၁၃၅) မောက်မာသော စိတ်သဘောထား အမျိုးမျိုးရှိသူများအား ဆက်ဆံခြင်းဆိုင်ရာ အခြေခံသဘောတရားများ

(၁) မောက်မာသော်လည်း ဆိုးယုတ်သောသူ မဟုတ်သူများတွင် မောက်မာသောစိတ်သဘောထားများရှိစေကာမူ ထိုသူတို့သည် ဘုရားသခင်ကို စစ်မှန်စွာ ယုံကြည်နေသရွေ့ ၎င်းတို့အား ချစ်ခြင်းမေတ္တာစိတ်ဖြင့် ကူညီသင့်သည်။ ဘုရားသခင်ကို ယုံကြည်ခြင်းဖြစ်သည့် မှန်ကန်သောလမ်းကြောင်းပေါ်သို့ ထိုသူတို့အား ရောက်ရှိစေသင့်သည်။

(၂) မောက်မာသောစိတ်သဘောထားရှိသော်လည်း သမ္မာတရားကို လက်ခံနိုင်သည့်အပြင် ကောင်းမြတ်သောအရည်အသွေးနှင့် ပါရမီလည်း ရှိသူများကို အထောက်အကူပြုပြီး ပြုစုပျိုးထောင် ပေးသင့်သည်။ ထိုသူတို့အား ဖယ်ကြဉ်ထားခြင်းကို လုံးဝမပြုရ။

(၃) အန္တိခရစ်များအကြားတွင် ပါဝင်၍ အစွန်းကုန်မောက်မာပြီး အသိတရားလုံးဝမရှိဘဲ ပြင်းပြသောရည်ရွယ်ချက်များနှင့် ဆိုးယုတ်မှုမျိုးစုံသည့် အရူးများကို နှင်ထုတ်ရမည် ဖြစ်သည်။

(၄) အစွန်းရောက်သည်အထိ ယုတ္တိမတန်ကာ မှားယွင်းသော အယူအဆများကို မရမက တင်းတင်းကျပ်ကျပ် စွဲကိုင်ကာ၊ သမ္မာတရားကို ဆန့်ကျင်ပြီး မည်သူ့ကိုမျှ ကျိုးနွံခြင်းမရှိသည့် မောက်မာပြီး မှာယွင်းသောသူများကို နုတ်ပယ်ပစ်ရမည်၊ သို့မဟုတ် နှင်ထုတ်ရမည် ဖြစ်သည်။

ဆက်စပ်သော ဘုရားသခင်၏ နှုတ်ကပတ်တော်များ-

လူသားမျိုးနွယ်သည် စာတန်၏ ဖောက်ပြန်ပျက်စီးစေခြင်း ခံရသည့်အတွက်၊ ၎င်းတို့၏သဘာဝသည် စတင်ပြောင်းလဲခဲ့ပြီး ပုံမှန်လူတို့ ပိုင်ဆိုင်သည့် ဆင်ခြင်တုံတရား အသိစိတ်ကို ၎င်းတို့ တဖြည်းဖြည်း ဆုံးရှုံးခဲ့ကြသည်။ ယခုတွင် ၎င်းတို့သည် လူသား၏နေရာတွင် လူသားများကဲ့သို့ ကျင့်ကြံပြုမူခြင်း မရှိကြတော့ပေ။ ထို့ထက် ၎င်းတို့သည် လူ၏ အဆင့်အတန်းကို ကျော်လွန်ရန် ဆန္ဒရှိကြပြီး၊ သာ၍မြင့်မားကာ သာဤကြီးမြတ်သော အရာတစ်ခုကို တမ်းတကြသည်။ နောက်ပြီးလျှင် ဤပို၍မြင့်မားသော ဤအရာက အဘယ်နည်း။ သူတို့သည် ဘုရားသခင်ကို ကျော်လွန်ရန်၊ ကောင်းကင်ကို ကျော်လွန်ရန်နှင့် အခြားအရာခပ်သိမ်းကို ကျော်လွန်ရန် ဆန္ဒရှိကြသည်။ လူတို့ ဤကဲ့သို့ဖြစ်လာပြီးသည့် အကြောင်းရင်း၏ အရင်းအမြစ်တွင် အဘယ်အရာရှိသနည်း။ အရာရာကို ခြုံငုံသုံးသပ်ရလျှင်၊ လူသား၏ သဘာဝမှာ လွန်ကဲစွာ မာနထောင်လွှားသည်။ “မာနထောင်လွှားခြင်း” သည် ယုတ်ညံ့သော ဝေါဟာရတစ်ခုဖြစ်ပြီး မည်သူကမျှ မိမိတို့ကိုယ်ကိုယ် ဤဝေါဟာရဖြင့် အမည်တပ်မခံလိုကြပေ။ သို့သော် အမှန်တွင် လူတိုင်းက မာနထောင်လွှားကြပြီး ဖောက်ပြန်ပျက်စီးသော လူသားများအားလုံး၌ ဤအနှစ်သာရ ရှိကြသည်။ လူအချို့က “ကျွန်ုပ်သည် စိုးစဉ်းမျှ မာနထောင်လွှားခြင်း မရှိပေ။ ကျွန်ုပ်သည် ကောင်းကင်တမန်မင်း မည်သည့်အခါကမျှ မဖြစ်လိုသကဲ့သို့ ဘုရားသခင်ကိုလည်း သာလွန်လိုခြင်း မရှိဖူးပေ သို့မဟုတ် အခြားအရာအားလုံးကိုလည်း သာလွန်လိုခြင်း မရှိဖူးပေ။ ကျွန်ုပ်သည် အထူးသဖြင့် လိမ္မာပြီး တာဝန်သိတတ်သည့် သူတစ်ယောက် အမြဲဖြစ်နေခဲ့ပါသည်။” ဟု ပြောကြသည်။ သေချာပေါက် မဟုတ်ပေ။ ဤစကားများက မမှန်ကန်ပေ။ လူတို့သည် သဘာဝနှင့် အနှစ်သာရတွင် တိုး၍ မာနထောင်လွှားလာသည်နှင့်တစ်ပြိုင်နက်၊ သူတို့သည် ဘုရားသခင်အား မနာခံဘဲ ဆန့်ကျင်သည့်အရာများ၊ သူ၏ နှုတ်ကပတ်တော်များကို အရေးမစိုက်သည့်အရာများ၊ သူ့အကြောင်း အယူအဆများကို ဖြစ်ပေါ်စေသည့်အရာများ၊ သူ့အား ပုန်ကန်သည့်အရာများနှင့် မိမိတို့ကိုယ်ကိုယ် ချီးမြှောက်ပြီး သက်သေခံသည့် အရာများကို ပြုလုပ်နိုင်စွမ်း ရှိလာကြသည်။ သင်သည် မာနထောင်လွှားခြင်းမရှိဟု ပြောသော်လည်း အသင်းတော်အချို့ကို သင့်အားပေးပြီး ယင်းတို့ကို ဦးဆောင်ရန်အခွင့်ပေးသည် ဆိုကြပါစို့၊ ငါသည် သင့်ကို ကိုင်တွယ်ဖြေရှင်းခြင်း မရှိခဲ့သကဲ့သို့၊ ဘုရားသခင်၏ မိသားစုထဲမှ မည်သူမျှ သင့်ကို ပြုပြင်ခြင်း မရှိခဲ့ဟု ဆိုကြပါစို့- ၎င်းတို့ကို သင် ခဏကြာ ဦးဆောင်ပြီးနောက်တွင် သင်သည် ၎င်းတို့ကို သင့်ခြေသို့ ဆောင်ကြဉ်းမည်ဖြစ်ပြီး၊ သင်၏ ရှေ့တွင် ကျိုးနွံနာခံစေမည် ဖြစ်သည်။ ဤသို့ဆိုလျှင် အဘယ့်ကြောင့် သင် ထို့သို့ ပြုမိမည်နည်း။ ဤသည်ကို သင်၏သဘာဝက သတ်မှတ်ပေမည်။ ယင်းမှာ သဘာဝအလျောက် ထုတ်ဖော်ခြင်းမှတစ်ပါး အခြားအရာဖြစ်မည် မဟုတ်ပေ။ သင်သည် ဤအရာကိုသင်ယူဖို့ရန် အလွန် အားထုတ်ကြိုးပမ်းစရာ မလိုသကဲ့သို့၊ သင့်အား အခြားသူများကို အထူးတလည် ထိုအရာကို သင်ခိုင်းစရာလည်း မလိုအပ်ပေ။ သင်သည် ဤအရာတစ်ခုတစ်လေကိုမျှ တမင်တကာ ပြုလုပ်စရာ မလိုအပ်ပါပေ။ ဤသို့သော အခြေအနေမျိုးသည် သင့်အတွက် အလိုအလျောက် ဖြစ်လာပေသည်- သင်သည် လူတို့ကို သင်၏ ရှေ့တွင် ကျိုးနွံနာခံစေသည်၊ သင့်အား ကိုးကွယ်စေသည်၊ သင့်အား ချီးမြှောက်စေသည်၊ သင့်အကြောင်းကို သက်သေခံစေပြီး၊ အရာခပ်သိမ်းတွင် သင့်အား နာခံစေကာ၊ သင်၏ စီရင်ပိုင်ခွင့်ကို ကျော်လွန်၍ ၎င်းတို့ကို လုပ်ဆောင်ခွင့်မပေးချေ။ သင်၏ ခေါင်းဆောင်မှုအောက်တွင် ထိုကဲ့သို့သော အခြေအနေများမှာ အလိုအလျောက် ဖြစ်ပွားလေသည်။ ဤသို့ဖြစ်လျှင် ဤအခြေအနေများမှာ အဘယ်သို့ဖြစ်လာသနည်း။ ယင်းတို့ကို လူသား၏ မာနထောင်လွှားသော သဘာဝက ချမှတ်ထားခြင်း ဖြစ်သည်။ မာနထောင်လွှားမှု၏သရုပ်သကန်မှာ ဘုရားသခင်အပေါ် ပုန်ကန်ခြင်းနှင့် ဆန့်ကျင်ခြင်းဖြစ်၏။ လူတို့မာနထောင်လွှား၍ မိမိဘာသာ ကြီးကျယ်နေကာ မိမိဘာသာ ဖြောင့်မတ်သည်ဟု ထင်နေသောအခါ ၎င်းတို့သည် ၎င်းတို့ကိုယ်တိုင်၏ သီးခြား နိုင်ငံတော်များကို တည်ထောင်ကာ ၎င်းတို့လိုချင်သည့်အတိုင်း လုပ်ဆောင်လေ့ရှိကြ၏။ အခြားသူများကိုလည်း ၎င်းတို့၏ လက်ထဲသို့ဆွဲသွင်းကာ ၎င်းတို့၏ ပိုက်ထွေးမှုအတွင်း ဆွဲသွင်းကြ၏။ လူတို့သည် ဤကဲ့သို့သောအရာများကို လုပ်ကိုင်နိုင်သည့်အခါ ၎င်းတို့၏ မာနထောင်လွှားမှု၏အနှစ်သာရမှာ ကောင်းကင်တမန်မင်း၏ မာနထောင်လွှားမှုပင် ဖြစ်၏။ ၎င်းတို့၏ မာနထောင်လွှားမှုနှင့် မိမိဘာသာ ကြီးကျယ်နေမှုသည် အဆင့်တစ်ရပ်သို့ ရောက်ပြီးနောက် ယင်းအရာက ထိုသူတို့ ကောင်းကင်တမန်မင်းဖြစ်ကြောင်းနှင့် ဘုရားသခင်အား ဘေးဖယ်ထားမည်ဖြစ်ကြောင်းကို သတ်မှတ်လေ၏။ သင်၌ ဤသို့ မာနထောင်လွှားသော စိတ်သဘောထားရှိပါက သင်၏စိတ်နှလုံးထဲတွင် ဘုရားသခင်အတွက် နေရာရှိမည် မဟုတ်ပေ။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူသား၏ မာနထောင်လွှားသော သဘာဝသည် ဘုရားသခင်အပေါ် သူဆန့်ကျင်ခြင်း၏ အရင်းအမြစ် ဖြစ်သည်” မှ

မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏ အရင်းအမြစ်ဖြစ်သည်။ လူတို့သည် ပို၍ မာနထောင်လွှားလေ သူတို့သည် ဘုရားသခင်ကို ပို၍ဆန့်ကျင်လေ ဖြစ်တတ်သည်။ ဤပြဿနာက အဘယ်မျှ ဆိုးရွားလိုက်သနည်း။ မာနထောင်လွှားသော စိတ်သဘောထားနှင့် လူတို့သည် အခြားလူတိုင်းကို သူတို့၏အောက်၌ ရှိသည်ဟု ယူဆကြသည့်အပြင်၊ အဆိုးဆုံးမှာ သူတို့သည် ဘုရားကိုပင် တင်စီးနေကြလေသည်။ အချို့လူတို့သည် အပြင်ပန်းတွင် ဘုရားသခင်၌ ယုံကြည်သက်ဝင်ပြီး သူ့ကို လိုက်လျှောက်ကြသည့်ပုံ ပေါ်သော်လည်း၊ သူတို့သည် သူ့ကို ဘုရားသခင်အဖြစ် လုံးဝမဆက်ဆံကြချေ။ သူတို့သည် သမ္မာတရားကို ပိုင်ဆိုင်ထားသည်ဟု အမြဲထင်မြင်ကြပြီး မိမိကိုယ်ကိုယ် အလွန်အထင်ကြီးတတ်ကြသည်။ ဤသည်မှာ မာနထောင်လွှားသော စိတ်သဘောထား၏ အနှစ်သာရနှင့် အရင်းအမြစ်ဖြစ်ပြီး၊ ယင်းက စာတန်ထံမှ လာလေသည်။ ထို့ကြောင့် မာနထောင်လွှားခြင်း ပြဿနာကို ဖြေရှင်းရမည်။ လူတစ်ဦးသည် အခြားလူများထက် ပိုသာသည်ဟူသော ထင်မြင်ချက်မှာ အသေးအဖွဲကိစ္စ ဖြစ်သည်။ အရေးပါသောအချက်မှာ လူတစ်ဦး၏ မာနထောင်လွှားသော စိတ်သဘောထားက ဘုရားသခင်၊ သူ၏အုပ်ချုပ်မှုနှင့် သူ၏စီမံချက်များအပေါ် နာခံခြင်းမှ သူ့ကို ဟန့်တားနေခြင်းပင် ဖြစ်သည်၊ ထိုကဲ့သို့သောသူသည် အခြားသူများအပေါ် အာဏာရှိရေးအတွက် ဘုရားသခင်နှင့်ယှဉ်ပြိုင်လိုစိတ် အမြဲရှိနေသည်။ ထိုကဲ့သို့သောလူက ဘုရားသခင်အားချစ်ခြင်း သို့မဟုတ် သူ့အားနာခံခြင်းကို မဆိုထားနှင့်၊ ဘုရားသခင်အားကြောက်ရွံ့ခြင်း စိုးစဉ်းမျှ မရှိပေ။ ထောင်လွှားကာ စိတ်ကြီးဝင်သူများ၊ အထူးသဖြင့် အင်မတန် ထောင်လွှားလွန်းသဖြင့် အသိဉာဏ်ပျောက်သွားသူများသည် ဘုရားသခင်၌ ယုံကြည်ခြင်းတွင် ကိုယ်တော်ကို မနာခံနိုင်ရုံမက မိမိတို့ကိုယ်ကိုယ် ဂုဏ်တင်ကာ သက်သေပင် ခံလိုက်သေးသည်။ ထိုသို့သောလူများသည် ဘုရားသခင်ကို အဆန့်ကျင်ဆုံးဖြစ်သည်။ အကယ်၍ လူတို့သည် ဘုရားသခင်ကို ကြည်ညိုသောအဆင့်ဆီ ရောက်လိုလျှင် သူတို့သည် သူတို့၏ ထောင်လွှားသော စိတ်သဘောထားများကို ပထမဦးစွာ ဖြေရှင်းရမည်။ သင်၏ ထောင်လွှားသောစိတ်သဘောထားကို စေ့စပ်သေချာစွာ ဖြေရှင်းလေလေ၊ ဘုရားသခင်ကို ကြည်ညိုကိုင်းရှိုင်းလေလေ ဖြစ်သည်။ ထိုအခါမှသာ သင်သည် ကိုယ်တော်ကိုနာခံနိုင်ကာ သမ္မာတရားကို ရနိုင်ပြီး ကိုယ်တော်ကို သိနိုင်မည်။

