ဘုရားသခင်၏ နေ့စဉ် နှုတ်ကပတ်တော်များ | “စစ်ဆေးခြင်းကိုကြုံတွေ့ခြင်းအားဖြင့်သာ လူသားသည် စစ်မှန်သော ချစ်ခြင်းမေတ္တာကို ပိုင်ဆိုင်နိုင်သည်” | ကောက်နုတ်ချက် ၅၁၀

လူသား၏ အခြေအနေနှင့် ဘုရားသခင်အပေါ် လူသား၏ သဘောထားတို့နှင့် ရင်ဆိုင်ရလျက်၊ ဘုရားသခင်သည် သူနှင့် သက်ဆိုင်သည့် အသိပညာနှင့် သူ့အပေါ် နာခံခြင်း၊ ချစ်ခြင်းမေတ္တာနှင့် သက်သေခံခြင်း နှစ်ခုစလုံးတို့ကို လူသားအား ပိုင်ဆိုင်ခွင့်ပေးရင်း၊ အမှုသစ်ကို လုပ်ဆောင်ပြီးဖြစ်သည်။ ထို့ကြောင့်၊ လူသားသည် သူ့အပေါ် ဘုရားသခင်၏ စစ်ဆေးခြင်းအပြင်၊ သူ၏ တရားစီရင်ခြင်း၊ သူ့ကို ကိုင်တွယ်ခြင်းနှင့် ပြုပြင်ခြင်းတို့ကို ကြုံတွေ့ရမည်ဖြစ်သည်၊ ထိုအရာများမရှိဘဲ လူသားသည် ဘုရားသခင်ကို ဘယ်သောအခါမျှ သိမည်မဟုတ်သကဲ့သို့၊ ဘုရားသခင်ကို အမှန်တကယ် ချစ်ခြင်းနှင့် သက်သေခံခြင်းတို့ ဘယ်သောအခါမျှ တတ်စွမ်းနိုင်လိမ့်မည် မဟုတ်ပေ။ လူသားအပေါ် ဘုရားသခင်၏ စစ်ဆေးခြင်းသည် တစ်ဖက်သတ် အကျိုးသက်ရောက်မှုအတွက်သာ မဟုတ်ဘဲ ရှုထောင့်များစွာ အကျိုးသက်ရောက်မှုအတွက် ဖြစ်သည်။ ဤနည်းအားဖြင့်သာ သမ္မာတရားကို ရှာဖွေရန် ဆန္ဒရှိသူများတွင် ဘုရားသခင်သည် ၎င်းတို့၏ သန္နိဋ္ဌာန်နှင့် ချစ်ခြင်းကို သူ့အားဖြင့် စုံလင်စေဖို့အလို့ငှာ စစ်ဆေးခြင်းအမှုကို လုပ်ဆောင်လေသည်။ သမ္မာတရားကို ရှာဖွေရန် လိုလားနေသူများနှင့် ဘုရားသခင်ကို တမ်းတသူများအဖို့ ဤသို့သော စစ်ဆေးခြင်းထက် မည်သည့်အရာမျှ ပို၍အဓိပ္ပာယ်မရှိ၊ သို့မဟုတ် ပို၍ကြီးမားသော အထောက်အပံ့မဖြစ်ပေ။ အဆုံးတွင် ဘုရားသခင်သည် ဘုရားသခင် ဖြစ်သည့်အတွက်၊ ဘုရားသခင်၏ စိတ်သဘောထားကို လူသားက အလွန်လွယ်လင့်တကူ မသိ၊ သို့မဟုတ် နားမလည်ပေ။ အခြေခံအားဖြင့်၊ ဘုရားသခင်အတွက် လူသားကဲ့သို့ အလားတူ စိတ်သဘောထားရှိရန် မဖြစ်နိုင်သောကြောင့် လူသားအတွက် ဘုရားသခင်၏ စိတ်သဘောထားကို သိရှိရန် မလွယ်ကူပေ။ သမ္မာတရားကို လူသားက ပင်ကိုအားဖြင့် မပိုင်ဆိုင်သကဲ့သို့၊ စာတန်၏ ဖျက်ဆီးခြင်းခံရသော လူများက အလွယ်တကူ နားမလည်ပေ။ လူသားသည် သမ္မာတရား လုံးဝမရှိသကဲ့သို့၊ သမ္မာတရားကို လက်တွေ့လုပ်ဆောင်ရန် သန္နိဋ္ဌာန် လုံးဝမရှိပေ။ ပြီးလျှင် သူသည် ဆင်းရဲဒုက္ခမခံစားရဘဲ အစစ်ဆေးမခံရသကဲ့သို့ တရားစီရင်ခြင်း မခံရပါက၊ သူ၏သန္နိဋ္ဌာန်သည် မည်သည့်အခါတွင်မျှ စုံလင်စေခြင်း ခံရမည်မဟုတ်ပေ။ လူများအားလုံးအတွက်၊ စစ်ဆေးခြင်းသည် ဝေဒနာပြင်းထန်ပြီး၊ လက်ခံရန် အင်မတန် ခက်ခဲသည်- သို့သော်လည်း ဘုရားသခင်သည် လူသားထံ သူ၏ဖြောင့်မတ်သည့် စိတ်သဘောထားကို ပေါ်လွင်စေပြီး၊ လူသားအတွက် သူ၏သတ်မှတ်ချက်များကို လူသိရှင်ကြား ဖြစ်စေကာ၊ သာ၍ ဉာဏ်အလင်းပွင့်ခြင်းကို ပေးပြီး၊ သာ၍ စစ်မှန်သော ပြုပြင်ခြင်းနှင့် ကိုင်တွယ်ဖြေရှင်းခြင်းတို့ကို ပေးသည်မှာ စစ်ဆေးခြင်း အတောအတွင်းတွင် ဖြစ်သည်။ အမှန်တရားများနှင့် သမ္မာတရားကြား နှိုင်းယှဉ်ခြင်းမှတစ်ဆင့်၊ သူသည် လူသားကို သူကိုယ်တိုင်နှင့်ဆိုင်သည့် သာ၍ ကြီးမားသော အသိပညာနှင့် သမ္မာတရားကို ပေးပြီး၊ ဘုရားသခင်၏ အလိုတော်နှင့်သက်ဆိုင်သော သာ၍ကြီးမားသည့် သိနားလည်ခြင်းကို လူသားအား ပေး၏၊ ထိုသို့ဖြင့် ဘုရားသခင်အပေါ် သာ၍စစ်မှန်ပြီး သာ၍ဖြူစင်သော ချစ်ခြင်းမေတ္တာရှိစေရန် လူသားကို အခွင့်ပေးလေသည်။ ယင်းမှာ စစ်ဆေးခြင်းကို ဆောင်ရွက်ရာတွင် ဘုရားသခင်၏ ရည်မှန်းချက်များ ဖြစ်သည်။ လူသား၌ ဘုရားသခင် လုပ်ဆောင်သည့် အမှုအားလုံးသည် ကိုယ်ပိုင်ရည်ရွယ်ချက်များနှင့် အရေးပါမှုတို့ရှိသည်။ ဘုရားသခင်သည် အဓိပ္ပာယ်မရှိသောအမှုကို မလုပ်ဆောင်သကဲ့သို့၊ လူသားအဖို့ အကျိုးမရှိသည့် အမှုကိုလည်း မလုပ်ဆောင်ပေ။ စစ်ဆေးခြင်းဟူသည်မှာ ဘုရားသခင် ရှေ့မှောက်မှ လူတို့အား ဖယ်ရှားခြင်းကို မဆိုလိုသကဲ့သို့၊ ၎င်းတို့ကို ငရဲတွင် ဖျက်ဆီးခြင်းကိုလည်း မဆိုလိုပေ။ ယင်းထက်၊ စစ်ဆေးခြင်း အတောအတွင်းတွင် လူသား၏ စိတ်သဘောထားကို ပြောင်းလဲခြင်း၊ သူ၏ ရည်ရွယ်ချက်များ၊ သူ၏ အမြင်ဟောင်းများကို ပြောင်းလဲခြင်း၊ ဘုရားသခင် အတွက် သူ၏ချစ်ခြင်းကို ပြောင်းလဲပေးခြင်းနှင့် သူ၏ဘဝတစ်ခုလုံး ပြောင်းလဲပေးခြင်းတို့ကို ဆိုလိုသည်။ စစ်ဆေးခြင်းသည် လူသားအား စစ်မှန်သော စစ်ဆေးမှုတစ်ခု ဖြစ်ပြီး၊ စစ်မှန်သော လေ့ကျင့်မှုပုံစံတစ်ခု ဖြစ်ကာ၊ စစ်ဆေးခြင်း အတောအတွင်းတွင်သာ သူ၏ချစ်ခြင်းမေတ္တာသည် ၎င်း၏ ပင်ကိုလုပ်ငန်းတာဝန်ကို ထမ်းဆောင်နိုင်ပေသည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

