၁၂၅။ မိမိ၏ နှလုံးသားကို အခြားသူများသို့ ဖွင့်ခြင်း နိယာမများ

(၁) သမ္မာတရားကို ချစ်သောသူတစ်ယောက်နှင့် စကားပြောသောအခါ၊ နှလုံးသားမှ ပြောဆို သင့်သည်။ သင်၏ စစ်မှန်သော အခြေအနေ နှင့် သင်၏ အခက်အခဲများကို ပွင့်လင်းစွာ ချပြလော့။ သမ္မာတရားကို ရှာဖွေလော့။ မေတ္တာဖြင့် ဖြစ်သော ကူညီစောင်မမှုကို သင်သည် ရရှိလိမ့်မည်။

(၂) အခြားသူများကို ရိုသားစွာဆက်ဆံရန်၊ သူတို့နှင့် မေတ္တာဖြင့် အပြန်အလှန် ဆက်သွယ်ရန်၊ သမ္မာတရားအတိုင်း ပြောဆိုရန် လိုအပ်သည်။ ဤမှသည် အခြားသူများကို ကူညီခြင်း နှင့် ပြုပြင်ခြင်း ပြုသည်။ လူတို့ကို မည်သည့်အခါမျှ မတိုက်ခိုက်နှင့်၊ သံသယမရှိနှင့်။

(၃) အခြားသူများ၏ အားနည်းချက်များ နှင့် အခက်အခဲများကို နားလည်ရပါမည်။ သူတို့သည် သက်တောင့်သက်သာရှိနိုင်ရန် နှင့် အနိုင်အထက်ပြုခြင်းကို မခံစားရစေရန် သူတို့နှင့်အတူ တူညီသောအခြေခံတွင် ရပ်တည်နိုင်လော့၊ သင်၏ နှလုံးသားမှ ပြောဆိုခြင်းအားဖြင့် သူတို့ကို ကူညီလော့။

(၄) အခြားသူများနှင့် အပြန်အလှန် ပြောဆိုသည့်အခါ၊ အခြားသူများကို ပြုပြင်ရန် နှင့် အကျိုးဖြစ်စေမည် အကြောင်း၊ ဘုရားသခင်၏ နှုတ်ကပတ်တော်များအား သူတို့၏ကြုံတွေ့မှုကို မိတ်သဟာယဖွဲ့ သင့်သည်။ အခြားသူများသည် ဘုရားသခင်၏ ချစ်ခြင်းမေတ္တာတော် နှင့် ကယ်တင်ခြင်းကို ခံစားရစေရန် ကူညီလော့။ အသက်တာ၏ မှန်ကန်သောလမ်းတွင် စတင် တက်လှမ်းရန် ကူညီလော့။