ဘုရားသခင်၏ မိတ်သဟာယဖွဲ့ခြင်း မှ

လူအချို့က သူတို့၌ ဖောက်ပြန်ပျက်စီးသော စိတ်သဘောထား မရှိကြောင်း၊ သူတို့သည် မာနမထောင်လွှားကြောင်း ဆိုကြသည်။ ဤသူတို့မှာ မည်သို့သောလူများ ဖြစ်သနည်း။ သူတို့သည် အားလုံးထဲတွင် မာနအထောင်လွှားဆုံး ဖြစ်ကြသည်။ အမှန်ဆိုလျှင် သူတို့သည် လူတိုင်းထက် ပို၍မာနထောင်လွှားပြီး ပုန်ကန်တတ်ကြ၏။ တစ်စုံတစ်ယောက်က သူသည် ဖောက်ပြန်ပျက်စီးခြင်း မရှိပါဟု ပြောလေလေ၊ မာနထောင်လွှားပြီး မိမိကိုယ်ကို မှန်ကန်သည်ဟု ယူမှတ်လေလေပင် ဖြစ်သည်။ အခြားသူများက သူတို့ကိုယ်သူတို့ သိနိုင်ပြီး သူတို့၏ အခြေအနေကို ထည့်တွက်စဉ်းစားကြသော်လည်း သင်ကမူ အဘယ့်ကြောင့် မလုပ်နိုင်ရသနည်း။ သင်သည် ခြွင်းချက်ဖြစ်သလော။ သင်သည် သူတော်စင်တစ်ဦး ဖြစ်သလော။ သင်သည် လက်တွေ့ဘဝနှင့် ကင်းကွာလျက် အသက်ရှင်သလော။ လူသားမျိုးနွယ်သည် စာတန်၏ ဖောက်ပြန်ဖျက်ဆီးခြင်းကို ခံထားရကြောင်း၊ လူတို့တွင် ဖောက်ပြန်ပျက်စီးသော စိတ်သဘောထား ရှိကြောင်းကို သင်အသိအမှတ်မပြုပေ၊ သို့ဖြစ်၍ သင်သည် အားလုံးထဲတွင် အပုန်ကန်ဆုံးနှင့် မာနအထောင်လွှားဆုံးဖြစ်၏။ သင့်အဆိုအရ ကမ္ဘာပေါ်တွင် လူကောင်းမြောက်မြားစွာရှိကြသည်ဆိုလျှင် ကမ္ဘာကြီးသည် အဘယ့်ကြောင့် မှောင်မိုက်အတိ၊ ညစ်ညမ်းမှုနှင့် ဖောက်ပြန်ပျက်စီးခြင်းအတိ၊ ကွဲပြားဆန့်ကျင်ခြင်းအတိ ဖြစ်နေရသနည်း။ လူ့ကမ္ဘာတွင် အဘယ့်ကြောင့် လူတိုင်းက အချင်းချင်းထံမှ လုယက်ယူငင်ကြသနည်း။ ဘုရားသခင်ကို ယုံကြည်သောသူများပင်လျှင် ဘာမျှမထူးခြား— သူတို့သည် တစ်ဦးနှင့်တစ်ဦး အမြဲတစေ ရုန်းကန်တိုက်ခိုက်နေကြသည်။ သို့ဆိုလျှင် ဤပဋိပက္ခမှာ မည်သည့်နေရာမှ အရင်းခံသနည်း။ မာနထောင်လွှားမှုမှ အရင်းခံသည်။ အချုပ်အားဖြင့် ယင်းသည် လူ့ဖောက်ပြန်ပျက်စီးခြင်း၏ အဖြစ်အနေဖြစ်သော မာနထောင်လွှားမှုနှင့် ခွဲမရချေ။ ယင်းသည် လူ့သဘာဝ၏ ဖောက်ပြန်ပျက်စီးခြင်းနှင့် ပုန်ကန်ခြင်းတို့ လျှံထွက်လာခြင်းပင် ဖြစ်သည်။ လူတို့သည် ဘုရားသခင်ကို ယုံကြည်လင့်ကစား သမ္မာတရားကို လက်တွေ့လုပ်ဆောင်နိုင်စွမ်း မရှိကြသည်မှာ အဘယ့်ကြောင့်နည်း။ သူတို့သည် ဘုရားသခင်ကို ယုံကြည်လင့်ကစား ဘုရားသခင်နှင့် သဟဇာတ မဖြစ်နိုင်ကြသည်မှာ အဘယ့်ကြောင့်နည်း။ ဤအရာကိုလည်း လူတို့၏ မာနထောင်လွှားသော သဘာဝက အဆုံးအဖြတ်ပေးထားခြင်း ဖြစ်သည်။ လူသားမျိုးနွယ်သည် ဘုရားသခင်ကို အမြဲတမ်း ဆန့်ကျင်ကာ ပုန်ကန်နေပြီး ဤသည်မှာ ဘုရားသခင်၏ အပြစ်ကြောင့်မဟုတ်၊ ဘုရားသခင်၌ သမ္မာတရား မရှိသောကြောင့် မဟုတ်ဘဲ လူသားက စာတန်၏ ဖောက်ပြန်ဖျက်ဆီးခြင်းကို အလွန်အမင်းခံထားရပြီး မာန လွန်စွာထောင်လွှားခြင်း၊ အသိတရား လွန်စွာကင်းမဲ့ခြင်း၊ သမ္မာတရားကို လုံးဝလက်မခံခြင်းကြောင့်ဖြစ်၏၊ ထို့ကြောင့် လူသားသည် ဘုရားသခင်နှင့် မည်သည့်အခါမျှ သဟဇာတမဖြစ်နိုင်ဘဲ ဘုရားသခင်ကို အမြဲတမ်း ဆန့်ကျင်ရပ်တည်ကာ ဘုရားသခင်ကို တွန်းကန်ကြခြင်း ဖြစ်လေသည်။ ယခုတွင် လူသားနှင့် ဘုရားသခင်ကြားက ဆက်ဆံရေးမှာ မည်သည့်အဆင့်သို့ ရောက်သွားပြီနည်း။ လူသားသည် ဘုရားသခင်၏ ရန်သူ၊ ဘုရားသခင်၏ ပကတိဆန့်ကျင်ဘက် ဖြစ်သွားလေပြီ။ ဘုရားသခင်သည် လူသားကို ဖော်ထုတ်ရန်နှင့် ကယ်တင်ရန် သမ္မာတရားကို ဖော်ပြသော်လည်း လူသားက လက်ခံရန် ငြင်းဆိုပြီး အရေးမစိုက်ပေ။ လူလုပ်ဆောင်ရန် ဘုရားသခင်ခိုင်းသောအရာကို လူက မလုပ်ပေ။ သို့သော်လည်း ဘုရားသခင်အတွက် စက်ဆုပ်ရွံရှာဖွယ်နှင့် မုန်းတီးဖွယ်ကောင်းသော အရာကိုမူ လူက ပြုလုပ်၏။ ဘုရားသခင်သည် သမ္မာတရား ဖြစ်လင့်ကစား သူသည် လူသား၏ ငြင်းပယ်ခြင်းကို ခံရ၏။ ဘုရားသခင်သည် လူသား၏ ဖောက်ပြန်ပျက်စီးသော စိတ်သဘောထားကို တရားစီရင်ပြီး ပြစ်တင်ဆုံးမလင့်ကစား လူသားက အသိအမှတ်ပြုခြင်းငှာ မစွမ်းနိုင်သေးချေ။ လူသားမှာ အဘယ်မျှ မာနထောင်လွှားလိုက်သနည်း။ သူတို့သည် ရှင်ဘုရင်အဖြစ် စိုးစံမည်ဟု ပြောပြောနေခဲ့ကြသောသူများ ယခင်က ရှိခဲ့သည်။ ဤအရာက မာနထောင်လွှားမှုကို ပေါ်လွင်စေကာ ယင်းမှာ လူသား၏ ဖောက်ပြန်ပျက်စီးသော စိတ်သဘောထားပင် ဖြစ်သည်။ ဘုရားသခင်သည် လူသားကိုကယ်တင်ရန် လူ့ဇာတိကို ခံယူခဲ့သည်၊ သို့သော် ဘုရားသခင်ကို လက်ခံခြင်းအတွက် အတုံ့အလှည့်အနေဖြင့် လူတို့သည် အသက်ရှင်နေထိုင်မှု ကုန်ကျစရိတ်များ၊ ဆုလာဘ်များ၊ ကောင်းချီးပေးစကားများကို တောင်းဆိုခဲ့ကြပြီး အခြားသူများက သူတို့ကို အထင်ကြီးစေရန်အလို့ငှာ သူတို့သည် ဘုရားသခင်အား လက်ခံခြင်းကို ကြွားလုံးထုတ်ကာ သူတို့က ဘုရားသခင်၏ ချစ်လှစွာသောသူများ ဖြစ်သည်ဟု ပြောသည်အထိပင် ဖြစ်ခဲ့ကြသည်။ မိမိတို့လက်ခံခဲ့သောသူမှာ ဘုရားသခင်ဖြစ်ကြောင်းကို လူအနည်းငယ်က ရှင်းရှင်းလင်းလင်း သတိပြုမိကြသော်လည်း သူတို့သည် အတုံ့အလှည့်အနေဖြင့် အသင်းတော်များထံမှ ငွေတောင်းခဲ့ကြလေသည်။ ဤဖောက်ပြန်ပျက်စီးသော လူတို့က သူတို့တွင် ဖောက်ပြန်ပျက်စီးသော စိတ်သဘောထားမရှိကြောင်း၊ သူတို့၏ ယုံကြည်ခြင်းမှာ အခြားမည်သူမဆိုထက် သာလွန်ကြောင်း၊ သူတို့က အခြားမည်သူမဆိုထက် ဘုရားသခင်ကို ပို၍ဆက်ကပ်ကြပြီး အခြားမည်သူမဆိုထက် ပိုကောင်းအောင် ပြုမူကျင့်ကြံကြကြောင်း ပြောတတ်ကြသည်။ သင်သည် အမှန်ပင် ကောင်းမွန်စွာ ပြုမူကျင့်ကြံသလော။ အကယ်၍ သင်သည် အမှန်တကယ် ကောင်းမွန်လျှင် အဘယ်ကြောင့် မာနထောင်လွှားသော အရာများကို ပြုလုပ်တတ်သနည်း။ ထို့ပြင် သင်သည် လူသားဆန်သော အရာများကို အဘယ့်ကြောင့် လုပ်ဆောင်နိုင်စွမ်း မရှိရသနည်း။ သင်နှင့်ပတ်သက်၍ အဘယ့်ကြောင့် လူသားဆန်ခြင်း ဘာမျှမရှိရသနည်း။ လူတို့၏ မာနထောင်လွှားမှုမှာ သူတို့သည် အရာခပ်သိမ်းကို လိုချင်သော်လည်း ဘုရားသခင်ကို အလိုမရှိသည့်အပြင် သူတို့သည် ယုတ်ညံ့ပြီး စက်ဆုပ်ဖွယ်ကောင်းသော မည်သည့်အရာကိုမဆို ပြုလုပ်မည် ဖြစ်သော်လည်း ဘုရားသခင်ကိုမူ ကိုးကွယ်မည် မဟုတ်ဘဲ နာခံမည်လည်း မဟုတ်သည့်အဆင့်ထိ ဖြစ်လေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူသား၏ မာနထောင်လွှားသော သဘာဝသည် ဘုရားသခင်အပေါ် သူဆန့်ကျင်ခြင်း၏ အရင်းအမြစ် ဖြစ်သည်” မှ

