၈၃။ ဘုရားသခင်၏ ရွေးချယ်ထားသော လူတို့ကို လက်ခံရရှိခြင်းနှင့် သက်ဆိုင်သည့် အခြေခံသဘောတရားများ

၁။ ဘုရားသခင်၏ ရွေးချယ်ထားသော လူတို့ကို ချစ်ခင်စွာနှင့် အခြေခံသဘောတရားများဖြင့်၊ ပြီးလျှင် အသင်းတော်၏ အစီအစဉ်များကို ကျိုးနွံနာခံခြင်းဖြင့် လက်ခံရမည်။ အန္တိခရစ်များ၊ ဆိုးယုတ်သော လူများ သို့မဟုတ် နတ်ဆိုးများကို မည်သည့်အခါတွင်မျှ လက်မခံနှင့်။

၂။ အတိဒုက္ခအချိန်ကာလတွင်၊ ခေါင်းဆောင်များနှင့် အလုပ်သမားများအပြင် ညီအစ်ကို မောင်နှမများကို ဘေးကင်းလုံခြုံစေရမည်။ ဤသည်မှာ ကျင့်ဝတ်သိက္ခာအရဖြစ်သော တာဝန်ဖြစ်ပြီး၊ ယင်းသည်လည်း ကောင်းမွန်သော လုပ်ဆောင်ချက်တစ်ခု ဖြစ်သည်။

၃။ အိမ်ထောင်တစ်စုသည် ရိုးရှင်းမှုနှင့် အဆင်ပြေမှုကို ရည်မှန်းလျက် မိမိတို့၏ စီးပွားရေး အခြေအနေနှင့် သင့်လျော်သည့် ၎င်းတို့ လုပ်ဆောင်နိုင်သည့်အရာကို လုပ်ဆောင်သင့်သည်။ စိတ်လွတ်လက်လွတ် စားသောက်ဖို့ တားမြစ်ထားသည်။ ထိုအစား၊ အခြားသူများကို ပြည့်အင့်သည်အထိ စားခွင့်ပေးခြင်းနှင့်ဆိုင်သည့် အခြေခံသဘောတရားကို ဦးဆောင်စေလော့။

၄။ အိမ်ရှင် အိမ်ထောင်စုသည် အခက်အခဲများ ကြုံရပါက၊ အသင်းတော်က ယင်းတို့ကို ဖြေရှင်းရမည်။ အိမ်ရှင် အိမ်ထောင်စုသည် ငွေးကြေးဆိုင်ရာ ပြဿနာများ ရှိပါက၊ အသင်းတော်က ကြိုဆိုလက်ခံခြင်း ကုန်ကျစရိတ်တစ်ခုလုံးကို ခံရနိုင်သည်။

ကိုးကားရန် သမ္မာကျမ်းပိုဒ်များ-

“ငါအမှန်အကန်ဆိုသည်ကား၊ ငါစေလွှတ်သောသူကိုလက်ခံသောသူသည် ငါ့ကိုလက်ခံ၏။ ငါ့ကို လက်ခံသောသူသည် ငါ့ကိုစေလွှတ်တော်မူသောသူကို လက်ခံသည်ဟု မိန့်တော်၏။” (ရှင်ယောဟန်ခရစ်ဝင် ၁၃:၂၀)

“ပရောဖက်၏ မျက်နှာကိုထောက်၍၊ ပရောဖက်ကို လက်ခံသောသူသည် ပရောဖက်၏အကျိုးကို ခံရလတံ့၊ ဖြောင့်မတ်သောသူ၏မျက်နှာကိုထောက်၍၊ ဖြောင့်မတ်သောသူကို လက်ခံသောသူသည် ဖြောင့်မတ် သောသူ၏အကျိုးကို ခံရလတံ့။” (ရှင်မဿဲခရစ်ဝင် ၁၀:၄၁)