လူသားများအတွက် ဘုရားသခင်၏ သန့်ရှင်းစင်ကြယ် မှုသည် အဓိပ္ပာယ်အရှိဆုံးဖြစ်သည်

လူသားများ၏ အခြေအနေနှင့် အမူအကျင့်တို့ကို ဘုရားသခင်သည် တွေ့ရှိရသောအခါ ဘုရားသခင်သည် အသစ်သော အရာတစ်ခုကိုလုပ်ဆောင်ပြီး ထိုသို့ဖြင့် လူသားများက သူ့ကိုသိကျွမ်းပြီး နာခံတတ်ရန်၊ ချစ်ခြင်းမေတ္တာနှင့် သက်သေခံခြင်းနှစ်မျိုးလုံး ကို ပိုင်ဆိုင်နိုင်ရန်ဖြစ်သည်။ ထို့ကြောင့် လူသည် ဘုရား၏သန့်ရှင်းစင်ကြယ်စေခြင်း၊ စစ်ကြောခြင်း၊ ပြုပြင်ခြင်းတို့ကို ခံယူရမည်။ ၎င်းတို့မရှိပါက လူသားသည် ဘုရားကို ဘယ်သောအခါမျှ သိရှိလာမည်မဟုတ် သူ့ကို စစ်မှန်သော အချစ်နှင့်ချစ်နိုင်ရန်နှင့် သူ့အတွက် သက်သေ ခံလာနိုင်မည် မဟုတ် လူသားအတွက် ဘုရား၏ သန့်ရှင်းစေမှုသည် ရလဒ် တစ်ခုတည်းအတွက်မဟုတ် ရလဒ် မျိုးစုံအတွက်ဖြစ်သည်။ ဤနည်းလမ်းဖြင့်သာ ဘုရားသည် သမ္မာတရားကိုရှာသူများ အပေါ်တွင် သန့်ရှင်းစင်ကြယ်စေခြင်း အမှုကို ပြုသည်။ ထိုသို့ဖြင့် ဘုရားအတွက် သူတို့၏ ပြင်းပြသောစိတ်နှင့် ချစ်ခြင်းမေတ္တာကိုဘုရားစုံလင်စေ သည် ဘုရားစုံလင်စေမည် အိုး ... ဘုရားစုံလင်စေမှုကို ခံယူပါ။ သမ္မာတရားကို ရှာလိုပြီး ဘုရားသခင်ကို တမ်းတသူတို့အတွက် ဘုရား၏ သန့်ရှင်းစင်ကြယ်စေခြင်းသည် အဓိပ္ပာယ်ရှိ ထိုသို့သော စင်ကြယ်စေခြင်းအမှုသည် ကြီးမားသော ကူညီမှုဖြစ်သည်။

