၅) ဘုရားသခင်၏ နှုတ်ကပတ်တော်များကို သိရှိခြင်း၏ အခြေခံသဘောတရားများ

(၁) ဘုရားသခင်၏ နှုတ်ကပတ်တော်များကို စားသောက်ရာတွင်၊ ဆုတောင်းခြင်းပြည့်ဝသည့် စိတ်နှလုံးတစ်ခုဖြင့် ယင်းတို့ကို အလေးအနက် ချင့်ချိန်စဉ်းစားဖို့နှင့် သန့်ရှင်းသော ဝိညာဉ်တော်၏ အသိဉာဏ်ပွင့်လင်းစေခြင်းနှင့် အလင်းပေးခြင်းတို့ကို ရှာဖွေဖို့ လိုအပ်သည်။ ထိုသို့ဖြင့်သာ သမ္မာတရားကို တဖြည်းဖြည်း နားလည်လာနိုင်ပေသည်။

(၂) ဘုရားသခင်၏ နှုတ်ကပတ်တော်များကို ဖတ်ရှုနေချိန်တွင်၊ သူ၏ အလိုတော်နှင့် သတ်မှတ်ချက်များအပြင် ယင်းတို့ကို ပြောဆိုရာတွင် စွမ်းဆောင်ရရှိရန် သူ ရည်ရွယ်သည့် အကျိုးတရားများကို နားလည်ဖို့ ကြိုးစားရန် လိုအပ်သည်။ ဤသည်မှာ ဘုရားသခင်၏ နှုတ်ကပတ်တော်များနှင့် သက်ဆိုင်သည့် စစ်မှန်သော အသိပညာရှိဖို့ရန် ဆိုလိုသည့်အရာ ဖြစ်သည်။

(၃) ဘုရားသခင်၏ နှုတ်ကပတ်တော်များထဲက သမ္မာတရား၏ သွင်ပြင်လက္ခဏာအသီးသီး၏ အသေးစိတ်အချက်အလက်ပါဝင်မှုများနှင့် ယင်းတို့၏ အဓိပ္ပာယ် အလုံးစုံကို ရှာရန် လိုအပ်သည်။ ထိုသို့ဖြင့်သာ ဘုရားနှုတ်ကပတ်တော်များ၏ သမ္မာတရားကို အလွယ်တကူ နားလည်ပေသည်။

(၄) ဘုရားသခင်၏ နှုတ်ကပတ်တော်များကို လက်တွေ့လုပ်ဆောင်ခြင်းအပေါ် အာရုံစိုက်ရမည်ဖြစ်ပြီး ယင်းတို့ကို လက်တွေ့လုပ်ဆောင်ခြင်းနှင့် တွေ့ကြုံခြင်းတို့မှတစ်ဆင့် သန့်ရှင်းသော ဝိညာဉ်တော်၏ အသိဉာဏ်ပွင့်လင်းစေခြင်းကို ရရှိရမည်။ ထိုသို့ဖြင့်သာ သမ္မာတရား၏ အနှစ်သာရနှင့် စစ်မှန်သော အဓိပ္ပာယ်ကို နားလည်နိုင်ပေသည်။

ဆက်စပ်သော ဘုရားသခင်၏ နှုတ်ကပတ်တော်များ-

ဘုရားသခင်၏ နှုတ်ကပတ်တော်များကို ဖတ်ရှုခြင်းနှင့် နားလည်ခြင်းမှတစ်ဆင့်၊ ဘုရားသခင်ကိုသိကျွမ်းခြင်းအား စွမ်းဆောင်ရရှိရမည်။ လူအချို့က- “လူ့ဇာတိခံယူတဲ့ ဘုရားသခင်ကို ငါမမြင်ဖူးဘူး။ ဒါကြောင့် ဘုရားသခင်ကို ငါဘယ်လို သိနိုင်မလဲ။” ဟု ဆိုကြသည်။ အမှန်အားဖြင့် ဘုရားသခင်၏ နှုတ်ကပတ်တော်များမှာ သူ၏စိတ်သဘောထား ဖော်ပြချက်တစ်ခု ဖြစ်သည်။ ဘုရားသခင်၏ နှုတ်ကပတ်တော်များမှ၊ လူသားများအတွက် သူ၏ ချစ်ခြင်းမေတ္တာနှင့် ကယ်တင်ခြင်းအပြင် ၎င်းတို့ကို ကယ်တင်ခြင်းအတွက် သူ၏ နည်းလမ်း တို့ကို သင် မြင်နိုင်သည်။...ဤသည်မှာ သူ၏ နှုတ်ကပတ်တော်များကို လူသားများက ရေးသားခဲ့ခြင်းမဟုတ်ဘဲ၊ ဘုရားသခင် ကိုယ်တော်တိုင်က ဖော်ပြခဲ့ခြင်းဖြစ်သောကြောင့် ဖြစ်သည်။ ထိုနှုတ်ကပတ်တော်များကို ဘုရားသခင်က ကိုယ်တိုင်ကိုယ်ကျ ဖော်ပြထားခြင်း ဖြစ်သည်။ ဘုရားသခင် ကိုယ်တော်တိုင်သည် သူ၏ကိုယ်ပိုင် နှုတ်ကပတ်တော်များနှင့် သူ၏အတွင်းသဘောကို ဖော်ပြနေခြင်း ဖြစ်သည်။ ယင်းတို့ကို စိတ်နှလုံးမှလာသော နှုတ်ကပတ်တော်များဟု အဘယ်ကြောင့် ခေါ်ဆိုရသနည်း။ ယင်းမှာ အဘယ်ကြောင့်ဆိုသော် ထိုနှုတ်ကပတ်တော်များသည် စိတ်ထဲက ထုတ်ပြန်ထားခြင်းဖြစ်ပြီး သူ၏စိတ်သဘောထား၊ သူ၏အလိုတော်၊ သူ၏အတွေးများ၊ လူသားမျိုးနွယ်အတွက် သူ၏ချစ်ခြင်းမေတ္တာ၊ လူသားမျိုးနွယ်ကို သူ၏ကယ်တင်ခြင်းနှင့် လူသားမျိုးနွယ်အပေါ် သူ၏ မျှော်မှန်းချက်များကို ဖော်ပြသောကြောင့် ဖြစ်သည်။...ဘုရားသခင်၏ မိန့်မြွက်ချက်များတွင် ကြမ်းတမ်းသော စကားလုံးများ၊ နူးညံ့သိမ်မွေ့ပြီး အရေးထားသော စကားလုံးများအပြင် လူသား၏ ဆန္ဒများနှင့် တစ်ထပ်တည်းမကျသည့် အမြင်သစ်ပေးသော စကားလုံးအချို့ ပါဝင်သည်။ အကယ်၍ သင်သည် အမြင်သစ်ပေးသော နှုတ်ကပတ်တော်များကိုသာ ကြည့်ပါက၊ ဘုရားသခင်သည် အတော် ခက်ထန်သည်ဟု သင်ခံစားကောင်းခံစားရလိမ့်မည်။ အကယ်၍ သင်သည် နူးညံ့သိမ်မွေ့သော နှုတ်ကပတ်တော်များကိုသာ ကြည့်ပါက၊ ဘုရားသခင်သည် သိပ်ဩဇာအာဏာမရှိဟု သင်ခံစားကောင်း ခံစားရလိမ့်မည်။ ထို့ကြောင့် သင်သည် ထိုအရာများကို ရှေ့နောက်စကားအဆက်အစပ် မရှိဘဲ မယူရပေ။ ယင်းထက်၊ ရှုထောင့်မျိုးစုံမှ ကြည့်မြင်ရမည်။ တစ်ခါတစ်ရံ ဘုရားသခင်သည် နူးညံ့သိမ်မွေ့ပြီး ကရုဏာကြီးမားသော ရှုထောင့်မှ စကားပြောပြီး၊ ထိုအခါ လူတို့သည် လူသားမျိုးနွယ်အတွက် သူ၏ ချစ်ခြင်းမေတ္တာကို မြင်ကြသည်။ တစ်ခါတစ်ရံ သူသည် အလွန် တင်းကျပ်သော ရှုထောင့်မှ စကားပြောပြီး၊ ထိုအခါ လူတို့သည် ပုန်ကန်ပြစ်မှားမှုကို သည်းခံမည်မဟုတ်သည့် သူ၏ စိတ်သဘောထားကို မြင်ကြသည်။ လူသားသည် မနှစ်မြို့ဖွယ်ကောင်းအောင် ညစ်ညမ်းပြီး ဘုရားသခင်၏ မျက်နှာတော်ကို မြင်တွေ့ရန်၊ သို့မဟုတ် သူ၏ ရှေ့မှောက်သို့လာရန် မထိုက်တန်ပေ။ လူတို့သည် ယခု ဘုရားသခင်၏ရှေ့မှောက်သို့ လာခွင့်ရသည်မှာ သူ၏ ကျေးဇူးတော်သက်သက်ကြောင့်သာ ဖြစ်သည်။ ဘုရားသခင်၏ အမှုပြုပုံပြုနည်းမှ၊ ပြီးလျှင် သူ့အမှု၏ အရေးပါမှုတွင် သူ၏ဉာဏ်ပညာကို မြင်နိုင်သည်။ လူတို့သည် သူ့ထံမှ မည်သည့် တိုက်ရိုက် အဆက်အသွယ်မျှမရှိဘဲနှင့်ပင် ဤအရာများကို ဘုရားသခင်၏ နှုတ်ကပတ်တော်ထဲ၌ မြင်နိုင်ကြဆဲဖြစ်သည်။ ဘုရားသခင်ကို စစ်မှန်ရိုးသားစွာ သိရှိသူတစ်ဦးသည် ခရစ်တော်နှင့် ထိတွေ့ဆက်ဆံမှုရှိလာသည့်အခါ၊ ခရစ်တော်နှင့် သူ၏ ကြုံဆုံရခြင်းသည် ဘုရားသခင်နှင့်သက်ဆိုင်သော သူ၏တည်ဆဲ အသိပညာနှင့် ကိုက်ညီနိုင်ပေသည်။ သို့သော် သဘောတရားအရသာ နားလည်မှုရှိသူတစ်ဦးသည် ဘုရားသခင်နှင့် တွေ့ဆုံသည့်အခါ၊ သူသည် အပြန်အလှန်ဆက်စပ်နေမှုကို မမြင်နိုင်ပေ။ သမ္မာတရား၏ ဤကဏ္ဍသည် နက်နဲမှုများထဲမှ အနက်နဲဆုံးသောအရာ ဖြစ်သည်၊ ယင်းကို နားလည်သဘောပေါက်ရန် ခက်ခဲ၏။ လူ့ဇာတိခံယူခြင်း၏ နက်နဲမှုနှင့်ပတ်သက်သည့် ဘုရားသခင်၏ နှုတ်ကပတ်တော်တို့ကို ပေါင်းရုံးသုံးသပ်လော့၊ ယင်းတို့ကို ရှုထောင့်မျိုးစုံမှ ကြည့်ပြီးနောက် အတူတကွ ဆုတောင်းကာ ဆင်ခြင်တွေးတောပြီး သမ္မာတရား၏ ဤရှုထောင့်နှင်ပတ်သက်၍ နောက်ထပ် မိတ်သဟာယပြုလော့။ ထိုသို့လုပ်ဆောင်ခြင်းဖြင့်၊ သင်သည် သန့်ရှင်းသောဝိညာဉ်တော်၏ အသိဉာဏ်ပွင့်လင်းစေခြင်းကို ရရှိနိုင်လိမ့်မည်ဖြစ်ပြီး၊ နားလည်လာနိုင်လိမ့်မည်။ လူသားများသည် ဘုရားသခင်နှင့် တိုက်ရိုက် ထိတွေ့မှုကို ရရှိခြင်းငှာ အခွင့်အရေးမရှိသောကြောင့်၊ ၎င်းတို့သည် ဘုရားသခင်နှင့်သက်ဆိုင်သည့် စစ်မှန်သော အသိပညာ ရရှိဖို့အလို့ငှာ၊ စမ်းတဝါးဝါးရှေ့ဆက်ကာ ဖြည်းဖြည်းချင်းစီ ဝင်ရောက်ရန် ဤကဲ့သို့သော အတွေ့အကြုံမျိုးကို အားထားကြရမည် ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့ဇာတိခံယူသော ဘုရားသခင်ကို သိပုံသိနည်း” မှ

