၆၈။လူတို့ကို ပြုစုပျိုးထောင်ခြင်းနှင့် အသုံးပြုခြင်း အခြေခံသဘောတရားများ

(၁) အရည်အချင်းကောင်းသည့် လူများ၊ သမ္မာတရားကို ချစ်ပြီး တရားမျှတသည့် အသိစိတ်ရှိသည့်လူများကို ခေါင်းဆောင်များနှင့် အလုပ်သမားများအဖြစ် ရွေးကောက်ကာ ပြုစုပျိုးထောင်ဖို့ လိုအပ်သည်။ ထိုသို့ လုပ်ဆောင်ခြင်းသည် အသင်းတော် အလုပ်အတွက် အကျိုးရှိပေသည်။

(၂) ယခင်က အစားထိုးခံရပြီးဖြစ်လျက် စစ်မှန်စွာ နောင်တရပြီး ထို့နောက်တွင် လက်တွေ့ကျသော အလုပ်ကို လုပ်ဆောင်နိုင်စွမ်းရှိသည့် လူတို့ကို ရွေးချယ်နိုင်သည်၊ တစ်ဖန် မြှင့်တင်ပေးကာ အသုံးပြုနိုင်ပေသည်။

(၃) တစ်နှစ် သို့မဟုတ် နှစ်နှစ်ကြာ ယုံကြည်သူသစ်များသည် ကောင်းမွန်သော လူ့သဘာဝနှင့် အရည်အချင်း ရှိသရွေ့၊ သမ္မာတရားကို ချစ်ကာ ဝန်ထုပ်ဝန်ပိုးများကို ယူဆောင်ပြီးဖြစ်သရွေ့၊ ကြိုတင် ပြုစုပျိုးထောင်နိုင်ပြီး အသုံးပြုနိုင်သည်။

(၄) ၎င်းတို့၏ မာနထောလွှားသည့်၊ မိမိကိုယ်ကိုယ် မှန်သည်ဟု မှတ်ယူခြင်းရှိသော်လည်း၊ မဆိုးယုတ်သည့်လူများကို အရည်အချင်းကောင်းရှိပြီး သမ္မာတရားကို လက်ခံနိုင်သရွေ့၊ ပြုစုပျိုးထောင်ကာ အသုံးပြုသင့်သည်။

ဆက်စပ်သော ဘုရားသခင်၏ နှုတ်ကပတ်တော်များ-

စကြဝဠာတစ်လျှောက် သူ၏ အမှုကို စတင်ကတည်းက၊ ဘုရားသခင်သည် လူ့အလွှာတိုင်းမှ လူများအပါအဝင် များစွာသော လူတို့ကို သူ့အား အစေခံဖို့ရန် ကြိုတင်ပြဌာန်းထားပြီး ဖြစ်သည်။ သူ၏ ရည်ရွယ်ချက်မှာ သူ၏ အလိုကို ဖြည့်ဆည်းရန်နှင့် ဤကမ္ဘာမြေကြီးပေါ်ရှိ သူ၏အမှုကို ချောမွေ့စွာ ပြီးစီးစေရန် ဖြစ်သည်။ ဤသည်မှာ လူတို့ကို သူ့အား အစေခံရန် ရွေးချယ်ရာတွင် ဘုရားသခင်၏ ရည်မှန်းချက် ဖြစ်သည်။ ဘုရားသခင်ကို အစေခံသော လူတိုင်းသည် သူ၏ အလိုကို သိနားလည်ရပေမည်။ သူ၏ ဤအမှုသည် ဘုရားသခင်၏ ဉာဏ်ပညာနှင့် အရာခပ်သိမ်းတတ်စွမ်းနိုင်ခြင်း၊ ပြီးလျှင် ကမ္ဘာမြေပေါ်ရှိ သူ၏အမှုနှင့် သက်ဆိုင်သော အခြေခံသဘောတရားများကို လူသားများအား သာ၍ သိသာထင်ရှားစေခဲ့သည်။ လူတို့အနေဖြင့် သူ၏လုပ်ဆောင်ချက်များကို သာ၍ ရှင်းလင်းစွာ မြင်နိုင်ဖို့အလို့ငှာ၊ ဘုရားသခင်သည် သူ၏အမှုကို လုပ်ဆောင်ရန်၊ လူများနှင့် ထိတွေ့မှုရှိရန် ကမ္ဘာမြေသို့ အမှန်တကယ် ကြွဆင်းလာခဲ့သည်။ ယနေ့တွင် ဤလူစုဖြစ်သည့် သင်တို့သည် လက်တွေ့ကျသည့် ဘုရားသခင်ကို အစေခံရသည့်အတွက် ကံကောင်းကြပေသည်။ ဤသည်မှာ သင်တို့အတွက် မရေတွက်နိုင်သော ကောင်းချီးဖြစ်သည်- သင်တို့သည် ဘုရားသခင်၏ ချီးမြှောက်ခြင်းကို အမှန်တကယ်ပင် ခံရကြပေသည်။ သူကို အစေခံရန် လူတစ်ဦးကို ရွေးချယ်ရာတွင်၊ ဘုရားသခင်၌ သူ၏ ကိုယ်ပိုင် အခြေခံသဘောတရားများ အမြဲရှိပေသည်။ ဘုရားသခင်အား အစေခံခြင်းသည် လူများစိတ်ကူးသကဲ့သို့ စိတ်အားထက်သန်မှုနှင့် သက်ဆိုင်သော ကိစ္စရပ်တစ်ခုသက်သက် လုံးဝ မဟုတ်ပေ။ ယနေ့တွင်၊ ဘုရားသခင်၏ ရှေ့မှောက်တွင် သူ့ကို အစေခံသူအားလုံးသည် ထိုသို့ လုပ်ဆောင်ကြသည်မှာ ၎င်းတို့သည် ဘုရားသခင်၏ လမ်းပြမှုနှင့် သန့်ရှင်းသော ဝိညာဉ်တော်၏ လုပ်ဆောင်ချက်တို့ ရှိပြီး ၎င်းတို့သည် သမ္မာတရားကို လိုက်စားသောလူများ ဖြစ်ကြသောကြောင့် ဖြစ်သည်ကို သင်တို့တွေ့ပေသည်။ ဤအရာများသည် ဘုရားသခင်ကို အစေခံသောသူ အားလုံးအတွက် အနည်းဆုံးသော သတ်မှတ်ချက်များ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘာသာရေး အစေခံခြင်းကို သန့်စင်ရမည်” မှ