ဆက်စပ်သော ဘုရားသခင်၏ နှုတ်ကပတ်တော်များ-

“အတွေ့အကြုံများ မျှဝေခြင်းနှင့် မိတ်သဟာယဖွဲ့ခြင်း” ဆိုသည်မှာ သင်၏ စိတ်နှလုံးထဲမှ အတွေးအားလုံး၊ သင်၏အခြေအနေ၊ ဘုရားသခင်၏ နှုတ်ကပတ်တော်များအပေါ် သင်၏အတွေ့အကြုံများနှင့် သိခြင်းသာမက သင်၏ အတွင်းမှ ဖောက်ပြန်ပျက်စီးသော စိတ်သဘောထား အကြောင်းကို ပြောဆိုခြင်း ဖြစ်သည်။ ထို့နောက်တွင် အခြားသူများက ဤအရာများကို ဝေဖန်ပိုင်းခြားပြီး အပြုသဘောဆောင်သော အရာများကို လက်ခံပြီး မည်သည့်အရာသည် အပျက်သဘောဆောင်ကြောင်းကို အသိအမှတ်ပြုကြသည်။ ဤအရာသည်သာလျှင် မျှဝေခြင်းဖြစ်ပြီး ဤအရာသည်သာလျှင် စစ်မှန်စွာ မိတ်သဟာယဖွဲ့ခြင်း ဖြစ်သည်။ ၎င်းမှာ ဘုရားသခင်၏နှုတ်ကပတ်တော်များ သို့မဟုတ် ဓမ္မတေးတစ်ပုဒ်၏ အစိတ်အပိုင်းတစ်ခု၌ ထိုးထွင်းအမြင်များ ရှိခြင်းနှင့် သင့်စိတ်ကြိုက် မိတ်သဟာယဖွဲ့ပြီး ၎င်းကို ဆက်လက်မလုပ်ဆောင်ခြင်းနှင့် သင်၏ လက်တွေ့ဘဝနှင့်သက်ဆိုင်သော မည်သည့်အရာ တစ်ခုမျှ မပြောခြင်းကိုသာ ဆိုလိုခြင်းမဟုတ်ပေ။ အယောက်တိုင်းသည် သြဝါဒဆိုင်ရာနှင့် အယူအဆဆိုင်ရာ အသိအကြောင်းကို ပြောကြပြီး လက်တွေ့ကျသော အတွေ့အကြုံများမှ ရယူသော အသိအကြောင်း မည်သည့်အရာကိုမျှ ပြောဆိုကြခြင်းမရှိပေ။ ယင်းကဲ့သို့ အရာများအကြောင်း၊ သင်တို့၏ ပုဂ္ဂိုလ်ရေးရာ ဘဝများအကြောင်း၊ သင်တို့၏ ညီအစ်ကိုမောင်နှမများနှင့် အသင်းတော်၌ အသက်တာအကြောင်နှင့် သင်တို့၏ကိုယ်ပိုင် အတွင်းကမ္ဘာအကြောင်းကို ပြောရန် သင်တို့အားလုံး ရှောင်ရှားကြသည်။ ဤသို့ ပြုသော် လူများအကြားတွင် စစ်မှန်သောမိတ်သဟာယဖွဲ့ခြင်း အဘယ်သို့ရှိနိုင်မည်နည်း။ စစ်မှန်သောယုံကြည်မှု အဘယ်သို့ရှိနိုင်မည်နည်း။ မည်သည့်အရာမျှ ရှိနိုင်မည်မဟုတ်။ သင်မည်သို့ထင်သနည်း၊ အကယ်၍ ဇနီးသည်တစ်ဦးက သူမ၏ခင်ပွန်းသည်အား သူမ၏စိတ်နှလုံးထဲရှိ စကားများကို လုံးဝမပြောပြပါက သူတို့သည် လူယုံများဖြစ်ကြသလော။ သူတို့သည် အချင်းချင်း စိတ်ချယုံကြည်ကြသလော။ သူတို့က တစ်နေကုန် “နင့်ကိုငါ့ချစ်တယ်” ဟု ပြောကြသည်ဆိုကြပါစို့။ ဤအရာကိုသာ သူတို့ပြောနေသည့်တိုင် သူတို့၏ စိတ်နှလုံးများထဲ စဥ်းစားနေကြသည့်အရာ၊ သူတို့ တစ်ဦးနှင့်တစ်ဦးမှ လိုချင်ကြသည့်အရာ သို့မဟုတ် သူတို့၌ရှိသည့် ပြဿနာများတို့ကို မည်သည့်အခါမျှ ဖွင့်ပြခြင်းမရှိဖူးပါချေ။ သူတို့သည် ထိုကဲ့သို့သောအရာများကို တစ်ဦးနှင့်တစ်ဦး မပြောပြဖူးကြသကဲ့သို့ သူတို့သည် တစ်ဦးနှင့်တစ်ဦး မည်သည့်အခါမျှ စိတ်ချယုံကြည်မှု မရှိဖူးကြသည့်အပြင်၊ အကယ်၍ သူတို့နှစ်ဦးက တစ်ဦးနှင့်တစ်ဦး မည်သည့်အခါမျှ စိတ်ချယုံကြည်မှု မရှိဖူးကြပါက သူတို့သည် တစ်ဦးနှင့်တစ်ဦးချစ်သော စုံတွဲဖြစ်ကြသလော။ အကယ်၍ သူတို့သည် အတူတကွရှိနေကြသည့်အခါ အချင်းချင်း ကြီးကျယ်သောစကားလုံးများမှအပ ဘာမျှမရှိကြပါက သူတို့သည် အမှန်တကယ် လင်မယားဖြစ်ကြသလော။ မဟုတ်သည်မှာ အသေအချာပင်။ အကယ်၍ ညီအစ်ကိုမောင်နှမများသည် အချင်းချင်း စိတ်ချယုံကြည်နိုင်ရမည် ဆိုပါက၊ အချင်းချင်း ကူညီနိုင်ပြီး၊ ၎င်းတို့အတူတကွရှိသောအခါ အချင်းချင်း ထောက်ပံ့နိုင်ရမည် ဆိုပါက အယောက်တိုင်းစီသည် ၎င်းတို့၏စစ်မှန်သော အတွေ့အကြုံများအကြောင်းကို ပြောရမည်။ အကယ်၍ သင်သည် သင်၏ စစ်မှန်သောအတွေ့အကြုံများအကြောင်းကို မပြောဘဲ ကြီးကျယ်သောစကားများ၊ သြဝါဒဆိုင်ရာနှင့် အပေါ်ယံဆန်သောစကားများကိုသာ ပြောပါက သင်သည် ရိုးသားသောသူတစ်ဦး မဟုတ်ပေ၊ ထို့အပြင် သင်၌ ရိုးသားနိုင်စွမ်း မရှိပေ။ ဥပမာအားဖြင့် နှစ်အချို့ကြာ အတူနေထိုင်ခဲ့စဉ်တွင်၊ ခင်ပွန်းတစ်ဦးနှင့် ဇနီးတစ်ခုတို့သည် ရံဖန်ရံခါ စတင်စကားများ ရန်ဖြစ်ကြလျက်၊ အချင်းချင်း နေသားကျဖို့ ကြိုးစားကြသည်။ သို့ရာတွင် သင်တို့နှစ်ဦးလုံးသည် သာမန်လူ့သဘာဝရှိပါက၊ သင်သည် သူ့ကို အစဉ် စိတ်နှလုံးထဲမှ စကားပြောမည်ဖြစ်ပြီး သူကလည်း သင့်ကို ထိုသို့စကားပြောပေမည်။ အသက်တာ၌ သင် ကြုံတွေ့ရသည့် မည်သည့်အခက်အခဲများကိုမဆို၊ သင်၏ အလုပ်၌ ပေါ်ပေါက်သည့် မည်သည့်ပြဿနာများကိုမဆို၊ သင်စိတ်ထဲ၌တွေးနေသည့် မည်သည့်အရာကိုမဆို၊ အမှုအရာများကို ဖြေရှင်းဖို့ သင်မည်သို့စီစဉ်နေပါစေ၊ သင်၏သားသမီးများအတွက် သင်၌ မည်သည့် အကြံဉာဏ်များနှင့် အစီအစဉ်များ ရှိနိုင်ပါစေ- သင်သည် သင်၏လက်တွဲဖော်ကို အရာအားလုံးကို ပြောပြလိမ့်မည်။ ထိုသို့ဖြင့် သင်တို့နှစ်ဦးသည် အချင်းချင်း အထူးတလည် နီးစပ်ပြီး ရင်းနှီးနေမည် မဟုတ်လော။ သူသည် သူ၏အတွင်းကျကျ အတွေးအခေါ်များကို သင့်ကို မည်သည့်အခါမျှ မပြောဘဲ၊ အိမ်သို့ လစာ ယူဆောင်လာခြင်းမှလွဲ၍ မည်သည့်အရာမျှ မလုပ်ဆောင်ပါက၊ ပြီးလျှင် သင်က သူ့အား သင်၏အတွေးအခေါ်များကို မည်သည့်အခါမျှ မပြောဘဲ၊ သူ့ကို မည်သည့်အခါမျှ ယုံကြည်စွာ ရင်ဖွင့်မပြောပြပါက၊ သင်တို့နှစ်ဦးကြားတွင် စိတ်ခံစားချက်ဆိုင်ရာ ကွာဟချက် တစ်ခု ရှိနေသည်မဟုတ်လော။ သင်တို့သည် အချင်းချင်း၏ အတွေးအခေါ်များနှင့် ရည်ရွယ်ချက်များကို နားမလည်ကြသည့်အတွက် ကွာဟချက် ရှိနေသည်မှာ သေချာသည်။ အဆုံး၌ သင်၏လက်တွဲဖော်သည် မည်သည့် လူမျိုးဖြစ်သည်ကို သင်မသိမြင်နိုင်သကဲ့သို့၊ သူကလည်း သင်မည်သည့်လူမျိုးဖြစ်သည်ကို မသိမြင်နိုင်ပေ။ သင်သည် သူ၏လိုအပ်ချက်များကို နားမလည်သကဲ့သို့၊ သူကလည်း သင်၏လိုအပ်ချက်များကို နားမလည်ပေ။ လူများ၌ နှုတ်ဖြင့်ဖြစ်စေ၊ ဝိညာဉ်ရေးရာဖြင့်ဖြစ်စေ ဆွေးနွေးပြောဆိုခြင်း မရှိပါက၊ ၎င်းတို့ကြားတွင် ရင်းနှီးမှုရဖို့ ဖြစ်နိုင်ချေ မရှိပေ၊ ပြီးလျှင် ၎င်းတို့သည် အချင်းအချင်းအတွက် မထောက်ပံ့နိုင်သကဲ့သို့ မကူညီနိုင်ပေ။ သင်တို့သည် ဤသည်ကို ယခင်က တွေ့ကြုံပြီးဖြစ်သည်၊ မဟုတ်လော။ သင်၏မိတ်ဆွေက သူတွေးနေသည့်အရာအားလုံးနှင့် သူခံစားနေရသည့် မည်သည့်အရာမဆို သို့မဟုတ် သူသိုထားသည့် မည်သည့်ပျော်ရွှင်မှုကိုမဆို သင့်အား ဖွင့်ဟလျက်၊ သင့်အား အရာအားလုံးကို ယုံကြည်စွာ ရင်ဖွင့်ပြောပြပါက၊ သင်သည် အထူးသဖြင့် သူနှင့်ရင်းနှီးသည်ဟု မခံစားရသလော။ ဤအရာများကိုသင့်အား သူပြောဖို့ လိုလားနေသည့်အကြောင်းအရင်းမှာ သင်က သူ့ကိုလည်း သင်၏အတွင်းအကျဆုံး အတွေးများကို ယုံကြည်စွာ ပြောပြထားပြီးဖြစ်သောကြောင့် ဖြစ်သည်။ သင်သည် အထူးသဖြင့် ရင်းနှီးပြီး ယင်းက သင်သည် အချင်းချင်း သင့်မြတ်ပြီး အချင်းချင်း ကူညီနိုင်သောကြောင့် ဖြစ်သည်။ အသင်းတော်ရှိ ညီအစ်ကိုမောင်နှမများအကြား ဤကဲ့သို့ မိတ်သဟာယဖွဲ့ခြင်းနှင့် အပြန်အလှန်ပြုခြင်း မရှိလျှင် ညီအစ်ကိုမောင်နှမများအကြားတွင် မည်သည့်အခါမျှ သဟဇာတဖြစ်ခြင်း ရှိလိမ့်မည်မဟုတ်ပေ။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုးသားသောလူတစ်ဦးဖြစ်ခြင်း၏ အခြေခံအကျဆုံး လက်တွေ့လုပ်ဆောင်ချက်” မှ