လူသားသည် ဘုရားသခင်၏ နှုတ်ကပတ်တော်ကို မဆောင်ရွက်မီတွင်၊ ဘုရားသခင်၏ နှုတ်ကပတ်တော်ကို သိရမည်ဖြစ်သည်။ ဆိုလိုသည်မှာ သူသည် ဘုရားသခင်၏ အလိုတော်ကို နားလည်ရမည်ဖြစ်သည်။ ဤနည်းဖြင့်သာ ဘုရားသခင်၏ နှုတ်ကပတ်တော်ကို တိကျစွာ ဆောင်ရွက်နိုင်ပြီး၊ ဘုရားသခင်၏အလိုတော်နှင့်အညီ ဖြစ်နိုင်ပေသည်။ ဤသည်မှာ သမ္မာတရားကို ရှာဖွေသောသူတိုင်း ပိုင်ဆိုင်ထားရမည့် အရာတစ်ခုဖြစ်ပြီး၊ ဘုရားသခင်ကို သိကျွမ်းရန်ကြိုးစားသော သူတိုင်းကြုံရမည့် ဖြစ်စဉ်လည်း ဖြစ်သည်။ ဘုရားသခင်၏ နှုတ်ကပတ်တော်ကို သိကျွမ်းလာခြင်း ဖြစ်စဉ်သည် ဘုရားသခင်နှင့် ဘုရားသခင်၏ အမှုကို သိကျွမ်းလာခြင်း ဖြစ်စဉ်ဖြစ်သည်။ ထို့ကြောင့် ရူပါရုံများကိုသိရှိခြင်းသည် လူ့ဇာတိခံ ဘုရားသခင်၏ လူ့သဘာဝအား သိကျွမ်းခြင်းကိုသာ မရည်ညွှန်းဘဲ၊ ဘုရားသခင်၏ နှုတ်ကပတ်တော်နှင့် အမှုကိုသိကျွမ်းခြင်းတို့လည်း ပါဝင်ပေသည်။ လူတို့သည် ဘုရားသခင်၏ နှုတ်ကပတ်တော်မှ ဘုရားသခင်၏ အလိုကို သိနားလည်လာကြပြီး၊ ဘုရားသခင်၏ အမှုမှ ဘုရားသခင်၏ စိတ်သဘောထားနှင့် ဘုရားသခင်၏ဖြစ်ခြင်းတို့ကို သိကျွမ်းလာကြလေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကိုသိသောသူများသာလျှင် ဘုရားသခင်ကို သက်သေခံနိုင်ကြသည်” မှ

ဘုရားသခင်မိန့်ထားသည့် နှုတ်ကပတ်တော်များသည် အပြင်ပန်းအသွင်အပြင်တွင် ရိုးရှင်းသည်ဖြစ်စေ၊ နက်နဲသိမ်မွေ့သည်ဖြစ်စေ၊ ထိုနှုတ်ကပတ်တော်များအားလုံးတို့သည် လူတစ်ယောက်အနေဖြင့် အသက်ထဲသို့ ဝင်ရောက်သည့်အခါတွင် သူ့အတွက် မရှိမဖြစ်သော သမ္မာတရားများ အားလုံးဖြစ်လေသည်။ ထိုနှုတ်ကပတ်တော်များသည် လူသားကို ဝိညာဉ်နှင့် ဇာတိခန္ဓာနှစ်ခုလုံးတွင် ရှင်သန်စေသည့် အသက်ရေများ၏ ရေသောက်မြစ်ဖြစ်သည်။ ထိုနှုတ်ကပတ်တော်များက အသက်ရှင်သန်နေဖို့ လူသားလိုအပ်သည့်အရာကို ထောက်ပံ့ပေးသည်။ လူသား၏နေ့စဉ်အသက်တာကို စီမံခန့်ခွဲခြင်းအတွက် အခြေခံသဘောတရားများနှင့် အယူဝါဒတို့ကို ထောက်ပံ့ပေးသည်။ ကယ်တင်ခြင်း ရရှိဖို့အလို့ငှာ သူလျှောက်ရမည့် လမ်းကြောင်းအပြင်၊ ယင်း၏ပန်းတိုင်နှင့် ဦးတည်ချက်တို့ကို ထောက်ပံ့ပေးသည်။ ဘုရားသခင်ရှေ့တော်မှောက်တွင် ဖန်ဆင်းခံသတ္တဝါတစ်ဦးအနေဖြင့် သူပိုင်ဆိုင်သင့်သည့် သမ္မာတရားတိုင်းကို ထောက်ပံ့ပေးသည်။ ထို့ပြင် လူသားအနေဖြင့် ဘုရားသခင်ကို မည်သို့ကိုးကွယ်ပုံ၊ မည်သို့နာခံပုံတို့နှင့်ပတ်သက်သည့် သမ္မာတရားတိုင်းကို ထောက်ပံ့ပေးသည်။ ထိုနှုတ်ကပတ်တော်များသည် လူသား၏ရှင်သန်မှုကို သေချာစေသည့် အာမခံချက်ဖြစ်သည်၊ ထိုနှုတ်ကပတ်တော်များသည် လူသား၏ အသက်မွေးလောက်သော အစာဖြစ်သည်၊ ထို့ပြင် ထိုနှုတ်ကပတ်တော်များသည် လူသားကို သန်မာစေပြီး မတ်မတ်ရပ်နိုင်စေသည့် ကြံ့ကြံ့ခံသော ထောက်ပံ့မှုလည်း ဖြစ်သည်။ ထိုနှုတ်ကပတ်တော်များသည် ဖန်ဆင်းခံ လူသားမျိုးနွယ်တို့ သာမန်လူ့သဘာဝဖြင့် အသက်ရှင်နေထိုင်သည့် သမ္မာတရား လက်တွေ့အရှိတရားဖြင့် ကြွယ်ဝလေသည်။ ဖောက်ပြန်ပျက်စီးမှုမှ ရုန်းထွက်လွတ်မြောက်ဖို့နှင့် စာတန်၏ကျော့ကွင်းများကို ရှောင်တိမ်းဖို့ လူသားမျိုးနွယ်တို့ အသုံးပြုသည့် သမ္မာတရားဖြင့် ကြွယ်ဝသည်၊ ဖန်ဆင်းခံ လူသားမျိုးနွယ်ကို ဖန်ဆင်းရှင်က ပေးသည့် မမောမပန်းသော အဆုံးအမ၊ တိုက်တွန်းမှု၊ အားပေးမှုနှင့် ဖြေသိမ့်မှုတို့ဖြင့် ကြွယ်ဝလေသည်။ ထိုနှုတ်ကပတ်တော်များသည် လူသားများအား အပြုသဘောဆောင်သည့် အရာအားလုံးကို နားလည်စေဖို့ လမ်းပြပြီး ဉာဏ်အလင်းပေးသည့် မီးရှူးတန်ဆောင် ဖြစ်သည်၊ ဖြောင့်မတ်ပြီး ကောင်းမြတ်သည့် အရာအားလုံးကို လူတို့က ကျင့်သုံးနေထိုင်ပြီး ပိုင်ဆိုင်ဖို့ သေချာစေသည့် အာမခံချက်ဖြစ်သည်၊ လူများ၊ အဖြစ်အပျက်များနှင့် အရာဝတ္ထုများအားလုံးကို တိုင်းတာသည့် စံနှုန်းမှတ်ကျောက်လည်း ဖြစ်သည်၊ ထို့ပြင် လူတို့ကို ကယ်တင်ခြင်းနှင့် အလင်းလမ်းကြောင်းဆီသို့ ဦးဆောင်လမ်းပြသည့် လမ်းကြောင်းပြ အမှတ်အသားလည်း ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ဘုရားသခင်ကို ကြောက်ရွံ့ခြင်းနှင့် မကောင်းသောအကျင့်ကို ရှောင်ခြင်းဆီသို့ သွားရာလမ်းဖြစ်၏” မှ

အသက်တာကို ရှာဖွေရာ၌ သင်သည် အရာနှစ်ခုကို အာရုံစိုက်ရမည်- ပထမမှာ၊ ဘုရားသခင်၏ နှုတ်ကပတ်တော်များ အတွင်းရှိ သမ္မာတရားကို နားလည်ခြင်းနှင့် ဒုတိယမှာ၊ ဘုရားသခင်၏ နှုတ်ကပတ်တော်များအတွင်း၌ သင့်ကိုယ်သင် နားလည်ခြင်းတို့ ဖြစ်သည်။ ဤအရာနှစ်ခုမှာ အခြေခံအကျဆုံးဖြစ်သည်။ ဘုရားသခင်၏ နှုတ်ကပတ်တော်များ ပြင်ပတွင် အသက်တာ သို့မဟုတ် သမ္မာတရားမရှိပေ။ သမ္မာတရားကို ဘုရားသခင်၏ နှုတ်ကပတ်တော်များအတွင်း၌ မရှာဖွေလျှင် ယင်းကို သင် မည်သည့်နေရာ၌ ရှာဖွေမည်နည်း။ ဤလောကတွင် သမ္မာတရား အဘယ်မှာရှိသနည်း။ လောက၏ စာအုပ်အားလုံးသည် နတ်ဆိုး စာတန်၏ သဘောတရားများဖြင့် ပြုစုထားသည်မဟုတ်လော။ ၎င်းတို့သည် သမ္မာတရား တစ်စက်မျှပင် မပါရှိပေ။ ဘုရားသခင်၏ နှုတ်ကပတ်တော်များထဲရှိ သမ္မာတရားကို နားလည်ခြင်းနှင့်ဆိုင်သော အရေးကြီးဆုံး အပိုင်းများမှာ ဘုရားသခင်ကို သူ၏ နှုတ်ကပတ်တော်များအတွင်း၌ နားလည်ခြင်း၊ လူ့အသက်တာကို သူ၏ နှုတ်ကပတ်တော်များအတွင်း၌ နားလည်ခြင်း၊ သမ္မာတရား၏ ရှုထောင့်အားလုံးကို သူ၏ နှုတ်ကပတ်တော်များအတွင်း၌ နားလည်ခြင်း၊ မိမိကိုယ်ကိုယ် စစ်မှန်စွာ နားလည်ခြင်းနှင့် ဘုရားသခင့် နှုတ်ကပတ်တော်များအတွင်း၌ လူသားဖြစ်တည်ခြင်း၏ အဓိပ္ပာယ်ကို ရှာဖွေတွေ့ရှိခြင်း။...သမ္မာတရားအားလုံးမှာ ဘုရားသခင်၏ နှုတ်ကပတ်တော်များအတွင်း၌ ရှိလေသည်။ သင်သည် ဘုရားသခင်၏ နှုတ်ကပတ်တော်မှတစ်ဆင့် ဝင်ရောက်ခြင်း မဟုတ်ပါက သမ္မာတရားထဲသို့ မဝင်ရောက်နိုင်ပေ။ သင် ရရှိရမည့် အဓိကရလဒ်မှာ ဘုရားသခင်၏ နှုတ်ကပတ်တော်များနှင့်သက်ဆိုင်သည့် သိနားလည်ခြင်းနှင့် အသိပညာတို့ကို ပိုင်ဆိုင်ခြင်းက မည်သည့်အရာဖြစ်သည်ကို သိရှိခြင်းဖြစ်သည်။ ဘုရားသခင်၏ နှုတ်ကပတ်တော်များအား စစ်မှန်သော နားလည်ခြင်းဖြင့်၊ သင်သည် သမ္မာတရားကို နားလည်နိုင်သည်- ဤသည်မှာ အခြေခံအကျဆုံး အရာပင် ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားအား လိုက်စားခြင်းအားဖြင့်သာ စိတ်သဘောထား ပြောင်းလဲမှုတစ်ခုကို ရရှိနိုင်သည်” မှ

