၁။ကျွန်ုပ်တို့ သခင့်ကို ယုံကြည်ကြပြီး၊ ကျွန်ုပ်တို့၏ အပြစ်များမှ ခွင့်လွှတ်ခံရပြီးဖြစ်သည်၊ သို့ဖြစ်လျှင် ကျွန်ုပ်တို့သည် အဘယ့်ကြောင့် မကြာခဏ အပြစ်ကျူးလွန် နေဆဲ ဖြစ်သနည်း။

သခင့်ကို ကျွန်ုပ်တို့၏ ယုံကြည်မှုမှတစ်ဆင့် ကျွန်ုပ်တို့၏ အပြစ်များ ဖြေရှင်းပြီး၊ ကျွန်ုပ်တို့သည် ဘုရားသခင်ထံ ဆုတောင်းဖို့နှင့် သူ၏ ကျေးဇူးတော်၊ ကောင်းကြီး မင်္ဂလာတို့ကို ပျော်မွေ့ဖို့ အရည်အချင်း ပြည့်မီကြသော်လည်း၊ ကျွန်ုပ်တို့၏ အပြစ်ရှိသော သဘာဝ၏ ချုပ်နှောင်မှုကို ကျွန်ုပ်တို့ ခံနေရဆဲဖြစ်သည်။ ကျွန်ုပ်တို့က အပြစ်ပြုကာ ဘုရားသခင်ကို မဆန့်ကျင်ရဘဲ မနေနိုင်ကြပါ၊ ပြီးလျှင် အပြစ်တွင် အသက်ရှင်ခြင်းမှ မိမိကိုယ်ကိုယ် မကယ်တင် နိုင်ပါ။ ကျွန်ုပ်တို့သည် အဆင့်အတန်း နှင့် ဂုဏ်သတင်း အတွက် ဘုရားသခင်ကို ဆက်လက် လိမ်ညာပြီး၊ လှည့်စားကြသည်။ အထူးသဖြင့် ဘုရားသခင်၏ အမှုတော်သည် ကျွန်ုပ်တို့၏ အယူအဆများနှင့် မကိုက်ညီ သည့်အခါတွင်၊ ကျွန်ုပ်တို့က ကိုယ်တော်ကို အပြစ်တင် လေ့ရှိသည်၊ သူ့ကို ဝေဖန်လေ့ရှိပြီး ငြင်းပယ်လေ့ရှိသည် သို့မဟုတ် ကျောပင်ခိုင်းလေ့ရှိကြလေသည်။ သိသာ ထင်ရှားစွာပင်၊ လူတို့သည် သူတို့၏ အပြစ်ရှိသော သဘာဝများကြောင့် မကြာခဏ အပြစ်ကျူးလွန်ပြီး၊ ဘုရားသခင်ကို ဆန့်ကျင်ကြလေသည်။

ကိုးကားရန် သမ္မာကျမ်းပိုဒ်များ

“ငါ့အထဲမှာ ငါ့ဇာတိပကတိ၌ ကောင်းသော အရာတစုံတခုမျှ မတည်သည်ကို ငါသိ၏။ အကြောင်း မူကား၊ ငါသည်ကျင့်ချင်သော စိတ်ရှိသော်လည်း၊ ကောင်းစွာကျင့်တတ်သောအခွင့်ကိုရှာ၍ မတွေ့နိုင်။” (ရောမသြဝါဒစာ ၇:၁၈)

“သို့သော်လည်း ငါ့ကိုယ်အင်္ဂါများ၌ ရှိသော တရားတပါးသည် စိတ်ဝိညာဉ်တရားကို ဆိုင်ပြိုင် တိုက်လှန်သဖြင့်၊ ငါ့ကိုယ်အင်္ဂါများ၌ ရှိသော အပြစ် တရားလက်သို့ ငါ့ကိုဘမ်းသွားအပ်နှံသည်ကို ငါမြင်၏။ ငါသည်ငြိုငြင်သောသူဖြစ်ပါသည်တကား၊ ဤအသေကောင်မှ ငါ့ကို အဘယ်သူ ကယ်လွှတ် မည်နည်း။” (ရောမသြဝါဒစာ ၇:၂၃-၂၄)

၂။လူများသည် ၎င်းတို့၏ အပြစ်ရှိသော သဘာဝများ မဖြေရှင်းသေးဘဲ၊ သန့်စင်မခံရသေးပါက၊ ဘုရားသခင်၏ နိုင်ငံတော်ထဲသို့ ဝင်ရောက်နိုင်ပါသလား။

