ဘုရားသခင်၏ နေ့စဉ် နှုတ်ကပတ်တော်များ- ပန်းတိုင်များနှင့် အဆုံးသတ်များ | ကောက်နုတ်ချက် ၅၈၅

ယခုအချိန်သည် လူတစ်ဦးစီအတွက် အဆုံးသတ်ချိန်ဟု ငါဆုံးဖြတ်ပြီး ဤသည်မှာ လူသားအပေါ် ငါစတင်လုပ်ကိုင်သည့် အဆင့် မဟုတ်။ ငါ၏မှတ်တမ်းစာအုပ်ထဲတွင် လူတစ်ဦးစီ၏ စကားများနှင့် လုပ်ဆောင်ချက်များအပြင် ငါ့နောက်သို့ လိုက်ရာတွင် ထိုသူတို့၏လမ်းများ၊ အရင်းခံ လက္ခဏာများနှင့် သူတို့၏နောက်ဆုံး လုပ်ဆောင်ချက်ကို တစ်ခုပြီးတစ်ခု ငါချရေးသည်။ ဤနည်းအားဖြင့် မည်သို့သောလူသားမျှ ငါ၏လက်မှ မလွတ်မြောက်နိုင်။ ထို့အပြင် ခပ်သိမ်းသောလူတို့ သည် ငါ ချမှတ်ပေးသည်အတိုင်း မိမိတို့ကဲ့သို့သော သူများနှင့် နေရမည်။ ငါသည် လူတစ်ဦးစီ၏ ခရီး လမ်းဆုံးကို အသက်၊ အဆင့်မြင့်မှု၊ ဒုက္ခခံရသည့်ပမာဏနှင့် အနည်းဆုံးအဖြစ် သူတစ်ပါးမှ ၎င်းအပေါ် သနားစိတ်ပေါ်စေသည့် အတိုင်းအတာ တို့ကို အခြေပြု၍ ဆုံးဖြတ်ခြင်း မဟုတ်။ ၎င်းတို့တွင် သမ္မာတရား ရှိမရှိအပေါ်တွင် မူတည်၍ ဆုံးဖြတ်ခြင်းဖြစ်၏။ ဤအရာမှတပါး တခြားရွေးချယ်စရာ မရှိ။ ဘုရားသခင်၏အလိုကို မလိုက်သောသူ တို့အားလုံး အပြစ်ပေးခြင်း ခံရမည်ကို သင်သိရမည်။ ဤသည်မှာ မပြောင်းလဲနိုင်သော အချက်ဖြစ်၏။ ထို့ကြောင့် အပြစ် ပေးခံရသူ အားလုံးသည် ဘုရားသခင်၏ ဖြောင့်မတ်တော်မူခြင်းအတွက်နှင့် ၎င်းတို့၏ များလှစွာသော ဆိုးယုတ်သည့် လုပ်ရပ်များအတွက် အပြစ်ပေးခံရခြင်းဖြစ်၏။ ငါ၏အစီအစဉ် စတင်ချိန်မှစ၍ ငါသည် အပြောင်းအလဲ တစ်ခုမျှမလုပ်ခဲ့ပါ။ လူသားနှင့်ပတ်သက်လျှင် ငါ၏ နှုတ်ကပတ်တော်ကို ငါဦးတည်ချက်ထားသူဦးရေ နည်းပါးလာပုံရသကဲ့သို့ ငါအမှန်တကယ် သဘောကျ လက်ခံသူ ဦးရေသည်လည်း နည်းပါးလာပုံရနေ၍သာ ဖြစ်သည်။ သို့ရာတွင် ငါ၏အစီအစဉ်သည် မည်သည့်အခါမျှ မပြောင်းလဲခဲ့ဟု ငါဆိုသည်။ အကယ်ဆိုရလျှင် လူတစ်ဦးစီသည် ငါ့ကို မျက်နှာလို မျက်နှာရလုပ်ရာမှ ငါ့အပေါ် အေးတိအေးစက်ဖြစ်၍ သို့မဟုတ် ငါ့ကိုစွန့်ပစ်ရန် ဖြစ်နိုင်သည်အထိ လူသား၏ယုံကြည်ခြင်းနှင့် ချစ်ခြင်း မေတ္တာသာလျှင် အမြဲပြောင်းလဲ၊ အမြဲလျော့နည်း လာနေခြင်း ဖြစ်သည်။ ငါသည် ရွံရှာ၍ စက်ဆုပ်စိတ်ပေါ်ကာ၊ အဆုံးတွင် အပြစ်ဒဏ်ပေးသည်အထိ မဖြစ်မချင်း သင်တို့အပေါ် ငါ၏ သဘောထားမှာ ပူခြင်း၊ အေးခြင်းမရှိ။ သို့ရာတွင် သင်တို့ကို အပြစ်ပေးသော နေ့တွင် ငါသည် သင်တို့ကို တွေ့ဦးမည် ဖြစ်သော်လည်း သင်တို့သည် ငါ့ကို မြင်နိုင်တော့မည် မဟုတ်ချေ။ သင်တို့အကြား ငါနေရသည့်ဘဝမှာ ငြီးငွေ့ဖွယ်ကောင်း၍ ပျင်းစရာကောင်းလာပြီ ဖြစ်သဖြင့် သင်တို့၏ ဖျက်လို ဖျက်ဆီး စကားများကို ရှောင်ရှားရန်နှင့် မခံမရပ်နိုင်လောက်အောင် ယုတ်ညံ့သည့် အပြုအမူမှ ရှင်းရာသို့သွားရန်နှင့် သင်သည် ငါ့ကို ဆက်၍လှည့်စားနိုင်ခြင်း မရှိတော့ဘဲ ဝတ်ကျေတမ်းကျေ ဆက်ဆံ၍မရတော့ရန် ငါသည် အခြားနေစရာ ပတ်ဝန်းကျင်များကို ရွေးခဲ့သည်မှာ ပြောစရာပင် မလိုပါ။ အမှန်တရားနှင့် မကိုက်ညီသည့်အရာများ လုပ်ဆောင်ခြင်းကို ရှောင်ရှားရန် သင်တို့ထံမှ ငါထွက်ခွာမသွားမီ သင်တို့ကို ငါတိုက်တွန်းရပါဦးမည်။ အကယ်စင်စစ် လူခပ်သိမ်းအား ပျော်ရွှင်စေမည့်အရာ၊ လူခပ်သိမ်းအတွက် အကျိုးရှိမည့် အရာနှင့် သင်၏ခရီးလမ်းဆုံးအတွက် အကျိုးရှိမည့်အရာကို သင်လုပ်သင့် သည်။ သို့မဟုတ်ပါက ဘေးဒုက္ခအလယ်တွင် ခံစားရမည့်သူမှာ အခြားမည်သူမျှ မဟုတ်ဘဲ သင်သာလျှင်ဖြစ်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ မှ

