၁၆၃။ အလုပ် အစီအစဉ်များအား မည်သို့ သဘောထားရမည်နှင့်သက်ဆိုင်သည့် အခြေခံသဘောတရားများ

(၁) အလုပ်အစီအစဉ်များ၊ တရား‌ဒေသနာများနှင့် မိတ်သဟာယတို့သည် သန့်ရှင်းသော ဝိညာဉ်တော်၏ လမ်းညွှန်မှုနှင့် ဘုရားသခင်၏ လတ်တလော အလိုတော်ကို ကိုယ်စားပြုသည်။ ယင်းတို့ကို လက်ခံရမည်၊ နာခံရမည်ဖြစ်ပြီး လက်တွေ့လုပ်ဆောင်ရမည်ဖြစ်သည်။

(၂) မိမိ၏ တာဝန်ကို ကောင်းစွာ လုပ်ဆောင်ရာတွင်၊ အလုပ် အစီအစဉ်များ၏ အခြေခံသဘောတရားများကို တင်းကျပ်စွာ လိုက်နာရန် လိုအပ်သည်။ တစ်ဦးတစ်ယောက်သည် မိမိတို့ ဆန္ဒရှိသည်အတိုင်း၊ မိမိတို့၏ ကိုယ်ပိုင် နည်းလမ်းအားဖြင့်၊ အမှုအရာများကို မည်သည့်အခါမျှ မလုပ်ဆောင်ရသကဲ့သို့၊ ထိုသို့ဖြင့် အန္တိခရစ်များ၏ လမ်းကြောင်းကို မလျှောက်လှမ်းရ။

(၃) အလုပ်အစီအစဉ်များ၊ တရားဒေသနာများနှင့် မိတ်သဟာယတို့ကို သန့်ရှင်းသော ဝိညာဉ်တော်က အလင်းပေးကာ အသိဉာဏ်ပွင့်လင်းစေခြင်း ဖြစ်သည်။ ယင်းတို့ကို လူသား အသိပညာအဖြစ် ယူဆထားပြီး ဘုရားသခင်၏ နှုတ်ကပတ်တော်များကို လုံးဝ အစားမထိုးရ သို့မဟုတ် ဘုရားသခင်၏ နှုတ်ကပတ်တော်များအဖြစ် သဘောမထားရပေ။

(၄) သန့်ရှင်းသော ဝိညာဉ်တော်၏ အလုပ်ကို အောင်မြင်စွာရယူခြင်းနှင့် ထိရောက်သည့် တာဝန်ထမ်းဆောင်မှုတို့ကို သေချာစေဖို့အလို့ငှာ၊ ထိရောက်အလုပ်အစီအစဉ်များ၊ တရားဒေသနာများနှင့် မိတ်သဟာယတို့ကို ဖြတ်လမ်းမလိုက်ဘဲ မြန်မြန်နှင့် ပြတ်ပြတ်သားသား ထုတ်ပြန်ရမည်။

