၁၄၆) မိမိ၏ သားသမီးများ ပညာရေးအပေါ် ရှုမြင်ရမည့်ပုံစံနှင့် သက်ဆိုင်သည့် အခြေခံသဘောတရားများ

(၁) ၎င်းတို့၏သားသမီးများကို ဘုရားသခင်၌ ယုံကြည်ခြင်းရှိခြင်းဆီသို့လည်းကောင်း၊ အသက်တာ၏ လမ်းကြောင်းမှန်ပေါ်သို့လည်းကောင်း တိုက်တွန်းအားပေးပြီး လမ်းညွှန်ဖို့မှာ မိဘများနှင့်သက်ဆိုင်သည့် တာဝန်ဖြစ်သော်လည်း၊ သားသမီးတစ်ဦး အနည်းဆုံး လက်ခံသင်ယူသင့်သည့် ပညာရေးကို အချိန်ဆွဲ၍ မဖြစ်ပေ။

(၂) သားသမီးများကို ဘုရားသခင်၏နှုတ်ကပတ်တော် သမ္မာတရားအတိုင်း သင်ပေးသင့်ပြီး ဖောက်ပြန်ပျက်စီးခြင်းကို ဖယ်ရှားပြီး စစ်မှန်သည့် လူသားပုံသဏ္ဌာန်တစ်ခုတွင် အသက်ရှင်နေထိုင်သည့် ရိုးသားသောလူများ ဖြစ်လာခြင်းဆီသို့ လမ်းညွှန်ပေးသင့်သည်။

(၃) မိမိတို့သားသမီးများသည် ၎င်းတို့၏ အနာဂတ်အတွက် ရွေးချယ်မှုများနှင့် စပ်လျဉ်း၍ သင်သည် ဘုရားသခင်၏ နှုတ်ကပတ်တော်များတွင် အခြေပြု၍ သမ္မာတရားကိုသာ မိတ်သဟာယပြုသင့်သည်။ ထို့အပြင် မိမိတို့သားသမီးများ၏ ရွေးချယ်မှုများကို လေးစားရမည်ဖြစ်ပြီး၊ ဘုရားသခင်ကို ယုံကြည်ဖို့ သူတို့အား မည်သည့်အခါမျှ အတင်းအကျပ် မစေခိုင်းသင့်ပေ။

(၄) သင်၏သားသမီးများကို ဘုရားသခင်ကို ယုံကြည်ခြင်း လမ်းကြောင်းပေါ်သို့ လမ်းညွှန်ဖို့မျှသာ သမ္မာတရားကို မသုံးနှင့်။ ၎င်းတို့သည် လက်တွေ့ကျသည့် အသိပညာအချို့ကို ရရှိစေဖို့ကိုလည်း သေချာစေလော့။ သို့မှသာလျှင် ၎င်းတို့သည် ၎င်းတို့၏တာဝန်များကို ဖြည့်ဆည်းနိုင်ပြီး ဘုရားသခင်အတွက် မိမိတို့ကိုယ်ကိုယ် အသုံးခံနိုင်သည်။