ဘုရားသခင်က ပြောသည်၊ “ငါသည် သန့်ရှင်းသောကြောင့်၊ သင်တို့သည် သန့်ရှင်းခြင်း ရှိရကြမည်။” (ဝတ်ပြုရာကျမ်း ၁၁:၄၅) “ဒုစရိုက်ကို ပြုသမျှသောသူတို့သည် ဒုစရိုက်ကျွန်ဖြစ်၏။ ကျွန်သည်ကား အိမ်၌ အစဉ်အမြဲနေသည်မဟုတ်။ သားမူကား အစဉ်အမြဲနေ၏။” (ရှင်ယောဟန်ခရစ်ဝင် ၈:၃၄-၃၅) ဘုရားသခင်သည် သန့်ရှင်းပြီး ဖြောင့်မတ်သည်၊ ကောင်းကင်နိုင်ငံတော်သည် ဘုရားသခင် အုပ်စိုးသည့် နေရာဖြစ်သည်၊ ယင်းသည် သန့်ရှင်းသောပြည် ဖြစ်သည်။ ဘုရားသခင်သည် အပြစ်ရှိသော သဘာဝရှိပြီး အပြစ်လုပ်ဖို့ ဆန္ဒရှိသူများကို သူ၏ နိုင်ငံတော်သို့ မည်သည့်အခါမျှ ဝင်ရောက်ခွင့်မပြုနိုင်ပါ။ ဤသည်ကို ကိုယ်တော်၏ ဖြောင့်မတ်သော စိတ်သဘောထားက ဆုံးဖြတ်ပါသည်။ လူတို့၏ အပြစ်ရှိသော သဘာဝသည် မဖြေရှင်းရသေးပါက၊ သူသည် အပြစ်မှ ရုန်းထွက် လွတ်မြောက်ဖို့၊ သန့်စင်ခံရဖို့ နှင့် ကောင်းကင် နိုင်ငံတော်သို့ ဝင်ရောက်ဖို့တို့ မဖြစ်နိုင်သည်မှာ သိသာထင်ရှားပါသည်။

ကိုးကားရန် သမ္မာကျမ်းပိုဒ်များ

“အကြောင်းမူကား၊ သမ္မာတရားကို သိပြီးမှ ကိုယ်အလိုသို့ လိုက်၍ပြစ်မှားပြန်လျှင်၊ နောက်တဖန် အပြစ်ဖြေရာယဇ်ကို ပူဇော်ရာအခွင့် မရှိဘဲ၊ ဒဏ်စီရင်ခြင်းကို ခံရမည်ဟု ကြောက်မက်ဘွယ်သော မြော်လင့်ရသောအကြောင်း၊ ငြင်းဆန်သောသူတို့ကို ဖျက်ဆီးဘို့ရာ အမျက်တော် မီးလောင်ခြင်းကို ခံရသောအကြောင်းရှိ၏။” (ဟေဗြဲသြဝါဒစာ ၁၀:၂၆-၂၇)

“သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်၏အလိုကို ဆောင်သောသူသာလျှင် ဝင်ရလိမ့်မည်။ ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။” (ရှင်မဿဲခရစ်ဝင် ၇:၂၁-၂၃)

“ငါသည် သန့်ရှင်းသောကြောင့်၊ သင်တို့သည် သန့်ရှင်းခြင်း ရှိရကြမည်။” (ဝတ်ပြုရာကျမ်း ၁၁:၄၅)

“သန့်ရှင်းခြင်းပါရမီမရှိလျှင်၊ အဘယ်သူမျှ ထာဝရဘုရားကို မဖူးမမြင်ရ။” (ဟေဗြဲသြဝါဒစာ ၁၂:၁၄)

“ငါအမှန်အကန်ဆို သည်ကား၊ ဒုစရိုက်ကို ပြုသမျှသောသူတို့သည် ဒုစရိုက်ကျွန်ဖြစ်၏။ ကျွန်သည်ကား အိမ်၌ အစဉ်အမြဲနေသည်မဟုတ်။ သားမူကား အစဉ်အမြဲနေ၏။” (ရှင်ယောဟန်ခရစ်ဝင် ၈:၃၄-၃၅)

