ဘုရားသခင်၏ နေ့စဉ် နှုတ်ကပတ်တော်များ | “လူသား၏သာမန်ဘဝကို နဂိုအတိုင်း ပြန်ဖြစ်လာစေခြင်းနှင့် သူ့ကို အံ့သြဖွယ်ကောင်းသော ခရီးပန်းတိုင်သို့ ခေါ်ဆောင်သွားခြင်း” | ကောက်နုတ်ချက် ၅၉၁

ယနေ့၊ အောင်နိုင်သူတစ်ဦးဖြစ်လာရန်နှင့် စုံလင်စေခြင်း ခံရသူတစ်ဦးဖြစ်ရန် လူသား၏ဆောင်ရွက်မှုသည် လူသားက ကမ္ဘာမြေကြီးပေါ်တွင် သာမန်လူသားတစ်ဦး၏ဘဝ မရမီ ဆောင်ရွက်ခဲ့သောအရာများဖြစ်၍ စာတန်ကိုကျွန်မပြုမီ လူသားက ရှာဖွေခဲ့သော ရည်မှန်းချက်များဖြစ်သည်။ အနှစ်သာရအားဖြင့် အောင်နိုင်သူတစ်ဦး ဖြစ်လာရန်နှင့် စုံလင်စေခြင်းခံရသူတစ်ဦးဖြစ်ရန်၊ သို့မဟုတ် ကြီးမားစွာ အသုံးချခံရရန် လူသား၏ဆောင်ရွက်မှုမှာ စာတန်၏ လွှမ်းမိုးမှုမှ လွတ်မြောက်ရန်ဖြစ်၏။ လူသား၏ဆောင်ရွက်မှုမှာ အောင်နိုင်သူတစ်ဦးဖြစ်လာရန် ဖြစ်သော်လည်း နောက်ဆုံးရလဒ်မှာ စာတန်၏လွှမ်းမိုးမှုမှ သူ၏လွတ်မြောက်ခြင်း ဖြစ်လိမ့်မည်။ စာတန်၏လွှမ်းမိုးမှုမှ လွတ်မြောက်ခြင်းဖြင့်သာ လူသားသည် ကမ္ဘာမြေကြီးပေါ်တွင် သာမန်လူသား၏ ဘဝ၊ ဘုရားသခင်ကို ဝတ်ပြုကိုးကွယ်သည့်ဘဝတွင် နေထိုင်နိုင်မည်ဖြစ်၏။ ယနေ့ အောင်နိုင်သူတစ်ဦး ဖြစ်လာရန်နှင့် စုံလင်စေခြင်းခံရသူတစ်ဦးဖြစ်ရန် လူသား၏ဆောင်ရွက်မှုသည် လူသားက ကမ္ဘာမြေကြီးပေါ်တွင် သာမန် လူပုဂ္ဂိုလ်တစ်ဦး၏ဘဝမရမီ ဆောင်ရွက်ခဲ့သောအရာများဖြစ်၏။ သန့်စင်ခြင်းခံရရန်နှင့် သမ္မာတရားကို လက်တွေ့ကျင့်သုံးရန်အတွက်နှင့် ဖန်ဆင်းရှင်ကို ဝတ်ပြု ကိုးကွယ်ခြင်းပြုရန် ၎င်းတို့ကို အဓိကဆောင်ရွက်ခြင်း ဖြစ်၏။ ကမ္ဘာမြေကြီးပေါ်တွင် သာမန်လူပုဂ္ဂိုလ်တစ်ဦး၏ဘဝ၊ အခက်အခဲ သို့မဟုတ် ဒုက္ခဝေဒနာ ကင်းသည့်ဘဝကို ပိုင်ဆိုင်လျှင် လူသားသည် အောင်နိုင်သူတစ်ဦးဖြစ်လာရန် ဆောင်ရွက်မည် မဟုတ်ပေ။ “အောင်နိုင်သူတစ်ဦး ဖြစ်လာရန်” နှင့် “စုံလင်စေခြင်းခံရသူတစ်ဦးဖြစ်လာရန်” တို့သည် ဘုရားသခင်က လူသားကို ဆောင်ရွက်ရန် ပေးသည့် ရည်ရွယ်ချက်များဖြစ်၍ ဤရည်မှန်းချက်များကို ဆောင်ရွက်ခြင်းဖြင့် သူသည် လူသားအား သမ္မာတရားကို လက်တွေ့ကျင့်သုံးစေ၍ အရေးပါသည့်ဘဝကို နေစေ၏။ ဤရည်ရွယ်ချက်မှာ လူသားကို ပြည့်ဝစေရန်နှင့် လူသားကို ရရှိရန်ဖြစ်၍ အောင်နိုင်သူတစ်ဦးဖြစ်လာရန်နှင့် စုံလင်စေခြင်းခံရသူတစ်ဦး ဖြစ်ရန် ဆောင်ရွက်ချက်မှာ နည်းနာတစ်ရပ်သာ ဖြစ်၏။ အကယ်၍ အနာဂတ်တွင် လူသားသည် အံ့သြဖွယ်ကောင်းသော ခရီးပန်းတိုင်အတွင်း ဝင်ရောက်ပါက၊ အောင်နိုင်သူတစ်ဦးဖြစ်လာရန်နှင့် စုံလင်စေခြင်း ခံရသူတစ်ဦးဖြစ်ရန်ကို ရည်ညွှန်းလိမ့်မည် မဟုတ်ပေ။ သတ္တဝါတစ်ဦးစီ ၎င်းတို့၏တာဝန်ကို ထမ်းဆောင်နေခြင်းသာလျှင် ရှိလိမ့်မည်ဖြစ်သည်။ ယနေ့ လူသား၏ဆောင်ရွက်မှုသည် ပစ်မှတ်ထားသော ဆောင်ရွက်မှု ဖြစ်စေရေးနှင့် လက်တွေ့ကျစေရေးအတွက်၊ ဤအရာများကို လူသားအတွက် နယ်ပယ်သတ်မှတ်ရန်သာ ဆောင်ရွက်စေခြင်းဖြစ်၏။ ၎င်းမရှိပါက ထာဝရ အသက်တာအတွင်း ဝင်ရောက်ရန် လူသား၏ဆောင်ရွက်မှုသည် မရေရာဘဲ စိတ်ကူးသက်သက်ဖြစ်၍၊ ဤသို့သာဖြစ်ပါက လူသားသည် ပို၍သနားဖွယ် မကောင်းပေဘူးလော။ ရည်မှန်းချက်များ သို့မဟုတ် အခြေခံသဘောတရားများမရှိဘဲ ဤနည်းဖြင့် ဆောင်ရွက်ရန်မှာ မိမိကိုယ်ကိုလှည့်ဖြားနေခြင်း မဟုတ်ပေဘူးလော။ အဆုံးတွင် ဤဆောင်ရွက်မှုသည် အချည်းနှီးဖြစ်မည်မှာ သဘာဝကျပါသည်။ အဆုံးတွင် လူသားသည် စာတန်၏အုပ်စိုးမှုအောက်တွင် ဆက်၍နေကာ လွတ်မြောက်နိုင်စွမ်းရှိမည် မဟုတ်ပေ။ ဤသို့သော အဓိပ္ပာယ်မဲ့သည့် ဆောင်ရွက်မှုမျိုး အဘယ်ကြောင့် ပြုလုပ်မည်နည်း။ ထာဝရခရီးပန်းတိုင်သို့ ဝင်ရောက်သည့်အခါ၊ လူသားသည် ဖန်ဆင်းရှင်ကို ဝတ်ပြုကိုးကွယ်မည် ဖြစ်လျက်၊ လူသားသည် ကယ်တင်ခြင်းရပြီးကာ ထာဝရကာလသို့ ဝင်ရောက်ပြီးဖြစ်သဖြင့် လူသားသည် မည်သည့်ရည်မှန်းချက်များကိုမျှ ဆောင်ရွက်လိမ့်မည် မဟုတ်သည့်အပြင် သူသည် စာတန်၏ ဝန်းရံခြင်းခံရမည်ကို စိုးရိမ်စရာလည်း လိုမည်မဟုတ်ပေ။ ယခုအချိန်တွင် လူသားသည် သူ၏နေရာကိုသိမည်ဖြစ်၍ သူ၏တာဝန်ကို ထမ်းဆောင်ကာ၊ လူပုဂ္ဂိုလ်တစ်ဦးစီသည် ပြစ်တင်ဆုံးမခြင်း သို့မဟုတ် တရားစီရင်ခြင်းခံရမှုမရှိသော်မှ တစ်ဦးစီသည် ၎င်း၏တာဝန်ကို ထမ်းဆောင်မည်ဖြစ်သည်။ ထိုအချိန်တွင် လူသားသည် ၎င်း၏ကိုယ်ပိုင်ဝိသေသလက္ခဏာနှင့် အနေအထားတို့ နှစ်ခုစလုံးတွင် သက်ရှိသတ္တဝါတစ်ဦးဖြစ်လိမ့်မည်။ အမြင့်အနိမ့် ခွဲခြားမှု ရှိတော့မည် မဟုတ်ပေ။ လူတစ်ဦးစီသည် ကွဲပြားသည့် လုပ်ဆောင်ချက်တစ်ရပ်ကိုသာ ဆောင်ရွက်လိမ့်မည် ဖြစ်သည်။ သို့ရာတွင် လူသားသည် လူသားမျိုးနွယ်၏ စနစ်ကျ၍ သင့်တော်သော ခရီးပန်းတိုင်တွင် နေဦးမည်ဖြစ်၍၊ ဖန်ဆင်းရှင်ကို ဝတ်ပြုကိုးကွယ်ခြင်းငှာ လူသားသည် သူ၏တာဝန်ကို ထမ်းဆောင်မည်ဖြစ်၏။ ဤသို့သော လူသားမျိုးနွယ်တစ်ရပ်သည် ထာဝရကာလ၏လူသားမျိုးနွယ်ဖြစ်လိမ့်မည်။ ၎င်းအချိန်တွင် လူသားသည် ဘုရားသခင်က အလင်းပေးသည့် ဘဝ၊ ဘုရားသခင်၏ စောင့်ရှောက် ကာကွယ်မှုအောက် ရှိသည့်ဘဝနှင့် ဘုရားသခင်နှင့် အတူရှိသည့်ဘဝတစ်ခုကို ရရှိပြီးဖြစ်လိမ့်မည်။ လူသားမျိုးနွယ်သည် ကမ္ဘာမြေကြီးပေါ်တွင် ပုံမှန်ဘဝတစ်ခုတွင် အသက်ရှင်နေထိုင်ကာ လူသားမျိုးနွယ် တစ်ရပ်လုံးသည် မှန်ကန်သော လမ်းကြောင်းအတွင်း ဝင်ရောက်လိမ့်မည်ဖြစ်သည်။ အနှစ် ၆၀ဝ၀ စီမံခန့်ခွဲမှု အစီအစဉ်သည် စာတန်ကို လုံးဝရှုံးနိမ့်စေခဲ့ပြီးဖြစ်လိမ့်မည်။ ဆိုလိုသည်မှာ ဘုရားသခင်သည် သူ၏ဖန်ဆင်းမှု နောက်ပိုင်း လူသား၏နဂိုမူလ ပုံရိပ်ကို ပြန်လည်ရရှိပြီးဖြစ်လိမ့်မည်ဖြစ်၏။ ထို့ကြောင့် ဘုရားသခင်၏ မူလရည်ရွယ်ချက်သည် ဖြည့်ဆည်းပြီးဖြစ်လိမ့်မည်။ အစအဦး၌ လူသားမျိုးနွယ်သည် စာတန်၏ ဖျက်ဆီးခြင်းကို မခံရမီ ကမ္ဘာမြေကြီးပေါ်တွင် ပုံမှန်ဘဝဖြင့် အသက်ရှင်နေထိုင်ခဲ့၏။ နောက်ပိုင်းတွင် စာတန်၏ဖျက်ဆီးခြင်းကို ခံရခဲ့ပြီး လူသားသည် သူ၏ပုံမှန်ဘဝကို ဆုံးရှုံးသွားခဲ့သဖြင့် ဘုရားသခင်၏ စီမံခန့်ခွဲခြင်းအမှုနှင့် လူသား၏ပုံမှန် ဘဝကို ပြန်လည်ရရှိရန် စာတန်နှင့်တိုက်ပွဲ စတင်ခဲ့၏။ ဘုရားသခင်၏ အနှစ် ၆၀ဝ၀ အမှုပြီးဆုံးသည့်အခါမှသာ လူသားမျိုးနွယ်အားလုံး၏ ဘဝသည် ကမ္ဘာမြေကြီးပေါ်တွင် တရားဝင်စတင်မည်ဖြစ်၍ ထိုအချိန်ကျမှသာလျှင် လူသားသည် အံ့သြဖွယ်ကောင်းသည့် ဘဝကိုရရှိမည်ဖြစ်ကာ ဘုရားသခင်သည် အစအဦး၌ လူသားကို ဖန်ဆင်းရခြင်းရည်ရွယ်ချက်နှင့် လူသား၏ နဂိုမူလအသွင်တို့ကို ပြန်လည်ရရှိမည်ဖြစ်သည်။ ထို့ကြောင့် လူသားသည် ကမ္ဘာမြေကြီးပေါ်တွင် လူသား၏သာမန်ဘဝကို ရရှိပြီးသည်နှင့် အောင်နိုင်သူ သို့မဟုတ် ပြည့်စုံစေခြင်းခံရသူဖြစ်လာရန် ဆောင်ရွက်လိမ့်မည် မဟုတ်ပေ။ အဘယ်ကြောင့်ဆိုသော် လူသားသည် သန့်ရှင်းနေလိမ့်မည် ဖြစ်၍ဖြစ်သည်။ လူသားပြောသည့် အောင်မြင်ခြင်းနှင့် စုံလင်စေခြင်းတို့သည် ဘုရားသခင်နှင့် စာတန်တို့အကြား တိုက်ပွဲကာလအတွင်း လူသားကဆောင်ရွက်ရန် ပေးထားသည့် ရည်ရွယ်ချက်များ ဖြစ်ကာ လူသားသည် ဖျက်ဆီးခြင်းခံရခဲ့သည့်အတွက်ကြောင့်သာ ၎င်းတို့ရှိနေခြင်း ဖြစ်သည်။ သင့်ကို ရည်ရွယ်ချက်တစ်ရပ်ပေး၍ သင့်အား ၎င်းရည်ရွယ်ချက်ကို ဆောင်ရွက်စေခြင်းဖြင့် စာတန်ကို ရှုံးနိမ့်စေလိမ့်မည်။ သင့်ကို အောင်နိုင်သူတစ်ဦးဖြစ်ရန် သို့မဟုတ် စုံလင်စေခြင်းခံရသူတစ်ဦးဖြစ်ရန်၊ သို့မဟုတ် အသုံးခံစေရန် တောင်းဆိုခြင်းသည် စာတန်အရှက်ရစေရေးအတွက် သင်သက်သေခံရန် သတ်မှတ်ချက်ဖြစ်၏။ အဆုံးတွင် လူသားသည် ကမ္ဘာမြေကြီးပေါ်ရှိ ပုံမှန်လူသား၏ဘဝတွင်နေထိုင်၍၊ လူသားသည် သန့်ရှင်းမည်ဖြစ်သည်။ ထိုသို့ဖြစ်သည့်အခါ၊ ၎င်းတို့သည် အောင်နိုင်သူများဖြစ်ရန် ဆောင်ရွက်ဦးမည်လော။ ၎င်းတို့အားလုံးသည် သက်ရှိသတ္တဝါများ မဟုတ်လော။ အောင်နိုင်သူတစ်ဦးနှင့် စုံလင်စေခြင်းခံရသူတစ်ဦးဖြစ်ခြင်း နှစ်ခုစလုံးမှာ စာတန်နှင့် လူသား၏ညစ်ညမ်းမှုတို့ကို ပစ်မှတ်ထားခြင်းဖြစ်သည်။ ဤ “အောင်နိုင်သူ” မှာ စာတန်နှင့် ရန်လိုသည့်အင်အားစုအပေါ် အောင်နိုင်ခြင်းကို ရည်ညွှန်းထားခြင်း မဟုတ်လော။ သင်သည် စုံလင်စေခြင်း ခံရပြီဟု ဆိုသည့်အခါ သင့်အတွင်းရှိ မည်သည့်အရာသည် စုံလင်စေခြင်းခံခဲ့ရသနည်း။ ဘုရားသခင်၏ ချစ်ခြင်းမေတ္တာ အချုပ်အခြာကို ရရှိနိုင်ရေးအတွက် သင်သည် သင်၏စာတန်စိတ်သဘောထားကို ကင်းမဲ့စေခဲ့ပြီး မဟုတ်လော။ ဤကဲ့သို့သောအရာများမှာ လူသားအတွင်းရှိ ညစ်ညမ်းသောအရာများနှင့်ဖြစ်စေ၊ စာတန်နှင့် ဆက်စပ်၍ဖြစ်စေ ပြောသည့်အရာများဖြစ်၏။ ၎င်းတို့ကို ဘုရားသခင်နှင့် ဆက်စပ်၍ မပြောပေ။