ဘုရားသခင်၏နှုတ်ကပတ်တော်များမှ ဘုရားသခင်၏ အလိုတော်နှင့် သူ့မိန့်မြွက်ချက်များနောက်ကွယ်ရှိ ရည်ရွယ်ချက်များကို သင်နားမလည်ပါက၊ သူ၏ နှုတ်ကပတ်တော်များက ရရှိဖို့ ရည်ရွယ်ထားသည့် ရည်မှန်းချက်များနှင့် ရလဒ်များကို သင်နားမလည်ပါက၊ သူ့နှုတ်ကပတ်တော်များသည် လူတို့၌ မည်သည့်အရာကို ဖြစ်မြောက်စေဖို့နှင့် စုံလင်စေဖို့ ကြိုးစားသည်ကို သင်နားမလည်ပါက၊ ဤအရာများကို သင်နားမလည်ပါက၊ သင်သည် သမ္မာတရားကို နားမလည်သေးသည်ကို ယင်းက သက်သေပြပေသည်။ ဘုရားသခင်က သူပြောကြားသည့်အရာများကို အဘယ့်ကြောင့် ပြောကြားသနည်း။ သူသည် ထိုလေသံဖြင့် အဘယ်ကြောင့် ပြောကြားသနည်း။ သူပြောကြားသည့် စကားလုံးတိုင်းတွင် သူသည် အဘယ့်ကြောင့် အလွန် စိတ်ထက်သန်ပြီး၊ စစ်မှန်သနည်း။ သူသည် အချို့သော စကားလုံးများကို သုံးဖို့ အဘယ့်ကြောင့် ရွေးချယ်သနည်း။ သင်သိသလော။ သင် အသေအချာ မပြောနိုင်ပါက၊ သင်သည် ဘုရားသခင်၏ အလိုတော် သို့မဟုတ် သူ၏ ရည်ရွယ်ချက်များကို နားမလည်၊ သင်သည် သူ၏နှုတ်ကပတ်တော်များ နောက်ကွယ်မှ အကြောင်းအရာကို နားမလည်ဟု ယင်းက ဆိုလိုသည်။ ဤအရာကို သင်နားမလည်ပါက၊ သမ္မာတရားကို သင်မည်သို့ ရရှိနိုင်မည်နည်း။ သမ္မာတရားကို ရရှိခြင်းဆိုသည်မှာ သူပြောကြားသည့် နှုတ်ကပတ်တော်တိုင်းမှတစ်ဆင့် ဘုရားသခင်၏ ရည်ရွယ်ချက်ကို နားလည်ခြင်း ဖြစ်သည်။ ယင်းက ဘုရားသခင်၏ နှုတ်ကပတ်တော်များကို သင် အသက်ရှင်နေထိုင်နိုင်ပြီး ထိုနှုတ်ကပတ်တော်များသည် သင်၏ လက်တွေ့အရှိတရား ဖြစ်လာစေနိုင်ဖို့အလို့ငှာ၊ ဘုရားသခင်၏ နှုတ်ကပတ်တော်များကို သင် နားလည် ပြီးသည်နှင့်တစ်ပြိုင်နက် ထိုနှုတ်ကပတ်တော်များကို သင် လက်တွေ့လုပ်ဆောင်နိုင်သည်ကို ဆိုလိုခြင်းဖြစ်ပေသည်။ သင်၌ ဘုရားသခင်၏ နှုတ်ကပတ်တော်ကို အကုန်အစင်နားလည်ခြင်းတစ်ခု ရှိသည့်အခါမှသာလျှင် သမ္မာတရားကို သင် အမှန်တကယ် နားလည်သဘောပေါက်နိုင်မည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရား၏ လက်တွေ့အရှိတရား ရှိသူများသာလျှင် ဦးဆောင်လမ်းပြနိုင်သည်” မှ

ဘုရားသခင်၏နှုတ်ကပတ်တော်များ၏ စစ်မှန်သော နားလည်မှုရလာခြင်းသည် ရိုးရှင်းသောကိစ္စ မဟုတ်ပေ။ ဤသို့ မထင်လေနှင့်- “ငါသည် ဘုရားသခင်၏နှုတ်ကပတ်တော်၏ တိုက်ရိုက် အဓိပ္ပာယ်ကို အနက်ပြန်နိုင်ပြီး အယောက်တိုင်းက ငါ၏ အနက်ပြန်ခြင်းသည် ကောင်းသည်ဟုဆိုကာ၊ ငါ့ကို လက်မထောင်ပြကြသည်၊ ထို့ကြောင့် ဤသည်မှာ ဘုရားသခင်၏ နှုတ်ကပတ်တော်များကို ငါနားလည်သည်ဟု ဆိုလိုသည်။” ယင်းမှာ ဘုရားသခင်၏ နှုတ်ကပတ်တော်များကို နားလည်ခြင်းနှင့် မတူညီပေ။ သင်သည် ဘုရားသခင်၏ မိန့်မြွက်ချက်များအတွင်းမှ အလင်းတစ်ချို့ကို ရခဲ့ပြီး သူ၏နှုတ်ကပတ်တော်များ၏ စစ်မှန်သည့် အဓိပ္ပာယ်နှင့်သက်ဆိုင်သော အသိစိတ်တစ်ခုကို သင် ရရှိပြီးဖြစ်ပါက၊ ပြီးလျှင် သူ၏ နှုတ်ကပတ်တော်များ နောက်ကွယ်က ရည်ရွယ်ချက်နှင့် နောက်ဆုံးတွင် မည်သည့်အကျိုးများ ၎င်းတို့ ရရှိမည်ကို သင်ဖော်ပြနိုင်ပါက၊ ဤအရာအားလုံးနှင့်ဆိုင်သည့် ရှင်းလင်းသော သိနားလည်မှု သင် ရှိသည်နှင့်တစ်ပြိုင်နက်၊ သင်သည် ဘုရားသခင်၏ နှုတ်ကပတ်တော်များကို သိနားလည်ခြင်းနှင့်သက်ဆိုင်သည့် အဆင့်တစ်ခု သင်ရှိသည်ဟု ယူဆနိုင်၏။ ထို့ကြောင့်၊ ဘုရားသခင်၏နှုတ်ကပတ်တော်များကို နားလည်ခြင်းသည် ဤမျှ လုံးဝမရိုးရှင်းပေ။ သင်သည် ဘုရားသခင်၏ နှုတ်ကပတ်တော်များ၏ တိုက်ရိုက်အဓိပ္ပာယ်ကို ဝေဝေဆာဆာ ရှင်းပြချက်ပေးနိုင်သောကြောင့်သာ သင်သည် ၎င်းတို့ကို နားလည်သည်ဟု မဆိုလိုပေ။ သင်သည် ၎င်းတို့၏ တိုက်ရိုက် အဓိပ္ပာယ်ကို မည်မျှ ရှင်းပြနိုင်စေကာမူ သင်၏ ရှင်းပြချက်သည် လူသား၏ စိတ်ကူးစိတ်သန်းနှင့် တွေးခေါ်ပုံပေါ် အခြေခံဆဲ ဖြစ်သည်။ ယင်းမှာ အချည်းနှီးဖြစ်၏။ ဘုရားသခင်၏ နှုတ်ကပတ်တော်များကို သင် မည်သို့ နားလည်နိုင်သနည်း။ အဓိကသော့ချက်မှာ ထိုနှုတ်ကပတ်တော်များ အတွင်းမှနေ၍ သမ္မာတရားကို ရှာဖွေဖို့ ဖြစ်သည်။ ထိုသို့သော နည်းလမ်းဖြင့်သာ သူပြောသည့်အရာကို သင် အမှန်တကယ် နားလည်နိုင်ပေသည်။ ဘုရားသခင် စကားပြောဆိုသည့်အချိန်တိုင်းတွင်၊ သူသည် အကြမ်းဖျင်းသဘောမျှဖြင့် ဧကန်မုချ မပြောဆိုပေ။ သူ မိန့်မြွက်သည့် ၀ါကျအသီးသီး၌ ဘုရားသခင်၏ နှုတ်ကပတ်တော်များ၌ နောက်ထပ် ထုတ်ဖော်ပြဖို့ သေချာသည့် အသေးစိတ်အချက်များ ပါရှိပြီး၊ ၎င်းတို့ကို ကွဲပြားစွာ ဖော်ပြကောင်း ဖော်ပြနိုင်ပေသည်။ သမ္မာတရားကို ဘုရားသခင် ထုတ်ဖော်ပြသည့် နည်းလမ်းများကို လူသားသည် နားလည်သဘောပေါက်နိုင်ခြင်း မရှိပေ။ ဘုရားသခင်၏ မိန့်မြွက်ချက်များသည် အလွန်နက်နဲကြပြီး လူသား စဉ်းစားသည့် နည်းလမ်းဖြင့် နားလည်သဘောပေါက်၍ မရနိုင်။ လူတို့သည် ၎င်းတို့ အားထုတ်မှု ပြုသရွေ့၊ သမ္မာတရား ရှုထောင့်တိုင်း၏ အလုံးစုံသော အဓိပ္ပာယ်ကို ရှာတွေ့နိုင်ပေသည်။ ဤအရာကို သင် လုပ်ဆောင်ပါက၊ ၎င်းတို့ကို သင် တွေ့ကြုံသည်နှင့်အမျှ၊ သန့်ရှင်းသော ဝိညာဉ်တော်က သင့်ကို ဉာဏ်အလင်းပေးသည်နှင့်အညီ ကျန်ရှိသည့် အသေးစိတ်အချက်အလက်များကို လုံးဝ ပြည့်ပြည့်စုံစုံ အသိပေးလိမ့်မည်ဖြစ်ကာ၊ ထိုသို့ဖြင့် ဤခိုင်လုံသော အခြေအနေများနှင့်သက်ဆိုင်သည့် သိနားလည်မှုတစ်ခုကို သင့်အား ပေးနေပေမည်။ တစ်ပိုင်းမှာ ၎င်းတို့ကို ဖတ်ရှုခြင်းမှတစ်ဆင့် ဘုရားသခင်၏ နှုတ်ကပတ်တော်များကို သိနားလည်ခြင်းနှင့် ၎င်းတို့၏ တိကျသော ပါဝင်သည့်အကြောင်းအရာကို ရှာဖွေခြင်းဖြစ်သည်။ နောက်တစ်ပိုင်းမှာ ဘုရားသခင်၏ နှုတ်ကပတ်တော်များကို တွေ့ကြုံခြင်းမှတစ်ဆင့် ၎င်းတို့၏ အဓိပ္ပာယ်များကို သိနားလည်ခြင်းနှင့် သန့်ရှင်းသော ဝိညာဉ်တော်ထံမှ ဉာဏ်အလင်းပေးခြင်းကို ရရှိခြင်း ဖြစ်သည်။ ဘုရားသခင်၏ နှုတ်ကပတ်တော်များနှင့်ဆိုင်သည့် စစ်မှန်သော သိနားလည်မှုကို ရရှိသည်မှာ အဓိက ဤနည်းလမ်းနှစ်ခုအားဖြင့် ဖြစ်သည်။ အကယ်၍ သင်သည် သူ၏ နှုတ်ကပတ်တော်များကို တိုက်ရိုက် သို့မဟုတ် သင်၏ကိုယ်ပိုင် အတွေးအခေါ် သို့မဟုတ် စိတ်ကူးစိတ်သန်း၏ မှန်ဘီလူးမှတစ်ဆင့် အနက်ပြန်ပါက၊ သင်သည် ၎င်းတို့ကို မည်မျှပင် အပြောကောင်းကောင်းဖြင့် အနက်ပြန်နိုင်ပါစေ၊ ဘုရားနှုတ်ကပတ်တော်များနှင့် သက်ဆိုင်သော သင်၏သိနားလည်မှုသည် အစစ်အမှန် မဟုတ်ပေ။ သင်သည် ဆက်စပ်အကြောင်းအရာ မပါဘဲ ၎င်းတို့အား အဓိပ္ပာယ်ကောက်ယူကောင်း ယူနိုင်ပြီး တလွဲအနက်ပြန်ကောင်း ပြန်နိုင်ကာ၊ ထိုသို့ လုပ်ဆောင်ခြင်းသည် ပို၍ပင် ဒုက္ခဖြစ်စေ၏။ ထို့ကြောင့် ဘုရားသခင်၏ နှုတ်ကပတ်တော်များနှင့် သက်ဆိုင်သော အသိပညာကို ရရှိခြင်းမှတစ်ဆင့် သန့်ရှင်းသောဝိညာဉ်တော်ထံမှ ဉာဏ်အလင်းရရှိခြင်းအားဖြင့် သမ္မာတရားကို အဓိကရရှိပေသည်။ သူ၏နှုတ်ကပတ်တော်ကို တိုက်ရိုက်အဓိပ္ပာယ် သိနားလည်ခြင်း သို့မဟုတ် ၎င်းတို့ကို ရှင်းပြနိုင်ခြင်းအား သမ္မာတရားကို ရရှိပြီးဖြစ်ခြင်းအဖြစ် မမှတ်ယူပေ။ သင်သည် သူ၏နှုတ်ကပတ်တော်များနှင့်ဆိုင်သော တိုက်ရိုက်အဓိပ္ပာယ်ကိုသာ အနက်ပြန်ရန် လိုအပ်ပါက သန့်ရှင်းသောဝိညာဉ်တော်၏ ဉာဏ်အလင်းပေးခြင်းမှာ အဘယ်အကျိုးရှိသနည်း။ ထိုကိစ္စရပ်တွင်၊ သင်သည် ပညာရေးအဆင့် တစ်ရပ်သာ ရှိရန်လိုအပ်ပြီး ပညာမတတ်သူတို့သည် အတန်အသင့် အကျပ်အတည်း ရောက်ကြလိမ့်မည်။ ဘုရားသခင်၏အမှုမှာ လူ့ဦးနှောက်ဖြင့် နားလည်သဘောပေါက်နိုင်သော အရာတစ်ခု မဟုတ်ပေ။ ဘုရားသခင်၏ နှုတ်ကပတ်တော်များနှင့် သက်ဆိုင်သော စစ်မှန်သည့် သိနားလည်မှုသည် သန့်ရှင်းသောဝိညာဉ်တော်ထံမှ ဉာဏ်အလင်းပေးမှု ရှိခြင်းအပေါ် အဓိက မူတည်သည်၊ ယင်းမှာ သမ္မာတရားကို ရရှိသည့်လုပ်ငန်းစဉ် ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း” မှ

