အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၂၁။ အသက်ရှင်ခြင်းနှင့် သေခြင်း၏တိုက်ပွဲ

ချမ်မိုရမ်၊ ဟီနန်စီရင်စု

အနန္တတန်ခိုးရှင်ဘုရားသခင်၏နှုတ်တော်ထွက်စကားများက ဤသို့ မိန့်ကြားထားသည်- "သင်သည် ဇာတိပကတိကို တွန်းလှန်သည့်အခါ သင့်အတွင်းထဲ၌ ရှောင်လွှဲ၍မရသည့် တိုက်ပွဲတစ်ခု ဖြစ်လာပါလိမ့်မည်။ စာတန်က လူတို့ကို သူ့နောက်သို့ လိုက်စေဖို့ ကြိုးစားမည်ပင်။ ဇာတိပကတိ၏ အယူအဆနောက်ကို သူတို့အား လိုက်စေဖို့ ကြိုးစားလိမ့်မည်ဖြစ်ပြီး ဇာတိပကတိအပေါ် စိတ်ဝင်စားမှုကို ထိန်းထားမည်ပင်။ သို့သော်လည်း ဘုရားသခင်၏ နှုတ်ကပတ်တော်များသည် လူတို့အထဲ၌ ထွန်းလင်း တောက်ပစေမည် ဖြစ်သည်။ ဤအချိန်၌ သင်က ဘုရားနောက်ကို လိုက်မလား သို့မဟုတ် စာတန်နောက်ကို လိုက်မလား ဆိုသည်မှာ သင့်အပေါ်မှာ မူတည်သည်။ အဓိကအားဖြင့် လူတို့အတွင်း၌ရှိသော အရာများကို ကိုင်တွယ်ဖြေရှင်းရန်အတွက်၊ ဘုရားသခင်၏ စိတ်နှလုံးနှင့် မညီညွတ်သော သူတို့၏အတွေးများနှင့် အယူအဆများကို ကိုင်တွယ်ဖြေရှင်းရန်အတွက် ဘုရားသခင်က လူများအား သမ္မာတရားကို လက်တွေ့ကျင့်သုံးဖို့ တောင်းဆိုသည်။ သန့်ရှင်းသော ဝိညာဉ်တော်သည် လူများ၏စိတ်နှလုံးကို တို့ထိပြီး သူတို့ကို အလင်းပေးကာ အသိဉာဏ်ပွင့်လင်းစေသည်။ ထို့ကြောင့် ဖြစ်ပျက်နေသည့် အရာအားလုံး၏ နောက်မှာ တိုက်ပွဲတစ်ခုရှိသည်။ လူတို့အနေဖြင့် သမ္မာတရားကို လက်တွေ့ကျင့်သုံးသည့် အချိန်တိုင်း၌၊ သို့မဟုတ် ဘုရားသခင်အား ချစ်ခြင်းကို လက်တွေ့ကျင့်သုံးသည့်အချိန်တိုင်း၌ ကြီးမားသည့် တိုက်ပွဲတစ်ခုရှိသည်။ သူတို့၏ဇာတိပကတိမှာ အားလုံးက အဆင်ပြေနေပုံပေါက်နေနိုင်သော်လည်း စင်စစ်အားဖြင့် သူတို့၏နှလုံးသားအတွင်းပိုင်း၌မူ သေရေးရှင်ရေးတိုက်ပွဲတစ်ခု ဖြစ်ပေါ်နေလိမ့်မည်။ ဤပြင်းထန်သောတိုက်ပွဲ ပြီးဆုံးသည့်အခါမှသာ၊ ကြီးမားစွာ နှိုင်းဆဆင်ခြင်ပြီးသည့်အခါမှသာ အောင်မြင်မှုနှင့် ကျရှုံးမှုကို အဆုံးအဖြတ်ပေးနိုင်သည်။ ငိုရမည်လော၊ ရယ်ရမည်လောဆိုသည်ကို မသိပေ။" (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်") ဤကျမ်းပိုဒ်ကို