ဆက်စပ်သော ဘုရားသခင်၏ နှုတ်ကပတ်တော်များ-

သားသမီးများနှင့်ပတ်သက်၍မူ၊ မိဘအားလုံးက ၎င်းတို့၏ သားသမီးများ ပို၍အဆင့်မြင့်သော ပညာရေးကိုရပြီး ၎င်းတို့သည် တစ်နေ့တစ်ချိန်တွင် အောင်မြင်ကာ၊ လူ့အသိုင်းအဝိုင်းထဲတွင် နေရာတစ်ခု ရသည်သာမက ပုံမှန်ဝင်ငွေနှင့် သြဇာလွှမ်းမိုးမှု နှစ်မျိုးစလုံးရှိ၍ ထိုနည်းဖြင့် ၎င်းတို့သည် မိသားစုမျိုးရိုးကို ဂုဏ်ပြုနိုင်မည်ဟု မျှော်လင့်ကြသည်။ အယောက်တိုင်း၌ ဤသဘောထား ရှိကြသည်။ “သားသည် နဂါးတစ်ကောင် ဖြစ်လာ၍၊ သမီးသည် ဖီးနစ်ငှက်တစ်ကောင် ဖြစ်လာရန်” မျှော်လင့်ခြင်းမှာ မှန်သောရှုထောင့် ဖြစ်သလော။ အယောက်တိုင်းသည် ၎င်းတို့၏ သားသမီးများ ဘွဲ့များရပြီးနောက် လူအုပ်ထဲတွင် ထင်ပေါ်ကျော်ကြားလိမ့်မည်ဟု ထင်ကြ၍ ဂုဏ်သတင်းကြီးသော တက္ကသိုလ်တစ်ခု၌ တက်ရောက်ကာ အဆင့်မြင့် လေ့လာ့ဆည်းပူးမှုများ လိုက်စားစေလိုကြသည်။ ဤအရာမှာ အဘယ်ကြောင့်နည်းဟူမူကား အယောက်တိုင်းသည် ၎င်းတို့၏ စိတ်နှလုံးထဲတွင် “အခြားအရာများကို လေ့လာလိုက်စားခြင်း၏ တန်ဖိုးမှာ သေးငယ်သည်၊ စာအုပ်စာပေများကို လေ့လာခြင်းသည် ၎င်းတို့အားလုံးအနက် အကောင်းတကာ့ အကောင်းဆုံးဖြစ်သည်” ဟု ယုံကြည်ကြ၍ အသိပညာကို ကိုးကွယ်ကြခြင်းကြောင့် ဖြစ်သည်။ ထိုမျှမက မျက်မှောက်ခေတ် လူ့အသိုင်းအဝိုင်းထဲမှ ယှဉ်ပြိုင်မှုမှာ အထူးသဖြင့် ပြင်းထန်ပြီး ဘွဲ့တစ်ခု မရှိပါက စားပွဲပေါ်တွင် အစားအစာကို တင်နိုင်ရန်ပင် သင်၌ အာမခံချက် မရှိပေ။ ဤသည်မှာ ၎င်းနှင့်ပတ်သက်၍ အယောက်တိုင်း တွေးပုံတွေးနည်း ဖြစ်သည်- ဘွဲ့တစ်ခုတည်းက တစ်ဦးတစ်ယောက်၏ အနာဂတ်နှင့် အသက်မွေးမှုကို ဆုံးဖြန်နိုင်သည့်အလား ဖြစ်သည်။ ဤသည်မှာ လူတိုင်းက ၎င်းတို့၏ သားသမီးများနှင့်သက်ဆိုင်သည့် ၎င်းတို့၏ တောင်းဆိုချက်များတွင် သာ၍ မြင့်မားသည့် ပညာရေးနှင့် သာ၍ မြင့်မားသည့် သင်ယူလေ့လာရေး တက္ကသိုလ်ထဲသို့ ဝင်ခွင့်ပြုခြင်းကို ပထမဦးစားပေးအဖြစ် ပြုလုပ်ရသည့် အကြောင်းရင်း ဖြစ်သည်။ လက်တွေ့အရှိတရားတွင်၊ လူတို့ လိုက်စားသည့် ထိုပညာရေးများ၊ ၎င်းတို့ ဆည်းပူးသည့် ထိုအသိပညာနှင့် ၎င်းတို့၏ အတွေးများမှာ ဘုရားသခင်နှင့် သမ္မာတရားကို အားလုံး ဖြောင့်ဖြောင့်ကြီး ဆန့်ကျင်ပေသည်။ ယင်းတို့ကို ဘုရားသခင်က စက်ဆုပ်ကာ ရှုတ်ချလေသည်။ လူသား၏ ရှုထောင့်အမြင်မှာ အဘယ်နည်း။ ယင်းမှာ အသိပညာနှင့် ပညာရေးမရှိဘဲ လူတစ်ဦးသည် ဤလူမှုအဖွဲ့အစည်းနှင့် ဤလောကပေါ်တွင် ရပ်တည်ရန် ခြေထောက်မရှိသကဲ့သို့ အရေးပါမှု လျော့နည်းသော လူတစ်ဦး၊ လူမွဲတစ်ဦး ဖြစ်သည်ဟူ၍ ဖြစ်သည်။ သင်၏ အမြင်တွင်၊ အသိပညာ မရှိသည့်သူ မည်သူမဆို၊ ဗဟုသုတမကြွယ်ဝသောသူ မည်သူမဆို၊ သို့မဟုတ် အလွန် ပညာမတတ်သူသည် သင် အထင်သေးကာ ကဲ့ရဲ့ပြီး အရေးမပါသူကဲ့သို့ ဆက်ဆံသောသူ တစ်စုံတစ်ဦး ဖြစ်သည်။ ဤသည်မှာ ထိုသို့ ဖြစ်သည် မဟုတ်လော။ သင်၏ ရှုထောင့်အမြင်နှင့် အကြောင်းပြချက်တို့ ကိုယ်၌က မမှန်ကန်ပေ။ သင်တို့သည် မိမိတို့၏ သားသမီးများအား ကျောင်းသို့သွားရန်နှင့် ကောင်းမွန်သော အနာဂတ်တစ်ခု ရှိကြဖို့အလို့ငှာ သာ၍ မြင့်မားသည့် ပညာရေးတစ်ခုကို ရရှိကြဖို့ ပြုစုပျိုးထောင်ကြသည်၊ သို့သော်လည်း ၎င်းတို့သည် ယင်းကဲ့သို့ ပညာရေးမျိုးကို ရရှိပြီးနောက်တွင် အဆိပ်အတောက် မည်မျှနှင့် စာတန်၏ အတွေးအခေါ်နှင့် အယူအဆမည်မျှတို့သည် ၎င်းတို့အထဲ၌ သွတ်သွင်းခြင်း ခံရလိမ့်မည်ကို သင် တွေးခဲ့သလော။ လူတို့သည် ဤအရာများကို မတွေးကြပေ။ ၎င်းတို့ သားသမီးများက သာ၍ မြင့်မားသည့် သင်ကြားရေး တက္ကသိုလ်တစ်ခုကို တက်ရောက်ပါက၊ ၎င်းတို့ အောင်မြင်လိမ့်မည်ဖြစ်ပြီး မိမိတို့၏ ဘိုးဘေးများကို ဂုဏ်ပြုကြလိမ့်မည်ဟုသာ ၎င်းတို့ သိကြသည်။ အကျိုးဆက်အနေဖြင့်၊ တစ်ရက်ရောက်သောအခါမှ သင်၏ သားသမီးများ ပြန်လာပြီး သင်သည် သူတို့အား ဘုရားသခင်ကို ယုံကြည်ရန် ပြောသောအခါ ရွံ့မုန်းမှုကို ၎င်းတို့ ပြကြသည်။ သမ္မာတရား အကြောင်းကို ၎င်းတို့အား သင် ပြောပြီးသောအခါ ၎င်းတို့က သင်သည် မိုက်မဲကြောင်း ဆိုကာ သင့်ကို ရယ်မောကြ၍ သင် ပြောသောအရာတို့ကို သရော်ကြမည်။ ထိုအချိန်၌ သင်သည် သင်၏ သားသမီးများကို ထိုကဲ့သို့ ပညာရေးကို ရစေရန် ထိုကျောင်းများသို့ စေလွှတ်ခဲ့ခြင်းမှာ လမ်းမှားကို ရွေးချယ်မိခြင်းဖြစ်ကြောင်း သင် တွေးမိလိမ့်မည်၊ သို့သော်လည်း နောင်တရရန် အလွန်အချိန်နှောင်းလိမ့်မည်။ ထိုအတွေးများနှင့် အမြင်များသည် လူတစ်ဦးထဲသို့ ဝင်ရောက်ပြီးဖြစ်ကာ ၎င်းတို့ထဲတွင် အမြစ်တွယ်ပြီး ပုံသွင်းခံရသည်နှင့်တစ်ပြိုင်နက်၊ ယင်းတို့ကို ညတွင်းချင်း ဖယ်ရှား၍ မရနိုင် သို့မဟုတ် ပြောင်းလဲ၍မရနိုင်ပေ။ ထိုသို့သော အခြေအနေတစ်ခုကို ၎င်းတို့ မပြောင်းလဲနိုင်သကဲ့သို့ ၎င်းတို့ ယခု ရှိကြသည့် ထိုသို့သော အတွေးများကို သင် မကုစားနိုင်ပေ၊ ပြီးလျှင် သင်သည် ၎င်းတို့၏ အတွေးများနှင့် အမြင်များမှ အမှုအရာများကို နုတ်ပစ်၍မရနိုင်ပေ။ “ ကျွန်ုပ်၏ ကလေးများကို သူတို့၏ အခြေခံပညာရေးနှင့် ဘုရားသခင်၏ နှုတ်ကပတ်တော်များအား မည်သို့ ဖတ်ရှုကာ နားလည်ရမည်ဆိုသည်တို့ကို သင်ယူရန်သာ ကျောင်းသို့ ပို့မည်။ ထို့နောက်တွင်၊ ဘုရားသခင်ကို ယုံကြည်ခြင်းအပေါ် ၎င်းတို့အား ကျွန်ုပ် အာရုံစိုက်စေမည်ဖြစ်ပြီး၊ အသုံးဝင်သည့် အသက်မွေးဝမ်းကျောင်းပညာအချို့ကိုလည်း ၎င်းတို့ လေ့လာကြလိမ့်မည်။ ၎င်းတို့အနေဖြင့် ဘုရားသခင်၏ အိမ်တော်၌ မိမိတို့၏ တာဝန်ကို ထမ်းဆောင်နိုင်သည့် ကောင်းမွန်သော အရည်အချင်းနှင့် လူ့သဘာဝ ရှိသည့် လူများ ဖြစ်သင့်သည်မှာ သာ၍ ကောင်းပေသည်။ သို့သော်၊ မိမိတို့၏ တာဝန်ကို ၎င်းတို့ မထမ်းဆောင်နိုင်ပါက၊ ၎င်းတို့သည် မိမိတို့ကိုယ်ကိုယ်နှင့် မိမိတို့ မိသားစုကို လောကတွင် ထောက်ပံ့ဖို့ နည်းလမ်းတစ်ခု ရှိကြလိမ့်မည်ဖြစ်ပြီး ယင်းသည် လုံးလောက်ပေမည်။ အရေးကြီးသည်မှာ ၎င်းတို့သည် ဘုရားသခင်၏ အိမ်တော်ထဲတွင် သူ့ထံမှ လာသည့်အရာကို လက်ခံသည်ကို မြင်တွေ့ရခြင်းနှင့် လူမှုအဖွဲ့အစည်းဖြင့် ၎င်းတို့အား ညစ်ညမ်းခွင့်နှင့် ဆေးဆိုးခွင့် မပြုခြင်း ဖြစ်သည်”ဟု ပြောသောသူ မည်သူမျှ မရှိပေ။ ၎င်းတို့၏ သားသမီးများနှင့်ပတ်သက်လာပါက ဘုရားသခင် သတ်မှတ်ထားသော သဘောထားများနှင့် အတွေးအခေါ်များကို အကြွင်းမဲ့ လက်ခံရန် သို့မဟုတ် ဘုရားသခင် သတ်မှတ်ထားသော လူအမျိုးအစား ဖြစ်ရန်အတွက် ၎င်းတို့ကို ဘုရားသခင်ရှေ့သို့ ခေါ်ဆောင်လာရန် မည်သူမျှ လိုလိုလားလားမရှိကြချေ။ လူတို့သည် ဤအရာကို မလုပ်လိုကြသည့်အပြင် လုပ်ရန် သတ္တိ မရှိကြပေ။ အကယ်၍ ၎င်းတို့ ထိုသို့ပြုပါက ၎င်းတို့၏ သားသမီးများသည် ဝမ်းစာမရှာဖွေနိုင်မည် သို့မဟုတ် လူ့အသိုင်းအဝိုင်းထဲတွင် အနာဂတ်တစ်ခု မရှိကို စိုးရိမ်ကြသည်။ ဤသဘောထားသည် မည်သည့်အရာကို အတည်ပြုသနည်း။ လူသားမျိုးနွယ်သည် သမ္မာတရား သို့မဟုတ် ဘုရားသခင်အပေါ် စိတ်ဝင်စားခြင်း၊ စိတ်ချယုံကြည်မှုနှင့် ထိုမျှမက စစ်မှန်သော ယုံကြည်ခြင်း မရှိကြောင်းကို အတည်ပြုသည်။ ဤလောကမှ ထွက်ခွာသောလူများသည် ဆက်လက်ရှင်သန်နိုင်လိမ့်မည် မဟုတ်ဟုတွေးလျက်၊ လူသားမျိုးနွယ် မျှော်ကြည့်ပြီး ၎င်းတို့၏ စိတ်နှလုံးထဲ၌ ကိုးကွယ်သောအရာမှာ ဤလောကပင် ဖြစ်နေသေးသည်။ ကမ္ဘာလောကကို သင် နောက်ချန်ထားရစ်ပြီး ဘုရားသခင်အပေါ် မှီခိုပါက၊ သင် အသက်ရှင်နိုင်သည်ဟု၊ ဘုရားသခင်က သင့်အား အသက်ရှင်ခွင့်ပေးမည့် အသက်သွေးကြောတစ်ခု ပေးလိမ့်မည်ဟု ပြောဆိုရန် သင် ယုံကြည်ခြင်း မရှိပေ။ ဤအရာကို ပြောဆိုရန် သင်သည် သိနားလည်ခြင်း သို့မဟုတ် သတ္တိ မရှိချေ။ ဤစကားများက ထိုသို့ သင် အမှန်တကယ် လက်တွေ့လုပ်ဆောင်ဖို့ တောင်းဆိုရန် မရည်ရွယ်ဘဲ၊ ထိုသို့ သင် လက်တွေ့လုပ်ဆောင်က ဤပြဿနာများကို မဖြေရှင်းမီ၊ ထိုသို့သော အတွေးများနှင့် အမြင်များက သင့်အထဲတွင် ပုံသွင်းခံရနှင့်ပြီးဖြစ်ကာ သင်၏ စကားနှင့် လုပ်ဆောင်ချက်တိုင်းကို ထိန်းချုပ်နေသည်ဟု ပြောဆိုရန် ဖြစ်သည်။ ယင်းတို့က အနာဂတ်တွင် သင်မည်သို့ ပြုမူမည်ဆိုသည်နှင့် ဤပြဿနာများအား သင် မည်သို့ ကိုင်တွယ်မည်ဆိုသည်တို့ကို ဆုံးဖြတ်နိုင်ပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏လွဲမှားသောအယူအဆကြောင့် ပေါ်ပေါက်သည့်အမြင်များကို သတိပြုခြင်းဖြင့်သာ သင့်ကိုယ်သင် သိနိုင်မည်” မှ

