၈၄) ကောင်းမွန်သော လုပ်ဆောင်ချက်များကို ပြင်ဆင်ခြင်းဆိုင်ရာ အခြေခံသဘောတရားများ

(၁) သင်ထမ်းဆောင်သင့်သည့် တာဝန်အားလုံးကို ကောင်းမွန်စွာနှင့် သစ္စာရှိရှိ ထမ်းဆောင်လော့။ တာဝန်ယူရာတွင် တာဝန်ကျေပွန်လော့၊ တိုးတက်ဖို့ အမြဲ ကြိုးပမ်းလော့၊ ဂရုမစိုက်ခြင်း မဖြစ်နှင့်၊ သို့မဟုတ် ဝတ်ကျေတမ်းကျေ မဖြစ်နှင့်၊ ရှင်းလင်းသော အသိစိတ်တစ်ခု ရှိလာလော့။

(၂) သင်၏ တာဝန်ကို ထမ်းဆောင်စဉ်တွင် ပြဿနာတစ်ခု ကြုံရချိန်တိုင်း သမ္မာတရားကို ရှာဖွေနိုင်ခြင်း ရှိလော့။ အခြေခံသဘောတရားများအတိုင်း ဆောင်ရွက်လာပြီး သင့်ကို ဘုရားသခင် တာဝန်ပေးစေခိုင်းထားသည့်အရာကို အစမှ အဆုံးထိ အမြဲ သစ္စာစောင့်သိလော့။

(၃) သမ္မာတရား အခြေခံသဘောတရားကို စောင့်ထိန်းလော့၊ သင်၏ ညီအစ်ကိုမောင်နှမများကို ချစ်ခင်လော့၊ ဆိုးယုတ်သော လူများနှင့် အန္တိခရစ်တို့က အသင်းတော်ထဲတွင် လှုံ့ဆော်သည့် နှောင့်ယှက်မှုများကို ဖော်ထုတ်ကာ ကန့်သတ်နိုင်ခြင်း ရှိလော့၊ ထို့ပြင် ဘုရားသခင်၏ ရွေးချယ်ခံ လူတို့ကို ကာကွယ်လော့။

(၄) အသင်းတော်၏ အလုပ်ကို မိမိတို့၏ အစွမ်းရှိသမျှဖြင့် ကာကွယ်သင့်ပြီး အရဲစွန့်ဝံ့သည့် သတ္တိဖြင့် ဘုရားသခင့်အိမ်တော်၏ အလုပ်အားလုံးကို ပြီးစီးစေဖို့ အစွမ်းကုန် အားထုတ်ရမည်၊ အဆုံးထိ သစ္စာရှိရမည်။

ဆက်စပ်သော ဘုရားသခင်၏ နှုတ်ကပတ်တော်များ-

ယခုအချိန်သည် လူတစ်ဦးစီအတွက် အဆုံးသတ်ခြင်းကို ငါဆုံးဖြတ်သည့်အချိန်ဖြစ်ပြီး လူသားကို ငါ စတင် အမှုပြုသည့် အဆင့် မဟုတ်ပေ။ လူတစ်ဦးစီ၏ စကားများနှင့် လုပ်ဆောင်ချက်များ၊ ငါ့နောက်သို့ လိုက်ရာတွင် ထိုသူတို့၏လမ်းကြောင်းများ၊ အရင်းခံ ထူးခြားသော လက္ခဏာများနှင့် သူတို့နောက်ဆုံးတွင် မည်သို့ကျင့်ကြံပြုမူသည် ဆိုသည်တို့ကို ငါ၏မှတ်တမ်းစာအုပ်ထဲတွင် တစ်ခုပြီးတစ်ခု ငါချရေးသည်။ ဤနည်းအားဖြင့် ထိုသူတို့သည် မည်သို့သောလူစားမျိုး ဖြစ်နေပါစေ၊ မည်သူမျှ ငါ၏လက်မှ မလွတ်မြောက်နိုင်။ ထို့အပြင် ခပ်သိမ်းသောလူတို့သည် ငါချမှတ်ပေးသည့်အတိုင်း ၎င်းကဲ့သို့သော လူစားများနှင့် ရှိနေရမည်။ ငါသည် လူတစ်ဦးစီ၏ ပန်းတိုင်ကို အသက်၊ ဝါရင့်ခြင်း၊ ဒုက္ခခံရသည့်ပမာဏနှင့် အနည်းဆုံးအနေဖြင့် ၎င်းအပေါ် သနားစိတ်ပေါ်စေသည့် အတိုင်းအတာတို့ကို အခြေပြု၍ ဆုံးဖြတ်ခြင်း မဟုတ်ဘဲ၊ သမ္မာတရားကို ၎င်းတို့ ပိုင်ဆိုင်ခြင်း ရှိမရှိအပေါ်တွင် မူတည်၍ ဆုံးဖြတ်ခြင်းဖြစ်၏။ ဤအရာမှတစ်ပါး တခြားရွေးချယ်စရာ မရှိ။ ဘုရားသခင်၏ အလိုတော်ကို မလိုက်သူအားလုံး အပြစ်ပေးခြင်း ခံရမည်ကို သင်တို့ သဘောပေါက်ရမည်။ ဤသည်မှာ မပြောင်းလဲနိုင်သော အချက်ဖြစ်၏။ ထို့ကြောင့် အပြစ်ပေးခံရသူအားလုံးသည် ဘုရားသခင်၏ ဖြောင့်မတ်တော်မူခြင်းကြောင့်လည်းကောင်း၊ ၎င်းတို့၏ များလှစွာသော ဆိုးယုတ်သည့် လုပ်ရပ်များကြောင့် ဒဏ်ခတ်ခြင်း အဖြစ်လည်းကောင်း ဤသို့ အပြစ်ပေးခံရခြင်း ဖြစ်၏။ ငါ့အစီအစဉ်၏ ကနဦးအစကတည်းက ငါသည် ယင်းကို အပြောင်းအလဲ တစ်ခုမျှ မလုပ်ရသေးပေ။ လူသားနှင့်ပတ်သက်လျှင် ငါ၏ နှုတ်ကပတ်တော်ကို ငါဦးတည်ချက်ထားသူ ဦးရေ နည်းပါးလာပုံရသကဲ့သို့၊ ငါအမှန်တကယ် လက်ခံသူ ဦးရေသည်လည်း နည်းပါးလာပုံရနေ၍သာ ဖြစ်သည်။ သို့ရာတွင် ငါ၏အစီအစဉ်သည် မည်သည့်အခါမျှ မပြောင်းလဲခဲ့ဟု ငါခံယူသည်။ အကယ်ဆိုရလျှင် လူတစ်ဦးစီသည် ငါ့ကို မျက်နှာလိုမျက်နှာရ လုပ်ရာမှ ငါ့အပေါ် အေးတိအေးစက်ဖြစ်ပြီး ငါ့ကိုစွန့်ပစ်ရန်ပင် ဖြစ်နိုင်သည်အထိ အမြဲပြောင်းလဲ၊ အမြဲလျော့နည်းလာသည်မှာ လူသား၏ယုံကြည်ခြင်းနှင့် ချစ်ခြင်း မေတ္တာသာလျှင် ဖြစ်ပေသည်။ ငါသည် ရွံရှာ၍ စက်ဆုပ်စိတ်ပေါ်ကာ အဆုံးတွင် အပြစ်ဒဏ်ပေးသည့်တိုင်အောင် သင်တို့အပေါ် ငါ၏ သဘောထားမှာ ပူခြင်း၊ အေးခြင်းမရှိပေ။ သို့ရာတွင် သင်တို့ကို အပြစ်ပေးသော နေ့တွင် ငါသည် သင်တို့ကို တွေ့ဦးမည် ဖြစ်သော်လည်း၊ သင်တို့သည် ငါ့ကို မြင်နိုင်တော့မည် မဟုတ်ချေ။ သင်တို့အကြား နေရသည့်ဘဝမှာ ငြီးငွေ့ဖွယ်၊ ပျင်းစဖွယ်ကောင်းလာပြီ ဖြစ်သဖြင့်၊ သင်တို့၏ မလိုမုန်းထား စကားများ၏ နာကျင်စေမှုကို ရှောင်ရှားရန်နှင့် မခံမရပ်နိုင်လောက်အောင် ယုတ်ညံ့သည့် အပြုအမူမှ ဝေးရာသို့သွားရန်၊ သင်တို့သည် ငါ့ကို ဆက်၍လှည့်စားနိုင်ခြင်း မရှိတော့သကဲ့သို့၊ ဝတ်ကျေတမ်းကျေ ဆက်ဆံ၍ မရတော့ရန် ငါသည် အခြားနေစရာ ပတ်ဝန်းကျင်များကို ရွေးခဲ့ပြီးဖြစ်သည်မှာ အံ့အားသင့်စရာ မဟုတ်ပေ။ သင်တို့ထံမှ ငါထွက်ခွာမသွားမီ သင်တို့အား သမ္မာတရားနှင့် မကိုက်ညီသည့် အရာများကို လုပ်ဆောင်ခြင်းမှ ရှောင်ရှားရန် ငါအလေးအနက် တိုက်တွန်းရဦးမည်။ အကယ်စင်စစ် လူခပ်သိမ်းအား စိတ်ကျေနပ်စေမည့်အရာ၊ လူခပ်သိမ်းအတွက် အကျိုးရှိမည့်အရာနှင့် သင်ကိုယ်တိုင်၏ပန်းတိုင်အတွက် အကျိုးရှိမည့်အရာကို သင် လုပ်သင့်သည်။ သို့မဟုတ်ပါက ကပ်ဘေးအလယ်တွင် ဒုက္ခခံစားရမည့်သူမှာ အခြားမည်သူမျှ မဟုတ်ဘဲ သင်သာလျှင် ဖြစ်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်၏ ပန်းတိုင်အတွက် လုံလောက်သော ကောင်းမှုများကို ပြင်ဆင်လော့” မှ

ငါ့ကိုချစ်ပြီး မိမိကိုယ်ကို ငြင်းပယ်သူတို့အား ငါ၏သနားကရုဏာကို ဖော်ပြ၏။ သို့သော်လည်း ကောက်ကျစ်စဉ်းလဲသူတို့အပေါ် ကျရောက်သည့် အပြစ်ဒဏ်မှာ ငါ၏ဖြောင့်မတ်သော စိတ်သဘောထား၏ သက်သေအတိအကျဖြစ်ပြီး ငါ့အမျက်ဒေါသအား သက်သေခံချက် သာ၍ပင် ဖြစ်၏။ ဘေးဒုက္ခ ရောက်လာသည့်အခါ ငါ့ကိုဆန့်ကျင်သူ အားလုံးသည် ၎င်းတို့အပေါ် အငတ်ဘေးနှင့် ကပ်ဆိုးကျရောက်သည်နှင့်အမျှ ငိုကြွေးကြလိမ့်မည်။ ကောက်ကျစ် စဉ်းလဲမှုအမျိုးမျိုး ကျူးလွန်ခဲ့သော်လည်း ငါ့နောက်သို့ နှစ်ပေါင်းများစွာ လိုက်ခဲ့သူများသည် မိမိတို့၏အပြစ်များအတွက် ပေးဆပ်ရခြင်းမှ လွတ်မြောက်လိမ့်မည် မဟုတ်။ ၎င်းတို့သည်လည်း နှစ်သန်းပေါင်းများစွာ တစ်လျှောက်လုံး မြင်တွေ့ရခဲသော ဘေးဒုက္ခမျိုးထဲသို့ ထိုးဆင်း၍ စဉ်ဆက်မပြတ် ထိတ်လန့်တုန်လှုပ်၊ ကြောက်ရွံ့ခြင်း၌ အသက်ရှင်ရလိမ့်မည်။ ထို့အပြင် ငါ့အပေါ်၌ သစ္စာစောင့်သိမှုကို ပြသပြီးဖြစ်သော ငါ၏နောက်လိုက်များသည် ဝမ်းမြောက်၍ ငါ၏အစွမ်းသတ္တိကို ချီးမွမ်းကြလိမ့်မည်။ သူတို့သည် ပြောမပြနိုင်လောက်သော ရောင့်ရဲတင်းတိမ်မှုကို ကြုံတွေ့ရပြီး ယခင်က လူသားမျိုးနွယ်အပေါ် ငါမနှင်းအပ်ခဲ့ဖူးသော ဝမ်းမြောက်ခြင်းအလယ် အသက်ရှင်ကြလိမ့်မည်။ အကြောင်းမူကား ငါသည် လူသား၏ ကောင်းမွန်သော လုပ်ဆောင်ချက်များကို တန်ဖိုးထား၍ ၎င်းတို့၏ ဆိုးယုတ်သော လုပ်ဆောင်ချက်များကို စက်ဆုပ်သောကြောင့်ဖြစ်၏။ ငါသည် လူသားမျိုးနွယ်ကို စတင်ဦးဆောင်ခဲ့စဉ်မှစ၍ ငါ၏စိတ်တော်နှင့် တညီတညွတ်တည်းဖြစ်သော လူတစ်စုကိုရရှိရန် စိတ်အားထက်သန်စွာဖြင့် မျှော်လင့်နေခဲ့သည်။ သို့သော်လည်း ငါ၏စိတ်တော်နှင့် တညီတညွတ်တည်း မရှိသောသူတို့ကိုမူ ငါသည် မည်သည့်အခါမျှ မေ့လျော့ခြင်း မရှိပေ။ ထိုသူတို့အပေါ် အပြစ်ဒဏ်ခတ်ရန် အခွင့်အရေးကို မြင်တွေ့ရလျှင် ငါသည် သဘောတွေ့မည် ဖြစ်ပြီး၊ ယင်းအခွင့်အရေးကိုသာ စောင့်စားလျက် ငါ့နှလုံးသားထဲတွင် သူတို့ကို ငါအမြဲတစေ စက်ဆုပ်ရွံရှာ၏။ ယခု ငါ၏နေ့ရက်သည် နောက်ဆုံးတွင် ရောက်လာပြီဖြစ်ပြီး ငါသည် ဆက်လက် စောင့်ဆိုင်းရန် မလိုတော့ပေ။