ဆက်စပ်သော ဘုရားသခင်၏ နှုတ်ကပတ်တော်များ-

သင်၏တာဝန်ကို သင်စီမံသည် မဟုတ်ပေ၊ ၎င်းမှာ သင်၏စီမံကိန်း သို့မဟုတ် သင်၏ကိုယ်ပိုင်အလုပ် မဟုတ်ပေ။ ယင်းအစား ၎င်းမှာ ဘုရားသခင်၏အမှု ဖြစ်သည်။ ဘုရားသခင်၏အမှုသည်၊ သင်၏ပူးပေါင်းဆောင်ရွက်မှုလိုအပ်ပေသည်၊ ယင်းက သင်၏တာဝန်ကို ဖြစ်ပေါ်စေခြင်း ဖြစ်၏။ လူသား ပူးပေါင်းဆောင်ရွက်ရမည့် ဘုရားသခင်၏ အမှု အစိတ်အပိုင်းမှာ လူသား၏တာဝန် ဖြစ်သည်။ တာဝန်မှာ ဘုရားသခင်၏ အမှု အစိတ်အပိုင်း ဖြစ်သည်- သင်၏စီမံကိန်း၊ သင်၏ အိမ်တွင်းရေးကိစ္စမဟုတ်သကဲ့သို့ ဘဝထဲက သင်၏ ပုဂ္ဂိုလ်ရေး ကိစ္စမဟုတ်ပေ။ သင်၏ တာဝန်သည် အပြင်ပိုင်း အရေးကိစ္စများကို ကိုင်တွယ်ဖြေရှင်းဖို့ဖြစ်စေ အတွင်းရေးကိစ္စများကို ကိုင်တွယ်ဖြေရှင်းဖို့ဖြစ်စေ ၎င်းမှာ ဘုရားသခင်၏ အိမ်တော်၏အလုပ် ဖြစ်သည်၊ ၎င်းမှာ ဘုရားသခင်၏ စီမံခန့်ခွဲမှုအစီအစဉ်၏ အစိတ်အပိုင်းတစ်ခု ဖြစ်ပြီး၊ သင့်ကို ဘုရားသခင် ပေးခဲ့ပြီးသော တာဝန်ပေးစေခိုင်းချက် ဖြစ်သည်။ ယင်းသည် သင်၏ ကိုယ်ပိုင်လုပ်ငန်းမဟုတ်ချေ။ ထို့ကြောင့် သင်၏တာဝန်ကို သင်မည်ကဲ့သို့ သဘောထားသင့်သနည်း။

သင်မည်သည့်တာဝန်ကို ထမ်းဆောင်သည်ဖြစ်ပါစေ၊ သင်၏တာဝန်နှင့်ပတ်သက်၍ ဘုရားသခင်၏အလိုတော်နှင့် ကိုယ်တော်၏ သတ်မှတ်ချက်များကို နားလည်သဘောပေါက်ရန် အစဉ်ကြိုးစားရမည်၊ သို့မှသာ အမှုကိစ္စများကို ကိုယ်ကျင့်တရားနှင့်အညီ ကိုင်တွယ်ဖြေရှင်းနိုင်မည် ဖြစ်သည်။ သင်၏တာဝန်ကို ထမ်းဆောင်ရာတွင် သင်ပြုလိုသည်အတိုင်း ပြုခြင်း၊ သင် လုပ်၍ပျော်သည့်အရာနှင့် လုပ်ဆောင်ရန် သက်သောင့်သက်သာရှိသော အရာမှန်သမျှ၊ သို့မဟုတ် သင့်ကို အကောင်းမြင်စေမည့် အရာမှန်သမျှကိုသာ လုပ်ဆောင်ခြင်းဖြင့် သင်၏ ကိုယ်ပိုင်နှစ်သက်မှုများအရ လုံး၀ မပြုနိုင်ပေ။ အကယ်၍ သင်သည် သင်၏ကိုယ်ပိုင်နှစ်သက်မှုများကို ဘုရားသခင်အပေါ် အတင်းအကျပ် သတ်မှတ်ခြင်း သို့မဟုတ် ၎င်းတို့အား သမ္မာတရားကဲ့သို့ လက်တွေ့လုပ်ဆောင်ပါက၊ ၎င်းတို့မှာ သမ္မာတရား အခြေခံသဘောတရားများဖြစ်သည့်အလား ၎င်းတို့အား လိုက်နာပါက၊ ၎င်းမှာ သင်၏တာဝန်ကို ကျေပွန်အောင် ထမ်းဆောင်နေခြင်း မဟုတ်၊ ထို့အပြင် သင်၏တာဝန်ကို ဤကဲ့သို့ ထမ်းဆောင်နေခြင်းကို ဘုရားသခင်မှ အမှတ်ရမည် မဟုတ်ပေ။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရား၏အခြေခံသဘောတရားများကို ရှာဖွေခြင်းဖြင့်သာ မိမိ၏တာဝန်ကို ကောင်းစွာ ထမ်းဆောင်နိုင်သည်” မှ

