၁။ကျွန်ုပ်တို့သည် ခရစ်တော်၏ အယောင်ကိုဆောင်သော သူများကို အမြဲတမ်း သတိထားနေပါက သခင်၏ ပြန်ကြွလာခြင်းကို ကြိုဆိုနိုင်ပါ့မလား

သခင်ယေရှုသည် တစ်ခါက နောက်ဆုံးသောကာလတွင် ပေါ်ထွန်းဖို့နှင့် သူ၏ အမှုတော်ကို ဆောင်ရွက်ဖို့ သူပြန်ကြွ လာသည့်အခါ၊ လူများကို လှည့်စားဖို့ ခရစ်တော်၏ အယောင်ကို ဆောင်သောသူများနှင့် ပရောဖက် အတုအယောင်များလည်း ပေါ်လာလိမ့်မည်ဟု ပရောဖက်ပြုခဲ့သည်။ နောက်ဆုံးသောကာလသည် အဆုံးသတ်နေပြီဖြစ်ပြီး၊ သခင်ယေရှုသည် သမ္မာတရားကို ဖော်ပြဖို့နှင့် ဘုရားသခင်၏ အိမ်တော်မှ စတင်သည့် တရားစီရင်ခြင်း အမှုတော်ကို ဆောင်ရွက်ဖို့ ကြာမြင့်သော အချိန်ကတည်းက လူ့ဇာတိ၌ ပြန်ကြွပြီးဖြစ်သည်။ သို့သော် လူများသည် ခရစ်တော်၏ အယောင်ကိုဆောင်သောသူများ၏ လှည့်စားခြင်းခံရမည်ကို ကြောက်သောကြောင့်၊ ဘုရားသခင်၏ နောက်ဆုံးသောကာလ ပေါ်ထွန်းခြင်းနှင့် အမှုတော်တို့ကို ရှာဖွေခြင်းမပြုရဲဘဲ သို့မဟုတ် လေ့လာစုံစမ်းခြင်း မပြုရဲဘဲ၊ ခရစ်တော်၏ အယောင်ဆောင်သောသူများအား သတိထားခြင်းကို အရေးအကြီးဆုံးသော အရေးကိစ္စအဖြစ်ပင် ရှုမြင်လျက်၊ ၎င်းတို့သည် အမြဲမပြတ် အပျက်သဘောဆောင်ကာ၊ သတိထားကြဆဲ ဖြစ်လေသည်။ သို့သော် ဤသို့ လုပ်ဆောင်ခြင်းအားဖြင့် ၎င်းတို့သည် သခင်၏ ပြန်ကြွ လာခြင်းကို မည်သို့ ကြိုဆိုနိုင်မည်နည်း။

ကိုးကားရန် သမ္မာကျမ်းပိုဒ်များ

“တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။” (ရှင်မဿဲခရစ်ဝင် ၇:၇)

“ချစ်သူတို့၊ ခပ်သိမ်းသောစိတ်ဝိညာဉ်တို့ကို မယုံကြနှင့်။ စိတ်ဝိညာဉ်တို့သည် ဘုရားသခင်နှင့် စပ်ဆိုင်သည် မစပ်ဆိုင်သည်ကိုစုံစမ်းကြလော့။ အကြောင်းမူကား၊ မိစ္ဆာပရောဖက်အများတို့သည် ဤလောကသို့ သွားကြပြီ။” (ရှင်ယောဟန် ဩဝါဒစာ ပဌမစောင် ၄:၁)

“သို့ဖြစ်၍၊ ယုံကြည်ခြင်းသည် ကြားနာခြင်း အားဖြင့်ဖြစ်၏။ ကြားနာခြင်းသည်လည်း၊ ဘုရားသခင်၏ စကားတော်အားဖြင့် ဖြစ်၏။” (ရောမသြဝါဒစာ ၁၀:၁၇)

၂။စစ်မှန်သော ခရစ်တော်နှင့် ခရစ်တော်၏ အယောင်ကိုဆောင်သောသူတို့အကြား ထိုးထွင်းသိမြင်ခြင်း

