ကမ္ဘာလောကသည် ဘေးဒုက္ခ၏ ဝိုင်းရံဖိစီးမှုကို ခံရသည်- သခင်က တိတ်တဆိတ် ကြွလာနှင့်ပြီဖြစ်သည်

ပလိပ်ရောဂါများ၊ အစာငတ်မွတ်ခေါင်းပါးမှုများ၊ ငလျင်များ၊ ရေလွှမ်းမိုးမှုများနှင့် အခြားသော ဘေးဒုက္ခများသည် ကမ္ဘာအနှံ့တွင် ပေါ်ပေါက်လေ့ရှိသော ဖြစ်စဉ်များ ဖြစ်လာပြီး၊ တိုး၍တိုး၍ ပြင်းထန်လာနေသည်။ ထူးခြားသည့် အာကာသဆိုင်ရာ ဖြစ်စဉ်များလည်း ထွက်ပေါ်ပြီးဖြစ်သည်။ သခင်၏ ပြန်ကြွလာခြင်းနှင့် ပတ်သက်သည့် ပရောဖက်ပြုခြင်းများသည် အဓိကအားဖြင့် ပြည့်စုံလေပြီ။ သခင်ယေရှုသည် တိတ်တဆိတ် ကြွလာနှင့်ပြီးဖြစ်သည်။ ကိုယ်တော်သည် သမ္မာတရားကို ဖော်ပြပြီး၊ ဘုရားသခင်၏ အိမ်တော်မှ စတင်သည့် တရားစီရင်ခြင်း အမှုတော်ကို ဆောင်ရွက်လေပြီ။

ကိုးကားရန် သမ္မာကျမ်းပိုဒ်များ-

လူတမျိုးနှင့်တမျိုး တနိုင်ငံနှင့်တနိုင်ငံ ရန်ဘက်ပြုကြလိမ့်မည်။ အရပ်ရပ်တို့၌ အစာခေါင်းပါးခြင်း၊ ကာလနာများပြားခြင်း၊ မြေကြီးလှုပ်ခြင်းတို့သည် ဖြစ်ကြ လိမ့်မည်။ ထိုအမူအရာတို့သည် ဒုက္ခဆင်းရဲခြင်း၏ အစအဦးပင် ဖြစ်သတည်း။”(ရှင်မဿဲခရစ်ဝင်ကျမ်း ၂၄:၇-၈).

ထို့အပြင် အံ့ဖွယ်ရာများဖြစ်သည့် သွေး၊ မီးလျှံ၊ မီးခိုးတိုင်တို့ကို ကောင်းကင်၌လည်းကောင်း၊ မြေကြီးပေါ်၌လည်းကောင်း ငါပြမည်။ ယေဟောဝါ၏ ကြောက်မက်ဘွယ်သော နေ့ကြီးမတိုင်မီ၊ နေသည် မှောင်မိုက်အဖြစ်သို့လည်းကောင်း၊ လသည် သွေးအဖြစ်သို့လည်းကောင်း ပြောင်းလိမ့်မည်။” (ယောလအနာဂတ္တိကျမ်း ၂:၃၀-၃၁).

ဆဋ္ဌမတံဆိပ်ကိုဖွင့်သောအခါ ငါကြည့်လျှင် ကြီးစွာသော မြေလှုပ်ခြင်းဖြစ်၏။ နေသည်အမွေးဖြင့် ရက်သောအဝတ်ကြမ်းကဲ့သို့ မည်း၏။ လအလုံးသည် အသွေးကဲ့သို့ဖြစ်၏။ သင်္ဘောသဖန်းပင်ကို ပြင်းစွာသော လေတိုက်လျှင်၊ အချိန်မတန်သော အသီးကြွေသကဲ့သို့၊ ကောင်းကင်ကြယ်တို့သည် မြေပေါ်သို့ ကျကြ၏။” (ဗျာဒိတ်ကျမ်း ၆:၁၂-၁၃).

ထိုကြောင့် သင်တို့သည် ပြင်ဆင်လျက်နေကြလော့။ အကြောင်းမူကား၊ သင်တို့မထင်မှတ်သောအချိန် ၌ လူသားသည် ကြွလာလိမ့်မည်။” (ရှင်လုကာခရစ်ဝင် ၁၂:၄၀).

သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃).