”၆။ လူ ပြုသင့်သောအရာကို ပြုပြီး၊ သင်၏ဝတ္တရားများကို ဆောင်ရွက်ကာ သင်၏ တာဝန်များကို ဖြည့်ဆည်းပြီး၊ သင်၏ တာဝန် စောင့်ထိန်းလော့။ သင်သည် ဘုရားသခင်ကို ယုံကြည်သည့်အတွက်၊ ဘုရားသခင်၏ အမှုအဖို့ သင်၏ ဖြည့်ဆည်းမှုကို သင် ပြုသင့်ပေသည်။ သင် ဖြည့်ဆည်းမှု မပြုပါက၊ သင်သည် ဘုရားသခင်၏ နှုတ်ကပတ်တော်များအား စားသောက်ဖို့ မသင့်တော်သကဲ့သို့၊ ဘုရားသခင်၏ အိမ်ထောင်စုတွင် အသက်ရှင်ဖို့ မသင့်တော်ပေ။“

အမိန့်ခြောက်က လူ၏တာဝန်များနှင့်ဆက်နွှယ်သည်။ သင်၏ ယခင် အသက်ဝင်ရောက်မှုက မည်သို့ရှိပါစေ သို့မဟုတ် သင်၏ကိုယ်ပိုင် လိုက်စားမှုက မည်သို့ တိုးတက်ပါစေ၊ ပြီးလျှင် သင်၏အစွမ်းအစ သို့မဟုတ် လူ့သဘာဝက မည်သို့ရှိပါစေ၊ အသင်းတော်၏အလုပ်က သင့်ကို တစ်စုံတစ်ခုလုပ်ဆောင်ဖို့ လိုအပ်ပါက၊ အခက်အခဲ မည်မျှကြီးပါစေ၊ ယင်းကို သင် လုပ်ဆောင်သင့်သည်။ သင်မလုပ်ဆောင်ပါက၊ သင်သည် ဘုရားအိမ်တော်တွင် နေဖို့ မသင့်တော်ပေ- ဘုရားအိမ်တော်သည် သင့်ကို စားစရာ အခမဲ့ မပေးပေ။ ဘုရားအိမ်တော်သည် လူထံမှ များစွာ မတောင်းဆိုပေ။ ယင်းက သင် အစွမ်းအစကောင်းရှိဖို့၊ လူ့သဘာဝကောင်းရှိဖို့နှင့် သင့်အလုပ်တွင် တော်ဖို့တို့ကို တစ်ပြိုင်တည်း မတောင်းဆိုပေ- သို့ရာတွင် အနည်းဆုံးအနေဖြင့် သင်၏အပြုအမူနှင့် သင်ပြုမူသည့် နည်းလမ်းတို့သည် လက်ခံနိုင်ဖွယ် ဖြစ်ရမည်။ သင်၌ ဘုရားသခင်ကို ကြောက်သည့် သဘောထား ရှိရမည် ဖြစ်ပြီး၊ သူ့ကို ကျိုးနွံနာခံမှုအချို့ ပြရမည်ဖြစ်သည်။ ယင်းကိုပင် သင် မလုပ်ဆောင်နိုင်ပါက၊ သင် အိမ်သို့ အမြန်ပြန်သင့်ပြီး ဘုရားသခင်၏ အိမ်တော်တွင် တော်စွလျော်စွ ကြုံရာကျပန်းနေခြင်းကို ရပ်သင့်သည်။ သင်သည် သင်၏တာဝန်ကို ဖြည့်ဆည်းနိုင်စွမ်းရှိသော်လည်း၊ ဖြည့်ဆည်းဖို့ ငြင်းဆန်ပြီး ဘုရားသခင်၏အိမ်တော်တွင် ကပ်ပါးရပ်ပါးသာ လုပ်လိုပါက၊ ဤသည်မှာ ဘုရားသခင်ကို ရိုးသားစွာ ယုံကြည်သူတစ်ဦး၏ နမူနာတစ်ခု ဖြစ်သလော။ ငါ၏အမြင်တွင် ထိုသို့သော လူတစ်ဦးကို မယုံကြည်သူ တစ်ဦးအဖြစ် ထည့်တွက်နိုင်ပြီး၊ မယုံကြည်သူနှင့် မကွာခြားပေ။ ၎င်းတို့သည် မြင်ရသည်မှာ စက်ဆုပ်ဖွယ် ဖြစ်သည်။ သင်သည် ဘုရားသခင်ကို ယုံကြည်လိုပါက၊ ထိုသို့ ကောင်းမွန်စွာ သင် ယုံကြည်သင့်သည်။ သင်မယုံကြည်လိုပါက၊ ထိုသို့ယုံကြည်ဖို့ မည်သူကမျှ သင့်ကို အနူးအညွတ်မတောင်းပန်ပေ။ သင့်ကို မည်သူက ယုံကြည်ခိုင်းသနည်း။ ထိုသို့ယုံကြည်ခြင်းသည် သင်၏ကိုယ်ပိုင် ဆုံးဖြတ်ချက်အရသာ ဖြစ်သည်။ ထိုသို့ သေးငယ်သောအရာတစ်ခုကိုပင် သင်မလုပ်ဆောင်နိုင်ပါက၊ ဘုရားသခင်ကို ယုံကြည်ခြင်းနှင့်ပတ်သက်၍ အဘယ့်ကြောင့်များ ပြောနေသနည်း။ သင်သည် ဖြောင့်မတ်သော လူတစ်ဦး မဖြစ်နိုင်ပါက၊ ကောင်းကျိုး အချို့ကို လုပ်ဆောင်သူ လောက၏လူကောင်းတစ်ဦး ဖြစ်လော့။ သင်သည် ယင်းကိုပင် မလုပ်ဆောင်နိုင်ပါက၊ သင်သည် အသုံးမကျသောအမှိုက် ဖြစ်သည်။ ဘုရားသခင်၏ အိမ်တော်သည် အသုံးမကျသောအမှိုက်ကို မလိုချင်ပေ။ ဤသည်မှာ အစုတ်ပုံမဟုတ်ပေ- ထိုသို့သော အမှိုက်သည် အသုံးမတည့်ပေ။ သမ္မာတရား စိုးစဉ်းမျှ မရှိသည့် လူများသည် သုတ်သင်ဖယ်ရှင်းခြင်းခံရပြီး၊ ရှင်းထုတ်ခြင်း ခံရမည်။ သင်တို့သည် ထိုရမ်းကားမှုများ အားလုံးကို လုံးဝ မကျူးလွန်ရ။ သင်သည် အခြေခံသဘောတရားများအတိုင်း ပြုမူသင့်သည်။ ဘုရားအိမ်တော်၏ အမှုကို ရမ်းကားမှုများ ကျူးလွန်ပြီး နှောင့်ယှက်သူ သို့မဟုတ် မွှေနှောက်သူ မည်သူမဆိုသည် ဖယ်ရှားခံရမည်ဖြစ်ပြီး လုံးလုံးလျားလျား သုတ်သင်ဖယ်ရှင်းခြင်း ခံရလိမ့်မည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “နိုင်ငံတော်ခေတ်၌ ဘုရားသခင်၏ စီမံအုပ်ချုပ်ရေးဆိုင်ရာ အမိန့်များအကြောင်း စကားပြောခြင်း” မှ

