အဓိကဇာတ်ကောင်သည် ဘာသာရေးကျောင်း တက်ရောက်နေစဉ်၊ အနန္တတန်ခိုးရှင်ဘုရားသခင်၏ နောက်ဆုံးသောကာလ အမှုတော်ကို လက်ခံမိသည်။ ကျမ်းစာများတွင် နှံ့စပ်သလို၊ သခင့်ကို နှစ်ပေါင်းများစွာ အစေခံလာသော သင်းထောက်တစ်ဦးဖြစ်သည့် သူ့အဖေအတွက်လည်း စဉ်းစားမိကာ၊ ဧဝံဂေလိတရားကို သူ့အဖေအား အမြန်ဆုံး မျှဝေပေးရန် ဆုံးဖြတ်လိုက်သည်။ သို့သော် သူ အံ့သြရသည်မှာ၊ အဖေဖြစ်သူက သမ္မာကျမ်း၏ လုံးချင်း စကားများနှင့် သူ၏ ဘာသာရေးအယူအဆများကို ခေါင်းမာစွာ ဖက်တွယ်ပြီး၊ ရှာဖွေစူးစမ်းရန် ငြင်းဆန်ခြင်းဖြစ်သည်။ သူ့အဖေက သူ့ကို အိမ်မှပင် မောင်းထုတ်လာသဖြင့် ပို၍ တုန်လှုပ်သွားရသည်။ သူသည် အိမ်မှ ထွက်လာရပြီးနောက်၊ အနန္တတန်ခိုးရှင်ဘုရားသခင် နှုတ်ကပတ်တော်တို့၏ တွန်းအားဖြင့် ဧဝံဂေလိ မျှဝေခြင်း၊ ဘုရားသခင်အား သက်သေခံခြင်းတို့ကို ဆက်လုပ်ရန် ဆုံးဖြတ်သည်။ နှစ်ပတ်ခန့်အကြာတွင်မူ သူ့အဖေက သူ့ကို မမျှော်လင့်ဘဲ ဆက်သွယ်လာလေသည်။ အဖေဖြစ်သူက သူသည် ဆုတောင်းခြင်း၊ ရှာဖွေခြင်း၊ ကျမ်းစာများနှင့် ညှိနှိုင်းခြင်းတို့မှတစ်ဆင့်၊ သူ့သား မျှဝေခဲ့သောလမ်းမှာ ကျမ်းစာနှင့် ကိုက်ညီသည်ကို မြင်သွားကြောင်း၊ ယခု ဘုရားသခင်၏ နောက်ဆုံးသောကာလ အမှုတော်ကို ရှာဖွေစူးစမ်းချင်ကြောင်း ပြောလာတော့သည်။ အဖေဖြစ်သူသည် နောက်ဆုံးတွင် ဘုရားသခင်၏အသံကို ကြားကာ၊ သိုးသငယ်၏ ခြေလှမ်းများနောက် လိုက်နိုင်ပါမည်လား။ အဖေ့ကို ဧဝံဂေလိ ဖြန့်ဝေခြင်း တွင် ရှာဖွေကြည့်ပါ။