ဖတ်သည့်အချိန်တိုင်းတွင် အောက်ပါအချက်ကို ကျွန်မ ဆင်ခြင်မိပါသည်။ သမ္မာတရားကို အမှန်တကယ်လိုက်လျှောက်ခြင်းဟာ ဤမျှခက်ခဲပါသလား။ လူသားများသည် သမ္မာတရားကို နားမလည်သောအခါ သူတို့သည် ဤသမ္မာတရားကို မလိုက်လျှောက်နိုင်ပါ။ နားလည်သဘောပေါက်သောအခါ ဘုရားသခင်၏အလိုတော်အတိုင်းသာ လုပ်ဆောင်ကြသည်မဟုတ်ပါလား- "စင်စစ်အားဖြင့် သူတို့၏နှလုံးသားအတွင်းပိုင်း၌မူ သေရေးရှင်ရေးတိုက်ပွဲတစ်ခု ဖြစ်ပေါ်နေလိမ့်မည်။” ကဲ့သို့အမှန်တကယ်အလေးအနက်ဖြစ်စေနိုင်ပါ့မလား။ ကျွန်မကိုယ်တိုင်တွေ့ကြုံပြီးမှသာ အမှန်တကယ်ပင် သမ္မာတရားကိုလိုက်လျှောက်ခြင်းသည်မလွယ်ကူကြောင်း ကျွန်မသိရှိလာခဲ့သည်။ ဘုရားသခင်မိန့်မှာခဲ့သည့်အရာမှာ သမ္မာတရားဖြစ်ပြီး မှန်ကန်သောအရာများနှင့် တစ်ထပ်တည်းဖြစ်ပါသည်။ အနည်းငယ်မျှ ပုံကြီးမချဲ့ခဲ့ပါ။

လွန်ခဲ့သောအချိန်ကာလအနည်းတုန်းက ကျွန်မနှင့် ကျွန်မ၏ တွဲဖက်ဖြစ်သောအစ်မကြားတွင် တာဝန်ယူမှုအပေါ် အချို့သဘောထားများ မတိုက်ဆိုင်မှုကြောင့် ခြားနားမှုကြီးတစ်ခုရှိလာခဲ့သည်။ သူမသည် ကျွန်မအပေါ်တွင်မာနထောင်လွှားပြီး အထင်သေးသည်ဟု ခံစားခဲ့ရသည်။ ထိုကြောင့် ကျွန်မသည် မှားယွင်းသောအခြေအနေတစ်ခုတွင် နစ်မွန်းသွားခဲ့သည်။ သူမကြောင့် ကျွန်မသည် ကိုယ့်ကိုယ်ကိုယ် ထိန်းလာခဲ့သည်။ ကျွန်မ တာဝန်ထမ်းဆောင်နေစဉ်တွင် စိတ်ကိုလွတ်မထားနိုင်ခဲ့ပါ။ မကြာခင်တွင် ကျွန်မသည် စကားပြောသည့်အခါ အောက်ကျို့ပြီး တစ်ခုခုလုပ်နေစဉ် သို့မဟုတ် စကားပြောနေစဉ်တွင် သူမ၏ မျက်နှာအနေအထားကိုကြည့်ပြီးလုပ်သည်အထိ ကျွန်မ၏ ပြုမှုလှုပ်ရှားမှုတို့ကို သတိထားလာခဲ့ပြီး အလုပ်ကို တာဝန်ယူခြင်းမရှိခဲ့ပါ။ ကျွန်မသည် အမှောင်ထုတွင် လုံးလုံးလျားလျားအသက်ရှင်လာခဲ့သည်။ ကျွန်မ၏အခြေအနေသည် အန္တရာယ်ရှိမှန်း သိခဲ့သော်လည်း ကျွန်မကိုယ်တိုင် မလွှတ်မြောက်နိုင်ခဲ့ပါ။ နာကျင်ဝေဒနာခံစားနေရသည့်အချိန်တွင်း ကျွန်မသည် ဘုရားသခင်ထံ ထပ်ခါတလဲလဲဆုတောင်းခဲ့ပြီး တဖြည်းဖြည်းခြင်း ဘုရားသခင်၏ သစ္စာဉာဏ်အလင်းနှင့် လမ်းပြမှုကို ရယူခဲ့ပါသည်။ ဤပုံစံမျိုးဖြင့် ရှေ့မဆက်နိုင်တော့ပါ။ ကျွန်မသည် ဤအစ်မ နှင့် ပွင့်ပွင့်လင်းလင်းစကားပြောပြီး အလင်းရှိရာလမ်းကို ရှာဖွေသင့်သည်။ ထို့အပြင် ကျွန်မလျှောက်လမ်းရမည့် လမ်းတစ်သွယ်ရှိသည်ဟုခံစားရပြီး ကျွန်မအစ်မနှင့် မိတ်သဟာယဖွဲ့ရင်းနှင့် ရင်ဖွင့်ပြီးပြောပြရန် ဆုံးဖြတ်ချက်ချခဲ့သည်။ သို့သော် ကျွန်မအစ်မ၏တံခါးကိုဖွင့်မည့်အချိန်တွင် မတူညီသောအတွေးတစ်ခုဝင်လာခဲ့သည်- "ငါ့ အစ်မကို ဒီအကြောင်းကို ပြောပြရင် သူက ဘယ်လိုထင်မှာလဲ။ ငါက အသေးအဖွဲတွေ အရမ်းတွေးတယ်။ ဒုက္ခပေးလွန်းတယ်။ ဆက်ဆံရတာ အရမ်းခက်တယ်လို့ပြောမှာလား။" ဤအတွေးဝင်ဝင်လာချင်းတွင်ပဲ မထီလေးစားပြုသည့်ပုံစံဖြင့် သူမ၏ မျက်လုံးမှ ရီနေသည့်အကြည့်ကို ကျွန်မ မြင်လိုက်ရသလိုပင်ဖြစ်သည်။ ရုတ်တရက်ပင် ကျွန်မ၏ရဲရင့်ခြင်းတွေ ပျောက်ကွယ်ပြီး အားလျော့လာခဲ့သည်။ ကျွန်မ၏ခန္ဓာကိုယ်တစ်ခုလုံး တောင့်တင်းနေသလိုပင် ဖြစ်သည်။ နောက်တစ်ကြိမ်၊ ဘုရားသခင်သည် ကျွန်မ၏အတွင်းမှ ကျွန်မကို လမ်းညွှန်ပါသည်။ “အကယ်၍ သင၏ပုဂ္ဂိုလ်ရေးရာအကြောင်းများကို ပြောပြရန် အလွန်ခက်ခဲသည်ဆိုလျှင် အမှောင်ထုထဲမှ ရုန်းထွက်လာရန် ခက်ခဲလိမ့်မည်။ ဤကဲ့သို့ ရှေ့ဆက်ရန် သင်အလိုရှိပါသလား”။ ထို့ကြောင့် ကျွန်မသည် ရဲရင့်ခြင်းကို နောက်တစ်ကြိမ်ကိုင်စွဲပြီး ကိုယ့်ကိုကိုယ်တိတ်ဆိတ်စွာအားပေးခဲ့သည်။ "ရဲရင့်ပါ၊ ရိုးရှင်းပြီး ပွင့်လင်းပါ။ သမ္မာတရားကို လိုက်လျှောက်ဖို့ လုံးဝရှက်ကြောက်စရာမလိုဘူး။" သို့သော်လည်းတစ်ချိန်တည်းတွင် ဆန့်ကျင်ဘက်ခံစားချက်တစ်ခုကျွန်မအထဲတွင် ကိန်းအောင်းလာခဲ့သည်- "ဘာမှမပြောနဲ့။ မင်းက အဆင်ပြေနေတယ်လို့ သူထင်ကောင်းထင်လိမ့်မယ်။ ပြောပြလိုက်ရင် မင်းစိတ်ကို သူသိသွားပြီး မင်းကို အထင်သေးမယ်။ မင်းက အသေးအဖွဲတွေ အများကြီးတွေးနေတယ်လို့စဉ်းစားမိပြီး မင်းကိုကြည်မှာမဟုတ်တော့ဘူး။" "ကောင်းပြီ။ ဘာမှမပြောပြတာ ပိုကောင်းတယ်။" နောက်ထပ်တစ်ကြိမ် ကျွန်မပြန်လည်တုန်လှုပ်သောအခါ ဘုရားသခင်သည် ကျွန်မကို နောက်တစ်ဖန် လမ်းပြခဲ့သည်။ “ရိုးသားတဲ့လူတစ်ယောက်ဆိုတာ မျက်နှာပျက်ရဖို့ရှက်ပြီးကြောက်နေလို့မရဘူး”။ဘုရားသခင်၏ဖွင့်ပြခြင်းသည် ကျွန်မကို