အသင်းတော်ခေါင်းဆောင်များအနေဖြင့်၊ ပါရမီကို မည်သို့ ရှာဖွေတွေ့ရှိပြီး ပျိုးထောင်ရမည်ကို သင် သိသင့်ပြီး၊ ပါရမီရှိသော လူတို့ကို မနာလိုဝန်တိုခြင်း မဖြစ်သင့်ပေ။ ဤနည်းဖြင့်၊ သင်၏ တာဝန်ကို ကျေနပ်ဖွယ်ရာ ဆောင်ရွက်လိမ့်မည်ဖြစ်ပြီး၊ သင်၏ တာဝန်ဝတ္တရားကို ဖြည့်ဆည်းပြီးပြီ ဖြစ်လိမ့်မည်။ သင်သည် ဆက်ကပ်ဖို့ အစွမ်းကုန် လုပ်ဆောင်ပြီးပြီလည်း ဖြစ်လိမ့်မည်။ လူအချို့သည် သူတို့၏ ထင်ရှားကျော်ကြားမှုကို အခြားသောသူများက ခိုးယူသွားပြီး မိမိတို့ထက်သာလွန်မည်၊ ပြီးလျှင် မိမိတို့ကိုယ်တိုင် မသိကျိုးကျွန်ပြုခံရစဉ်၊ ထိုသူတို့ကအသိအမှတ်ပြုခြင်းကို ရရှိမည်ကို အမြဲစိုးရိမ်ကြ၏။ ဤအရာက သူတို့ကို အခြားသူများအား တိုက်ခိုက်ပြီး ဖယ်ကြဉ်စေသည်။ ဤသည်မှာ မိမိတို့ကိုယ်တိုင်ထက် တတ်စွမ်းနိုင်သူတို့ကို မနာလိုဝန်တိုခြင်း ကိစ္စရပ်တစ်ခု မဟုတ်လော။ ထိုသို့သော အပြုအမူက တစ်ကိုယ်ကောင်းဆန်ပြီး စက်ဆုပ်ဖွယ် ဖြစ်သည် မဟုတ်လော။ ဤသည်မှာ မည်သည့် စိတ်သဘောထားမျိုး ဖြစ်ပါသနည်း။ ယင်းမှာ မလိုတမာစိတ် ဖြစ်၏။ မိမိအတွက်ကိုသာ စဉ်းစားခြင်း၊ မိမိ၏ကိုယ်ပိုင် စိတ်ဆန္ဒများကိုသာ ဖြည့်ဆည်းခြင်းနှင့် အခြားသူများ၏ တာဝန်ဝတ္တရားများအတွက် စာနာထောက်ထားမှု လုံးဝမပြဘဲ မိမိ၏ ကိုယ်ပိုင် အကျိုးများအကြောင်းကိုသာ စဉ်းစားပြီး ဘုရားအိမ်တော်၏ အကျိုးများကို မစဉ်းစားခြင်း- ဤသို့သော လူတို့သည် ဆိုးသော စိတ်သဘောထားတစ်ခု ပိုင်ဆိုင်ပြီး သူတို့အတွက် ဘုရားသခင်တွင် ချစ်ခြင်းမေတ္တာမရှိပါ။ ဘုရားသခင်၏ အလိုတော်ကို သင် အမှန်တကယ် အရေးထားနိုင်စွမ်းရှိပါက၊ အခြားလူတို့ကို မျှမျှတတ သင် ဆက်ဆံနိုင်လိမ့်မည်။ တစ်စုံတစ်ဦးကို သင်၏ ထောက်ခံချက်ပေးပြီး၊ ထိုလူသည် ပါရမီရှိသည့် တစ်ဦးတစ်ယောက်အဖြစ် ဖြစ်ထွန်းလာခဲ့ကာ၊ ထိုသို့အားဖြင့် ဘုရားအိမ်တော်ထဲသို့ ပါရမီရှိသည့် လူတစ်ဦးကို ခေါ်ဆောင်လာခဲ့လျှင်၊ သင်သည် သင်၏ အလုပ်ကို ကောင်းမွန်စွာ လုပ်ဆောင်ပြီးခဲ့လိမ့်မည် မဟုတ်လော။ ထိုသို့ဖြစ်လျှင် သင်သည် သင်၏တာဝန်ကို ဆောင်ရွက်ရာတွင် သစ္စာရှိခဲ့လိမ့်မည် မဟုတ်လော။ ဤသည်မှာ ဘုရားသခင်ရှေ့တွင် ကောင်းမြတ်သော လုပ်ရပ်တစ်ခုဖြစ်ပြီး လူသားများ ပိုင်ဆိုင်သင့်သည့် အသိစိတ်နှင့် ဆင်ခြင်တုံတရားမျိုး ဖြစ်၏။ သမ္မာတရားကို လက်တွေ့လုပ်ဆောင်နိုင်သော သူများသည် အမှုအရာများကို လုပ်ဆောင်နေချိန်တွင် ဘုရားသခင်၏စိစစ်ခြင်းကို လက်ခံနိုင်ကြသည်။ သင်သည် ဘုရားသခင်၏စိစစ်ခြင်းကို လက်ခံသောအခါ၊ သင်၏စိတ်နှလုံးသည် အမြင်မှန်ရစေခြင်း ခံရသည်။ အကယ်၍ သင်သည် အခြားသူများ မြင်စေရန်အတွက်သာ လုပ်ဆောင်ပြီး ဘုရားသခင်၏စိစစ်ခြင်းကို လက်မခံပါက၊ သင်၏စိတ်နှလုံးထဲ၌ ဘုရားသခင် ရှိသေးသလော။ ဤကဲ့သို့သောလူများမှာ ဘုရားသခင်ကို ကြောက်ရွံ့ခြင်း မရှိကြချေ။ သင်၏အကျိုးအတွက်သာ အစဉ်မလုပ်ဆောင်နှင့်၊ ပြီးလျှင် သင်၏ ကိုယ်ပိုင် အကျိုးစီးပွားကို စဉ်ဆက်မပြတ် ထည့်သွင်းမစဉ်းစားနှင့်။ သင်၏ ကိုယ်ပိုင်အဆင့်အတန်း၊ သိက္ခာ၊ သို့မဟုတ် ဂုဏ်သတင်းကို မစဉ်းစားနှင့်။ လူ၏ အကျိုးစီးပွားများကိုလည်း ထည့်သွင်းမစဉ်းစားနှင့်။ သင်သည် ပထမဦးစွာ ဘုရားသခင်၏အိမ်တော်၏အကျိုးများကို စဉ်းစားရမည်ဖြစ်ပြီး ယင်းတို့ကို သင်၏ဦးစားပေးချက် ဖြစ်စေရမည်၊ သင်သည် ဘုရားသခင်၏အလိုတော်ကို အရေးထားသင့်ပြီး၊ သင်၏ တာဝန်ကို ဖြည့်ဆည်းရာတွင် သင်သည် မစင်ကြယ်မှု ရှိခဲ့သည် မရှိခဲ့သည်၊ သစ္စာရှိဖို့ သင် အစွမ်းကုန် လုပ်ဆောင်ပြီးခြင်း ရှိမရှိ၊ သင်၏ တာဝန်များကို ဖြည့်ဆည်းရန် အကောင်းဆုံး သင် လုပ်ဆောင်ပြီး သင်၏အရာအားလုံး ပေးပြီးခြင်း ရှိမရှိဆိုသည်အပြင်၊ သင်၏ တာဝန်နှင့် ဘုရားအိမ်တော်၏ အမှုကို စိတ်နှလုံးအကြွင်းမဲ့ဖြင့် ဆင်ခြင်ခဲ့ခြင်း ရှိမရှိ ဆိုသည်တို့ကို ချင့်ချိန်စဉ်းစားခြင်းဖြင့် အစပြုသင့်သည်။ ဤအရာများကို သင် ထည်သွင်းစဉ်းစားရမည်။ ယင်းတို့ကို မကြာခဏ တွေးလော့၊ ပြီးလျှင် သင်၏တာဝန်ကို ကောင်းစွာ ထမ်းဆောင်ရန် သင့်အတွက် သာ၍ လွယ်ကူလိမ့်မည်။ သင်၏အရည်အချင်း ညံ့ဖျင်းပါက၊ သင်၏အတွေ့အကြုံ ပေါ့တန်ပါက သို့မဟုတ် သင်၏ အသက်မွေးမှု အလုပ်တွင် မကျွမ်းကျင်ပါက၊ သင်၏အလုပ်၌ အမှားအယွင်းများ သို့မဟုတ် အပြစ်အနာအဆာများ အချို့ ရှိကောင်းရှိနိုင်ပြီး၊ ရလဒ်များမှာလည်း အလွန်ကောင်းချင်မှ ကောင်းပေမည်- သို့သော် သင်သည် သင်၏ အကောင်းဆုံး အားထုတ်မှုကို ပေးပြီးဖြစ်ပေလိမ့်မည်။ သင် လုပ်ဆောင်သောအရာများ၌ သင်၏ ကိုယ်ပိုင် တစ်ကိုယ်ကောင်းဆန်သော စိတ်ဆန္ဒများကို စဉ်းစားခြင်းမရှိ သို့မဟုတ် သင်၏အကျိုးကို ထည့်သွင်းစဉ်းစားခြင်း မပြုသကဲ့သို့၊ ထိုသို့ပြုမည့်အစား ဘုရားသခင်၏အိမ်တော်၏ အလုပ်ကို စဉ်ဆက်မပြတ် ထည့်သွင်းစဉ်းစားပြီး၊ ယင်း၏ အကျိုးများကို စဉ်းစားနေကာ၊ သင်၏တာဝန်ကို ကောင်းစွာထမ်းဆောင်သောအခါ၊ သင်သည် ဘုရားသခင်ရှေ့၌ ကောင်းသောအကျင့်များကို စုဆောင်းနေခြင်း ဖြစ်လိမ့်မည်။ ဤကောင်းသော လုပ်ဆောင်ချက်များ ရှိကြသောလူများသည် သမ္မာတရား စစ်မှန်မှုကို ပိုင်ဆိုင်သောသူများ ဖြစ်သည်၊ ထိုသို့ဖြင့် ၎င်းတို့သည် သက်သေခံကြပြီး ဖြစ်သည်။ အကယ်၍ သင်သည် သင်၏တစ်ကိုယ်ကောင်းဆန်သော ဆန္ဒများကိုသာ စဉ်ဆက်မပြတ် ဖြည့်ဆည်းရင်း၊ ဇာတိပကတိအားဖြင့်အမြဲ အသက်ရှင်နေပါက၊ ထိုသို့သော လူများသည် သမ္မာတရား စစ်မှန်မှုကို ပိုင်ဆိုင်ခြင်းမရှိပေ။ ဤသည်မှာ ဘုရားသခင်ကို ဂုဏ်သရေညှိုးခြင်း ဆောင်ကြဉ်းမှု၏ အမှတ်အသားဖြစ်၏။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ

အမှန်တွင် ဘုရားသခင်အိမ်တော်ရှိ လူများစွာအကြား၊ အချို့သည် အထူးကျွမ်းကျင်မှုများရှိကြပြီး အချို့တွင် သေးငယ်သော အမှားတစ်ခုရှိသော်လည်း၊ တာဝန်အချို့ကို ထမ်းဆောင်နိုင်ဆဲ ဖြစ်ကြသည်။ ထိုသူတို့သည် တာဝန်တစ်ခုကို ထမ်းဆောင်ဖို့ သင့်တော်သည်၊ တာဝန်တစ်ခုကို ထမ်းဆောင်သူများအတွက် အခြေခံသဘောတရားများနှင့် ထိုသူတို့ ကိုက်ညီကြသည်၊ သို့သော် အန္တိခရစ်များ၏အမြင်တွင် မည်သို့ရှိသနည်း။ ၎င်းတို့က မည်သည့်အရာကို ယုံကြည်သနည်း။ “ကျွန်ုပ်သည် မိမိကိုယ်ကိုယ် လှည့်စားမည်လော။ သင်သည် ကျွန်ုပ်နှင့်ယှဉ်ပြိုင်ဖို့ ကျွန်ုပ်၏ အဖွဲ့ထဲတွင် အခန်းကဏ္ဍတစ်ခု လိုချင်သည်။ ယင်းမှာ မဖြစ်နိုင်ပေ၊ စဉ်းတောင်မစဉ်းစားလေနှင့်။ သင်သည် ကျွန်ုပ်ထက် သာ၍ တတ်နိုင်စွမ်းသည်၊ ကျွန်ုပ်ထက် သာ၍ ရှင်းလင်းစွာ ပြောဆိုနိုင်သည်၊ ကျွန်ုပ်ထက် သာ၍ ပညာတတ်ပြီး ကျွန်ုပ်ထက် လူကြိုက်များသည်။ ကျွန်ုပ်၏ ထင်ရှားကျော်ကြားမှုနှင့်ဩဇာအာဏာကို သင် လုယူသွားပါက ကျွန်ုပ် မည်သို့လုပ်ရမည်နည်း။ သင်သည် ကျွန်ုပ်အား သင်နှင့်တွဲဖက်၍ အလုပ်လုပ်စေလိုသလော။ စဉ်းတောင်မစဉ်းစားလေနှင့်။” ၎င်းတို့သည် ဘုရားသခင်အိမ်တော်၏ အကျိုးစီးပွားများကို ဆင်ခြင်ထောက်ထားနေခြင်းလော။ မဟုတ်ပေ။ ၎င်းတို့ တွေးတောသမျှ အရာအားလုံးသည် ၎င်းတို့ကိုယ်တိုင်၏ ဂုဏ်ဒြပ်ကို ထိန်းသိမ်းနိုင်ခြင်း ရှိမရှိသာ ဖြစ်သောကြောင့် ၎င်းတို့သည် ဤလူများကို အသုံးပြုခြင်းထက် ဘုရားသခင်အိမ်တော်၏ အကျိုးစီးပွားများကိုသာ ထိခိုက်စေလိမ့်မည်။ ဤသည်မှာ ကြဉ်ထားခြင်း ဖြစ်သည်။ ထို့အပြင် ၎င်းတို့သည် အရည်အချင်းမရှိသည့် ငတုံးများ၊ မကျွမ်းကျင်သောလူများ၊ အမိန့်ပေးရလွယ်သည့်၊ သွေးဆောင်ရန်လွယ်ကူသည့်၊ ပြီးလျှင် မသိနားမလည်သည့် ထိုးထွင်းသိမြင်မှုမရှိသည့်၊ ကိုယ့်ဦးနှောက်နှင့်ကိုယ် မတွေးသည့်၊ သမ္မာတရားကို နားမလည်သည့်သူများကို စည်းရုံးသည်၊ ထိုသူတို့ကိုသာ ၎င်းတို့က စည်းရုံးသည်။ မယုံကြည်သူများတွင် ဆိုးရိုးစကားတစ်ခုရှိသည်- “ကျွန်ုပ်သည် လူပျင်းတစ်ဦး၏ ဘိုးဘေးဖြစ်ရခြင်းထက်၊ ဖြောင့်မှန်သော လူတစ်ဦး၏မြင်းကိုသာ ခေါ်ငင်ပြီး သူ့အတွက် မြင်းကုန်းနှီးမှ ခြေနင်းကွင်းကို ကိုင်ထား ပေးလိုက်မည်။” သို့ရာတွင် အန္တိခရစ်များကမူ ဆန့်ကျင်ဖက် အတိအကျဖြစ်သည်- ၎င်းတို့သည် ဤလူပျင်းများ၏ ဘိုးဘေးဖြစ်မည်။ ဤသည်မှာ မကျွမ်းကျင်ခြင်း၏ သရုပ်သကန် မဟုတ်လော။ ဥပမာအားဖြင့် ၎င်းတို့က မာနမထောင်လွှားသည့်သူ တစ်ဦးနှင့် ပံ့ပိုးပေးနိုင်သည့် သူတစ်ဦးကို ဖော်ပြသည်။ သင်က ဤလူပုဂ္ဂိုလ်သည် သမ္မာတရားကို နားလည်သဘောပေါက်ခြင်းတွင် မည်သို့ရှိသည်ကို ၎င်းတို့အား မေးသည်၊ ၎င်းတို့က “ထိုသူက အသင့်အတင့် ကောင်းမွန်စွာ နားလည်ကြသည်၊ ၎င်းထံတွင် အစွမ်းအစ အနည်းငယ် ရှိသည်။” ဟု ပြောကြသည်။ အမှန်တွင် ၎င်းတို့ ပြောပြသွားခဲ့သည့် ဤလူပုဂ္ဂိုလ်သည် ပြဿနာလေးတစ်ခု ကြုံတွေ့သည့် အချိန်တွင် ပုန်းနေသည်၊ ၎င်း၌ယုံကြည်ခြင်း လုံးဝမရှိပေ။ ထိုသို့သော လူများအလယ်တွင် သမ္မာတရားကို နားမလည်သည့်သူများ၊ ဝိညာဉ်ရေးရာ ကိစ္စများကို နားမလည်သည့်သူများ၊ ကွယ်ရာတွင် အမြဲတမ်း ညည်းညူသည့်သူများနှင့် အမှားများအမြဲ ပြုလုပ်သည့် သူများ ရှိကြသည်။ ထိုသူတို့သည် ငတုံးတစ်သိုက်ဖြစ်ကြသည်၊ အန္တိခရစ်များသည် ၎င်းတို့၏ ဘိုးဘေးများဖြစ်ကြပြီး၊ ထိုသူတို့သည် ၎င်းတို့ စည်းရုံးသည့်လူများဖြစ်သည်။ အန္တိခရစ်များက ဘုရားသခင်အိမ်တော်တွင် “ခေါင်းဆောင်များ” ဖြစ်လာကြသည့်အခါ၊ ဤသူတို့ကို စည်းရုံးနိုင်ဖွယ် ရှိပြီး၊ အကျိုးဆက်အနေဖြင့် ဘုရားသခင်အိမ်တော်၏ အမှုတော်သည် နှောင့်နှေးသည် မဟုတ်လော။ ၎င်းတို့သည် အစွမ်းအစ အနည်းငယ် ရှိသည့်လူများ၊ သမ္မာတရားအနည်းငယ်ကို နားလည်နိုင်သည့်သူများ၊ သမ္မာတရားကို လိုက်စားသည့်သူများ၊ သမ္မာတရား အချို့ကို လက်တွေ့လုပ်ဆောင်သည့်သူများနှင့် ဘုရားသခင်အိမ်တော်၏ အမှုတော်ကို တာဝန်ယူဆောင်ရွက်နိုင်သည့် သူများကို အလေးထားမှု လုံးဝ မရှိကြပေ။ ယင်းမှာ အဘယ့်ကြောင့်နည်း။ ထိုသို့သောလူများသည် ၎င်းတို့၏ ကျွန်များနှင့် နောက်လိုက်များ မည်သည့်အခါမျှ ဖြစ်လာမည် မဟုတ်ပေ၊ ထိုသူတို့သည် ၎င်းတို့၏ထားရာနေ စေရာသွား မည်သည့်အခါမျှ ဖြစ်လိမ့်မည် မဟုတ်သောကြောင့်၊ ၎င်းတို့သည် မိုက်မဲသည့်သူများ၊ ကြောက်တတ်သည့်၊ မသိနားမလည်သည့်၊ ညံ့ဖျင်းသည့်၊ ဉာဏ်ထိုင်းသည့်သူများနှင့် ကိုယ်ပိုင်ဉာဏ်မရှိသည့်သူ တစ်သိုက်ကို စည်းရုံးကြသည်၊ ဤသည်မှာ ၎င်းတို့ စည်းရုံးသည့် အမှိုက်အမျိုးအစား ဖြစ်သည်။ ဤနည်းလမ်းဖြင့် ပြုမူခြင်းသည် ဘုရားသခင်အိမ်တော်၏ အမှုတော်အတွက် အကျိုးဖြစ်ထွန်းစေသလော။ မဖြစ်ထွန်းစေပါ။ ပြီးလျှင် ၎င်းတို့သည် ဤသည်ကို ထည့်သွင်းစဉ်းစားသလော။ ၎င်းတို့သည် မည်သည့်အရာနှင့်ပတ်သက်၍ တွေးနေကြသနည်း။ “ကျွန်ုပ်သည် ကျွန်ုပ်နှင့် အလုပ်လုပ်နိုင်သည့်သူနှင့် သင့်မြတ်နိုင်သည့်သူ မည်သူကိုမဆို၊ ကျွန်ုပ်ကို အရေးပါသည်ဟု ခံစားရစေသည့်သူနှင့် ကျွန်ုပ်၏ တန်ဖိုးကို မီးမောင်းထိုးပြနိုင်သည့်သူ မည်သူကိုမဆို ရှာဖွေနေသည်။” ၎င်းတို့၏စိတ်တူကိုယ်တူလူသိုက်သည် ဝိညာဉ်ရေးရာ ကိစ္စများကို နားမလည်သည့် ငတုံးတစ်သိုက်ဖြစ်ကြသည်။ ၎င်းတို့ ပြဿနာတစ်ခု ကြုံတွေ့သည့်အခါ၊ ၎င်းတို့ထဲမှ တစ်ဦးမျှ သမ္မာတရားကို မရှာဖွေဘဲ၊ ၎င်းတို့ထဲမှ တစ်ဦးမျှ သမ္မာတရားကို နားမလည်ပေ၊ ၎င်းတို့ထဲမှ တစ်ဦးမျှ သမ္မာတရား အခြေခံသဘောတရားများအတိုင်း အမှုအရာများကို ကိုင်တွယ်ခြင်း မရှိကြပေ။ သို့သော် အန္တိခရစ်များက ထိုသူတို့ကို အမှန်တကယ် နှစ်သက်သည့် အရာတစ်ခုရှိသည်- ထိုသို့သော သူများ ပြဿနာတစ်ခု ကြုံတွေ့သည့်အခါ၊ ၎င်းတို့က အန္တိခရစ်များကို ရှာဖွေပြီး ၎င်းတို့ပြောသည့်အရာကို လုပ်ဆောင်ကြသည်။ ဤသည်မှာ အန္တိခရစ်များက တွဲဖက်၍ အလုပ်လုပ်ဖို့ လူများကို ရှာဖွေသည့် အခြေခံသဘောတရားဖြစ်သည်။ ၎င်းတို့သည် အလုပ်လုပ်ဖို့နှင့် ၎င်းတို့ကို ခယဝယလုပ်ဖို့ ငတုံးတစ်သိုက်၊ အမှိုက်တစ်ပုံကို ရှာဖွေသည်၊ ပြီးလျှင် နောက်ဆုံး၌ ဘုရားသခင်အိမ်တော်၏ အမှုတော်အချို့သည် ဆိုင်းငံ့ကုန်ကြသည်။ အသင်းတော်၏အကျိုးစီးပွားများနှင့် အလုပ်၏အရှိန်တို့ကို ထိခိုက်သည်၊ သို့ရာတွင် ဤသူတို့တွင် ယင်းနှင့်ပတ်သက်သည့် အသိစိတ်လုံးဝ မရှိဘဲ၊ “ယင်းမှာ ကျွန်ုပ်၏ တာဝန်သာမဟုတ်။” ဟုပင် ပြောကြသည်။ လူတိုင်းက ဤသည်မှာ ၎င်းတို့ကိုယ်တိုင်၏ တာဝန် မဟုတ်ဟု ပြောပါက၊ ယင်းမှာ မည်သူ့တာဝန် အတိအကျ ဖြစ်သနည်း။ ပြဿနာတစ်ခု ဖြစ်ပေါ်သည့်အခါ၊ မည်သူကမျှ တာဝန်မယူပါက၊ ဤနှစ်များအားလုံးတွင် ဒေသနာများကို ၎င်းတို့နားထောင်ခဲ့ခြင်း၏ အကျိုးမှာ အဘယ်နည်း။ အမှန်တရားများသည် ၎င်းတို့၏မျက်စိရှေ့တည့်တည့်တွင် ရှိသော်လည်း၊ ၎င်းတို့သည် ထိုအမှန်တရားများကို သတိမပြုမိဆဲ ဖြစ်ကြသည်။ ဤလူများသည် အဘယ်လူစားမျိုးနည်း။ အန္တိခရစ်များ ရွေးချယ်သည့် လူများသည် အသုံးမကျသူများဖြစ်သည်ကို ဤအချက်က သက်သေပြသည်။ ၎င်းတို့သည် သမ္မာတရားကို လက်ခံကြပေ။ အန္တိခရစ်များသည် ငတုံးများ၊ စက်ဆုပ်ဖွယ် ဖြစ်သော အကောင်ယုတ်များနှင့် သမ္မာတရားကို လက်မခံသကဲ့သို့ မချစ်သည့် အသုံးမကျသောသူများဖြင့် တမင်သက်သက် လက်တွဲကြသည်။ ၎င်းတို့သည် ရင်းနှီးသည့် ပေါင်းသင်းဆက်ဆံရေးတစ်ခုတွင် အချင်းချင်း သဟဇာတဖြစ်လာသည်အထိ ထိုသူတို့ကို အယုံသွင်း၍ ချဉ်းကပ်လျက်၊ ထိုသူတို့ကို ဖြားယောင်းသွေးဆောင်သည်၊ ပြီးလျှင် ၎င်းတို့သည် အတူတကွ ကောင်းစွာ သင့်မြတ်ကြသည်။ ဤသည်မှာ အဘယ်နည်း။ ယင်းမှာ အန္တိခရစ်တစ်သိုက် မဟုတ်လော။ သင်သည် ၎င်းတို့၏ “ဘိုးဘေးများ” ကို အစားထိုးသည့်အခါ၊ ၎င်းတို့၏ သစ္စာရှိသော သားသမီးတို့က ကန့်ကွက်ကြသည်၊ ဝေဖန်အကဲဖြတ်ကြပြီး အထက်က မတရားကြောင်းပြောပြီး၊ ၎င်းတို့အတွက် ရပ်တည်ဖို့ အတူတကွ စုရုံးကြသည်။ အန္တိခရစ်များသည် ဆိုးယုတ်သော လူအချို့သာလော။ အန္တိခရစ်အချို့တို့သည် မည်သည့်အရေးပါသည့် ပင်ကိုစွမ်းရည်မျှ မရှိသည့် ဖြုန်းသူများ ဖြစ်ကြသော်လည်း၊ ၎င်းတို့နှင့်ပတ်သက်သည့် အရာတစ်ခုရှိသည်- ဂုဏ်ဒြပ်အတွက် ၎င်းတို့၏အထူး တွယ်တာခြင်း ဖြစ်သည်။ ပင်ကိုစွမ်းရည်မရှိသကဲ့သို့ ပညာမတတ်သော်လည်း၊ ၎င်းတို့တွင် ဂုဏ်ဒြပ်ကို နှစ်သက်ခြင်း မရှိဟု မထင်လေနှင့်။ ယင်းမှာ မှားယွင်းသည်၊ ပြီးလျှင် သင်သည် အန္တိခရစ်များ၏ အနှစ်သာရကို စေ့စေ့စပ်စပ် နားမလည်သေးသည်ကို ယင်းက ပြနေသည်။ အန္တိခရစ်တစ်ဦးဖြစ်သည့် မည်သူမဆိုသည် ဂုဏ်ဒြပ်ကို ချစ်မြတ်နိုးသည်။ အန္တိခရစ်များသည် မည်သူနှင့်မျှ တွဲဖက်၍ အလုပ်လုပ်နိုင်စွမ်း မရှိသည့်အတွက် ၎င်းတို့သည် ပင်ကိုအားဖြင့် ဆိုးရွားစွာပြုမူပြီး ပြဿနာရှာလိုသူများနှင့် ခယဝယလုပ်သူတို့တစ်သိုက်ကို မည်သို့စည်းရုံးနိုင်စွမ်း ရှိသနည်း။ ၎င်းတို့သည် ထိုသို့သော လူများနှင့် တွဲဖက်၍ အလုပ်လုပ်လိုသလော။ ၎င်းတို့သည် ဤလူများနှင့် အမှန်တကယ် တွဲဖက်၍ အလုပ်လုပ်နိုင်ပါက၊ ထိုစကားများသည် မှန်ကန်မည် မဟုတ်ပေ။ ၎င်းတို့သည် မည်သူနှင့်မျှ တွဲဖက်၍ အလုပ်လုပ်နိုင်စွမ်းမရှိပေ၊ ပြီးလျှင် ထို “မည်သူနှင့်မျှ” တွင် ၎င်းတို့စည်းရုံးသည့်လူများလည်း ပါဝင်သည်။ သို့ဆိုလျှင် ၎င်းတို့သည် ထိုလူများကို အဘယ့်ကြောင့် စည်းရုံးနေကြသနည်း။ ၎င်းတို့သည် ဩဇာပေးဖို့နှင့် ကြိုးကိုင်ခြယ်လှယ်ဖို့ လွယ်ကူသည့်၊ ကိုယ့်ဦးနှောက်နှင့်ကိုယ်မတွေးနိုင်သည့်၊ သူတစ်ပါးပြောသမျှ လုပ်သည့်၊ မိမိတို့၏ဂုဏ်ဒြပ်ကို ကာကွယ်ဖို့ ၎င်းတို့နှင့် အလုပ်လုပ်သည့်သူတစ်စုကို စည်းရုံးသည်။ အကူအညီပါဘဲ ၎င်းတို့၏ဂုဏ်ဒြပ်ကို ကာကွယ်ဖို့သည် အနည်းငယ် ခက်ခဲကာ၊ အနည်းငယ် ခက်ခဲကြမ်းတမ်းမည် ဖြစ်သောကြောင့်၊ ၎င်းတို့သည် ထိုသို့သော လူတစ်စုကို စည်းရုံးကြလေသည်- ၎င်းတို့အမြင်တွင် “ဝိညာဉ်ရေးရာပြည့်စုံသည်” ဟု ဆိုရသည့်သူတစ်စု၊ ဆင်းရဲဒုက္ခကို ပျော်ရွှင်စွာ ကြံ့ကြံ့ခံနိုင်ပြီး “ဘုရားသခင်အိမ်တော်၏ အကျိုးစီးပွားများ”ကို ကာကွယ်နိုင်သည့် လူတစ်စု ဖြစ်သည်။ ၎င်းတို့ အသီးသီးသည် အမျိုးမျိုးသော အလုပ်တာဝန်များစွာကို လုပ်ဆောင်ကြပြီး ၎င်းတို့ ပြဿနာတစ်ခု ကြုံတွေ့တိုင်း မေးခွန်းများမေးဖို့ သို့မဟုတ် ဆွေးနွေးတိုင်ပင်ဖို့ အန္တိခရစ်များထံသို့ သွားကြသည်။ ဤသည်မှာ လူများနှင့်တွဲဖက်၍ အလုပ်လုပ်ခြင်းကို ဆိုလိုသည်ဟု ၎င်းတို့က တွေးထင်ကြသည်။ သို့ရာတွင် ယင်းသည် ဟုတ်သလော။ ၎င်းတို့သည် ဩဇာပေးဖို့၊ ၎င်းတို့၏ အလုပ်ပြီးဖို့၊ ၎င်းတို့၏ ဂုဏ်ဒြပ်ကို ခိုင်မာစေဖို့ လူတစ်သိုက်ကို ရှာဖွေကြသည်။ ဤသည်မှာ ပူးပေါင်းလုပ်ဆောင်ခြင်း မဟုတ်ပေ- ယင်းမှာ မိမိတို့၏ကိုယ်ပိုင် လုပ်ငန်းကို စီမံခန့်ခွဲနေခြင်း ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၈)” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