လူတစ်ယောက်က ၎င်း၏မွေးဖွားခြင်း၊ ရင့်ကျက်လာခြင်း၊ သို့မဟုတ် အိမ်ထောင်ပြုခြင်းတို့ဖြင့် မည်သို့ မကျေမနပ် ဖြစ်စေကာမူ၊ ဤအရာတွေကို ဖြတ်သန်းပြီးသည့်သူတိုင်းက တစ်ဦးတစ်ယောက်သည် မည်သည့်နေရာ၊ မည်သည့်အချိန်၌ မွေးသည်၊ မည်သို့ပုံစံရှိသည်၊ မိဘတွေက မည်သူတွေဖြစ်သည် ဆိုသည်နှင့် အိမ်ထောင်ဖက်က မည်သူဆိုသည်တို့ကို ရွေးချယ်၍ မရဘဲ ကောင်းကင်ဘုံ၏ အလိုကို ရိုးရိုးပဲ လက်ခံရမည်ဆိုသည်ကို သိကြလေသည်။ သို့သော် လူတို့အတွက် နောက်မျိုးဆက်ကို ပြုစုပျိုးထောင်ရန် အချိန်ရောက်လာသည့်အခါ ၎င်းတို့၏ သားသမီးများသည် ၎င်းတို့ဘဝ ပထမတစ်ဝက်၌ ကြုံတွေ့ခဲ့ရသည့် စိတ်ညစ်စရာများ အားလုံးအတွက် ပြန်လည်ဖြည့်ဆည်း ပေးလိမ့်မည်ဟု မျှော်လင့်ရင်း ၎င်းတို့၏ဘဝ ပထမတစ်ဝက်၌ ၎င်းတို့ အကောင်အထည်မဖော်နိုင်ခဲ့ကြသည့် ဆန္ဒအားလုံးကို သူတို့၏ မျိုးဆက်များအပေါ် လွဲချလိုက်သည်။ ထို့ကြောင့် လူတို့သည် ၎င်းတို့သားသမီးများနှင့် ပတ်သက်၍ စိတ်ကူးယဉ်မှု မျိုးစုံထဲ အရသာတွေ့နေကြလေသည်။ ၎င်းတို့သမီးများသည် အသက်ရှုမှားလောက်စရာ အလှပဂေးလေးများအဖြစ် ကြီးပြင်း လာမည်၊ ၎င်းတို့၏သားများက မြူးကြွားကြွရွ နှစ်လိုဖွယ် ကောင်းသော လူကြီးလူကောင်းများ ဖြစ်လာမည်၊ သူတို့၏ သမီးများသည် ယဉ်ကျေးဖွယ်ရာရှိပြီး ပါရမီရှိကာ၊ ၎င်းတို့၏ သားများသည် အလွန် တော်သည့်ကျောင်းသား၊ အားကစား ကြယ်ပွင့်များ ဖြစ်လာမည်၊ သူတို့၏သမီးများသည် နူးညံ့ သိမ်မွေ့မည်၊ မွန်မြတ်ပြီး စဉ်းစားဆင်ခြင်တတ်မည်၊ ၎င်းတို့၏ သားများက ဉာဏ်ထက်မြက်မည်၊ စွမ်းဆောင်ရည်ရှိပြီး အသိတရားရှိမည်ဆိုသည့် စိတ်ကူးယဉ်မှုများဖြစ်သည်။ သမီးများ ဖြစ်စေ သားများဖြစ်ပါစေ၊ ၎င်းတို့၏ မျိုးဆက်များက အသက်ကြီး သူများကို ရိုသေဖို့၊ ၎င်းတို့မိဘများကို ထောက်ထားဖို့၊ လူတိုင်းက ချစ်ခင်ပြီး ချီးမွမ်းခံရဖို့ မျှော်လင့်ကြသည်။ ဤအချိန်တွင် ဘဝမျှော်လင့်ချက် အသစ်ပေါက်ဖွားလာပြီး လူတို့၏ နှလုံးသား ထဲတွင် အသစ်သော စိတ်အားထက်သန်မှုများ နိုးဆွဖြစ်ပေါ် လေသည်။ ဤဘဝတွင် ၎င်းတို့က အစွမ်းမရှိ၊ မျှော်လင့်ချက် ကင်းမဲ့ကြောင်း၊ လူအုပ်ထဲမှ ထင်ပေါ်ဖို့ နောက်ထပ်အခွင့်အရေး၊ နောက်ထပ် မျှော်လင့်ချက်ရှိမည်မဟုတ်ကြောင်းနှင့် ၎င်းတို့၌ ရွေးချယ်စရာမရှိတော့ဘဲ သူတို့ကံကြမ္မာများကို လက်ခံရန်သာ ရှိတော့သည်ကို သိကြသည်။ ထို့ကြောင့် ၎င်းတို့သည် ၎င်းတို့၏ သားသမီးများက ၎င်းတို့၏ အိပ်မက်များကို ရရှိရန်၊ သူတို့၏ ဆန္ဒတွေကို အကောင်အထည်ဖော်ရန်၊ ၎င်းတို့၏ သားများ၊ သမီးများသည် မိသားစုနာမည်ထံ ဂုဏ်ကျက်သရေတွေ သယ်ဆောင်လာရန်၊ အရေးပါသူ၊ ချမ်းသာသူ သို့မဟုတ် ကျော်ကြားသူများဖြစ်လာရန် မျှော်လင့်ရင်းနှင့် ၎င်းတို့၏ မျှော်လင့်ချက်များ၊ ၎င်းတို့၏ အကောင်အထည်မဖော်ခဲ့ရသည့် အလိုဆန္ဒများနှင့် ပြည့်စုံမှုများအားလုံးကို နောက်မျိုးဆက်ဆီသို့ လွှဲချလိုက်ကြသည်။ အတိုချုပ်အနေနှင့် ၎င်းတို့ကလေးများ၏ အခွင့်အလမ်းများ တစ်ဟုန်ထိုးမြှင့်တက်လာခြင်းကို သူတို့ မြင်လိုကြသည်။ လူတို့၏ အစီအစဉ်များနှင့် စိတ်ကူးယဉ်မှုများက ပြည့်စုံသည်။ ၎င်းတို့တွင်ရှိသည့် သားသမီးအရေအတွက်၊ ၎င်းတို့ ကလေးများ၏ အသွင်အပြင်၊ အရည်အချင်းနှင့် ထိုကဲ့သို့သော အရာများကို ၎င်းတို့သတ်မှတ်၍ မရနိုင်၊ ၎င်းတို့ကလေးများ၏ ကံကြမ္မာက ၎င်းတို့လက်များ၌ လုံးဝ ရှိမနေသည်ကို ၎င်းတို့ မသိကြသလော။ လူသားများသည် ၎င်းတို့ကိုယ်ပိုင် ကံကြမ္မာ၏ အရှင်သခင်များ မဟုတ်ကြပေ။ သို့တိုင် ငယ်ရွယ်သည့် မျိုးဆက်များ၏ ကံကြမ္မာကို ပြောင်းလဲဖို့ မျှော်လင့်ကြသည်။ ၎င်းတို့၏ကံကြမ္မာများမှ ၎င်းတို့လွတ်မြောက်ဖို့ အစွမ်းမရှိကြပါ။ သို့တိုင် ၎င်းတို့၏ သားများ၊ သမီးများ၏ ကံကြမ္မာကို ထိန်းချုပ်ဖို့ ကြိုးစားကြ၏။ သူတို့သည် ၎င်းတို့ကိုယ်၎င်းတို့ ပိုပြီးခန့်မှန်းနေကြခြင်း မဟုတ်လော။ ဤကား လူသား၏ မိုက်မဲခြင်းနှင့် မသိနားမလည်ခြင်း မဟုတ်သလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၃)” မှ