စိတ်လှုပ်ရှားစေခဲ့ပါသည်။ သို့သော်လည်း ကျွန်မအံ့သြရသည်မှာ ကျွန်မ ရဲရင့်ခြင်းကို အနည်းငယ်ရသည့်အချိန်မှာပင် စာတန်၏ဉာဏ်နီဉာဏ်နက်သည် နောက်တစ်ကြိမ် ထွက်ပေါ်လာခဲ့သည်။ “မင်းပြောပြလိုက်ရင် တခြားလူတွေက မင်းရဲ့တကယ့်စိတ်ကိုသိသွားပြီး မင်းဒုက္ခရောက်ရလိမ့်မယ်။” ကျွန်မရဲ့နှလုံးသားဟာ ရုတ်တရက်ဘဲ တင်းကြပ်သွားခဲ့သည်။ ဤပုံစံဖြင့်ကျွန်မနှလုံးသားကို အဆိုးနှင့် အကောင်း၊ အဖြူနှင့်အမည်းကြားတို့ရှိ တိုက်ပွဲတွင် ဆွဲထည့်၊ ဆွဲထုတ်နေခဲ့သည်။ ကျွန်မရှင်းရှင်းလင်းလင်းသိသည်။ ကျွန်မစကားမပြောလိုသည်မှာ ဝင့်ဝါလိုမှုကြောင့် ကျွန်မနာမည်ကို ကာကွယ်ရန်နှင့် ကျွန်မ၏ ဂုဏ်ကို ကာကွယ်ရန်ဖြစ်သည်။ ဤနည်းလမ်းကို ဆက်လက်လုပ်ဆောင်လျှင် ကျွန်မ၏အခြေအနေကို မဖြေရှင်းပေးသည်သာမက အသင်းတော်၏လုပ်ငန်းအတွက် အကျိုးကျေးဇူးလည်းမရှိပါ။ ဤပြဿနာကို ဖြေရှင်းရန် သမ္မာတရားကို ရှာဖွေရန်သာဖြစ်သည်။ ထိုမှသာ လုပ်ဆောင်ရာတွင် အကျိုးကျေးဇူးရှိပြီး ဘုရားသခင်၏အလိုတော်နှင့်အညီဖြစ်လာမည်။ သို့သော် အတွေးတစ်ခုသည် ကျွန်မအထဲတွင် ဖြစ်ပွားခဲ့သည်။ ထိုအရာအား သူမ သိသိချင်းပင် ကျွန်မဟာ အားနည်းသူ၊ သမ္မာတရားကို လိုက်လျှောက်ရန် ရဲရင့်ခြင်းမရှိသူဟု သူမက ကျွန်မ၏အကြောင်းကို သိမြင်လာသည့်အပြင် အထင်သေးကောင်းသေးလိမ့်မည်။ ကျွန်မ၏အကျည်းတန်မှုကို ပြောပြလျှင် ကျွန်မဆက်လက်အသက်ရှင်နိုင်မည်မဟုတ်တော့ဟု ခံစားခဲ့ရသည်။ တစ်ခဏအတွင်း ကျွန်မသေလောက်အောင် အလွန်ဝမ်းနည်းခဲ့ပြီး မီးလောင်ခံရသလို ကျွန်မနှလုံးသားဟာ အင်မတန်နာကျင်ခဲ့သည်။ အသက်ရှင်ခြင်း (သို့) သေခြင်းဆိုင်ရာရွေးချယ်မှုနှင့် ရင်ဆိုင်ခဲ့ရသည့်အတိုင်း ခက်ခဲခဲ့သည်။ အမှတ်မထင် ကျွန်မမျက်ရည်များစွာကျခဲ့ပြီး အကူအညီမဲ့စွာ ကျွန်မနှလုံးသားနှင့် ဘုရားသခင်ထံ ငိုကြွေးဖို့ရန်သာ ဖြစ်ခဲ့သည်။