ကျွန်ုပ်တို့သည် သခင်ယေရှု၏ ပြန်ကြွလာခြင်းကို ကြိုဆိုလိုပါက၊ စစ်မှန်သော ခရစ်တော်နှင့် ခရစ်တော်၏ အယောင်ကိုဆောင် သူတို့အကြား ခွဲခြားသိမြင်ဖို့နည်းလမ်းကို သိရန်မှာ အရေးကြီး ပေသည်၊ ဤသည်မှာ ကျွန်ုပ်တို့ ဘုရားပလ္လင်တော် ရှေ့မှောက်သို့ ချီမ ခံရနိုင်ခြင်း ရှိမရှိနှင့် တိုက်ရိုက်ဆက်နွှယ်နေသည့်အတွက် ဖြစ်သည်။ ကျွန်ုပ်တို့တွင် ဤထိုးထွင်းသိမြင်မှု မရှိပါက၊ ခရစ်တော်၏ အယောင်ကိုဆောင်သောသူများ၏ လှည့်စားခြင်းကို အလွယ်တကူ ခံရလိမ့်မည် ဖြစ်ပြီး၊ ခရစ်တော်၏ ကြွလာခြင်းကို ကျွန်ုပ်တို့ ပြစ်တင်ရှုတ်ချလိမ့်မည် ဖြစ်သည်။ အဆုံးသတ်တွင် ကျွန်ုပ်တို့သည် ကောင်းကင် နိုင်ငံတော်သို့ ချီဆောင်ခြင်းခံရဖို့ ကျွန်ုပ်တို့၏ အခွင့်အရေးကို ဆုံးရှုံးလျက်၊ သခင်၏ စွန့်ပယ်ခြင်းကို ခံရသည့် မိုက်မဲသော သတို့သမီးများ ဖြစ်လာလိမ့်မည်။ ထို့ကြောင့် ကျွန်ုပ်တို့သည် စစ်မှန်သော ခရစ်တော်နှင့် ခရစ်တော်၏ အယောင်ကို ဆောင်သောသူတို့အကြား ကွာခြားချက်ကို မည်သို့ သိမြင်နိုင်မည်နည်း။

ကိုးကားရန် သမ္မာကျမ်းပိုဒ်များ

“ယေရှုက၊ ငါသည်လမ်းခရီးဖြစ်၏။ သမ္မာတရားကိုလည်းဖြစ်၏။ အသက်သည်လည်းဖြစ်၏။” (ရှင်ယောဟန်ခရစ်ဝင် ၁၄:၆)

“သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃)

“ငါ့စကားကို ကြားသောသူသည် မယုံကြည်ဘဲနေလျှင် ထိုသူကို ငါသည်အပြစ်မစီရင်။ လောကီသား တို့ကို အပြစ်စီရင်အံ့သောငှါ ငါလာသည်မဟုတ်၊ လောကီသား တို့ကို ကယ်တင်အံ့သောငှါငါလာ၏။ ငါ့ကိုပယ်၍ ငါ့စကားကို နာမခံသောသူအား အပြစ်စီရင်သော သူရှိသေး၏။ ငါဟောပြောသော စကား ပင် နောက်ဆုံးသောနေ့၌ ထိုသူအားအပြစ်စီရင်လိမ့်မည်။” (ရှင်ယောဟန်ခရစ်ဝင် ၁၂:၄၇-၄၈)

“ယေရှုကလည်း၊ သင်တို့ကို အဘယ်သူမျှ မလှည့်ဖြားစေခြင်းငှါ သတိပြုကြလော့။ အများသောသူတို့က၊ ငါသည် ခရစ်တော်ဖြစ်၏ဟု ဆိုလျက်၊ ငါ၏အယောင်ကိုဆောင်၍ ပေါ်လာ သဖြင့် လူအများတို့ကို လှည့်ဖြားကြလိမ့်မည်။” (ရှင်မဿဲခရစ်ဝင် ၂၄:၄-၅)

“အကြောင်းမူကား၊ ခရစ်တော်၏အယောင်ကိုဆောင်သောသူနှင့် မိစ္ဆာပရောဖက်တို့သည် ပေါ်လာ၍ ရွေးချယ်သောသူတို့ကိုပင် လှည့်ဖြားနိုင်လျှင် လှည့်ဖြားလောက်အောင် ကြီးစွာသောနိမိတ်လက္ခဏာ၊ အံ့ဖွယ်သောအမှုတို့ကို ပြကြလိမ့်မည်။” (ရှင်မဿဲခရစ်ဝင် ၂၄:၂၄)