ဆက်စပ်သော ဘုရားသခင်၏ နှုတ်ကပတ်တော်များ-

အသင်းတော်၏ ခေါင်းဆောင်များနှင့် အမှုထမ်းများသည် သူတို့၏ အလုပ်၌ အရာနှစ်ခုကို အာရုံစိုက်ရမည်- တစ်ခုမှာ ထိုအလုပ်၏ လုပ်ထုံးလုပ်နည်းများမှ သတ်မှတ်ထားသည့် အခြေခံသဘောတရားများနှင့် အညီ သူတို့၏ အလုပ်ကို အတိအကျ လုပ်ဆောင်ရန်ဖြစ်ပြီး ထိုအခြေခံသဘောတရားများကို မည်သည့်အခါမျှ မချိုးဖောက်ဘဲ၊ သူတို့ စိတ်ကူးနိုင်လောက်သည့် အရာ သို့မဟုတ် သူတို့၏ ကိုယ်ပိုင် မည်သည့် စိတ်ကူးများအပေါ်မျှ သူတို့၏အလုပ်ကို အခြေမခံဘဲ လုပ်ဆောင်ရန်ဖြစ်သည်။ သူတို့ လုပ်ဆောင်သမျှတိုင်းတွင် သူတို့သည် ဘုရားအိမ်တော်၏ အမှုတော်အပေါ် အလေးထားခြင်းကို ပြသင့်ပြီး၊ ယင်း၏အကျိုးကို အမြဲ ရှေ့တန်းတင်သင့်သည်။ နောက်ထပ် အချက်မှာ- ပြီးလျှင် ဤအရာသည် အရေးအပါဆုံးဖြစ်သည်- အရာခပ်သိမ်းတွင် သန့်ရှင်းသောဝိညာဉ်တော်၏ လမ်းပြမှုအား လိုက်လျှောက်ခြင်းကို သူတို့ အာရုံစိုက်ရမည် ဖြစ်ကာ၊ အရာရာတိုင်းကို ဘုရားသခင်၏ နှုတ်ကပတ်တော်များနှင့် တိကျစွာ လိုက်နာခြင်းအားဖြင့် လုပ်ဆောင်ရမည် ဖြစ်သည်။ အကယ်၍ သင်သည် သန့်ရှင်းသောဝိညာဉ်တော်၏ လမ်းပြမှုကို ဆန့်ကျင်နိုင်စွမ်း ရှိသေးသည်ဆိုပါက၊ သို့မဟုတ် သင်သည် သင့်ကိုယ်ပိုင်ထင်မြင်ချက်များကို ဇွတ်တရွတ်လိုက်လျှောက်ကာ အမှုများကို သင့်ကိုယ်ပိုင် စိတ်ကူးစိတ်သန်းအရ လုပ်ဆောင်သည်ဆိုပါက၊ သင်၏ လုပ်ဆောင်ချက်များသည် ဘုရားသခင်အပေါ် အပြင်းထန်ဆုံးသော ဆန့်ကျင်မှုတစ်ခုကို ဖြစ်စေလိမ့်မည်။ သန့်ရှင်းသောဝိညာဉ်တော်၏ ဉာဏ်အလင်းပေးခြင်းနှင့် လမ်းပြခြင်းကို မကြာခဏ သင်လျစ်လျူရှုနေခြင်းက လမ်းဆုံးတစ်ခုသို့သာ ခေါ်ဆောင်သွားလိမ့်မည်။ သင်သည် သန့်ရှင်းသော ဝိညာဉ်တော်၏ အလုပ်ကို ဆုံးရှုံးလျှင်၊ သင်အလုပ်လုပ်နိုင်လိမ့်မည် မဟုတ်သကဲ့သို့၊ တစ်နည်းနည်းဖြင့် အလုပ်လုပ်ရန် သင်ကြံဆောင်နိုင်ပါကလည်း အဘယ်အရာကိုမျှ သင်ပြီးမြောက်လိမ့်မည် မဟုတ်ပေ။ ဤသည်တို့မှာ အလုပ်လုပ်နေစဉ် လိုက်နာရမည့် အဓိက အခြေခံသဘောတရားနှစ်ခု ဖြစ်သည်- တစ်ခုမှာ အထက်မှ စီမံခန့်ခွဲမှုများအတိုင်း အတိအကျပင် သင်၏ အလုပ်ကို ထမ်းဆောင်ရန် ဖြစ်သည့်အပြင်၊ အထက်မှ ချမှတ်ထားသည့် အခြေခံ သဘောတရားများနှင့်အညီ ပြုမူရန်လည်း ဖြစ်သည်။ ပြီးလျှင် အခြားအချက်မှာ သင်၏အတွင်းရှိ သန့်ရှင်းသော ဝိညာဉ်တော်၏ လမ်းပြမှုကို လိုက်လျှောက်ရန်ဖြစ်သည်။ ဤနှစ်ချက်ကို နားလည်သဘောပေါက်သည့်အခါ၊ သင်သည် အမှား အလွန် လုပ်တတ်လေ့ရှိမည် မဟုတ်ပေ။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုထမ်းများ အတွက် အလုပ်၏ အဓိက အခြေခံသဘောတရားများ” မှ

အသင်းတော်၏အလုပ်နှင့် ကိစ္စရပ်များတွင် ဘုရားသခင်ကို နာခံခြင်းမှလွဲ၍ အရာရာတိုင်းတွင် သန့်ရှင်းသော ဝိညာဉ်တော်၏ အသုံးပြုခြင်းခံရသည့် လူ၏ ညွှန်ကြားချက်များကို လိုက်နာလော့။ အနည်းငယ်မျှသော ချိုးဖောက်မှုကိုပင် လက်ခံ၍မရပေ။ အကြွင်းမဲ့ လေးစားလိုက်နာလော့၊ ပြီးလျှင် အမှန်၊ အမှား မစိစစ်နှင့်။ မှန်သည့်အရာ သို့မဟုတ် မှားသည့်အရာသည် သင်နှင့်မသက်ဆိုင်ပေ။ အကြွင်းမဲ့နာခံခြင်းကိုသာ စိတ်ဝင်စားလော့။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နိုင်ငံတော်ခေတ်၌ ဘုရားသခင် ရွေးချယ်ထားသောသူများ လိုက်နာရမည့် စီမံအုပ်ချုပ်ရေးဆိုင်ရာ အမိန့်တော် ဆယ်ရပ်” မှ