သင်သည် အခြားသူများကို တည်ဆောက်ပေးနိုင်ပြီး အကျိုးဖြစ်ထွန်းစေနိုင်ဖို့၊ ၎င်းတို့အား ဘုရားသခင်၏ အလိုတော်ကို နားလည်သဘောပေါက်စေနိုင်ပြီး၊ အထင်လွဲမှုများနှင့် အတွေးမှားများမှ လွတ်မြောက်စေရန် ကူညီနိုင်ဖို့အလို့ငှာ၊ သင်သည် သမ္မာတရားကို မိတ်သဟာယပြုပြီး တစ်စုံတစ်ခုကို ရှင်းလင်းစွာနှင့် နားလည်နိုင်အောင် ပြန်လည်ပြောပြသည့်အခါ၊ အထက်စီးမှနေဖို့ လိုအပ်ချက်တစ်စုံတစ်ရာ ရှိသလော။ သင်သည် ဩဝါဒခြွေသည့်လေသံတစ်ခုကို သုံးဖို့ လိုသလော။ သင်သည် ၎င်းတို့ကို ဆူစရာမလိုသကဲ့သို့၊ ကျယ်လောင်စွာ စကားပြောဖို့လည်း မလိုအပ်ပေ။ အော်ဟစ်စရာလည်း မလိုပေ၊ သင်၏စကားများ၊ လေသံ သို့မဟုတ် လေယူလေသိမ်းတို့တွင် တုံးတိဖြစ်စေဖို့ သာ၍ လိုအပ်မှု နည်းပါလေသည်။ ပုံမှန်လေသံတစ်ခုကို အသုံးပြုဖို့၊ တန်းတူညီမျှရှိသော အနေအထားတစ်ခုမှ မိတ်သဟာယပြုဖို့၊ အေးအေးဆေးဆေး စကားပြောဖို့၊ သင်၏စိတ်နှလုံးထဲရှိ စကားများကို ထုတ်ဖော်ပြောဖို့နှင့် သင်နားလည်သည့်အရာနှင့် အခြားသူများ နားလည်ဖို့ လိုသည့်အရာတို့ကို ရှင်းလင်းစွာနှင့် နားလည်နိုင်အောင် ပြောရန် ကြိုးပမ်းဖို့ သင်ယူရန်သာ သင်လိုအပ်သည်။ သင်သည် နားလည်နိုင်အောင် စကားပြောသည့်အခါ၊ အခြားသူများက သင်ဆိုလိုသည့်အရာကို သိမည်ဖြစ်ကာ၊ သင်၏ဝန်သည် လျော့သွားမည် ဖြစ်ကာ၊ ၎င်းတို့သည်လည်း နားလည်မှုလွဲခြင်း ရပ်သွားလိမ့်မည်၊ ပြီးလျှင် သင်ဆွေးနွေးပြောဆိုနေသည့် အရာနှင့်ပတ်သက်၍ သင်သည် ပို၍ ရှင်းလင်းလာလိမ့်မည်။ ယင်းက သင်တို့နှစ်ဦးလုံးကို မတည်ဆောက်သလော။ ၎င်းတို့ကို ကြမ်းကြမ်းတမ်းတမ်း ဝေဖန်တရားချနေဖို့ လိုအပ်ချက် တစ်စုံတစ်ရာ ရှိသလော။ အခြေအနေများစွာတွင် ဤအရာကို ၎င်းတို့အား အတင်းလက်ခံခိုင်းနေရန် မလိုအပ်ပေ။ ၎င်းတို့အပေါ် မည်သည့်သွန်သင်ချက်များကိုမျှ သင် အတင်းအကျပ် လက်ခံခိုင်းမနေသော်လည်း၊ သင်ပြောစရာရှိသည့်အရာကို ၎င်းတို့က လက်ခံဖို့ငြင်းဆန်ဆဲဖြစ်ပါက၊ သင် မည်သည့် အရာကို လုပ်သင့်သနည်း။ သင်ပြောသည့်အရာ အချို့သည် သမ္မာတရားဖြစ်ပြီး အမှန်တရား ဖြစ်သော်လည်း၊ ယင်းတို့ကို သင် ပြောဆိုလိုက်သည်နှင့် တစ်ပြိုင်နက် လူများက သင်၏စကားများကို လက်ခံနိုင်ကြသလော။ ဤစကားများကို လက်ခံဖို့နှင့် ၎င်းတို့ပြောင်းလဲဖို့ မည်သည့်အရာကို လိုအပ်သနည်း။ ၎င်းတို့သည် နည်းစနစ်တစ်ခုကို လိုအပ်သည်။ ပြောင်းလဲဖို့ အသုံးပြုရမည့် နည်းစနစ်တစ်ခုကို သင်သည် ၎င်းတို့အား ပေးရမည်။... ရင်းရင်းနှီးနှီး ပွင့်ပွင့်လင်းလင်း ပြောခြင်း၏ရည်ရွယ်ချက်မှာ လူများအကြား သာမန် လူသား ဆွေးနွေးပြောဆိုမှုရှိဖို့နှင့် စိတ်ချင်းဖလှယ်မှုတစ်ခု ဖြစ်ပေါ်ဖို့တို့အတွက် ဖြစ်သည်။ ယင်းမှာ အနည်းဆုံး အဆင့်ကို ပြောခြင်းဖြစ်သည်။ ယေဘုယျအားဖြင့် ပြောပါက၊ အဓိကအချက်မှာ လူများသည် တစ်ဦး၏ အခြေအနေကို တစ်ဦးက နားလည်ဖို့၊ တစ်ဦး၏ ပျော့ကွက်များကို တစ်ဦးက ထေမိစေဖို့ရာ အချင်းချင်း၏အားသာချက်များကို အသုံးပြုဖို့၊ တစ်ဦးကိုတစ်ဦး ထောက်ပံ့ဖို့နှင့် တစ်ဦးကိုတစ်ဦး ကူညီဖို့တို့ ဖြစ်သည်။ ဤသည်မှာ ဤအရာ၏ အကျိုးဖြစ်သည်။ ဤသည်က လူများအကြား ပုံမှန် အပြန်အလှန်အကျိုးပြုမှုတစ်ခုဆီသို့ မဆိုက်ရောက်စေသလော။