ဤလောကထဲသို့ ရောက်ရှိလာသူတိုင်း၌ တာဝန်တစ်ခုရှိကြသည်။ လူတစ်ဦးသည် ဤလောကထဲသို့ အလျင်းသင့်သလို ရောက်လာသည်မဟုတ်။ အစီအစဥ်မှားယွင်းမှုတစ်ခုလည်းမဟုတ်။ လူပုဂ္ဂိုလ်တစ်ဦးချင်းစီတိုင်း၏ လူ့လောကထဲသို့ရောက်ရှိလာရခြင်းသည် မည်သည့်အရာ သူတို့သင်ယူသည်ဖြစ်စေ သို့မဟုတ် ပြုလုပ်သည်ဖြစ်စေ ၎င်းတို့သည် ဤလောကထဲရှိ တာဝန်တစ်ခု၌ ပူးပေါင်းလုပ်ဆောင်ကြရန်ဖြစ်ပေသည်။ ထိုအရာသည် မည်သည့်တာဝန်ဖြစ်သနည်း။ သူတို့၏တာဝန်သည် အလုပ်တစ်ခုကို ပြီးစီးစေရန်နှင့် ဤလောကထဲ၌ အချို့သောလုပ်ဆောင်ချက်များ ထမ်းဆောင်ရန်ဖြစ်၏။ ဥပမာ၊ လူနှစ်ဦးတို့သည် လက်ထပ်ခဲ့ကြပြီး ကလေးငယ်တစ်ဦးပိုင်ဆိုင်လာကြ၏။ ထိုလူသုံးဦးတို့သည် ပြည့်စုံသောမိသားစုတစ်ခု ပုံပေါ်စေ၏။ ဤမိသားစုထဲ၌ မိခင်သည် ဘာအတွက်အသက်ရှင်သနည်း။ သူမ၏တာဝန်ပြီးစီးစေဖို့ရန်နှင့် မိခင်တစ်ဦးအဖြစ် သူမ၏တာဝန်ဖြစ်သော သူမ၏ခင်ပွန်းသည်နှင့် ကလေးကိုကြည့်ရှုစောင့်ရှောက်ရန်၊ အိမ်ထောင်အား ဂရုစိုက်ဖို့ရန် သူမအသက်ရှင်ခြင်းဖြစ်သည်။ ဤအရာတို့သည် သူမအသက်ရှင်ရခြင်း၏အကြောင်းဖြစ်သည်။ သားသမီးတို့သည် ဤမိသားစုထဲ၌ ဘာအတွက် အသက်ရှင်သနည်း။ သားသမီးတို့သည် မည်သည့်တာဝန်အား ပူးပေါင်းလုပ်ဆောင်ရသနည်း။ သူတို့သည် သူတို့မိသားစု၏အမည်ကို ဆက်ထိန်းသိမ်းမည့် မိသားစု၏အနွယ်ဖြစ်ကြပြီး ဤမိသားစု၏ အနာဂတ်မျိုးဆက်အစိတ်အပိုင်းအဖြစ် ပူးပေါင်းပါဝင်ကြသည်။ ကလေးငယ်များရှိနေခြင်းသည် မိသားစုကိုပြည့်စုံစေပြီး မြဲမြံစေပါသည်။ မိသားစုကို ပြည့်စုံစေခြင်းသည် သားသမီးများ၏ ပထမတာဝန်ဖြစ်သည်။ ယောကျ်ားလေး သို့မဟုတ် မိန်ကလေးဖြစ်စေ မိသားစုအထဲ၌ သူတို့တာဝန်ရှိကြ၏။ သားသမီးများ၏ဘဝအတွက် သူတို့၏ကံကြမ္မာဘာဖြစ်မည်၊ လူမှုအဖွဲ့အစည်း၌ သူတို့ဘာသင်ယူရမည်၊ မည်သည့်နေရာတွင် သူတို့အလုပ်လုပ်မည်၊ သူတို့လုပ်ရမည့်အလုပ်၊ ဘုရားသခင်၏အိမ်ထောင်ထဲသို့ သူတို့ဝင်ရောက်သည့်အခါ သူတို့လုပ်ရမည့်တာဝန်၊ သူတို့၏ အထူးကျွမ်းကျင်မှုများနှင့် သူတို့ဘာလုပ်ရမည်နည်း စသည့် အဆင့်ဆင့်စီမံမှုများသည် ဘုရားသခင်ချမှတ်ထားသော အစီစဥ်များမဟုတ်ပေဘူးလော။ ကလေးတစ်ယောက်သည် သူ့ကိုယ်ပိုင်ရွေးချယ်မှုရှိသလော။ မိသားစုထဲသို့ သူတို့မွေးဖွားလာသည့်အချိန်မှစပြီး သူတို့၌ ရွေးချယ်မှုမရှိပေ။ အမှန်အားဖြင့် သူတို့ကံကြမ္မာ၏ မည်သည့်အဆင့်၌မဆို သူတို့၌ရွေးချယ်မှုရှိ၏။ ဤအရာအလုံးစုံတို့အား ဘုရားသခင်၏အစီအစဥ်အားဖြင့်ဖြစ်၏။ “ ဘုရားသခင်သည်အလုံးစုံတို့အား စီစဉ်ထားတော်မူ၏” ဟူသောဖော်ပြချက်တွင် အမှန်တရားပါရှိသည်။ ထို့နောက် ၎င်းသည် ဘာအတွက်လူတို့အသက်ရှင်ရသည်ဆိုသည်နှင့် သက်ဆိုင်သည်။ သင်သည် ဂီတကို သင်ယူနေသည်ဆိုပါစို့။ ဤအရာသည် သင်၏အနေထားဖြစ်ပြီး သင်ရှိနေသည့် မိသားစုအခြေအနေဖြစ်ပါသည်။ သင်သည် ဂီတကိုသင်ယူရန် ရွေးချယ်ခဲ့သောသူဖြစ်သလော။ ဤသင်ခန်းစာကို သင်လက်ခံခြင်းသည် သင်၏ကိုယ်ပိုင်ဆန္ဒမဟုတ်ခဲ့ပါ။ ဤကဲ့သို့သောတာဝန်မျိုး၊ ဤကဲ့သို့သော လုပ်ဆောင်မှုမျိုးကို သင်ပြည့်စုံစေသည့်အခါ မည်သူ့အတွက် သင်ပြည့်စုံစေသနည်း။ ဤအရာအား ဘုရားသခင်၏ ကြိုတင်ပြဌာန်းထားခဲ့ခြင်းကြောင့် သင်ပြည့်စုံစေခြင်းဖြစ်၏။ ၎င်းအား သင်၏ကိုယ်ပိုင်ရွေးချယ်မှုအားဖြင့် သင်ပြုလုပ်သည်မဟုတ်။ ဤတာဝန်အား ကျေပွန်အောင် ဆောင်ရွက်ခြင်းသည် ဖန်ဆင်းရှင်၏ စီစဥ်ညွှန်ကြားမှုရလဒ်မဟုတ်ပေဘူးလော။ သင့်တာဝန်ကို ယခုသင်ထမ်းဆောင်ကာ သင်လေ့လာပြီးခဲ့သည့်အရာနှင့် သင်တာဝန်အတွက် သင်သိသည့်အရာကို ကျင့်သုံးခြင်းသည် မည်သူဆုံးဖြတ်ခဲ့သနည်း။ ဤအရာသည် ဘုရားသခင်ဆုံးဖြတ်ခဲ့ခြင်းဖြစ်၏။ သင့်သဘောအတိုင်းမဟုတ်။ ဤအရာအား အရှိအတိုင်းကြည့်ပါ။ သင်သည် မည်သူ့အတွက် ယခုအသက်ရှင်နေသနည်း။ အမှန်အားဖြင့်ဆိုလျှင် လူတိုင်းသည် အတူတူပင်ဖြစ်ကြ၏။ သူတို့သည် ဘုရားသခင်၏အချုပ်အခြာအာဏာနှင့် သူ၏အစီအစဥ်များအတွက်ကြောင့် အသက်ရှင်ကြ၏။ လူပုဂ္ဂိုလ်တိုင်းသည် စစ်တုရင်ရုပ်တစ်ခုကဲ့သို့ဖြစ်ကြ၏။ သင့်အား ဘုရားသခင်ထားသည့်နေရာ၊ သင်သွားသည့်နေရာ၊ သင်လုပ်သည့်အရာနှင့် နေရာတစ်ခုတွင် မည်မျှကြာသည်အထိ သင်နေရသည် စသည့်အရာအားလုံးသည် ဘုရားသခင်အားဖြင့် စီစဥ်ညွှန်ကြားခဲ့ခြင်းဖြစ်၏။ ထို့ကြောင့် ဘုရားသခင်၏ စီစဥ်ညွှတ်ကြားချက်များအရ လူသားမျိုးနွယ်သည် မည်သူ့အတွက်အသက်ရှင်ကြသနည်း။ အမှန်ဆိုလျှင် ၎င်းတို့သည် ဘုရားသခင်၏အချုပ်အခြာအာဏာနှင့် သူ၏အစီအစဥ်များအတွက် အသက်ရှင်ကြ၏။ သူ၏စီမံခန့်ခွဲမှုအတွက် သူတို့အသက်ရှင်ကြပြီး သူတို့သည် မိမိတို့၏သခင်များမဟုတ်ကြချေ။