ဘုရားသခင်၏နှုတ်ကပတ်တော်များသည် လူများအတွက် မီးပြတိုက် တစ်ခုဖြစ်သည်ဟု အဘယ်ကြောင့်ဆိုထားသနည်း။ အဘယ်ကြောင့်ဆိုသော် ဘုရားသခင်၏နှုတ်ကပတ်တော်များမှာ အချည်းနှီး ပြောထားခြင်း မဟုတ်သောကြောင့်ဖြစ်သည်။ ဘုရားသခင်၏ နှုတ်ကပတ်တော်များသည် အယူအဆတစ်မျိုးမျိုးနှင့် ကြီးကျယ်သော စကားတစ်မျိုးမျိုး မဟုတ်သကဲ့သို့၊ ယင်းတို့သည် အာဘော် တစ်မျိုးမျိုးလည်း မဟုတ်ချေ။ ယင်းတို့သည် သင်တို့ အကောင်အထည် ဖော်ရန်၊ လက်တွေ့ကျင့်သုံးရန်အတွက် ရှိနေခြင်းဖြစ်၏။ ပြဿနာများကို သင် ရင်ဆိုင်ရပြီး မည်သို့လုပ်ရမှန်း မသိသကဲ့သို့၊ လက်တွေ့လုပ်ဆောင်ဖို့အတွက် လမ်းကြောင်းတစ်ခု မရှိသကဲ့သို့၊ သင် လက်တွေ့လိုက်လျှောက်ရန် လမ်းကြောင်းတစ်ခု မရှိသောအခါ၊ ဘုရားသခင်၏နှုတ်ကပတ်တော်များအားဖြင့် ပြုလုပ်ထားသော သတ်မှတ်ချက်များကို သင် စဉ်းစား၏။ ဘုရားသခင်၏ နှုတ်ကပတ်တော်များကို အချိန်ယူစဉ်းစားပြီး သင်သည် ရှေ့ဆက်လမ်းကိုသိကာ ဘုရားနှုတ်ကပတ်တော်များ၏ အဓိပ္ပာယ်ကို နားလည်လိမ့်မည်။ ထိုအခါ သင်သည် ဘုရားသခင်၏အလိုတော်နှင့်အညီ လက်တွေ့လုပ်ဆောင်နိုင်သည်။ ဤနည်းဖြင့် လက်တွေ့လုပ်ဆောင်ခြင်းအားဖြင့် သင်သည် အတည်ပြုချက်ကိုရပြီး ယင်းက သင့်အား ဝိညာဉ်ရေးရာ ငြိမ်းချမ်းခြင်းနှင့် ဝမ်းမြောက်ခြင်းကို ရရှိကြောင်း သင်သိရမည်၊ ဤသည်မှာ အခြားသူများကိုလည်း တည်ဆောက်ပေး၏။ ဘုရားသခင်၏နှုတ်ကပတ်တော်များကို လက်တွေ့ကျင့်သုံးခြင်း ဖြစ်စဉ်၌ သင်သည် ဉာဏ်အလင်းပေးခြင်း အနည်းငယ်ကိုသာမက အတွေ့အကြုံအချို့နှင့် သင်ယူမှု အနည်းငယ်တို့ကိုပါ ရ၏၊ အမှုအရာအချို့တို့ကို သင် သတိပြုမိလာ၏။ ဘုရားသခင်သည် ဤနှုတ်ကပတ်တော်များကို ပြောခြင်းနှင့် လူတို့အား တိကျသောပုံစံဖြင့် လုပ်ဆောင်စေခြင်းအားဖြင့် မည်သည့်အရာကို ဆိုလိုကြောင်း သင် သတိပြုမိလာသည်။ သင်သည် လက်တွေ့လုပ်ဆောင်ခြင်း၏ သက်ဆိုင်သော အခြေခံသဘောတရားများကို ရှာပြီး ဤနှုတ်ကပတ်တော်များကို ဘုရားသခင် မိန့်မြွက်ရခြင်း၏ အကြောင်းရင်းနှင့် အရေးပါမှုကို သိလာမည်ဖြစ်သည်၊ ဤသည်မှာ သမ္မာတရားကို နားလည်ခြင်းဖြစ်၏။ သမ္မာတရားကို သင် နားလည်ပြီးသည်နှင့်တစ်ပြိုင်နက်၊ သင်သည် စိတ်ရှုပ်ထွေးတော့မည် မဟုတ်သကဲ့သို့၊ ပါဝင်လုပ်ဆောင်ဖို့ အခက်ကြုံရမည်လည်း မဟုတ်ချေ။ လက်တွေ့လျှောက်လှမ်းရန် သင်၌လမ်းကြောင်းတစ်ခုရှိလိမ့်မည်။ ဘုရားသခင်၏ နှုတ်ကပတ်တော်များကို လက်တွေ့ကျင့်သုံးရန် လမ်းကြောင်း တစ်ခုရှိခြင်းဆိုသည်မှာ မည်သည့်အရာကို ဆိုလိုသနည်း။ ဘုရားသခင်၏ နှုတ်ကပတ်တော်များ နောက်ကွယ်မှ လက်တွေ့လုပ်ဆောင်ခြင်း အခြေခံသဘောတရားများအား နားလည်ခြင်းကို ဆိုလိုသည်၊ ဘုရားသခင်သည် မည်သည့်အဆင့်ကို ရည်ညွှန်းကြောင်း သင် နားလည်ပြီး မည်ကဲ့သို့ လက်တွေ့လုပ်ဆောင်သင့်ကြောင်းကို သင် သိခြင်းဖြစ်သည်။ ဘုရားသခင်၏နှုတ်ကပတ်တော်များသည် သင့်အတွက် ရိုးရှင်းနိုင်ခြေရှိသော်လည်း အမှန်တွင် ၎င်းတို့မှာ သင် မည်ကဲ့သို့ အသက်ရှင်သင့်ကြောင်း၊ ပြဿနာတစ်ခုကို ရင်ဆိုင်ရသည့်အခါ သင် မည်သည့်အရာကို ပြုသင့်ကြောင်းနှင့် သင် ရင်ဆိုင်ရသော အခက်အခဲများကို မည်ကဲ့သို့ ဖြေရှင်းသင့်ကြောင်း ပြောပြလျက်နေသည်။ ယင်းတို့သည် သမ္မာတရားဖြစ်သည်။ ယင်းတို့သည် သင်၏လမ်းကြောင်း ဖြစ်လာနိုင်ပြီး ပြဿနာများကို ဉာဏ်ပညာ၊ အခြေခံသဘောတရားများနှင့် ချဉ်းကပ်စေပြီး လက်တွေ့လုပ်ဆောင်ရန် လမ်းကြောင်းတစ်ခု ရှိစေသည်။ အကယ်၍ သင်၏တာဝန်ကို ထမ်းဆောင်ရာ၌ သို့မဟုတ် အခြားကိစ္စရပ်များတွင် သင်၌ လိုက်လျှောက်ရမည့် လမ်းကြောင်း တစ်ခုရှိပါက၊ အမှုအရာများကို သင် ကိုင်တွယ်ပုံတွင် သင်၌ အခြေခံသဘောတရားများရှိပြီး ဘုရားသခင်၏အလိုတော်ကို သိပါက၊ သင်သည် သမ္မာတရားကို နားလည်ကြောင်းနှင့် ဘုရားသခင်၏ နှုတ်ကပတ်တော်များကို နားလည်ကြောင်း ဤအရာက ပြသနေခြင်းဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏တာဝန်ကို ကျေပွန်အောင်ထမ်းဆောင်ရာ၌ သင်၏စိတ်နှလုံး၊ ဉာဏ်နှင့် ဝိညာဉ်တို့ကို အသုံးပြုသည့်အခါမှသာ သင်၌လူသားပုံသဏ္ဌာန်ရှိလိမ့်မည်” မှ

