသာ ကျွန်ုပ်တို့ လေ့လာစိစစ်ကြသည်။ ထို့နောက်တွင် ၎င်းတို့ပေးဆပ်သည့် အဖိုးအခနှင့် ဆင်းရဲဒုက္ခကို သည်းခံရန်ဖြစ်သော ၎င်းတို့၏ စိတ်ပြတ်သားမှုကို ကျိုးကြောင်းဆီလျော်စွာ အသုံးပြုနိုင်ပြီး ထိရောက်မှုရှိလာနိုင်စေရန်အလို့ငှာ၊ ၎င်းတို့သည် မိမိတို့ကိုယ်ကိုယ် မှန်ကန်တိကျစွာ နေရာချထားနိုင်ပြီး ၎င်းတို့၏ ကိုယ်ပိုင် သင့်လျော်သောနေရာနှင့် တာဝန်ကို ရှာဖွေနိုင်ကြလေသည်။ ဤအရာက သမ္မာတရားအပေါ် သင်၏နားလည်မှု၊ သို့မဟုတ် သမ္မာတရားကို သင်လက်တွေ့လုပ်ဆောင်မှုအား ထိခိုက်မှုမရှိပေ။ ပြီးလျှင် ယင်းသည် ဘုရားသခင်၏အိမ်တော်တွင်၊ သို့မဟုတ် ဘုရားသခင်၏ရှေ့မှောက်တွင် သင်၏ ပုံရိပ်ကို မထိခိုက်ပေ။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း (၈)” မှ

“ကျွန်ုပ်သည် အတော်ကောင်းမွန်သော လူတစ်ဦးဖြစ်သည်။ ဘုရားသခင်ကို ခုခံရန် မည်သည့်အရာကိုမျှ ကျွန်ုပ် မလုပ်ဆောင်လေပြီ၊ ပြီးလျှင် သူ့အတွက် ကျွန်ုပ် များစွာ ဆင်းရဲဒုက္ခခံပြီးဖြစ်သည်။ အဘယ်ကြောင့် သူသည် ကျွန်ုပ်ကို ထိုသို့ ပြုပြင်ကာ ကိုင်တွယ်ဖြေရှင်းသေးသနည်း။ အဘယ်ကြောင့် ဘုရားသခင်သည် ကျွန်ုပ်ကို အစဉ် အသိအမှတ်မပြုသနည်း သို့မဟုတ် မချီမသနည်း” ဟု ပြောသောသူများ ရှိသည်။ အချို့သောသူတို့က၊ “ရိုးစင်းသော ကုန်သည်တစ်ဦးဖြစ်သည်။ သားအိမ်ထဲတွင် ရှိခဲ့ကတည်းက ဘုရားသခင်ကို ကျွန်ုပ် ယုံကြည်ပြီးဖြစ်ကာ ယခု သူ့ကို ကျွန်ုပ် ယုံကြည်ဆဲ ဖြစ်သည်။ ကျွန်ုပ် အလွန် ဖြူစင်ပါသည်။ ကျွန်ုပ်သည် ဘုရားသခင်အတွက် မိမိကိုယ်ကိုယ် အသုံးခံဖို့ ကျွန်ုပ်၏ မိသားစုကို စွန့်ခွာကာ ကျွန်ုပ်၏ အလုပ်ကိုထွက်ခဲ့ပြီး၊ ဘုရားသခင်က ကျွန်ုပ်ကို မည်မျှချစ်သည်ကို ကျွန်ုပ် တွေးဆဲ ဖြစ်သည်။ ယခုတွင်၊ ဘုရားသခင်က လူတို့ကို သိပ်မချစ်သည့်ပုံရပြီး၊ ကျွန်ုပ်သည် သူနှင့်ပတ်သက်၍ စိမ်းကားခံရလျက်၊ စိတ်ပျက်ကာ တုန်လှုပ်ချောက်ချားလျက် ဝိုင်းပယ်ခံရသည်ဟု ခံစားရသည်”ဟု ပြောကြဆဲ ဖြစ်သည်။ ၎င်းတို့သည် မိမိတို့၏ မှန်ကန်သော နေရာတွင် ရှိမနေကြလေပြီ။ ၎င်းတို့ မည်သူဖြစ်သည်ကို မသိကြသကဲ့သို့ ၎င်းတို့သည် ဘုရားသခင်က လေးစားကာ ပြုစုပျိုးထောင်သင့်သည့် သို့မဟုတ် တန်ဖိုးထားကာ ချစ်ခင်မြတ်နိုးသင့်သည့် အလွန် လေးစားမှုနှင့် ထိုက်တန်ကြသည့် ပုဂ္ဂိုလ်များ ဖြစ်သည်ဟု အမြဲ ခံစားကြလေသည်။ လူတို့သည် ထိုသို့သော နားလည်မှုလွဲခြင်းများ၊ ထိုသို့သော အဓိပ္ပာယ်မရှိသကဲ့သို့ ယုတ္တိမတန်သည့် တောင်းဆိုချက်များ အမြဲ ရှိကြပါက၊ ယင်းသည် ဒုက္ခပြဿနာဆီသို့ ဆိုက်ရောက်စေလိမ့်မည်။ ထိုအခါ လူတို့သည် ဤအခက်အခဲများကို ဖြေရှင်းရန်နှင့် ဘုရားသခင်ကို ၎င်းတို့ ပြုလုပ်သည့် ဤတောင်းဆိုချက်များကို လက်လွှတ်ရန်အလို့ငှာ လူသားကို ဘုရားသခင် ဆက်ဆံသည့် နည်းလမ်းနှင့် ကိုက်ညီနိင်ရန် ၎င်းတို့ မည်သည့်အရာကို လုပ်ဆောင်သင့်ပြီး၊ မိမိတို့ကိုယ်ကိုယ် မည်သို့ သိသင့်ကာ သဘောထားသင့်သနည်း။ အချို့လူတို့သည် ဘုရားသခင်၏ အိမ်တော်က ခေါင်းဆောင်ပြုလုပ်ပေးခြင်းကို ခံရပြီး အနှောင့်အယှက်ဖြစ်စေသည့်အရာ၊ သို့မဟုတ် အခက်အခဲဖြစ်စေသည့်အရာ ဘာတစ်ခုမျှ မလုပ်ဆောင်ဘဲ ၎င်းတို့၏ အလုပ်ကို အလွန်ကောင်းမွန်စွာ ဆောင်ရွက်ကြသည်။ နောက်ပိုင်းတွင် ဘုရားသခင်သည် ၎င်းတို့ကို ဖော်ထုတ်ရန်အတွက် အခြေအနေတစ်မျိုးတွင် ချထားပြီး ၎င်းတို့၏ ခေါင်းဆောင်မှုကို ဖယ်ရှားလိုက်သည့်အခါ ၎င်းတို့က “လူစားလဲခံရသင့်သည်မှာ အယောင်ဆောင်ခေါင်းဆောင်များ၊ အယောင်ဆောင် အမှုဆောင်များ၊ နှောင့်ယှက်ကာ မွှေနှောက်ရန် ကြိုးစားသူများဖြစ်သည်။ ကျွန်ုပ်သည် အနှောင့်အယှက်ဖြစ်စေခြင်း၊ သို့မဟုတ် အခက်အခဲဖြစ်စေခြင်းမရှိဘဲ အဘယ်ကြောင့် လူစားလဲခံရသင့်သနည်း” ဟု ကျိုးကြောင်းပြပြောဆိုရန် ကြိုးစားကြသည်။ ၎င်းတို့စိတ်တိုကြသည်။ အဘယ်ကြောင့်နည်း။ ဤရာထူးသည် ၎င်းတို့ရထိုက်သောအရာဖြစ်သည်၊ ၎င်းတို့သည် လူစားအလဲမခံရသင့်ဟု ယုံကြည်ကြသည်။ ၎င်းတို့တွင် တွေ့ရသည့် ဤအရာများကြောင့် ၎င်းတို့သည် ဤရာထူးအတွက် အရည်အသွေးပြည့်မီသည်ဟု ယုံကြည်ကြသည်။ ထို့ကြောင့် ၎င်းတို့သည် ဆောင်ရွက်ရန် အရည်အသွေးပြည့်မီလျက်နှင့် ဘုရားသခင်က ၎င်းတို့ထံမှ ဤရာထူးကို ဖယ်ရှားခဲ့သည်ဟု ထင်မြင်ကြသဖြင့် ဤအရာကို ၎င်းတို့က လက်မခံကြပေ။ ဤသို့ဖြင့် ၎င်းတို့တွင် ဘုရားသခင်၏ လုပ်ဆောင်မှုများအပေါ် အယူအဆများ ဖြစ်ပေါ်လာသည်။ ဤအယူအဆများ စတင်ဖြစ်ပေါ်လာသည့်အခါတွင် ၎င်းတို့သည် မတရားခံရသည်ဟု ခံစားကြရပြီး “ခေါင်းဆောင်များ ရွေးကောက်တင်မြှောက်ခြင်းနှင့် ဖယ်ရှားခြင်းအတွက် အခြေခံစည်းမျဉ်းများရှိသည်ဟု မဆိုထားသလော။ ဖြစ်ခဲ့သည့်အရာတွင် အခြေခံစည်းမျဉ်းမရှိဟု ကျွန်ုပ်မြင်မိသည်။ ဘုရားသခင်က အမှားတစ်ခု ပြုလုပ်ခဲ့ပြီ” ဟူ၍ စတင် စောဒကတက်လာကြသည်။ အချုပ်အားဖြင့်ဆိုလျှင် ၎င်းတို့၏ အကျိုးစီးပွားကို ထိခိုက်စေပြီး ၎င်းတို့၏ ခံစားချက်ကို ထိခိုက်နာကျင်စေသောအရာတစ်ခုခုကို ဘုရားသခင်က လုပ်ဆောင်သည်နှင့်တစ်ပြိုင်နက် ၎င်းတို့က အမှားရှာလာကြသည်။ ဤသည်မှာ ပြဿနာတစ်ခုလော။ ဤပြဿနာကို မည်သို့ဖြေရှင်းနိုင်သနည်း။ သင်သည် မည်သူဖြစ်သည်ကို သင် သိရမည်။ မည်သည့် ဆုကျေးဇူး အမျိုးအစားများ သို့မဟုတ် အားသာချက်များ ရှိသည်ဖြစ်စေ၊ ကျွမ်းကျင်မှု သို့မဟုတ် အစွမ်းအစ မည်မျှ ရှိသည်ဖြစ်စေ၊ ဘုရားသခင်၏ အိမ်တော်တွင် ကောင်းကျိုးမည်မျှပင် သင် ရရှိပြီးသည်ဖြစ်စေ၊ သင် မည်မျှ ပြေးလွှားလုပ်ဆောင်ပြီးသည်ဖြစ်စေ၊ အရင်းအနှီး မည်မျှ သင် တိုးပွားပြီးသည်ဖြစ်စေ၊ ဤအရာများသည် ဘုရားသခင်ဖို့ အချည်းနှီးကဲ့သို့ ဖြစ်ပြီး၊ သင်၏ ရပ်တည်ချက်မှ ယင်းတို့သည် အရေးကြီးပုံရပါက၊ သင်နှင့် ဘုရားသခင်ကြားတွင် နားလည်မှုလွဲခြင်းများနှင့် ဆန့်ကျင်မှုများ တစ်ဖန် ထွက်ပေါ်လေပြီ မဟုတ်လော။ ဤပြဿနာကို မည်သို့ ဖြေရှင်းသင့်သနည်း။ သင်သည် သင်နှင့် ဘုရားသခင်ကြားရှိ အကွာအဝေးကို ကျုံ့စေရမည်၊ ဤဆန့်ကျင်ကွဲလွဲမှုများကို ဖြေရှင်းရမည်ဖြစ်ပြီး၊ သင် မှန်သည်ဟု ထင်သည့်အရာများနှင့် သင် ဖက်တွယ်သည့်အရာများကို ငြင်းပယ်ရမည်ဖြစ်သည်။ ထိုသို့ လုပ်ဆောင်ရာတွင်၊ သင်နှင့် ဘုရားသခင်ကြားတွင် အကွာအဝေးတစ်ခု ရှိတော့မည်မဟုတ်သကဲ့သို့၊ သင်သည် သင်၏ ရာထူးအဆင့်အတန်းတွင် မှန်ကန်စွာ ရပ်တည်လိမ့်မည်ဖြစ်ပြီး၊ သင်သည် ကျိုးနွံနာခံနိုင်လိမ့်မည်၊ ဘုရားသခင် လုပ်ဆောင်သည့် အရာအားလုံး မှန်ကန်သည်ဟု အသိအမှတ်ပြုနိုင်လိမ့်မည်၊ မိမိကိုယ်ကိုယ် ငြင်းပယ်နိုင်လိမ့်မည်ဖြစ်ပြီး မိမိကိုယ်ကိုယ် လက်လွှတ်နိုင်လိမ့်မည်။ သင် ရရှိပြီးဖြစ်သည့် ကောင်းမြတ်ခြင်းကို အရင်းအနှီး အမျိုးအစားတစ်ခုအဖြစ် သင် သဘောထားတော့မည်မဟုတ်သကဲ့သို့ ဘုရားသခင်နှင့်ပတ်သက်၍ မည်သည့် သတ်မှတ်ချက်များမှ ချမှတ်ရန် ကြိုးတော့မည် မဟုတ်၊ သို့မဟုတ် သူ့ကို တောင်းဆိုချက်များ ပြုတော့မည်မဟုတ် သို့မဟုတ် သူ့ကို ဆုလာဘ်များ တောင်းဆိုတော့မည် မဟုတ်ပေ။ ဤအချိန်တွင်၊ သင်သည် အခက်အခဲများ ရှိတော့မည် မဟုတ်ပေ။ ဘုရားသခင်နှင့် သက်ဆိုင်သည့် လူသား၏ နားလည်မှုလွဲခြင်းများသည် အဘယ်ကြောင့် ထွက်ပေါ်ရသနည်း။ လူတို့သည် မိမိတို့ကိုယ်ကိုယ် အနည်းငယ်မျှ မသိကြသောကြောင့် ထွက်ပေါ်ရပေသည်။ ၎င်းတို့သည် မိမိတို့ကိုယ်ကိုယ် အလွန် မြင့်မားစွာ သတ်မှတ်ကြပြီး ဘုရားသခင်၏ အမြင်ရှိ ၎င်းတို့၏ ရာထူးကို အလွန်မြင့်မားစွာ ခန့်မှန်းကြပြီး လူတစ်ဦး၏ တန်ဖိုးနှင့် အရင်းအနှီးအဖြစ် ၎င်းတို့ ယူဆသည့်အရာအား ၎င်းတို့ ကယ်တင်ခံရမည်၊ မခံရမည်ကို ဘုရားသခင် တိုင်းတာသည့် စံနှုန်းများအဖြစ် မြင်ကြလေသည်။ ဤသည်မှာ မှားယွင်း၏။ သင်သည် ဘုရားသခင်၏ စိတ်နှလုံးတွင် မည်သည့် နေရာမျိုး ရှိသည်ဆိုသည်နှင့် သင့်ကို ဆက်ဆံရန်မှာ ဘုရားသခင်အတွက် မည်မျှ သင့်တော်သည်ဆိုသည်တို့ကို သင် သိရမည်ဖြစ်သည်။ ဤအရာကို သိရှိရန်မှာ သမ္မာတရားနှင့်ကိုက်ညီပြီး၊ ဘုရားသခင်၏ အမြင်များနှင့် ကိုက်ညီပေသည်။ သင်၏ လက်တွေ့လုပ်ဆောင်ခြင်းနှင့် မိမိကိုယ်ကိုယ် သဘောထားခြင်းတို့သည် ဤအသိပညာနှင့် ကိုက်ညီသည့်အခါ၊ သင်နှင့် ဘုရားသခင်ကြားတွင် မည်သည့် ကွဲလွဲခြားနားခြင်းမျှ ရှိတော့မည် မဟုတ်ပေ။ ဘုရားသခင်က သူ၏ နည်းဟန်ဖြင့် သင့်ကို တစ်ဖန် ဆက်ဆံသည့်အခါ၊ သင်သည် ကျိုးနွံနာခံနိုင်လိမ့်မည် မဟုတ်လော။ သင်၏ စိတ်နှလုံးတွင် မသက်မသာဖြစ်ခြင်းအချို့ သင် ခံစားရကောင်း ခံစားရနိုင်သည်၊ သို့မဟုတ် ဤအရာများကို နားမလည်နိုင်သကဲ့သို့ ယင်းတို့မှာ သင် ဆန္ဒရှိသည့်အတိုင်း မဟုတ်သည့်အလား ခံစားရကောင်းခံစားရနိုင်သည်၊ သင်သည် ဤသမ္မာတရားများဖြင့် ပြင်ဆင်ခံရပြီး၊ ဤသမ္မာတရားများကို နားလည်လိမ့်မည်ဖြစ်သောကြောင့်နှင့် သင်၏ နေရာတွင် ခိုင်မာစွာ သင် ရပ်တည်နိုင်လိမ့်မည်ဖြစ်သောကြောင့်၊ သင်သည် ဘုရားသခင်ကို တိုက်ခိုက်တော့မည် မဟုတ်ပေ၊ ယင်းမှာ သင့်ကို ပျက်စီးစေမည့် သင်၏ ထိုအပြုအမူများနှင့် လက်တွေ့လုပ်ဆောင်မှုတို့သည် ရပ်တန့်သွားလိမ့်မည် ဖြစ်သည်။ ထိုအခါ သင်သည် လုံခြုံလိမ့်မည် မဟုတ်လော။ သင် လုံခြုံဘေးကင်းသည်နှင့်တစ်ပြိုင်နက်၊ သင်သည် တည်ငြိမ်သွားလိမ့်မည်၊ ယင်းမှာ ပေတရု၏ လမ်းကြောင်းကို လျှောက်လှမ်းရန် ဆိုလိုသည့်အရာ ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်အပေါ် လူသားထားရှိသင့်သည့် သဘောထား” မှ

ဖန်ဆင်းရှင်က မည်သည့်အရာကို လုပ်ဆောင်သည်ဖြစ်စေ၊ သူမည်သည့်အရာကို ထင်ရှားစေသည်ဖြစ်စေ၊ ပြီးလျှင် သူလုပ်ဆောင်သည့် အရာသည် ကြီးမြတ်သည့် လုပ်ဆောင်ချက်ဖြစ်စေ သေးငယ်သည့်လုပ်ဆောင်ချက် တစ်ခု ဖြစ်စေ၊ သူသည် ဖန်ဆင်းရှင် ဖြစ်နေဆဲ ဖြစ်သည်။ သူဖန်ဆင်းထားသည့် လူသားမျိုးနွယ်အားလုံးမှာမူ၊ ၎င်းတို့ မည်သည့်အရာကို လုပ်ဆောင်ပြီးသည်ဖြစ်စေ၊ ပြီးလျှင် ၎င်းတို့အနေဖြင့် မည်မျှ ပါရမီရှိပါစေ သို့မဟုတ် မည်မျှအရေးပေးခံရပါစေ၊ အဖန်ဆင်းခံ သတ္တဝါများ ဖြစ်မြဲဖြစ်ကြလေသည်။ အဖန်ဆင်းခံ လူသားမျိုးနွယ်အတွက်မူ၊ ၎င်းတို့အနေဖြင့် ဖန်ဆင်းရှင်ထံမှ မည်မျှများပြားသော ကျေးဇူးတော်နှင့် မည်မျှများပြားသော ကောင်းချီးမင်္ဂလာများ ရရှိကြပြီးဖြစ်ပါစေ၊ သို့မဟုတ် သနားကရုဏာ၊ ကြင်နာမှု သို့မဟုတ် စေတနာ မည်မျှရရှိကြပြီးဖြစ်ပါစေ၊ ၎င်းတို့အနေဖြင့် လူစုများမှ သီးခြား ရပ်တည်ဖို့ မိမိတို့ကိုယ်ကိုယ် မယုံကြည်သင့်ပေ သို့မဟုတ် ဘုရားသခင်နှင့် အဆင့်အတန်းတူနိုင်ပြီး၊ အဖန်ဆင်းခံ သတ္တဝါများအလယ်တွင် ၎င်းတို့သည် အဆင့်မြင့်မားလာကြပြီးဖြစ်သည်ဟု မထင်မှတ်သင့်ပေ။ ဘုရားသခင်က သင့်အပေါ် ဆုကျေးဇူးများ မည်မျှ အပ်နှင်းပြီးဖြစ်ပါစေ၊ သို့မဟုတ် ကျေးဇူးတော် မည်မျှ သင့်ကို သူပေးပြီးဖြစ်ပါစေ၊ သို့မဟုတ် သူက သင့်ကို မည်မျှ ကြင်နာစွာ ဆက်ဆံပြီးဖြစ်ပါစေ၊ သို့မဟုတ် သင့်ကို အထူးပါရမီအနည်းငယ် ပေးပြီးပါစေ၊ ဤအရာများထဲမှ မည်သည့်အရာမျှ သင်၏အဖိုးတန် အရည်အချင်းများ မဟုတ်ပေ။ သင်သည် အဖန်ဆင်းခံ သတ္တဝါတစ်ဦးဖြစ်ပြီး၊ ထို့ကြောင့် အဖန်ဆင်းခံ သတ္တဝါတစ်ဦး အစဉ်အမြဲ ဖြစ်လိမ့်မည်။ သင့်အနေဖြင့်၊ “ငါသည် ဘုရားသခင်၏လက်ထဲက ချစ်ခင်မြတ်နိုးရသူလေးတစ်ဦး ဖြစ်သည်။ သူသည် ငါ့ကို ရန်မူမည်မဟုတ်။ ငါ့အပေါ် ဘုရားသခင်၏ သဘောထားမှာ နှစ်သိမ့်ပြီး ခွန်အားပေးသည့် နွေးထွေးသော တီးတိုးပြောဆိုသံဖြင့် ချစ်ခြင်းမေတ္တာ၊ စောင့်ရှောက်ခြင်းနှင့် နူးညံ့သော ကြင်နာစွာထွေးပိုက်ခြင်းနှင့် သက်ဆိုင်သောအရာတစ်ခု အမြဲဖြစ်လိမ့်မည်။” ဟု မည်သည့်အခါတွင်မျှ မတွေးရ။ ဆန့်ကျင်ဘက်အနေဖြင့်၊ ဖန်ဆင်းရှင်၏ အမြင်တွင်၊ သင်သည် အခြားအဖန်ဆင်းခံ သတ္တဝါအားလုံးနှင့် တူညီပေသည်။ လူများ၊ အဖြစ်အပျက်များနှင့် အမှုအရာမျိုးစုံအလယ်တွင် အခန်းကဏ္ဍတိုင်းကို သင် ပါဝင်လုပ်ဆောင်ဖို့ ဘုရားသခင်သည် သင့်ကို သူဆန္ဒရှိသည်အတိုင်း အသုံးပြုနိုင်ပြီး၊ သူဆန္ဒရှိသည်အတိုင်း သင့်ကို စီစဉ်ညွှန်ကြားနိုင်ကာ၊ သူဆန္ဒရှိသည်အတိုင်း စီစဉ်နိုင်ပေသည်။ ဤသည်မှာ လူတို့ ရှိသင့်သည့် အသိဖြစ်ပြီး၊ ၎င်းတို့ ပိုင်ဆိုင်သင့်သည့် ကောင်းမြတ်သော အသိစိတ်ဖြစ်သည်။ ဤနှုတ်ကပတ်တော်များကို နားလည်နိုင်ပြီး လက်ခံနိုင်ပါက၊ ဘုရားသခင်နှင့် ၎င်းတို့၏ ဆက်ဆံရေးသည် တိုး၍ ပုံမှန်ဖြစ်လိမ့်မည်ဖြစ်ပြီး၊ ၎င်းတို့သည် ဘုရားသခင်နှင့် အမျှတဆုံးသော ဆက်ဆံရေးတစ်ခုကို တည်ဆောက်လိမ့်မည်ဖြစ်သည်။ ဤနှုတ်ကပတ်တော်များကို နားလည်နိုင်ပြီး လက်ခံနိုင်ပါက၊ ၎င်းတို့သည် မိမိတို့၏ ရာထူးအဆင့်အတန်းကို ကောင်းကောင်းမွန်မွန် ရှာဖွေဖော်ထုတ်လိမ့်မည်၊ မိမိတို့၏ နေရာကို လက်ခံလိမ့်မည်ဖြစ်ပြီး မိမိတို့၏ တာဝန်ကို ထိန်းသိမ်းလိမ့်မည်ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရှာဖွေခြင်းအားဖြင့်သာ ဘုရားသခင်၏လုပ်ဆောင်ချက်များကို သိနိုင်သည်” မှ