အထက်မှ အလုပ်အစီအစဉ်များအပေါ် ၎င်းတို့၏ သဘောထားတွင် လုံးလုံး မထီမဲ့မြင်လုပ်လွန်းသော သူအချို့ရှိကြသည်။ ၎င်းတို့က “အထက်က အလုပ် အစီအစဉ်များကို ပြုလုပ်သည်။” “ပြီးလျှင် ကျွန်ုပ်တို့က အလုပ်လုပ်လျက် အောက်၌ ရှိကြသည်။ ပြောခဲ့သည့် အရာအချို့နှင့် အလုပ်တာဝန်အချို့တို့ကို ပြောင်းလွယ်ပြင်လွယ် အကောင်အထည် ဖော်၍ ရနိုင်ပေသည်၊ ယင်းတို့ ကျွန်ုပ်တို့ထံ ကျရောက်လာသည့်အခါ၊ ယင်းတို့ကို ပြင်၍ ရနိုင်သည်။ တကယ်တမ်းတွင် အထက်က အပြောများသာရှိပြီး၊ ကျွန်ုပ်တို့က လက်တွေ့ကျသည့်အလုပ်ကို လုပ်နေသူများ ဖြစ်ကြသည်။ အသင်းတော်ရှိ အခြေအနေကို ကျွန်ုပ်တို့ နားလည်သော်လည်း၊ အထက်က နားမလည်သောကြောင့်၊ ကျွန်ုပ်တို့ကို ပေးထားသည့် အသင်းတော်၏ လူများနှင့် အလုပ်တို့သည် ကျွန်ုပ်တို့ သင့်တော်သလို လုပ်ဆောင်ဖို့ ကျွန်ုပ်တို့၏အလုပ်များ ဖြစ်သည်။ ကျွန်ုပ်တို့ သဘောရှိ လုပ်ဆောင်နိုင်သည်၊ ပြီးလျှင် မည်သူမျှ ဝင်စွက်ခွင့်မရှိ။” ဟု တွေးကြသည်။ ထိုသို့သောလူများအဖို့၊ ဘုရားသခင်ကို အစေခံခြင်းနှင့် သက်ဆိုင်သည့် အခြေခံသဘောတရားသည် ဤအရာဖြစ်သည်- “ကျွန်ုပ်က တစ်စုံတစ်ခုသည် မှန်ကန်သည်ဟု တွေးထင်ပါက၊ ယင်းကို ကျွန်ုပ် အာရုံစိုက်မည်။ တစ်စုံတစ်ခုသည် လုပ်ကိုင်ရန်မဖြစ်နိုင်ဟု ကျွန်ုပ်တွေးထင်ပါက၊ ယင်းကို ကျွန်ုပ် လျစ်လျူရှုမည်။ သင့်ကို ကျွန်ုပ် ခုခံလိုပါက ခုခံနိုင်သည်၊ သို့မဟုတ် ဆန့်ကျင်ပြီးလျှင် ကျွန်ုပ် မလုပ်ချင်သည့် မည်သည့်အရာကိုမျှ ကျွန်ုပ် အကောင်အထည်ဖော်ဖို့ သို့မဟုတ် လုပ်ဆောင်ဖို့ မလိုအပ်ပေ။ သင်ပြောသည့် တစ်စုံတစ်ရာကို မသင့်လျော်ဟု ကျွန်ုပ်တွေးထင်ပါက၊ ယင်းကို သင့်ကိုယ်စား ကျွန်ုပ် တည်းဖြတ်ပေးမည်၊ ပြီးလျှင် ကျွန်ုပ် စိစစ်ပြီးသည်နှင့်တစ်ပြိုင်နက်၊ အောက်သို့ ကျွန်ုပ် လက်ဆင့်ကမ်းပေးလိုက်မည်။ ကျွန်ုပ် အတည်မပြုရသေးသည့် မည်သည့်အရာကိုမျှ ပုံနှိပ်ဖို့ ပို့ခွင့်မရှိ။” အခြားနေရာတိုင်းတွင် ၎င်းတို့သည် အထက်မှ အစီအစဉ်များကို ယင်းတို့၏နဂိုမူလ ပုံစံအတိုင်း ဖြန့်ဖြူးသော်လည်း၊ ဤလူကမူ ၎င်းတို့ဦးဆောင်သည့် ဒေသရှိ လူများထံသို့ ၎င်းတို့ အလုပ်အစီအစဉ်၏ တည်းဖြတ်ထားသည့်ပုံစံကို ပေးပို့သည်။ ထိုသို့သော လူတစ်ဦးသည် ဘုရားသခင်ကို ဘေးဖယ်ထားဖို့ အမြဲ ဆန္ဒရှိသည်၊ ပြီးလျှင် လူတိုင်းက ၎င်းတို့နောက်ကို လိုက်ဖို့နှင့် ၎င်းတို့ကို ယုံကြည်ဖို့ အသည်းအသန် ဆန္ဒရှိကြသည်။ ၎င်းတို့အမြင်ပုံတွင် ဘုရားသခင်သည် အချို့အပိုင်းများတွင် ၎င်းတို့နှင့် တန်းတူမဟုတ်ပေ၊ ၎င်းတို့သည်လည်း ဘုရားသခင် ဖြစ်သင့်ပြီး လူတိုင်းက ၎င်းတို့ကို ယုံကြည်သင့်သည်။ ယင်းမှာ ၎င်းတို့ လုပ်ဆောင်သည့်အရာ၏ သဘာဝ ဖြစ်သည်။ သင်တို့ ဤအရာကို နားလည်ခဲ့ပါက၊ ထိုသို့သောလူတစ်ဦး ဖယ်ရှားခြင်းခံရပြီး အစားထိုးခြင်းခံရသည့်အခါ၊ သင် ငိုကြွေးဦးမည်လော။ ၎င်းတို့အတွက် သင် စာနာဦးမည်လော။ “အထက်မှ လုပ်ဆောင်သည့်အရာသည် မလိုအပ်သကဲ့သို့ တရားမမျှတပေ၊ ဤမျှဒုက္ခခံရပြီးသူတစ်ဦးကို အထက်က အဘယ်သို့များ ထုတ်ပစ်နိုင်သနည်း။” ဟု သင် တွေးဦးမည်လော။ ၎င်းတို့က မည်သူ့အတွက် ဒုက္ခခံခဲ့သနည်း။ ၎င်းတို့သည် ၎င်းတို့၏ ကိုယ်ပိုင်ဂုဏ်ဒြပ်အတွက် ဒုက္ခခံခဲ့ခြင်း ဖြစ်သည်။ ၎င်းတို့သည် ဘုရားသခင်ကို အစေခံနေခြင်းလော။ ၎င်းတို့သည် ၎င်းတို့၏ တာဝန်ကို ထမ်းဆောင်နေခြင်းလော။ ၎င်းတို့သည် ဘုရားသခင်ကို သစ္စာရှိပြီး ကျိုးနွံနာခံသလော။ ၎င်းတို့သည် စာတန်၏ လက်ပါးစေများသာ ဖြစ်ပြီး၊ ၎င်းတို့၏ အလုပ်သည် နတ်ဆိုး၏ စိုးမိုးမှု ဖြစ်သည်။ ယင်းက ဘုရားသခင်၏ စီမံခန့်ခွဲမှုအစီအစဉ်ကို ဖျက်ဆီးပြီး သူ၏အမှုကို နှောင့်ယှက်သည်။ ယင်းမှာ မည်ကဲ့သို့သော ယုံကြည်မှုမျိုးနည်း။ ၎င်းတို့သည် နတ်ဆိုးတစ်ပါးသာ၊ အန္တိခရစ်တစ်ဦးသာ ဖြစ်ကြသည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ပုန်ကန်ပြစ်မှားခြင်း ဆိုသည်မှာ အဘယ်နည်း။” မှ