ဘုရားနှုတ်ကပတ်တော်များ၏ ပညတ်တရားများကို သင်တို့ သိပြီးဖြစ်သလော။ လူအချို့က ဤသို့ပြောကြသည်။ “ဘုရားသခင်၏ မိန့်မြွက်ချက်တိုင်း၌ အကြောင်းအရာ အမျိုးမျိုး ပါဝင်ပြီး ကျမ်းပိုဒ်တိုင်းနှင့် စာကြောင်းတိုင်းတွင် ကွဲပြားသော အဓိပ္ပာယ်ရှိကြသည်၊ ယင်းက ကျွန်ုပ်တို့အား မှတ်မိရန်နှင့် နားလည်ရန် ခက်ခဲစေသည်။ စာပိုဒ်တစ်ခု၏ ယေဘုယျ စိတ်ကူးကို အနှစ်ချုပ်ဖို့ရန်ပင် မဖြစ်နိုင်ချေ” ဟူ၍ ဖြစ်သည်။ ဘုရားနှုတ်ကပတ်တော်သည် ညံ့ဖျင်းသော အစွမ်းအစ ရှိသည့်သူများ လက်လှမ်းမမီနိုင်လောက်အောင် ဖြစ်သည်။ ယင်းသည် ဝတ္ထုတစ်ပုဒ် မဟုတ်သကဲ့သို့၊ စကားပြေအချို့ သို့မဟုတ် စာပေလက်ရာတစ်ခုလည်း မဟုတ်ချေ။ ယင်းသည် သမ္မာတရားဖြစ်သည်။ ယင်းသည် လူသားကို အသက်ပေးသည့် နှုတ်ကပတ်တော် ဖြစ်သည်။ ယင်းက သင်၏စိတ်ထဲတွင် အချိန်ယူစဉ်းစားခြင်းအားဖြင့် နားလည်နိုင်သည့် အရာတစ်ခု မဟုတ်သကဲ့သို့၊ ယင်း၏ ပညတ်တရားများကို အနည်းငယ်ပို၍ ကြိုးပမ်းအားထုတ်မှုဖြင့် အနှစ်ချုပ်၍ မရနိုင်ပေ။ ထို့ကြောင့် လူတို့သည် မည်သည့်ရှုထောင့်ကို အနည်းငယ် နားလည်သည်ဖြစ်စေ၊ ယင်း၏ စည်းမျဉ်းများအပေါ် စဉ်းစားဉာဏ်အချို့ ရှိသည်ဖြစ်စေ၊ ယင်းသည် တစ်ဖက်သတ် နားလည်မှု၊ အပေါ်ယံမျှဖြစ်သော နားလည်မှု၊ သမုဒ္ဒရာထဲသို့ ရေတစ်ပေါက်သာ ဖြစ်ပြီး ယင်းသည် အခြေခံအားဖြင့် ဘုရားသခင် နဂိုမူလက ရည်ရွယ်ထားသည့်အရာကို လက်လှမ်းမီနိုင်စွမ်းမရှိချေ။ ဘုရားနှုတ်ကပတ်တော် မည်သည့်အပိုဒ်ခွဲမဆိုသည် သမ္မာတရား ရှုထောင့်အချို့ ပါဝင်လိမ့်မည်။ ဥပမာအားဖြင့် ဘုရားသခင်၏ လူ့ဇာတိခံယူခြင်းနှင့်သက်ဆိုင်သည့် နက်နဲမှုအကြောင်း ပြောထားသည့် အပိုဒ်ခွဲတစ်ခုတွင် လူ့ဇာတိခံယူခြင်း၏ အရေးပါမှုနှင့်အတူ လူ့ဇာတိခံယူခြင်းက ပြုသည့် အမှုပါဝင်လိမ့်မည်။ ပြီးလျှင် ယင်းတွင် လူများသည် ဘုရားသခင်ကို မည်သို့ ယုံကြည်သင့်ကြောင်းလည်း ပါဝင်လိမ့်မည် ဖြစ်ပြီး၊ လူများသည် ဘုရားသခင်ကို မည်သို့ နားလည်သင့်ပြီး ချစ်သင့်ကြောင်းလည်း ပါဝင်ကောင်း ပါဝင်နိုင်ပေသည်။ ယင်းတွင် သမ္မာတရား၏ ရှုထောင့်များစွာ ပါဝင်လိမ့်မည်။ သင်၏စိတ်ကူးအရ လူ့ဇာတိခံယူခြင်း၏ အရေးပါမှုသည် ရှုထောင့်အနည်းငယ်သာ ပါဝင်ပြီး၊ စာကြောင်းအနည်းငယ်ဖြင့် ခြုံငုံကောက်ချက်ချနိုင်ပါက၊ လူသားအပေါ် ဘုရားအမှုတော်သည် မည်သည့် ရလဒ်ကို စွမ်းဆောင်ရရှိနိုင်မည်နည်း။ လူများအား ဘုရားသခင်ကို နားလည်စေဖို့အလို့ငှာ လူ့ဇာတိခံယူခြင်း၏ အရေးပါမှုကို နားလည်စေခြင်းဖြစ်သည်။ တစ်စုံတစ်ယောက်သည် ဘုရားသခင်ကို နားလည်ပြီးသည့်နောက်၊ ၎င်းတို့သည် ဘုရားသခင်ကို ကြောက်ရွံ့သော စိတ်နှလုံး အလိုအလျောက် ရှိကြပြီး ယခုအခါ ဤအရာတွင် လူသား၏ လက်တွေ့လုပ်ဆောင်မှု ပါဝင်ပေသည်။ ထို့ကြောင့် ဘုရားနှုတ်ကပတ်တော်များ၏ မည်သည့် ရှုထောင့်မျှဖြစ်စေ၊ သမ္မာတရား၏ မည်သည့် ရှုထောင့်မျှဖြစ်စေ သင်စိတ်ကူးသကဲ့သို့ မရိုးရှင်းပေ။ မည်သည့်မေးခွန်းကိုမဆို ဘုရားနှုတ်ကပတ်တော် တစ်ပိုဒ်ဖြင့် ဖြေဆိုနိုင်သည်ဟု တွေးလျက်၊ ဘုရားနှုတ်ကပတ်တော်နှင့် ဘုရားသဘောသဘာဝ ဘာသာစကားကို ရိုးရှင်းသည့်အရာအဖြစ် သင် သဘောထားပါက၊ ယင်းမှာ သမ္မာတရား မဟုတ်ပေ။ စာပိုဒ်ခွဲတိုင်းတွင် ဘုရားသခင်၏နှုတ်ကပတ်တော်များကို ပြောဆိုထားသည့် ရှုထောင့်အမြင်များစွာ ပါရှိပြီး၊ လူများသည် သူ၏နှုတ်ကပတ်တော်များကို အကျဉ်းချုပ်ဖို့ဖြစ်စေ၊ ပေါင်းရုံးသုံးသပ်ဖို့ဖြစ်စေ မဖြစ်နိုင်ပေ။ သူ၏ နှုတ်ကပတ်တော်များကို သင်တို့ ပေါင်းရုံးသုံးသပ်ပြီးသည့်နောက်၊ ကျမ်းပိုဒ်တစ်ပိုဒ်သည် မေးခွန်းတစ်ခုကို ဖြေဆိုပြီးဖြစ်သည်ဟု သင်တွေးထင်သော်လည်း၊ ဤကျမ်းပိုဒ်သည် အခြားမေးခွန်းများနှင့်လည်း ဆက်နွှယ်ပေသည်။ သမ္မာတရား၏ ရှုထောင့်တိုင်းတွင် အမှုကိစ္စများစွာ ပါဝင်သည်။ သမ္မာတရားသည် အသက်ဖြစ်ကြောင်း၊ ယင်းက လူတို့အဖို့ ပျော်ရွှင်မှုပေးနိုင်ကြောင်း၊ ယင်းကို သက်တမ်းအချို့တစ်လျှောက်ဖြစ်စေ၊ နှစ်ရာပေါင်းအချို့ တစ်လျှောက်ဖြစ်စေ အလုံးစုံ တွေ့ကြုံခံစား၍ မရနိုင်ပေ။ သင်သည် သမ္မာတရားရှုထောင့်အချို့ သို့မဟုတ် ဘုရားနှုတ်ကပတ်တော်များ၏ ကျမ်းပိုဒ်အချို့ကို ပေါင်းရုံးသုံးသပ် ရမည်ဆိုပါစို့၊ သို့ဆိုလျှင် သင်ပေါင်းရုံးသုံးသပ်လိုက်သည့် ကျမ်းပိုဒ်သည် ပုံသေနည်းတစ်ခု၊ စည်းမျဉ်းတစ်ခုနှင့် အယူဝါဒတစ်ခုဖြစ်လာပြီး၊ သမ္မာတရား မဟုတ်ပေ။ အဘယ့်ကြောင့်နည်း။ အကြောင်းမှာ သင်သည် လူများကို လှည့်စားပြီး ၎င်းတို့ကို အယူဝါဒများအား ယုံကြည်အောင် သွေးဆောင်ဖြားယောင်းကာ၊ ၎င်းတို့အား မေးခွန်းများကို တွေးတောစေသည်၊ စိတ်ကူးစေသည်၊ ဆင်ခြင်စေသည်၊ ပြီးလျှင် ထိုကျမ်းပိုဒ်ကို သင်၏အယူအဆများနှင့်အညီ ဖတ်စေသည်။ ထို့နောက်တွင် ၎င်းတို့က မေးခွန်းတစ်ခုကိုသာ မြင်ပြီး အခြား မည်သည့်ရှုထောင့်ကိုမျှ မမြင်ဘဲ၊ ယင်းကို ခေါက်တုံ့ခေါက်ပြန် ဖတ်ရှုကြသည်။ အဆုံး၌ ၎င်းတို့သည် သမ္မာတရားကို မတွေ့ကြုံနိုင်သကဲ့သို့၊ ဘုရားနှုတ်ကပတ်တော်ကိုလည်း မတွေ့ကြုံနိုင်သည့် နေရာတစ်ခု၊ ၎င်းတို့သည် မိမိတို့ကိုယ်ကိုယ် အယူဝါဒများဖြင့်သာ ပြင်ဆင်နိုင်ပြီး အယူဝါဒများကိုသာ ဆွေးနွေးနိုင်သော်လည်း၊ ဘုရားသခင်ကို နားလည်ခြင်း ကင်းမဲ့သည့်နေရာတစ်ခုသို့ ဆိုက်ရောက်ကြမည်ဖြစ်လေသည်။ ၎င်းတို့ ပြောနိုင်သမျှမှာ နားထောင်ကောင်းပြီး မှန်ကန်သည့် အယူဝါဒများ ဖြစ်သော်လည်း ယင်းတို့ထဲ၌ မည်သည့် စစ်မှန်မှုမျှ ရှိမည် မဟုတ်သကဲ့သို့၊ ၎င်းတို့ လျှောက်ဖို့ လမ်းကြောင်းလည်း ရှိမည် မဟုတ်ပေ။ ဤကဲ့သို့ ဦးဆောင်ခြင်းသည် အမှန်တကယ် အကြီးအကျယ်ဆိုးရွားသော အန္တရာယ်ကို ပြုပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရား မရှိပါက ဘုရားသခင်ကို အလွယ်တကူ ပုန်ကန်ပြစ်မှားမိနိုင်သည်” မှ