လူအချို့သည် ဆိုးရွားစွာ တစ်ကိုယ်ကောင်းဆန်ကြသည်- အဆုံးစွန်ထိ တစ်ကိုယ်ကောင်းဆန်ကြပြီး ဤအရာက ၎င်းတို့၏ သဘောသဘာဝကို ကိုယ်စားပြုပေသည်။ လူတိုင်းသည် အတော်အတန် တစ်ကိုယ်ကောင်းဆန်ကြသော်လည်း၊ ကွာခြားမှုတစ်ခု ရှိ၏။ အခြားသူများနှင့် ပတ်သက်သည့်အခါတွင်၊ လူအချို့သည် ၎င်းတို့ကို သတိထားပြီး ဂရုစိုက်နိုင်သည်၊ ၎င်းတို့နှင့်ပတ်သက်၍ ပူပန်ပေးနိုင်ပြီး၊ မိမိတို့ လုပ်ဆောင်သည့်အရာတိုင်းတွင် ၎င်းတို့ကို အရေးထားနိုင်လေသည်၊ အခြားသူများမှာမူ ဤသို့ မဟုတ်ပေ။ ၎င်း၏ ညီအစ်ကို မောင်နှမများကို ဧည့်ခံနေချိန်တွင် အထူးသဖြင့် တစ်ကိုယ်ကောင်းဆန်ပြီး မိမိ၏ မိသားစုရှေ့တွင် အကောင်းဆုံသောအရာများ ချပေးသည့် လူတစ်ဦးကို စဉ်းစားကြည့်လော့။ သူသည် မိမိကိုယ်တိုင်၏ မိသားစုကို အကောင်းဆုံးသော အစားအစာ အမြဲပေးသော်လည်း၊ သူ၏ ညီအစ်ကိုမောင်နှမများ လာကြသည့်အခါတွင်၊ ညံ့သော အစားအစာ အနည်းအကျဉ်းကိုသာ ပေးတတ်လေသည်။ သို့သော် သူကိုယ်တိုင်၏ အမျိုးများ လာကြချိန်တွင်၊ ၎င်းတို့အတွက် သက်သောင့်သက်သာ အဖြစ်ဆုံးသော စီစဉ်မှုများကို ပြုလုပ်ကာ အရာရာကို စနစ်တကျ ထားလေသည်။ သို့သော်၊ သူ၏ ညီအစ်ကို မောင်နှမများ ရောက်လာသည့်အခါတွင်၊ ၎င်းတို့ကို ကြမ်းပြင်ပေါ် အိပ်စေလေသည်။ သူ၏ ညီအစ်ကို မောင်နှမများ နာမကျန်းဖြစ်သည့်အခါ သို့မဟုတ် အခြားသော အခက်အခဲအချို့ ရှိသည့်အခါတွင်၊ ထိုသို့သော လူတစ်ဦးသည် သူ သတိမပြုမိသည့်အလား ပြုမူလျက်၊ မည်သည့် ထောက်ထားမှုမျှပင် မရှိပေ။ ၎င်းတို့ အလည်လာချိန်တွင် ၎င်းတို့ကို ညအိပ်ညနေ နေခွင့်ပေးသည်မှာ တော်လောက်ပြီဟု ထင်လေသည်။ ထိုသို့သော လူများသည် အခြားသူများအတွက် အနည်းငယ်မျှ ဂရုမစိုက်ပေ၊ သို့မဟုတ် ပူပန်မှု မခံစားကြရပေ။ ၎င်းတို့သည် မိမိတို့ကိုယ်ကိုယ်နှင့် ၎င်းတို့၏ ဆွေမျိုးများအတွက်သာ ဂရုစိုက်ကြလေသည်။ ၎င်းတို့၏ ဤတစ်ကိုယ်ကောင်းဆန်သော သဘာဝသည် အခြားသူများအတွက် ဂရုစိုက်ဖို့ ၎င်းတို့ လိုလားခြင်းမရှိသည်ကို အဆုံးအဖြတ်ပေးသည့်အရာ ဖြစ်သည်။ အခြားသူများကို ဂရုစိုက်ခြင်းသည် ဆုံးရှုံးမှုများကို ခံစားခြင်းနှင့် ဒုက္ခများစွာ ရောက်ခြင်းတို့ ပါဝင်သည်ဟု ၎င်းတို့ ခံစားကြရသည်။ လူအချို့က၊ “တစ်ကိုယ်ကောင်းဆန်သော လူတစ်ဦးသည် အခြားသူများကို မည်သို့ အရေးထားရမည်ကို မသိပါ” ဟု ပြောရင်း ရှာကြံအကြောင်းပြကောင်းပြကြလိမ့်မည်။ သို့ဆိုလျှင်၊ အဘယ်ကြောင့် ၎င်းတို့သည် မိမိတို့၏ အမျိုးများအပေါ် အလွန်ကောင်းကြပြီး ၎င်းတို့၏ လိုအပ်ချက်များကို အပြည့်အဝ အရေးထားမှု ပြကြသနည်း။ ၎င်းတို့ကိုယ်တိုင် ချို့တဲ့သည့်အရာနှင့် အချို့သော အချိန်တွင် မည်သည့်အရာက ဝတ်ဆင်ဖို့ သို့မဟုတ် စားဖို့ သင့်တော်သည်ဆိုသည်ကို ၎င်းတို့ မည်သို့ သိကြသနည်း။ အဘယ်ကြောင့် ၎င်းတို့သည် အခြားသူများအတွက် ထိုသို့ မဖြစ်နိုင်ရသနည်း။ အမှန်တွင်၊ ဤအရာအားလုံးကို ၎င်းတို့ သိကြသော်လည်း၊ တစ်ကိုယ်ကောင်းဆန်ကြလေသည်။ ဤအရာကို ၎င်းတို့၏ သဘောသဘာဝက အဆုံးအဖြတ်ပေးပေသည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း” မှ

အရှေ့သို့- ၈၂။ လူသစ်များကို ရေလောင်းပေးခြင်းနှင့် သက်ဆိုင်သည့် အခြေခံသဘောတရားများ

နောက်တစ်ခုသို့- ၈၄။ ကောင်းမွန်သော လုပ်ဆောင်ချက်များကို ပြင်ဆင်ခြင်းနှင့်သက်ဆိုင်သည့် အခြေခံသဘောတရားများ

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်တွင်ရှိပြီး အကျပ်ရိုက်ခြင်းတစ်ခုဖြင့် ရင်ဆိုင်ရချိန်တွင်၊ တစ်ဦးတစ်ယောက်သည်...

ဘုရားသခင်အပေါ် မှီခိုခြင်းနှင့် သူ့ကို ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကိုကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်