ငါ၏နောက်ဆုံးအလုပ်သည် လူသားကို အပြစ်ပေးရန်အတွက်သာ မဟုတ်ဘဲ၊ လူသား၏ ပန်းတိုင်ကို စီစဉ်ရန် အတွက်လည်းဖြစ်၏။ ထိုထက်မက ယင်းသည် ငါ၏ ပြုမူလုပ်ဆောင်ချက်များကို လူအားလုံး အသိအမှတ်ပြုရန်အလို့ငှာ ဖြစ်သည်။ ငါပြုလုပ်ခဲ့သည့် အမှုအရာအားလုံးသည် မှန်ကန်ကြောင်းနှင့် ငါပြုလုပ်ခဲ့သည့် အမှုအရာ အားလုံးသည် ငါ၏ စိတ်သဘောထားကို ဖော်ပြခြင်းဖြစ်ကြောင်း လူခပ်သိမ်းတို့အား ငါသိစေလို၏။ လူသားမျိုးနွယ်ကို မွေးဖွားခဲ့သည့်အရာသည် လူသား၏လုပ်ဆောင်ချက် မဟုတ်၊ သဘာဝကြောင့် သာ၍ပင်မဟုတ်ဘဲ ဖန်ဆင်းခြင်းတွင် သက်ရှိအရာတိုင်းကို အာဟာရပေးသည်မှာ ငါ ဖြစ်သည်။ ငါမရှိလျှင် လူသားမျိုးနွယ်သည် ပျက်စီးခြင်းသို့သာ ရောက်ပြီး ကပ်ဘေးများစွာ၏ဒုက္ခကို ခံစားရလိမ့်မည်။ လှပသည့်နေနှင့်လ သို့မဟုတ် စိမ်းလန်းစိုပြေသည့် ကမ္ဘာမြေကို မည်သည့်လူသားမျှ နောက်ထပ် မြင်တွေ့ရလိမ့်မည် မဟုတ်ပေ။ လူသားမျိုးနွယ်သည် အလွန်အေးစက်သော ညများနှင့် ရှောင်လွှဲမရသည့် သေမင်း၏အရိပ်လွှမ်းမိုးသော ချိုင့်ဝှမ်းနှင့်သာ ကြုံတွေ့ရလိမ့်မည်။ ငါသာလျှင် လူသားမျိုးနွယ်၏ တစ်ခုတည်းသော ကယ်တင်ရာဖြစ်၏။ ငါသာလျှင် လူသားမျိုးနွယ်၏ တစ်ခုတည်းသော မျှော်လင့်ရာ ဖြစ်သည်သာမက၊ ငါသည် လူသားမျိုးနွယ်တစ်ရပ်လုံး၏ တည်ရှိခြင်းအတွက် တည်မှီရာဖြစ်သည်။ ငါမရှိလျှင် လူသားမျိုးနွယ်သည် ချက်ချင်း လုံးဝဥဿုံရပ်တန့်သွားမည်။ ငါ့ကို မည်သူမျှ အလေးမစိုက်သော်လည်း၊ ငါမရှိလျှင် လူသားမျိုးနွယ်သည် ရုတ်တရက် ဖြစ်ပွားသည့် ကပ်ဘေးဒဏ်ခံရပြီး တစ္ဆေအမျိုးမျိုးတို့၏ ဖဝါးအောက် နင်းချေခြင်းခံရလိမ့်မည်။ အခြားမည်သူမျှ မပြုနိုင်သည့်အမှုကို ငါပြုခဲ့ပြီဖြစ်ပြီး လူသားသည် ငါ့ကို အချို့သော ကောင်းမှုများဖြင့် ကျေးဇူးပြန်ဆပ်ရန်သာ ငါမျှော်လင့်သည်။ ငါ့ကို ကျေးဇူးဆပ်နိုင်သူတို့မှာ အလွန်နည်းပါးသော်လည်း၊ ငါသည် ဤလူ့လောကတွင် ငါ၏ခရီးကို အဆုံးသတ်ပြီး ငါ၏ဖွင့်လှစ်ပြခြင်းအမှု၏ နောက်တစ်ဆင့်ကို စတင်ဦးမည် ဖြစ်သည်၊ အကြောင်းမူကား ဤနှစ်ပေါင်းများစွာ လူသားအကြား ငါ၏ခေါက်တုံ့ခေါက်ပြန် အပူတပြင်း လုပ်ဆောင်မှုသည် အကျိုးဖြစ်ထွန်းပြီးဖြစ်၍ ငါသည် အလွန်ကျေနပ်၏။ ငါအရေးစိုက်သည်မှာ လူအရေအတွက် မဟုတ်ဘဲ၊ သူတို့၏ ကောင်းမှုများသာ ဖြစ်၏။ မည်သို့ပင်ဖြစ်စေကာမူ သင်တို့ကိုယ်တိုင်၏ ပန်းတိုင်အတွက် ကောင်းမှုများအလုံအလောက် သင်တို့ပြင်ဆင်မည်ဟု ငါမျှော်လင့်၏။ ထိုအခါ ငါကျေနပ်လိမ့်မည်။ သို့မဟုတ်ပါက သင်တို့ အပေါ်ကျရောက်လာမည့် ဘေးအန္တရာယ်ကို သင်တို့တစ်ဦးမျှ ရှောင်နိုင်မည် မဟုတ်။ ဤဘေးဒုက္ခသည် ငါ့ထံမှစတင်၍ ငါစီစဉ်ညွှန်ကြားခြင်း ဖြစ်သည်မှာ မှန်ပေသည်။ ငါ၏အမြင်၌ သင်တို့သည် ကောင်းမွန်ပုံ မပေါက်လျှင် သင်တို့သည် ဘေးဒုက္ခခံစားရခြင်းမှ လွတ်မြောက်နိုင်လိမ့်မည် မဟုတ်ပေ။ သင်တို့၏ယုံကြည်ခြင်းနှင့် ချစ်ခြင်းတို့သည် အနှစ်သာရ မရှိဖြစ်ခဲ့ကြပြီး သင်တို့သည် တွန့်ဆုတ်တတ်သူများ သို့မဟုတ် ခက်ထန်သောသူများ အဖြစ်သာ မိမိကိုယ်ကိုယ် ပြသခဲ့ကြသောကြောင့်၊ ကြီးစွာသော ဆင်းရဲဒုက္ခအကြားတွင် သင်တို့၏ ပြုမူလုပ်ဆောင်ချက်များသည် လုံးလုံးလျားလျား သင့်လျော်သည်ဟု ယူဆခြင်း မခံခဲ့ရပေ။ ဤအရာနှင့်ပတ်သက်၍ ကောင်း၏၊ ဆိုး၏ကိုသာ တရားစီရင်မှုတစ်ခု ငါပြုမည်။ သင်တို့တစ်ဦးစီ ပြုမူပုံနှင့် မိမိကိုယ်ကိုယ် ဖော်ပြပုံသာ ငါ၏အမှုထားစရာကိစ္စ ဖြစ်မြဲဖြစ်နေပြီး ၎င်းတို့အပေါ်အခြေခံ၍ သင်တို့၏နိဂုံးကို ငါဆုံးဖြတ်အံ့။ သို့ရာတွင် ဆင်းရဲဒုက္ခကြီးစွာ ခံစားရချိန်များတွင် ငါ့အပေါ် စိုးစဉ်းမျှ သစ္စာစောင့်သိမှု မပြသခဲ့သူများအား ငါသည် နောက်ထပ် သနားကြင်နာတော့မည် မဟုတ်ဘဲ ငါ၏ကရုဏာသည် အကန့်အသတ်ရှိကြောင်းကို ငါရှင်းလင်းစေရမည်။ ထို့ပြင် တစ်ချိန်က ငါ့ကို သစ္စာဖောက်ခဲ့သူ မည်သူ့ကိုမျှ ငါနှစ်သက်ခြင်းမရှိ၊ ၎င်းတို့၏မိတ်ဆွေများ၏ အကျိုးအပေါ် သစ္စာဖောက်သူများနှင့် ငါသည် သာ၍ပင် ပတ်သက်ဆက်နွှယ်လိုခြင်း မရှိ။ ထိုသူသည် မည်သူပင်ဖြစ်စေ ဤသည်မှာ ငါ၏စိတ်သဘောထား ဖြစ်သည်။ ငါ၏နှလုံးကို ကြေကွဲစေသူ မည်သူမဆို ငါ့ထံမှ ဒုတိယအကြိမ် သက်ညှာမှု ရလိမ့်မည် မဟုတ်ကြောင်းနှင့် ငါ့အပေါ်သစ္စာရှိနေခဲ့သောသူ မည်သူမဆို ငါ၏နှလုံးသားတွင် ထာဝရ တည်ရှိနေမည် ဖြစ်ကြောင်း သင်တို့ကို ငါပြောကြားရမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်၏ ပန်းတိုင်အတွက် လုံလောက်သော ကောင်းမှုများကို ပြင်ဆင်လော့” မှ