လူတိုင်းက သမ္မာတရားကို တွေ့ကြုံကြသည်၊ သို့သော် အသီးသီးက မတူညီသော အခြေအနေများအောက်၌ တွေ့ကြုံကြခြင်းဖြစ်ကာ လူတိုင်းက မတူညီသောအရာ တစ်ခုခုကို ရရှိသည်။ သို့ရာတွင် သူတို့၏ အသိပညာကို ပေါင်းစပ်လျှင်ပင် သမ္မာတရားတစ်ခုတည်းကို ရှင်းရှင်းလင်းလင်း ပြောပြနိုင်စွမ်း အပြည့်အဝရှိကြမည် မဟုတ်သေးချေ။ ယင်းမှာ သမ္မာတရား နက်နဲသိမ်မွေ့သည့်ပုံ ဖြစ်သည်။ သင်ရရှိထားသော အရာများနှင့် သင်၏အသိပညာက သမ္မာတရားကို ကိုယ်စားမပြုနိုင်ဟု အဘယ်ကြောင့် ဆိုရသနည်း။ သင်သည် သင်၏အသိပညာကို အခြားသူများအား မိတ်သဟာယပြုပေးလျှင် သူတို့အနေဖြင့် ယင်းကို အပြည့်အဝ တွေ့ကြုံဖို့ နှစ်ရက်၊ သုံးရက်မျှသာ ဆင်ခြင်အာရုံပြုရန် လိုလေသည်။ သို့သော် လူတို့က တစ်သက်တာပတ်လုံး အချိန်ယူလျှင်ပင် သမ္မာတရားကို အပြည့်အဝ မတွေ့ကြုံနိုင်ကြသေးချေ။ အကယ်၍ လူတစ်ဦးစီ တွေ့ကြုံခဲ့သောအရာတို့ကို ပေါင်းစပ်လျှင်ပင် သမ္မာတရားကို အပြည့်အဝ တွေ့ကြုံရမည် မဟုတ်သေးချေ။ သို့ဖြစ်၍ သမ္မာတရားသည် အံ့ဖွယ် နက်နဲသိမ်မွေ့ကြောင်းကို တွေ့မြင်နိုင်သည်။ သမ္မာတရားကို စကားလုံးများဖြင့် အပြည့်အဝ ရှင်းရှင်းလင်းလင်း ပြောပြ၍မရပေ။ လူ့ဘာသာစကားဖြင့်ဆိုလျှင် သမ္မာတရားသည် လူသားမျိုးနွယ်၏ စစ်မှန်သောအဖြစ်အနေ ဖြစ်သည်။ လူသားက သမ္မာတရားကို မည်သည့်အခါမျှ အပြည့်အဝ တွေ့ကြုံနိုင်မည် မဟုတ်ပေ။ လူသားသည် သမ္မာတရားအားဖြင့် အသက်ရှင်သင့်သည်။ သမ္မာတရားတစ်ခုသည် လူသားမျိုးနွယ်တစ်ရပ်လုံး၏ တည်ရှိမှုကို နှစ်ထောင်ချီအချို့ကြာအောင် တည်တံ့စေနိုင်သည်။

သမ္မာတရားသည် ဘုရားသခင်ကိုယ်တော်တိုင်၏ အသက် ဖြစ်၏။ ယင်းသည် သူ၏စိတ်သဘောထား၊ သူ၏ အနှစ်သာရနှင့် သူ့အထဲက ခပ်သိမ်းသောအရာတို့ကို ကိုယ်စားပြုသည်။ အတွေ့အကြုံအနည်းငယ် ရှိခြင်းသည် သမ္မာတရား ပိုင်ဆိုင်ခြင်း ဖြစ်သည်ဟု သင်ဆိုပါက၊ သင်သည် ဘုရားသခင်၏ စိတ်သဘောထားကို ကိုယ်စားပြုနိုင်သလော။ သင့်အနေဖြင့် သမ္မာတရား၏ ရှုထောင့်တစ်ခုခု သို့မဟုတ် တစ်ဘက်ဘက်နှင့် ဆိုင်သည့် အတွေ့အကြုံ သို့မဟုတ် အလင်းတစ်စုံတစ်ရာ ရှိကောင်း ရှိနိုင်သော်လည်း၊ အခြားသူများကို ထိုအရာဖြင့် သင် အစဉ်အမြဲ မထောက်ပံ့ပေးနိုင်ပေ၊ ထို့ကြောင့် သင် ရရှိပြီးဖြစ်သည့် ဤအလင်းသည် သမ္မာတရားမဟုတ်ပေ။ ယင်းမှာ လူတို့ လက်လှမ်းမီနိုင်သည့် အဆင့်တစ်ခုမျှသာ ဖြစ်သည်။ ယင်းသည် လူတစ်ဦး ပိုင်ဆိုင်သင့်သည့် သင့်တော်သော အတွေ့အကြုံနှင့် သင့်တော်သော သိနားလည်မှု သက်သက်ဖြစ်သည်- သမ္မာတရားနှင့်ဆိုင်သည့် တကယ့်အတွေ့အကြုံနှင့် အသိပညာတစ်ချို့ ဖြစ်သည်။ ဤအလင်း၊ ဉာဏ်အလင်းပေးခြင်းနှင့် အတွေ့အကြုံနှင့်ဆိုင်သော သိနားလည်ခြင်းတို့သည် မည်သည့်အခါမျှ သမ္မာတရားကို အစားမထိုးနိုင်ပေ။ လူအားလုံးသည် ဤသမ္မာတရားကို လုံးလုံးလျားလျား တွေ့ကြုံခဲ့ရပြီး ၎င်းတို့၏ အတွေ့အကြုံနှင့်ဆိုင်သော သိနားလည်မှုအားလုံးကို အတူတကွစုပေါင်းခဲ့လျှင်ပင်၊ ယင်းသည် ထိုသမ္မာတရားတစ်ခု၏ နေရာကို ယူနိုင်လိမ့်ဦးမည် မဟုတ်။ အတိတ်က ပြောခဲ့ပြီးသည်နှင့်အညီ၊ “ငါသည် လူ့လောကအတွက် ဤအရာကို ဆိုရိုးတစ်ခုနှင့် အကျဉ်းချုပ်မည်- လူသားတို့အကြားတွင် ငါ့ကို ချစ်သောသူ တစ်ယောက်မျှမရှိပေ။” ဤသည်မှာ သမ္မာတရား၏ထွက်ဆိုချက် ဖြစ်၏၊ ယင်းသည် အသက်၏ စစ်မှန်သောအနှစ်သာရ ဖြစ်သည်။ ဤသည်မှာ အမှုအရာများထဲမှ အလေးနက်ဆုံးအရာ ဖြစ်သည်။ ဤသည်မှာ ဘုရားသခင်ကိုယ်တော်တိုင်၏ ဖော်ပြချက်တစ်ခု ဖြစ်သည်။ သင်သည် ထိုအရာကို ဆက်လက် တွေ့ကြုံခံစားနိုင်ပြီး သုံးနှစ်ကြာ သင် ကြုံတွေ့ခံစားပါက သင်၌ ထိုအရာနှင့် သက်ဆိုင်သော အပေါ်ယံ သိနားလည်မှုတစ်ခု ရှိလိမ့်မည်။ သင်သည် ထိုအရာကို ခုနှစ်နှစ် သို့မဟုတ် ရှစ်နှစ်ကြာ ကြုံတွေ့ပါက ထိုအရာနှင့် သက်ဆိုင်သည့် သိနားလည်မှု သင် သာ၍ရရှိလိမ့်မည်၊ သို့သော် သင်ရရှိသည့် မည်သည့် သိနားလည်မှုမဆိုသည် သမ္မာတရား၏ထွက်ဆိုချက်တစ်ခုကို ဘယ်သောအခါမျှ အစားထိုးနိုင်လိမ့်မည် မဟုတ်ပေ။ ထိုအရာကို နှစ်အနည်းငယ် တွေ့ကြုံပြီးနောက်၊ အခြားလူတစ်ဦးသည် သိနားလည်မှုအနည်းငယ်မျှ ရရှိကောင်း ရရှိလိမ့်မည်၊ ထို့နောက် ထိုအရာကို ဆယ်နှစ်ကြာ ကြုံတွေ့ပြီးနောက် အနည်းငယ် သာ၍ နက်နဲသော သိနားလည်မှု ရရှိလိမ့်မည်ဖြစ်ပြီး၊ ထို့နောက် တစ်သက်တာ တွေ့ကြုံပြီးနောက်တွင် နောက်ထပ် သိနားလည်မှုအချို့ကို ရရှိကြလိမ့်မည်၊ သို့သော် သင်တို့ ရရှိသည့် သိနားလည်မှုကို သင်တို့နှစ်ဦးလုံးက ပေါင်းစပ်ပါက၊ ထိုအခါတွင်ပင် သင်တို့နှစ်ဦးစလုံး၌ နားလည်မှုမည်မျှ၊ အတွေ့အကြုံမည်မျှ၊ ထိုးထွင်းသိမြင်မှုမည်မျှ၊ အလင်းမည်မျှ၊ သို့မဟုတ် ပုံသက်သေမည်မျှ ပိုင်ဆိုင်ပါစေ- ထိုအရာအားလုံးသည် သမ္မာတရား၏ ယင်းထွက်ဆိုချက်တစ်ခုကို အစားမထိုးနိုင်သေးပေ။ တစ်နည်းဆိုရလျှင်၊ လူသား၏ဘဝသည် အစဉ်အမြဲပင် လူသား၏ဘဝသာ ဖြစ်လိမ့်မည်ဖြစ်ပြီး၊ သင်၏ နားလည်သဘောပေါက်ခြင်းသည် သမ္မာတရား၊ ဘုရားသခင်၏ ရည်ရွယ်ချက်များ၊ သူ၏ သတ်မှတ်ချက်များနှင့် မည်မျှပင် ကိုက်ညီနိုင်ပါစေ၊ ယင်းသည် မည်သည့်အခါမျှ သမ္မာတရားအတွက် အစားထိုးနိုင်မည် မဟုတ်ဟု ငါဆိုလို၏။ သမ္မာတရားကို လူတို့ ရရှိပြီဟုဆိုခြင်းမှာ လက်တွေ့အရှိတရားအချို့ကို ၎င်းတို့ ပိုင်ဆိုင်သည်၊ သမ္မာတရားနှင့်သက်ဆိုင်သော သိနားလည်မှုအချို့ ၎င်းတို့ ရရှိပြီ၊ ၎င်းတို့သည် ဘုရားသခင်၏ နှုတ်ကပတ်တော်များထဲသို့ စစ်မှန်သော ဝင်ရောက်မှုအချို့ ရရှိပြီ၊ ၎င်းတို့နှင့်ပတ်သက်၍ စစ်မှန်သောအတွေ့အကြုံအချို့ ၎င်းတို့ ရှိကြပြီး၊ ဘုရားသခင်၌ ၎င်းတို့၏ယုံကြည်ခြင်းသည် လမ်းမှန်ပေါ်၌ ရှိသည်ကို ဆိုလိုသည်။ ဘုရားသခင်ထံမှ ထွက်ဆိုချက်တစ်ခုမျှသည် လူတစ်ဦးအတွက် တစ်သက်တာလုံး ကြုံတွေ့ရန် လုံလောက်ပေသည်၊ လူတို့သည် ထိုအရာကို အသက်တာများစွာ သို့မဟုတ် ထောင်စုနှစ်ပေါင်း များစွာပင် အတွေ့အကြုံရမည် ဆိုလျှင်ပင်၊ ၎င်းတို့သည် သမ္မာတရားတစ်ခုကို လုံးဝနှင့် စေ့စေ့စပ်စပ် ကြုံတွေ့နိုင်လိမ့်ဦးမည် မဟုတ်ပေ။ လူတို့သည် အပေါ်ယံ နှုတ်ကပတ်တော်အနည်းငယ်ကို နားလည်ရုံမျှ နားလည်ကြသော်လည်း၊ သမ္မာတရားကို ရရှိပြီးဖြစ်သည်ဟု ၎င်းတို့ အခိုင်အမာဆိုကြပါက၊ ယင်းသည် လုံးဝ အကြွင်းမဲ့ အဓိပ္ပာယ်မရှိသောစကား ဖြစ်မည်မဟုတ်လော။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားဆိုသည်မှာ အမှန်တကယ် မည်သည့်အရာဖြစ်ကြောင်း သင် သိသလော။” မှ