လူအချို့က အထက်က ပြုလုပ်သည့် အစီအစဉ်များ၏ အစိတ်အပိုင်းများကို နားမလည်နိုင်ကြသော်လည်း၊ ယင်းတို့ကို နာခံနိုင်သည်။ ၎င်းတို့က “ဘုရားသခင် လုပ်ဆောင်သမျှသည် မှန်ကန်ပြီး အရေးပါမှုရှိသည်။ ယင်းကို ကျွန်ုပ်တို့ နားမလည်နိုင်လျှင်ပင်၊ ကျွန်ုပ်တို့ ကျိုးနွံနာခံကြသည်။ ကျွန်ုပ်တို့ မလုပ်ဆောင်သည့် အရာမှာ ဘုရားသခင်ကို ဝေဖန်ဖို့ဖြစ်သည်။ ကျွန်ုပ်တို့အတွက် တစ်စုံတစ်ခုက မမှန်ကန်ဟု ထင်ရပါက၊ မည်သို့ဖြစ်ပါစေ ကျွန်ုပ်တို့ ယင်းကို အလေးထားကြသည်။ ကျွန်ုပ်တို့သည် လူ့စိတ်များဖြင့် လူသားများဖြစ်ကြသည်၊ ထို့ကြောင့် ကျွန်ုပ်တို့သည် မည်သည့်အရာသိသနည်း။ ထို့ကြောင့် ကျွန်ုပ်တို့သည် ဘုရားသခင်၏အစီအစဉ်များကို ကျွန်ုပ်တို့ နားလည်သည့်နေ့ရက်အချိန် ရောက်လာသည်အထိ ၎င်းတို့အတိုင်းသာ လိုက်နာပြီး ကျိုးနွံနာခံကြသည်။ ထိုနေ့ရက်သည် ရောက်မလာလျှင်ပင်၊ ကျွန်ုပ်တို့သည် လိုလားစွာ ကျိုးနွံနာခံဆဲဖြစ်လိမ့်မည်။ ကျွန်ုပ်တို့သည် လူသားများ ဖြစ်ပြီး ဘုရားသခင်ကို ကျွန်ုပ်တို့ ကျိုးနွံနာခံသင့်သည်။ ယင်းမှာ ကျွန်ုပ်တို့ လုပ်ဆောင်သင့်သည့် အရာဖြစ်သည်။”ဟု ပြောကြသည်။ သို့သော် အခြားသူများကမူ ဤကဲ့သို့မဟုတ်ပေ။ ၎င်းတို့က အထက်မှ လုပ်ဆောင်နေသည့်အရာကို တွေ့သည့်အခါ၊ ၎င်းတို့၏ ပထမဆုံးတုံ့ပြန်ချက်မှာ ယင်းကို စုံစမ်းလေ့လာခြင်း ဖြစ်သည်။ ၎င်းတို့က “ဘုရားသခင်၊ ကိုယ်တော်ပြောသည့် အရာနှင့် ကိုယ်တော်တောင်းဆိုသည့် အရာများကို ကြည့်ကြပါစို့။ ပထမအချက်သည် ကိစ္စမရှိသော်လည်း၊ ဒုတိယအချက်သည် အတော်အသင့် နည်းလမ်းမကျပေ။ ကိုယ်တော့်ကိုယ်စား ယင်းကို ကျွန်ုပ် ပြင်ဆင်ပေးမည်။” ဟု ပြောကြသည်။ ထိုသို့ ပြောသည့်သူတစ်ဦးသည် ဘုရားသခင်ကို ရိုသေလေးမြတ်သည့် နှလုံးသားတစ်ခုရှိသလော။ တကယ်တမ်းတွင် ဘုရားသခင်လုပ်ဆောင်သည့် အရာတစ်စုံတစ်ခုနှင့်ပတ်သက်၌ ၎င်းတို့၌ အယူအဆများ ရှိကောင်းရှိနေနိုင်သည်၊ ထို့ကြောင့် အသင်းတော်၌ ဘုရားသခင်၏အစီအစဉ်များကို မလုပ်ဆောင်ကြဘဲ၊ ဘုရားသခင်နှင့်ပတ်သက်ပြီး ၎င်းတို့၏ညီအစ်ကိုမောင်နှများတွင် အယူအဆများ ရှိလာဖို့အလို့ငှာ၊ သူတို့အလယ်တွင် ၎င်းတို့၏ အယူအဆများကို လက်လွတ်စပယ် ဖြန့်ဝေသည်။ ပထမဦးစွာ ထိုသို့သော လူတစ်ဦးသည် သမ္မာတရား မပေးနိုင်ပေ။ ဒုတိယအနေဖြင့် ၎င်းတို့သည် အယူအဆများကို ဖြန့်ဝေသည်။ ပြီးလျှင် တတိယအနေဖြင့် ၎င်းတို့က အခြားသူများကို ဘုရားသခင်နှင့်ပတ်သက်သည့် အယူအဆများရှိစေပြီး၊ သူလုပ်ဆောင်သည့်အရာကို ဆန့်ကျင်စေသည်၊ ပြီးလျှင် သူ့ကို ကွဲပြားခြားနားစွာ လုပ်ဆောင်စေဖို့ ကြိုးစားစေသည်မှာ အဆုံး၌ ဘုရားသခင်သည် ၎င်းတို့ကို လိုက်လျောကောင်း လိုက်လျောနိုင်သည်အထိ ဖြစ်သည်။ ဘုရားသခင်ကို လိုက်လျောစေပြီး ကွဲပြားခြားနားစွာ ပြုမူစေကာ၊ ဘုရားသခင်အား လူများကို စိတ်ကျေနပ်စေလျက်၊ လူများ၏အယူအဆများ ပပျောက်စေခြင်းငှာ မျှော်လင့်ချက်များဖြင့် ထိုသို့သော အမှုအရာများကို လုပ်ဆောင်မည့်သူများလည်း ရှိသည်။ ထိုသို့သော လူတစ်ဦးသည် ထိုသို့သော အမှုအရာများ လုပ်ဆောင်ပြီးနောက်၊ ဝမ်းနည်းပြီး ငိုကြွေးဖို့ဆိုပါက၊ ၎င်းတို့ကို ဘုရားသခင်ကို ရိုသေလေးမြတ်သော နှလုံးသားရှိသူများဟု ထည့်တွက်နိုင်မည်လော။ လူအချို့သည် ဘုရားသခင်အတွက် ၎င်းတို့၏အစေခံမှုတွင် အနည်းငယ် စိတ်အားထက်သန်ပြီး မသိနားမလည်ကြပေ၊ ဤအတွက် သင်သည် ခွင့်လွှတ်ခြင်းခံရနိုင်သည်။ သို့သော် သင်သည် ထိုသို့ ဆက်လက်ပြုမူပါက၊ အမှားကို တမင်တကာ လုပ်ဆောင်မိလိမ့်မည် ဖြစ်ကာ၊ ယင်းသည် သာ၍စိုးရိမ်ဖွယ်ဖြစ်ပြီး သာ၍ကြီးမားသော အပြစ်တစ်ခုဖြစ်သည်၊ ပြီးလျှင် ဆိုးရွားသည့်အရာဖြစ်သည်။ ဤအရေးကိစ္စများ အပေါ် သင်တို့၏အမြင်ရှုထောင့်သည် လွယ်သယောင်ပြုထားပြီး၊ ယင်းတို့သည် သိပ်အရေးမကြီးဟု သင်ထင်ပါက၊ သင်သည် တစ်နေ့တွင် ဘုရားသခင်ကို ပုန်ကန်ပြစ်မှားမိကိန်းရှိသည်။ ထိုသို့သော လူအချို့ကို ငါမြင်ဖူးပြီးဖြစ်သည်။ ၎င်းတို့သည် သုတ်သင်ခြင်းမခံရလျှင်ပင်၊ ၎င်းတို့၏ အကျိုးဆက်များသည် အကယ်စင်စစ် အစောပိုင်းကတည်းက ဆုံးဖြတ်ထားနှင့်ပြီး ဖြစ်လေသည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ပုန်ကန်ပြစ်မှားခြင်း ဆိုသည်မှာ အဘယ်နည်း။” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယတို့သည် သန့်ရှင်းသော ဝိညာဉ်တော်၏ အသစ်သော ခြေလှမ်းများနှင့် ဦးတည်ချက်တို့ကို ကိုယ်စားပြုသည်။ ထို့ကြောင့်၊ အဆင့်အားလုံး၏ ခေါင်းဆောင်များနှင့် အလုပ်သမားများသည် သမ္မာတရားအပေါ် မိတ်သဟာယပြုရန်နှင့် မိမိတို့၏ တာဝန်များကို ဖြည့်ဆည်းရန် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို နီးကပ်စွာ လိုက်လျှောက်ရမည်။ ဤသည်မှာ ဘုရားသခင်ကို အစေခံခြင်း၏ အခြေခံသဘောတရားဖြစ်ပြီး အစေခံမှု၏ မှန်ကန်သော လမ်းကြောင်းလည်း ဖြစ်သည်။ မိမိတို့၏ ကိုယ်ပိုင် အမှုအရာကို လုပ်ဆောင်ဖို့ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများမှ သွေဖည်သောသူတစ်ဦးသည် ဘုရားသခင်၏ အမှုတော်ကို နှောင့်ယှက်ကာ ဝင်စွက်ဖက်ပေသည်။ ထိုသို့သော လူတစ်ဦးသည် မိမိတို့၏ တာဝန်ကို အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများနှင့်အညီ မဖြည့်ဆည်းနိုင်ကြပေ၊ ၎င်းတို့အနေဖြင့် ၎င်းတို့၏ လုပ်ရပ်များက ကောင်းမြတ်သည် သို့မဟုတ် ဆိုးယုတ်သည်ဆိုသည်နှင့် ဘုရားသခင်၏ အလိုတော်နှင့် ၎င်းတို့ ကိုက်ညီခြင်း ရှိမရှိဆိုသည်တို့ကို သိကြလိမ့်မည်မဟုတ်ပေ။ ထို့ကြောင့်၊ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများသည် ခေါင်းဆောင်များနှင့် အလုပ်သမားများက လက်တွေ့အရှိတရားထဲသို့ ဝင်ရောက်ခြင်းရှိမရှိဆိုသည်ကို ထင်ဟပ်သည့် မှန်တစ်ချပ် ဖြစ်သည်။ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို အချိန်တိုင်း လက်ခံနိုင်သူများသည် သမ္မာတရားကို လက်ခံနိုင်ပြီး လက်တွေ့အရှိတရားထဲသို့ ဝင်ရောက်နိုင်သူများ ဖြစ်သည်။ အကယ်၍ တစ်စုံတစ်ဦးက အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများသည် မိမိတို့၏ ကိုယ်ပိုင်အယူအဆများနှင့် မကိုက်ညီဟု မြင်ပါက သို့မဟုတ် ဤအရာများက ၎င်းတို့၏ လုပ်ရပ်များနှင့် အပြုအမူကို ဖော်ထုတ်သည် သို့မဟုတ် ငြင်းပယ်သည်ဟု ခံစားရပြီး၊ ထိုသို့ဖြင့် စိတ်အနှောင့်အယှက်ဖြစ်ရာမှ ဒေါသထွက်လာပြီး အထက်၏ အလုပ် အစီအစဉ်များကို မှားယွင်းသောအရာအဖြစ် ဝေဖန်ကာ ရှုတ်ချပါက၊ ဤသည်မှာ ဤလူသည် သမ္မာတရားကို ခုခံပြီး မုန်းတီးသည်၊ မိမိတို့၏ ကိုယ်ပိုင် ရာထူကို ကာကွယ်ဖို့ ကြိုးစားနေပြီး မှားယွင်းသော လမ်းကြောင်းသို့ မရမက ဆင်းသွားသည်ကို သက်သေပြရန် လုံလောက်ပေသည်။ ဤလူစားမျိုးသည် ဧကန်မုချ အယောင်ဆောင် ခေါင်းဆောင်တစ်ဦး သို့မဟုတ် အန္တိခရစ်တစ်ဦး ဖြစ်သည်။ အချို့သော