လူတစ်ဦး၏အကျင့်များကို ကောင်းသည် ဆိုးသည်ဟူ၍ အကဲဖြတ်သော စံနှုန်းမှာအဘယ်နည်း။ ၎င်းမှာ သင်သည် သင်၏အတွေးများ၊ ဖော်ပြချက်များနှင့် အပြုအမူများ၌ သမ္မာတရားကို လက်တွေ့လုပ်ဆောင်ခြင်းနှင့် သမ္မာတရား စစ်မှန်မှုအတိုင်း အသက်ရှင်နေထိုင်ခြင်းအကြောင်း သက်သေခံချက် ရှိမရှိအပေါ် မူတည်၏။ အကယ်၍ သင်၌ ဤစစ်မှန်မှု မရှိပါက၊ သို့မဟုတ် ဤအရာအတိုင်း အသက်ရှင်နေထိုင်ခြင်းမရှိပါက၊ သင်သည် အဓမ္မပြုသူတစ်ဦးဖြစ်သည်မှာ သံသယဖြစ်ဖွယ်မရှိပေ။ ဘုရားသခင်က ဒုစရိုက်ပြုသူများကို အဘယ်သို့ မြင်သနည်း။ သင့်အတွေးများနှင့် အပြင်ပန်းအပြုအမူများက ဘုရားသခင်အတွက် သက်သေမခံသကဲ့သို့ ယင်းတို့က စာတန်အား အရှက်ကွဲစေခြင်း သို့မဟုတ် စာတန်အား အနိုင်ယူခြင်းလည်း မပြုချေ၊ ထို့အစား ဘုရားသခင်ကို သူတို့ အရှက်ရစေပြီး၊ ဘုရားသခင်ကို အရှက်ရစေသည့် လက္ခဏာများနှင့် ပွထနေသည်။ သင်သည် ဘုရားသခင်အတွက် သက်သေခံနေခြင်း မရှိ၊ ဘုရားသခင်အဘို့ မိမိကိုယ်ကို အသုံးခံနေခြင်း မရှိသကဲ့သို့ ဘုရားသခင်အတွက် သင်၏ တာဝန်နှင့် ဝတ္တရားတို့ကို ဖြည့်ဆည်းနေခြင်းလည်း မရှိပါပေ၊ ထို့အစား သင့်ကိုယ်ပိုင်အကျိုးအတွက် သင်ပြုမူနေသည်။ “သင့်ကိုယ်ပိုင်အကျိုးအတွက်” ဟူသည့် ညွှန်းဆိုချက်မှာ အဘယ်နည်း။ စာတန်အတွက်ကို ဆိုလိုသည်။ ထို့ကြောင့် နောက်ဆုံးတွင် ဘုရားသခင်က “အဓမ္မအမှုကို ပြုသောသူတို့၊ ငါ့ထံမှ ဖယ်ကြ” ဟု ဆိုလိမ့်မည်။ ဘုရားသခင်၏ အမြင်တွင် ကောင်းမှုများကို သင် မပြုလုပ်သေး၊ သို့သော် ထို့ထက် သင့်အမူအကျင့်မှာ ဆိုးယုတ်သွားပြီဖြစ်သည်။ သင် ဆုချီးမြှင့်ခြင်း ခံရလိမ့်မည်မဟုတ်သကဲ့သို့ ဘုရားသခင်သည် သင့်ကို သတိရလိမ့်မည်မဟုတ်ပေ။ ဤသည်မှာ လုံးလုံးလျားလျား အချည်းနှီးဖြစ်သည် မဟုတ်လော။ သင်တို့၏ တာဝန်ကို ဖြည့်ဆည်းနေသည့် သင်တို့ အသီးသီးအတွက်၊ သမ္မာတရားကို သင် မည်သို့ နက်နက်နဲနဲ နားလည်ပါစေ၊ သမ္မာတရား လက်တွေ့အရှိတရားထဲသို့ သင်တို့ ဝင်ရောက်လိုလျှင်၊ လက်တွေ့လုပ်ဆောင်ဖို့ အရိုးရှင်းဆုံးသော နည်းလမ်းမှာ သင်တို့ လုပ်ဆောင်သမျှတိုင်းတွင် ဘုရားသခင့် အိမ်တော်၏ အကျိုးများကို တွေးဖို့ရန်နှင့် သင်၏ တစ်ကိုယ်ကောင်းဆန်သော စိတ်ဆန္ဒများ၊ သင်၏ တစ်ဦးချင်း အကြံ၊ ကြံရွယ်ချက်များ၊ ဂုဏ်ဒြပ်နှင့် အဆင့်အတန်းတို့ကို လက်လွှတ်ဖို့ ဖြစ်သည်။ ဘုရားသခင့် အိမ်တော်၏ အကျိုးများကို ဦးစားပေးလော့- ဤသည်မှာ သင် အနည်းဆုံး လုပ်ဆောင်သင့်သည့် အရာဖြစ်၏။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ

ဘုရားသခင်ကို ယုံကြည်သည့် လူအများစုသည် သူ့အတွက် မိမိတို့ကိုယ်ကို အသုံခံဖို့နှင့် ဆည်းကပ်ဖို့ ဝမ်းမြောက်ဝမ်းသာ ဖြစ်ကြ၏။ သို့သော်၊ စစ်မှန်သော ဆည်းကပ်မှုနှင့် စွန့်လွှတ်မှုတို့ကို လုပ်နိုင်စွမ်းသောသူတို့သာလျှင် စစ်မှန်သော လက်တွေ့အရှိတရားကို ပိုင်ဆိုင်ကြ၏။ လူအများစုသည် သမ္မာတရားကို ပျော်ရွှင်စွာ လိုက်စားကြသော်လည်း၊ အတော်နည်းပါးသော သူတို့သာ ယင်းကို လက်တွေ့လုပ်ဆောင်နိုင်ကြ၏၊ သို့မဟုတ် ယင်းကို ရရှိဖို့ အဖိုးအခတစ်ခုကို ပေးနိုင်ကြ၏။ အရေးပါလှသော အခိုက်အတန့် ရောက်လာပြီး သင့်ကို စတေးကာ စွန့်လွှတ်ခိုင်းသည့်အခါတွင်၊ သင်မခံနိုင်ပေ။ ဤသည်မှာ လက်ခံနိုင်ဖွယ်မရှိသကဲ့သို့ သင်သည် ဘုရားသခင်အပေါ် မစစ်မှန်သည်ကို ပြသပေသည်။ အခိုက်အတန့်တစ်ခုသည် အရေးပါလေလေ၊ လူတို့သည် ကျိုးနွံနာခံနိုင်လေလေ ဖြစ်ပြီး၊ ၎င်းတို့၏ ကိုယ်ပိုင်အကျိုးများ၊ ဘဝင်မြင့်ခြင်း၊ မာနတို့ကို လက်လွှတ်နိုင်လေလေ ဖြစ်ကာ ၎င်းတို့၏ တာဝန်များကို သင့်တင့်လျောက်ပတ်စွာ ဆောင်ရွက်နိုင်လေလေ ဖြစ်ပါက၊ ထိုအခါတွင်မှသာ ၎င်းတို့ကို ဘုရားသခင် အမှတ်ရမည် ဖြစ်သည်။ ထိုအရာအားလုံးသည် ကောင်းမွန်သော လုပ်ဆောင်ချက်များ ဖြစ်ကြပေသည်။ လူတို့ မည်သည့်အရာကို လုပ်ဆောင်ကြသည်ဖြစ်စေ၊ မည်သည့်အရာသည် သာ၍ အရေးကြီးသနည်း- ၎င်းတို့၏ ဘဝင်မြင့်ခြင်းနှင့် မာနလော၊ သို့မဟုတ် ဘုရားသခင်၏ ဘုန်းအသရေလော။ (ဘုရားသခင်၏ ဘုန်းအသရေဖြစ်ပါသည်။) မည်သည့်အရာသည် သာ၍ အရေးကြီးသနည်း- သင်၏ တာဝန်ဝတ္တရားများလော၊ သို့မဟုတ် သင်၏ ကိုယ်ပိုင်အကျိုးများလော။ သင်၏တာဝန်များကို ဖြည့်ဆည်းခြင်းသည် အရေးအကြီးဆုံးသောအရာ ဖြစ်ပြီး၊ သင်သည် ထိုအရာများအတွက် တာဝန်ရှိပေသည်။ ဤသည်မှာ ဆောင်ပုဒ်တစ်ခု မဟုတ်ပေ။ ယင်းသည် စိတ်ထဲတွင် သင်တွေးသည့်အရာဖြစ်ပြီး ထိုနည်းလမ်းဖြင့် သင်လက်တွေ့လုပ်ဆောင်ဖို့ ကြိုစားသည့်အရာဖြစ်ပါက၊ သင်သည် လက်တွေ့အရှိတရား အနည်းငယ်ထဲသို့ ဝင်ရောက်လိမ့်ဦးမည် မဟုတ်ပေ။ အနည်းဆုံးအနေဖြင့်၊ ယင်းမှာ သင်သည် လက်တွေ့အရှိတရားနှင့် သက်ဆိုင်သော သွင်ပြင်လက္ခဏာအချို့ကို ပိုင်ဆိုင်သည်ဟု ဆိုလိုပေသည်။ အချို့သော အရာများကို ရင်ဆိုင်ရသည့်အခါ၊ သင်၏ကိုယ်ပိုင် ဘက်လိုက်သော ခဏပန်းစိတ်ဆန္ဒများ၊ သင်၏ဘဝင်မြင့်ခြင်းနှင့် မာနတို့က သင်၏လမ်းကို တားဆီးလိမ့်မည် မဟုတ်သကဲ့သို့၊ သင်သည် သင် ကိုယ်တိုင်၏တာဝန်၊ ဘုရားသခင်၏ အလိုတော်၊ သူ့အတွက် သက်သေခံဖို့နှင့် သင်ကိုယ်တိုင်၏ဝတ္တရားများကို ပထမဦးစားပေး ရပေလိမ့်မည်။ ဤသည်မှာ အင်မတန် ကြီးမြတ်သည့် သက်သေခံခြင်း နည်းလမ်းတစ်ခုဖြစ်ပြီး ယင်းက စာတန်ကို အရှက်ရစေပေသည်။ ဤအရာအားလုံးကို မြင်ပြီးနောက်တွင် မည်သည့်အရာကို စာတန်စဉ်းစားသနည်း။ သင်သည် ဘုရားသခင်အဖို့ အမှန်တကယ် သက်သေခံပြီး စာတန်ကို ကျောခိုင်းရန် တကယ့်ဆောင်ရွက်ချက်များကို အသုံးပြုရင်း၊ ဤအရာကို အမှန်တကယ် လုပ်ဆောင်ပါက၊ ထို့ပြင် ဆောင်ပုဒ်များကို သံပြိုင်ကြွေးကြော်ခြင်းထက် သာ၍ သင်လုပ်ဆောင်နေပါက၊ စာတန်ကို အရှက်ရစေပြီး ဘုရားသခင်ကို သက်သေခံဖို့ သာ၍ကောင်းသောနည်းလမ်း မရှိပေ။ ဘုရားသခင်အတွက် သက်သေခံဖို့နှင့် စာတန်ကို စွန့်လွှတ်ကာ ငြင်းပယ်ဖို့ဟူသည့် သင်၏ စိတ်ဆုံးဖြတ်ချက်ကို စာတန်မြင်စေရန် အမျိုးမျိုးသော နည်းစနစ်များကို အသုံးပြုခြင်းသည် အံ့ဖွယ်ကောင်းလိုက်လေစွတကား။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်နှင့် သမ္မာတရားကို ရရှိခြင်းသည် ပျော်ရွှင်စရာအကောင်းဆုံးအရာဖြစ်၏” မှ

