အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

သိုးသငယ် ဖွင့်သည့် စာစောင်

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဧဝံဂေလိတရားကို ဖြန့်ဝေသည့် အလုပ်သည် လူသားကို ကယ်တင်သည့် အလုပ်လည်းဖြစ်သည်

လောက၌ရှိသည့် ငါအလုပ်၏ရည်ရွယ်ချက်ကို လူအားလုံး သိဖို့လိုသည်၊ တစ်နည်းအားဖြင့်ဆိုလျှင် ငါ့အလုပ်၏ အဆုံးသတ်ရည်ရွယ်ချက်နှင့် ထိုရည်ရွယ်ချက်ကို ပြီးဆုံးအောင် မလုပ်နိုင်သေးချိန်၌ ဤအလုပ်တွင် မည်သည့်အဆင့်အထိ အောင်မြင်အောင် လုပ်ဆောင်ဖို့ လိုကြောင်းကို လူအားလုံး သိဖို့လိုသည်။ လူတို့သည် ငါနှင့်အတူ ယနေ့တိုင် လျှောက်လှမ်းလာခဲ့ပြီးနောက် ငါ့အလုပ်မှာ အဘယ်အရာဖြစ်သည်ကို နားမလည်လျှင် ၎င်းတို့သည် ငါနှင့်အတူ အချည်းနှီး လျှောက်လှမ်းနေခဲ့ကြခြင်းပင်ဖြစ်သည် မဟုတ်လော။ ငါ့နောက်သို့ လိုက်သောသူများသည် ငါ့အလိုကို သိသင့်သည်။ ငါသည် လောက၌ အလုပ်လုပ်လျက် ရှိသည်မှာ နှစ်ပေါင်းထောင်ချီ ရှိပြီဖြစ်သည်။ ယနေ့ထက်ထိတိုင်အောင် ငါသည် ဤနည်းလမ်းအတိုင်း ငါ၏အမှုကို ဆက်လက်လုပ်ဆောင်နေသေးသည်။ ငါ့အမှုထဲတွင် ပါဝင်သည့်အရာများမှာ အထူးတလည် များပြားလှသော်လည်း ဤအမှု၏ ရည်ရွယ်ချက်သည် မပြောင်းမလဲ ရှိနေသေး၏။ ဥပမာ- ငါသည် လူသားကို တရားစီရင်လိုစိတ်၊ ပြစ်တင်ဆုံးမလိုစိတ်တို့နှင့် ပြည့်နေသော်လည်း ငါပြုသမျှမှာ လူသားကို စုံလင်စေပြီးသောအခါ၌ သူ့ကိုငါကယ်တင်ဖို့၊ ငါ၏သတင်းကောင်းကို ပိုမိုဖြန့်ဝေနိုင်ဖို့နှင့် ငါ၏အမှုကို တစ်ပါးအမျိုးသား တိုင်းနိုင်ငံများအားလုံးအကြား၌ ချဲ့ထွင်ဖို့အတွက်ဖြစ်နေသေးသကဲ့သို့ပင် ဖြစ်သည်။ ထို့ကြောင့် လူများစွာက သူတို့၏မျှော်လင့်ချက်များ၌ ကြီးစွာစိတ်ပျက်လျက်ရှိသည်မှာ အချိန်အတန်ကြာပြီဖြစ်သည့် ယနေ့ခေတ်အချိန်တွင် ငါသည် ငါ၏အမှုကို ဆက်လက်လုပ်ဆောင်လျက်ရှိသည်။ လူသားကို တရားစီရင်ရန်နှင့် ပြစ်တင်ဆုံးမရန်အတွက် လုပ်ရမည့်အမှုကို ငါသည် ဆက်လုပ်လျက်ရှိသည်။ လူသားသည် ငါပြောသည့် အရာများကို စိတ်ကုန်နေပြီဖြစ်သော်လည်း၊ ငါ၏အမှု၌ ကိုယ်တိုင်ပါဝင်ပတ်သက်လိုစိတ် သူ့တွင် လုံးဝမရှိသော်လည်း၊ ငါသည် ငါ၏တာဝန်ကို ဆက်လက်လုပ်ဆောင်လျက်ပင် ရှိသေးသည်။ အဘယ်ကြောင့်ဆိုသော် ငါ့အမှု၏ရည်ရွယ်ချက်သည် မပြောင်းလဲသည့်အပြင် ငါ၏မူလအစီအစဉ်သည်လည်း ပျက်စီးမည် မဟုတ်သောကြောင့်ဖြစ်သည်။ ငါ၏တရားစီရင်ခြင်းအလုပ်သည် လူသားအား ငါ့အပေါ်၌ ပိုမိုနာခံလာအောင် ထောက်ကူပေးဖို့အတွက်ဖြစ်ပြီး ငါ၏ပြစ်တင်ဆုံးမမှုအလုပ်သည် လူသားအနေနှင့် ပို၍ထိထိရောက်ရောက်ပြောင်းလဲခြင်းကို ခံနိုင်စေဖို့ဖြစ်သည်။ ငါလုပ်ဆောင်သည့်အရာမှာ ငါ၏စီမံခန့်ခွဲမှုအတွက်ဖြစ်သော်လည်း လူသားအတွက် အကျိုးမရှိသည့်အရာတစ်ခုကိုမျှ ငါမလုပ်ဖူးပါ။ အကြောင်းမှာ ငါသည် ဣသရေလနိုင်ငံပြင်ပမှ လူမျိုးအားလုံးကို ဣသရေလလူမျိုးများကဲ့သို့ပင် နာခံတတ်သူများ ဖြစ်စေလိုသောကြောင့်၊ လူသားစစ်စစ်များ ဖြစ်စေလိုသောကြောင့် ဖြစ်သည်၊ ထိုသို့အားဖြင့် ဣသရေလနိုင်ငံပြင်ပရှိ နယ်မြေများ၌ ငါခြေကုပ်ယူနိုင်ရန်ဖြစ်သည်။ ယင်းသည် ငါ၏စီမံခန့်ခွဲမှုဖြစ်သည်၊ ယင်းသည် တစ်ပါးအမျိုးသား တိုင်းနိုင်ငံများအကြား၌ အောင်မြင်အောင် ငါလုပ်ဆောင်နေသော အမှုဖြစ်သည်။ ယခုထက်ထိတိုင် လူများစွာက ငါ၏စီမံခန့်ခွဲမှုကို နားမလည်ကြသေးပေ။ ငါလုပ်ဆောင်နေသော ဤအရာများကို သူတို့စိတ်မဝင်စားကြဘဲ၊ သူတို့၏အနာဂတ်နှင့် သူတို့၏ပန်းတိုင်များကိုသာ အရေးစိုက်ကြသောကြောင့် ဖြစ်သည်။ ငါအဘယ်အရာပြောပြော လူတို့သည် ငါလုပ်သည့်အမှုကို စိတ်ဝင်စားခြင်း မရှိကြဆဲပင်ဖြစ်သည်။ ထိုအစား သူတို့၏ ပန်းတိုင်များကိုသာ အထူးသီးသန့်အာရုံစိုက်နေကြသည်။ ဤသို့ဆက်ဖြစ်နေမည်ဆိုပါက ငါ၏အမှုကို မည်သို့ချဲ့ထွင်နိုင်မည်နည်း။ ငါ၏သတင်းကောင်းသည် ကမ္ဘာအနှံ့ မည်သို့ပျံ့နှံ့နိုင်မည်နည်း။ ငါ၏အမှုကို ချဲ့သောအခါ၌ ငါသည် သင်တို့ကို ကွဲပြားစေမည်ဖြစ်ပြီး၊ ဣသရေလလူမျိုးထဲမှ မျိုးနွယ်စုတိုင်းကို ယေဟောဝါက ရိုက်သကဲ့သို့ ငါသည် သင်တို့ကို ရိုက်မည်ဖြစ်ကြောင်းကို သင်တို့သိသင့်သည်။ ကမ္ဘာတစ်လျှောက်လုံး၌ ငါ၏သတင်းကောင်း ပျံ့နှံ့စေဖို့အတွက်၊ ငါ၏အလုပ်ကို တစ်ပါးအမျိုးသား တိုင်းနိုင်ငံများအကြား၌ ချဲ့ထွင်ဖို့အတွက် ဤအရာများအားလုံးကို ငါလုပ်ဆောင်မည်။ ထိုသို့အားဖြင့် ကလေး၊ လူကြီးများ အားလုံးအကြား၌ ငါ၏အမည် ထင်ရှားစေဖို့၊ ရှိရှိသမျှ လူမျိုးနွယ်စုများနှင့် တိုင်းနိုင်ငံများအားလုံးမှ လူများ၏နှုတ်က မြင့်မြတ်သန့်ရှင်းသော ငါ၏အမည်ကို ချီးမြှောက်ကြစေဖို့ဖြစ်သည်။ ထိုသို့အားဖြင့် နောက်ဆုံးသောခေတ်ဖြစ်သည့် ဤကာလတွင် ငါ၏အမည်သည် တစ်ပါးအမျိုးသား တိုင်းနိုင်ငံများအကြား၌ ထင်ရှားခြင်းရှိစေရန်၊ ငါ၏လုပ်ဆောင်ချက်များကိုလည်း တစ်ပါးအမျိုးသားများ မြင်ကြစေရန်၊ ထို့ပြင် ငါ၏လုပ်ဆောင်ချက်များကြောင့် သူတို့က ငါ့ကို အနန္တတန်ခိုးရှင်ဟု ခေါ်ကြစေရန်ဖြစ်ပြီး၊ ငါ၏နှုတ်ကပတ်တော်များသည် မကြာမီ အမှန်တကယ် ဖြစ်လာစေရန်ဖြစ်သည်။ ငါသည် ဣသရေလလူမျိုးများ၏ ဘုရားသခင်သာ မဟုတ်ကြောင်း၊ တစ်ပါးအမျိုးသား တိုင်းနိုင်ငံများအားလုံး၏ ဘုရားသခင်လည်းဖြစ်ပြီး၊ တစ်ချိန်က ငါကျိန်ဆဲခဲ့သည့် လူမျိုးများ၏ ဘုရားသခင်ပင် ဖြစ်ကြောင်းကို လူများအားလုံး သိစေမည်။ ငါသည် အရာအားလုံးကို ဖန်ဆင်းသည့် ဘုရားသခင်ဖြစ်ကြောင်းကို လူများအားလုံး မြင်စေမည်။ ဤသည်မှာ ငါ၏အကြီးမြတ်ဆုံးသော အမှုဖြစ်သည်။ နောက်ဆုံးသောကာလအတွက် ငါ့အမှုအစီအစဉ်၏ ရည်ရွယ်ချက်လည်းဖြစ်သည်။ နောက်ဆုံးသောကာလ၌ ပြီးမြောက်အောင် လုပ်ဆောင်မည့် တစ်ခုတည်းသော အမှုလည်းဖြစ်သည်။

ငါနှစ်ပေါင်းထောင်နှင့်ချီ စီမံခန့်ခွဲ လုပ်ဆောင်လာခဲ့သော အလုပ်ကို နောက်ဆုံးသော ကာလ၌သာ လူကို အပြည့်အစုံ ဖော်ပြမည်။ ငါ့စီမံခန့်ခွဲမှု အစီအစဉ်၏ လျှို့ဝှက်နက်နဲမှု အစုံအလင်ကို ငါက လူသားကို ယခုမှ ဖွင့်ပြခြင်းဖြစ်သည်။ ငါလုပ်ဆောင်သည့် အလုပ်၏ ရည်ရွယ်ချက်ကို လူသားက သိပြီး၊ ငါ၏ လျှို့ဝှက်နက်နဲမှုများ အားလုံးကိုလည်း နားလည်ပြီးဖြစ်ပါသည်။ သူစိုးရိမ်နေသည့် သူ၏ ခရီးပန်းတိုင် အကြောင်းကိုလည်း ငါက လူသားကို အားလုံးပြောပြပြီး ဖြစ်သည်။ နှစ်ပေါင်း (၅၉၀၀) ကျော် ဖုံးကွယ်ထားသည့် ငါ၏လျှို့ဝှက်နက်နဲမှုများ အားလုံးကိုလည်း လူသားကို ဖော်ပြပြီးဖြစ်သည်။ ယေဟောဝါက မည်သူနည်း။ မေရှိယက မည်သူနည်း။ ယေရှုက မည်သူနည်း။ ဤမေးခွန်းအားလုံး၏ အဖြေကို သင်တို့ သိသင့်သည်။ ငါ၏အလုပ်သည် ဤအမည်များနှင့် ပတ်သက်သော အလုပ်ဖြစ်သည်။ ထိုအရာကို သင်တို့ နားလည်ပြီလော။ မြင့်မြတ်သန့်ရှင်းသော ငါ၏အမည်ကို မည်သို့မည်ပုံ ကြေညာသင့်သနည်း။ ငါ၏ အမည်တစ်ခုခုအားဖြင့် ငါ့ကို ခေါ်သည့် တိုင်းနိုင်ငံများအကြား၌ ငါ၏ အမည်ကို မည်သို့မည်ပုံ ပျံ့နှံ့စေသင့်သနည်း။ ငါ၏အလုပ်ကို ချဲ့ထွင်နေပြီ ဖြစ်ပြီးသည့်အပြင် ငါလုပ်ဆောင်သည့် အလုပ်ကို ငါသည် တိုင်းနိုင်ငံများအားလုံး အကြား၌ အပြည့်အဝ ပျံ့နှံ့စေမည်ဖြစ်သည်။ သင်တို့၌ ငါ့အလုပ်ကို လုပ်ဆောင်ခဲ့ပြီး ဖြစ်သောကြောင့် ငါသည် သင်တို့ကို နိုင်ငံတိုင်း နိုင်ငံတိုင်းသို့ ပျံ့နှံ့စေရန်အတွက် ယေဟောဝါက ဣသရေလနိုင်ငံ၌ ဒါဝိဒ်၏ မိသားစုမှ သိုးထိန်းများကို ရိုက်သကဲ့သို့ ငါသည် သင်တို့ကို ရိုက်မည်။ အကြောင်းမှာ နောက်ဆုံးသော ကာလ၌ ငါသည် နိုင်ငံတိုင်း နိုင်ငံတိုင်းကို တစ်စစီ ဖြစ်စေပြီး လူတို့ကို အသစ်တဖန် ပျံ့နှံ့စေမည်။ ငါပြန်လာသောအခါ၌ တိုင်းနိုင်ငံများသည် ငါ၏မီးတောက်များဖြင့် သတ်မှတ်ထားသည့် နယ်နိမိတ်များတစ်လျှောက် ပိုင်းခြားထားပြီး ဖြစ်လိမ့်မည်။ ထိုအချိန်၌ လူသားများအား ငါသည် ခြစ်ခြစ်တောက်ပူသော နေအဖြစ် ကိုယ့်ကိုယ်ကို အသစ်တဖန် ဖော်ပြမည်၊ သူတို့ အရင်က တစ်ခါမျှ မမြင်ဖူးသည့် မြင့်မြတ်သန့်ရှင်းသော သူအဖြစ် ကိုယ့်ကိုယ်ကိုယ် ထင်ထင်ရှားရှား ဖော်ပြမည်၊ ငါယေဟောဝါက ယုဒမျိုးနွယ်များ အကြား၌ တစ်ချိန်က လမ်းလျှောက်ခဲ့သလို လူအမျိုးမျိုး အစုစုတို့၏ တိုင်းနိုင်ငံများအကြား၌ ငါလျှောက်မည်။ ထိုအချိန်မှစ၍ ငါသည် ကမ္ဘာပေါ်၌ လူသားများ၏ အသက်တာကို ဦးဆောင်လမ်းပြမည်။ ထိုနေရာ၌ သူတို့သည် ငါ၏ ဘုန်းအသရေကို သေချာပေါက် မြင်လိမ့်မည်၊ သူတို့၏ အသက်တာ၌ လမ်းပြမည့် လေထုထဲမှ မိုးတိမ်တိုင်ကိုလည်း သေချာပေါက် မြင်လိမ့်မည်။ အကြောင်းမှာ မြင့်မြတ်သန့်ရှင်းသော နေရာများ၌ ငါသည် ကိုယ့်ကိုယ်ကိုယ် ဖော်ပြမည် ဖြစ်သောကြောင့် ဖြစ်သည်။ လူသားသည် ငါ၏ ဖြောင့်မတ်ခြင်း နေ့ရက်ကို မြင်တွေ့လိမ့်မည်။ ဘုန်းကြီးသော ငါ၏အသွင်သဏ္ဌာန်ကိုလည်း မြင်လိမ့်မည်။ တစ်လောကလုံးကို ငါအုပ်စိုးသောအချိန်၌၊ ငါ့သားများကို ငါ၏ ဘုန်းအသရေထဲသို့ ခေါ်ဆောင်လာသည့် အချိန်၌ ထိုသို့ ဖြစ်လိမ့်မည်။ ကမ္ဘာပေါ်ရှိ နေရာတိုင်း၌ လူတို့သည် ပျပ်ဝပ်ကြလိမ့်မည်။ ယနေ့ငါလုပ်ဆောင်နေသော အလုပ်၏ ကျောက်ပေါ်တွင် ငါ၏ တဲတော်ကို လူသားများအကြား၌ ခိုင်မြဲစွာ တည်ထားမည်။ လူသားတို့သည်လည်း ငါ့ကို ဗိမ္မာန်တော်၌ အစေခံ ကြလိမ့်မည်။ ညစ်ညမ်းပြီး စက်ဆုပ်ရွံရှာဖွယ်ကောင်းသည့် အရာများနှင့် ပြည့်နေသည့် ယဇ်ပလ္လင်ကိုလည်း ငါသည် တစ်စစီဖြစ်အောင် ဖျက်ဆီးပြီး အသစ်ပြန်လည် တည်ဆောက်မည်။ သိုးသားပေါက်များ၊ နွားသားပေါက်များသည် မြင့်မြတ်သန့်ရှင်းသော ယဇ်ပလ္လင်ပေါ်၌ ပုံနေလိမ့်မည်။ ငါသည် ယနေ့ခေတ်ဗိမ္မာန်တော်ကို ဖြိုချပြီး ဗိမ္မာန်တော်ကိုတော်သစ်ကို ဆောက်မည်။ စက်ဆုပ်ဖွယ်ကောင်းသော လူများနှင့် ပြည့်နေသည့် ယနေ့တွေ့ရသည့် ဗိမ္မာန်တော်သည် ပြိုလိမ့်မည်။ ငါတည်ဆောက်သောဗိမ္မာန်တော်သစ်သည် ငါ့အပေါ်သစ္စာရှိသော အစေခံများနှင့် ပြည့်နေလိမ့်မည်။ ငါ၏ ဗိမ္မာန်တော်၏ ဘုန်းအသရေအတွက် သူတို့သည် တစ်ဖန်ထပြီး ငါ့ကို အစေခံကြလိမ့်မည်။ ကြီးမားသော ဘုန်းအသရေကို ငါလက်ခံရရှိသော နေ့ကို သင်တို့ သေချာပေါက် မြင်လိမ့်မည်။ ဗိမ္မာန်တော်ကို ဖြိုချပြီး အသစ်ပြန်လည် တည်ဆောက်သည့် နေ့ကိုလည်း သင်တို့ သေချာပေါက် မြင်လိမ့်မည်။ လူသားတို့၏ ကမ္ဘာသို့ ငါ၏တဲတော် ရောက်လာသည်ကိုလည်း သင်တို့ သေချာပေါက် မြင်တွေ့ကြလိမ့်မည်။ ငါသည် ဗိမ္မာန်တော်ကို ဖြိုသောအချိန်၌ လူသားတို့၏ ကမ္ဘာသို့ ငါ၏ တဲတော်ကိုလည်း ယူဆောင်လာမည်၊ ငါ၏ကြွဆင်းလာခြင်းကို သူတို့ မြင်ရချိန်၌ပင် ဖြစ်မည်။ ငါသည် တိုင်းနိုင်ငံအားလုံးကို ဖျက်ဆီးပြီးနောက် လူမျိုး အသီးသီးကို အသစ်တဖန် စုစည်းပြီးနောက် ငါ၏ဗိမ္မာန်တော်ကို တည်ဆောက်မည်၊ ငါ၏ ယဇ်ပလ္လင်ကို တည်မည်။ လူသားများအားလုံး ပူဇော်သက္ကာများကို ငါ့ထံဆပ်ကပ်နိုင်ဖို့၊ ငါ၏ ဗိမ္မာန်တော်၌ ငါ့ကို အစေခံနိုင်ဖို့၊ တစ်ပါးအမျိုးသား တိုင်းနိုင်ငံများ၌ ငါ၏အလုပ်အတွက် သူတို့ကိုယ်ကို လုံးလုံးလျားလျား သစ္စာရှိစွာ ပေးအပ်အစေခံနိုင်စေဖို့ ဖြစ်သည်။ သူတို့သည် ယနေ့ခေတ် ဣသရေလ လူမျိုးများကဲ့သို့ ဖြစ်လိမ့်မည်၊ သူတို့သည် ယဇ်ပုရောဟိတ် ဝတ်ရုံကို ဝတ်ပြီး သရဖူကို ဆောင်းထားလိမ့်မည်၊ သူတို့အကြား၌ ငါ ယေဟောဝါ၏ ဘုန်းတန်ခိုးသည်လည်း ရှိနေလိမ့်မည်။ ငါ၏ ကြီးမြတ်သော ဘုန်းတန်ခိုးသည် သူတို့အပေါ်၌သာမက