ခေါင်းဆောင်များနှင့် အလုပ်သမားများသည် သမ္မာတရားကို အထူးသဖြင့် မုန်းတီးသည်။ အကယ်၍ အလုပ်အစီအစဉ်များ၊ တရားဒေသနာများနှင့် မိတ်သဟာယများသည် ၎င်းတို့၏ ကိုယ်ပိုင် အယူအဆများနှင့် ကိုက်ညီပြီး၊ ၎င်းတို့အဖို့ အကျိုးရှိပါက၊ ယင်းတို့ကို စစ်မှန်သောအရာအဖြစ် ၎င်းတို့ ယူဆကြပြီး၊ ထို့နောက် ယင်းတို့ကို လက်ခံကာ လက်ဆင့်ကမ်းကြသည်။ သို့သော် ဤအရာများက ၎င်းတို့၏ အယူအဆများနှင့် မကိုက်ညီ သို့မဟုတ် ၎င်းတို့အဖို့ ဆိုးကျိုးဖြစ်စေပါက၊ ယင်းတို့ကို မှားယွင်းသောအရာအဖြစ် ၎င်းတို့ ဝေဖန်လိမ့်မည်၊ လက်ခံရန် ငြင်းပယ်လိမ့်မည်ဖြစ်ပြီး ယင်းတို့ကို ထိမ်ချန်ထားလိမ့်မည် ဖြစ်သည်။ ဤသည်မှာ စာတန်၏ လုပ်ရပ်စစ်စစ် ဖြစ်သည်။အမှုအရာများအပေါ် မိမိ၏ အမြင်များတွင် မိမိ၏ ကိုယ်ပိုင် အယူအဆများအပေါ်ကျိုးကြောင်းမမြင်ဘဲ မှီခိုခြင်း၊တစ်စုံတစ်ရာ မှန်သည်၊ မှားသည်ဆိုသည်ကို ယင်းက မိမိ၏ ကိုယ်ပိုင် ကျော်ကြားမှု၊ အကျိုးအမြတ်နှင့် ရာထူးအဆင့်အတန်းတို့ကို အကျိုးပြုခြင်း ရှိမရှိဆိုသည်မှတစ်ဆင့် တိုင်းတာခြင်းသည် အလွန် အဓိပ္ပာယ်မဲ့ပေသည်။ ထိုသို့သော ရှုထောင့်အမြင်သည် စာတန်၏ ရှုထောင့်အမြင် စစ်စစ် ဖြစ်ပြီး သမ္မာတရား လက်တွေ့အရှိတရားကို မည်သို့မျှ မပိုင်ဆိုင်ပေ။ ထိုသို့သော အသေအချာ လူတို့သည် သမ္မာတရားကို မချစ်ပေ၊ သမ္မာတရားကို မလိုက်စားပေ၊ သို့မဟုတ် ဘုရားသခင်အတွက် ကြောက်ရွံ့မှု မရှိပေ။ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများသည် သန့်ရှင်းသော ဝိညာဉ်တော်၏ လက်ရှိအလုပ်ဖြစ်ပြီး၊ သန့်ရှင်းသော ဝိညာဉ်တော်၏ အသိဉာဏ်ပွင့်လင်းစေခြင်းနှင့် အလင်းပေးခြင်းတို့မှ လာသည်ဟု သေချာပေါက် ဆိုနိုင်ပေသည်။ သန့်ရှင်းသော ဝိညာဉ်တော်၏ အလုပ်မှလာသည့်အရာသည် သမ္မာတရားကို နားလည်ရန်နှင့် လက်တွေ့အရှိတရားထဲသို့ ဝင်ရောက်ရန် သမ္မာတရားကို လိုက်စားသူအားလုံးအား အမှန် ဦးဆောင်ကာ လမ်းပြနိုင်ပေသည်။ အသင်းတော်၏ အဆင့်အားလုံးရှိ ခေါင်းဆောင်များနှင့် အလုပ်သမားများသည် ဘုရားသခင်၏ အလိုတော်နှင့်အညီ မိမိတို့၏ အလုပ်ကို လုပ်ဆောင်ပြီး မိမိတို့၏ တာဝန်များကို ဖြည့်ဆည်းခြင်း ရှိမရှိဆိုသည်ကို တိုင်းတာရန်၊ ၎င်းတို့အနေဖြင့် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို လက်ခံကာ နာခံခြင်း ရှိမရှိဆိုသည်နှင့် ယင်းတို့နှင့်အညီ ၎င်းတို့၏ အလုပ်ကို ၎င်းတို့ လုပ်ဆောင်ပြီး မိမိတို့၏ တာဝန်များကို ဖြည့်ဆည်းခြင်း ရှိမရှိဆိုသည်တို့ကို ကျွန်ုပ်တို့ ကြည့်သင့်ပေသည်။ အကယ်ဤ ခေါင်းဆောင်တစ်ဦး သို့မဟုတ်အလုပ်သမားတစ်ဦးသည် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို မည်သည့်အခါတွင်မျှ လက်မခံသကဲ့သို့ မနာခံနိုင်ပါက၊ ဤလူသည် အယောင်ဆောင် ခေါင်းဆောင်တစ်ဦး သို့မဟုတ် အလုပ်သမားတစ်ဦးဖြစ်ပြီး ဖယ်ရှင်းသုတ်သင်ခံရမည်မှာ သေချာနိုင်ပေသည်။ အကယ်၍ ခေါင်းဆောင်တစ်ဦး သို့မဟုတ် အလုပ်သမားတစ်ဦးသည် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို လက်မခံနိုင်ပါက၊ ၎င်းတို့သည် အသင်းတော်ထဲတွင် သမ္မာတရား စစ်မှန်မှုကို မိတ်သဟာယပြုနိုင်ကြလိမ့်မည်ဖြစ်ပြီး၊ သန့်ရှင်းသော ဝိညာဉ်တော်၏ အလုပ်နှင့် ပူးပေါင်းလုပ်ဆောင်နိုင်ကြလိမ့်မည်ဖြစ်ကာ ဘုရားသခင်၏ ရွေးချယ်ထားသော လူတို့ကို သမ္မာတရား စစ်မှန်မှုထဲသို့ လမ်းပြနိုင်ကြလိမ့်မည် ဖြစ်သည်။