အသင်းတော်ထဲကလူများကို ပြုစုပျိုးထောင်ခြင်းနှင့် အသုံးပြုခြင်းအမှုသည် ဘုရားသခင်၏လူတို့ကိုစုံလင်စေခြင်းကိစ္စနှင့် တိုက်ရိုက်ဆက်စပ်မှုရှိသည်။ အသင်းတော်သည် ဘုရားသခင် စုံလင်စေနိုင်မည့်လူမျိုးကို ပြုစုပျိုးထောင်ပြီး အသုံးပြုသင့်သည်။ ဘုရားသခင် စုံလင်စေသော လူမျိုးသည် သမ္မာတရားကို လိုက်စားပြီး၊ တရားမျှတခြင်း အသိရှိသော သူများဖြစ်သည်ကို ကျွန်ုပ်တို့အားလုံး သိရှိကြသည်။ သူတို့၌ မဖြစ်မနေလုပ်ရသည့် ဝတ္တရားထားရှိပြီး၊ ဘုရားသခင်၏ တာ၀န်ပေးစေခိုင်းချက်ကို ဖြည့်ဆည်းရန်အလို့ဌာ အရာရာကိုနောက်ချန်ထားရစ်သူများ ဖြစ်ကြသည်။ သူတို့သည် သစ္စာရှိစွာဖြင့် ဘုရားသခင်အတွက် မိမိတို့ကိုယ်ကိုယ် အသုံးခံကြသည်။ သူတို့သည် အခက်အခဲဒုက္ခများကို ခံယူရန်နှင့် အဖိုးအခပေးဆပ်ရန် လိုလားလျက်ရှိကြပြီး၊ အသွေးအသား၏ သာယာမှုများကို မရှာဖွေကြပေ။ သူတို့၏တာဝန်များကို ထမ်းဆောင်ရာတွင် အခက်အခဲဒုက္ခများကို ခံနိုင်ကြပြီး၊ အခက်အခဲများနှင့် အန္တရာယ်များကို မကြောက်ရွံ့သောသူများ၊ ဘုရားသခင်ကို ကျေနပ်စေကာ ဘုရားသခင်၏ တာ၀န်ပေးစေခိုင်းချက်ကို ဖြည့်ဆည်းရန်ကိုသာ ကြိုးပမ်းသောသူများ၊ ရာထူးဂုဏ်သိမ်၊ ထင်ပေါ်ကြော်ကြားမှု၊ အကျိုးအမြတ်နှင့် ရုပ်ပိုင်းဆိုင်ရာ ကာမဂုဏ်ကို မတက်မက်သောသူများ၊ ပြုပြင်မှုကိုလက်ခံပြီး သူတို့၏တာဝန်ကို ဆောင်ရွက်ရာတွင် ဖောက်ပြန်ပျက်စီးမှုကို တို့ဖော်ပြလာပါက ဆုံးမပဲ့ပြင်မှုကို လက်ခံနိုင်သောသူများ၊ သူတို့အကြောင်းသူတို့ သိနိုင်ပြီး၊ ကိုယ့်ကိုယ်ကို ရွံမုန်းကာ ဇာတိပကတိကို ဆန့်ကျင်ပုန်ကန်နိုင်သောသူများ၊ သူတို့ လွန်ကြူးသော ပြစ်မှားမှုများ သို့မဟုတ် သူတို့တွေ့ကြုံသော မည်သည့်ပြဿနာကိစ္စရပ်များတွင်မဆို သူတို့ကိုယ်သူတို့ သုံးသပ်နိုင်ကာ သူတို့အကြောင်းသူတို့သိနိုင်သူများ၊ သူတို့၏ပြဿနာများကို ပြုပြင်ရန် သမ္မာတရားကိုရှာဖွေနိုင်သူများ၊ ဘုရားသခင်အတွက် သူတို့ကိုယ်သူတို့ ဆက်လက်၍ အသုံးခံသူများနှင့် သူတို့ ဖြည့်ဆည်းဆောင်ရွက်သင့်သော တာဝန်များနှင့် ဘုရားသခင်၏ တာ၀န်ပေးစေခိုင်းချက်ကို စွဲကိုင်ထားနိုင်သူများ- ထိုကဲ့သို့သောလူများသည် သူတို့အသက်တာများတွင် ရှင်သန်ကြီးထွားနိုင်ပေသည်။ သမ္မာတရားဖြင့် မိမိတို့ကိုယ်ကိုယ် စဉ်ဆက်မပြတ် ပြင်ဆင်ထားခြင်းဖြင့်၊ သူတို့သည် ဘုရားသခင်၏အမှုကို နားလည်နိုင်ပြီး၊ သူတို့၏အသက်စိတ်သဘောထားများ ပြောင်းလဲမှုများကို ဖြစ်ပေါ်စေနိုင်သည်။ သူတို့ ပို၍အသုံးတော်ခံလေလေ၊ သူတို့သည် ဘုရားသခင်၏အလိုတော်ကို ပို၍နားလည်နိုင်လေလေဖြစ်သည်။ သူတို့ ပို့၍အသုံးတော်ခံလေလေ၊ သူတို့သည် သမ္မာတရားကို ပို၍လက်တွေ့ကျင့်သုံးနိုင်လေလေ ဖြစ်သည်။ သူတို့ ပို၍ အစေခံလေလေ၊ သူတို့ နောက်ဆုံးတွင် ဘုရားသခင်၏အလိုတော်အတိုင်း ကိုက်ညီနိုင်သည်အထိ ဘုရားသခင်ကို ပို၍ ကျိုးနွံနာခံလေလေ ဖြစ်သည်။ ဤသည်မှာ ဘုရားသခင်ကို အစေခံသူသည် သူ၏အစေခံခြင်း၌ သမ္မာတရားကို လိုက်စားပြီး၊ ပြုပြင်ခြင်းနှင့် ဆုံးမသွန်သင်ခြင်းကို လက်ခံကာ သူတို့၏ပြစ်မှားခြင်းများကို တဖြည်းဖြည်း လျော့နည်းစေပြီး၊ အချိန်အတန်ကြာသော် ဘုရားသခင်အသုံးပြုရန်အတွက် သင့်လျော်သောသူ ဖြစ်လာပုံ ဖြစ်စဉ်ပင်ဖြစ်သည်။ ဤသည်မှာ စုံလင်ခြင်းခံရလျက် ဘုရားသခင်ကို အစေခံသူတစ်ဉီး၏ စစ်မှန်သောအတွေ့အကြုံလည်း ဖြစ်သည်။ ကြီးစွာသောဆင်းရဲဒုက္ခကာလအတွင်း ဘုရားသခင်ကို အ်စေခံသူများသည် သမ္မာတရားကို အစွမ်းကုန် ရှာဖွေလိုက်စားပါကသူတို့သည် သန့်ရှင်းသောဝိညာဉ်တော်၏ အမှုတော်ကို ရရှိမည်ဖြစ်သည်။ သူတို့၏ ဘဝအတွေ့အကြုံသည် တဖြည်းဖြည်း နက်ရှိုင်းလာပြီး၊ သူတို့၏ အသက်တာ စိတ်သဘောထားများ ပြောင်းလဲလာကာ သူတို့သည် စုံလင်ခြင်းသို့ ရောက်လိမ့်မည် ဖြစ်သည်။