ဘုရားသခင်၏အလုပ်နှင့်နှုတ်ကပတ်တော်တို့သည် သင်တို့၏ စိတ်သဘောထား၌ အပြောင်းအလဲတစ်ရပ် ဖြစ်စေရန် ရည်ရွယ်သည်။ ကိုယ်တော်၏ပန်းတိုင်သည် သင်တို့အား ဘုရား၏အလုပ်နှင့် နှုတ်ကပတ်တော်ကို နားလည်စေရန် သို့မဟုတ် သိရှိစေရန်သက်သက် မဟုတ်ပေ။ ယင်းသည် မလုံလောက်ပေ။ သင်သည်နားလည်နိုင်စွမ်းရှိသူ ဖြစ်သဖြင့် ဘုရားသခင်၏ နှုတ်ကပတ်တော်ကို နားလည်ရန် အခက်အခဲ မရှိသင့်ပေ၊ အဘယ်ကြောင့်ဆိုသော် ဘုရားသခင်၏ နှုတ်ကပတ်တော် အများစုကို လူ့ဘာသာစကားဖြင့် ရေးသားထားသည့်အပြင် ကိုယ်တော်သည် အင်မတန်ရိုးရှင်းစွာ စကားပြောသောကြောင့် ဖြစ်သည်။ ဥပမာ ဘုရားသခင်က သင့်အား မည်သည့်အရာကို နားလည်စေချင်ပြီး လက်တွေ့လုပ်ဆောင်စေချင်သည်ကို သင်သည် ကောင်းမွန်စွာ သင်ယူနိုင်စွမ်းရှိသည်။ ဤသည်မှာ နားလည်နိုင်စွမ်းရှိသော သာမန်လူတစ်ယောက် တတ်နိုင်သည့် အရာပင်တည်း။ အထူးသဖြင့် ယခုအဆင့်တွင် ဘုရားသခင် မြွက်ဟနေသည့် နှုတ်ကပတ်တော်များသည် ထူးခြားစွာ ရှင်းလင်းလွယ်ကူနေသည်။ ထို့အပြင် ဘုရားသခင်သည် လူများမစဉ်းစားမိသော အရာများစွာနှင့် လူသား၏ အခြေအနေ အမျိုးမျိုးတို့ကို ထောက်ပြနေသည်။ ကိုယ်တော်၏ နှုတ်ကပတ်တော်များသည် အလုံးစုံကို ခြုံငုံမိကာ လပြည့်ဝန်း၏အလင်းရောင်ပမာ ကြည်လင်နေပေသည်။ သို့ဖြစ်၍ ယခုလူများသည် အကြောင်းအရာများစွာကို နားလည်ကြ သော်ငြားလည်း၊ လိုအပ်နေဆဲဖြစ်သည့် အရာတစ်ခုမှာ ဘုရားသခင်၏ နှုတ်ကပတ်တော်ကို လက်တွေ့လုပ်ဆောင်ရန် ဖြစ်သည်။ လူများသည် သူတို့ရရှိနိုင်ရန် ပြုထားသော မည်သည့်အရာကိုမဆို ခံယူရန်သက်သက် စောင့်စားနေမည့်အစား သမ္မာတရား၏ လက္ခဏာသွင်ပြင် အလုံးစုံကို မိမိကိုယ်တိုင် အသေးစိတ်ခံစားရမည်။ ပိုပြီးအသေးစိတ် စူးစမ်းရှာဖွေရမည်။ ဤသို့မဟုတ်ပါက သူတို့သည် ကပ်ပါးကောင်များထက် အနည်းငယ် သာရုံသာ ရှိလိမ့်မည်။ သူတို့သည် ဘုရားသခင်၏ နှုတ်ကပတ်တော်ကို သိသည့်တိုင် ယင်းကို လက်တွေ့လုပ်ဆောင်ခြင်း မရှိ။ ထိုကဲ့သို့သော လူစားသည် သမ္မာတရားကို မချစ်ခင်ဘဲ ၎င်းကို အဆုံးတွင် ဖယ်ရှားပေမည်။ ၁၉၉၀ဝန်းကျင်၏ ပေတရုတစ်ယောက်ကဲ့သို့ ဖြစ်ရန် သင်တို့ တစ်ဦးချင်းစီသည် ဘုရားသခင်၏ နှုတ်ကပတ်တော်ကို လက်တွေ့လုပ်ဆောင်သင့်ကာ သင်တို့၏တွေ့ကြုံမှုများထဲ မှန်ကန်သော ဝင်ရောက်မှု ရှိသင့်ပြီး ဘုရားသခင်နှင့်သင်၏ ပူးပေါင်းဆောင်ရွက်မှုထဲ ဉာဏ်အလင်းပွင့်မှုကို ပိုများများ ရယူသင့်သည်။ ယင်းသည် သင်တို့ကိုယ်တိုင်၏ ဘဝထဲ ထာဝရတိုးပွားလာမည့် အထောက်အပံ့ပင်ဖြစ်သည်။ သင်တို့သည် ဘုရားသခင်၏ နှုတ်ကပတ်တော် အများအပြားကို ဖတ်ရှု လေ့လာပြီးသော်လည်း စာသားများ၏ အဓိပ္ပာယ်ကို နားလည်ရုံရှိပြီး သင်တို့၏ လက်တွေ့အတွေ့အကြုံများတွင် ဘုရားသခင်၏ နှုတ်ကပတ်တော်ကို တိုက်ရိုက်သိခြင်းကင်းမဲ့ပါက၊ သင်တို့သည် ဘုရားသခင်၏ နှုတ်ကပတ်တော်ကို သိမည်မဟုတ်ပေ။ သင်နှင့်ပတ်သက်၍ ဘုရားသခင်၏ နှုတ်ကပတ်တော်သည် အသက် မဟုတ်ဘဲ၊ အသက်ကင်းမဲ့သော ကျမ်းဟောင်းတရားများသာ ဖြစ်ပေလိမ့်မည်။ သင်သည်အသက်မဲ့သော ကျမ်းဟောင်း တရားများကိုသာ လိုက်နာပါက၊ သင်သည် ဘုရားသခင်၏ နှုတ်ကပတ်တော်၏ အနှစ်သာရကို နားလည်သဘောပေါက်နိုင်မည် မဟုတ်သကဲ့သို့ ဘုရားသခင်၏အလိုတော်ကိုလည်း သင်နားလည်မည် မဟုတ်ပေ။ ကိုယ်တော်၏ နှုတ်ကပတ်တော်တို့ကို သင်၏ လက်တွေ့အတွေ့အကြုံများတွင် ကြုံတွေ့သည့် အခါမှသာလျှင် ဘုရားသခင်၏ နှုတ်ကပတ်တော်၏ ဝိညာဉ်ဆိုင်ရာ အဓိပ္ပာယ်သည် မိမိကိုယ်ကိုယ် သင့်အား ဖွင့်ပြပေးမည်ဖြစ်ပြီး၊ အတွေ့အကြုံမှသာ သင်သည် သမ္မာတရားများစွာ၏ ဝိညာဉ်ဆိုင်ရာအဓိပ္ပာယ်ကို သဘောပေါက်ပြီး ဘုရားသခင်၏ နှုတ်ကပတ်တော်၏ နက်နဲရာတို့ကို သိမြင်နိုင်ပေမည်။ သင်သည် ၎င်းကို လက်တွေ့ကျင့်သုံးခြင်း မပြုလျှင် ကိုယ်တော်၏ နှုတ်ကပတ်တော်သည် မည်မျှပင် ရှင်းလင်းစေကာမူ သင် နားလည်သဘောပေါက်သည့်အရာမှာ သင့်အတွက် ဘာသာရေး လုပ်ထုံးလုပ်နည်း ဖြစ်လာခဲ့သည့် အဓိပ္ပာယ်မဲ့သော ကျမ်းဟောင်းတရားများနှင့် အယူဝါဒများသာ ဖြစ်ပေသည်။ ယင်းသည် ဖာရိရှဲတို့လုပ်ကိုင်ခဲ့သည့်အရာ မဟုတ်လော။ သင်တို့သည် ဘုရားသခင်၏ နှုတ်ကပတ်တော်ကို လက်တွေ့ကျင့်သုံးပြီး တွေ့ကြုံခံစားပါက ယင်းသည် သင့်အတွက် လက်တွေ့ကျလာလိမ့်မည်။ သင်သည် လက်တွေ့ကျင့်သုံးရန် မကြိုးစားပါက ဘုရားသခင်၏ နှုတ်ကပတ်တော်သည် သင့်အတွက် တတိယမိုးကောင်းကင် ပုံပြင်ထက် အနည်းငယ် သာရုံသာ ရှိပေလိမ့်မည်။ အမှန်အားဖြင့် ဘုရားသခင်ကို ယုံကြည်ခြင်း ဖြစ်စဉ်သည် ကိုယ်တော်၏ နှုတ်ကပတ်တော်ကို သင်တို့ကြုံတွေ့ပြီး ကိုယ်တော်၏ ရယူခြင်းကို ခံရခြင်း၊ သို့မဟုတ် ပို၍ရှင်းလင်းအောင် ဆိုရလျှင် ဘုရားသခင်ကို ယုံကြည်ခြင်းသည် ကိုယ်တော်၏ နှုတ်ကပတ်တော်ကို သိရှိနားလည်ပြီး ကိုယ်တော်၏ နှုတ်ကပတ်တော်ကို ကြုံတွေ့ပြီး အသက်ရှင်နေထိုင်ခြင်း ဖြစ်သည်။ ယင်းသည် သင်တို့၏ ဘုရားသခင်ကို ယုံကြည်ခြင်း နောက်ကွယ်မှ အမှန်တရားဖြစ်သည်။ သင်တို့သည် ဘုရားသခင်ကို ယုံကြည်ပြီး ထာဝရအသက်ကို မျှော်လင့်ပါလျက် ဘုရားသခင်၏ နှုတ်ကပတ်တော်ကို သင့်အတွင်း၌ ရှိနေသောအရာကဲ့သို့ လက်တွေ့ကျင့်သုံးရန် ကြိုးစားခြင်း မရှိပါက၊ သင်သည် မိုက်မဲသည်။ ယင်းသည် စားသောက်ပွဲကြီးကိုသွားပြီး အစားအစာကို ကြည့်ရုံကြည့်ခဲ့ပြီး အရသာရှိသောအရာများကို တစ်ခုတလေပင် ကိုယ်တိုင်ကိုယ်ကျ မမြည်းစမ်းဘဲ အလွတ်ကျက်မှတ်ခြင်းနှင့် တူသည်။ ထိုကဲ့သို့သော လူစားသည် လူမိုက်တစ်ဦးမဟုတ်သလော။

