ဘုရားသခင်၏ နေ့စဉ် နှုတ်ကပတ်တော်များ | “အစအဦး၌ ခရစ်တော်၏ မိန့်မြွက်ချက်များ- အခန်း ၈” | ကောက်နုတ်ချက် ၅၀

နိုင်ငံတော်၏ ရှင်ဘုရင်ဖြစ်သည့် အနန္တတန်ခိုးရှင် ဘုရားသခင်သည် သက်သေထူခံရပြီး ဖြစ်သည့်အချိန်ကတည်းက၊ ဘုရားသခင်၏ စီမံခန့်ခွဲမှု အတိုင်းအတာကို စကြဝဠာတစ်ခုလုံး အနှံ့အပြားတွင် လုံးလုံးလျားလျား ဖွင့်ဟပြီးဖြစ်သည်။ ဘုရားသခင် ပေါ်ထွန်းခြင်းကို တရုတ်နိုင်ငံတွင် သက်သေခံပြီးသည်သာမက၊ အနန္တတန်ခိုးရှင် ဘုရားသခင်၏ နာမကိုလည်း တိုင်းနိုင်ငံအားလုံးနှင့် နေရာအားလုံးတွင် သက်သေခံပြီး ဖြစ်သည်။ ၎င်းတို့အားလုံးသည် ဘုရားသခင်နှင့် ဖြစ်နိုင်သမျှ မည်သည့်နည်းလမ်းမဆိုဖြင့် မိတ်သဟာယဖွဲ့ဖို့ ကြိုးစားရင်း၊ အနန္တတန်ခိုးရှင် ဘုရားသခင်၏ အလိုတော်ကို သဘောပေါက်ပြီး အသင်းတော်၌ ပူးပေါင်းအစေခံရင်း၊ ဤသန့်ရှင်းသော နာမတော်ကို ဟစ်ခေါ်ကြ၏။ ဤသည်မှာ သန့်ရှင်းသော ဝိညာဉ်တော် အလုပ်လုပ်သည့် အံ့သြဖွယ်နည်းလမ်း ဖြစ်ပေသည်။

တိုင်းနိုင်ငံအမျိုးမျိုးတို့၏ ဘာသာစကားများသည် တစ်ခုနှင့်တစ်ခု ကွဲပြားကြသော်လည်း၊ ဝိညာဉ်တော်သည် တစ်ပါးတည်းသာရှိသည်။ ဤဝိညာဉ်တော်သည် စကြဝဠာတစ်လျှောက် အသင်းတော်တို့ကို ပေါင်းစည်းပေးပြီး ကွာခြားချက် စိုးစဉ်းမျှ မရှိဘဲ ဘုရားသခင်နှင့် လုံးဝ တစ်လုံးတစ်ဝတည်း ဖြစ်ပေသည်။ ဤသည်မှာ ယုံမှားဖွယ် မရှိသောအရာ ဖြစ်သည်။ ယခုတွင် သန့်ရှင်းသော ဝိညာဉ်တော်သည် ၎င်းတို့ကို ခေါ်ပြီး၊ သူ၏အသံသည် ၎င်းတို့ကို နိုးထစေသည်။ ယင်းမှာ ဘုရားသခင်၏ ကရုဏာတော် အသံ ဖြစ်ပေသည်။ ၎င်းတို့အားလုံးသည် အနန္တတန်ခိုးရှင် ဘုရားသခင်၏ သန့်ရှင်းသော နာမကို ဟစ်ခေါ်နေကြ၏။ ၎င်းတို့သည် ချီးမွမ်းကာလည်း သီချင်း သီဆိုကြ၏။ သန့်ရှင်းသော ဝိညာဉ်တော်၏ လုပ်ဆောင်ချက်ထဲတွင် ဘယ်သောအခါမျှ မည်သည့်သွေဖည်ခြင်းမျှ မရှိနိုင်ပေ။ ဤလူများသည် မှန်ကန်သော လမ်းကြောင်းတစ်လျှောက် ရှေ့တိုးချီတက်ရန် အလွန့်အလွန် ကြိုးစားပမ်းစား လုပ်ကြသည်၊ ၎င်းတို့ နောက်မဆုတ်ကြ- အံသြဖွယ်ရာများသည် ထပ်ဆင့် ပုံလျက်ရှိသည်။ ဤသည်မှာ လူတို့ စိတ်ကူးဖို့ခက်ပြီး မှန်းဆဖို့ မဖြစ်နိုင်ဟု တွေ့ရသည့် အရာတစ်ခု ဖြစ်သည်။