ထိုအချိန်ခဏတွင် ကျွန်မ၏စိတ်ထဲ၌ ဘုရားသခင်၏နှုတ်ကပတ်တော်များ ထွက်ပေါ်လာသည်- "သူတို့သည် သမ္မာတရားနှင့် မကင်းကွာသင့်ကြသကဲ့သို့ အယောင်ဆောင်ခြင်းနှင့် မဖြောင့်မတ်ခြင်းတို့ကိုလည်း မသိုထားသင့်ဘဲ ... လူငယ်များတွင် အမှောင်စွမ်းအား၏ ဖိနှိပ်မှုကို အရှုံးမပေးရန်နှင့် သူတို့ရပ်တည်မှု၏ အရေးပါမှုကို အသွင်သဏ္ဌာန် ပြောင်းလဲပစ်ရန်အလို့ငှာ ရဲစွမ်းသတ္တိ ရှိသင့်သည်။" (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "လူငယ်နှင့် လူကြီးတို့အတွက် နှုတ်ကပတ်တော်များ") အဆုံးတွင် ဘုရားသခင်၏နှုတ်ကပတ်တော်သည် ကျွန်မ၏မတည်ငြိမ်သောနှလုံးသားအား ငြိမ်သက်ခွင့်ကိုရရှိစေခဲ့သည်။ နှုတ်ကပတ်တော်အားဖြင့် ဘုရားသခင်၏အလိုတော်ကို ကျွန်မနားလည်လာခဲ့သည်။ သမ္မာတရားကိုလိုက်စားရန် ကျွန်မသည် ဖြောင့်မတ်ခြင်းသို့ပြောင်းလဲလာပြီး ကျွန်မမှာ ယုံကြည်ခြင်းနှင့် ရဲရင့်ခြင်းတို့ ရှိရန် ဘုရားသခင်က မျှော်လင့်ခဲ့သည်။ လက်တွေ့လိုက်လျှောက်ရန်၊ ဟန်ဆောင်မှု၊ အဆင့်အတန်းနှင့် အချည်းနှီးတို့ကို ကျော်လွှားရန်၊ ရိုးသားသောသူတစ်ဦးဖြစ်ရန်၊ တည်ကြည်ဖြောင့်မတ်ခြင်းဖြင့်နေထိုင်ရန် ဖြစ်သည်။ လက်တွေ့လိုက်လျှောက်ရန် ဘုရားသခင်၏နှုတ်ကပတ်တော်သည် ယုံကြည်ခြင်းနှင့် ရဲရင့်ခြင်းတို့ကို ကျွန်မအား ပေးခဲ့ပါသည်။ မည်သို့ပင်ဖြစ်စေကာမူ၊ မျက်နှာပျက်ခြင်းကို အဘယ်သူက ဂရုစိုက်နေမည်နည်း။ ကျွန်မဟာ စာတန်၏လှောင်ပြောင်မှုတွင် ထိန်းချုပ်ခံရသူမဟုတ်တော့ပါ။ ကျွန်မသည် ဘုရားသခင်ကို မဆန့်ကျင်တတ်တော့ပါ။ ကိုယ့်ကိုယ်ကိုယ်ငြင်းပယ်ပြီး သမ္မာတရားကို လိုက်လျှောက်တော့မည်။ ကျွန်မအစ်မကို ရှာဖွေပြီး သူမနှင့်အတူ နှလုံးသားချင်းမိတ်သဟာရဖွဲ့မှုရှိရန် ဆုံးဖြတ်ချက်ချလိုက်သောအခါ ရလဒ်များသည် ကျွန်မမျှော်လင့်သည်ထက် သာ၍ကျော်လွန်ခဲ့သည်။ ကျွန်မကို အထင်မသေးခဲ့သည့်အပြင် သူမ၏ ကျဆုံးခြင်းကို ဝန်ခံခဲ့သည်။ အားနည်းချက်များကို သိရှိ၊ သင်ခန်းစာယူပြီး ကျွန်မကို တောင်းပန်ခဲ့သည်။ နောင်လာမည့်အချိန်တွင် ပြဿနာတစ်ခုကို ရင်ဆိုင်ရသောအခါ တစ်ဦးနှင့်တစ်ဦးနက်ရှိုင်းသောနားလည်မှုကို ရရှိရန်နှင့် သမ္မာတရားကို နာခံခြင်းသည် ကျွန်မတို့၏အခြေခံအုတ်မြစ်သဖွယ် မှတ်ယူရန် ကျွန်မတို့ သမ္မာတရားကို လိုက်လျှောက်သင့်ပြီး ကိုယ့်အားနည်းချက်များကို