သူတို့ အကြား၌လည်း ရှိနေလိမ့်မည်။ တစ်ပါးအမျိုးသား တိုင်းနိုင်ငံများ၌လည်း ငါသည် ဤသို့ လုပ်ဆောင်မည် ဖြစ်သည်။ ဣသရေလနိုင်ငံအကြား၌ ငါလုပ်ဆောင်ခဲ့သကဲ့သို့၊ တစ်ပါးအမျိုးသား တိုင်းနိုင်ငံများအကြား၌လည်း ငါလုပ်ဆောင်မည် ဖြစ်သည်။ အကြောင်းမှာ ငါသည် ဣသရေလနိုင်ငံ၌ ငါ၏အလုပ်ကို ချဲ့ထွင်ပြီး တစ်ပါးအမျိုးသား တိုင်းနိုင်ငံများထံ ပျံ့နှံ့စေမည့်အတွက်ကြောင့် ဖြစ်သည်။

ဤအချိန်သည် ကြီးမားသော အမှုများကို ငါ၏ဝိညာဉ်က လုပ်ဆောင်နေချိန် ဖြစ်သည်။ တစ်ပါးအမျိုးသား တိုင်းနိုင်ငံများအကြား၌ ငါ၏အလုပ်ကို စတင်လုပ်ဆောင်နေချိန် ဖြစ်သည်။ ထို့အပြင် ဤအချိန်သည် ငါဖန်ဆင်းထားသူများ အားလုံးကို တစ်ဦးချင်း သက်ဆိုင်ရာ အုပ်စုအလိုက် ခွဲခြားနေချိန် ဖြစ်သည်။ ငါ၏ အလုပ် လျင်လျင်မြန်မြန်နှင့် ထိထိရောက်ရောက် ရှေ့ဆက်နိုင်ရန်အတွက် ထိုသို့လုပ်ဆောင်ခြင်းဖြစ်သည်။ ငါသင်တို့ဆီမှ တောင်းဆိုနေသည်မှာ ငါ၏အလုပ်အားလုံးအတွက် သင်တို့ကိုယ်ကိုသာမက ရှိရှိသမျှကို ဆက်ကပ်ဖို့ ဖြစ်သည်။ ထို့အပြင် သင်၌ ငါလုပ်ဆောင်ခဲ့သမျှကို သင်သည် ရှင်းရှင်းလင်းလင်း ထိုးထွင်းနားလည်ကာ သေသေချာချာ သိသင့်သည်။ ငါ့အလုပ် ပိုမိုထိရောက်စေရန်အတွက် သင်သည် သင့်ခွန်အား အားလုံးကို အသုံးပြုသင့်သည်။ ဤအချက်ကို သင်နားလည်ရမည်။ အချင်းချင်း ခိုက်ရန်ဖြစ်ခြင်း၊ နောက်ကြောင်းပြန်လှည့်ဖို့ လမ်းကို ရှာဖွေခြင်း၊ ကာမဂုဏ်၌ ပျော်မွေ့ဖို့ ကြိုးစားခြင်းကို ရှောင်ကြလော့။ ငါ၏အလုပ်ကို နှောင့်နှေးစေသည့်အပြင် သင်၏ အံ့သြဖွယ် အနာဂါတ်ကို ပျက်စီးစေနိုင်သည့် အရာများဖြစ်သည်။ ထိုအရာများကို လုပ်ဆောင်ခြင်းသည် သင့်ကို အကာအကွယ် လုံးဝမပေးနိုင်သည့်အပြင် သင့်ကို ပျက်စီးစေမည် ဖြစ်သည်။ ထိုအရာများကို လုပ်ဆောင်ခြင်းသည် မိုက်မဲခြင်းပင် ဖြစ်သည် မဟုတ်လော။ ယနေ့ သင်လောဘတကြီး မွေ့လျော်နေသော အရာများသည် အနာဂါတ်၌ သင့်ကို ဖျက်ဆီးမည့်အရာများ ဖြစ်ပြီး ယနေ့သင် ခံစားနေသည့် နာကျင်မှုသည် သင့်ကို အကာအကွယ်ပေးနေသည့် အရာပင် ဖြစ်သည်။ ဤအရာများကို သင် ရှင်းရှင်းလင်းလင်း သိဖို့လိုသည်၊ သို့မှသာ သင့်ကိုယ်သင် လွတ်မြောက်စေရန် အခက်တွေ့မည့် ဖြားယောင်းသွေးဆောင်မှုများ၏ သားကောင်ဖြစ်ခြင်းမှ ရှောင်ရှားရန်နှင့် ထူထပ်သည့်မြူများထဲ၌ စမ်းတဝါးဝါးဖြစ်ပြီး နေကို မမြင်နိုင်ခြင်းအား ရှောင်ရှားရန်အလို့ငှာ ဖြစ်သည်။ မြူထူများ မရှိတော့သောအခါမှ တရားစီရင်သည့် အထူးနေ့၌ သင်တရားစီရင်ခြင်း ခံနေရသည်ကို သင်တွေ့မည် ဖြစ်သည်။ ထိုအချိန်သည် လူသားများအတွက် ငါ၏ နေ့ရက် ရောက်နေပြီးဖြစ်သည့် အချိန် ဖြစ်လိမ့်မည်။ ငါ၏တရားစီရင်မှုမှ သင်မည်သို့ လွတ်မြောက်မည်နည်း။ ခြစ်ခြစ်တောက်ပူသည့် နေ၏ဒဏ်ကို သင်မည်သို့ ခံနိုင်မည်နည်း။ ငါ၌ အလျှံပယ် ကြွယ်ဝခြင်းအား လူသားကို ပေးသောအခါ၌ သူသည် ငါပေးသည့်အရာများကို မြတ်မြတ်နိုးနိုး ရင်ဝယ်ပိုက်ထားခြင်း မရှိဘဲ၊ မည်သူမျှ သတိမထားမိမည့် နေရာ၌ ပစ်ထားခဲ့သည်။ ငါ၏ နေ့ရက် ရောက်သော အခါ၌ လူသားသည် ငါ၌ အလျှံပယ် ကြွယ်ဝခြင်းကို လည်းကောင်း၊ တစ်ချိန်က သူ့ကို ငါပြောခဲ့သည့် ခါးသီးဖွယ် သမ္မာတရား စကားကို လည်းကောင်း ရှာဖွေတွေ့ရှိနိုင်မည် မဟုတ်။ လူသည် အလင်း၏ တောက်ပမှုကို ဆုံးရှုံးပြီး အမှောင်ထဲသို့ ကျသောကြောင့် သူသည် ငိုကြွေးမြည်တမ်းမည်။ သင်တို့ ယနေ့တွေ့ရသော အရာများသည် ငါ၏နှုတ်မှ ထက်သော ဓားကိုသာ မြင်ခြင်းဖြစ်သည်။ ငါ၏လက်ထဲ၌ရှိသော တုတ်ကိုသော်လည်းကောင်း လူကို လောင်ကျွမ်းစေသည့် မီးကိုသော်လည်းကောင်း သင်တို့ မမြင်ရသေးပေ။ ထို့ကြောင့် သင်တို့သည် ငါ၏ ရှေ့မှောက်၌ မောက်မာနေဆဲ၊ ကာမဂုဏ်၌ လွန်ကျူးနေဆဲ ဖြစ်သည်။ ထို့ကြောင့် ငါ၏ အိမ်တော်၌ သင်တို့သည် ငါ့ကို တိုက်ခိုက်နေဆဲ ငါ့နှုတ်ဖြင့် မြွက်ခဲ့သည့်အရာကို လူသား၏လျှာကိုသုံးပြီး အငြင်းပွားနေဆဲဖြစ်သည်။ လူသည် ငါ့ကို ကြောက်ရွံ့ခြင်းမရှိ၊ ယနေ့တိုင်ငါ့ကို ရန်တွေ့နေသော်လည်း သူသည် ကြောက်ရွံ့ခြင်း လုံးဝမရှိပေ။ သင်တို့၏ နှုတ်များ၌ မဖြောင့်မတ်သော လျှာများ၊ သွားများသာ ရှိကြပြီး သင်တို့၏ စကားများနှင့် လုပ်ဆောင်သော အရာများသည်လည်း ဧဝကို အပြစ်လုပ်အောင် သွေးဆောင်ခဲ့သည့် မြွေ၏ လုပ်ရပ်များကဲ့သို့ ဖြစ်သည်။ သင်တို့သည် တစ်ယောက်ကို တစ်ယောက် မျက်လုံးတစ်လုံးဖျက်လျှင် မျက်လုံးတစ်လုံး၊ သွားတစ်ချောင်းချိုးလျှင် သွားတစ်ချောင်းဆိုပြီး