ဖန်ဆင်းခံတစ်ခုအနေနှင့် လူသားသည် သူ၏ကိုယ်ပိုင်အနေအထားကို ထိန်းသိမ်းပြီး အသိဉာဏ်ရှိရှိပြုမူရမည်။ ဖန်ဆင်းရှင်က တာဝန်ပေးစေခိုင်းထားသည့်အရာကို တာဝန်သိတတ်စွာနှင့် စောင့်ရှောက်ရမည်။ စည်းကျော်၍ မလုပ်ရ၊ သို့မဟုတ် မိမိတတ်နိုင်သည့် နယ်ပယ်ထက် ကျော်၍မလုပ်ရ၊ သို့မဟုတ် ဘုရားသခင် စက်ဆုပ်သည့် အရာများကို မလုပ်ရ။ ကြီးမြတ်ရန်၊ သို့မဟုတ် အာဂလူသားဖြစ်ရန်၊ သို့မဟုတ် အခြားလူများထက်ကျော်လွန်ရန် မလုပ်ရသကဲ့သို့ ဘုရားဖြစ်အောင်လည်း မကြိုးစားရ။ ဤသည်မှာ လူတို့ဆန္ဒမပြုသင့်သည့် အရာဖြစ်သည်။ ကြီးမြတ်ရန်၊ သို့မဟုတ် အာဂလူသားဖြစ်ရန် ကြိုးစားလုပ်ဆောင်ခြင်းက အဓိပ္ပာယ်မရှိပေ။ ဘုရားဖြစ်ရန် ကြိုးစားလုပ်ဆောင်ခြင်းက ပို၍ပင် ဆိုးဝါးသည်။ ဤသည်မှာ ရွံ့ရှာစက်ဆုပ်ဖွယ်ဖြစ်ပြီး ယုတ်ညံ့၏။ ချီးကျူးထိုက်ပြီး အရာအားလုံးထက် ဖန်ဆင်းခံတို့ စွဲကိုင်ထားသင့်သည့် အရာမှာ စစ်မှန်သည့် ဖန်ဆင်းခံဖြစ်ရန်ဖြစ်၏။ ဤသည်မှာ လူအားလုံး လိုက်လျှောက်သင့်သည့် တစ်ခုတည်းသော ပန်းတိုင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၁)” မှ

အရှေ့သို့- ၇၄) မိမိ၏ တာဝန်ကို ချဉ်းကပ်ခြင်းဆိုင်ရာ အခြေခံသဘောတရားများ

နောက်တစ်ခုသို့- ၇၆) မိမိကိုယ်ကို ဘုရားသခင်အတွက် အသုံးပြုခြင်းဆိုင်ရာ အခြေခံသဘောတရားများ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၃၅) စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

၇) ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်ထဲတွင် ရောက်နေပြီး အခက်အခဲတစ်ခုဖြင့် ရင်ဆိုင်နေရချိန်တွင်၊ ဘုရားသခင်၏...

၁၈) ဘုရားသခင်အပေါ် မှီခိုခြင်းနှင့် ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်