ဘုရားသခင်သည် လူသား၏အဆုံးသတ်ကို ၎င်းတို့၌ သမ္မာတရား ရှိမရှိအပေါ် အခြေခံ၍ ဆုံးဖြတ်တော် မူ၏

လူတစ်ဦးစီ၏အဆုံးသတ်ကို ဘုရားသခင် အဆုံးအဖြတ်ပေးရန် အချိန်ရောက်ပြီ၊ လူသားအပေါ် ကိုယ်တော် အမှုအစပြုသည့် အဆင့်မဟုတ်ပေ။ ဘုရားသခင်သည် သူ၏စာအုပ်အတွင်း လူတစ်ဦးချင်းစီ၏ စကားလုံးနှင့် လုပ်ဆောင်မှုတစ်ခုချင်းစီကို ရေးသွင်းလေ၏။ ကိုယ်တော်သည် ၎င်းတို့ကို တစ်ခုပြီး တစ်ခု မှတ်တမ်းတင်လေ၏။ ဘုရားသခင်သည် အယောက်တိုင်း၏ ပန်းတိုင်ကို အသက်အရွယ်၊ ရာထူး သို့မဟုတ် ဒုက္ခဆင်းရဲခံခြင်းများ သနားစေခြင်း အတိုင်းအတာအပေါ် အခြေခံ၍ မဟုတ်ဘဲ ၎င်းတို့၌ သမ္မာတရား ရှိမရှိအပေါ်၌သာ ဆုံးဖြတ်မူ၏။