များစွာသော လူတို့သည် ဘုရားသခင်၏ စုံလင်ကွဲပြားသော အမှုအမျိုးမျိုးကို မသိသောကြောင့်၊ ထို့အပြင် သန့်ရှင်းသော ဝိညာဉ်တော်၏အမှုကို တိုင်းတာရန် အသိပညာနှင့် အယူဝါဒ အနည်းငယ်သာ ပိုင်ဆိုင် သောကြောင့် ဘုရားသခင်ကို ဆန့်ကျင်ပြီး သန့်ရှင်းသော ဝိညာဉ်တော်၏အမှုကို ပိတ်ဆို့ဟန့်တားကြသည် မဟုတ်လော။ ထိုသို့သော လူများ၏ အတွေ့အကြုံများသည် အပေါ်ယံ ဖြစ်သော်လည်း၊ သဘာဝ၌ မာနထောင်လွှားကာ စိတ်အလိုလိုက်ပြီး၊ သန့်ရှင်းသော ဝိညာဉ်တော်၏ အမှုကို အထင်သေးခြင်းဖြင့် မှတ်ယူကြသည်၊ သန့်ရှင်းသောဝိညာဉ်တော်၏ ဆုံးမပဲ့ပြင်ခြင်းများကို လျစ်လျူရှုကြသကဲ့သို့၊ ထို့အပြင် သန့်ရှင်းသော ဝိညာဉ်တော်၏ အမှုကို “အတည်ပြုရန်” ၎င်းတို့၏ အရေးမပါသည့် အိုဟောင်းသော အကြောင်းပြချက်များကို အသုံးပြုကြ၏။ ၎င်းတို့သည် ဟန်ဆောင်ခြင်းလည်း ပြုကာ ၎င်းတို့၏ ကိုယ်ပိုင် လေ့လာသင်ယူမှုနှင့် အသိပညာအပေါ် အပြည့်အဝ လက်ခံယုံကြည်ကြသကဲ့သို့၊ ၎င်းတို့ ကမ္ဘာ့အနှံ့ ခရီးသွားနိုင်သည်ဟု အခိုင်အမာ ယုံကြည်ကြလေသည်။ ထိုသို့သော လူများသည် သန့်ရှင်းသော ဝိညာဉ်တော်က စက်ဆုပ်မုန်းတီးပြီး ငြင်းပယ်သူများ မဟုတ်ပါလော၊ ၎င်းတို့ကို ခေတ်သစ်က ဖယ်ရှားလိမ့်မည် မဟုတ်လော။ ဘုရားသခင်၏ ရှေ့မှောက်သို့ လာပြီး၊ သူ့ကို ပွင့်လင်းစွာ ဆန့်ကျင်သူများသည် ၎င်းတို့ မည်မျှ အလွန် ထက်မြက်သည်ကို ပြရန်မျှသာ ကြိုးစားနေသော မသိနားမလည်သကဲ့သို့ အသိအမြင်လိုသေးသော လူဆိုးများ မဟုတ်ပါလော။ နည်းပါးသော ကျမ်းစာ အသိပညာဖြင့်၊ ၎င်းတို့သည် ကမ္ဘာ့ “ပညာရေးလောက” ကို သောင်းကျန်းမွှေ့ယမ်းရန် ကြိုးစားကြ၏။ လူတို့ကို သင်ကြားရန် အပေါ်ယံ အယူဝါဒဖြင့် ၎င်းတို့သည် သန့်ရှင်းသော ဝိညာဉ်တော်၏ အမှုကို ပြောင်းပြန်လှန်ရန် ကြိုးပမ်းကြသည့်အပြင်၊ ထိုအမှုကို ၎င်းတို့တွေးခေါ်မှု ဖြစ်စဉ်ကို ဗဟိုပြုစေရန် ကြိုးစားကြ၏။ ၎င်းတို့သည် ရေရှည် မကြည့်တတ်ကြသည့်အတွက်၊ ဘုရားသခင်၏အနှစ်ခြောက်ထောင် အမှုကို အကြည့်တစ်ချက်ဖြင့် ရှုမြင်ရန် ကြိုးစားကြ၏။ ဤလူတို့သည် ပြောလောက်စရာ အသိစိတ် တစ်ခုတစ်လေမျှ မရှိကြပါတကား။ အမှန်တွင် လူတို့၏ ဘုရားသခင် အကြောင်း အသိပညာ သာ၍ များလေ၊ သူ၏အမှုကို ဝေဖန်ရန် နှေးလေလေဖြစ်သည်။ ထို့အပြင် ၎င်းတို့သည် ယနေ့ခေတ်တွင် ဘုရားသခင်၏ အမှုနှင့်သက်ဆိုင်သည့် ၎င်းတို့၏ အသိပညာ အနည်းငယ်ကိုသာ ပြောဆိုကြသော်လည်း၊ ၎င်းတို့၏ ဝေဖန်မှုများတွင် အလျင်လိုခြင်း မရှိကြပေ။ လူတို့သည် ဘုရားသခင်အပေါ် သိကျွမ်းမှု နည်းလေလေ၊ ၎င်းတို့သည် သာ၍ မာနထောင်လွှားကာ မိမိကိုယ်ကိုယ် ယုံကြည်မှု လွန်ကဲလေလေ ဖြစ်ပြီး၊ ဘုရားသခင်၏ ဖြစ်ခြင်းကို အကြောင်းမဲ့သက်သက် ထုတ်ဖော်ပြောလေလေ ဖြစ်သည်- သို့ရာတွင် ၎င်းတို့သည် သဘောတရားများကိုသာ ပြောဆိုပြီး စစ်မှန်သည့် အထောက်အထားများ လုံးဝမပေးပေ။ ထိုသို့သော လူတို့သည် တန်ဖိုး မည်သို့မျှ မရှိပေ။ သန့်ရှင်းသော ဝိညာဉ်တော်၏အမှုကို ကစားပွဲတစ်ခု အဖြစ်သာ မြင်သူတို့သည် ပေါ့တန်သောသူများ ဖြစ်ကြ၏။ သန့်ရှင်းသော ဝိညာဉ်တော်၏ အမှုသစ်နှင့် ကြုံတွေ့သည့်အခါ သတိမထားသူတို့၊ ပါးစပ်စည်း မရှိသူတို့၊ ဝေဖန်ဖို့ မြန်ဆန်သောသူတို့၊ သန့်ရှင်းသော ဝိညာဉ်တော်အမှု၏ ဖြောင့်မတ်ခြင်းကို ငြင်းပယ်လိုသည့် ၎င်းတို့၏ နဂိုစိတ်ရင်းကို ဇက်ကုန်လွှတ်ထားသူတို့နှင့် စော်ကားပုတ်ခတ်ပြီး ပြစ်မှားပြောဆိုမှုများလည်း ပြုလုပ်သူတို့- ထိုသို့သော လေးစားမှု မရှိသူတို့သည် သန့်ရှင်းသော ဝိညာဉ်တော်၏ အမှုနှင့် ပတ်သက်၍ မသိနားမလည် ဖြစ်ကြသည် မဟုတ်လော။ ထို့အပြင် ၎င်းတို့သည် အလွန် မာနထောင်လွှားမှု ရှိသူများ၊ ပင်ကိုအားဖြင့် မာနကြီး၍ ထိန်းမရသူများ မဟုတ်လော။ သန့်ရှင်းသော ဝိညာဉ်တော်၏ အမှုအသစ်ကို ထိုသို့သောသူများ လက်ခံသည့်နေ့ရက် ရောက်လာလျှင်ပင် ဘုရားသခင်သည် ၎င်းတို့ကို သည်းခံလိမ့်ဦးမည် မဟုတ်ပေ။ ၎င်းတို့သည် ဘုရားသခင်အတွက် အမှုဆောင်သူများအပေါ် အထင်သေးရုံမျှမက၊ ဘုရားသခင်ကိုယ်တော်တိုင်ကိုပင် ဆန့်ကျင် ပြစ်မှားစော်ကားကြလေသည်။ ထိုကဲ့သို့ ထင်ရာစိုင်းသောသူများသည် ဤခေတ်၌သော်လည်းကောင်း၊ နောက်လာမည့် ခေတ်၌ သော်လည်းကောင်း၊ ခွင့်လွှတ်ခြင်းခံရလိမ့်မည် မဟုတ်သကဲ့သို့၊ ငရဲတွင် ထာဝရပျက်စီးဆုံးရှုံးကြမည် ဖြစ်သည်။ ထိုသို့သော လေးစားမှု ကင်းမဲ့သူများ၊ စိတ်အလိုလိုက်သူများသည် ဘုရားသခင်ကို ယုံကြည်ဟန်ဆောင်နေကြပြီး ၎င်းတို့ ဤသို့ သာ၍ ဖြစ်လေလေ၊ ၎င်းတို့သည် ဘုရားသခင်၏ စီမံအုပ်ချုပ်ရေးဆိုင်ရာ အမိန့်များကို ပုန်ကန်ပြစ်မှားရန် အလားအလာများ လေလေ ဖြစ်သည်။ ပင်ကိုအားဖြင့် ထိန်းမနိုင်သိမ်းမရအောင်စိတ်ပြင်းပြသောသူများနှင့် မည်သူကိုမျှ လုံးဝ မနာခံဖူးသည့် ထိုမာနထောင်လွှားသူ အားလုံးသည် ဤလမ်းကြောင်းပေါ်တွင် လျှောက်လှမ်းကြသည် မဟုတ်လော။ ၎င်းတို့သည် တစ်နေ့ပြီးတစ်နေ့ အစဉ်အသစ်ဖြစ်ကာ မည်သည့်အခါမျှ အိုဟောင်းခြင်း မရှိသည့် ဘုရားသခင်ကို ဆန့်ကျင်ကြသည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုအဆင့် သုံးဆင့်ကို သိခြင်းသည် ဘုရားသခင်ကို သိခြင်း၏ လမ်းကြောင်းဖြစ်သည်” မှ

သင်တို့သည် ဘုရားသခင်၏အမှု၏ အခြေခံသဘောတရားများကို မသိသောကြောင့်၊ ပြီးလျှင် သန့်ရှင်းသော ဝိညာဉ်တော်၏ အလုပ်ကို သင်တို့၏ မဆင်မခြင် သဘောထားမှုကြောင့်၊ ဘုရားသခင်၏ အမှုကို ဆန့်ကျင်ခြင်း၊ သို့မဟုတ် ယနေ့အမှုကို တိုင်းတာရန် သင်တို့၏ကိုယ်ပိုင် အယူအဆများကို အသုံးပြုခြင်း ဖြစ်သည်ကို သိကြလော့။ ဘုရားသခင်ကို သင်တို့၏ဆန့်ကျင်ခြင်းနှင့် သန့်ရှင်းသော ဝိညာဉ်တော်၏ အလုပ်ကို သင်တို့၏ ဟန့်တားပိတ်ဆို့ခြင်းသည် သင်တို့၏ အယူအဆများနှင့် ပင်ကို မာနထောင်လွှားမှုအားဖြင့် ဖြစ်သည်။ ယင်းမှာ ဘုရားသခင်၏ အမှုသည် မှားယွင်းသောကြောင့် မဟုတ်ဘဲ၊ သင်တို့သည် သဘာဝအားဖြင့် နာခံမှုမရှိလွန်းသောကြောင့် ဖြစ်သည်။ ဘုရားသခင်၌ ၎င်းတို့၏ယုံကြည်မှုကို ရှာတွေ့ပြီးနောက်တွင်၊ လူအချို့သည် လူသားက မည်သည့်နေရာမှ လာသည်ကိုပင် သေချာမှုဖြင့် ပြောဆိုနိုင်ခြင်း မရှိသော်လည်း သန့်ရှင်းသော ဝိညာဉ်တော်၏ အမှုနှင့်ဆိုင်သည့် အမှန်များနှင့် အမှားများကို သုံးသပ်သည့် လူသိရှင်ကြား ဟောပြောမှုများကို လုပ်ဝံ့ကြလေသည်။ ၎င်းတို့သည် မှတ်ချက်များ ပေးရင်းနှင့် အလှည့်မရောက်မီ ပြောဆိုရင်း၊ သန့်ရှင်းသော ဝိညာဉ်တော်၏ အမှုသစ်ရှိသော တမန်တော်များကို ဆုံးမခြင်းပင်ပြုကြလေသည်။ ၎င်းတို့၏ လူ့သဘာဝသည် အလွန် နိမ့်ကျပြီး၊ ၎င်းတို့ထဲတွင် အသိစိတ် အနည်းငယ်မျှ မရှိပေ။ ထိုသို့သော လူများကို သန့်ရှင်းသော ဝိညာဉ်တော်၏အလုပ်က ငြင်းပယ်ပြီး ငရဲ၏မီးများဖြင့် လောင်ကျွမ်းစေခြင်း ခံရမည့်နေ့ ရောက်လာလိမ့်မည် မဟုတ်လော။ ၎င်းတို့သည် ဘုရားသခင်၏အမှုကို မသိကြဘဲ၊ ယင်းအစား သူ၏အမှုကို ဝေဖန်ကာ ဘုရားသခင်အား မည်သို့အမှုပြုရမည်ကို ညွှန်ကြားရန်လည်း ကြိုးစားကြ၏။ ထိုသို့သော မလျော်ကန်သည့် လူတို့သည် ဘုရားသခင်ကို မည်သို့ သိနိုင်မည်နည်း။ လူသားသည် ဘုရားသခင်ကို ရှာဖွေခြင်းနှင့် တွေ့ကြုံခြင်း ဖြစ်စဉ်အတွင်း သိလာကြပေသည်။ လူသားသည် သန့်ရှင်းသော ဝိညာဉ်တော်၏ အသိဉာဏ်ပွင့်လင်းစေခြင်းမှတစ်ဆင့် ဘုရားသခင်ကို သိလာခြင်းမှာ စိတ်ကူးပေါက်သည်အတိုင်း ဝေဖန်ခြင်းမှတစ်ဆင့် မဟုတ်ပေ။ ဘုရားသခင်နှင့်ဆိုင်သည့် လူတို့၏ အသိပညာ သာ၍ တိကျမှန်ကန်လေလေ၊ သူ့ကို ၎င်းတို့ ဆန့်ကျင်မှု လျော့နည်းလေလေ ဖြစ်၏။ ဆန့်ကျင်ဘက်အနေဖြင့် ဘုရားသခင်ကို လူတို့ အသိနည်းလေလေ၊ သူ့ကိုဆန့်ကျင်ရန် အလားအလာများလေလေ ဖြစ်၏။ သင်၏ အယူအဆများ၊ သင်၏ သဘာဝဟောင်းနှင့် သင်၏လူ့သဘာဝ၊ စရိုက်လက္ခဏာနှင့် ကိုယ်ကျင့်တရား အမြင်သဘောထားတို့သည် သင့်အနေနှင့် ဘုရားသခင်ကို ခုခံရာတွင် အသုံးပြုသည့် “အရင်းအနှီး” ဖြစ်ပြီး၊ သင်၏ကိုယ်ကျင့်တရားသည် သာ၍ ဖောက်ပြန်ပျက်စီးကာ၊ သင်၏အရည်အသွေးများက စက်ဆုပ်ဖွယ်ဖြစ်ပြီး သင်၏လူ့သဘာဝက နိမ့်ကျလာလေလေ၊ ဘုရားသခင်၏ရန်သူ ဖြစ်လေလေ ဖြစ်၏။ အားကောင်းသော အယူအဆများ ပိုင်ဆိုင်ပြီး၊ မိမိကိုယ်ကိုယ် မှန်ကန်သည်ဟု ယူမှတ်သော စိတ်သဘောထား ရှိသူများသည် လူ့ဇာတိခံ ဘုရားသခင်နှင့်ဆိုင်သည့် ရန်လိုမှုတွင် သာ၍ ရှိကြလေသည်။ ထိုသို့သောလူများသည် အန္တိခရစ်များ ဖြစ်ကြ၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုအဆင့် သုံးဆင့်ကို သိခြင်းသည် ဘုရားသခင်ကို သိခြင်း၏ လမ်းကြောင်းဖြစ်သည်” မှ