အားသာချက်များဖြစ်ရန် တစ်ဦးနှင့်တစ်ဦးအပြန်အလှန်လေ့လာနိုင်ကြောင်းတို့ကို ပြောခဲ့ကြသည်။ ဘုရားကျောင်း၏လုပ်ငန်းတာဝန်ကို အတူလုပ်ဆောင်ရန်လည်း ပြောပြခဲ့သည်။ ဤအရာသည် လက်နက်များမပါဘဲလျှက် တိုက်ပွဲကိုဘယ်လိုအဆုံးသတ်စေခဲ့ကြောင်းဖြစ်သည်။ ကျွန်မ၏ပြဿနာသည် ပြေလည်သွားခဲ့ပြီး ကျွန်မနှလုံးသားတွင် လွတ်လပ်မှုနှင့် တောက်ပမှုကို ခံစားခဲ့ရသည်။ ယခုအချိန်တွင် ကျွန်မနှလုံးသားထဲတွင်ရှိသောပြင်းထန်သောတိုက်ပွဲနှင့်၊ အသက်ရှင်ခြင်း (သို့မဟုတ်) သေခြင်းတိုက်ပွဲကိုကြုံခဲ့ရသလိုမျိုးနာကျင်မှုတို့အား ပြန်လည်တွေးတောကြည့်သည့်အခါတွင် မျက်နှာရခြင်းနှင့် အဆင့်အတန်းတို့အတွက် အချည်းနှီးစိုးရိမ်ပူပန်ခဲ့ပုံတို့သည် မည်မျှအရေးကြီးခဲ့ကြောင်းကို အလေးအနက်သဘောပေါက်လာခဲ့ပါသည်။ ဤအရာသည် အမှောင်ထုထဲတွင်နေထိုင်ခဲ့ရသည့် ကျွန်မအသက်တာ၏အစိတ်အပိုင်းတစ်ခုဖြစ်ခဲ့သည်။ ဘုရားသခင်၏ခေါ်ခြင်းကို ထပ်ခါတလဲလဲခံရသော်လည်း မလွတ်မြောက်နိုင်ခဲ့ပါ။ သမ္မာတရားကို ကျွန်မနားလည်ခဲ့သော်လည်း မလိုက်လျှောက်နိုင်ခဲ့ပါ။ အမှန်တကယ်ပင် စာတန်အားဖြင့် ပြင်းထန်စွာကျဆုံးခဲ့သည်။ ထို့အတူ ကျွန်မသည် သမ္မာတရားလိုက်လျှောက်ခြင်းနှင့် ရိုးသားသောသူတစ်ဦးဖြစ်ခြင်းသည် မလွယ်ကူကြောင်း အမှန်တကယ်ကို ကြုံတွေ့ခဲ့ရသည်။ စမ်းသပ်ခြင်းများကို ရင်ဆိုင်ကြုံတွေ့ရသည့်အခါတွင် ဘုရားသခင်အား ကိုးစားခြင်း၊ သမ္မာတရားအား ရှာဖွေခြင်း၊ သမ္မာတရားအား လက်တွေ့လုပ်ဆောင်ရန်အတွက် ယုံကြည်ခြင်းနှင့်ရဲရင့်မှုတို့ရှိခြင်းတို့ ရှိမှသာ ကျွန်မသည် စာတန်၏ ဖောက်ပြန်ပျက်စီးသည့် စိတ်သဘောထားကို ထိန်းချုပ်အောင်နိုင်မည်ဖြစ်သည်။ သက်သေခံနိုင်မည်ဖြစ်ပြီး အလင်းထဲတွင် ရှင်သန်နိုင်မည်ဖြစ်သည်။

ကျွန်မအနေဖြင့် ဤအတွေ့အကြုံကို ကြုံတွေ့ပြီးနောက်မှသာ ဘုရားသခင်၏နှုတ်ကပတ်တော်အချို့ကို နားလည်လာခဲ့သည်- "လူတို့အနေဖြင့် သမ္မာတရားကို လက်တွေ့ကျင့်သုံးသည့် အချိန်တိုင်း၌၊ သို့မဟုတ် ဘုရားသခင်အား ချစ်ခြင်းကို လက်တွေ့ကျင့်သုံးသည့်အချိန်တိုင်း၌... စင်စစ်အားဖြင့် သူတို့၏နှလုံးသားအတွင်းပိုင်း၌မူ သေရေးရှင်ရေးတိုက်ပွဲတစ်ခု ဖြစ်ပေါ်နေလိမ့်မည်။" လူသား၏ဖောက်ပြန်ပျက်စီးသည့် စိတ်သဘောထားနှင့်ပတ်သက်၍ ဘုရားသခင်ပြောခဲ့သည့် နှုတ်ကပတ်တော်များကို ကျွန်မနားလည်ခဲ့သည်။ အဘယ်ကြောင့်ဆိုသော် လူသားများ၏စာတန်နှင့်ပတ်သက်သောစိတ်သဘောထားသည် အသွေးအသားတွင် နက်ရှိုင်းစွာအမြစ်တွယ်နေသည်။ စာတန်၏ဖောက်ပြန်ပျက်စီးသည့်သဘောသဘာဝများသည် သူတို့၏ဘဝဖြစ်လာပြီး လူသားများကို သူတို့၏ထိန်းချုပ်မှုတွင် ခိုင်မြဲစွာ ထိန်းသိမ်းထားသည်။ သမ္မာတရားမပါဘဲလျှက် သူတို့၏လက်မှ ပြေးလွတ်ရန်လမ်းမရှိပါ။ ကျွန်မတို့ သမ္မာတရားကို လက်တွေ့လုပ်ဆောင်သည့်အချိန်သည် ကျွန်မတို့၏ ဇာတိဆန်သည့် အသက်တာများကို စွန့်လွှတ်သည့်အချိန်ပင်ဖြစ်သည်။ ဤလမ်းစဉ်သည် ဒုတိယမွေးဖွားခြင်းကိုခံသကဲ့သို့ ဖြစ်ပါသည်။ ၄င်းသည် အမှန်တကယ် အသက်ရှင်ခြင်း၊ သေခြင်းအတွက် ပြိုင်ပွဲတစ်ခုနှင့်တိုက်ပွဲတစ်ခု ဖြစ်ပါသည်။ နာကျင်စရာကောင်းလှသောလမ်းစဉ်တစ်ခုလည်း ဖြစ်ပါသည်။ ကျွန်မတို့၏ ကိုယ်တိုင် ဖောက်ပြန်ပျက်စီးမှု သဘောသဘာဝကို မှန်ကန်စွာမသိရှိဘဲ ဒုက္ခခံပြီး ပေးဆပ်ရန် စိတ်ဆန္ဒမရှိသောအခါ ကျွန်မတို့သည် သမ္မာတရားကို အကြွင်းမဲ့ မလိုက်လျှောက်နိုင်ပါ။ လွန်ခဲ့သောအချိန်၌ ကျွန်မသည် သမ္မာတရားကို လိုက်လျှောက်ခြင်းသည် လွယ်ကူသောအရာဖြစ်မည်ဟု တွေးတောခဲ့သည်။ ဤကဲ့သို့ဖြစ်ရခြင်းမှာ ကျွန်မ၏ ဖောက်ပြန်ပျက်စီးမှု သဘောသဘာဝကို နားလည်မှုမရှိခြင်းနှင့် ကျွန်မ၏ ဖောက်ပြန်ပျက်စီးမှုသည် အဘယ်မျှလောက်နက်ရှိုင်းကြောင်းကို မသိခဲ့သောကြောင့်ဖြစ်ပါသည်။ နောင်ကာလတွင် အတွေ့အကြုံမှတစ်ဆင့် ကိုယ့်ကိုယ်ကိုယ် ပို၍နက်ရှိုင်းစွာ သိရှိရန်၊ အရာခပ်သိမ်းတွင် သမ္မာတရားကိုလိုက်လျှောက်ဖို့ ရှာဖွေရန်၊ မိမိကိုယ်ကိုငြင်းပယ်ရန်နှင့် စစ်မှန်သောလူသားတစ်ဦးကဲ့သို့နေထိုင်ရန် ကျွန်မအနေဖြင့် ဆန္ဒရှိပါသည်။

ယခင်က:ကျွန်မ၏ ရာထူးဂုဏ်ဒြပ် အား ဆုံးရှုံး ပြီးနောက်

နောက်တစ်ခုသို့:အခြားလူများနှင့် အတူ အလုပ်လုပ်ဖို့ ကျွန်မ သင်ယူခဲ့သည်

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