၃။ကျွန်ုပ်တို့သည် အပြစ်မှ မည်သို့ လွတ်မြောက်ကာ သန့်စင်ခြင်းခံရနိုင်သနည်း။

သမ္မာကျမ်းစာက “သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃) “ဘုရားသခင်၏အိမ်တော်သားတို့ကို ရှေ့ဦးစွာစစ်ကြောစီရင်ရသော အချိန်ရှိပြီ။” (ရှင်ပေတရုသြဝါဒစာပဌမစောင် ၄:၁၇) ဟု ပရောဖက်ပြုထားသည်။ ကိုယ်တော်သည် နောက်ဆုံးသောကာလတွင် တစ်ဖန် ပြန်ကြွလာမည်၊ လူသားမျိုးနွယ်၏ သန့်စင်ခြင်းနှင့် ကယ်တင်ခြင်းတို့အတွက် သမ္မာတရားအားလုံးကို ဖော်ပြမည်၊ ဘုရားသခင်၏ အိမ်တော်မှ အစပြုသည့် တရားစီရင်ခြင်းအမှုတော်ကို ဆောင်ရွက်မည်၊ လူတို့၏ အပြစ်ရှိသော သဘာဝနှင့် ဆိုးယုတ်သော စိတ်သဘောထားကို လုံးလုံးလျားလျား ဖြေရှင်းမည်ဖြစ်ပြီး ၎င်းတို့အနေ့ဖြင့် သန့်စင်ခြင်းကို ရရှိကာ ကောင်းကင်နိုင်ငံတော်ထဲသို့ ခေါ်ဆောင်ခံရနိုင်ဖို့အလို့ငှာ လူတို့ကို အပြစ်မှ လွှတ်ပေးမည်ဟု ဘုရားသခင်က ကတိတော်ထားခဲ့သည်။

ကိုးကားရန် သမ္မာကျမ်းပိုဒ်များ

“ထိုနည်းတူ၊ ခရစ်တော်သည် လူများအပြစ်တို့ကို ခံခြင်းငှာ တခါတည်းကိုယ်ကိုပူဇော်ပြီးမှ၊ နောက်တဖန် ထိုသခင်ကို မျှော်လင့်လျက် နေသောသူတို့ကို ကယ်တင်ခြင်းအလို့ငှာ၊ အပြစ်နှင့်မဆိုင်ဘဲ ပေါ်ထွန်းတော်မူလတံ့။” (ဟေဗြဲသြဝါဒစာ ၉:၂၈)

“သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃)

“ငါ့ကိုပယ်၍ငါ့စကားကို နာမခံသောသူအားအပြစ်စီရင်သောသူရှိသေး၏။ ငါဟောပြောသော စကား ပင် နောက်ဆုံးသောနေ့၌ ထိုသူအားအပြစ်စီရင်လိမ့်မည်။” (ရှင်ယောဟန်ခရစ်ဝင် ၁၂:၄၈)

“ဘုရားသခင်၏အိမ်တော်သားတို့ကို ရှေ့ဦးစွာစစ်ကြောစီရင်ရသော အချိန်ရှိပြီ။” (ရှင်ပေတရုသြဝါဒစာပဌမစောင် ၄:၁၇)

“ကိုယ်တော်၏သမ္မာတရားအားဖြင့် သူတို့ကိုသန့်ရှင်းစေတော်မူပါ။ ကိုယ်တော်၏နှုတ်ကပတ်သည် သမ္မာတရားဖြစ်ပါ၏။” (ရှင်ယောဟန်ခရစ်ဝင် ၁၇:၁၇)

“ထာဝရဘုရား မိန့်တော်မူသည်ကား၊ တပြည်လုံး သုံးစုတွင် နှစ်စုကို ပယ်ဖြတ်၍ အသေခံရသဖြင့်၊ တစုသာ ကျန်ကြွင်းရလိမ့်မည်။ တတိယအပိုင်းကို မီးကိုဖြတ်၍ ငါယူဆောင်လာပြီး ငွေကို သန့်စင်သကဲ့သို့ သူတို့ကို သန့်စင်မည်။ ရွှေကို စစ်သကဲ့သို့ သူတို့ကို ငါစစ်မည်။ သူတို့သည် ငါ့နာမကို ပဌနာပြုကြလိမ့်မည်ဖြစ်ပြီး သူတို့ကို ငါ နားညောင်းမည်။ သူတို့ကို ငါ၏လူမျိုးဟူ၍ ငါပြောမည်။ သူတို့ကလည်း၊ ယေဟောဝါသည် ငါ၏ဘုရားသခင် ဖြစ်တော်မူ၏ဟု ဆိုကြလိမ့်မည်။” (ဇာခရိအနာဂတ္တိကျမ်း ၁၃:၈-၉)

“အသက်ပင်နှင့်ဆိုင်၍၊ မြို့တံခါးအတွင်းသို့ ဝင်အံ့သော ငှါ ပညတ်တော်တို့ကို ကျင့်သောသူတို့သည် မင်္ဂလာရှိကြ၏။” (ဗျာဒိတ်ကျမ်း ၂၂:၁၄)

မှီငြမ်းခြင်း အတွက် ဆောင်းပါးများ

ပို၍များသော အံ့သြဖွယ်ကောင်းသော အကြောင်းအရာ

လူတို့သည် ဖောက်ပြန်ပျက်စီးခြင်းမှ သန့်စင်ခြင်းခံရနိုင်မည့် နည်းလမ်း

တရားဝင် ဝက်ဘ်ဆိုက်