ဘုရားသခင်၏ နေ့စဉ် နှုတ်ကပတ်တော်များ | “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၁၀)” | ကောက်နုတ်ချက် ၂၅၆

ဘုရားသခင် ကိုယ်တိုင်သည် သမ္မာတရား ဖြစ်သည်။ သူကိုယ်တိုင် သမ္မာတရားကို ပိုင်ဆိုင်ပြီး၊ သူသည် သမ္မာတရား၏ ရင်းမြစ်ဖြစ်သည်။ အပြုသဘောဆောင်သော အရာတိုင်းနှင့် သမ္မာတရားတိုင်းသည် သူ့ထံမှလာသည်။ အရာခပ်သိမ်းနှင့် ဖြစ်ရပ်အားလုံးတို့၏ မှန်ခြင်း မှားခြင်းအပေါ် ဘုရားသခင်သည် တရားစီရင်နိုင်သည်။ ဖြစ်ပျက်ပြီးသည့် အရာများ၊ ယခုဖြစ်ပျက်နေသည့် အရာများနှင့် လူသား မသိသေးသည့် အနာဂတ်အရာများအပေါ် ဘုရားသခင်သည် တရားစီရင်နိုင်သည်။ သူသည် ခပ်သိမ်းသောအရာတို့၏ မှန်ခြင်းမှားခြင်းအပေါ် စီရင်ချက်ချနိုင်သည့် တစ်ပါးတည်းသော တရားသူကြီး ဖြစ်သည်။ ဆိုလိုသည်မှာ အရာခပ်သိမ်း၏ မှန်ခြင်း မှားခြင်းကို ဘုရားသခင်သာလျှင် စီရင်နိုင်သည်။ ခပ်သိမ်းသောအရာတို့အတွက် စည်းကမ်းများကို သူသိသည်။ ဤသည်မှာ သမ္မာတရား၏ ပြယုဂ်ဖြစ်ပြီး ဘုရားသခင် ကိုယ်တိုင်သည် သမ္မာတရား၏ အနှစ်သာရကို ပိုင်ဆိုင်သည်ဟု ဆိုလိုသည်။ အကယ်၍ လူသားသည် သမ္မာတရားကို နားလည်သဘောပေါက်ပြီး စုံလင်ခြင်းကို ရရှိပြီး ဖြစ်ပါက သူသည် သမ္မာတရား၏ပြယုဂ်နှင့် သက်ဆိုင်သေးသလော။ လူသားသည် စုံလင်စေခြင်းခံရသောအခါ ဘုရားသခင် ယခု လုပ်ဆောင်သမျှနှင့် သူတောင်းဆိုသမျှအပေါ် မှန်ကန်တိကျသော အကဲဖြတ်မှုတစ်ခု ရှိလေသည်။ ထို့အပြင် လက်တွေ့လုပ်ဆောင်ရန် မှန်ကန်တိကျသော နည်းလမ်းတစ်ခု ရှိလေသည်။ လူသားသည် ဘုရားသခင်၏အလိုတော်ကိုလည်း နားလည်သဘောပေါက်ပြီး အမှန်နှင့်အမှားကို သိ၏။ သို့တိုင် ဘုရားသခင် ပြောပြမှသာ သိနိုင်သော၊ လူတို့အဖို့ အလှမ်းမမီသည့် အမှုအရာအချို့ ရှိနေသည်။ ဘုရားသခင် လူသားအား မပြောသေးသည့်အရာများ၊ သူ မသိသေးသည့်အရာများကို သူ သိနိုင်ပါသလော။ (သူ မသိနိုင်ပါ။) လူသားသည် ခန့်မှန်းချက်များ မလုပ်နိုင်ပေ။ ထို့အပြင်၊ လူသားသည် ဘုရားသခင်ထံမှ သမ္မာတရားကိုရကာ သမ္မာတရား၏ စစ်မှန်မှုကိုရရှိပြီး သမ္မာတရားများစွာ၏ အနှစ်သာရကိုသိရှိကာ၊ အမှန်နှင့်အမှားကိုလည်း ပြောနိုင်စွမ်းရှိပါက၊ သူသည် အရာခပ်သိမ်းကို ထိန်းချုပ်ကာအုပ်စိုးနိုင်သော အစွမ်းရှိသလော။ (မရှိပါ။) ယင်းသည် ခြားနားချက် ဖြစ်သည်။ ဖန်ဆင်းခံ သတ္တဝါများသည် သမ္မာတရားကို သမ္မာတရား၏ ရင်းမြစ်မှသာလျှင် အမြဲရရှိနိုင်သည်။ သမ္မာတရားကို လူသားထံမှ ၎င်းတို့ ရနိုင်သလော။ ထိုအရာကို လူသားက ဖြည့်ဆည်းပေးနိုင်သလော။ လူသားက လူသားအတွက် ပံ့ပိုးပေးနိုင်သလော။ မပံ့ပိုးပေးနိုင်ပေ။ ယင်းသည်ပင် ခြားနားချက်ဖြစ်သည်။ သင်သည် ရရှိရုံရရှိနိုင်သည်၊ မပံ့ပိုးပေးနိုင်ပေ- သင့်ကို သမ္မာတရား၏ပြယုဂ်ဟု ခေါ်ဆိုနိုင် သလော။ သမ္မာတရား ပြယုဂ်၏ အနှစ်သာရဆိုသည်မှာ ဘယ်အရာ အတိအကျဖြစ်သနည်း။ ယင်းမှာ သမ္မာတရားကိုပံ့ပိုးသော ရင်းမြစ်၊ ခပ်သိမ်းသော အရာများအပေါ် အုပ်စိုးမှုနှင့် အချုပ်အခြာအာဏာ၏ ရင်းမြစ်ဖြစ်ပြီး၊ အရာခပ်သိမ်းနှင့် ဖြစ်ရပ်အားလုံးကို အကဲဖြတ်သော စံနှုန်းများနှင့် စည်းကမ်းများလည်းဖြစ်သည်။ ဤသည်မှာ သမ္မာတရား၏ပြယုဂ်ပေတည်း။