အလုပ်အစီအစဉ်များ မှ

တစ်စုံတစ်ဦးသည် ပျိုးထောင်ခံထိုက်ပြီး အသုံးပြုခံရနိုင်ခြင်း ရှိမရှိဆိုသည်ကို ဆုံးဖြတ်ခြင်းသည် အဓိကအားဖြင့် သွင်ပြင်လက္ခဏာ နှစ်ခုအပေါ် မူတည်သည်- ပထမဦးစွာ၊ ထိုလူက သမ္မာတရားကို လိုက်စားခြင်း ရှိမရှိ၊ သမ္မာတရားကို လက်တွေ့လုပ်ဆောင်နိုင်ခြင်း ရှိမရှိဆိုသည်နှင့် လက်တွေ့အရှိတရားထဲသို့ ၎င်းတို့ ဝင်ရောက်ပြီးခြင်း ရှိမရှိဆိုသည်ကို ကြည့်ရမည်။ ဒုတိယအနေဖြင့်၊ တစ်ဦးတစ်ယောက်သည် ၎င်းတို့၏ ဖြစ်ခြင်းအတွက် ၎င်းတို့၏ ပင်ကိုအရည်အချင်းများကို ရှင်းလင်းစွာ မြင်ရမည်၊ ၎င်းတို့အနေဖြင့် ပုံမှန် လူ့သဘာဝ ရှိသည် မရှိသည်၊ အသိစိတ်နှင့် ဆင်ခြင်တုံတရားကို ၎င်းတို့ ပိုင်ဆိုင်ခြင်း ရှိမရှိ၊ ၎င်းတို့အနေဖြင့် မည်သည့် လူစားမျိုးဖြစ်ပြီး မည်သည့် လမ်းကြောင်းမျိုးပေါ်တွင် ၎င်းတို့ ရှိကြသည်ဆိုသည်တို့ကို ခွဲခြားရမည်။ လူတို့ကို အသင်းတော်၏ ပြုစုပျိုးထောင်ခြင်းနှင့် အသုံးပြုခြင်းသည် အဓိကအားဖြင့် ၎င်းတို့က သမ္မာတရားကို လိုက်စားခြင်း ရှိမရှိဆိုသည့်အပေါ် မူတည်ပေသည်။ ဤသည်မှာ အခြေခံအကျဆုံးသော အခြေခံသဘောတရား ဖြစ်သည်။ ဤအရာအတွက် အကြောင်းရင်းမှာ တစ်စုံတစ်ဦးက သမ္မာတရားကို လိုက်စားခြင်း ရှိမရှိ သို့မဟုတ် ပြဿနာများစွာကို ရှင်းပြနိုင်ခြင်း ရှိမရှိဆိုသည့်အရာ ဖြစ်သည်။ ယင်းက ၎င်းတို့ ရှိသည့် လမ်းကြောင်းက မှန်ကန်သော လမ်းကြောင်းတစ်ခု သို့မဟုတ် ဆိုးယုတ်သော လမ်းကြောင်းတစ်ခု ဖြစ်သည် မဖြစ်သည်၊ ၎င်းတို့၏ ဘုရားသခင်၌ ယုံကြည်ခြင်းက လက်တွေကျခြင်း ရှိမရှိဆိုသည်နှင့် မည်သည့် ပင်ကို အရည်အချင်းမျိုး ၎င်းတို့ ပိုင်ဆိုင်သည် ဆိုသည်တို့ကို ထုတ်ဖော်ပြလေသည်။ ၎င်းတို့သည် အမှန်တကယ် သမ္မာတရားကို လိုက်စားသော တစ်စုံတစ်ဦးဖြစ်ပါက၊ ၎င်းတို့သည် သိသိသာသာ ကောင်းမွန်သော လူ့သဘာဝတစ်ခု အသေချာဆုံး ပိုင်ဆိုင်ကြလိမ့်မည်ဖြစ်သည်၊ ၎င်းတို့သည် သေချာပေါက် မှန်ကန်သော လမ်းကြောင်းပေါ်တွင် ရှိလိမ့်မည်ဖြစ်ပြီး၊ ၎င်းတို့သည် အတော်အတန် ကြင်နာသော လူတစ်ဦး သေချာပေါက် ဖြစ်လိမ့်မည်။ ထို့ကြောင့်၊ ဘုရားသခင်၏ အိမ်တော်သည် သမ္မာတရားကို စစ်မှန်စွာ လိုက်စားသူတို့အား ခေါင်းဆောင်များအဖြစ် ရွေးကောက်ကာ အသုံးပြုဖို့ လိုအပ်ချက်ကို ထပ်သလဲလဲ အလေးပေးရခြင်း ဖြစ်သည်။ ဤသည်မှာ အရေးပါမှုနှင့် သက်ဆိုင်သော ကိစ္စရပ်တစ်ခု ဖြစ်သည်။ မည်သူမျှ မပြည့်စုံပေ။ လူအားလုံးသည် မိမိတို့၏ အားနည်းချက်များ ရှိကြသည်။ တစ်စုံတစ်ဦးကို တွက်ချက်သည့်အခါ၊ အဓိက သွင်ပြင်လက္ခဏာများကို သင် စဉ်းစားရမည်- သမ္မာတရားကို ၎င်းတို့ လိုက်စားခြင်း ရှိမရှိ၊ ၎င်းတို့သည် ကောင်းမွန်သော အရည်အချင်း ရှိသည် မရှိသည်၊ စိတ်ဆုံးဖြတ်ထားခြင်း ရှိမရှိဆိုသည်နှင့် တရားမျှတသည့် အသိစိတ် ရှိသည် မရှိသည်ဆိုသည်တို့ ဖြစ်သည်။ တစ်စုံတစ်ဦးသည် သမ္မာတရားကို လိုက်စားနိုင်ပါက၊ သေးငယ်သော အားနည်းချက် အနည်းငယ် ရှိခြင်း သို့မဟုတ် သေးငယ်သော အပြစ်အနည်းငယ် ကျူးလွန်ခြင်းကိုပင် ပြဿနာတစ်ခုဟု မယူဆထားပေ။ ၎င်းတို့အနေဖြင့် သမ္မာတရား အမှန်တကယ် လိုက်စားသည့် တစ်စုံတစ်ဦး ဖြစ်သရွေ့၊ ၎င်းတို့၏ အပြစ်များမှာ အားလုံး ဖြေရှင်း၍ရနိုင်ပေသည်။ တစ်စုံတစ်ဦးကို တွက်ချက်ချိန်တွင်၊ ချစ်တီးခေါင်း သန်းရှာမလုပ်နှင့် သို့မဟုတ် ၎င်းတို့အား ၎င်းတို့ သွင်ပြင်အပေါ် မဝေဖန်နှင့်။ ၎င်းတို့၏ အနှစ်သာရကို သင် ကြည့်ရမည်။ ဤသည်မှာ အဓိကအချက် ဖြစ်သည်။ အလွန်အရေးပါသော အလုပ်မှာ စစ်မှန်စွာ ကောင်းမွန်သော အရည်အချင်းရှိသည့်လူများ၊ သမ္မာတရားကို လိုက်စားသည့်လူများနှင့် အလုပ် လုပ်ဆောင်နိုင်စွမ်းရှိသည့် လူများကို ရှာတွေ့ရန်နှင့် ထို့နောက် အသင်းတော်ထဲတွင် ၎င်းတို့အတွက် သင့်တော်သည့် နေရာများကို စီစဉ်ပြီး ၎င်းတို့ကို ကောင်းမွန်စွာ ထောက်ပံ့ကာ ပျိုးထောင်ပေးရန် ဖြစ်သည်။ အဆင့်အားလုံးရှိ အသင်းတော် ခေါင်းဆောင်များနှင့် အလုပ်သမားများသည် ဘုရားသခင်၌ ယုံကြည်မှုနှင့်ဆိုင်သည့် မှန်ကန်သော လမ်းကြောင်းပေါ်သို့ ခြေချသည့်အချိန်တွင်၊ ၎င်းတို့သည် ဘုရားသခင်၏ ရွေးချယ်ထားသော လူတို့အားလည်း မှန်ကန်သော လမ်းကြောင်းပေါ်သို့ ဦးဆောင်နိုင်ပေသည်။