ဘုရားသခင်၏ မိတ်သဟာယဖွဲ့ခြင်း မှ

သင်သည် တစ်စုံတစ်ခုကို လုပ်ဆောင်ပြီးသည့်အခါတိုင်း၊ သင် လုပ်ဆောင်သည်မှာ မှန်ကန်သည်ဟု သင်ထင်သည့် အပိုင်းကိုလည်း စေ့စေ့စပ်စပ် စစ်ဆေးခြင်း ခံနိုင်ရမည်၊ ထို့အပြင် သင်လုပ်ဆောင်သည်မှာ မှားသည်ဟု သင်ထင်သည့်အပိုင်းကိုလည်း စေ့စေ့စပ်စပ် စစ်ဆေးခြင်း ခံနိုင်ရမည်။ ဤသည်က ညီအစ်ကိုမောင်နှမများသည် အတူတကွ မိတ်သဟာယပြုဖို့၊ ရှာဖွေဖို့နှင့် အချင်းချင်း ကူညီဖို့ အချိန်ပိုယူရန် လိုအပ်သည်။ ကျွန်ုပ်တို့ သာ၍ မိတ်သဟာယပြုလေ၊ အလင်းရောင်က ကျွန်ုပ်တို့၏ စိတ်နှလုံးများထဲသို့ သာ၍ ဝင်ရောက်လေဖြစ်သည်။ ထို့နောက်တွင် ဘုရားသခင်က ကျွန်ုပ်တို့၏ ပြဿနာများ အားလုံးနှင့် စပ်လျဉ်း၍ အသိဉာဏ် ပွင့်လင်းစေလိမ့်မည်။ ကျွန်ုပ်တို့သည် မည်သူမျှ ဖွင့်မပြောဘဲ၊ အခြားသူများ၏စိတ်ထဲတွင် ထင်မြင်ချက်ကောင်း ဖြစ်စေဖို့နှင့် ၎င်းတို့အား ကျွန်ုပ်တို့နှင့်ပတ်သက်၍ အထင်ကြီးစေဖို့နှင့် ကျွန်ုပ်တို့အား မသရော်စေဖို့ မျှော်လင့်လျက်၊ ကြည့်ကောင်းစေရန် မိမိတို့ကိုယ်ကိုယ် ပြရုပ်တင်ရုံသာ ရှိပါက၊ ကျွန်ုပ်တို့သည် ကြီးထွားတိုးတက်ဖို့ ဖြစ်နိုင်လိမ့်မည်။ သင်သည် ကြည့်ကောင်းဖို့ သင့်ကိုယ်သင် အစဉ် ပြရုပ်တင်ပါက၊ သင်သည် ကြီးထွားတိုးတက်လိမ့်မည် မဟုတ်ဘဲ၊ အမှောင်၌ သင် ထာဝရ ရှင်သန်လိမ့်မည်။ သင်သည် ပြောင်းလဲနိုင်စွမ်း မရှိလည်း ဖြစ်လိမ့်မည်။ သင်ပြောင်းလဲဖို့ ဆန္ဒရှိပါက၊ အဖိုးအခပေးဆပ်ရမည် ဖြစ်ပြီး၊ သင့်ကိုယ်သင် ချပြရမည်၊ အခြားသူများကို သင်ရင်ဖွင့်ရမည်၊ ပြီးလျှင် ထိုသို့ လုပ်ဆောင်ခြင်းအားဖြင့် သင့်ကိုယ်သင်နှင့် အခြားလူများ နှစ်ဦးလုံးကို အကျိုးဖြစ်ထွန်း စေလိမ့်မည်။ တစ်စုံတစ်ယောက်က “သင်၏ လတ်တလော အတွေ့အကြုံများနှင့် ပတ်သက်၍ အနည်းငယ် အဘယ့်ကြောင့် မပြောသနည်း။” ဟု ပြောသည့်အခါ၊ မည်သူကမျှ အနှစ်သာရနှင့် သက်ဆိုင်သည့် အရေးကိစ္စများကို မပြောကြပေ။ မည်သူကမျှ သူ့ကိုယ်သူ စိတ်ဖြာလေ့လာခြင်း မရှိသကဲ့သို့၊ သူ့ကိုယ်သူ ချခင်းခြင်းမရှိပေ။ လူများသည် နှုတ်ကပတ်တော်များနှင့် အယူဝါဒများ အကြောင်း ပြောသည့်အခါ၊ မည်သူ၌မျှ ပြဿနာ မရှိပေ၊ သို့ရာတွင် ၎င်းတို့သည် မိမိတို့ကိုယ်ကိုယ် သိကျွမ်းခြင်း အကြောင်း ပြောသည့်အခါ၊ မည်သူမျှ မည်သည့်အရာကိုမျှ မပြောကြပေ။ မိမိတို့ကိုယ်ကိုယ်နှင့်သက်ဆိုင်သည် အသိအနည်းငယ် ရှိသူများသည် ယင်းကိုလည်း ချခင်းမပြဝံ့ကြပေ။ ယင်းတို့သည် ထိုသို့လုပ်ဆောင်ဖို့ သတ္တိမရှိကြပေ။ အဆုံး၌ မည်သည့်အရာ ဖြစ်ပျက်သနည်း။ လူများ အတူတကွ ရှိသည့်အခါ၊ ၎င်းတို့သည် အပြန်အလှန် မြှောက်ပင့်ကြခြင်းဖြင့် အချင်းချင်း မျက်နှာလို မျက်နှာရလုပ်ကြသည်။ မည်သူကမျှ လူတိုင်း၏ စိတ်ဖြာလေ့လာခြင်းခံရဖို့နှင့် အသိခံရဖို့ သူ၏စစ်မှန်သော မျက်နှာကို ပြရန် လိုလားမနေကြပေ။ ထိုသို့သော အခြေအနေတစ်ခု ဖြစ်လာသည်နှင့်တစ်ပြိုင်နက်၊ စစ်မှန်သော အသင်းတော် အသက်တာကို ရရှိနိုင်မည်လော။ မရနိုင်ပေ။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုးသားသောလူတစ်ဦးဖြစ်ခြင်း၏ အခြေခံအကျဆုံး လက်တွေ့လုပ်ဆောင်ချက်” မှ

