အဓိကဇာတ်ကောင်ဖြစ်သူသည် သူမ မိဘများ၏ ခရစ်ယာန်ယုံကြည်ခြင်းကို ကလေးဘဝကတည်းက ရရှိခဲ့သည်။ သူမ၏ခင်ပွန်းနှင့် သူမသည် လက်ထပ်ပြီးနောက်တွင်လည်း အသင်းတော်တွင် အတူတကွ အလုပ်တာဝန်ယူခဲ့ကြသည်။ လွန်ခဲ့သော နှစ်အနည်းငယ်အတွင်း၌မူ သူမက အခြေအနေတစ်ခုကို တွေ့လိုက်မိသည်။ သူမသည် သခင့်ထံတွင် အပြစ်ဝန်ခံရန် အမြဲတမ်း ဆုတောင်းနေသော်လည်း၊ အပြစ်မလုပ်မိရန် သူမကိုယ်သူမ မထိန်းနိုင်ဘဲရှိသလို၊ သခင့်နှုတ်ကပတ်တော်တို့ကိုလည်း မလိုက်နာနိုင်ခြင်းဖြစ်သည်။ သူမ၏ခင်ပွန်းအပေါ်တွင်လည်း စိတ်ရှည်သည်းခံခြင်းမျိုး လုံးဝမရှိဖြစ်နေသည်။ ဘုရားသခင်၏ နှုတ်ထွက်စကားဖြစ်သော “ငါသည် သန့်ရှင်းသောကြောင့် သင်တို့သည်လည်း သန့်ရှင်းကြရမည်။” (ဝတ်ပြုရာကျမ်း ၁၁:၄၄) ဆိုသည်ကို သူမ စဉ်းစားကြည့်သည်။ ဘုရားသခင်က သန့်ရှင်းသည်၊ မသန့်ရှင်းသောသူမှန်သမျှ သခင့်ကို မမြင်နိုင်ကြ၊ ထို့ကြောင့် သူမကဲ့သို့ အပြစ်ဖြင့် ရှင်သန်သူတစ်ယောက်မှာ ကောင်းကင်နိုင်ငံတော်သို့ ဝင်ရောက်နိုင်ရဲ့လား ဟူ၍ သူမက တွေးကြည့်သည်။ ဒီအတွေးက သူမကို စိတ်မချမ်းမသာဖြစ်စေကာ၊ သူမလည်း သခင့်ထံတွင် အချိန်တိုင်း ဆုတောင်းတော့သည်။ သူမသည် ယခုသို့ စိတ်ရှုပ်ထွေးမှုမှ နောက်ဆုံးတွင် မည်သို့လွတ်မြောက်သနည်း။ သန့်စင်ခံရကာ ကောင်းကင်နိုင်ငံတော်သို့ ဝင်ရောက်ခြင်း လမ်းကြောင်းကို သူမက မည်သို့ရှာတွေ့သနည်း။ သူမ၏အဖြစ်အပျက်ကို အတူတကွ နားထောင်ကြပါစို့။