အလုပ်အစီအစဉ်များ မှ

အတော်အတန် ကောင်းမွန်သည့် လူ့သဘာဝရှိသော်လည်း သမ္မာတရားကို နားမလည် သို့မဟုတ် သမ္မာတရား စစ်မှန်မှုကို မပိုင်ဆိုင်သော ယုံကြည်သူသစ်တစ်ဦးသည် ခေါင်းဆောင်တစ်ဦး ဖြစ်နိုင်သလော။ မဖြစ်နိုင်ပေ။ ခေါင်းဆောင်တစ်ဦး ဖြစ်လာခြင်းသည် အနည်းဆုံး တစ်နှစ်ခန့် ကြာသည်။ ဘုရားသခင်ကို ယုံကြည်သော လူတို့သည်သာ သူ၏ အမှုတော်ကို တစ်နှစ်ခန့် တွေ့ကြုံပြီးသည်နှင့်တစ်ပြိုင်နက် သမ္မာတရားအနည်းငယ်ကို နားလည်လာနိုင်သည်။ ဘုရားသခင်ကို ခြောက်လကြာ သို့မဟုတ် တစ်နှစ်ကြာ ယုံကြည်ပြီးဖြစ်သည့် ယုံကြည်သူသစ်တစ်ဦးက ကောင်းမွန်သော လူ့သဘာဝရှိပြီး သမ္မာတရားကို ပြင်းပြစွာ လိုက်စားသည်ကို ရှာတွေ့ရပါက၊ ၎င်းတို့၏ တာဝန်များကို ဖြည့်ဆည်းဖို့ ၎င်းတို့အား ပြုစုပျိုးထောင်ကာ လေ့ကျင့်ပေးသင့်ပေသည်။ တစ်စုံတစ်ဦးသည် ဘုရားသခင်ကို ငါးနှစ် သို့မဟုတ် ခြောက်နှစ်၊ သို့မဟုတ် ခုနှစ်နှစ်၊ ရှစ်နှစ်ကြာ ယုံကြည်ပြီးဖြစ်ကာ အတော်အတန် ကောင်းမွန်သည့် လူ့သဘာဝရှိပြီး မာယာကင်းကာ လိမ္မာသော်လည်း သာမန် အရည်အချင်းသာ ရှိပါက၊ နှစ်အနည်းငယ်ကြာ စုဝေးပွဲများ တက်ရောက်ပြီးဖြစ်သော်လည်း သမ္မာတရား များစွာ နားမလည်သေးသကဲ့သို့ စစ်မှန်မှု အနည်းငယ် ပိုင်ဆိုင်ပါက၊ ထိုသို့သော လူတစ်ဦးသည် ခေါင်းဆောင်တစ်ဦး ဖြစ်ခြင်းငှာ သင့်တော်ပါသလော။ ၎င်းတို့သည် အရည်အချင်း ချို့တဲ့လွန်းပါက၊ ၎င်းတို့သည် သမ္မာတရားကို နားမလည်နိုင်သကဲ့သို့ ခေါင်းဆောင်မှုပြုနိုင်စွမ်း ရှိမည် မဟုတ်ပေ။ အလွန်ဆုံးအနေဖြင့်၊ ၎င်းတို့သည် သွင်ပြင်လက္ခဏာအချို့ သို့မဟုတ် အခြားသော အရာတွင် တာဝန်တစ်ခုကို ဖြည့်ဆည်းနိုင်ပေမည်။ ထို့ကြောင့်၊ ခေါင်းဆောင်များအဖြစ် အစေခံသောလူများသည် သမ္မာတရားကို နားလည်နိုင်ရမည်၊ ကောင်းမွန်သော အရည်အချင်း ရှိရမည်ဖြစ်ပြီး အနည်းဆုံးအနေဖြင့် သာမန် လူ့သဘာဝ ရှိရမည်ဖြစ်သည်။ ထို့အပြင်၊ ၎င်းတို့သည် တစ်နှစ် သို့မဟုတ် နှစ်နှစ်ကြာ သို့မဟုတ် နှစ်နှစ်၊ သုံးနှစ်ကြာ ယုံကြည်ပြီး ဖြစ်ကောင်းဖြစ်ရမည်ဖြစ်ပြီး၊ သမ္မာတရား စစ်မှန်မှုများထဲသို့ ဝင်ရောက်နိုင်ဖို့ သေချာရမည်ဖြစ်သည်။ ဤကဲ့သို့သော လူများသာ ပြုစုပျိုးထောင်ထိုက်ပေသည်။ ထို့ကြောင့် လူတစ်ဦးက ကောင်းမွန်သော အရည်အချင်း ရှိသည် မရှိသည်ကို မည်သို့ ဆုံးဖြတ်သနည်း။ သင်သည် ၎င်းတို့ကို သမ္မာတရားအပေါ် မိတ်သဟာယပြုပါက သို့မဟုတ် ၎င်းတို့သည် မိမိတို့ဆန္ဒအလျောက် ဘုရားသခင်၏ နှုတ်ကပတ်တော်များကို စားသောက်ပြီး၊ ၎င်းတို့သည် အမြဲ နှံ့စပ်ပြီး သမ္မာတရားကို နားလည်နိုင်ကာ ဝိညာဉ်ရေးရာ ကိစ္စရပ်များနှင့် သဟဇာတ ဖြစ်လာပြီး တစ်စုံတစ်ရာကို ၎င်းတို့ထံ သင် ထောက်ပြလိုက်သည်နှင့်တစ်ပြိုင်နက် နားလည်နိုင်ပါက၊ ၎င်းတို့သည် ကောင်းမွန်သော အရည်အချင်း ရှိကြပေသည်။ မိမိတို့၏ အရည်အချင်း ညံ့ဖျင်းသည့် လူများစွာ ရှိကြသည်။ ၎င်းတို့အား သမ္မာတရားနှင့် ပတ်သက်၍ သင် မိတ်သဟာယပြုသည့်အခါ၊ ၎င်းတို့ နားလည်ကြသော်လည်း၊ သမ္မာတရားကို လက်မခံကြသေး သို့မဟုတ် ယင်းကို လက်တွေ့မလုပ်ဆောင်ကြသေးချေ။ ထိုသို့သော လူများသည် ခေါင်းဆောင်မှု အခန်းကဏ္ဍအဖို့ သင့်တော် ပါသလော။ လုံးဝ မသင့်တော်ပေ။ အတိတ်တွင် ဖယ်ရှင်းသုတ်သင်ခံခဲ့ရသည့် ခေါင်းဆောင်များနှင့် အလုပ်သမားများ အများစုသည် သင့်သော အရည်အချင်းရှိခဲ့ကြသော်လည်း ဤလူများက သမ္မာတရားကို လက်တွေ့မလုပ်ဆောင်ခဲ့ကြပေ၊ ညံ့ဖျင်းသည့် လူ့သဘာဝ ရှိခဲ့ကြပြီး အလွန် လှည့်ဖြားတတ်ကြလေသည်။ ၎င်းတို့သည် စဉ်ဆက်မပြတ် မှားယွင်းသော သက်သေကို ခံနေခဲ့ကြပြီး လူတို့ကို လှည့်ဖြားနေခဲ့ကြကာ သမ္မာတရား စစ်မှန်မှုကို တစ်စက်မျှပင် မပိုင်ဆိုင်ခဲ့ကြချေ။ ထို့အပြင်၊ မည်သည့်တာဝန်များကို ၎င်းတို့ ထမ်းဆောင်နေခဲ့ကြသည်ဖြစ်စေ၊ ယင်းတို့သည် ရောနှောမှုများနှင့် ၎င်းတို့၏ ကိုယ်ပိုင် ဖုံးကွယ်ထားသော အကြောင်းရင်းများ အမြဲ ပါဝင်သည်။ ဘုရားသခင်၏ အိမ်တော်အတွက် ဆောင်ရွက်ရန် အလုပ်အချို့ကို ၎င်းတို့ တာဝန်ပေးခံခဲ့ရပါက၊ ၎င်းတို့သည် တစ်ခါတစ်ရံ ဘုရားသခင်၏ အိမ်တော်အစား၊ အပြင်လူတို့ကို မျက်နှာသာပေးခဲ့ကြပြီး၊ အပြင်လူတို့အား တိတ်တဆိတ် ကူညီနေစဉ်တွင် ဘုရားသခင်၏ အိမ်တော်အပေါ် မှီခိုနေထိုင်ကြလေသည်။ ဤကဲ့သို့သော လူများသည် ကောင်းမွန်သော လူ့သဘာဝ မရှိကြပေ။ ၎င်းတို့သည် ရိုးသားစွာ စကားမပြောကြ၊ ဘုရားသခင်၏ အိမ်တော်အား စိုးရိမ်ပူပန်စေသည့် အရာများကို ၎င်းတို့ လုပ်ဆောင်ကြပြီး၊ ၎င်းတို့သည် ကိုယ်ရေးကိုယ်တာ အကျိုးအမြတ်အတွက် ဘုရားသခင့် အိမ်တော်၏ အကျိုးစီးပွားကို တော်တော် ထိခိုက်နစ်နာစေခဲ့ကြသည်။ ၎င်းတို့သည် တစ်ကိုယ်ကောင်းအဆန်ဆုံး ဖြစ်ပြီး လူတို့၏ စက်ဆုပ်ဖွယ်အဖြစ်ဆုံးဖြစ်ကာ တစ်ကိုယ်ကောင်း အဆန်ဆုံးနှင့် လူတို့ စက်ဆုယ်ဖွယ်အဖြစ်ဆုံးသောသူများမှာ ခေါင်းဆောင်မှု အခန်းကဏ္ဍများ သို့မဟုတ် တာဝန်များ ထမ်းဆောင်ခြင်းအဖို့ မသင့်တော်ပေ။ ဤကဲ့သို့ လူများသည် ကယ်တင်ခြင်း မရရှိနိုင်ပေ။ လူတစ်ဦးသည် သမ္မာတရားကို လိုက်စားရမည်၊ ရိုးသားရမည်၊ တည်ကြည်ရမည်၊ တရားမျှတမှု အသိစိတ်ရှိရမည်ဖြစ်ပြီး၊ သမ္မာတရား အခြေခံသဘောတရားများကို ထိန်းသိမ်းနိုင်ရမည်ဖြစ်သည်။ ထိုအခါမှသာ တစ်ဦးတစ်ယောက်သည် ခေါင်းဆောင်တစ်ဦး ဖြစ်လာခြင်းအဖို့ ပြုစုပျိုးထောင်ထိုက်ပြီး သင့်တော်ပေသည်။

အသက်ထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များ မှ

အရှေ့သို့- ၆၇။ခေါင်းဆောင်များနှင့် အလုပ်သမားများကို ပြန်လည်ခေါ်ယူခြင်းနှင့် သက်ဆိုင်သည့် အခြေခံသဘောတရားများ

နောက်တစ်ခုသို့- ၆၉။ အသင်းတော်ကို အုပ်စု အေနှင့် ဘီ ခွဲခြားခြင်းနှင့် သက်ဆိုင်သည့် အခြေခံသဘောတရားများ

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်တွင်ရှိပြီး အကျပ်ရိုက်ခြင်းတစ်ခုဖြင့် ရင်ဆိုင်ရချိန်တွင်၊ တစ်ဦးတစ်ယောက်သည်...

စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

ဘုရားသခင်အပေါ် မှီခိုခြင်းနှင့် သူ့ကို ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကိုကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်