အကယ်၍ သင်သည် သမ္မာတရားအား ရှာဖွေရန် ဆန္ဒရှိပါက၊ အကယ်၍ သင်သည် သင်၏မှားယွင်းနေသော စိတ်ဓာတ်လှုံ့ဆော်မှုများ၊ အခြေအနေများ၊ သို့မဟုတ် စိတ်နေစိတ်ထားများအား အစုံလိုက်အပြုံလိုက်ပြောင်းလဲမှုတစ်ခု ဖြစ်ပေါ်လာရန် ဆန္ဒရှိပါက၊ ကျန်သည့်အရာအားလုံးထက်၊ သင်သည် မိမိထင်မြင်ခံစားရသည့်အတိုင်း ပြောဆိုရန်နှင့် မိတ်သဟာယဖွဲ့ရန်အတွက် သင်ယူရမည်ဖြစ်သည်။ သင်သည် မိမိထင်မြင်ခံစားရသည့်အတိုင်း ပြောဆိုပြီး မိတ်သဟာယဖွဲ့မည့်သူအား ရွေးချယ်နိုင်သည်ကား ဟုတ်ပေသည်။ သာမန်လူတို့သည် ၎င်းတို့အား ရယ်မောမည့်၊ သိက္ခာချမည့်၊ လှောင်ပြောင်မည့် ၎င်းတို့၏ အားနည်းချက်များအား အခွင့်ကောင်းယူပြီး ၎င်းတို့၏ ထင်မြင်ခံစားချက်အတိုင်း ပြောပြီးသောအခါ ၎င်းတို့အတွက် အခြေအနေများ ပိုမိုဆိုးဝါးလာစေရန် ကြိုးစားလုပ်ဆောင်မည့် သူတစ်စုံတစ်ယောက်အား သေချာပေါက် ရွေးချယ်ကြမည် မဟုတ်ပေ။ ၎င်းတို့သည် သမ္မာတရားအား ရှာဖွေခြင်းတွင် ပို၍ ကျွမ်းကျင်သည့် တစ်စုံတစ်ယောက်၊ ပိုမိုကောင်းမွန်သောလူ့သဘာဝနှင့် တစ်စုံတစ်ယောက်၊ ပိုမိုရိုးသား၍ တော်ဖြောင့်သော စရိုက်ရှိသူ တစ်စုံတစ်ယောက်၊ ၎င်းတို့နှင့် မိတ်သဟာယဖွဲ့ပြီးသောအခါ၊ ၎င်းတို့အား ကူညီနိုင်စွမ်းရှိမည့် သူများအားရှာဖွေကြမည်မှာ မလွှဲမသွေပင်ဖြစ်သည်။ ဤလူများမှာ ၎င်းတို့ ထင်မြင်ခံစားချက်အတိုင်း ပြောရန်နှင့် မိတ်သဟာယဖွဲ့ရန် ၎င်းတို့၏အခက်အခဲများ ဖြေရှင်းရန် ၎င်းတို့အား အကူအညီပေးရန်အတွက် ၎င်းတို့ ရှာဖွေ ကြမည့် လူများဖြစ်သည်။ ပထမဦးစွာအနေဖြင့်၊ ဤသည်မှာ ၎င်းတို့ ထင်မြင်ခံစားချက်အတိုင်း ပြောကာ မိမိကိုယ်ကိုယ် ထုတ်ဖော်ပြလျက်၊ ဘုရားသခင်ရှေ့မှောက်တွင် လူတစ်ဦး ပိုင်ဆိုင်သင့်သည့် သဘောထားပင်ဖြစ်ကာ၊ ဤသဘောထားသည် အလွန်အရေးကြီးသည်။ “ဒါတွေက ငါ့ရဲ့အခက်အခဲတွေပဲ၊ ငါ့အထဲမှာ အခြေအနေဆိုးတစ်ခုရှိတယ်၊ ငါက အပျက်သဘောဆောင်တယ်၊ ဒါပေမဲ့ ငါ ဘယ်သူ့ကိုမှ မပြောသေးဘူး။ ငါ့ဘာသာ အားလုံး စိတ််ထဲမှာပဲ ထားမယ်”ဟု ပြော၍ ချူပ်တည်းမထားလေနဲ့။ အကယ်၍ သင်သည် အမူအရာများအား အမြဲ မျိုသိပ်ထားပါက ၊ အချိန်ကြာလာသောအခါ သင်သည် ဆုတောင်းလိုစိတ် ရပ်တန့်သွားလိမ့်မည်၊ သင်၏အခြေအနေသည် တောင်အောက်သို့ ပို၍ ပို၍ လျှောကျသွားမည်ဖြစ်ကာ၊၊ အမူအရာများအား ပြောင်းလဲ လုပ်ဆောင်ရာ၌ ခက်ခဲလာမည် ဖြစ်သည်။ ထို့ကြောင့် သင်၏အခြေအနေသည် မည်သို့ပင်ဖြစ်စေ၊ သင်သည် အပျက်သဘောဆောင်သည်ဖြစ်စေ ၊ အခက်အခဲ ကြုံနေရသည်ဖြစ်စေ၊ သင် ကိုယ်တိုင်၏တစ်ကိုယ်ရေ စိတ်ဓာတ်လှုံ့ဆော်မှုများ သို့မဟုတ် အစီအစဉ်များ မည်သို့ ရှိသည် ဖြစ်စေ၊ သင် မည်သည့်အရာအား သိရှိလာသည်ဖြစ်စေ ၊ သို့မဟုတ် စစ်ဆေးမှုမှ တစ်ဆင့် သဘောပေါက်လာသည်ဖြစ်စေ၊ သင်သည် ထင်မြင်ခံစားရသည့်အတိုင်း ပြောဆိုရန်နှင့် မိတ်သဟာယဖွဲ့ရန်အတွက် သင်ယူရမည် ဖြစ်ကာ၊ သင် မိတ်သဟာယဖွဲ့သည်နှင့်အမျှ သန့်ရှင်းသော ၀ိညာဉ်တော်သည် အလုပ်လုပ်ဆောင်မည် ဖြစ်သည်။ ပြီးလျှင် သန့်ရှင်းသောဝိညာဉ်တော်သည် မည်သို့ လုပ်ဆောင်သနည်း။ သူသည် သင့်အား ပြသာနာ၏ ပြင်းထန်မှုကို မြင်စေသည်။ သူသည် သင့်အား ပြသာနာ၏ အရင်းအမြစ်နှင့် အနှစ်သာရအား သတိမူမိစေသည်၊ ထို့နောက် တဖြည်းဖြည်းချင်း သူသည် သင့်အား သမ္မာတရားကို နားလည်စေသည်၊ သမ္မာတရား၏ စစ်မှန်မှု အတွင်း ဝင်ရောက်စေပြီး ဘုရားသခင်၏ အလိုတော်အား နားလည်စေသည်။ လူတို့သည် ထင်မြင်ခံစားရသည့်အတိုင်း ပြောဆိုကာ မိတ်သဟာယဖွဲ့နိုင်စွမ်းရှိသည့်အခါတွင်၊ အရာအားလုံးထက် ၊ သမ္မာတရားအပေါ်သဘောထားတစ်မျိုးဖြစ်သော ရိုးသားသည့် သဘောထားအား ကိုယ်စားပြုကာ၊ ၎င်းက သင်သည် စိတ်ရင်းအတိုင်း ဟုတ်မဟုတ်နှင့် သမ္မာတရားအပေါ် သင်၏သဘောထား မည်သို့ရှိသည်ကိုလည်း အတိအကျ ပြသနေသည်။ ရိုးဖြောင့်သည့် လူတို့သည် အခက်အခဲနှင့် အပျက်သဘောတို့ ၀ိုင်းရံဖိစီးခံရသောအခါ၊ ၎င်းတို့သည် မိတ်သဟာယဖွဲ့ရန် တစ်စုံတစ်ယောက်အား မပျက်မကွက် ရှာဖွေရန် ကြိုးစားကြသည်။ ၎င်းတို့သည် ဖြေရှင်းခြင်းလမ်းကြောင်းအား ရှာဖွေကြပြီး ၎င်းတို့သည် ဘုရားသခင်၏ အလိုတော်အား ဖြည့်ဆည်းပေးရန် နည်းလမ်းအား ရှာဖွေကြကာ ဤပြသာနာ သို့မဟုတ် အခက်အခဲအား ဖြေရှင်းကြသည်။ ၎င်းတို့သည် အခက်အခဲနှင့် ရင်ဆိုင်နေရသည့်အတွက် တစ်စုံတစ်ဦးနှင့် ပြောဆိုခြင်းဖြင့် မိမိသက်သာရာရန် တစ်စုံတစ်ဦးအား ရှာဖွေခြင်း မပြုပေ၊ သို့သော် သမ္မာတရားစစ်မှန်မှုအတွင်းဝင်ရောက်မှု ရရှိရန် ဖြေရှင်းချက်နည်းလမ်းတစ်ခု ရှာဖွေသည်၊ ထိုသို့ ဖြင့် ၎င်းတို့သည် ၎င်းတို့၏အခက်အခဲအားဖြေရှင်းကာ ၎င်းတို့၏နောက်တွင် ချန်ထားခဲ့ကြသည်။ အကယ်၍ ဤအရာများသည် လူများအတွင်းတွင် ကြာမြင့်စွာဖုံးကွယ်ထားပါက၊ ၎င်းတို့သည် ဖျားနာမှုတစ်ခု ဖြစ်လာသည်။ ဘုရားသခင်နှင့်ပတ်သက်၍ မရိုးဖြောင့်သောလူများနှင့်စပ်လျဉ်း၍၊ ၎င်းတို့သည် ပြသာနာတစ်ခုနှင့် ရင်ဆိုင်ရသည့်အခါ၊အပြင်ပန်းတွင် သာမန်ဖြစ်ပုံရသော်လည်း၊ အတွင်းထဲတွင်၎င်းတို့၏ အပျက်သဘောသည်အလွန်ကြီးထွားနေလာခဲ့သောကြောင့် ၊ သင်သည် ဤသည်ကို မမြင်နိုင်သော်လည်း၊ ၎င်းတို့မှာ ပြန်မထနိုင်တော့ပေ။ ၎င်းတို့၌ မကျေနပ်မှုများ၊ နားလည်မှုလွဲခြင်းများနှင့် ၎င်းတို့ အတွင်း၌ ပုဂ္ဂိုလ်ရေးအရ စိတ်ဓာတ်လှုံ့ဆော်မှုများ ရှိလာသည့်အခါတွင်လည်း ထင်ရှားခြင်းမရှိပေ။ ၎င်းတို့သည် အမူအရာများအား မျိုသိပ်ထားကာ ၎င်းတို့၏စိတ်ထဲ၌သာ ထားသည်။ ၎င်းတို့သည် ၎င်းတို့၏ တာဝန်အား ဆက်လက်လုပ်ဆောင်နေနိုင်သေးသော်လည်း၊ ၎င်းတို့သည် အသက်တာ ဝင်ရောက်မှုအား ရရှိမည်မဟုတ်ပေ၊ ထို့အပြင် ၎င်းတို့ လုပ်ဆောင်သည့် အရာမှန်သမျှတွင်လည်း အခြေခံသဘောတရားတစ်ခုရှိမည် မဟုတ်သည့်အပြင် ၎င်းတို့သည် အပြင်ပန်းတွင်လည်း တက်ကြွမှု မရှိဘဲ၊စိတ်ပါဝင်စားမှုလည်း မရှိပေ။ ၎င်းမှာ ပြသာနာတစ်ခုဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်အားနာခံခြင်းနှင့်ဆိုင်သော လက်တွေ့လုပ်ဆောင်မှု အခြေခံသဘောတရားများ” မှ