လူသားတို့ ပိုင်ဆိုင်ရန်လိုအပ်သည့် သမ္မာတရားကို ဘုရားသခင်၏ နှုတ်ကပတ်တော်တွင်တွေ့နိုင်ပြီး၊ ယင်းသည် လူသားမျိုးနွယ်အတွက် အကျိုးကျေးဇူးနှင့် အထောက်အကူ အများဆုံးဖြစ်စေသည့် သမ္မာတရားဖြစ်သည်။ ယင်းမှာ လူသားအနေဖြင့်သူ၏ သာမန်လူ့သဘာဝကို ပြန်လည်ထိန်းသိမ်းရန် အထောက်အကူပြုသော အရာဖြစ်သည့် သင်တို့၏ခန္ဓာကိုယ်က လိုအပ်သော အားဆေးနှင့် အစာအာဟာရ ဖြစ်သည်။ လူသားတွင် ရှိအပ်သော သမ္မာတရားတစ်ရပ် ဖြစ်သည်။ ဘုရားသခင်၏နှုတ်ကပတ်တော်ကို သင်တို့ ကျင့်သုံးလေလေ၊ သင်တို့၏ဘဝ လျင်မြန်စွာ ပွင့်လန်းလာလေဖြစ်ပြီး၊ သမ္မာတရားသည် ရှင်းလင်းလာလေလေ ဖြစ်သည်။ သင်တို့၏ ဝိညာဉ်အသက်တာ ကြီးထွားလာသည်နှင့်အမျှ သင်သည် ဝိညာဉ်လောက၏ အရာများကို သာ၍ရှင်းလင်းစွာ မြင်ပြီး စာတန်အပေါ် တွန်းလှန်ရန် ခွန်အား ရှိလေလေ ဖြစ်လိမ့်မည်။ ဘုရားသခင်၏ နှုတ်ကပတ်တော်ကို သင်တို့ ကျင့်သုံးသည့်အခါ သင်တို့ နားမလည်သော သမ္မာတရား အများအပြားသည် ရှင်းလင်းလာပေလိမ့်မည်။ လူအများစုသည် ဘုရားသခင့် နှုတ်ကပတ်တော်၏ စာသားများကို နားလည်ရုံမျှနှင့် ကျေနပ်ကြပြီး ၎င်းတို့၏ လက်တွေ့ကျင့်သုံးခြင်း အတွေ့အကြုံကို နက်ရှိုင်းစေခြင်းထက် မိမိတို့ကိုယ်ကိုယ် အယူဝါဒများ တပ်ဆင်ထားရန်သာ အလေးထားကြ၏။ သို့ရာတွင် ယင်းမှာ ဖာရိရှဲများ၏ နည်းလမ်းပင် မဟုတ်ပါလော။ ထို့ကြောင့် “ဘုရားသခင်၏ နှုတ်ကပတ်တော်သည် အသက်ဖြစ်သည်” ဟူသော စကားရပ်မှာ သူတို့အတွက် မည်သို့စစ်မှန်နိုင်မည်နည်း။ လူတစ်ဦး၏ အသက်တာသည် ဘုရားသခင်၏ နှုတ်ကပတ်တော်ကို ဖတ်ရုံမျှဖြင့်သာ မကြီးထွားနိုင်ဘဲ၊ ဘုရားသခင်၏ နှုတ်ကပတ်တော်ကို လက်တွေ့ကျင့်သုံးသည့်အခါမှသာ ကြီးထွားလေသည်။ အသက်နှင့် ဝိညာဉ်အသက်တာ ရရှိရန် ဘုရားသခင်၏နှုတ်ကပတ်တော်ကို နားလည်ရန်သာ လိုသည်ဟု သင်ယုံကြည်ပါက၊ သင်၏နားလည်မှုသည် လွဲမှားနေသည်။ သင်သည်သမ္မာတရားကို ကျင့်သုံးသောအခါတွင် ဘုရားသခင်၏ နှုတ်ကပတ်တော်ကို အမှန်တကယ် နားလည်ပြီး၊ “သမ္မာတရားကို ကျင့်သုံးခြင်းဖြင့်သာလျှင် ၎င်းကိုနားလည်နိုင်သည်” ဆိုခြင်းကို သင်နားလည်ရမည်။ ယနေ့တွင် ဘုရားသခင်၏ နှုတ်ကပတ်တော်ကို ဖတ်ရှုပြီးနောက်၊ သင်သည် ဘုရားသခင်၏ နှုတ်ကပတ်တော်ကို သိသည်ဟုသာ ဆိုနိုင်သော်လည်း၊ သင်သည် ၎င်းကိုနားလည်သည်ဟု မဆိုနိုင်ပေ။ အချို့က သမ္မာတရားကို လက်တွေ့ကျင့်သုံးရန် တစ်ခုတည်းသော နည်းလမ်းမှာ ယင်းကိုဦးစွာ နားလည်ခြင်း ဖြစ်သည်ဟု ဆိုသော်လည်း၊ ယင်းမှာ တစ်စိတ်တစ်ပိုင်းသာ မှန်ပြီး၊ လုံးဝတိကျမှု မရှိသည်ကား သေချာပေသည်။ သမ္မာတရားတစ်ရပ်ကို သင်မသိသေးမီတွင်၊ သင်သည် သမ္မာတရားကို မတွေ့ကြုံရသေးပေ။ တရားဒေသနာ တစ်ခုတွင် သင်ကြားရသော အရာကို သင်နားလည်သည်ဟူသော ခံစားချက်မှာ စစ်မှန်စွာနားလည်ခြင်း မဟုတ်ပေ။ ယင်းမှာ သမ္မာတရား၏ တိုက်ရိုက်စကားလုံးများကို ပိုင်ဆိုင်ခြင်းမျှသာ ဖြစ်ပြီး၊ ၎င်းအထဲရှိ စစ်မှန်သည့် အဓိပ္ပာယ်ကို နားလည်ခြင်းနှင့် မတူညီပေ။ သမ္မာတရားကို အပေါ်ယံသာ နားလည်ခြင်းက ယင်းကို သင်အမှန်တကယ် နားလည်သည် သို့မဟုတ် သိသည်ဟု အဓိပ္ပာယ် မသက်ရောက်ပေ။ သမ္မာတရား၏ အဓိပ္ပာယ်အမှန်ကား ယင်းကို တွေ့ကြုံခြင်းမှ လာသည်။ ထို့ကြောင့် သင်သည် သမ္မာတရားကို တွေ့ကြုံမှသာ ယင်းကို သင်နားလည်နိုင်ပြီး၊ ထိုအခါမှသာ ယင်း၏ဖုံးကွယ်နေသည့် အစိတ်အပိုင်းများကို သင် နားလည်သဘောပေါက်နိုင်မည် ဖြစ်သည်။ သင်၏အတွေ့အကြုံကို နက်နဲစေခြင်းကသာ သမ္မာတရား၏ ဂယက်အနက်ကို နားလည်သဘောပေါက်ရန်နှင့် သမ္မာတရား၏ အနှစ်သာရကို နားလည်ရန် တစ်ခုတည်းသော နည်းလမ်းဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သမ္မာတရားကိုသင်နားလည်သွားသည်နှင့် သင်သည် ၎င်းကိုလက်တွေ့လုပ်ဆောင်သင့်သည်” မှ

အရှေ့သို့- ၄) ဘုရားသခင်၏ နှုတ်ကပတ်တော်များအပေါ် သဘောထားမှုအခြေခံသဘောတရားများ

နောက်တစ်ခုသို့- ၆) ဘုရားသခင်နှင့်အတူ မိတ်သဟာယပြုခြင်းနှင့်ဆိုင်သည့် အခြေခံသဘောတရားများ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၁၈) ဘုရားသခင်အပေါ် မှီခိုခြင်းနှင့် ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

၃၅) စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

၇) ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်ထဲတွင် ရောက်နေပြီး အခက်အခဲတစ်ခုဖြင့် ရင်ဆိုင်နေရချိန်တွင်၊ ဘုရားသခင်၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်