အစားလျော်စေသည်။ ကိုယ့်သွားချိုးခြင်းကို ခံဖို့တောင်းဆို ကြသည်။ ငါ၏ မျက်မှောက်၌ နေရာရဖို့၊ ကျော်ကြားဖို့၊ အမြတ်ရဖို့အတွက် သင်တို့သည် တစ်ယောက်ထံမှ တစ်ယောက်က လုယူကြသည်။ သင်တို့ ပြောသောစကားများနှင့် သင်တို့၏ လုပ်ရပ်များကို ငါတိတ်တဆိတ် စောင့်ကြည့်နေကြောင်းကို သင်တို့ မသိကြ။ သင်တို့ ငါ့မျက်မှောက်သို့ မလာခင်၌ပင် ငါသည် သင်တို့နှလုံးသား အောက်ခြေအထိတိုင်အောင် တိုင်းထွာပြီး ဖြစ်သည်။ လူသားသည် အစဉ်သဖြင့် ငါ့လက်မှ ရုန်းထွက်လိုကြပြီး ငါ၏ မျက်စိအောက်မှလည်း ရှောင်ထွက်လိုကြသည်။ သို့သော် ငါမူကား သူပြောသောစကားများနှင့် သူလုပ်သော အရာများကို တစ်ကြိမ်တစ်ခါမျှ မရှောင်ခဲ့ပေ။ ထိုအစား လူသား၏ မဖြောင့်မတ်မှုကို ပြစ်တင်ဆုံးမပြီး ငါ့အား ပုန်ကန်ခြင်းကို တရားစီရင်ရန်အတွက် သူပြောသောစကားများနှင့် သူလုပ်သော အရာများကို ငါ့မျက်စိရှေ့၌ ရည်ရွယ်ချက်ရှိရှိ ထားရှိစေခဲ့သည်။ ထို့ကြောင့် သူလျှို့ဝှက်စွာ ပြောဆိုခဲ့သည့် စကားနှင့် လျှို့ဝှက်စွာ လုပ်ခဲ့သည့် အရာများသည် ငါ၏ တရားစီရင်သည့် ပလ္လင်ရှေ့၌ အစဉ် ရှိနေသည်။ လူသား၏ ပုန်ကန်မှုသည် လွန်ကဲလှသောကြောင့် ငါ၏ တရားစီရင်ခြင်းသည် လူရှေ့၌ အမြဲ ရှိနေသည်။ ငါ၏ ဝိညာဉ်ရှေ့၌ လူသား ပြောဆိုခဲ့သည့်စကားများ၊ လုပ်ဆောင်ခဲ့သည့် လုပ်ရပ်များကို လောင်ကျွမ်းစေပြီး သန့်ရှင်းစေဖို့သည် ငါ၏အလုပ် ဖြစ်သည်။ ထိုသို့လုပ်ဆောင်ခြင်းဖြင့်က လောကမှ ငါထွက်ခွာသောအခါ သူတို့သည် ငါ့အပေါ် ဆက်လက် သစ္စာရှိနေမည် ဖြစ်သည်။ ငါ၏အလုပ်အတွက် မြင့်မြတ် သန့်ရှင်းသော ငါ၏အစေခံများ လုပ်ဆောင်သကဲ့သို့ ငါ့ကို ဆက်လက် အစေခံမည်ဖြစ်သည်။ လောက၌ လုပ်ဆောင်လျက်ရှိသော ငါ၏အလုပ် ပြီးသည့်နေ့ ရောက်သည်အထိ ငါ၏ အလုပ်ဆက်နေစေရန် ထိုသို့ လုပ်ဆောင်ကြမည် ဖြစ်သည်။

အောက်ခြေမှတ်စု(များ)-

က။ မူရင်းစာသားတွင် “ထိုသို့လုပ်ဆောင်ခြင်းဖြင့်” ဟူသော စကားရပ်မပါဝင်ပါ။

ယခင်က:ကယ်တင်ရှင်သည် "ဖြူသောမိုးတိမ်" အားစီးလျက် ကြွလာခဲ့ပြီးဖြစ်သည်

နောက်တစ်ခုသို့:ပညတ်တော်ခေတ်မှ အမှုတော်

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