အသင်းတော်ခေါင်းဆောင်များအနေဖြင့်၊ ပါရမီကို မည်သို့ ရှာဖွေတွေ့ရှိပြီး ပျိုးထောင်ရမည်ကို သင် လေ့လာသင်ယူသင့်ပြီး၊ ပါရမီရှိသော လူတို့ကို မနာလိုဝန်တိုခြင်း မဖြစ်သင့်ပေ။ ဤနည်းဖြင့်၊ သင်၏ တာဝန်ကို ကျေနပ်ဖွယ်ရာ ဆောင်ရွက်လိမ့်မည်ဖြစ်ပြီး၊ သင်၏ တာဝန်ဝတ္တရားကို ဖြည့်ဆည်းပြီးပြီ ဖြစ်လိမ့်မည်။ သင်သည် သစ္စာရှိဖို့ အစွမ်းကုန် လုပ်ဆောင်ပြီးပြီလည်း ဖြစ်လိမ့်မည်။ လူအချို့သည် သူတို့၏ ထင်ရှားကျော်ကြားမှုကို အခြားသောသူများက ခိုးယူသွားပြီး မိမိတို့ထက်သာလွန်မည်၊ ပြီးလျှင် မိမိတို့ကိုယ်တိုင် မသိကျိုးကျွန်ပြုခံရစဉ်၊ ထိုသူတို့ကအသိအမှတ်ပြုခြင်းကို ရရှိမည်ကို အမြဲစိုးရိမ်ကြ၏။ ဤအရာက သူတို့ကို အခြားသူများအား တိုက်ခိုက်ပြီး ဖယ်ကြဉ်စေသည်။ ဤသည်မှာ မိမိတို့ကိုယ်တိုင်ထက် တတ်စွမ်းနိုင်သူတို့ကို မနာလိုဝန်တိုခြင်း ကိစ္စရပ်တစ်ခု မဟုတ်လော။ ထိုသို့သော အပြုအမူက တစ်ကိုယ်ကောင်းဆန်ပြီး စက်ဆုပ်ဖွယ် ဖြစ်သည် မဟုတ်လော။ ဤသည်မှာ မည်သည့် စိတ်သဘောထားမျိုး ဖြစ်ပါသနည်း။ ယင်းမှာ မလိုတမာစိတ် ဖြစ်၏။ မိမိအတွက်ကိုသာ စဉ်းစားခြင်း၊ မိမိ၏ကိုယ်ပိုင် စိတ်ဆန္ဒများကိုသာ ဖြည့်ဆည်းခြင်းနှင့် အခြားသူများ၏ တာဝန်ဝတ္တရားများအတွက် စာနာထောက်ထားမှု လုံးဝမပြဘဲ မိမိ၏ ကိုယ်ပိုင် အကျိုးများအကြောင်းကိုသာ စဉ်းစားပြီး ဘုရားအိမ်တော်၏ အကျိုးများကို မစဉ်းစားခြင်း- ဤသို့သော လူတို့သည် ဆိုးသော စိတ်သဘောထားတစ်ခု ပိုင်ဆိုင်ပြီး သူတို့အတွက် ဘုရားသခင်တွင် ချစ်ခြင်းမေတ္တာမရှိပါ။ ဘုရားသခင်၏ အလိုတော်ကို သင် အမှန်တကယ် အရေးထားနိုင်စွမ်းရှိပါက၊ အခြားလူတို့ကို မျှမျှတတ သင် ဆက်ဆံနိုင်လိမ့်မည်။ တစ်စုံတစ်ဦးကို သင်၏ ထောက်ခံချက်ပေးပြီး၊ ထိုလူသည် ပါရမီရှိသည့် တစ်ဦးတစ်ယောက်အဖြစ် ဖြစ်ထွန်းလာခဲ့ကာ၊ ထိုသို့အားဖြင့် ဘုရားအိမ်တော်ထဲသို့ ပါရမီရှိသည့် လူတစ်ဦးကို ခေါ်ဆောင်လာခဲ့လျှင်၊ သင်သည် သင်၏ အလုပ်ကို ကောင်းမွန်စွာ လုပ်ဆောင်ပြီးခဲ့လိမ့်မည် မဟုတ်လော။ ထိုသို့ဖြစ်လျှင် သင်သည် သင်၏တာဝန်ကို ဆောင်ရွက်ရာတွင် သစ္စာရှိခဲ့လိမ့်မည် မဟုတ်လော။ ဤသည်မှာ ဘုရားသခင်ရှေ့တွင် ကောင်းမြတ်သော လုပ်ရပ်တစ်ခုဖြစ်ပြီး လူများ ပိုင်ဆိုင်သင့်သည့် အသိစိတ်နှင့် ဆင်ခြင်တုံတရားမျိုး ဖြစ်၏။ သမ္မာတရားကို လက်တွေ့လုပ်ဆောင်နိုင်သော သူများသည် အမှုအရာများကို လုပ်ဆောင်နေချိန်တွင် ဘုရားသခင်၏စိစစ်ခြင်းကို လက်ခံနိုင်ကြသည်။ သင်သည် ဘုရားသခင်၏စိစစ်ခြင်းကို လက်ခံသောအခါ၊ သင်၏စိတ်နှလုံးသည် အမြင်မှန်ရစေခြင်း ခံရသည်။ အကယ်၍ သင်သည် အခြားသူများ မြင်စေရန်အတွက်သာ လုပ်ဆောင်ပြီး ဘုရားသခင်၏စိစစ်ခြင်းကို လက်မခံပါက၊ သင်၏စိတ်နှလုံးထဲ၌ ဘုရားသခင် ရှိသေးသလော။ ဤကဲ့သို့သောလူများမှာ ဘုရားသခင်ကို ကြောက်ရွံ့ခြင်း မရှိကြချေ။ သင်၏အကျိုးအတွက်သာ အစဉ်မလုပ်ဆောင်နှင့်၊ ပြီးလျှင် သင်၏ ကိုယ်ပိုင် အကျိုးစီးပွားကို စဉ်ဆက်မပြတ် ထည့်သွင်းမစဉ်းစားနှင့်။ သင်၏ ကိုယ်ပိုင်အဆင့်အတန်း၊ သိက္ခာ၊ သို့မဟုတ် ဂုဏ်သတင်းကို မစဉ်းစားနှင့်။ လူ၏ အကျိုးစီးပွားများကိုလည်း ထည့်သွင်းမစဉ်းစားနှင့်။ သင်သည် ပထမဦးစွာ ဘုရားသခင်၏အိမ်တော်၏အကျိုးများကို စဉ်းစားရမည်ဖြစ်ပြီး ယင်းတို့ကို သင်၏ဦးစားပေးချက် ဖြစ်စေရမည်၊ သင်သည် ဘုရားသခင်၏အလိုတော်ကို အရေးထားသင့်ပြီး၊ သင်၏ တာဝန်ကို ဖြည့်ဆည်းရာတွင် သင်သည် မစင်ကြယ်မှု ရှိခဲ့သည် မရှိခဲ့သည်၊ သစ္စာရှိဖို့ သင် အစွမ်းကုန် လုပ်ဆောင်ပြီးခြင်း ရှိမရှိ၊ သင်၏ တာဝန်များကို ဖြည့်ဆည်းရန် အကောင်းဆုံး သင် လုပ်ဆောင်ပြီး သင်၏အရာအားလုံး ပေးပြီးခြင်း ရှိမရှိဆိုသည်အပြင်၊ သင်၏ တာဝန်နှင့် ဘုရားအိမ်တော်၏ အမှုကို စိတ်နှလုံးအကြွင်းမဲ့ဖြင့် ဆင်ခြင်ခဲ့ခြင်း ရှိမရှိ ဆိုသည်တို့ကို ချင့်ချိန်စဉ်းစားခြင်းဖြင့် အစပြုသင့်သည်။ ဤအရာများကို သင် ထည့်သွင်းစဉ်းစားရမည်။ ယင်းတို့ကို မကြာခဏ တွေးလော့၊ ပြီးလျှင် သင်၏တာဝန်ကို ကောင်းစွာ ထမ်းဆောင်ရန် သင့်အတွက် သာ၍ လွယ်ကူလိမ့်မည်။ သင်၏အရည်အချင်း ညံ့ဖျင်းပါက၊ သင်၏အတွေ့အကြုံ ပေါ့တန်ပါက သို့မဟုတ် သင်၏ အသက်မွေးမှု အလုပ်တွင် မကျွမ်းကျင်ပါက၊ သင်၏အလုပ်၌ အမှားအယွင်းများ သို့မဟုတ် အပြစ်အနာအဆာများ အချို့ ရှိကောင်းရှိနိုင်ပြီး၊ ရလဒ်များမှာလည်း အလွန်ကောင်းချင်မှ ကောင်းပေမည်- သို့သော် သင်သည် သင်၏ အကောင်းဆုံး အားထုတ်မှုကို ပေးပြီးဖြစ်ပေလိမ့်မည်။ သင် လုပ်ဆောင်သောအရာများ၌ သင်၏ ကိုယ်ပိုင် တစ်ကိုယ်ကောင်းဆန်သော စိတ်ဆန္ဒများကို စဉ်းစားခြင်းမရှိ သို့မဟုတ် သင်၏အကျိုးကို ထည့်သွင်းစဉ်းစားခြင်း မပြုသကဲ့သို့၊ ထိုသို့ပြုမည့်အစား ဘုရားသခင်၏အိမ်တော်၏ အလုပ်ကို စဉ်ဆက်မပြတ် ထည့်သွင်းစဉ်းစားပြီး၊ ယင်း၏ အကျိုးများကို စဉ်းစားနေကာ၊ သင်၏တာဝန်ကို ကောင်းစွာ ထမ်းဆောင်သောအခါ၊ သင်သည် ဘုရားသခင်ရှေ့၌ ကောင်းသော အကျင့်များကို စုဆောင်းနေခြင်း ဖြစ်လိမ့်မည်။ ဤကောင်းသော လုပ်ဆောင်ချက်များ ရှိကြသောလူများသည် သမ္မာတရား စစ်မှန်မှုကို ပိုင်ဆိုင်သောသူများ ဖြစ်သည်၊ ထိုသို့ဖြင့် ၎င်းတို့သည် သက်သေခံကြပြီး ဖြစ်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ

သင်သည် သင်၏တာဝန်ကို ဆောင်ရွက်နေသည်ဖြစ်စေ၊ သို့မဟုတ် အသက်မွေးဝမ်းကျောင်းမှုဆိုင်ရာ အသိပညာကို သင်ယူနေသည်ဖြစ်စေ၊ သင်ပြုသောအရာတိုင်းတွင် အခြေခံသဘောတရားများကို လိုက်နာရပေမည်။ သင်ပြုသောအရာတိုင်းကို သမ္မာတရားနှင့်အညီ သဘောထားပြီး သမ္မာတရားနှင့်အညီ လက်တွေ့လုပ်ဆောင်ရမည်။ သင်သည် ပြဿနာများကို ဖြေရှင်းရန်၊ သင့်အထဲ၌ ထုတ်ဖော်ပြထားသည့် ဖောက်ပြန်ပျက်စီးသော စိတ်သဘောထားများကို ဖြေရှင်းရန်နှင့် သင်၏ မှားယွင်းသော နည်းလမ်းများနှင့် အတွေးအခေါ်များကို ဖြေရှင်းရန်အတွက် သမ္မာတရားကို အသုံးပြုရမည်။ ဤအရာများကို သင် ဆက်တိုက်ကျော်လွှားရပေမည်။ အချက်တစ်ခုမှာမူ သင်သည် သင့်ကိုယ်သင် ဆန်းစစ်ရမည်။ သင် ထိုသို့ပြုပြီးသောအခါ ဖောက်ပြန်ပျက်စီးသော စိတ်သဘောထားတစ်ခုကို သင်တွေ့ရှိပါက ဖြေရှင်း၊ ချိုးနှိမ်ပြီး စွန့်လွှတ်ရမည်။ ဤပြဿနာများကို သင် ဖြေရှင်းပြီးသည်နှင့်တစ်ပြိုင်နက်၊ သင်၏ ဖောက်ပြန်ပျက်စီးသော စိတ်သဘောထားများကို အခြေခံ၍ အမှုအရာများကို သင် နောက်ထပ် မပြုလုပ်တော့သည့်အခါနှင့် သင်၏ ရည်ရွယ်ချက်များနှင့် အကျိုးအမြတ်များကို သင်စွန့်လွှတ်နိုင်ပြီး သမ္မာတရား၏ အခြေခံသဘောတရားများအတိုင်း လက်တွေ့လုပ်ဆောင်နိုင်သောအခါမှသာ သင်သည် ဘုရားသခင်နောက် အမှန်တကယ်လိုက်လျှောက်သောသူတစ်ဦး ပြုလုပ်ရမည့်အရာကို ပြုနေခြင်းဖြစ်ပေလိမ့်မည်။ ဘုရားသခင်သည် ဤသီးသန့် အပြုအမူ၊ ဆောင်ရွက်ခြင်း နည်းလမ်းနှင့် အနေအထိုင်ကို လက်ခံနိုင်ဖွယ်ရာအဖြစ် မြင်သလော။ ဤအရာကို လက်ခံနိုင်ဖွယ်အဖြစ် သူမြင်၏။ ဤသည်မှာ ကောင်းမွန်သော လုပ်ဆောင်ချက်တစ်ခု ဖြစ်သည်။ ထိုနည်းလမ်းဖြင့် သင်၏ဆောင်ရွက်ခြင်းကို အဘယ်ကြောင့် ကောင်းမွန်သော လုပ်ဆောင်ချက်တစ်ခုအဖြစ် ယူဆရသနည်း။ သင်သည် ဘုရားအိမ်တော်၏ အလုပ်အတွက်၊ သို့မဟုတ် ဘုရားအိမ်တော်၏ အကျိုးစီးပွားများအတွက် ယင်းကို အခြားသူများအား အကျိုးပြုဖို့ သင်လုပ်ဆောင်ပြီး တစ်ချိန်တည်းတွင်၊ သင်သည် သမ္မာတရားကို လက်တွေ့လုပ်ဆောင်နေသည်။ ထို့ကြောင့် ဘုရားသခင်က ယင်းကို လက်ခံခြင်းဖြစ်ကာ ယင်းသည် ကောင်းမွန်သော လုပ်ဆောင်ချက်တစ်ခု ဖြစ်သည်။ ဤသည်မှာ သင်အသက်ရှင်နေထိုင်ထားသည့်အရာ ဖြစ်ပါက၊ ယင်းမှာ သင်သည် ဘုရားသခင်အတွက် သက်သေခံနေသည်ဟု ဆိုလိုပေသည်။ သို့သော်လည်း အကယ်၍ သင်သည် ထိုသို့မပြုဘဲ မယုံကြည်သူများ၏ အပြုအမူဆိုင်ရာ အခြေခံသဘောတရားများနှင့် နည်းလမ်းများအတိုင်း အသက်ရှင်နေထိုင်လျက် မယုံကြည်သူကဲ့သို့ နေမြဲနေနေလျှင် သင်ပြုလုပ်နေသောအရာက သက်သေခံနေခြင်းဖြစ်သလော။ ယင်းမှာ ဘုရားသခင်ကို စော်ကားမှုပင် ဖြစ်သည်တကား။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အရာရာ၌ သမ္မာတရားကို ရှာဖွေခြင်းအားဖြင့်သာ သမ္မာတရား စစ်မှန်မှုထဲသို့ ဝင်ရောက်နိုင်သည်” မှ