အနန္တတန်ခိုးရှင် ဘုရားသခင်သည် စကြဝဠာတွင် အသက်၏ အရှင်သခင် ဖြစ်၏။ သူသည် ဘုန်းကြီးသော ပလ္လင်ထက်တွင် ထိုင်ပြီး၊ လောကကို တရားစီရင်၏၊ အရာခပ်သိမ်းကို ကြီးစိုးကာ၊ တိုင်းနိုင်ငံ အားလုံးကို အုပ်စိုးလေသည်။ လူမျိုးအားလုံးသည် သူ့ထံ ဒူးထောက်ကြသည်၊ သူ့အားဆုတောင်းကာ၊ သူ့ထံ ချဉ်းကပ်ကြပြီး သူနှင့် မိတ်သဟာယဖွဲ့ကြ၏။ ဘုရားသခင်ကို သင် မည်မျှကြာ ယုံကြည်ပြီး ဖြစ်သည်၊ သင်၏ အဆင့်အတန်း မည်မျှမြင့်မားသည် သို့မဟုတ် သင်၏ ဝါရင့်မှု မည်မျှကြီးမားသည်ကို ပဓာနမထားဘဲ၊ သင်၏စိတ်နှလုံးထဲတွင် ဘုရားသခင်ကို သင်ဆန့်ကျင်ပါက၊ သင်သည် တရားစီရင်ခံရမည်ဖြစ်ပြီး နာကျင်ဖွယ် အသနားခံခြင်းအသံကို မြည်တမ်းလျက် သူ၏ ရှေ့မှောက်တွင် မိမိကိုယ်ကိုယ် ပျပ်ဝပ်ရမည် ဖြစ်သည်။ ဤသည်မှာ သင်၏ ကိုယ်ပိုင် လုပ်ရပ်များ၏ အသီးအပွင့်တို့ကို ဧကန်အမှန် ရိတ်သိမ်းခြင်း ဖြစ်သည်။ ဤမြည်တမ်းသောအသံသည် ကန့်နှင့်ရောနှောသော မီးအိုင်ထဲတွင် ညှဉ်းဆဲခံနေရခြင်း အသံဖြစ်ပြီး၊ ဘုရားသခင်၏ သံလှံတံဖြင့် ဆုံးမခံရရာမှ ငိုညည်းသံဖြစ်သည်။ ဤသည်မှာ ခရစ်တော်၏ ပလ္လင်တော်ရှေ့ တရားစီရင်ခြင်း ဖြစ်သည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

အနန္တတန်ခိုးရှင်ဘုရား၏ နာမတော် အကြောင်းကို တိုင်းနိုင်ငံအားလုံး၌ သက်သေခံပြီ

အနန္တတန်ခိုးရှင်ဘုရား နိုင်ငံတော်၏ ရှင်ဘုရင်ကို သက်သေခံပြီးသည့်အတွက်၊ ဘုရား၏ ခန့်ခွဲမှု အစီအစဉ် အပိုင်းအခြားသည် စကြဝဠာတစ်လျှောက်လုံး ပျံ့နှံ့လေပြီ တရုတ်၌သာမက တိုင်းပြည်အားလုံး၌ ဘုရား၏ပေါ်ထွန်းခြင်းကို သက်သေခံလေပြီ သူ၏သန့်ရှင်းနာမကို ဟစ်ကြွေးရင်း ဘုရားနှင့် မိတ်သဟာယဖွဲ့ရန် သူတို့ ကြိုးပမ်း။ အလိုတော်ကို နားလည်ရင်း အသင်းတော်၌ အတူ အစေခံကြသည်။ ဤအံ့ဖွယ်နည်းဖြင့် ဝိညာဉ်တော် အမှုပြု အနန္တတန်ခိုးရှင်ဘုရား၊ နိုင်ငံတော်၏ရှင်ဘုရင် သူ့ကို သက်သေခံကြလေပြီ အနန္တတန်ခိုးရှင်ဘုရား၏ နာမတော် အကြောင်းကို တိုင်းနိုင်ငံအားလုံးတွင် အမှန်တကယ်ထင်ရှားခဲ့ပါပြီ။

လူမျိုးများ၏ ဘာသာစကား အချင်းချင်း ကွဲပြားသော်လည်း အသင်းတော်များ၌ ဘုရားနှင့် မခြားနား၊ တစ်လုံးတစ်ဝတည်းဖြစ်သော စိတ်ဝိညာဉ်တော်တစ်ပါးတည်းရှိ သန့်ရှင်းသောဝိညာဉ်တော်သည် သူတို့ကို ခေါ်ပြီး အသံတော်သည် သူတို့ကို နိုးကြားစေခဲ့။ ဒါဟာ ဘုရား၏ ကရုဏာတော်အသံ။ သူတို့လည်း အနန္တတန်ခိုးရှင်ဘုရား၏ သန့်ရှင်းသောနာမကို ဟစ်ကြွေး ချီးမွမ်းသီဆိုကြသည်။ အားလုံးသည် လမ်းမှန်ပေါ် ခိုင်မြဲစွာ လျှောက်လှမ်း။ ဝိညာဉ်တော်အမှုတော်တွင် လမ်းလွဲခြင်းမရှိ။ အလွယ်လေး သူတို့နောက်မဆုတ်။ လူသားတွက် တွေးတောရခက်ပြီး နားလည်သဘောပေါက်လို့မရတဲ့ အံ့သြဖွယ်တစ်ခုပြီးတစ်ခုဖြစ်ပေါ်လာသည်။ အနန္တတန်ခိုးရှင်ဘုရား၊ နိုင်ငံတော်၏ရှင်ဘုရင် သူ့ကို သက်သေခံကြလေပြီ။ အနန္တတန်ခိုးရှင်ဘုရား၏ နာမတော် အကြောင်းကို တိုင်းနိုင်ငံအားလုံးတို့တွင် အမှန်တကယ်ထင်ရှားခဲ့ပါပြီ။