ဘုရားသခင်၏ မိတ်သဟာယဖွဲ့ခြင်း မှ

လူပုဂ္ဂိုလ်တစ်ဦးသည် မည်သူပင်ဖြစ်စေ ထိုသူသည် သူလျှောက်သည့်လမ်းကြောင်းပင်ဖြစ်သည်။ ဤသည်မှာ သံသယဝင်ရန်မလိုပေ။ ၎င်းတို့ လျှောက်သည့်လမ်းကြောင်းသည် ၎င်းတို့မည်သည့်အရာဖြစ်သည်ကို အဆုံးအဖြတ်ပေးသည်။ ၎င်းတို့လျှောက်သည့်လမ်းကြောင်းနှင့် ၎င်းတို့ဖြစ်သည့် လူအမျိုးအစားသည် ၎င်းတို့၏ ကိုယ်ရေးကိုယ်တာဖြစ်သည်။ ယင်းသည် ကြိုတင်သတ်မှတ်ပြီးဖြစ်သည်။ မွေးရာပါဖြစ်ပြီး၊ ၎င်းတို့၏ သဘာဝနှင့် ဆက်စပ်သည်။ ဤသို့ဆိုလျှင် ၎င်းတို့၏ မိဘများအားဖြင့် မည်သည့်လူများက မည်သည့်အခန်းကဏ္ဍကို သင်ကြားခံရသနည်း။ ယင်းသည် လူတို့၏ သဘာဝအပေါ် ခြားနားမှုရှိစေသလော။ (မရှိစေပါ။) လူတို့ကို ၎င်းတို့၏မိခင်နှင့်ဖခင်တို့က သင်ကြားပေးသောအရာသည် ၎င်းတို့၏သဘာဝအဖို့ ခြားနားမှုမရှိစေပေ။ မိဘတို့သည် နေ့စဉ်အသက်တာအတွက် အချို့သောရိုးရှင်းသည့်အပြုအမူများ၊ အတော်အတန် ရိုးရှင်းသည့် စဉ်းစားပြုမူပုံနည်းလမ်းအချို့ကိုသာ ၎င်းတို့၏ သားသမီးများအား သင်ကြားပေးနိုင်သည်။ ဤအရာတို့သည် မိဘများနှင့် အနည်းငယ်ဆက်စပ်မှုရှိသည်။ သားသမီးများ အရွယ်မရောက်ခင်တွင် မိဘများသည် ၎င်းတို့လုပ်သင့်သည့်အရာကို လုပ်သည်။ ၎င်းတို့၏ သားသမီးများအား မှန်ကန်သောလမ်းကြောင်းကို လျှောက်ရန်၊ စာကြိုးစားရန်၊ အရွယ်ရောက်သည့်အခါတွင် ကြိုးစားပြီး အောင်မြင်ရန်၊ မကောင်းသည့်အရာများကို မလုပ်ဆောင်ရန်၊ မကောင်းသောသူမဖြစ်စေရန် သင်ကြားကြသည်။ မိဘများ၏ တာဝန်ဝတ္တရားများတွင် ၎င်းတို့၏ သားသမီးများကို နေထိုင်ပြုမူပုံ စံသတ်မှတ်ချက်များကို အသေအချာလိုက်နာစေခြင်း၊ ယဉ်ကျေးပြီး အသက်ကြီးသူများအား နှုတ်ဆက်စကားပြောရန် သင်ကြားခြင်း၊ အပြုအမူနှင့်သက်ဆိုင်သည့် လုပ်ဆောင်ရမည့် အရာအချို့ကို သင်ကြားပေးခြင်းတို့ ပါဝင်သည်။ မိဘများ၏ လွှမ်းမိုးမှုတွင် သားသမီးများအား ကြည့်ရှုစောင့်ရှောက်ခြင်းနှင့် နေထိုင်ပြူမူပုံ အခြေခံသဘောတရားအချို့ကို သင်ကြားပေးခြင်းတို့ပါဝင်သည်။ သို့သော် လူတစ်ယောက်၏ ပင်ကိုစရိုက်သည် မိဘများက သင်ကြားပေးနိုင်သည့် အရာတစ်ခု မဟုတ်ပေ။ အချို့မိဘများသည် စိတ်ခံစားချက်များခြင်းမရှိဘဲ မည်သည့်အရာကိုမျှ အလျင်အမြန်မလုပ်ပေ။ ၎င်းတို့ကလေး၏ ပင်ကိုစရိုက်ကမူ စိတ်မရှည်ပေ။ ၎င်းတို့သည် မည်သည့်နေရာတွင်မျှ ကြာရှည်စွာမနေနိုင်ပေ။ ၁၄ နှစ်၊ ၁၅နှစ်ဖြစ်သော အစောပိုင်းအရွယ်တွင် ဘဝ၌ ၎င်းတို့၏ ကိုယ်ပိုင်လမ်းကြောင်းကို စတင်ပြုလုပ်ကြသည်။ ၎င်းတို့ လုပ်ဆောင်သည့်အရာကို ၎င်းတို့ ဆုံးဖြတ်ကြသည်။ ၎င်းတို့၏ မိဘများကို မလိုအပ်ပေ။ ၎င်းတို့သည် အလွန်် မှီခိုမှုကင်းကြသည်။ ဤအရာကို ၎င်းတို့၏ မိခင်နှင့်ဖခင်ထံမှ သင်ကြားခဲ့ရသလော။ မဟုတ်ပေ။ ထို့ကြောင့် လူတစ်ယောက်၏ ပင်ကိုစရိုက်၊ စိတ်သဘောထား၊ ၎င်းတို့၏အနှစ်သာရနှင့် သက်ဆိုင်သည့် အရာများပင်ပါဝင်ပြီး အနာဂတ်တွင် ၎င်းတို့ရွေးချယ်သည့်လမ်းကြောင်း၊ ဤအရာအားလုံးထဲမှ မည်သည့်အရာမျှ ၎င်းတို့၏ မိဘများနှင့် မည်သို့မျှ သက်ဆိုင်မှုမရှိပေ။ လူအချို့က “မည်သို့ သက်ဆိုင်မှုမရှိနိုင်ရမည်နည်း။ အချို့လူတို့သည် ရှည်လျားပြီး ထင်ရှားကျော်ကြားသော အနုပညာမျိုးဆက်များမှ လာကြသည်။ ၎င်းတို့သည် ‘သင်ကြားခြင်းမရှိဘဲ ကျွေးမွေးခြင်းသည် ဖခင်၏အမှားဖြစ်သည်’ ဆိုသည့်စကား၏ သက်သေဖြစ်သည်” ဟု ခွန်းတုံ့ပြန်ကြသည်။ ဤသည်မှာ မှန်ကန်သလော။ (မမှန်ပါ။) ဤဥပမာအား ပြန်လည်ချေပချက်အဖြစ် အသုံးပြုခြင်းသည် မှားယွင်းသည်။ မျိုးရိုးသည် ၎င်းတို့၏ ကျွမ်းကျင်မှုအပေါ်တွင်သာ သက်ရောက်မှုတစ်ခုရှိသည်။ ၎င်းတို့၏ မိသားစုအတွင်းရှိ လူတိုင်းသည် တစ်စုံတစ်ခုကို သင်ယူရရှိနိုင်သည်။ အပေါ်ယံတွင် ၎င်းတို့သည် ဤအရာကို ရွေးချယ်ခဲ့ခြင်း ဖြစ်သော်လည်း၊ အရင်းအမြစ်တွင် ဤအရာကို ဘုရားသခင်က အဆုံအဖြတ်ပေးခြင်းဖြစ်သည်။ ၎င်းတို့သည် မည်သို့ ဤမိသားစုတွင် မွေးဖွားခဲ့သနည်း။ ဤသည်မှာ ဘုရားသခင်က ကြိုတင်စီမံထားခြင်း မဟုတ်လော။ မိဘများသည် ၎င်းတို့၏ အပြင်ပန်းအပြုအမူအပေါ်သာ လွှမ်းမိုးနိုင်ပြီး အချို့ရိုးရှင်းသော နှစ်ခြိုက်မှုများအပေါ်တွင်လည်း လွှမ်းမိုးကောင်းလွှမ်းမိုးနိုင်သည်။ သို့သော် သားသမီးများ အရွယ်ရောက်လာသောအခါ ၎င်းတို့၏ ပန်းတိုင်များနှင့် ကြိုးပမ်းအားထုတ်မှုများ၊ ၎င်းတို့၏ ကံကြမ္မာတို့သည် မိဘများနှင့် လုံးဝ သက်ဆိုင်ခြင်းမရှိပေ။ အချို့မိဘများသည် သာမန်၊ တာဝန်သိတတ်သော လယ်သမားများဖြစ်ပြီး ၎င်းတို့၏ သားသမီးများသည် အစိုးရခေါင်းဆောင်များ၊ သို့မဟုတ် လုပ်ငန်းတွင် ထူးချွန်သူများဖြစ်လာကြသည်။ အချို့မိဘများသည် ရှေ့နေများ၊ သို့မဟုတ် ဆရာဝန်များ၊ အရည်အချင်းရှိသောသူများဖြစ်ကြပြီး ၎င်းတို့တွင် မည်သည့်နေရာတွင်မှ အလုပ်ရှာမရသည့် အသုံးမဝင်သော သားသမီးများရှိကြသည်။ ကလေးများသည် ဤအရာကို ၎င်းတို့မိဘများ၏ သင်ကြားပေးခြင်းခံခဲ့ရသလော။ မိဘများက ရှေ့နေများဖြစ်လျှင် ၎င်းတို့သည် သားသမီးများကို လျှော့၍ သွန်သင်နိုင်ခြေရှိသလော။ သားသမီးများအပေါ် လွှမ်းမိုးမှုလျော့နိုင်သလော။ လုံးဝမဟုတ်ပေ။ မိဘတစ်ယောက်က “ငါသည် ဘဝတွင် အလွန်အောင်မြင်ခဲ့သည်။ သို့သော် ငါ၏ကလေးကို ငါကဲ့သို့ မအောင်မြင်စေလိုပါ။ အားစိုက်ရလွန်းသည်။ နွားကျောင်းသားဖြစ်ရန် သာ၍ကောင်းသည်”ဟု မည်သည့်အခါမျှ မပြောဖူးပေ။ ၎င်းတို့သည် ၎င်းတို့၏ကလေးကို ၎င်းတို့အား အတုယူဖို့၊ ၎င်းတို့ကဲ့သို့ ဖြစ်လာဖို့ ဆန္ဒရှိမည်မှာ သံသယရှိရန်မလိုပေ။ ဤပညာသင်ကြားမှုပြီးဆုံးပြီးနောက်တွင် မည်သို့ဖြစ်ပျက်သနည်း။ သားသမီးများသည် ၎င်းတို့ဖြစ်ရမည့်ပုံစံအတိုင်းဖြစ်ကြသည်။ ၎င်းတို့၏ ကံကြမ္မာ စီမံသည့်အတိုင်း ဖြစ်ကြသည်။ ဤအရာကို မည်သူကမျှ မပြောင်းလဲနိုင်ပေ။ မိဘများသည် ၎င်းတို့၏ သားသမီးများက ကျောင်းတွင် ညံ့ဖျင်းစွာ စွမ်းဆောင်ကြသည်ကို မြင်လျှင် စိတ်ဆိုးပြီး သောကရောက်ကြသည်။ ၎င်းတို့တတ်နိုင်သမျှ အရာရာတိုင်းကို လုပ်ဆောင်ကြသည်။ ဆရာတစ်ယောက်ကို ခေါ်သင်ပြီး သားသမီးများအတွက် ကျောင်းကောင်းတစ်ခုကို ရွေးချယ်ကြသည်။ ပြီးလျှင် မည်သို့ဖြစ်သနည်း။ သားသမီးများသည် ကောလိပ်မှဘွဲ့ရပြီးနောက် အလုပ်မရှာနိုင်ဘဲ ၎င်းတို့မိဘများဆီသို့သွားကာ ပိုက်ဆံတောင်းရသည်။ ဤသည်မှာ မည်သည့်အချက်ကို ပြသနည်း။ ကလေးတစ်ယောက်၏လမ်းကြောင်းသည် သူ၏မိဘများနှင့် လုံးဝမသက်ဆိုင်သည်ကို ပြသည်။ အချို့မိဘများသည် ဘုရားသခင်ကို ယုံကြည်ပြီး ၎င်းတို့၏ သားသမီးများအား ဘုရားသခင်ကို ယုံကြည်ရန် သွန်သင်သည်။ သို့သော် မိဘများက မည်သို့ပြောသည်ဖြစ်စေ၊ သားသမီးများက ငြင်းဆန်ပြီး ဤအရာနှင့်ပတ်သက်၍ မိဘများလုပ်ဆောင်နိုင်သည့်အရာ မရှိပေ။ အချို့မိဘများက ဘုရားသခင်ကို မယုံကြည်ဘဲ ၎င်းတို့၏ သားသမီးများက ၎င်းတို့ကိုယ်တိုင်၏ ပင်ကိုအရည်အချင်းဖြင့် ယုံကြည်ကြသည်။ ဘုရားသခင်ကို ၎င်းတို့ယုံကြည်ပြီးနောက် သားသမီးများသည် ဘုရားသခင်နောက်သို့ လိုက်ကြပြီး ဘုရားသခင်အတွက် အသုံးတော်ခံကြသည်။ အကျိုးဆက်အနေဖြင့် ၎င်းတို့၏ ကံကြမ္မာ ပြောင်းလဲသွားခဲ့သည်။ မိဘများက၊ “သင်ကြားခြင်းမရှိဘဲ ကျွေးမွေးခြင်းသည် ဖခင်၏အမှားဖြစ်သည်။ ငါတို့ကလေးအား ငါတို့ လုံလောက်စွာ အာရုံမစိုက်ခဲ့ကြပါ” ဟု ဆိုကြသည်။ ဤသည်မှာ အာရုံစိုက်ခြင်းနှင့်ဆိုင်သည့်အမှုကိစ္စ ဟုတ်ပါသလော။ (မဟုတ်ပါ။) အရွယ်မရောက်ခင်တွင် တစ်ဦးတစ်ယောက်၏ လမ်းကြောင်း မည်သည့်အရာဖြစ်မည်ကို သင်မမြင်နိုင်ပေ။ အရွယ်ရောက်သည့်အခါတွင် ၎င်းတို့၌ ကိုယ်ပိုင်အသိစိတ်ရှိပြီး အမှုအရာများကို ဖြေရှင်းနိုင်ကြသည်။ ထို့ကြောင့် ဤလူစုထဲတွင် မည်သည့်လူစားမျိုးဖြစ်မည်ကို ၎င်းတို့ရွေးချယ်ကြသည်။ အချို့လူတို့က အစိုးရအဖွဲ့တွင် ရာထူးကြီးကြီးဖြင့် အလုပ်လုပ်လိုပြီး အခြားလူတို့မှာ ရှေ့နေဖြစ်လိုသည်၊ သို့မဟုတ် စာရေးဆရာတစ်ယောက်ဖြစ်လိုသည်ဟု ဆိုကြသည်။ လူတစ်ယောက်ချင်းစီက ကိုယ်ပိုင်ရွေးချယ်မှုပြုကြသည်။ မည်သူကမျှ “ငါ့မိဘတွေ ငါ့ကိုသင်ကြားပေးဖို့ ငါစောင့်မည်။ မိဘများ သင်ကြားသည့်အရာ မည်သည့်အရာမဆို ငါ ဖြစ်လိမ့်မည်” ဟု မပြောဆိုပေ။ မည်သူကမျှ ထိုမျှ မမိုက်မဲပေ။ ၎င်းတို့သည် လူလားမြောက်သောအရွယ်သို့ရောက်ပြီးနောက်တွင် လူတို့၏ စိတ်များက ရှင်သန်လာသည်။ ဖြည်းဖြည်းနှင့် မှန်မှန် ရင့်ကျက်လာကြသည်။ ၎င်းတို့ရှေ့တွင်ရှိသော လမ်းကြောင်းနှင့်ပန်းတိုင်သည် သာ၍ ရှင်းလင်းလာသည်။ ဤအချိန်တွင် ၎င်းတို့ဖြစ်သည့် လူအမျိုးအစားနှင့် ၎င်းတို့နှင့်သက်ဆိုင်သည့် လူတန်းစားသည် နည်းနည်းချင်းပေါ်ထွက်လာလျက် တဖြည်းဖြည်း ပုံပေါ်လာသည်။ ဤအချိန်မှစပြီး လူပုဂ္ဂိုလ်တစ်ဦးချင်းစီ၏ ပင်ကိုစရိုက်သည် တဖြည်းဖြည်း ရှင်းလင်းလာပြီး ၎င်းတို့၏ စိတ်သဘောထား၊ ၎င်းတို့ကြိုးပမ်းသည့် လမ်းကြောင်း၊ ၎င်းတို့ဘဝ၏ ဦးတည်ချက်၊ ၎င်းတို့နှင့်သက်ဆိုင်သည့် လူတန်းစားတို့သည်လည်း ရှင်းလင်းလာသည်။ ဤသည်မှာ မည်သည့်အရာအပေါ် အခြေခံသနည်း။ နောက်ဆုံး စိစစ်ရာတွင် ဤသည်မှာ ဘုရားသခင်မှ ကြိုတင်သတ်မှတ်ထားခြင်းဖြစ်ပြီး မိဘများနှင့် လုံးဝမသက်ဆိုင်ပေ။ ဤအရာသည် သင့်တို့အဖို့ ယခု ရှင်းလင်းသွားပေပြီ။