တစ်ခါတစ်ရံတွင် အလုပ်တစ်ခု ပြီးဆုံးပြီးနောက်တွင် သင့်စိတ်နှလုံး၌ အနည်းငယ် စိတ်မအေးနိုင်ဖြစ်သည်။ အနီးကပ် စစ်ဆေးကြည့်သည့်အခါတွင် အမှန်တကယ်ပင် ပြဿနာတစ်ခုရှိနေသည်ကို သင် တွေ့ရသည်။ ၎င်းကို ပြုပြင်ရမည်။ ပြီးနောက်တွင် သင် စိတ်သက်သာရရမည်ဖြစ်သည်။ သင် အချိန်ကို ပို၍ သုံးရန်လိုအပ်သော၊ သင် ပို၍ အာရုံစိုက်သင့်သော ပြဿနာတစ်ခု ရှိနေသည်ဆိုသည်ကို သင်၏ စိတ်မသက်မသာဖြစ်နေခြင်းက သက်သေပြသည်။ ဤသည်မှာ တာဝန်ကို ထမ်းဆောင်ရာ၌ အရေးကြီးသော၊ တာဝန်ခံယူမှုရှိသော သဘောထားဖြစ်သည်။ လူတစ်ဦးသည် အလေးအနက်ထားနိုင်သောအခါ၊ တာဝန်သိနိုင်သောအခါ၊ ဆက်ကပ်နိုင်သောအခါ၊ ကြိုးစားနိုင်သောအခါတွင် အလုပ်သည် သင့်လျော်စွာ ပြီးမြောက်မည်ဖြစ်သည်။ တစ်ခါတစ်ရံတွင် သင့်၌ ဤသို့သော စိတ်နှလုံး မရှိပေ။ အလွန်ရှင်းလင်းသော အမှားတစ်ခုကို သင် ရှာဖွေ တွေ့ရှိနိုင်ခြင်း မရှိပေ။ လူတစ်ဦးသည် ဤသို့သော စိတ်နှလုံးရှိလျှင် သန့်ရှင်းသောဝိညာဉ်တော်၏ လှုံ့ဆော်မှုနှင့် လမ်းပြမှုအားဖြင့် ဤပြဿနာကို ဖော်ထုတ်နိုင်လိမ့်မည်။ သို့သော် သန့်ရှင်းသောဝိညာဉ်တော်က ထိုသို့သော သိမြင်မှုကို သင့်အား လမ်းပြပြီး ပေးအပ်ခဲ့ကာ၊ တစ်ခုခုလွဲမှားနေသည်ကို သင့်အား သိမြင်စေသည့်တိုင်အောင် သင်က ထိုသို့သောစိတ်နှလုံး မရှိလျှင် ပြဿနာကို သင်ဖော်ထုတ်နိုင်စွမ်း မရှိဆဲ ဖြစ်လိမ့်မည်။ ဤသို့ဆိုလျှင် ဤအခြင်းအရာက မည်သည်ကို ပြသနည်း။ လူတို့မှ ပူးပေါင်းဆောင်ရွက်ရန် အလွန်အရေးကြီးသည်ကို ပြသည်။ ၎င်းတို့၏ စိတ်နှလုံးသည် အလွန်အရေးကြီးသည်။ ပြီးလျှင် ၎င်းတို့၏ အတွေးများနှင့် ရည်ရွယ်ချက်များကို အဘယ်နေရာသို့ ဦးတည်သည်မှာ အလွန်အရေးကြီးသည်။ လူတို့သည် မိမိတာဝန်ကို ထမ်းဆောင်ရာတွင် ၎င်းတို့၏ စိတ်နှလုံး၌ မည်သည့်အရာကို စွဲကိုင်ထားသည်၊ စွမ်းအင်မည်မျှကို ၎င်းတို့ အသုံးချသည်တို့ကို ဘုရားသခင်မှ စိစစ်ပြီး မြင်နိုင်သည်။ လူတို့သည် ၎င်းတို့လုပ်သည့်အရာ၌ စိတ်နှလုံးနှင့်ခွန်အား အလုံးစုံကို အသုံးပြုရန်မှာ အလွန်အရေးပါသည်။ ပူးပေါင်းဆောင်ရွက်ခြင်းသည်လည်း အရေးပါသော အစိတ်အပိုင်းတစ်ခု ဖြစ်သည်။ လူတို့သည် ၎င်းတို့ ပြီးမြောက်ခဲ့သော တာဝန်များနှင့် ၎င်းတို့ လုပ်ဆောင်ခဲ့သော အရာများအပေါ်တွင် နောင်တမရရှိရန် ကြိုးပမ်းမှသာလျှင်၊ ဘုရားသခင်အား အကြွေးတင်ခြင်း မရှိမှသာလျှင် ၎င်းတို့သည် မိမိတို့၏ စိတ်နှလုံးနှင့်ခွန်အား အလုံးစုံဖြင့် ပြုမူဆောင်ရွက်မည် ဖြစ်သည်။ ယနေ့တွင် သင်သည် သင်၏ စိတ်နှလုံးနှင့် ခွန်အားအလုံးစုံအား မပေးလျှင် နောက်ပိုင်းတွင် တစ်ခုခု မှားယွင်းသည့်အခါ၊ အကျိုးဆက်များ ဖြစ်ပေါ်သည့်အခါ၊ နောင်တရရန် အလွန်နောက်ကျလိမ့်မည် မဟုတ်လော။ သင်သည် ထာဝရ အကြွေးတင်လိမ့်မည်။ ယင်းသည် သင့်အပေါ်တွင် အစွန်းအထင်းတစ်ခု ဖြစ်လိမ့်မည်။ မိမိ၏တာဝန် ထမ်းဆောင်မှုတွင် အစွန်းအထင်းတစ်ခုသည် ပြစ်မှားခြင်းဖြစ်သည်။ ထို့ကြောင့် သင်၏ စိတ်နှလုံး၊ ခွန်အားအလုံးစုံဖြင့် သင် ပြုလုပ်ရမည်ဖြစ်သော၊ လုပ်သင့်သော အမှုအရာအစိတ်အပိုင်းကို သင့်လျော်စွာ လုပ်ဆောင်ရန် ကြိုးပမ်းရမည်။ ထိုအမှုအရာများကို ပေါ့ဆစွာ သို့မဟုတ် ဝတ်ကျေတမ်းကျေ မလုပ်ဆောင်ရပေ။ မည်သည့်နောင်တမျှ သင် မရှိရပေ။ ဤနည်းအားဖြင့် ဤအချိန်၌ သင် ထမ်းဆောင်သော တာဝန်များကို ဘုရားသခင်က အမှတ်ရလိမ့်မည်။ ဘုရားသခင်မှ အမှတ်ရသော အရာများသည် ကောင်းမှုများ ဖြစ်သည်။ ဤသို့ဆိုလျှင် အမှတ်ရခြင်းမခံရသော အရာများသည် အဘယ်အရာနည်း။ ၎င်းတို့သည် ပြစ်မှားမှုများဖြစ်သည်။ ဤသို့အားဖြင့် လက်ရှိအချိန်တွင် မကောင်းမှုများကို ဖော်ပြပါက ယင်းတို့သည် မကောင်းမှုများ ဖြစ်သည်ကို လူတို့ လက်ခံချင်မှ လက်ခံပေလိမ့်မည်။ သို့သော် ထိုအရာများအပေါ်တွင် အရေးကြီးသော အကျိုးဆက်များဖြစ်ပေါ်လာသည့် နေ့တစ်နေ့ ရောက်လာလျှင်၊ ပြီးလျှင် ယင်းတို့သည် အပျက်သဘောဆောင်သော လွှမ်းမိုးမှုတစ်ခု ဖြစ်လာလျှင် ဤအရာတို့သည် အပြုအမူဆိုင်ရာ ပြစ်မှားမှုသက်သက်သာ မဟုတ်ဘဲ မကောင်းမှုများဖြစ်သည်ကို သင် ခံစားမိလိမ့်မည်။ ဤအရာကို သင် နားလည်သဘောပေါက်သည့်အခါ သင်သည် နောင်တရမည်ဖြစ်ပြီး ငါ ကာကွယ်မှု အနည်းငယ် ပြုလုပ်သင့်ခဲ့သည်။ အနည်းငယ်ပို၍ တွေးတောပြီး အားထုတ်လျှင် ဤပြဿနာ ဖြစ်လိမ့်မည်မဟုတ် ဟူ၍ တွေးမိလိမ့်မည်။ သင့်စိတ်နှလုံးရှိ ဤထာဝရ အစွန်းအထင်းကို မည်သည့်အရာကမျှ ဖယ်ရှားပေးလိမ့်မည် မဟုတ်။ ထို့အပြင် ယင်းသည် သင့်အား ထာဝရ အကြွေးတင်စေလျှင် ဒုက္ခရောက်စေလိမ့်မည်။ ထို့ကြောင့် ယနေ့ သင့်တာဝန်ကို ထမ်းဆောင်သည့် သို့မဟုတ် စေခိုင်းချက်တစ်ခုကို လက်ခံသည့် အချိန်တိုင်းတွင် သင်၏ ခွန်အား၊ စိတ်နှလုံး အလုံးစုံဖြင့် လုပ်ဆောင်ရန် ကြိုးပမ်းရမည်။ သင့်၌ အပြစ်နှင့်နောင်တ ကင်းလွတ်သည်အထိ လုပ်ဆောင်ရမည်။ ထိုမှသာ ဘုရားသခင်မှ အမှတ်ရမည်ဖြစ်ပြီး ယင်းသည် ကောင်းမှုတစ်ခုဖြစ်ပေသည်။ မျက်လုံးတစ်ဖက်ကိုပိတ်ပြီး တစ်ဖက်ကိုဖွင့်လျက် ဂရုမစိုက်စွာ၊ ဝတ်ကျေတမ်းကျေ မပြုမူနှင့်။ သင် နောင်တရလိမ့်မည်ဖြစ်ပြီး ပြုပြင်ရန် မတတ်နိုင် ဖြစ်လိမ့်မည်။ ယင်းသည် ပြစ်မှားခြင်း ဖြစ်လိမ့်မည်ဖြစ်ပြီး၊ အဆုံးတွင် သင့်စိတ်နှလုံး၌ အပြစ်၊ အကြွေးတင်မှုနှင် စွပ်စွဲချက်တို့ အစဉ် ရှိနေလိမ့်မည်။ ဤလမ်းကြောင်းနှစ်ခုတွင် မည်သည့်လမ်းကြောင်းက အကောင်းဆုံးဖြစ်သနည်း။ မည်သည့်လမ်းကြောင်းက မှန်ကန်သည့် လမ်းဖြစ်သနည်း။ မည်သည့်နောင်တမျှ မရှိဘဲ သင်၏ စိတ်နှလုံး၊ ခွန်အားအလုံးစုံဖြင့် သင့်တာဝန်ကို ထမ်းဆောင်ခြင်း၊ ကောင်းမှုများကို ပြင်ဆင်ပြီး စုဆောင်းခြင်းဖြစ်သည်။ သင်၏ ပြစ်မှားခြင်းများအား မစုစည်းမိစေနှင့်။ ယင်းတို့အား နောင်တ မရနှင့်။ ထို့အပြင် အကြွေးမတင်စေနှင့်။ လူတစ်ဦးက ပြစ်မှားမှုများကို အလွန်အမင်း ကျူးလွန်မိပါက မည်သို့ဖြစ်သနည်း။ ၎င်းတို့သည် ဘုရားသခင်၏ ရှေ့မှောက်တွင် ၎င်းတို့အပေါ် ဘုရားသခင်၏ ဒေါသကို ဆက်လက် တိုးပွားလာနေစေခြင်းဖြစ်သည်။ သင်သည် အစဉ်သဖြင့် ဆက်လက်ပြစ်မှားနေပြီး သင့်အပေါ် ဘုရားသခင်၏ အမျက်ဒေါသသည် အစဉ် ကြီးမားလာလျှင် အဆုံး၌ သင်သည် အပြစ်ဒဏ်ပေးခြင်း ခံရမည်ဖြစ်သည်။