အကယ်၍ ခေါင်းဆောင်များ သို့မဟုတ် အလုပ်သမားများ မိတ်သဟာယပြုသည့်အရာသည် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများနှင့် လုံးဝ ကိုက်ညီမှသာ ၎င်းတို့၏ အလုပ်သည် ရလဒ်များ စွမ်းဆောင်ရရှိနိုင်ပြီး၊ ဘုရားသခင်၏ ရွေးချယ်ထားသော လူတို့၏ အတည်ပြုချက်ကို ရရှိနိုင်ပေသည်။ ခေါင်းဆောင်များနှင့် အလုပ်သမားများ မိတ်သဟာယာပြုသည့်အရာသည် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို နီးကပ်စွာ မလိုက်လျှောက်နိုင်ပါက၊ ၎င်းတို့၏ အလုပ်သည် အသစ်သော အလင်းနှင့် သန့်ရှင်းသော ဝိညာဉ်တော်၏ အလုပ် ခြေလှမ်းသစ်များကို အမှီလိုက်နိုင်လိမ့်မည် မဟုတ်ပေ။ လူတို့ ဆွေးနွေးပြောဆိုသည့် အရာများသည် အလွန် ခေတ်မမီသကဲ့သို့၊ သန့်ရှင်းသော ဝိညာဉ်တော်၏ လက်ရှိအလုပ်ကို အမှီမလိုက်ပါက၊ ပြီးလျှင် သမ္မာတရားကို ၎င်းတို့ မရှာဖွေသေးပါက၊ ၎င်းတို့အတွက် သန့်ရှင်းသော ဝိညာဉ်တော်၏ အလုပ် ရှိဖို့ အတော်အတန် ဖြစ်နိုင်လိမ့်မည် မဟုတ်ပေ။ ထိုသို့သော လူတို့၏ အလုပ်သည် ဘုရားသခင်၏ ရွေးချယ်ထားသော လူတို့အဖို့ မည်သည့် အကျိုးကျေးဇူးမျှ တကယ်ကို ရှိလိမ့်မည်မဟုတ်သကဲ့သို့၊ ထိုအခါ အသင်းတော် အသက်တာသည် ညစ်ညမ်းသည့် ရေအိုင်တစ်ခုသာ ဖြစ်နိုင်ပေသည်။ သန့်ရှင်းသော ဝိညာဉ်တော်၏ လက်ရှိ အလုပ်ကို အမှီမလိုက်နိုင်သကဲ့သို့ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို လက်မခံနိုင်သူအားလုံးသည် အန္တရာယ်ရှိပြီး အလွယ်တကူ ဖယ်ရှင်းသုတ်သင်ခံရနိုင်ပေသည်။ ထို့ကြောင့်၊ အဆင့်အားလုံးရှိ ခေါင်းဆောင်များနှင့် အလုပ်သမားများအနေဖြင့် သမ္မာတရားအပေါ် မိတ်သဟာယပြုရန်နှင့် စစ်မှန်သော အလုပ်ကို လုပ်ဆောင်ရန် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို နီးကပ်စွာ လိုက်လျှောက်ရန် အထက်က တောင်းဆိုခြင်း ဖြစ်သည်။ ဤသည်မှာ ၎င်းတို့အတွက် သန့်ရှင်းသော ဝိညာဉ်တော်၏ အလုပ်ကို ရရှိဖို့နှင့် မိမိတို့၏ တာဝန်တွင် စစ်မှန်သော ရလဒ်များ စွမ်းဆောင်ရရှိဖို့ နည်းလမ်း ဖြစ်သည်။ ဤအရာသည်သာ ဘုရားသခင်၏ အလိုတော်နှင့် ကိုက်ညီသည့် အစေခံမှုဖြစ်သည်။ တစ်စုံတစ်ဦးက အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို လက်ခံနိုင်ကာ နာခံနိုင်ခြင်း ရှိမရှိဆိုသည်မှာ ဘုရားသခင်၏ အမှုတော်ကို ၎င်းတို့ နာခံခြင်း ရှိမရှိ သို့မဟုတ် အန္တိခရစ်တစ်ဦး၏ လမ်းကြောင်းကို လျှောက်လှမ်းနေခြင်း ရှိမရှိဆိုသည်ကို ပြသသည့် လက္ခဏာတစ်ခု ဖြစ်သည်။ အလုပ်လုပ်ခြင်းနှင့် မိမိ၏ တာဝန်ကို ဖြည့်ဆည်းခြင်းတွင် အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို တင်းတင်းကျပ်ကျပ် လိုက်လျှောက်ခြင်းအားဖြင့်သာ တစ်ဦးတစ်ယောက်သည် ဘုရားသခင်နောက် အမှန်တကယ် လိုက်ပြီး ဘုရားသခင်၏ အမှုတော်ကို နာခံသည့် လူတစ်ဦး ဖြစ်သည်။ ထိုသို့သော လူတစ်ဦးသည်သာ သန့်ရှင်းသော ဝိညာဉ်တော်၏ အလုပ်၏ အတည်ပြုခြင်းကို ရရှိလိမ့်မည်ဖြစ်ပြီး ဘုရားသခင်၏ အသုံးပြုခြင်းအတွက် စုံလင်ခံလာရကာ သင့်တော်လာဖို့ သမ္မာတရား စစ်မှန်မှုထဲသို့ တဖြည်းဖြည်း ဝင်ရောက်လိမ့်မည်။ ယင်းမှာ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို ဆန့်ကျင်သောသူအားလုံးသည် သမ္မာတရားကို လိုက်စားသော လူများမဟုတ်သကဲ့သို့ အယောင်ဆောင် ခေါင်းဆောင်များနှင့် အန္တိခရစ်များသာ ဖြစ်သည်ဟု ဆိုနိုင်ပေသည်။ ဤအရာနှင့် ပတ်သက်၍ သံသယမရှိပေ။ အထက်၏ အလုပ်အစီအစဉ်များ၊ တရားဒေသနာများနှင့် မိတ်သဟာယများကို တစ်ဦးတစ်ယောက်က လက်ခံနိုင်ခြင်း ရှိမရှိဆိုသည်မှာ အလွန့်အလွန် ပေါ်လွင်စေသောအရာ ဖြစ်သည်။

အလုပ်အစီအစဉ်များ မှ

အရှေ့သို့- ၁၆၂။ အသင်းတော်ကို နာခံခြင်းနှင့် သက်ဆိုင်သည့် အခြေခံသဘောတရားများ

နောက်တစ်ခုသို့- ၁၆၄။ ဘုရားသခင်ကို သိကျွမ်းလာခြင်းနှင့် သက်ဆိုင်သည့် အခြေခံသဘောတရားများ

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်တွင်ရှိပြီး အကျပ်ရိုက်ခြင်းတစ်ခုဖြင့် ရင်ဆိုင်ရချိန်တွင်၊ တစ်ဦးတစ်ယောက်သည်...

ဘုရားသခင်အပေါ် မှီခိုခြင်းနှင့် သူ့ကို ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်