လူနှစ်ဦးသည် ကောင်းစွာသင့်မြတ်လိုပါက၊ ၎င်းတို့ အချင်းချင်း ၎င်းတို့၏ပြဿနာများနှင့် လျှို့ဝှက်ချက်များကို ပြောပြရမည်။ ဤသည်မှာ အတူတကွ သဟဇာတဖြစ်စွာ အလုပ်လုပ်မည့်လူနှစ်ဦးကြားတွင် သာ၍ပင် လိုအပ်လေသည်။ တစ်ခါတစ်ရံတွင်၊ လူနှစ်ဦး အပြန်အလှန် ဆက်ဆံသည့်အခါ၊ ၎င်းတို့သည် ထိပ်တိုက်ဆန့်ကျင်မှုများ ဖြစ်ကြသည်၊ သို့မဟုတ် ၎င်းတို့၏မိသားစု ပတ်ဝန်းကျင်များ၊ နောက်ခံသမိုင်းကြောင်းများ သို့မဟုတ် စီးပွားရေးအခြေအနေများ မကိုက်ညီကြပေ။ သို့ရာတွင် ဤလူနှစ်ဦးသည် ၎င်းတို့အချင်းချင်း ၎င်းတို့၏ ပြဿနာများနှင့် လျှို့ဝှက်ချက်များကို ပြောပြနိုင်ပြီး ၎င်းတို့၏ အရေးကိစ္စများနှင့်ပတ်သက်၍ လုံးလုံး ရင်ဖွင့်နိုင်ကာ၊ မုသားများ သို့မဟုတ် လှည့်စားခြင်း တစ်ခုမျှ မရှိဘဲ ဆွေးနွေးပြောဆိုသကဲ့သို့၊ ၎င်းတို့အချင်းချင်း ၎င်းတို့၏စိတ်နှလုံးများကို ဖွင့်ပြနိုင်ပါက၊ ဤနည်းဖြင့် ၎င်းတို့သည် စစ်မှန်သော မိတ်ဆွေများ ဖြစ်လာနိုင်သည်၊ ယင်းက ရင်းနှီးသော မိတ်ဆွေများ ဖြစ်လာဖို့ကို ဆိုလိုသည်။ အခြားသူတစ်ဦး၌ အခက်အခဲရှိသည့်အခါ၊ ၎င်းတို့က သင့်ကိုရှာပြီး မည်သူ့ကိုမျှ မရှာခြင်း ဖြစ်ကောင်း ဖြစ်လိမ့်မည်။ သင်သည် ၎င်းတို့အား အပြစ်ဖော် ဆုံးမလျှင်ပင်၊ သင်သည် စိတ်ရင်းအမှန်နှလုံးသားတစ်ခုဖြင့် ရိုးသားသောလူတစ်ယောက် ဖြစ်သည်ကို ၎င်းတို့က သိသောကြောင့်၊ သင်သည် အမှန်တကယ် ပြောသည်ကို ၎င်းတို့ သိကြသည်။ သင်တို့သည် ထိုသို့သောလူများ ဖြစ်နိုင်သလော။ သင်တို့သည် ထိုသို့သော လူများ ဖြစ်သလော။ မဟုတ်ပါက၊ သင်တို့သည် ရိုးသားသောလူများ မဟုတ်ပေ။ သင်သည် အခြားသူများနှင့် အပြန်အလှန် ဆက်ဆံသည့်အခါ၊ ၎င်းတို့ကို သင်၏စစ်မှန်သော စိတ်နှလုံးနှင့် မှန်ကန်မှုဖြင် ဦးစွာ သိမြင်သိမှတ်ရမည်။ အခြားသူများနှင့်ဆက်သွယ်ပြောဆိုပြီး အတူတကွ အလုပ်လုပ်ရာ၌ တစ်စုံတစ်ဦး၏ စကားများသည် ဝတ်ကျေတမ်းကျေဖြစ်သည်၊ စကားကြီးစကားကျယ်များ ဖြစ်သည်၊ အာလာပသလ္လာပ ဖြစ်သည်၊ မြှောက်လုံးပင့်လုံးများ ဖြစ်သည်၊ တာဝန်မဲ့ပြီး စိတ်ကူးသက်သက် ဖြစ်သည်ဆိုပါက သို့မဟုတ် ၎င်းတို့သည် အခြားသူများ၏ အခွင့်အရေးပေးခြင်း ရရှိရန် ကြိုးစားဖို့သက်သက်သာ ပြောပါက၊ ၎င်းတို့၏ စကားများသည် ရိုးသားမှုကင်းမဲ့လေသည်၊ ပြီးလျှင် ၎င်းတို့သည် အနည်းငယ်မျှပင် မရိုးသားကြပေ။ ထိုအခြားသူများသည် မည်သူဖြစ်ပါစေ၊ ဤသည်မှာ ၎င်းတို့၏ အခြားသူများနှင့် အပြန်အလှန်ဆက်ဆံသည့် ပုံစံဖြစ်သည်။ ထိုသို့သောသူတစ်ဦးသည် ရိုးသားသော နှလုံးသား ရှိသလော။ ဤသည်မှာ ရိုးသားသော လူတစ်ဦး မဟုတ်ပေ။ တစ်စုံတစ်ဦးတွင် ချို့ယွင်းချက်အချို့ ရှိပြီး ၎င်းတို့က သင့်အား “ကျွန်ုပ်သည် အဘယ့်ကြောင့် အလွန် အပျက်သဘောဆောင်ရသည်ကို ပြောပါဦး။ ကျွန်ုပ် သဘောကို မပေါက်နိုင်ပါ။” ဟု ရိုးသားစွာနှင့် စိတ်ရင်းအတိုင်း ပြောသည်။ ပြီးလျှင် အမှန်တွင် သင်သည် သင်၏စိတ်နှလုံးထဲ၌ ၎င်းတို့၏ ပြဿနာကို နားလည်သော်လည်း ၎င်းတို့ကို မပြောဘဲ၊ ထိုအစား “ဘာမျှမဟုတ်ပါ။ ကျွန်ုပ်လည်း မကြာခဏ အပျက်သဘောဆောင်လေ့ရှိသည်။” ဟု ပြောသည်ဟု ဆိုကြပါစို့။ ဤစကားများသည် ယင်းတို့ကို ကြားရသူအဖို့ ကြီးစွာ နှစ်သိမ့်မှုတစ်ခုဖြစ်သော်လည်း၊ သင်၏ သဘောထားသည် စိတ်ရင်းအတိုင်း ဖြစ်သလော။ မဟုတ်ပေ၊ စိတ်ရင်းအတိုင်း မဖြစ်ပေ။ သင်သည် ၎င်းတို့အား သာ၍ သက်တောင့်သက်သာရှိပြီး နှစ်သိမ့်ခြင်း ခံရစေရန်အလို့ငှာ၊ အခြားသူတစ်ဦးနှင့် ဝတ်ကျေတမ်းကျေ ဆက်ဆံနေခြင်း ဖြစ်သည်၊ သင်သည် ယင်းတို့နှင့် ရိုးသားစွာ စကားပြောခြင်းမှ ရှောင်ကြဉ်နေသည်။ ၎င်းတို့သည် ၎င်းတို့၏အပျက်သဘောဆောင်ခြင်းကို စွန့်ခွာနိုင်ဖို့အလို့ငှာ သင်သည် ၎င်းတို့ကို အလွန်စိတ်ထက်သန်စွာ ကူညီနေခြင်း မဟုတ်ပေ။ ၎င်းတို့ကို နှစ်သိမ့်ဖို့ကြိုးစားပြီး သင်တို့ကြားတွင် မည်သည့် စိတ်ဝမ်းကွဲခြင်း သို့မဟုတ် ပဋိပက္ခမျှ မရှိစေဖို့ သေချာစေဖို့အလို့ငှာသာ၊ သင်သည် ၎င်းတို့နှင့် ပြဿနာနည်းနိုင်သမျှ နည်းအောင် ကြိုးစားနေခြင်းသာ ဖြစ်သည်- ပြီးလျှင် ဤသည်မှာ ရိုးသားသည့်လူတစ်ယောက် ဖြစ်ခြင်း မဟုတ်ပေ။ ထို့ကြောင့် ရိုးသားသည့်လူတစ်ယောက် အနေဖြင့် ဤအခြေအနေမျိုး ကြုံတွေ့သည့်အခါ၊ သင်သည် မည်သည့်အရာကို လုပ်ဆောင်သင့်သနည်း။ သင်တွေ့ပြီးဖြစ်သည့်အရာကို ၎င်းတို့အား ပြောပြီး ဖော်ထုတ်လော့။ “ကျွန်ုပ်တွေ့ပြီးဖြစ်သည့်အရာနှင့် ကျွန်ုပ် တွေ့ကြုံပြီးဖြစ်သည့်အရာကို သင့်အား ပြောပြမည်။ ကျွန်ုပ် ပြောသည့်အရာသည် မှားသည် သို့မဟုတ် မှန်သည်ကို သင်ဆုံးဖြတ်ပါ။ ယင်းကမှားယွင်းပါက၊ ယင်းကို သင် လက်ခံဖို့ မလိုပါ။ ယင်းက မှန်ပါက၊ သင်လက်ခံမည်ဟု ကျွန်ုပ် မျှော်လင့်ပါသည်။ သင်ကြားရခက်သည့်အရာနှင့် သင့်ကို နာကျင်စေသည့် အရာတစ်စုံတစ်ခုကို ကျွန်ုပ် ပြောပါက၊ သင်သည် ဘုရားသခင်ထံမှ လက်ခံနိုင်မည်ဟု ကျွန်ုပ်မျှော်လင့်သည်။ ကျွန်ုပ်၏ရည်ရွယ်ချက်နှင့် ရည်မှန်းချက်မှာ သင့်ကိုကူညီဖို့သာ ဖြစ်သည်။ ပြဿနာကို ကျွန်ုပ် ရှင်းရှင်းလင်းလင်း တွေ့မြင်သည်။ သင်သည် စော်ကားခံရသည်ဟု ခံစားရပြီးဖြစ်သည်။ မည်သူမျှ သင့်ကို မြှောက်ပင့်မပေးပေ၊ ပြီးလျှင် လူတိုင်းက သင့်ကို အထင်သေးသည်ဟု လည်းကောင်း၊ သင်သည် တိုက်ခိုက်ခြင်း ခံရနေရသည်ဟုလည်းကောင်း၊ သင်သည် တစ်ခါမျှ ထိုသို့မတရားသဖြင့်အပြုမခံရဖူးဟုလည်းကောင်း သင်တွေးထင်သည်။ ယင်းကို သင်သည်းမခံနိုင်ဘဲ၊ အပျက်သဘောဆောင်လာသည်။ သင်မည်သည့်အရာကို တွေးထင်သနည်း- ဤသည်မှာ အမှန်တကယ် ဖြစ်ပျက်နေသည့်အရာဖြစ်သလော။” ပြီးလျှင် ဤသည်ကို ကြားလျက်၊ ယင်းမှာ အမှန်ပင်ဖြစ်သည်ဟု ၎င်းတို့က ထင်ကြသည်။ ဤသည်မှာ သင်၏စိတ်နှလုံးထဲ၌ အမှန်တကယ် ရှိသည့်အရာဖြစ်သော်လည်း၊ သင်သည် ရိုးသားသည့်သူတစ်ဦး မဟုတ်ပါက၊ ယင်းကို သင် ပြောလိမ့်မည် မဟုတ်ပေ။ သင်က “ကျွန်ုပ်လည်း မကြာခဏ အပျက်သဘောဆောင်လေ့ရှိသည်။” ဟု ပြောလိမ့်မည် ဖြစ်ပြီး၊ လူတိုင်းသည် အပျက်သဘောဆောင်တတ်သည်ဟု အခြားသူတစ်ဦးက ကြားသည့်အခါ၊ ၎င်းတို့က ဤသည်မှာ ပုံမှန်ဖြစ်သည်ဟု တွေးထင်ကြသည်၊ ပြီးလျှင် အဆုံး၌ ၎င်းတို့၏ အပျက်သဘောဆောင်ခြင်းကို မစွန့်ခွာကြပေ။ သင်သည် ရိုးသားသည့်လူတစ်ယောက် ဖြစ်ပြီး ၎င်းတို့ကို ရိုးသားသော သဘောထားတစ်ခုနှင့် ရိုးသားသော စိတ်နှလုံး တစ်ခုတို့ဖြင့် ကူညီပါက၊ ၎င်းတို့အား သမ္မာတရားကို နားလည်စေဖို့ သင်ကူညီနိုင်လိမ့်မည် ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုသားခြင်းအားဖြင့်သာ စစ်မှန်သော လူသားပုံသဏ္ဌာန်ကို အသက်ရှင်နေထိုင်နိုင်သည်” မှ

အရှေ့သို့- ၁၂၄။ အခြားသူများနှင့် အပြန်အလှန် ဆက်ဆံခြင်း နိယာမများ

နောက်တစ်ခုသို့- ၁၂၆။ ညီအစ်ကိုများ နှင့် ညီအစ်မများ အကြား ချစ်ခြင်း နိယာမများ

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

ဘုရားသခင်အပေါ် မှီခိုခြင်းနှင့် သူ့ကို ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်တွင်ရှိပြီး အကျပ်ရိုက်ခြင်းတစ်ခုဖြင့် ရင်ဆိုင်ရချိန်တွင်၊ တစ်ဦးတစ်ယောက်သည်...

၈၉၇ ဘုရားသည် လူကို အတတ်နိုင်ဆုံး ကယ်နိုင်လောက်သည်အထိ ကယ်တင်လိုသည်

၁ဘုရားသခင်၏ ကယ်တင်ခြင်းအမှုလုပ်ဆောင်နေစဉ်သူသည် ကယ်တင်နိုင်သမျှသောသူတို့ကို ကယ်တင်လိမ့်မည်၊ကယ်တင်နိုင်သမျှသောသူတို့အား...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်