သင်သည် ဘုရားသခင်ကို ယုံကြည်သဖြင့် ဘုရားသခင်၏ နှုတ်ကပတ်တော်အားလုံးနှင့် သူ၏ အမှုအားလုံး၌ သင်ယုံကြည်မှု ထားရှိရမည်။ ဆိုလိုသည်မှာ သင်သည် ဘုရားသခင်ကို ယုံကြည်သောကြောင့် သူ့ကို နာခံရမည်။ အကယ်၍ သင်မနာခံနိုင်လျှင်၊ ဘုရားသခင်ကို ယုံကြည်သည်ဖြစ်စေ၊ မယုံကြည်သည်ဖြစ်စေ ယင်းက အရေးမပါတော့ချေ။ သင်သည် ဘုရားသခင်ကို နှစ်ပေါင်းများစွာ ယုံကြည်ခဲ့ပြီးဖြစ်သော်လည်း၊ ဘုရားသခင်ကို မည်သည့်အခါမျှ မနာခံခဲ့သည့်အပြင် သူ၏ နှုတ်ကပတ်တော် အလုံးစုံကို လက်မခံဘဲ၊ ထိုအစား ဘုရားသခင်အနေဖြင့် သင့်ကို နာခံရန်နှင့် သင်၏ အယူအဆများအတိုင်း ပြုမူရန် တောင်းဆိုလျှင်၊ သင်သည် လူများ အားလုံးထဲတွင် အပုန်ကန်ဆုံးသူ၊ မယုံကြည်သူတစ်ဦးပင် ဖြစ်သည်။ ထိုကဲ့သို့သော လူတို့က လူသား၏ အယူအဆများနှင့် ကိုက်ညီမှုမရှိသော ဘုရားသခင်၏ အမှုနှင့် နှုတ်ကပတ်တော်များကို မည်သို့နာခံနိုင်မည်နည်း။ အားလုံးထဲတွင် အပုန်ကန်ဆုံးသူများသည် ဘုရားသခင်ကို တမင်သက်သက် ဖီဆန်ပြီး အာခံသောသူများ ဖြစ်သည်။ သူတို့သည် ဘုရားသခင်၏ ရန်သူများ၊ အန္တိခရစ်များပင် ဖြစ်သည်။ သူတို့၏စိတ်သဘောမှာ အမြဲတစေပင် ဘုရားသခင်၏ အမှုသစ်အပေါ် ရန်လိုသော စိတ်သဘောထား ဖြစ်သည်။ သူတို့၌ နာခံဖို့အတွက် ဆန္ဒသဘော စိုးစဉ်းမျှမရှိသကဲ့သို့၊ သူတို့သည် ဝမ်းမြောက်စွာ ကျိုးနွံနာခံခြင်း မရှိခဲ့ဖူး၊ သို့မဟုတ် မိမိတို့ကိုယ်ကိုယ် နှိမ့်ချခြင်း မရှိခဲ့ဖူးပေ။ သူတို့သည် အခြားလူတို့ရှေ့၌ မိမိတို့ကိုယ်ကိုယ် ချီးမြှောက်ပြီး မည်သူ့ကိုမျှ နာခံခြင်း မရှိခဲ့ဖူးပေ။ သူတို့က ဘုရားသခင်၏ရှေ့၌ မိမိတို့ကိုယ်ကိုယ် နှုတ်ကပတ်တော်ကို ဟောကြားရာ၌ အကျွမ်းကျင်ဆုံး၊ အခြားသူများအပေါ် အမှုပြုရာတွင် အကျွမ်းကျင်ဆုံးအဖြစ် သတ်မှတ်ကြသည်။ သူတို့၏ လက်ဝယ် ပိုင်ဆိုင်ထားပြီးသော “ရတနာများ” ကို သူတို့ မည်သည့်အခါမျှ မစွန့်ပစ်ဘဲ ဝတ်ပြုကိုးကွယ်ရန်၊ အခြားသူများကို တရားဟောရန်အတွက် ယင်းတို့ကို မိသားစုဆိုင်ရာ ဘိုးစဉ်ဘောင်ဆက် အမွေပစ္စည်းများအဖြစ် သဘောထားပြီး သူတို့သည် မိမိတို့အား ပုဂ္ဂိုလ်ရေးကိုးကွယ်သော ထိုအရူးများကို ဆုံးမသင်ကြားရန်အတွက် ယင်းတို့ကို အသုံးပြုကြသည်။ အမှန်တွင် အသင်းတော်ထဲ၌ ဤကဲ့သို့သောလူတို့မှာ အရေအတွက် အတိုင်းအတာတစ်ခုအထိ ရှိလေသည်။ သူတို့မှာ ဘုရားသခင်၏အိမ်တော်၌ မျိုးဆက်တစ်ဆက်ပြီးတစ်ဆက် နေထိုင်သော “နှိမ်နင်း၍မရသည့် သူရဲကောင်းများ” ဖြစ်သည်ဟု ဆိုနိုင်သည်။ သူတို့သည် နှုတ်ကပတ်တော် (အယူဝါဒ) ဟောပြောခြင်းကို သူတို့၏ အမြင့်မားဆုံးသော တာဝန်အဖြစ် မှတ်ယူကြသည်။ တစ်နှစ်ပြီးတစ်နှစ်၊ မျိုးဆက်တစ်ဆက်ပြီးတစ်ဆက် သူတို့၏ “အလေးထားအပ်ပြီး မချိုးဖောက်အပ်သော” တာဝန်ကို အကျိုးသက်ရောက်မှု ရှိစေရန် အားသွန်ခွန်စိုက် လုပ်နေကြသည်။ မည်သူကမျှ သူတို့ကို မထိရဲ၊ တစ်ယောက်တလေကမျှ သူတို့ကို လူပုံအလယ် အပြစ်မတင်ရဲပေ။ သူတို့သည် တစ်ခေတ်ပြီးတစ်ခေတ် အခြားသူများကို နိုင်လိုမင်းထက်ပြုမူပြီး သောင်းကျန်းမွှေ့ယမ်းလျက် ဘုရားသခင်၏အိမ်တော်၌ “ဘုရင်များ” ဖြစ်လာကြသည်။ ထိုနတ်ဆိုးအုပ်စုသည် လက်တွဲပြီး ငါ့အမှုကို ဖျက်ဆီးရန် ကြိုးစားကြသည်။ အသက်ရှင်နေသော ဤနတ်မိစ္ဆာများကို ငါ့မျက်စိရှေ့၌ အဘယ်သို့ ရှိနေခွင့် ပေးနိုင်မည်နည်း။ စိတ်နှလုံးထဲ၌ နာခံမှု စိုးစဉ်းမျှမရှိသော ဤအာဏာရှင်များကို မဆိုထားဘိ၊ နာခံမှု တစ်ဝက်တစ်ပျက်သာ ရှိသူများပင် အဆုံးတိုင်အောင် ရှေ့မဆက် နိုင်ကြပါတကား။ ဘုရားသခင်၏ အမှုကို လူသားက အလွယ်တကူ မရရှိနိုင်ပေ။ သူတို့၌ရှိသော ခွန်အားမှန်သမျှ အသုံးပြုခြင်းအားဖြင့်ပင် လူတို့သည် ယင်း၏ တစ်စိတ်တစ်ပိုင်းမျှကိုသာ ရရှိနိုင်မည်ဖြစ်ပြီး၊ အဆုံးသတ်တွင် စုံလင်အောင်ပြုခြင်းကို ရရှိခွင့်ပြုမည် ဖြစ်သည်။ ထိုသို့ဆိုသော် ဘုရားသခင်၏အမှုကို ဖျက်ဆီးရန်ကြိုးစားသော ကောင်းကင်တမန်မင်း၏ သားသမီးများသည် မည်သို့ဖြစ်လိမ့်မည်နည်း။ သူတို့၌ ဘုရားသခင်၏ရယူခြင်းကို ခံရဖို့ မျှော်လင့်ချက်သည် သာ၍ပင် နည်းသည် မဟုတ်လော။ သိမ်းပိုက်ခြင်းအမှုကို လုပ်ဆောင်ရာ၌ ငါ၏ရည်ရွယ်ချက်မှာ အောင်နိုင်ခြင်းသက်သက်အတွက်သာ သိမ်းပိုက်ရန်မဟုတ်ဘဲ၊ ဖြောင့်မတ်ခြင်းနှင့် မဖြောင့်မတ်ခြင်းကို ထုတ်ဖော်ရန်၊ လူသားကို အပြစ်ဒဏ်ပေးဖို့အတွက် အထောက်အထားရရှိရန်၊ ကောက်ကျစ်စဉ်းလဲသော သူများကို အပြစ်စီရင်ရန်နှင့်၊ ထို့ထက်ပို၍ ရည်ရွယ်ချက်ရှိရှိ နာခံသူများကို စုံလင်စေရန်အတွက် သိမ်းပိုက်ရန်ဖြစ်သည်။ အဆုံးတွင် အားလုံးသည် အမျိုးအစားအလိုက် ခွဲခြားခံရလိမ့်မည်ဖြစ်ပြီး၊ စုံလင်စေခြင်းခံရသူများမှာ မိမိတို့၏ အတွေးအခေါ်များ၊ အယူအဆများက နာခံမှုနှင့် ပြည့်နေသော သူများပင် ဖြစ်လိမ့်မည်။ ဤသည်မှာ နောက်ဆုံး၌ ဖြစ်မြောက်အောင်ရမည့် အလုပ်ဖြစ်သည်။ ထိုစဉ်တွင် မိမိ၏ လုပ်ဆောင်ချက်တိုင်းက ပုန်ကန်လိုသောသူများသည် အပြစ်ဒဏ်ပေးခြင်းကို ခံရမည်ဖြစ်ပြီး၊ ထာဝရ ကျိန်ခြင်းခံသူများအဖြစ် မီးထဲ၌ လောင်ကျွမ်းဖို့ ပို့ခြင်းခံရမည်ဖြစ်သည်။ ထိုအချိန်ရောက်လာသောအခါ၊ လွန်လေပြီးသော ခေတ်များမှ ထို “ကြီးမြတ်ပြီး နှိမ်နင်းလို့မရသည့် သူရဲကောင်းများ” သည် အယုတ်ညံ့ဆုံးနှင့် အပယ်ခံရဆုံးသော “အားနည်းပြီး မစွမ်းဆောင်နိုင်သည့် ငကြောက်များ” ဖြစ်လာလိမ့်မည်။ ဤအရာကသာလျှင် ဘုရားသခင့် ဖြောင့်မတ်ခြင်း၏ လက္ခဏာတိုင်းနှင့် လူသားမှ ပုန်ကန်ပြစ်မှား၍ မရနိုင်သော သူ၏ စိတ်သဘောထားကို ပုံဆောင်နိုင်ပြီး ဤအရာကသာလျှင် ငါ၏စိတ်နှလုံးထဲမှ အမုန်းတရားကို ကျေနပ်စေနိုင်လေသည်။ ဤသည်မှာ လုံးဝ ထိုက်သင့်သည်ဟု သင်တို့ လက်မခံကြသလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို စစ်မှန်သော နှလုံးသားနှင့် နာခံသောသူတို့သည် ဘုရားသခင်၏ ပိုင်ဆိုင်ခြင်းကို ဧကန်အမှန် ခံကြရလိမ့်မည်” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