သူ့နောက်သို့ လိုက်လျှောက်ရာတွင် ၎င်းတို့၏လမ်းကြောင်း၊ ၎င်းတို့၏ပင်ကိုအရည်အချင်းများနှင့် နောက်ဆုံး ဆောင်ရွက်ချက်တို့ကို ကိုယ်တော် မှတ်သားမူ၏။ ဤနည်းဖြင့် မည်သည့်လူသားမျှ ဘုရားသခင်၏လက်တော်မှ မလွတ်မြောက်နိုင်ရာ။ အားလုံး ကိုယ်တော် သတ်မှတ်သည်နှင့်အညီ ၎င်းတို့၏ အမျိုးအစားအလိုက် ရှိလေမည်။ ဘုရားသခင်သည် အယောက်တိုင်း၏ ပန်းတိုင်ကို အသက်အရွယ်၊ ရာထူး သို့မဟုတ် ဒုက္ခဆင်းရဲခံခြင်းများ သနားစေခြင်း အတိုင်းအတာအပေါ် အခြေခံ၍ မဟုတ်ဘဲ ၎င်းတို့၌ သမ္မာတရား ရှိမရှိအပေါ်၌သာ ဆုံးဖြတ်မူ၏။

ဘုရားသခင်၏အလိုတော်ကို မလိုက်နာသောသူများသည်၊ အပြစ်ဒဏ်ပေးခြင်းကို ခံရမည်။ ဤအရာမှာ မည်သူမျှ မပြောင်းလဲနိုင်သော အမှန်တရား ဖြစ်၏။ ထို့ကြောင့် အပြစ်ဒဏ်ပေးခြင်းကို ခံရသောသူအားလုံးမှာ ဘုရားသခင်၏ ဖြောင့်မတ်ခြင်းအတွက် ဖြစ်၏။ မရေတွက်နိုင်အောင် ဆိုးသွမ်းသော လုပ်ဆောင်မှုများအတွက် ဒဏ်ခတ်ခြင်း အနေဖြင့် ဖြစ်၏။ ဘုရားသခင်သည် အယောက်တိုင်း၏ ပန်းတိုင်ကို အသက်အရွယ်၊ ရာထူး သို့မဟုတ် ဒုက္ခဆင်းရဲခံခြင်းများ သနားစေခြင်း အတိုင်းအတာအပေါ် အခြေခံ၍ မဟုတ်ဘဲ ၎င်းတို့၌ သမ္မာတရား ရှိမရှိအပေါ်၌သာ ဆုံးဖြတ်မူ၏။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ- အသက်အတွင်း ဝင်ရောက်မှု | ကောက်နုတ်ချက် ၄၅၆

ယနေ့တွင် ဘာသာရေး အယူအဆများမရှိဘဲ မိမိတို့၏ ကိုယ်ဟောင်းကို စွန့်လွှတ်ရန် အသင့်ရှိသူများ၊ ရိုးသားပွင့်လင်းစွာဖြင့် ဘုရားသခင်ကို...

ဘုရားသခင်၏ နေ့စဉ် နှုတ်ကပတ်တော်များ- ဘုရားသခင်၏ အမှုတော်ကို သိရှိခြင်း | ကောက်နုတ်ချက် ၁၇၂

ဘုရားသခင်ကိုယ်တိုင်၏အမှုဖြစ်စေ၊ အသုံးပြုခြင်းခံရသော လူများ၏ အလုပ်ဖြစ်စေ၊ သန့်ရှင်းသော ဝိညာဉ်တော်၏ ရေစီးကြောင်းတွင်ရှိသော အလုပ်သည်...

ဘုရားသခင်၏ နေ့စဉ် နှုတ်ကပတ်တော်များ- အသက်အတွင်း ဝင်ရောက်မှု | ကောက်နုတ်ချက် ၄၈၅

သန့်ရှင်းသော ဝိညာဉ်တော် လုပ်သော အလုပ်သည် နေ့စဉ်နေ့တိုင်း ပြောင်းလဲနေပြီး အလုပ်အဆင့် တစ်ခုစီတိုင်းသည် သာ၍ အဆင့်မြင့်လာလေ့ရှိသည်။...

ဘုရားသခင်၏ နေ့စဉ် နှုတ်ကပတ်တော်များ- အသက်အတွင်း ဝင်ရောက်မှု | ကောက်နုတ်ချက် ၅၀၅

ယနေ့ ဘုရားသခင်ကို သင်မည်မျှချစ်သနည်း။ ထို့ပြင် သင့်အထဲ၌ ဘုရားသခင်လုပ်ဆောင်ထားသော အရာအားလုံးကို သင်မည်မျှသိသနည်း။ ဤအရာများမှာ သင့်အနေဖြင့်...

Messenger မှတဆင့် ကျွန်ုပ်တို့ကို ဆက်သွယ်လိုက်ပါ။