၁

မိုးကြိုးခုနစ်စင်း ပစ်ခတ်၍ ကောင်းကင်ကို တုန်လှုပ်စေကာ

စစ်မှန်သည့် တစ်ပါးတည်းသော ဘုရားသခင် ပေါ်ထွန်းလာပြီဖြစ်။

ယင်းသည် သန့်ရှင်းသော ဝိညာဉ်တော် ကိုယ်တိုင်၏ မိန့်မြွက်ချက်ဖြစ်ပြီး

သူ့စကားသည် ဩဇာအာဏာနှင့် တန်ခိုးကို သယ်ဆောင်။

ဘုရားသခင်သည် လူ့ဇာတိခံယူ၍ ပေါ်ထွန်းလာပြီဖြစ်ကြောင်းနှင့်

ပြန်ကြွလာသော ကယ်တင်ရှင်သည် ရောက်ရှိလာပြီဖြစ်ကြောင်း ကျွန်ုပ်တို့ သေချာသိ။

ကျွန်ုပ်တို့သည် ဘုရားသခင်၏ အသံတော်ကို ကြားရ၊

သိုးသငယ်နောက် လိုက်လျှောက်၍ စားတော်ပွဲကို တက်ရောက်။

ကျွန်ုပ်တို့သည် ဘုရားသခင်နှုတ်ကပတ်တော်ကို နေ့စဉ်နေ့တိုင်း စားသောက်၍

သမ္မာတရားကို ကျွန်ုပ်တို့နားလည်လာသောအခါ ကျွန်ုပ်တို့၏စိတ်နှလုံးများ တောက်ပ။

ဘုရားသခင်အဘို့ မိမိကိုယ်မိမိ အသုံးခံရန် အရာခပ်သိမ်းကို ကျွန်ုပ်တို့ စွန့်လွှတ်၍

ကျွန်ုပ်တို့သည် လူ့လောကနှင့် မိသားစု၏ ဘောင်ခတ်ခြင်းကို မခံရတော့။

၂

ဘုရားသခင် ရွေးချယ်ထားသောလူများသည် နိုင်ငံတော်ခေတ်သို့ ဝင်ရောက်၍

ဘုရားသခင်၏ တရားစီရင်မှုကို လက်ခံသောအခါ သန့်စင်ခံရ။

ဘုရားသခင်၏ ကယ်တင်ခြင်းခံရ၍ စာတန်ထံမှ လွတ်မြောက်ခံရသောကြောင့်

ဘုရားသခင်ရှေ့မှောက် ရှင်သန်နေထိုင်ရန် ကျွန်ုပ်တို့ ဧကန်အမှန် ကောင်းချီးခံစားရ။

ကျွန်ုပ်တို့သည် မိမိတို့၏တာဝန်များကို သစ္စာစောင့်သိစွာ ထမ်းဆောင်၍ ဘုရားသခင်နောက် လိုက်လျှောက်၊

သန့်ရှင်းသော ဝိညာဉ်တော်၏ အမှုတော်ကို ရရှိခြင်းဖြင့် ကျွန်ုပ်တို့ ဧကန်အမှန် ပျော်ရွှင်။

ကျွန်ုပ်တို့၏ ရိုးသားစစ်မှန်သော စိတ်နှလုံးများကို ဘုရားသခင်ထံ အပြည့်အဝ ဆက်ကပ်၊

ကျွန်ုပ်တို့၏ စမ်းသပ်မှုများမှတစ်ဆင့် ဘုရားသခင်အတွက် ကျွန်ုပ်တို့သက်သေခံ။

နိုင်ငံတော်၏ ရှေ့ရေးများသည် အဆုံးမရှိ တောက်ပ၍

ဘုရားသခင်ကို ချစ်ခင်သူများသည် အလင်းတွင် ရှင်သန်နေထိုင်။

ဘုရားသခင်သည် အောင်နိုင်သူတစ်စုကို စုံလင်စေပြီးဖြစ်ကာ

ခရစ်တော်၏ နိုင်ငံတော်သည် ကမ္ဘာမြေပေါ်တွင် ပေါ်ထွန်းခဲ့ပြီ။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