အန္တိခရစ်တို့ကို ဖော်ထုတ်ခြင်း၌ “၎င်းတို့သည် မိမိတို့ကိုယ်ကိုယ် ထင်ရှားကျော်ကြားမှု ရစေဖို့...၎င်းတို့၏တာဝန်ကို ထမ်းဆောင်ခြင်းဖြစ်သည်။... (အပိုင်း ၁)” မှ

ဖန်ဆင်းရှင်၏ ကြိုတင်သတ်မှတ်ခြင်းကလွဲပြီး ဘယ်အရာကမှ လူတစ်ယောက်၏ ကံကြမ္မာပေါ် ဆက်နွှယ်မှု မရှိသည့်အတွက်၊ မွေးဖွားခြင်းနှင့် ပြုစုပျိုးထောင်ခြင်းအပြင် ကလေးတစ်ယောက်၏ ဘဝတွင် မိဘ၏ တာဝန်ဝတ္တရားမှာ သူကြီးပြင်းဖို့ ကောင်းမွန်သည့် ပတ်ဝန်းကျင်ကို ပံ့ပိုးဖို့ဖြစ်ပါသည်။ လူတစ်ယောက်က မည်သို့အနာဂတ်မျိုး ရှိမည်ကို ဘယ်သူကမှ မထိန်းချုပ်နိုင်ပါ။ ယင်းကို အချိန်ကြာမြင့်စွာက ကြိုတင်သတ်မှတ်ပြီး ဖြစ်သကဲ့သို့ သူ့မိဘများကပင် သူ့ကံကြမ္မာကို မပြောင်းလဲနိုင်ပေ။ ကံကြမ္မာနှင့် ပတ်သက်သရွေ့၊ လူတိုင်းက အမှီအခိုကင်းကာ လူတိုင်း မိမိ၏ ကိုယ်ပိုင်ကံကြမ္မာ ရှိလေသည်။ ထို့ကြောင့် မည်သူ၏မိဘကမျှ တစ်ဦးတစ်ယောက်၏ ဘဝကံကြမ္မာကို တွန်းလှန်မပယ်ရှားနိုင် သို့မဟုတ် ဘဝတွင် သူပြုမှုလှုပ်ရှားသည့် အခန်းကဏ္ဍအပေါ် လွှမ်းမိုးမှုအနည်းငယ်ပင် အသုံးမပြုနိုင်ပေ။ လူတစ်ယောက်က သူမွေးဖွားခံရဖို့ သတ်မှတ်ထားသည့် မိသားစု၊ သူကြီးပြင်းသည့် ပတ်ဝန်းကျင်တို့သည် ဘဝတွင် မိမိတာဝန်ကို ဖြည့်ဆည်းခြင်း အတွက် ကြိုတင်သတ်မှတ်ချက်များထက် ဘာမျှမပိုပေ။ ထိုအရာများသည် လူတစ်ယောက်၏ ဘဝကံကြမ္မာကို သို့မဟုတ် လူတစ်ယောက်က မိမိ၏ တာဝန်ကို ပြီးမြောက်စေသည့် ကံတရားမျိုးအား မည်သည့်နည်းနှင့်မျှ မသတ်မှတ်ပေ။ ထို့ကြောင့် မည်သူ၏ မိဘကမျှ ကလေး၏ ဘဝတာဝန်ကို ပြီးမြောက်စေဖို့ ကူညီ၍မရ။ အလားတူ၊ မည်သူ၏ ဆွေမျိုးများကမျှ ဘဝတွင် သူ့အခန်းကဏ္ဍကို တာဝန်ယူဖို့ မကူညီနိုင်ပေ။ သူ့တာဝန်ကို သူမည်သို့ ပြီးမြောက်အောင် ပြုလုပ်သည်၊ သူ့အခန်းကဏ္ဍကို မည်သည့် ပတ်ဝန်းကျင်မျိုး၌ ဆောင်ရွက်သည် ဆိုသည့်အရာ များသည် သူ့ဘဝ ကံကြမ္မာအားဖြင့် လုံးဝ သတ်မှတ်ပြီးဖြစ်သည်။ တစ်ခြားနည်းနှင့်ပြောရလျှင်၊ ဖန်ဆင်းရှင်က ကြိုတင်သတ်မှတ် ထားသည့် လူတစ်ယောက်၏ တာဝန်ကို အခြား ဓမ္မဓိဋ္ဌာန်ကျသော အခြေအနေများကမျှ မလွှမ်းမိုးနိုင်ပါ။ လူအားလုံးက သူတို့၏ ကိုယ်ပိုင်တစ်ဦးချင်းစီ ကြီးပြင်းလာသည့် ပတ်ဝန်းကျင်၌ ရင့်ကျက်လာကြသည်၊ ထို့နောက် တဖြည်းဖြည်းနှင့် တစ်ဆင့်ပြီး တစ်ဆင့် ဘဝတွင် သူတို့၏ ကိုယ်ပိုင် လမ်းများပေါ် ခရီးစတင် လာကြပြီး ၎င်းတို့အတွက် ဖန်ဆင်းရှင်အားဖြင့် စီစဉ်ထားသည့် ကံတရားများကို ဖြည့်ဆည်းကြလေသည်။ ဖန်ဆင်းရှင်၏ ကြိုတင်ပြဋ္ဌာန်းခြင်းအတွက် ဖန်ဆင်းရှင်၏ အချုပ်အခြာအာဏာ အတွက်၊ အဖန်ဆင်းခံများအနေဖြင့် သူတို့၏ တာဝန် ဝတ္တရားတွေကို စတင်ဖြည့်ဆည်းသည့်နေရာဖြစ်သော ကျယ်ပြန့်လှသည့် လူသား သဘာဝ ပင်လယ်ထဲသို့ အလိုအလျောက်၊ အမှတ်တမဲ့ ဝင်ရောက်ကြလေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၃)” မှ

အရှေ့သို့- ၁၄၅) ချစ်ခြင်းမေတ္တာနှင့် အိမ်ထောင်ရေးအပေါ် သဘောထားရမည့်ပုံစံနှင့် သက်ဆိုင်သည့် အခြေခံသဘောတရားများ

နောက်တစ်ခုသို့- ၁၄၇) ဇာတိပကတိ၏ ဆွေမျိုးများအပေါ် ဆက်ဆံရမည့်ပုံစံနှင့် သက်ဆိုင်သည့် အခြေခံသဘောတရားများ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၁၈) ဘုရားသခင်အပေါ် မှီခိုခြင်းနှင့် ကြည်ညိုခြင်းတို့၏ အခြေခံသဘောတရားများ

(၁) ဘုရားသခင်က အရာအားလုံးကို ဖန်ဆင်းခဲ့ပြီး အရာအားလုံးအပေါ် အချုပ်အခြာအာဏာရှိသည်ကို သိရှိဖို့နှင့် အဖြစ်အပျက်အားလုံးနှင့် အရာအားလုံးသည် သူ၏...

၇) ဘုရားသခင်ထံ ဆုတောင်းခြင်းနှင့် အသနားခံခြင်းတို့၏ အခြေခံသဘောတရားများ

(၁) အခက်အခဲအားလုံးကို ကြုံနေရချိန်တွင် သို့မဟုတ် အကျဉ်းအကျပ်ထဲတွင် ရောက်နေပြီး အခက်အခဲတစ်ခုဖြင့် ရင်ဆိုင်နေရချိန်တွင်၊ ဘုရားသခင်၏...

၃၅) စစ်မှန်သော ယုံကြည်ခြင်းကို ပိုင်ဆိုင်ခြင်းနှင့်သက်ဆိုင်သည့် အခြေခံသဘောတရားများ

(၁) စစ်မှန်သော ယုံကြည်ခြင်းသည် ဘုရားသခင်၏ နှုတ်ကပတ်တော်များကို တွေ့ကြုံခြင်းနှင့် သိနားလည်ခြင်းတို့မှ လာပြီး၊ သမ္မာတရားကို...

၉၃၆ ဤသည်မှာ ဘုရားကယ်တင်ရန် ရည်ရွယ်သော လူသားမျိုးနွယ်တည်းကျူး

၁ အရာအားလုံးထဲမှ သက်ရှိသတ္တဝါ အမျိုးအစားတိုင်းသည် ထွက်ခွာပြီး ပြန်လာသည်။ ပြီးနောက် ပြန်ထွက်ခွာကြပြန်သည်။ မျက်စိတမှိတ်အတွင်းတွင်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်