ခရစ်တော်၏ပြောဆိုချက် မှတ်တမ်းများ မှ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်နှင့် ပုံမှန်ဆက်ဆံရေးတစ်ခုတည်ဆောက်ရန် အလွန်အရေးကြီး၏” | ကောက်နုတ်ချက် ၄၀၇

ဘုရားသခင်ရှေ့မှောက်တွင် မိမိ၏စိတ်နှလုံးကို ငြိမ်သက်စေခြင်းသည် အရေးကြီးဆုံးသော ကိစ္စများထဲမှတစ်ခုဖြစ်ကြောင်း အတွေ့အကြုံမှ သိမြင်နိုင်သည်။...

ဘုရားသခင်၏ နေ့စဉ် နှုတ်ကပတ်တော်များ | “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ- အခန်း ၁၀” | ကောက်နုတ်ချက် ၃၆၅

ကမ္ဘာမြေကြီးပေါ်တွင် ဝိညာဉ်ဆိုးများ အမျိုးမျိုးတို့သည် နားခိုရန်နေရာကို မပြီးနိုင်မဆုံးနိုင် ရှာဖွေချောင်းမြောင်းလျက် ရှိကြပြီး လူသေအလောင်း...

ဘုရားသခင်၏ နေ့စဉ် နှုတ်ကပတ်တော်များ | “သင်သည် ဘုရားသခင်ကို ယုံကြည်သောကြောင့် သမ္မာတရားအတွက် အသက်ရှင်သင့်သည်” | ကောက်နုတ်ချက် ၃၉၃

လူသားအားလုံး၌ တည်ရှိနေသော ဘုံပြဿနာမှာ ၎င်းတို့သည် သမ္မာတရားကို သဘောပေါက် နားလည်ပါလျက်နှင့် လက်တွေ့ကျင့်သုံးရန် ပျက်ကွက်ခြင်း ဖြစ်သည်။...

ဘုရားသခင်၏ နေ့စဉ် နှုတ်ကပတ်တော်များ | “သမ္မာတရားကို လက်တွေ့မလုပ်ဆောင်သောသူများကို သတိပေးချက်” | ကောက်နုတ်ချက် ၆၀၅

တိုးတက်မှုအတွက် မကြိုးပမ်းသောသူများသည် အခြားလူများကို သူတို့ကဲ့သို့ပင် အပျက်သဘောဆောင်ဖို့နှင့် ပျင်းရိဖို့ရန် အမြဲ ဆန္ဒရှိကြသည်။...