ဘုရားသခင်၏ မိတ်သဟာယဖွဲ့ခြင်း မှ

သင်တို့သည် ပွင့်လင်းပြီး ရိုးသားသော စိတ်နှလုံးများဖြင့် သင်တို့၏တာဝန်ကို အစွမ်းကုန် အသီးသီး လုပ်ဆောင်သင့်ပြီး၊ လိုအပ်သည့် မည်သည့်အဖိုးအခကိုမဆို ပေးရန် လိုလားလျက် ရှိနေသင့်ပေသည်။ သင်တို့ ပြောကြပြီးသည့်အတိုင်း၊ နေ့ရက်အချိန် ကျရောက်လာသည့်အခါ၊ ဘုရားသခင်သည် သူ့အတွက် ဆင်းရဲဒုက္ခခံခဲ့သူ သို့မဟုတ် အဖိုးအခတစ်ခု ပေးဆပ်ခဲ့သူ မည်သူမဆိုအပေါ် တာဝန်ပေါ့လျော့မည် မဟုတ်ပေ။ ဤသို့သော ခံယူချက်မျိုးသည် ထိန်းသိမ်းထားထိုက်သကဲ့သို့၊ ယင်းကို သင်တို့ မည်သည့်အခါမျှ မမေ့သင့်သည်မှာ မှန်ပေသည်။ ဤနည်းဖြင့်သာ ငါသည် သင်တို့နှင့်ပတ်သက်၍ ငါ၏ စိတ်ကို သက်သာစေနိုင်ပေသည်။ သို့မဟုတ်ပါက၊ သင်တို့သည် ငါ၏ စိတ်ကို သက်သာစေနိုင်မည် မဟုတ်သည့် လူများ ထာဝရ ဖြစ်ကြလိမ့်မည်ဖြစ်ပြီး၊ သင်တို့သည် ငါ၏ စက်ဆုပ်ခြင်းကို ခံကြရသူများ ထာဝရ ဖြစ်ကြလိမ့်မည်။ သင်တို့ အားလုံးသည် ငါ၏အမှုအတွက် မည်သည့်အားထုတ်မှုမျှ မချန်ဘဲလျက်၊ ပြီးလျှင် ငါ၏ ဧဝံဂေလိအမှုအဖို့ တစ်သက်တာ အားအင်ကို ဆက်ကပ်ရင်း၊ သင်တို့၏ အသိစိတ်ကို လိုက်နာနိုင်ပြီး ငါ့အတွက် သင်တို့၏ အရာအားလုံးကို ပေးနိုင်ပါက၊ ငါ၏စိတ်နှလုံးသည် သင်တို့အတွက်ကြောင့် ဝမ်းမြောက်မှုဖြင့် မကြာခဏ ခုန်ပေါက် လိမ့်မည် မဟုတ်လော။ ဤနည်းဖြင့်၊ ငါသည် သင်တို့နှင့်စပ်လျဉ်း၍ ငါ၏ စိတ်ကို လုံးလုံးလျားလျား သက်သာစေနိုင်မည်၊ မဟုတ်လော။ သင်တို့ လုပ်ဆောင်နိုင်သည့်အရာသည် ငါမျှော်လင့်ထားသည့်အရာ၏ အလွန်တရာ သေးနုပ်သည့် အစိတ်အပိုင်းလေးတစ်ခုသာ ဖြစ်သည်မှာ စိတ်ပျက်ဖွယ် ဖြစ်သည်။ ဤသို့ဖြစ်သည့်အတွက်၊ သင်တို့သည် သင်တို့ မျှော်လင့်သည့်အရာကို ငါ့ထံမှ အဘယ်သို့ တောင်းခံရဲရသနည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရီးပန်းတိုင်နှင့်ပတ်သက်၍” မှ

ငါ ဆန္ဒရှိသည်မှာ ယခု သင်၏သစ္စာစောင့်သိမှုနှင့် နာခံမှု၊ ယခု သင်၏ ချစ်ခြင်းမေတ္တာနှင့် သက်သေခံချက်တို့ ဖြစ်သည်။ သင်သည် ဤအခိုက်အတန့်တွင် မည်သည့် သက်သေခံချက် ဖြစ်သည် သို့မဟုတ် မည်သည့် ချစ်ခြင်းမေတ္တာ ဖြစ်သည်ကို မသိလျှင်ပင်၊ ငါ့ထံ သင်၏ အရာအားလုံးကို ယူဆောင်လာသင့်ပြီး၊ သင်၌ တစ်ခုတည်းသော ရတနာများ- သင်၏ သစ္စာစောင့်သိမှုနှင့် နာခံခြင်း- ကို ငါ့ထံ လွှဲအပ်သင့်ပေသည်။ လူသားကို ငါ၏ လုံးဝ သိမ်းပိုက်ခြင်း သက်သေခံချက်ကဲ့သို့၊ စာတန်ကို ငါ၏ အောင်နိုင်ခြင်းနှင့်ဆိုင်သော သက်သေခံချက်သည် လူသား၏ သစ္စာစောင့်သိမှုနှင့် နာခံမှုအတွင်းတွင် တည်ရှိသည်ကို သင် သိသင့်သည်။ ငါ၌ သင့်ယုံကြည်ခြင်းနှင့်ဆိုင်သော တာဝန်မှာ ငါ့အဖို့ သက်သေခံရန်၊ ငါ့ကို သစ္စာစောင့်သိရန်နှင့် အခြားမည်သူ့ကိုမျှ သစ္စာမစောင့်သိရန်၊ ပြီးလျှင် အဆုံးတိုင်အောင် နာခံရန် ဖြစ်သည်။ ငါ့အမှု၏ နောက်တစ်ဆင့်ကို ငါ မစတင်မီ၊ သင်သည် ငါ့အဖို့ မည်သို့ သက်သေခံလိမ့်မည်နည်း။ ငါ့ကို သင် မည်သို့သစ္စာရှိကာ နာခံမည်နည်း။ သင်၏သစ္စာစောင့်သိမှုအားလုံးကို သင်၏ အလုပ်တာဝန်အဖို့ သင် ဆက်ကပ်ပါသလော သို့မဟုတ် တကယ်ကို လက်လျှော့လိမ့်မည်လော။ ယင်းထက် သင်သည် (သေသည်ဖြစ်စေ၊ ပျက်စီးခြင်း ဖြစ်စေ) ငါ၏စီမံခန့်ခွဲမှုတိုင်းကို ကျိုးနွံနာခံမည်လော သို့မဟုတ် ငါ၏ ပြစ်တင်ဆုံးမမှုကို ရှောင်ရှားရန် လမ်းတစ်ဝက်တွင် ထွက်ပြေးလိမ့်မည်လော။ သင်သည် ငါ့အဖို့ သက်သေခံရန်နှင့် ငါ့ကို သစ္စာစောင့်သိကာ နာခံရန်အလို့ငှာ သင့်ကိုငါ ပြစ်တင်ဆုံးမပေသည်။ ထို့အပြင် လက်ရှိ ပြစ်တင်ဆုံးမခြင်းသည် ငါ၏အမှု၏ နောက်အဆင့်ကို ဖွင့်ပြရန်နှင့် အမှုကို ပိတ်ဆီးထားခြင်း မရှိဘဲ တိုးတက်စေရန် ဖြစ်သည်။ ထို့ကြောင့် သင်သည် အမြော်အမြင် ရှိရန်နှင့် သင်၏ ဘဝဖြစ်စေ၊ သင်၏ တည်ရှိခြင်းနှင့်ဆိုင်သည့် အရေးပါမှုကို ဖြစ်စေ တန်ဖိုးမဲ့သည့် သဲကဲ့သို့ သဘောမထားရန် ငါတိုက်တွန်း၏။ ငါ၏လာမည့်အမှုသည် မည်သည့်အရာ ဖြစ်လိမ့်မည်ကို သင် အတိအကျသိနိုင်ပါသလော။ လာမည့် နေ့ရက်များတွင် ငါ မည်သည့်အရာပြုမည်ဆိုသည်နှင့် ငါ၏အမှု မည်သို့ ဖွင့်ဟမည်ကို သင်သိပါသလော။ သင်သည် ငါ၏အမှုနှင့်ဆိုင်သည့် သင့်အတွေ့အကြုံ၏ အရေးပါမှုအပြင်၊ ငါ၌ သင်၏ ယုံကြည်ခြင်း အရေးပါမှုကို သိသင့်သည်။ ငါသည် များစွာ လုပ်ဆောင်ပြီး ဖြစ်သည်။ သင်စိတ်ကူးသည့်အတိုင်း ငါသည် လမ်းတစ်ဝက်တွင် အဘယ်သို့ လက်လျှော့နိုင်မည်နည်း။ ငါသည် ထိုသို့သော ကြီးကျယ်သည့် အမှုကို ပြုပြီးဖြစ်သည်။ ယင်းကို မည်သို့ ငါ ဖျက်ဆီးပစ်နိုင်မည်နည်း။ အကယ်စင်စစ် ငါသည် ဤခေတ်ကို အဆုံးသတ်ရန် ကြွလာပြီးဖြစ်သည်။ ဤသည်မှာ အမှန်ဖြစ်သော်လည်း၊ ငါသည် ခေတ်သစ်ကို စတင်ရန်၊ အမှုအသစ်ကို စတင်ရန်နှင့်၊ အဓိကကျဆုံးအနေဖြင့် နိုင်ငံတော်၏ ဧဝံဂေလိတရား ဖြန့်ဝေရန် ရှိသည်ကို သင်သိရမည်။ သို့ဖြစ်၍ လက်ရှိအမှုသည် ခေတ်တစ်ခေတ် စတင်ရန် ဖြစ်ပြီး၊ လာမည့်အချိန်ကာလ၌ ဧဝံဂေလိတရား ဖြန့်ဝေခြင်းနှင့် အနာဂတ်တွင် ခေတ်ကို အဆုံးသတ်သို့ ဆောင်ကြဉ်းခြင်းအတွက် အခြေခံအုတ်မြစ်ချရန်သာ ဖြစ်သည်ကို သင်သိသင့်သည်။ ငါ၏ အမှုသည် သင်တွေးထင်သလောက် မလွယ်ကူသကဲ့သို့၊ သင်ယုံကြည်သလောက် အသုံးမကျ သို့မဟုတ် အဓိပ္ပာယ်မဲ့သည်လည်း မဟုတ်ပေ။ ထို့ကြောင့် သင့်ကို ငါပြောရဦးမည်- ငါ၏အမှုအဖို့ သင်၏အသက်ကို ပေးသင့်သည်၊ ထို့အပြင် ငါ၏ ဘုန်းအသရေအဖို့ သင့်ကိုယ်သင် ဆက်ကပ်သင့်သည်။ ငါ့အဖို့ သက်သေခံရန် သင့်ကို ငါ တမ်းတခဲ့သည်မှာ ကြာပြီဖြစ်ပြီး ငါ၏ဧဝံဂေလိတရားကို ဖြန့်ရန် သင့်ကို ငါ တမ်းတခဲ့သည်မှာ သာ၍ ကြာမြင့်ပြီ ဖြစ်သည်။ ငါ၏ စိတ်နှလုံး၌ ရှိသည့်အရာကို သင် နားလည်သင့်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယုံကြည်ခြင်းအကြောင်း သင် မည်သည့်အရာ သိရှိသနည်း” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

ဘုရားသခင်၏ ရွေးချယ်ခံလူတို့ ပြင်ဆင်ရမည့် ကောင်းမြတ်သော လုပ်ဆောင်ချက် နှစ်ဆယ်-

၁။ အသင်းတော်အသက်တာထဲရှိ ဘုရားသခင်၏ ရွေးချယ်ခံလူတို့အတွက် ပြဿာနာများကို ဖြေရှင်းရန် သမ္မာတရားအပေါ် မကြာခဏ မိတ်သဟာယပြုပါ၊ ဘုရားသခင်ကို အမှန်တကယ် ယုံကြည်သူများအနေဖြင့် သမ္မာတရားကို နားလည်ပြီး လက်တွေ့အရှိတရားထဲသို့ ဝင်ရောက်ရာ၌ အကူအညီပေးရန် ၎င်းတို့ကို စဉ်ဆက်မပြတ် ထောက်မပေးပါ။ ဤသည်မှာ ကောင်းမြတ်သော လုပ်ဆောင်ချက်ဖြစ်ပြီး ဤအရာသည်သာ စစ်မှန်သော ချစ်ခြင်းမေတ္တာဖြစ်သည်။

၂။ သင်သည် သင်၏တာဝန်ကို လုပ်ဆောင်ရာတွင် အပေးအယူသဘောမဆန်လျှင်၊ သို့မဟုတ် ဆုလာဘ်ရှာဖွေသောသူ မဟုတ်လျှင်၊ အခြားသော ရည်ရွယ်ချက်များ မရှိလျှင်၊ ဝတ်ကျေတမ်းကျေ မလုပ်ဆောင်ဘဲ လက်တွေ့ကျသော ရလဒ်များ ရှိလျှင် ဤသည်မှာ ကောင်းမြတ်သော လုပ်ဆောင်ချက်ဖြစ်သည်။ မိမိတို့၏တာဝန်ကို ဤနည်းလမ်းဖြင့် လုပ်ဆောင်သော သူတို့သည်သာလျှင် ဘုရားသခင်အတွက် မိမိတို့ကိုယ်ကို အမှန်တကယ် အသုံးတော်ခံနေကြခြင်းဖြစ်သည်။

၃။ အကယ်၍ မှားယွင်းစွာ အဆက်အသွယ်ဖြတ်ခံထားရသူ၊ သို့မဟုတ် အသင်းတော်မှ မှားယွင်းစွာ နှင်ထုတ်ခံထားရသော သူတို့သည် လူကောင်းများဖြစ်သည်ဟု တွေ့ရှိရလျှင် ၎င်းတို့ကို ကူညီပြီး ထောက်မပေးရန် ကြိုးပမ်းကာ အသင်းတော်ထဲသို့ ၎င်းတို့ကို ပြန်လည်လက်ခံပါ။ ဤသည်မှာ ကောင်းမြတ်သော လုပ်ဆောင်ချက်ဖြစ်သည်။ အသင်းတော်ကို ရှာဖွေနေကြသော အခြားသောနေရာများမှ ညီအစ်ကိုမောင်နှမများကို လက်ခံခြင်းနှင့် ၎င်းတို့နှင့်အတူတကွ ဘုရားသခင်၏ နှုတ်ကပတ်တော်များကို စားသောက်ပြီး အသင်းတော်အသက်တာကို ရှင်သန်နိုင်ခြင်းမှာလည်း ကောင်းမြတ်သော လုပ်ဆောင်ချက်ဖြစ်ပေသည်။

၄။ ဘုရားသခင်ကို အမှန်တကယ် ယုံကြည်ကြသော ဘုရားသခင်၏ ရွေးချယ်ခံလူတို့အနေဖြင့် သမ္မာတရားကို နားလည်နိုင်ပြီး လက်တွေ့အရှိတရားထဲသို့ ဝင်ရောက်ကာ အသက်တာတွင် ကြီးထွားကြစေဖို့ရန်အလို့ငှာ သင့်အနေဖြင့် စားဖို့အိပ်ဖို့ မေ့လျော့ရင်း အစွမ်းကုန် လုပ်ဆောင်ခြင်းသည် ကောင်းမြတ်သော လုပ်ဆောင်ချက်ဖြစ်သည်။ ဤသည်မှာ ဘုရားသခင်ကို အစေခံသူများနှင့် ဘုရားသခင်၏ အလိုတော်ကို အမှန်တကယ် အရေးထားသူတို့ ပိုင်ဆိုင်သင့်သည့် လက်တွေ့အရှိတရား ဖြစ်သည်။

၅။ ဧဝံဂေလိတရား ဖြန့်ဝေခြင်းကို အာရုံစိုက်ပါ၊ ဧဝံဂေလိတရား ဖြန့်ဝေဖို့ သင့်တော်သည့်လူများနှင့် ကြုံဆုံရသည့် အချိန်တိုင်းတွင် ဘုရားသခင်၏ နောက်ဆုံးသောကာလ အမှုတော်ကို သက်သေခံပါ၊ ပြီးလျှင် ပိုမိုများပြားသော လူတို့ကို ဘုရားသခင် ရှေ့မှောက်သို့ ခေါ်ဆောင်ပါ။ ဤသည်မှာ ကောင်းမှုဖြစ်သည်။ သမ္မာတရားကို အမှန်တကယ် လိုက်စားနိုင်သည့် စစ်မှန်သော ယုံကြည်ခြင်းရှိသော လူကောင်းအနည်းငယ်ကို သင်ရရှိနိုင်လျှင်၊ ဤသည်မှာ ပို၍ပင် ကောင်းမှုတစ်ခုဖြစ်သည်။

၆။ အကယ်၍ ဆိုးယုတ်သော လူတစ်ဦးသည် အသင်းတော်ကို နှောင့်ယှက်ဖို့ ဆိုးယုတ်သော လုပ်ဆောင်များ ကျူးလွန်နေသည်ကို သင်တွေ့ရှိပြီး အသင်းတော်အသက်တာ ပုံမှန်အတိုင်း ရှေ့ဆက်နိုင်ရန် ၎င်းတို့ကို ဟန့်တားပြီး ကန့်သတ်ဖို့ ဉာဏ်ပညာမျိုးစုံကို သုံးနိုင်ကာ ဖြစ်ပေါ်လာသည့် မည်သည့်ပရမ်းပတာ ဖြစ်ခြင်းကိုမဆို ဖြေရှင်းဖို့ သမ္မာတရားနှင့် ဉာဏ်ပညာတို့ကို အသုံးပြုနိုင်ပါက၊ သင်သည် ကောင်းမှုတစ်ခုပြုပြီးဖြစ်သည်။

၇။ အသင်းတော်ထဲတွင် မည်သည့်ပြဿနာ ပေါ်ပေါက်ပါလေ့စေ ဘုရားသခင်၏ဖက်တွင် ရပ်တည်ခြင်း၊ ဘုရားသခင်၏ အမှုတော်ကို စောင့်ရှောက်ခြင်းနှင့် ဘုရားသခင့်ရွေးချယ်ခံလူတို့၏ အသက်တာထဲ ဝင်ရောက်မှုကို ကာကွယ်ပေးခြင်းမှာ ကောင်းမြတ်သော လုပ်ဆောင်ချက်ဖြစ်သည်။ ဘုရားသခင်၏ရွေးချယ်ခံလူတို့အနေဖြင့် သမ္မာတရားကို နားလည်သဘောပေါက်ပြီး ကောင်းမြတ်ခြင်းနှင့် ဆိုးယုတ်ခြင်းတို့ကို ပိုင်းခြားနိုင်စေဖို့အလို့ငှာ ပြဿနာများကို ဖြေရှင်းရန် သမ္မာတရားကို သင်အသုံးပြုနိုင်လျှင် ယင်းမှာ ပို၍ပင် လွန်စွာကောင်းမြတ်သော လုပ်ဆောင်ချက်တစ်ခု ဖြစ်သည်။

၈။ သန့်ရှင်းသော ဝိညာဉ်တော်က အသုံးပြုနေသည့် လူကို ဝေဖန်တိုက်ခိုက်ကာ ဆန့်ကျင်ဝံ့သော ကောက်ကျစ်စဉ်းလဲသူတို့ကို သင် ရှာတွေ့သည့်အခါတိုင်း ဖော်ထုတ်ပြီး ငြင်းဆိုနိုင်ခြင်းနှင့် ဘုရားသခင်၏ အမှုတော်ကို ထိန်းသိမ်းခြင်းသည် ကောင်းမှုဖြစ်သည်။ ကောက်ကျစ်စဉ်းလဲသော လူမျိုးစုံနှင့် အန္တိခရစ်တို့၏ နှောင့်ယှက်မှုများကို ဖြေရှင်းရန် သမ္မာတရားကို အသုံးပြုပြီး ဘုရားသခင်၏ ရွေးချယ်ခံလူတို့အဖို့ အကျိုးကျေးဇူးကို ယူဆောင်ပေးခြင်းသည် သာ၍ပင် ကောင်းမှုဖြစ်သည်။

၉။ အမျိုးမျိုးသော အယူလွဲမှားမှုများနှင့် အတွေးမှားများအားလုံး အသင်းတော်၌ ပေါ်ပေါက်လာသည့်အခါ၊ ယင်းတို့ကို ဘုရားသခင်၏ နှုတ်ကပတ်တော်များပေါ် အခြေပြု၍ ချေပနိုင်ခြင်းနှင့် ဝေဖန်နိုင်ခြင်း၊ ဘုရားသခင်၏ ရွေးချယ်ခံလူတို့ကို အန္တရာယ်ကင်းအောင် ကာကွယ်စောင့်ရှောက်ပေးခြင်း၊ ထို့ပြင် အသက်တာ၌ တည်ဆောက်ခြင်းနှင့် ကြီးထွားခြင်းတို့ကို ၎င်းတို့ရရှိရန် ကူညီပေးခြင်းတို့သည် ကောင်းမှုဖြစ်သည်။

၁၀။ အယောင်ဆောင်ခေါင်းဆောင်တစ်ဦး၊ အန္တိခရစ်တစ်ဦး သို့မဟုတ် ဆိုးယုတ်သော လူတစ်ဦးသည် လွတ်လပ်သော နိုင်ငံတော်ကို တည်ထောင်ဖို့ ကြိုးစားနေပြီး အခြားသူများအပေါ် ဆရာလုပ်နေသည်ကို တွေ့ရှိရပါက ထိုသို့သောဖြစ်ရပ်တစ်ခုကို ချက်ချင်းတိုင်ကြားပြီး ထိုလူ၏ ဆိုးယုတ်သော လုပ်ဆောင်ချက်ကို ဖော်ထုတ်ဖို့ သမ္မာတရားကို နားလည်သောလူများဖြင့် အတူတကွ အလုပ်လုပ်ပြီး၊ ထိုသို့ဖြင့် ဘုရားသခင်၏ ရွေးချယ်ခံလူတို့ကို စာတန် မာရ်နတ်၏အန္တရာယ်ပြုခံရခြင်းမှ ကယ်တင်ခြင်းသည် ကောင်းမှုတစ်ခု ဖြစ်သည်။

၁၁။ သမ္မာတရားကို လိုက်စားရန် လိုလားသူသည့် ဘုရားသခင်ကို စစ်မှန်စွာ ယုံကြည်သူများက အယောင်ဆောင် ခေါင်းဆောင်များ၊ အန္တိခရစ်များ သို့မဟုတ် ဆိုးယုတ်သော အင်အားစုမျိုးစုံ၏ လှည့်ဖြားခံရပြီး ထိန်းချုပ်ခံထားရသည်ကို တွေ့ရှိလျှင် ၎င်းတို့ကို ကယ်ဆယ်ရန်အတွက် ဖြစ်နိုင်သမျှ အရာရာတိုင်းကို လုပ်ဆောင်ခြင်း၊ ကောက်ကျစ်စဉ်းလဲသူတို့လက်မှ ၎င်းတို့လွတ်မြောက်နိုင်ပြီး ဘုရားသခင်ထံ အမှန်တကယ် လှည့်ပြန်လာနိုင်ကာ အလင်းအတွက် အမှောင်ကို စွန့်ပစ်စေနိုင်ရန်အလို့ငှာ သမ္မာတရားအပေါ် စိတ်ရှည်လက်ရှည် မိတ်သဟာယပြုပေးခြင်းသည် ကောင်းမှုဖြစ်သည်။