၃။ဘုရားသခင်၏ အသံတော်ကို ကြားပြီး သခင်၏ ပြန်ကြွလာခြင်းကို ကြိုဆိုပါ

ခရစ်တော်သည် ဇာတိပကတိ၌ ဘုရားသခင် ဖြစ်သည်။ ကိုယ်တော်သည် ဘုရားသဘောသဘာဝ အနှစ်သာရတစ်ခုကို ပိုင်ဆိုင်တော်မူသည်။ ကိုယ်တော်သည် သမ္မာတရားကို ဖော်ပြနိုင်ပြီး ဘုရားသခင်၏ အသံတော်ကို အချိန်မရွေး နေရာမရွေး ထုတ်ပြန်နိုင်သည်။ ထို့ကြောင့် သခင်ပြန်ကြွ လာခြင်းတွင် သူ့ကို ကြိုဆိုရာ၌ အဓိကသော့ချက်မှာ ဘုရားသခင်၏ အသံတော်ကို နားထောင်သည့်နည်းလမ်းကို သိရှိဖို့ဖြစ်သည်။ သခင်ပြန်ကြွလာပြီးဖြစ်သည်ဟု တစ်စုံတစ်ယောက်က သက်သေခံသည်ကို ကျွန်ုပ်တို့ ကြားသည့်အခါတွင်၊ ကျွန်ုပ်တို့သည် ပညာရှိသတို့သမီးများ ကဲ့သို့ဖြစ်သင့်ပြီး၊ ရှာဖွေဖို့နှင့် လေ့လာစုံစမ်းဖို့ စတင်သင့်သည်၊ ပြီးလျှင် ယင်းမှာ ဘုရားသခင်၏ အသံတော်ဖြစ်သည်ကို ကျွန်ုပ်တို့ သတိပြုမိသည်နှင့်တစ်ပြိုင်နက်၊ ထိုအသံတော်ကို ကျွန်ုပ်တို့လက်ခံပြီး၊ လိုက်လျှောက်သင့်သည်။ ဤနည်းအားဖြင့် ကျွန်ုပ်တို့သည် သခင့်ကို ကြိုဆိုနိုင်ပြီး၊ သူနှင့်အတူ စားတော်ပွဲကြီးသို့ တက်ရောက်နိုင်လေသည်။

ကိုးကားရန် သမ္မာကျမ်းပိုဒ်များ

“ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀)

“သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆)

“ငါ့သိုးတို့သည် ငါ့စကားသံကိုနားထောင်၍ ငါ့နောက်သို့လိုက်ကြ၏။ ထိုသိုးတို့ကို ငါသိ၏။” (ရှင်ယောဟန်ခရစ်ဝင် ၁၀:၂၇)

“ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို၊ နားရှိသောသူ မည်သည် ကားကြားပါစေ။” (ဗျာဒိတ်ကျမ်း ၂:၇)

စာရင်းသွင်းပါ

သခင်၏ ပြန်ကြွလာခြင်း၊ ပညာရှိသတို့သမီးများ မင်္ဂလာဆောင်လုလင်ကို မည်သို့ကြိုဆိုပုံ၊ ကောင်းကင်နိုင်ငံတော်သို့ သွားရာလမ်းကြောင်းနှင့် ပတ်သက်သည့် အမေးအဖြေများ နှင့် ဧဝံဂေလိ ဗီဒီယိုများကို အခမဲ့ကြည့်ဖို့ စာရင်းသွင်းပါ။

ပိုမိုလေ့လာမည်။

Messenger မှတစ်ဆင့် စာရင်းသွင်းမည်။

မှီငြမ်းခြင်း အတွက် ဆောင်းပါးများ

စစ်မှန်သော ခရစ်တော်နှင့် ခရစ်တော်၏ အယောင်ဆောင်သော သူတို့အကြား ထိုးထွင်းသိမြင်ခြင်းနှင့် သခင် ပြန်ကြွလာခြင်းကို ကြိုဆိုခြင်း

တရားဝင် ဝက်ဘ်ဆိုက်