၁ အဆင့်တိုင်းတွင် လူတို့၏ အခြေအနေများမှာ သမ္မာတရားထဲ သူတို့ဝင်ရောက်ပြီးသည့် အတိုင်းအတာနှင့် ယင်းကို သူတို့ရယူပြီးသည့် ပမာဏတို့နှင့် တိုက်ရိုက်ဆက်စပ်သည်။ လူတို့၏ အခြေအနေများ အတော်ပင် ပုံမှန်ဖြစ်သောအခါ၊ သူတို့သည် သမ္မာတရားအချို့ကို နားလည်နိုင်ပြီး ဝင်ရောက်နိုင်ကြသည်။ ထိုနောက်တဖန်၊ သူတို့သည် ဘုရားသခင်၏ နှုတ်ကပတ်တော်များအပေါ် အခြေခံ၍ အချို့သော လက်တွေ့အရာများကို သဘောပေါက်နိုင်ကြသည်။ သူတို့သည် အခြားသူများကိုလည်း စောင့်ရှောက်ပြီး အစေခံနိုင်ကြသည်။ အချို့မှာမူ မှန်ကန်သော အခြေအနေ၌ မရှိကြပေ၊ သူတို့ ရှာဖွေနေကြသော်လည်း၊ ထို့ပြင် သူတို့ ဖတ်ရှုနားထောင်ပြီး ပြောဆိုနေကြသော်ငြားလည်း အဆုံး၌ ပုံမှန်အခြေအနေများထဲက လူတို့ထက် များစွာလျော့နည်းအောင် ရရှိကြလေသည်။

၂ လူသား၏ မစင်ကြယ်မှုများ၊ ၎င်းတို့၏ ဖောက်ပြန်ပျက်စီးသော သဘာဝများအား ထုတ်ဖော်မှုများနှင့် လူ့အယူအဆများနှင့် စိတ်ကူးစိတ်သန်းများအား ရောပြွမ်းမှုများ အမြဲရှိနေမည်ဆိုပါက၊ လူတို့သည် အတွင်းစိတ်၌ လုံးဝ မရေမရာဖြစ်နေရပေမည်။ ဤအရာက ၎င်းတို့၏ သမ္မာတရားထဲ ဝင်ရောက်မှုကို မထိခိုက်ဘဲ အဘယ်သို့ ရှိနိုင်မည်နည်း။ တည်ကြည်သောစိတ်ရှိသည့် လူတို့သည်သာ သမ္မာတရားကို နားလည်နိုင်ပြီး၊ စင်ကြယ်သောနှလုံးသားရှိသည့် လူတို့သည်သာ ဘုရားသခင်ကို မြင်နိုင်သည်။ မိမိကိုယ်ကိုယ် သွန်မှောက်ခြင်းအားဖြင့်သာ သူတို့သည် သမ္မာတရားကို အလွယ်တကူ ရရှိနိုင်စွမ်း ရှိကြလိမ့်မည်။ လူတို့၏ နှလုံးသားများ ကသောင်းကနင်း ဖြစ်နေသောအခါ သူတို့အနေဖြင့် သမ္မာတရားကို နားလည်ရန် ခက်ခဲလေသည်။ သမ္မာတရားကို နားလည်သောသူတို့သာလျှင် မိမိတို့၏ အခြေအနေများကို အတိုင်းအတာ တစ်ခုအထိ သတိပြုနိုင်ကြသည်၊ ထို့ပြင် မိမိတို့ ပြဿနာများ၏ အနှစ်သာရကို သိရှိခြင်းအားဖြင့်သာလျှင် မိမိတို့၏ သဘာဝကို သူတို့နားလည်နိုင်ကြသည်။

၃ လူတို့၏ အခြေအနေများ မှန်ကန်ပြီး လုံးဝပုံမှန် ဖြစ်ပါက၊ မှန်ကန်သော ဝိညာဉ်အသက်တာကို သူတို့ရရှိလိမ့်မည်၊ ထိုသို့ဆိုလျှင် သူတို့သည် အရေးကိစ္စမျိုးစုံနှင့် ရင်ဆိုင်ရသောအခါ ခြေချော်ရန် သို့မဟုတ် ညည်းညူရန် အလားအလာမရှိပေ။ အဆင့်တစ်ခုစီတွင် သင်ရှာဖွေသည့်နည်းလမ်းနှင့် သင်ရှာဖွေသည့် အခြေအနေတို့မှာ သင်မသိကျိုးကျွန်ပြု၍ ရနိုင်သည့် အရာများမဟုတ်ပေ။ အရေးမစိုက်ခြင်းက နောက်ဆုံးတွင် ဒုက္ခပြဿနာကို ယူဆောင်လာလိမ့်မည်။ သင်၏ အခြေအနေ ပုံမှန်ဖြစ်သောအခါ၊ မှန်ကန်သောလမ်းကြောင်းကို သင်လျှောက်လှမ်းပြီး အမှုအရာများကို မှန်ကန်စွာ ပြုလုပ်လိမ့်မည် ဖြစ်သည့်အပြင် ဘုရားသခင်၏ နှုတ်ကပတ်တော်များထဲသို့ သင် လျင်မြန်စွာ ဝင်ရောက်လိမ့်မည် ဖြစ်သည်။ ဤနည်းအတိုင်း ရှာဖွေခြင်းအားဖြင့်သာလျှင် သင့်အသက်တာ ကြီးထွားနိုင်ပေသည်။

“ဘုရားသခင်၏ မိတ်သဟာယဖွဲ့ခြင်း” ကို ကောက်နုတ်၍ ဆီလျော်စွာ ပြုပြင်ထားသည်