၁၂။ အသင်းတော်သည် ဘေးဖြစ်စေသော အခြေအနေကို ခံစားရသို့မဟုတ် တစ်စုံတစ်ဦးက အဖမ်းခံရသောအခါ၊ ဘုရားသခင်၏ ရွေးချယ်ခံလူတို့ကို ကာကွယ်ရန် အစွမ်းကုန်ကြိုးစားခြင်း၊ ဘုရားသခင့်အိမ်တော်၏ ငွေနှင့် ပစ္စည်းပစ္စယများကို သင့်လျော်သည့် စီမံခန့်ခွဲမှုများ လုပ်ဆောင်ခြင်း၊ ထို့အပြင် ဘုရားသခင်၏ ပူဇော်သက္ကာများ စာတန်နှင့် အဆင်းနီသော နဂါးကြီး၏လက်ထဲသို့ ကျရောက်သွားခြင်းမှ ကာကွယ်ခြင်းသည် ကောင်းမှုတစ်ခုဖြစ်သည်။ ဤအလုပ်ကို လုပ်ဆောင်ရာတွင် အောင်မြင်နိုင်သောသူများသည် ဘုရားသခင်ကို အမှန်တကယ် ဆက်ကပ်ပြီး ဘုရားသခင်၏ အမှုတော်ကို စောင့်ရှောက်သည့် သူများဖြစ်သည်။

၁၃။ စစ်မှန်သော ယုံကြည်သူများကို ၎င်းတို့ အဖမ်းဆီးခံရခြင်းမှ တားဆီးရန် အကာအကွယ် စီစဉ်ပေးခြင်းနှင့် အဖမ်းခံထားရသည့် ညီအစ်ကိုမောင်နှမများကို ကယ်ဆယ်ရန် အဆက်အသွယ် အားလုံးကို အသုံးပြုခြင်းမှာ ကောင်းမှုတစ်ခုဖြစ်သည်။ အသင်းတော်အသက်တာကို စောင့်ရှောက်ရန်နှင့် ဘုရားသခင်၏ ရွေးချယ်ခံလူတို့ကို ကာကွယ်ရန်အတွက် ဉာဏ်ပညာကို အသုံးပြုခြင်းသည် ပို၍ပင် ကောင်းမှုတစ်ခုဖြစ်သည်။

၁၄။ ဘုရားသခင်အတွက် မိမိတို့ကိုယ်ကို အမှန်တကယ် အသုံးတော်ခံပြီး သမ္မာတရားကို လိုက်စားသော ညီအစ်ကိုမောင်နှမများက ဆင်းရဲဒုက္ခများနှင့် အခက်အခဲများဖြင့် ကြုံရသည်ကို သင်တွေ့သောအခါ မုန်တိုင်းကို ၎င်းတို့ကျော်ဖြတ်နိုင်အောင် ကူညီဖို့ အရာရာကို ပုံအောပေးခြင်းမှာ ကောင်းမှုတစ်ခုဖြစ်သည်။ ဘုရားသခင်အတွက် အချိန်ပြည့် မိမိတို့ကိုယ်ကို အသုံးတော်ခံကြပြီး ၎င်းတို့၏ မိသားစုများ အခက်အခဲထဲ ရောက်ရှိနေကြသော ခေါင်းဆောင်များနှင့် အမှုတော်ဆောင်များကို ဝတ်ဖို့ အဝတ်အစားများနှင့် စားဖို့ အစားအစာ ရှိခွင့်ပေးလျက် ကူညီနိုင်သည်မှာလည်း ကောင်းမှုတစ်ခုဖြစ်သည်။

၁၅။ လိုက်လံဖမ်းဆီးခံရပြီး အလိုရှိခံရသော ညီအစ်ကို မောင်နှမများကို အန္တရာယ်များ၊ သို့မဟုတ် မိမိပေးရနိုင်သည့် အဖိုးအခကို ကြောက်ရွံ့ခြင်းမရှိဘဲ လက်ခံပြီး ကူညီရန်အတွက် ဖြစ်နိုင်သမျှ နည်းလမ်းတိုင်းကို သင်ကြိုးစားနိုင်လျှင်၊ ယင်းမှာ ကောင်းမှုတစ်ခု ဖြစ်သည်။

၁၆။ စစ်မှန်သော ယုံကြည်သူများဖြစ်ပြီး သမ္မာတရားကို လိုက်စားကြသည့် ညီအစ်ကို မောင်နှမများအနေဖြင့် ဘုရားသခင်၏ နှုတ်ကပတ်တော်ကို စားသောက်ရန်၊ သမ္မာတရားအပေါ် မိတ်သဟာယပြုရန်နှင့် အတိဒုက္ခများနှင့် စမ်းသပ်မှုများရှိ အသင်းတော် အသက်တာကို အသက်ရှင်ရန်အလို့ငှာ ၎င်းတို့ကို စည်းရုံးခြင်းသည် ကောင်းမှုတစ်ခုဖြစ်သည်။ အားနည်းသော ညီအစ်ကိုမောင်နှမများအနေဖြင့် သမ္မာတရားကို နားလည်ဖို့နှင့် စမ်းသပ်မှုများနှင့် ကပ်ဘေးများမှတစ်ဆင့် သက်သေရပ်တည်ဖို့ရန် ထောက်မပေးခြင်းသည် သာ၍ပင် ကောင်းမှုတစ်ခုဖြစ်သည်။

၁၇။ လှူဖွယ်ပစ္စည်းများကို ခိုးယူပြီး ဘုရားသခင့်အိမ်တော်၏ ဥစ္စာပစ္စည်းများကို အလွဲသုံးစား လုပ်သော ဆိုးယုတ်သည့် လူတို့ကို ဖော်ထုတ်ခြင်းနှင့် သတင်းပေးခြင်း၊ ပြီးလျှင် ထိုလှူဖွယ်ပစ္စည်းများကို အချိန်မီ ပြန်လည်ရယူခြင်းတို့သည် ကောင်းမှုတစ်ခုဖြစ်သည်။ ဤအရာက ဘုရားသခင်အဖို့ လှူဖွယ်ပစ္စည်းများနှင့် ဘုရားသခင့်အိမ်တော်၏ ဥစ္စာပစ္စည်းများ ဆုံးရှုံးရခြင်းမှ တားဆီးပေးပါသည်။ ဘုရားသခင်၏ လှူဖွယ်ပစ္စည်းများကို ဆိုးယုတ်သောလူတို့လက်ထဲသို့ ကျရောက်ခြင်းကို ကာကွယ်ခြင်းနှင့် ကွယ်ဝှက်ထားသော ရည်ရွယ်ချက်များ ရှိသည့် လူတို့၏ အလွဲသုံးစားလုပ်ခံရခြင်းအဖြစ်မှ ကာကွယ်ခြင်းသည်လည်း ကောင်းမှုတစ်ခုဖြစ်သည်။

၁၈။ သန့်ရှင်းသော ဝိညာဉ်တော် အသုံးပြုသောလူ၏ အလုပ်အစီအမံများကို အကောင်အထည်ဖော်ခြင်းတွင် ပူပေါင်းလုပ်ဆောင်ဖို့အပြင် အသင်းတော်ထဲမှ ဘုရားသခင့်ရွေးချယ်ခံလူတို့၏ လက်တွေ့ကျသော ပြဿနာပေါင်းစုံကို ဖြေရှင်းရန်၊ ထို့အပြင် ဘုရားသခင်၏ အမှုတော်ကို စောင့်ရှောက်ရန်နှင့် ဘုရားသခင်၏ ရွေးချယ်ခံလူတို့ကို မှန်ကန်သော ယုံကြည်ခြင်းလမ်းကြောင်းအပေါ်သို့ ခေါ်ဆောင်လာရန်အလို့ငှာ လက်တွေ့ကျသော အလုပ်များစွာကို လုပ်ဆောင်ရန် အားသွန်ခွန်စိုက် ကြိုးစားခြင်းသည် ကောင်းမြတ်သော လုပ်ဆောင်ချက်တစ်ခုဖြစ်သည်။

၁၉။ သန့်ရှင်းသော ဝိညာဉ်တော် အသုံးပြုသောလူ၏ ဦးဆောင်မှုနှင့် ထိန်းကျောင်းမှုနှင့်အတူ တက်ကြွစွာ ပူပေါင်းလုပ်ဆောင်ခြင်း၊ ဘုရားသခင်၏ ရွေးချယ်ခံလူတို့အား ဘုရားသခင်ကို ယုံကြည်ခြင်းအရာ၏ မှန်ကန်သော လမ်းကြောင်းအပေါ်သို့ ခေါ်ဆောင်ဖို့အလို့ငှာ ခေါင်းဆောင်အတုအယောင်များနှင့် အန္တိခရစ်တို့နှင့် သေရေးရှင်ရေးတိုက်ပွဲတစ်ခု စတင်ခြင်း၊ ဘုရားသခင်၏အမှုတော်ကို စောင့်ရှောက်ရန် အဖိုးအခပေးခြင်းနှင့် ရလဒ်များရရှိခြင်း- ဤအရာအားလုံးကို ကောင်းမြတ်သော လုပ်ဆောင်ချက်များအဖြစ် အမျိုးအစားသတ်မှတ်ထားလေသည်။

၂၀။ အလုပ်အစီအမံများနှင့် သမ္မာတရားအရ အယောင်ဆောင် ခေါင်းဆောင်များနှင့် အန္တိခရစ်တို့ကို ပိုင်းခြားသိမြင်ပြီး ဆုံးဖြတ်နိုင်ခြင်းနှင့် ဖော်ထုတ်နိုင်ခြင်း၊ ထိုလူများကို နှုတ်ထွက်ဖို့ ဖျောင်းဖျခြင်းနှင့်၊ ၎င်းတို့ အန္တရာယ်ပြုခြင်းမှ ဘုရားသခင်၏ ရွေးချယ်ခံလူတို့ကို ကာကွယ်ခြင်း သည် ကောင်းမှုတစ်ခု ဖြစ်သည်။ ပြစ်မှားခြင်းများ ရှိသော်လည်း စစ်မှန်သည့် နောင်တရှိနိုင်ပြီး ကောင်းမွန်သော လူ့သဘာဝ ပိုင်ဆိုင်နိုင်သည့် ထိုခေါင်းဆောင်များနှင့် အမှုတော်ဆောင်များအား ၎င်းတို့၏တာဝန်ကို ဆက်လက်လုပ်ဆောင်နိုင်ဖို့အလို့ငှာ ကူညီခြင်းနှင့် ကာကွယ်ပေးခြင်းသည်လည်း ကောင်းမှုတစ်ခုဖြစ်သည်။

အလုပ်အစီအစဉ်များ မှ

အရှေ့သို့- ၈၃) ဘုရားသခင်၏ ရွေးချယ်ခံ လူတို့ကို လက်ခံခြင်းဆိုင်ရာ အခြေခံသဘောတရားများ

နောက်တစ်ခုသို့- ၈၅) အလှူဒါနများနှင့် ပေးကမ်းစွန့်ကြဲမှုများ ပြုခြင်းဆိုင်ရာ အခြေခံသဘောတရားများ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၃၅) စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

၁၈) ဘုရားသခင်အပေါ် မှီခိုခြင်းနှင့် ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

၇) ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်ထဲတွင် ရောက်နေပြီး အခက်အခဲတစ်ခုဖြင့် ရင်ဆိုင်နေရချိန်တွင်၊ ဘုရားသခင်၏...

ချစ်သခင်… ကျွန်ုပ်ကို စောင့်ပါ

Ⅰ အေးမြလမင်း သစ်ပင်တွေအပေါ် တွယ်လို့တက် အ ကျွန်ုပ်ရဲ့ မျှတပြီး နှစ်သက်ဖွယ်ကောင်းသော ကျွန်ုပ် ချစ်သခင်ရယ် ဘယ်များလဲလေ? အကျွန်ုပ် အခု...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်