သန့်ရှင်းစင်ကြယ်မှုပြုစဉ်တွင်ဘုရားသည် သူ၏ ဖြောင့်မတ်သော စိတ်နေသဘောထားနှင့် သူဖြစ်စေလိုသောအရာများကို ဖော်ပြသည်။ ဉာဏ်အလင်း ပိုမိုပွင့်လင်းစေပြီး လက်တွေ့ပြုပြင်ခြင်းနှင့် ကိုင်တွယ်ဖြေရှင်ခြင်း တို့ကို ပြုလုပ်သည်။ အချက်အလက်များနှင့် သမ္မာတရားတို့ကို နှိုင်းယှဉ်၍ လူအား မိမိကိုမိမိသိကျွမ်းခြင်းနှင့် သမ္မာတရား ကို ပိုမိုသိရှိစေပြီး၊ သူ့အလိုတော်ကို ပိုမိုနားလည်စေကာ သူ့အား စစ်မှန်သောမေတ္တာဖြင့် ချစ် စေ သည်။ လူသားအတွက် ဘုရား၏ သန့်ရှင်းစေမှုသည် ရလဒ် တစ်ခုတည်းအတွက်မဟုတ် ရလဒ် မျိုးစုံအတွက်ဖြစ်သည်။ ဤနည်းလမ်းဖြင့်သာ ဘုရားသည် သမ္မာတရားကိုရှာသူများ အပေါ်တွင် သန့်ရှင်းစင်ကြယ်စေခြင်း အမှုကို ပြုသည်။ ထိုသို့ဖြင့် ဘုရားအတွက် သူတို့၏ ပြင်းပြသောစိတ်နှင့် ချစ်ခြင်းမေတ္တာကိုဘုရားစုံလင်စေ သည် ဘုရားစုံလင်စေမည် အိုး ... ဘုရားစုံလင်စေမှုကို ခံယူပါ။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်အား အမှန်တကယ်ချစ်သောသူများသည် ဘုရားသခင်၏ လက်တွေ့ကျခြင်းကို အကြွင်းမဲ့ ကျိုးနွံနာခံနိုင်သောသူများ ဖြစ်သည်” | ကောက်နုတ်ချက် ၄၈၉

လက်တွေ့ကျခြင်းကိုသိခြင်းနှင့် ဘုရားသခင်၏အလုပ်ကို ရှင်းလင်းစွာ မြင်နိုင်ခြင်းတို့အားလုံးကို သူ၏နှုတ်ကပတ်တော်တွင် တွေ့ရသည်။ သင်သည် ဘုရားသခင်၏...

ဘုရားသခင်၏ နေ့စဉ် နှုတ်ကပတ်တော်များ | “သမ္မာတရားကို လက်တွေ့မလုပ်ဆောင်သောသူများကို သတိပေးချက်” | ကောက်နုတ်ချက် ၆၀၃

ညီအစ်ကိုမောင်နှမများအကြား မိမိတို့၏ အပျက်သဘောကို အစဉ်အမြဲ ဖွင့်ပြောသောသူများသည် စာတန်၏ အစေအပါးများဖြစ်ကြပြီး သူတို့သည် အသင်းတော်ကို...

ဘုရားသခင်၏ နေ့စဉ် နှုတ်ကပတ်တော်များ | “မိမိတို့၏ တာဝန်ထမ်းဆောင်ကြသူတို့ တစ်ဦးတစ်ယောက်စီတိုင်း အပေါ်တွင်” | ကောက်နုတ်ချက် ၄၅၂

ယနေ့သင်လုပ်ဆောင်သည့် လုပ်ရပ်များပေါ်အခြေခံပြီး သင်သည် အနာဂတ်တွင် ကောင်းချီး ပေးခံရမည်လား သို့မဟုတ် ကျိန်ဆဲခြင်း ခံရမည်လားဆိုသည်ကို...

ဘုရားသခင်၏ နေ့စဉ် နှုတ်ကပတ်တော်များ | “လက်တွေ့လုပ်ဆောင်ခြင်းကို အာရုံစိုက်သူများသာ စုံလင်စေခြင်းခံရနိုင်သည်” | ကောက်နုတ်ချက် ၂၅၁

ယိုယွင်းပျက်စီးပြီး ညစ်ညူးနေသည့် ဤလူသားများကြားတွင် လုပ်ဆောင်စရာရှိသည့် အရာများကို လုပ်ဆောင်ရန်အလို့ငှာနှင့် သူ၏လူနည်းစုတစ်စုကို...