အနန္တတန်ခိုးရှင်ဘုရားသည် စကြဝဠာ၌ အသက်၏ရှင်ဘုရင်။ ဘုန်းကြီးသော ပလ္လင်ပေါ်ထိုင်ပြီး တစ်လောကလုံးကို သူတရားစီရင် တိုင်းနိုင်ငံအားလုံးကို အုပ်ချုပ်။ လူသားအားလုံး ဒူးထောက် သူ့ထံ ဆုတောင်းကြပြီး တိုးဝင်ချဉ်းကပ်ကြသည်။ ဘုရား၌သင့်ယုံကြည်ခြင်း ဘယ်လောက်ကြာခဲ့ပါစေ၊ သင့်အဆင့်အတန်းဘယ်လောက်မြင့်ပြီး သင့်ရာထူးဘယ်လောက်ကြီးမားပါစေ သင့်စိတ်နှလုံး၌ ဘုရားကို ဆန့်ကျင်လျှင် တရားစီရင်ခြင်း သင်ခံရမည်။ သူ့ရှေ့၌ လဲကျကာ နာကျင်စွာ အသနားခံရလိမ့်မည်။ ဒါဟာ သင့်လုပ်ဆောင်မှုများ၏ အသီးအပွင့် ရိတ်သိမ်းခြင်းဖြစ်သည်။ ဤငိုကြွေးခြင်းအသံသည် ကန့်မီးအိုင်အထဲရှိ ညှင်းပန်း နှိပ်စက်တဲ့သံ။ ဒါဟာ ဘုရား၏ ရိုက်နှက်ဆုံးမ ခြင်းကြောင့် ငိုကြွေးခြင်း၊ ခရစ်တော်၏ပလ္လင်တော်ရှေ့တွင် တရားစီရင်ခြင်း။ အနန္တတန်ခိုးရှင်ဘုရား၊ နိုင်ငံတော်၏ရှင်ဘုရင် သူ့ကို သက်သေခံကြလေပြီ။ အနန္တတန်ခိုးရှင်ဘုရား၏ နာမတော် အကြောင်းကို တိုင်းနိုင်ငံအားလုံးတို့တွင် အမှန်တကယ်ထင်ရှားခဲ့ပါပြီ။ အနန္တတန်ခိုးရှင်ဘုရား၏ နာမတော် အကြောင်းကို တိုင်းနိုင်ငံအားလုံးတို့တွင် အမှန်တကယ်ထင်ရှားခဲ့ပါပြီ။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “လူ့ဇာတိခံယူသော ဘုရားသခင်၏အမှုတော်နှင့် လူ၏တာဝန် ကွဲပြားခြားနားမှု” | ကောက်နုတ်ချက် ၄၄၉

ပညာမရှိသော ထိုသူများသာမက မာနကြီးသူများသည် ၎င်းတို့အတတ်နိုင်ဆုံး ကြိုးစားခြင်း သို့မဟုတ် ၎င်းတို့၏တာဝန်ကို လုပ်ဆောင်ရမည့်အစား ၎င်းတို့...

ဘုရားသခင်၏ နေ့စဉ် နှုတ်ကပတ်တော်များ | “အစအဦး၌ ခရစ်တော်၏ မိန့်မြွက်ချက်များ- အခန်း ၁၀၈” | ကောက်နုတ်ချက် ၂၂၃

ကမ္ဘာလောကတွင်၊ မြေငလျင်များသည် ကပ်ဘေး၏ အစအဦး ဖြစ်သည်။ ပထမဦးစွာ ငါသည် ကမ္ဘာလောကကို- ဆိုလိုသည်မှာ ကမ္ဘာမြေကြီးကို- ပြောင်းလဲစေပြီး၊...

ဘုရားသခင်၏ နေ့စဉ် နှုတ်ကပတ်တော်များ | “အမှုတော်နှင့် ဝင်ရောက်ခြင်း (၉)” | ကောက်နုတ်ချက် ၁၉၆

လူသား၏အလုပ်အတွက် ဘုရားသခင် အောင့်ခံခဲ့သည့် အိပ်မပျော်သောညများမှာ များစွာဖြစ်၏။ အထက်အမြင့်အရပ်မှ အနိမ့်ဆုံးအနက်များအထိ သူသည်...

ဘုရားသခင်၏ နေ့စဉ် နှုတ်ကပတ်တော်များ | “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများကို အနက်ဖွင့်ဆိုချက်- အခန်း ၁၄” | ကောက်နုတ်ချက် ၃၇၃

ဘုရားသခင်သည် လူသားမျိုးနွယ်အား ဖန်ဆင်းခဲ့သော်လည်း၊ လူ့လောကသို့ သူလာသောအခါ ၎င်းတို့သည် သူ့အား ခုခံရန် ကြိုးပမ်းကြ၏၊ သူသည် လောကအတွင်း...