ငါ့ကိုပယ်၍ငါ့စကားကို နာမခံသောသူအားအပြစ်စီရင်သောသူရှိသေး၏။ ငါဟောပြောသော စကား ပင် နောက်ဆုံးသောနေ့၌ ထိုသူအားအပြစ်စီရင်လိမ့်မည်။” (ရှင်ယောဟန်ခရစ်ဝင် ၁၂:၄၈)

ဘုရားသခင်၏အိမ်တော်သားတို့ကို ရှေ့ဦးစွာစစ်ကြောစီရင်ရသော အချိန်ရှိပြီ။” (ရှင်ပေတရုသြဝါဒစာပဌမစောင် ၄:၁၇).

ကယ်တင်ခံရပြီး၊ ကောင်းကင်နိုင်ငံတော်သို့ ဝင်ရောက်ဖို့ တစ်ခုတည်းသော အခွင့်အရေးမှာ ကြီးစွာသော ဘေးဒုက္ခ မတိုင်မီ ချီဆောင်ခံရဖို့ဖြစ်သည်

ကြီးစွာသော ဘေးဒုက္ခမတိုင်မီ ချီဆောင်ခံရခြင်းသည် သခင်၏ ပေါ်ထွန်းခြင်းကို တမ်းတကြသူတိုင်း၏ တူညီသည့် ဆန္ဒဖြစ်သည်။ ဘုရားသခင်၏ ခြေလှမ်းများနောက်သို့ လိုက်ပြီး၊ သူ့ရှေ့မှောက်သို့ လာကြသူများအားလုံး၊ ဘုရားသခင်၏ နောက်ဆုံးကာလ တရားစီရင်ခြင်း အမှုတော်ကို လက်ခံယုံကြည်သူများအားလုံးတို့သည် ကြီးစွာသော ဘေးဒုက္ခမတိုင်မီ ဘုရားသခင်၏ ပလ္လင်တော် ရှေ့မှောက်သို့ ချီဆောင်ခံရလိမ့်မည်။ ၎င်းတို့သာ သိုးသငယ်၏ စားတော်ပွဲကြီးကို တက်ရောက်နိုင်လိမ့်မည် ဖြစ်ပြီး၊ ဘုရားသခင်အားဖြင့် အောင်မြင်သူများအဖြစ် ပြုလုပ်ခြင်းခံရလိမ့်မည်။ ကြီးစွာသော ဘေးဒုက္ခကြီး လာသည့်အခါတွင်၊ ၎င်းတို့သည် ဘုရားသခင်၏ ကွယ်ကာခြင်းနှင့် စောင့်ရှောက်ခြင်းကို ခံရပြီး၊ ဘုရားသခင်၏ နိုင်ငံတော်ထဲသို့ ဆောင်ကြဉ်းခံရလိမ့်မည်။

ကိုးကားရန် သမ္မာကျမ်းပိုဒ်များ-

ကောင်းကင်တမန်ကလည်း၊ သိုးသငယ်၏ မင်္ဂလာဆောင်ပွဲသို့ ခေါ်ဘိတ်ခြင်းကို ခံရသောသူတို့သည် မင်္ဂလာရှိကြ၏ဟု ရေးထားလော့ဟူ၍၎င်း၊ ဤစကား သည် ဘုရားသခင်၏ နှုတ်တော်ထွက်စင်စစ်ဖြစ်၏ ဟူ၍၎င်း ငါ့အားပြောဆို၏။” (ဗျာဒိတ်ကျမ်း ၁၉:၉).

အသက်ရှင်တော်မူသော ဘုရားသခင်၏ တံဆိပ်ပါသော ကောင်းကင် တမန်တပါးသည် အရှေ့မျက်နှာက တက်လာသည်ကို ငါမြင်၏။ သူသည်လည်း မြေနှင့်ပင်လယ်ကိုညဉ်းဆဲရသောအခွင့်ရှိသော ကောင်းကင်တမန်လေးပါးကိုအသံလွှင့်၍၊ ငါတို့ဘုရားသခင်၏ ကျွန်ုပ်တို့ကိုနဖူး၌ တံဆိပ် မခတ်မှီတိုင်အောင်၊ မြေ ၊ ပင်လယ် ၊ သစ်ပင်တို့ကို မညှင်းဆဲပါနှင့်ဟုကြီးသောအသံနှင့် ကြွေးကြော်လေ၏။ တံဆိပ်ခတ်ခြင်းကိုခံရသော သူအရေအတွက်ကို ငါကြား၍၊ ဣသရေလအမျိုးသားတို့၌ အသီးသီးသော အမျိုးအနွယ်ထဲက လူတသိန်း လေးသောင်းလေးထောင်တို့သည် တံဆိပ်ခတ်ခြင်းကိုခံရကြ၏။” (ဗျာဒိတ်ကျမ်း ၇:၂-၄).