သမ္မာတရားကို လိုက်စားသော လူတို့သည် ဘုရားသခင်ကို အမှန်တကယ် ယုံကြည်ပြီး သမ္မာတရားကို ချစ်သော လူအားလုံး တကယ်ကို ဖြစ်ပေသည်။ ဖောက်ပြန်ပျက်စီးသော လူသားမျိုးနွယ်သည် မာနထောင်လွှားသည့်၊ စိတ်ကြီးဝင်သည့်၊ မိမိဘာသာ ကြီးကျယ်သည့်၊ မိမိကိုယ်ကို မှန်သည်ဟု မှတ်ယူပြီး ခေါင်းမာသည့် ဆိုးယုတ်သော စိတ်သဘောထားများ ရှိကြသော်လည်း၊ လူတို့အနေဖြင့် သမ္မာတရားကို လက်ခံကာ လက်တွေ့လုပ်ဆောင်နိုင်ပြီး ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို နာခံသရွေ့၊ ၎င်းတို့သည် သမ္မာတရား လိုက်စားသူများ တကယ်ကို ဖြစ်ကြပေသည်။ သမ္မာတရားကို လိုက်စားနေသည့် ဤလူများထဲတွင်၊ အဓိက နှစ်မျိုး ရှိသည်- တစ်မျိုးမှာ လူ့သဘာဝ၌ သာ၍ကောင်းမွန်သော်လည်း သာ၍ ညံ့ဖျင်းသည့် အရည်အချင်း ရှိပြီး သမ္မာတရားကို နားလည်ဖို့ သာ၍ နှေးကွေးသောသူများ ဖြစ်သည်။ သာ၍ နားထောင်ခြင်းနှင့် နာခံခြင်း ရှိသော်လည်း၊ ၎င်းတို့သည် ညံ့ဖျင်းသော အရည်အချင်းရှိကြပြီး၊ အရေးကြီးသည့် အလုပ်များကို မကိုင်တွယ်နိုင်ကြသကဲ့သို့၊ ၎င်းတို့၏ တာဝန်တွင် များစွာ အမြဲ စွမ်းဆောင်ရရှိခြင်း မရှိကြပေ။ အခြားသော အမျိုးအစားမှာ သာ၍ကောင်းသော အရည်အချင်း ရှိသော်လည်း သာ၍ မာနထောင်လွှားကာ မိမိကိုယ်ကို မှန်သည်ဟု မှတ်ယူပြီး ယေဘုယျအားဖြင့် အခြားသူတို့ကို နားမထောင်ကြပေ။ အခြားသူတို့ ပြောသည့်အရာသည် သမ္မာတရားနှင့် လုံးဝ မကိုက်ညီပါက၊ ပြီးလျှင် ၎င်းတို့ လုပ်ဆောင်သည့်အရာသည် သာမန်လူများ လုပ်ဆောင်သည့်အရာများထက် သာ၍များစွာ မကောင်းမွန်ပါက၊ ၎င်းတို့ ယုံကြည်လက်ခံခြင်း မရှိကြချေ။ ဤလူစားမျိုးသည် အတော်အတန် မာနထောင်လွှားပြီး မိမိကိုယ်ကို မှန်သည်ဟု မှတ်ယူသော်လည်း၊ ၎င်းတို့သည် သမ္မာတရားကို သာ၍ မြန်မြန်ဆန်ဆန် နားလည်ကြပြီး၊ ကောင်းမွန်သော အရည်အချင်း ရှိကြသောကြောင့် မိမိတို့၏ တာဝန်တွင် သာ၍ ကောင်းမွန်စွာ ထမ်းဆောင်ကြလေသည်။ ဤလူနှစ်မျိုးထဲမှ၊ မည်သည်မှာ စုံလင်စေခြင်းခံရဖို့ သာ၍ လွယ်ကူသနည်း။ မည်သည်မှာ စုံလင်စေခြင်းခံရပြီးနောက် ဘုရားသခင်၏ အသုံးပြုခြင်းအတွက် သင့်တော်နိုင်သနည်း။ သမ္မာတရားကို လိုက်စားမှုရှိသည့် သူများအားလုံးသည် ကယ်တင်ခြင်း ရရှိနိုင်စွမ်းရှိကြသော်လည်း၊ ၎င်းတို့၏ အရည်အချင်းများ ကွဲပြားသောကြောင့်၊ စုံလင်စေခြင်း ခံရခြင်းအပေါ် ၎င်းတို့၏ တန်ဖိုးလည်း ကွဲပြားနိုင်ပေသည်။ ဘုရားသခင် ရွေးချယ်ထားသော လူများက ဤအရာကို သဘောပေါက်ရမည်။ အမှန်တွင်၊ ဖောက်ပြန်ပျက်စီးသော လူသားမျိုးနွယ်အားလုံးသည် မာနထောင်လွှားသော စိတ်သဘောထားတစ်ခု ပိုင်ဆိုင်ကြသော်လည်း၊ အချို့သော မာနထောင်လွှားမှု အမျိုးအစား အမျိုးမျိုး ရှိသည်- လူအချို့သည် အလွန် မာနထောင်လွှားခြင်းရှိသော်လည်း သမ္မာတရားကို ချစ်ပြီး လိုက်စားကြကာ တစ်စုံတစ်ခုသည် သမ္မာတရားနှင့် ကိုက်ညီသရွေ့ ယင်းကို လက်ခံကာ နာခံနိုင်ကြလေသည်။ ယင်းသည် သမ္မာတရားနှင့် မကိုက်ညီပါက၊ ၎င်းတို့ နားထောင်ဖို့ ငြင်းကြလိမ့်မည်။ ဤမာနထောင်လွှားမှုမျိုးသည် အတော်အတန် ယုတ္တိတန်သည်၊ အရေးပါမှုတစ်ခု ရှိပြီး၊ ပုံမှန် မာနထောင်လွှားမှု ဖြစ်သည်။ အကြောင်းရင်းနှင့် အရေးပါမှုတို့ မရှိသည့် မာနထောင်လွှားမှုမျိုး တစ်ခုလည်း ရှိလေသည်။ ထိုသို့သော လူများသည် ဆိုးဆိုးဝါးဝါးနှင့် ကျိုးကြောင်းမမြင်ဘဲ မာနထောင်လွှားကာ မည်သူကိုမျှ နားမထောင်ပေ။ အခြားလူများ ပြောသည့်အရာက သမ္မာတရားနှင့် မည်မျှ ကိုက်ညီသည်ဖြစ်စေ၊ ယင်းကို ၎င်းတို့ လက်ခံလိမ့်မည်မဟုတ် သို့မဟုတ် နာခံလိမ့်မည် မဟုတ်သကဲ့သို့ ပြတ်ပြတ်သားသားပင် ခုခံလာနိုင်ပေသည်။ ၎င်းတို့သည် သမ္မာတရားရှိသည့် လူတို့ကို အမှန်တကယ် မုန်းတီးပြီး ၎င်းတို့ကို သမ္မာတရားနှင့်အညီ ဆက်ဆံနေသည့် လူများကို မုန်းတီးလေသည်။ ဤမာနထောင်လွှားမှုမျိုးသည် စာတန် နတ်ဆိုး၏ စိတ်သဘောထား ဖြစ်သည်။ အဆင်းနီသော နဂါးကြီးကဲ့သို့၊ ဤလူစားမျိုးက ဘုရားသခင်သည် သမ္မာတရား ဖြစ်သည်ကို သိသော်လည်း နားမထောင်ကြသကဲ့သို့၊ ဘုရားသခင်နှင့် အဆင့်အတန်းပင် တူချင်ကြလေသည်။ ထိုအန္တိခရစ်များ အားလုံးသည် လွန်လွန်ကဲကဲ မိုက်မဲသော အတိုင်းအတာအထိ အလွန် မာနထောင်လွှားကြသည့်၊ ဆိုးယုတ်သော ဤနတ်ဆိုး အမျိုးအစား ဖြစ်သည်။ ထိုသို့သော နတ်ဆိုးအားလုံးသည် ကယ်တင်မရနိုင်ပေ။ လူတို့သည်လည်း မည်သူကိုမျှ နားမထောင်သကဲ့သို့ အလွန့်အလွန် အဓိပ္ပာယ်မဲ့သည့် နောက်ထပ် မာနထောင်လွှားမှုမျိုး ရှိသည်။ ၎င်းတို့သည် အဓိပ္ပာယ်မဲ့သကဲ့သို့ ခေါင်းလည်းမာလေသည်။ ၎င်းတို့သည် ခေါင်းမာမာဖြင့် မိမိတို့၏ အဓိပ္ပာယ်မဲ့သော တွေးခေါ်မြော်မြင်မှုကို ပြောဆိုကြပြီး၊ သမ္မာတရားကို ဆန့်ကျင်ကြသည်။ အခြားလူတို့က သမ္မာတရားအပေါ် မည်မျှ သိသာထင်ရှားစွာ သို့မဟုတ် ရှင်းလင်းစွာ မိတ်သဟာယပြုသည်ဖြစ်စေ၊ ၎င်းတို့ အချက်အလက်မည်မျှ စာရင်း မှတ်သည်ဖြစ်စေ၊ ဤလူများသည် နားမထောင်ကြသေးဘဲ၊ တစ်ပတ်ရိုက်ခြင်းကို ဆက်လက် အသုံးပြုကြပြီး၊ ၎င်းတို့၏ အဓိပ္ပာယ်မဲ့ပြီး မှားယွင်းသော တွေးခေါ်မြော်မြင်မှုကို လေကြော ရှည်ကြလေသည်။ ဤမာနထောင်လွှားသော စိတ်သဘောထားမျိုးသည် နတ်ဆိုးများ၏ သဘာဝရှိသည်။ ဤလူစားမျိုးသည် သာ၍ပင် စာတန် နတ်ဆိုး၏အမျိုး ဖြစ်သည်။ ၎င်းတို့နှစ်ဦးလုံးသည် အန္တိခရစ်များနှင့် နတ်ဆိုးများဖြစ်ပြီး၊ အန္တရာယ်အရှိဆုံးသော ရန်သူများ ဖြစ်သည်။ ဤသည်တို့မှာ မာနထောင်လွှားမှုနှင့် စိတ်ကြီးဝင်မှုတို့၏ အဓိက အမျိုးအစား သုံးခု ဖြစ်သည်။ အကြောင်းပြချက်ရှိသည့် မာနထောင်လွှားမှုသည် အတော်အတန် ဖြစ်လေ့ရှိဖြစ်ပြီး ပုံမှန်ဖြစ်သည်။ ဖောက်ပြန်ပျက်စီးသော လူသားမျိုးနွယ်အားလုံးသည် မာနထောင်လွှားသော စိတ်သဘောထား တစ်ခုရှိကြသည်။ ဤသည်မှာ အမှန်တရား ဖြစ်လေသည်။ အစွမ်းအစများနှင့် ပါရမီအချို့ရှိသည့် တကယ်ကို ကောင်းမွန်သော အရည်အချင်း ရှိသူတို့သည် တကယ်ကို အလွန့်အလွန် မာနထောင်လွှားပြီး မိမိကိုယ်ကို မှန်သည်ဟု မှတ်ယူသော သူများအားလုံး ဖြစ်သည်။ မာနထောင်လွှားခြင်း မရှိသောသူ တစ်ဦးမျှ လုံးဝ မရှိပေ။ သို့သော်၊ လူတို့အနေဖြင့် မည်မျှ မာနထောင်လွှားပြီး မိမိကိုယ်ကို မှန်သည်ဟု မှတ်ယူသည်ဖြစ်စေ၊ ၎င်းတို့ ကြင်နာစိတ်ရှိသရွေ့၊ အသိစိတ်နှင့် ဆင်ခြင်တုံတရား ပိုင်ဆိုင်ပြီး၊ အခြားသူတို့ကို အန္တရာယ်မပေး သို့မဟုတ် မလှည့်ဖြားသကဲ့သို့၊ သမ္မာတရားကို လက်ခံနိုင်သရွေ့၊ ၎င်းတို့သည် လူကောင်းများ ဖြစ်ကြသည်။ လူတို့အနေဖြင့် မည်မျှ မာနထောင်လွှားပြီး မိမိကိုယ်ကို မှန်သည်ဟု မှတ်ယူသည်ဖြစ်စေ၊ ၎င်းတို့အနေဖြင့် ကောင်းမွန်သော အရည်အချင်းရှိပြီး၊ သမ္မာတရားကို လိုက်စားနိုင်ပါက၊ ၎င်းတို့သည် အပြည့်အဝ ကယ်တင်ခံရနိုင်ပြီး စုံလင်စေခြင်းခံရနိုင်ပေသည်။ ဘုရားသခင် စုံလင်စေသည့် လူများသည် သမ္မာတရားကို လိုက်စားပြီး အရည်အချင်း တစ်ခုခု ပိုင်ဆိုင်သောသူများ ဖြစ်ရမည် ဖြစ်သောကြောင့်၊ လူတစ်ဦး၏ အရည်အချင်းက အလွန် ညံ့ဖျင်းလွန်းပါက၊ ၎င်းတို့သည် သမ္မာတရားကို နားလည်နိုင်လိမ့်မည် မဟုတ်သကဲ့သို့ စုံလင်စေခြင်းခံရနိုင်လိမ့်မည် မဟုတ်ပေ။ ကောင်းမွန်သော အရည်အချင်း၊ စိတ်ဆုံးဖြတ်မှု ရှိသောသူနှင့် မာနထောင်လွှားမှု သို့မဟုတ် မိမိကိုယ်ကို မှန်သည်ဟု မှတ်ယူမှုတို့ တစ်စက်မျှမရှိသည့်သူ သေချာပေါက် မရှိပေ၊ ရှိခဲ့ပါက၊ ၎င်းတို့သည် ဟန်ဆောင်နေခြင်းသာ ဖြစ်ပေမည် သို့မဟုတ် ယုံမှားစေသော သွင်ပြင်တစ်ခု ဆောင်ခြင်းသာ ဖြစ်ပေမည်။ ဖောက်ပြန်ပျက်စီးသော လူသားမျိုးနွယ်ဝင်တိုင်းသည် မာနထောင်လွှားပြီး စိတ်ကြီးဝင်သော သဘာဝတစ်ခု ရှိပြီး၊ ဤသည်မှာ ငြင်းပယ်၍မရနိုင်သည့် အချက်တစ်ခုဖြစ်သည်ကို သိထားရမည်။ လူတို့၏ မာနထောင်လွှားမှုနှင့် မိမိကိုယ်ကို မှန်သည်ဟု မှတ်ယူမှုကို အလွယ်တကူ ဖြေရှင်းခံရသည်။ တစ်စုံတစ်ဦးကို ဘုရားသခင်က အချို့သော ကျရှုံးမှုများနှင့် ပြိုလဲမှုတို့ကို ကြုံရန်အလို့ငှာ အကြိမ်အနည်းငယ် ဆုံးမပဲ့ပြင်ပြီး၊ ၎င်းတို့သည် သမ္မာတရားကို အမှန်တကယ် နားလည်လာကာ မိမိတို့၏ ကိုယ်ပိုင် သဘာဝ အနှစ်သာရကို သိရှိကြသည့်အခါ၊ ၎င်းတို့၏ မာနထောင်လွှားမှုသည် အလိုအလျောက် ဖြေရှင်းခံရလေသည်။ သို့သော် လူတို့၏ ပင်ကို အရည်အချင်းက အလွန် ညံ့ဖျင်းပါက သို့မဟုတ် ၎င်းတို့သည် အလွန့်အလွန် အဓိပ္ပာယ်မဲ့ပါက၊ ဤသည်မှာ ဖြေရှင်းဖို့ မဖြစ်နိုင်ပေ။ ထို့ကြောင့် တစ်ဦးတစ်ယောက်သည် လူတို့၏ မာနထောင်လွှားမှုကို ခွဲခြားရမည်ဖြစ်ပြီး၊ ယင်းကို မှန်ကန်စွာ ကိုင်တွယ်ဖြေရှင်းရမည် ဖြစ်သည်။ တစ်စုံတစ်ဦးက လူကောင်းတစ်ဦးမဟုတ်သကဲ့သို့ ၎င်းတို့သည် အလွန့်အလွန် မာနထောင်လွှားကာ မိမိကိုယ်ကို မှန်သည်ဟု မှတ်ယူသောကြောင့် ကယ်တင်ခြင်းမခံရနိုင်သကဲ့သို့ စုံလင်စေခြင်း မခံရနိုင်ဟု ဘုရားသခင်၏ ရွေးချယ်ထားသော လူတို့က ကောက်ချက်မချရ။ လူတို့ကို ဘုရားသခင် စုံလင်စေခြင်းအတွက် သတ်မှတ်ချက်များမှာ အဓိကအားဖြင့် တစ်ဦးတစ်ယောက်သည် ကောင်းမွန်သော အရည်အချင်းရှိပြီး သမ္မာတရားကို လိုက်စားမှုတွင်ရှိခြင်း ဖြစ်သည်။ အကယ်၍ လူတစ်ဦး၏ အရည်အချင်းက အလွန် ညံ့ဖျင်းပြီး သမ္မာတရားကို မည်သည့်အခါတွင်မျှ နားမလည်နိုင်ကြပါက၊ ၎င်းတို့၏ စိတ်သဘောထားက အလွန့်အလွန် စိတ်နှလုံးနူးညံ့သိမ်မွေ့ပြီး လုံးဝ မာနမထောင်လွှားလျှင်ပင်၊ ၎င်းတို့သည် အသုံးမကျသကဲ့သို့ စုံလင်စေခြင်း မခံထိုက်ပေ။ ဤအချက်နှင့် ပတ်သက်၍၊ ဘုရားသခင်၏ ရည်ရွယ်ချက်များကို နားလည်ရန် လိုအပ်သည်။

အလုပ်အစီအစဉ်များ မှ

မာနထောင်လွှားသော စိတ်သဘောထားတစ်ခုရှိသည့် လူတို့သည်လည်း မတူကွဲပြားသော အမျိုးစုံဖြင့် လာကြသည်။ အချို့သော လူတို့သည် ဘုရားသခင်ကို အချိန်ကြာမြင့်စွာ မယုံကြည်ကြသေးချေ၊ ဘုရားသခင်၏ အမှုတော်ကို အမှန်တကယ် မတွေ့ကြုံကြသေးသကဲ့သို့ သမ္မာတရားကို နားမလည်ကြချေ၊ ထို့ကြောင့် ဘုရားသခင်နှင့် ပတ်သက်၍ အယူအဆများ၊ မာနထောင်လွှားသော စိတ်သဘောထားတစ်ခု ရှိမည်မှာ၊ မိမိဘာသာ ကြီးကျယ်ပြီး မိမိကိုယ်ကို မှန်သည်ဟု မှတ်ယူမည်မှာ၊ အဆင့်အတန်း ကြိုးပမ်းရရှိဖို့ ကြိုးစားပြီး ကြွားဝါဖို့ နှစ်သက်မည်မှာ မလွဲဧကန် ဖြစ်သည်— ဤသည်မှာ ပုံမှန်ဖြစ်ပေသည်။ စာတန်အားဖြင့် ဖောက်ပြန်ပျက်စီးပြီးဖြစ်သည့် လူသားမျိုးနွယ်၏ ဤစည်းမျဉ်းအဖို့ ခြွင်းချက် မရှိပေ။ တစ်ဖက်တွင် အယောင်ဆောင် ခရစ်တော်များနှင့် အန္တိခရစ်များ၊ ပြီးလျှင် အခြားတစ်ဖက်တွင် သာမန် ဖောက်ပြန်ပျက်စီးသော လူများတို့ကြား ခြားနားချက်မှာ ၎င်းတို့၏ မာနထောင်လွှားမှုက မိမိတို့၏ အသိစိတ်နှင့် ဆင်ခြင်တုံတရားတို့ကို လုံးဝ ဆုံးရှုံးစေပြီးဖြစ်သည်။ ၎င်းတို့ ပိုင်ဆိုင်သည်မှာ ထိန်းမနိုင် သိမ်းမရဖြစ်သော မာနထောင်လွှားမှုနှင့် အကန့်အသတ်မဲ့ ရည်မှန်းချက်ဖြစ်သည်၊ ၎င်းတို့သည် မည်သူကိုမျှ ကျိုးနွံနာခံခြင်းမရှိပေ၊ ၎င်းတို့သည် မိမိတို့ကိုယ်ကို တကယ်ကို မချုပ်ထိန်းနိုင်သကဲ့သို့၊ မိမိတို့၏ ရည်မှန်းချက် ပန်းတိုင်များကို ပြည့်မြောက်ဖို့ မည်သည့် အဓိပ္ပာယ်မဲ့သည့် အတိုင်းအတာမဆိုထိပင် လုပ်ဆောင်နိုင်ကြလေသည်။ ဥပမာအားဖြင့်၊ ၎င်းတို့သည် ဘုရားသခင် သို့မဟုတ် ခရစ်တော်အဖြစ် အခိုင်အမာပြောဆိုမည် သို့မဟုတ် သန့်ရှင်းသော ဝိညာဉ်တော် အသုံးပြုသည့် လူသားအဖြစ် အခိုင်အမာ ပြောဆိုမည်ဖြစ်ပြီး၊ ၎င်းတို့သည်သာ သမ္မာတရားကို ဖော်ပြနိုင်ပြီး လူတို့ကို ကယ်တင်ကာ စုံလင်စေနိုင်သကဲ့သို့ လူတို့ကို နိုင်ငံတော်ထဲသို့ ဦးဆောင်နိုင်သည်ဟူသကဲ့သို့သော ထိုသို့ မဖြစ်နိုင်သော အရာများကို ပြောကောင်းပြောကြမည်။ ၎င်းတို့သည် အမှန်တကယ် အရှက်မရှိသကဲ့သို့ မိုက်မဲလွန်လွန်းကြပေသည်။ ထိုသို့သော အဓိပ္ပာယ်မဲ့သည့် အရာများကို ပြောဆိုသော တစ်စုံတစ်ဦးသည် ပုံမှန် လူသား ဆင်ခြင်တုံတရားတစ်ခုတစ်လေ ရှိနိုင်သလော။ ဤသည်မှာ အဆုံးစွန် မာနထောင်လွှားမှုတစ်ခု မဟုတ်လော။ ဤသည်မှာ ဆိုးယုတ်သော သဘာဝတစ်ခုက အလွန် ဖောင်းပွလာသည်မှာ ယင်းသည် ပြင်းပြင်းထန်ထန် ဖောက်ထွက်သွားပြီး ထိန်းချုပ်ဟန့်တားဖို့ မဖြစ်နိုင်အောင် ဖြစ်လာသည့် ကိစ္စတစ်ခု ဖြစ်သည်။ ထို့ကြောင့်၊ ခရစ်တော်၏ အယောင်ကိုဆောင်သောသူများနှင့် အန္တိခရစ်များက ဖော်ပြထားသည့် အရာသည် သာမန် လူတို့၏ ဖောက်ပြန်ပျက်စီးသော ဖော်ပြချက်များမှ လုံးဝ ကွဲပြားခြားနားပေသည်။ အယူအဆများ ရှိဖို့၊ မာနထောင်လွှားပြီး၊ အဆင့်အတန်းကို ချစ်ဖို့မှာ ဆိုးရွားသည့် အရာများ မဟုတ်ပေ။ အဓိက မေးခွန်းမှာ တစ်ဦးတစ်ယောက်သည် သမ္မာတရား လိုက်စားပြီး ဘုရားသခင့် နှုတ်ကပတ်တော်များ၏ တရားစီရင်ခြင်းနှင့် ပြစ်တင်ဆုံးမခြင်း၊ ဘုရားသခင့် အိမ်တော်၏ ပြုပြင်ခြင်းနှင့် ကိုင်တွယ်ဖြေရှင်းခြင်းတို့ကို လက်ခံခြင်း ရှိမရှိဆိုသည့်အရာ ဖြစ်သည်။ တစ်စုံတစ်ဦးက ဤအရာများကို လက်ခံနိုင်ပါက၊ ၎င်းတို့သည် ဘုရားသခင်အားဖြင့် ကယ်တင်ခံရဖို့ အခွင့်အရေးတစ်ခု လုံးဝ ရှိပေသည်။ ဖောက်ပြန်ပျက်စီးခြင်း၏ ပုံမှန် ဖော်ပြချက်များသည် ဘုရားသခင့် အိမ်တော်၏ အလုပ်ကို မနှောင့်ယှက် သို့မဟုတ် မဖျက်စီးဘဲ၊ အယောင်ဆောင် ခရစ်တော်များနှင့် အန္တိခရစ်တို့ လုပ်ဆောင်သမျှတိုင်းသည် လူတို့ကို လှည့်ဖြားရန်နှင့် ၎င်းတို့အား မှန်သော လမ်းခရီးကို စွန့်စေရန် ဖြစ်သည်။ ၎င်းတို့သည် လူတို့အား ဘုရားသခင်၏ နှုတ်ကပတ်တော်များကို ဖတ်ရှုခြင်းအား လက်လျှော့စေပြီး၊ ထိုအစား ၎င်းတို့ ပြောဆိုသည့်အရာကို နားထောင်စေကာ ခရစ်တော်ကို စွန့်ပြီး ထိုအစား ၎င်းတို့နောက် လိုက်စေလေသည်။ ၎င်းတို့သည် လူတို့အား ဘုရားသခင်ကို မကိုးကွယ်စေဘဲ၊ ထိုအစား လူတို့အား ၎င်းတို့ကို မြတ်နိုးကိုးကွယ်စေသည်။ ဤသည်မှာ ဘုရားသခင်၏ အမှုတော်ကို နှောင့်ယှက်ရန်နှင့် ဖျက်ဆီးရန် ကြိုးစားနေခြင်း ဖြစ်သည်။ ဤသည်မှာ စာတန်၏ ကောက်ကျစ်သော အကြံအစည်၊ စာတန်၏ လုပ်ရပ်တစ်ခု ဖြစ်သည်။ ထို့ကြောင့် လူ၏ အတွေးမှားများနှင့် အယူအဆများကို ပြန့်ပွားစေကာ ဖြန့်ဝေသောသူ၊ ဘုရားသခင်၏ အမှုတော်အပေါ် ဝေဖန်ပြီး၊ သန့်ရှင်းသော ဝိညာဉ်တော် အသုံးပြုသည့် လူနှင့် သူ၏ အလုပ်ကို အသရေပျက်အောင် ပြောဆိုသောသူအားလုံးသည် အယောင်ဆောင် ခရစ်တော်၏ အယောင်ကိုဆောင်သောသူများနှင့် အန္တိခရစ်များ ဖြစ်ကြသည်။ ၎င်းတို့သည် ဘုရားသခင်၏ အမှုတော်ကို နှောင့်ယှက်ဖို့လာသည့် စာတန်၏ လက်ပါးစေများ၊ ခရစ်တော်ကို ဆန့်ကျင်သည့် ဘုရားသခင့် ရန်သူ အင်အားစုများ လုံးဝ ဖြစ်ကြပေသည်။ ယင်းမှာ ခရစ်တော်၏ အယောင်ကိုဆောင်သောသူများနှင့် အန္တိခရစ်များကို အသင်းတော်မှ နှင်ထုတ်ရမည်ဖြစ်ပြီး၊ ၎င်းတို့အတွက် နောင်တရဖို့ စောင့်ဆိုင်းရင်း နောက်ထပ် မည်သည့် အခွင့်အရေးမျှ လုံးဝ မပေးရမည့် အကြောင်းရင်း ဖြစ်သည်။ ဤသည်မှာ အဘယ့်ကြောင့်ဆိုသော် ၎င်းတို့သည် အဆင်းနီသော နဂါးကြီးကဲ့သို့ ဘုရားသခင်၏ ရန်သူ အင်အားစုများ ဖြစ်လာနှင့်ကြပြီးဖြစ်ကာ ဘုရားသခင်၏ ရန်သူများ လုံးဝ ဖြစ်ကြပေသည်။ သန့်ရှင်းသော ဝိညာဉ်တော်သည် အချိန်ကြာမြင့်စွာကတည်းက ၎င်းတို့ထဲတွင် အမှုပြုခြင်းကို ရပ်တန့်ခဲ့ကာ ၎င်းတို့အတွက် အကြံပြုချက် မည်သည့် ပမာဏကမျှ အသုံးဝင်မှု တစ်ခုတစ်လေ ရှိမည် မဟုတ်သကဲ့သို့၊ ၎င်းတို့သည် ကယ်တင်ခြင်း မခံရနိုင်ဖို့ရန် အလွန်များလှသော ဆိုးယုတ်မှုကို ကျူးလွန်နှင့်ကြပြီး ဖြစ်သည်။ ၎င်းတို့ကို အပြစ်ပေးခြင်း ကျရောက်သည့်အခါမှသာ ဤလူတို့သည် ဘုရားသခင်ကို ခွင့်လွတ်ဖို့အတွက် တောင်းပန်ကြလိမ့်မည်ဖြစ်ပြီး၊ မကောင်းမှု ပြုခြင်းကို ရပ်တန့်ကြလိမ့်မည် ဖြစ်သော်လည်း၊ ၎င်းတို့၏ ဆိုးယုတ်သော သဘာဝမှာ မည်သည့်အခါတွင်မျှ ပြောင်းလဲ၍ မရနိုင်ပေ။ အပြစ်ပေးခြင်းသည် ၎င်းတို့အပေါ် မကျရောက်သေးသောကြောင့်၊ စာတန်သည် ဘုရားသခင်အတွက် မည်သည့် ကြည်ညိုမှုမျှမရှိ၊ ကြောက်ရွံ့မှုသာရှိပြီး စာတန်နှင့် သက်ဆိုင်သည့် ထိုဆိုးယုတ်သော လူတို့သည် ဘုရားသခင်အတွက် ကြည်ညိုမှု မရှိသည်သာမက၊ ဘုရားသခင်ကို ကြောက်ရွံ့ခြင်းလည်း မရှိသည်ကို ဘုရားသခင် ရွေးချယ်ထားသော လူတို့က သိရမည်။ ယခုတွင် ဘုရားသခင်၏ အိမ်တော်က လုပ်ဆောင်နိုင်သည့်အရာမှာ ဤလူများကို နှင်ထုတ်ဖို့ဖြစ်ပြီး၊ ဤနည်းဖြင့် ၎င်းတို့၏ ဆိုးယုတ်သော လုပ်ဆောင်ချက်များကို ဖြေရှင်းရန် ဖြစ်သည်။

အလုပ်အစီအစဉ်များ မှ

အရှေ့သို့- ၁၃၄) သမ္မာတရားကို မြတ်နိုးသောသူများအား ဆက်ဆံခြင်းဆိုင်ရာ အခြေခံသဘောတရားများ

နောက်တစ်ခုသို့- ၁၃၆) ဖော်ထုတ်ခံရပြီး ဖယ်ရှားခံရသောသူများအား ဆက်ဆံခြင်းဆိုင်ရာ အခြေခံသဘောတရားများ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၁၈) ဘုရားသခင်အပေါ် မှီခိုခြင်းနှင့် ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

၇) ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်ထဲတွင် ရောက်နေပြီး အခက်အခဲတစ်ခုဖြင့် ရင်ဆိုင်နေရချိန်တွင်၊ ဘုရားသခင်၏...

၃၅) စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

၁၀၁၈ ဘုရားရဲ့ အောင်နိုင်မှုသင်္ကေတများ

၁လူတို့ကို နဂိုပုံစံအတိုင်းပြန်ဖြစ်စေတယ်သူတို့တာဝန် သူတို့ကျေပွန်ပြီး ကိုယ့်နေရာမှာကိုယ်နေဘုရားရဲ့အစီအစဉ်အားလုံးကို နာခံမယ်ဘုရားသည်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်