“လူသား၏သာမန်ဘဝကို@နဂိုအတိုင်း ပြန်ဖြစ်လာစေခြင်းနှင့် သူ့ကို အံ့သြဖွယ် ကောင်းသော ခရီးပန်းတိုင်သို့ ခေါ်ဆောင်သွားခြင်း” မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ -“ဘုရားသခင်သည် လူ့အသက်၏ အရင်းအမြစ်ဖြစ်သည်” -ကောက်နုတ်ချက် ၂၅၉

ဘုရားသခင်သည် ဤကမ္ဘာကြီးအား ဖန်ဆင်းခဲ့ပြီး၊ သက်ရှိသတ္တဝါဖြစ်သည့် လူသားကို ဆောင်ကြဉ်း အသက်သွင်းခဲ့ပါသည်။ တစ်ဖက်တွင် လူတို့သည် မိဘဆွေမျိုးများ...

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်၏ ယနေ့အမှုကို သိသောသူများသာလျှင် ဘုရားသခင်ကို အစေခံနိုင်သည်” | ကောက်နုတ်ချက် ၂၈၂

ဘုရားသခင်ကို သင်ယုံကြည်ခြင်း၌ ဘုရားသခင်ကို သင်မည်သို့ သိကျွမ်းသင့်သနည်း။ သင်သည် ဘုရားသခင်၏ နှုတ်ကပတ်တော်နှင့် ဘုရားသခင်၏ ယနေ့အမှုကို...

ဘုရားသခင်၏ နေ့စဉ် နှုတ်ကပတ်တော်များ | “စစ်မှန်မှုအပေါ် သာ၍အာရုံစိုက်လော့” | ကောက်နုတ်ချက် ၄၃၂

လူတို့အပေါ် ဘုရားသခင်၏ သတ်မှတ်ချက်များက လုံးဝမြင့်မားခြင်းမရှိပေ။ အကယ်၍ လူတို့သည် အားစိုက်ထုတ်မှု အနည်းငယ်မျှပင် လုပ်ဆောင်ပါက၊ သူတို့သည်...

ဘုရားသခင်၏ နေ့စဉ် နှုတ်ကပတ်တော်များ | “သမ္မာတရား၏ လက်တွေ့အရှိတရား ရှိသူများသာလျှင် ဦးဆောင်လမ်းပြနိုင်သည်” | ကောက်နုတ်ချက် ၅၇၁

ဘုရားသခင်၏နှုတ်ကပတ်တော်များမှ ဘုရားသခင်၏ အလိုတော်နှင့် သူ့မိန့်မြွက်ချက်များနောက်ကွယ်ရှိ ရည်ရွယ်ချက်များကို သင်နားမလည်ပါက၊ သူ၏...