ထိုနောက်မှ ငါကြည့်လျှင် ၊ သိုးသငယ်သည် ဇိအုန်တောင်ပေါ်မှာရပ်နေ၏။ သူ၏ နာမနှင့် ခမည်း တော်၏ နာမကိုနဖူး၌ အက္ခရာတင်သောသူ တသိန်းလေးသောင်းလေးထောင်လည်း သူနှင့်အတူ ရှိကြ၏။...ထိုသူတို့သည် ကညာဖြစ်၍မေထုန်အမှုနှင့် မညစ်ညူးသော သူဖြစ်ကြ၏။ သိုးသငယ် သွားလေ ရာရာအရပ်သို့ နောက်တော်၌ လိုက်သောသူဖြစ်ကြ၏။ လူတို့ အထဲကရွေးနှုတ်၍ ဘုရားသခင်နှင့် သိုးသငယ် အဘို့ အဦးသီးသော အသီးဖြစ်ကြ၏။ အပြစ်နှင့်ကင်းလွတ်ကြသည်ဖြစ်၍ သူတို့နှုတ်၌ မုသာမရှိ။” (ဗျာဒိတ်ကျမ်း ၁၄:၁-၅).

အသက်ပင်နှင့်ဆိုင်၍၊ မြို့တံခါးအတွင်းသို့ ဝင်အံ့သော ငှါ ပညတ်တော်တို့ကို ကျင့်သောသူတို့သည် မင်္ဂလာရှိကြ၏။” (ဗျာဒိတ်ကျမ်း ၂၂:၁၄).

ဘုရား သခင်၏ တဲတော် သည် လူတို့တွင်ရှိ၏။ လူတို့နှင့်အတူ ကျိန်းဝပ်တော်မူမည်။ သူတို့သည် ကိုယ်တော်၏လူ ဖြစ်ကြလိမ့်မည်။ ဘုရားသခင်သည် ကိုယ်တော်တိုင် သူတို့နှင့်အတူရှိနေ၍ သူတို့၏ ဘုရားသခင် ဖြစ်တော်မူ မည်။ ဘုရားသခင်သည် သူတို့၏ မျက်စိ၌ မျက်ရည် ရှိသမျှတို့ကို သုတ်တော်မူမည်။ နောက်တဖန် သေဘေး မရှိရ။ စိတ်မသာ ညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်း မရှိရ။ အကြောင်းမူကား၊ ရှေးဖြစ် ဘူးသောအရာတို့သည် ရွေ့သွားကြပြီ။” (ဗျာဒိတ်ကျမ်း ၂၁:၃-၄).

ကြီးစွာသော ဘေးဒုက္ခမတိုင်မီ သခင့်ကို ကြိုဆိုကာ၊ ဘုရားသခင်၏ ပလ္လင်တော် ရှေ့မှောက်သို့ ချီဆောင် ခံရမည့်နည်းလမ်း

ဗျာဒိတ်ကျမ်းက ဟောကိန်းထုတ်ထားသည်၊ “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်း ငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀) . သခင်၏ ကြွလာခြင်းကို ကြိုဆိုဖို့အလို့ငှာ အရေးအပါဆုံးသော အရာမှာ ဘုရားသခင်၏ အသံတော်ကို ကြားနိုင်ခြင်း ဖြစ်သည်ကို ဤကျမ်းပိုဒ်မှ ကျွန်ုပ်တို့ တွေ့မြင်နိုင်ပါသည်။ ဤသည်မှာ ဘုရားသခင်၏ အသံတော် ဖြစ်ကြောင်းကို သင် စိတ်ပိုင်းဖြတ်ပြီးသည်နှင့် တစ်ပြိုင်နက် လက်ခံခြင်း၊ ကျိုးနွံနာခံခြင်း နှင့် နောက်လိုက်ခြင်းတို့သည် ဘေးဒုက္ခ မတိုင်မီ သခင့်ကို ကြိုဆိုခြင်း နှင့် ဘုရားသခင်၏ ပလ္လင်တော် ရှေ့မှောက်သို့ ချီဆောင်ခံရခြင်းအတွက် တစ်ခုတည်းသော လမ်းကြောင်း ဖြစ်ပါသည်။

ကိုးကားရန် သမ္မာကျမ်းပိုဒ်များ-

ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀).

သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆).

ငါ့သိုးတို့သည် ငါ့စကားသံကိုနားထောင်၍ ငါ့နောက်သို့လိုက်ကြ၏။ ထိုသိုးတို့ကို ငါသိ၏။” (ရှင်ယောဟန်ခရစ်ဝင် ၁၀:၂၇).

ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို နားရှိသောသူ မည်သည် ကား ကြားပါစေ။” (ဗျာဒိတ်ကျမ်း ၂:၁၁).

ယေရှုက၊ ငါသည်လမ်းခရီးဖြစ်၏။ သမ္မာတရားကိုလည်းဖြစ်၏။ အသက်သည်လည်းဖြစ်၏။” (ရှင်ယောဟန်ခရစ်ဝင် ၁၄:၆).

ကြီးစွာသော ဘေးဒုက္ခမတိုင်မီ ချီဆောင်ခြင်းခံရဖို့ အခွင့်အရေးကို ဆုံးရှုံးခြင်း၏ အကျိုးဆက်များ

သခင်သည် နောက်ဆုံးသောကာလတွင် စကားပြောဖို့၊ ပေါ်ထွန်းဖို့နှင့် အမှုပြုဖို့ ပြန်ကြွလာ သည့်အချိန်တွင်၊ ဘုရားသခင်၏ အသံတော်ကို ကြားဖို့ မကြိုးစားသူများ- အထူးသဖြင့် ဘုရားသခင်၏ အသံတော်ကို ကြားသော်လည်း ဘုရားသခင်ကို အရူးအမူးဆန့်ကျင်ပြီး ရှုတ်ချသူများ၊ ဘုရားသခင်၏ နောက်ဆုံးသောကာလ အမှုတော်ကို လက်ခံဖို့ ငြင်းဆန်သူများတို့သည် ဘေးဒုက္ခ မတိုင်မီ ချီဆောင်ခံရဖို့ သူတို့ အခွင့်ကို ဖြုန်းတီးမိလိမ့်မည်။ ဘုရားသခင်၏ အမှုတော် အဆုံးသတ်ပြီး၊ ကြီးစွာသော ဘေးဒုက္ခ ကျရောက်သည့်အခါတွင်၊ ကောင်းမြတ်သူများသည် စတင် ဆုလာဘ်ချီးမြှင့်ခံရပြီး၊ ဆိုးယုတ်သူများက အပြစ်ဒဏ်ပေး ခံရသည့်အခါတွင်၊ ဘေးဒုက္ခမတိုင်မီ ချီဆောင်ခြင်း မခံရသူများအားလုံးတို့သည် ငိုကြွေးမြည်တမ်းပြီး၊ ၎င်းတို့၏ အံသွားခဲကြိတ်လျက် ဘေးဒုက္ခထဲသို့ ကျရောက်ကြ ရလိမ့်မည်။

ကိုးကားရန် သမ္မာကျမ်းပိုဒ်များ-

သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှါ ထွက်သွားကြကုန်ဟု ကြွေးကြော်လျှင်၊ ထိုသတို့သမီးအပေါင်းတို့သည် ထ၍မီးခွက်များကို ပြင်ဆင်ကြ၏။ မိုက်သောသူတို့က ငါတို့ဆီမီးသေပါပြီ။ သင်တို့ ဆီကိုအနည်းငယ်ပေးပါဟု ပညာရှိသောသူတို့အား တောင်းကြ၏။ ပညာရှိသောသူတို့ကလည်း သင်တို့အဘို့နှင့် ငါတို့အဘို့ ဆီမလောက်။ ထို့ကြောင့် ဆီရောင်းသောသူ ရှိရာသို့သွား၍ ကိုယ်သုံးဘို့ဝယ်လျှင် သာ၍ကောင်းသည်ဟု ပြန်ပြောကြ၏။ ထိုသူတို့သည် ဆီဝယ်သွားသည်အခိုက်တွင် မင်္ဂလာဆောင်လုလင်သည်လာ၍၊ အသင့်ရှိသော သတို့ သမီးတို့သည် လုလင်နှင့်အတူ ပွဲသို့ဝင်ကြပြီးလျှင် တံခါးကိုပိတ်ထား၏။ ထိုနောက် ကြွင်းသောသတို့သမီးတို့သည်လာ၍ အရှင်၊ အရှင်၊ ကျွန်မတို့အား တံခါးကိုဖွင့်ပါဟု တောင်းလျှောက်ကြသော်၊ အရှင်ကလည်း၊ ငါအမှန်ဆိုသည်ကား၊ သင်တို့ကို ငါမသိဟု ပြန်ပြောလေ၏။” (ရှင်မဿဲခရစ်ဝင် ၂၅:၆-၁၂).

ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။” (ရှင်မဿဲခရစ်ဝင် ၇:၂၂-၂၃).

ပဥ္စမကောင်းကင်တမန်သည် တံပိုးမှုတ်သောအခါ၊ ကြယ်တလုံးသည် ကောင်းကင်က မြေကြီးပေါ်သို့ ကျသည်ကို ငါမြင်၏။ သူ၌အနက်ဆုံးသော တွင်း၏ သော့ကို အပ်ပေးသည်ဖြစ်၍၊ သူသည်အနက်ဆုံးသော တွင်းကိုဖွင့်လျှင်၊ ကြီးစွာသော မီးဖို၏ အခိုးကဲ့သို့သော အခိုးသည် တွင်း ထဲက တက်လေ၏။ ထိုတွင်း၏ မီးခိုးကြောင့်၊ နေနှင့် အာကာသ ကောင်းကင်သည် မှောင်မိုက်လေ၏။ ကျိုင်းကောင်တို့သည် မီးခိုးအထဲက မြေကြီးအပေါ်သို့ထွက်၍ မြေကင်းမြီးကောက်တန်ခိုးကဲ့သို့သော တန်ခိုးကိုရကြ၏။ မြေ၏မြက်ပင်မှစ၍ စိမ်းသောအရာများ၊ သစ်ပင်များအပေါင်းတို့ကို ထား၍၊ နဖူး၌ဘုရားသခင် ၏ တံဆိပ်ခတ်ခြင်းကို မခံသော လူတို့ကိုညှဉ်းဆဲမည် အကြောင်းသူတို့အား ပညတ်ထား၏။ တံဆိပ်ခတ်ခြင်းကို မခံသောသူတို့ကိုကား သတ်ရသောအခွင့်မရှိ။ ငါးလပတ်လုံး ပြင်းစွာသော ဝေဒနာ ဖြစ်စေသော အခွင့်ရှိ၏။ ထိုကျိုင်းကောင် ဖြစ်စေသော ဝေဒနာသည်ကား၊ ကင်းမြီးကောက်သည် လူကိုထိုးသော ဝေဒနာကဲ့သို့ဖြစ်သတည်း။ ထိုနေ့ရက်ကာလ၌ လူတို့သည် သေခြင်းကို ရှာကြလိမ့်မည်။ ရှာသော်လည်း မတွေ့ရကြ။ အလွန် သေချင်သော်လည်း သေမင်းသည် သူတို့ထံမှ ပြေးသွားလိမ့်မည်။” (ဗျာဒိတ်ကျမ်း ၉:၁-၆).

ကိုးကားရန် ဗွီဒီယိုများ

စာရင်းသွင်းပါ

သခင်၏ ပြန်ကြွခြင်း၊ ပညာရှိသတို့သမီးများ မင်္ဂလာဆောင်လုလင်ကို မည်သို့ကြိုဆိုပုံ၊ ကောင်းကင်နိုင်ငံတော်သို့ လမ်းကြောင်းတို့နှင့် ပတ်သက်သည့် အမေးအဖြေများ နှင့် ဧဝံဂေလိ ဗီဒီယိုများကို အခမဲ့ကြည့်ဖို့ စာရင်းသွင်းပါ။

ပိုမိုလေ့လာမည်။

Messenger မှတစ်ဆင့် စာရင်းသွင်းမည်။

ကိုးကားရန် ဆောင်းပါး -

ဘေးဒုက္ခမတိုင်မီ ချီဆောင်ခံရမည့်နည်းလမ်း

တရားဝင် ဝက်ဘ်ဆိုက်