၁ သင့်စိတ်သဘောထားကို ပြောင်းလဲရန် ပထမအဆင့်မှာ အဘယ်နည်း။ သင်တို့သိကြသလော။ သင့်ကိုယ်တိုင်၏ သဘာဝကို နားလည်ခြင်းအားဖြင့် သင်စတင်ရသည်၊ ဤသည်မှာ သော့ချက်ပင်။ လူသားသဘာဝကို သင် မည်သို့ နားလည်ပါသနည်း။ သင်၏ သဘာဝကို နားလည်ခြင်းသည် အမှန်တကယ်တွင် သင့်စိတ်ဝိညာဉ်၏ အတွင်းကျကျအရာများကို စိတ်ဖြာလေ့လာခြင်းဟု အဓိပ္ပာယ်ရ၏၊ ယင်းသည် သင်၏အသက်၌ ရှိသည့်အရာ နှင့် ပတ်သက်သည်။ သင် အသက်ရှင်နေခဲ့သည်မှာ စာတန်၏ ဆင်ခြင်တွေးခေါ်မှုစနစ်နှင့် စာတန်၏ ရှုထောင့်အမြင်များ ဖြစ်၏။ ဆိုလိုသည်မှာ ယင်းသည် သင် အသက်ရှင်နေခဲ့သည့် စာတန်၏ အသက်ဖြစ်၏။ သင့်ဝိညာဉ်၏ နက်ရှိုင်းသော အတွင်းနေရာက အစိတ်အပိုင်းများကို တူးဖော်ခြင်းအားဖြင့်သာ၊ သင်၏ သဘာဝကို သင် နားလည်နိုင်သည်။ အမှုအရာများအပေါ် လူတို့၏ သဘောထားများ၊ အသက်တာထဲ၌ လူတို့၏ နည်းစနစ်များနှင့် ပန်းတိုင်များအပြင် လူတို့၏ ဘဝတန်ဖိုးများနှင့် အသက်တာအပေါ် အမြင်များအပြင် သမ္မာတရားနှင့်စပ်လျဉ်း၍ အရာခပ်သိမ်းအပေါ် အမြင်များပင် ဖြစ်ကြသည်။ ဤအရာများမှာ လူတို့၏ စိတ်ဝိညာဉ်များထဲတွင် နက်ရှိုင်းစွာ ရှိသောအရာများ အားလုံးဖြစ်ပြီး ၎င်းတို့သည် စိတ်သဘောထားပြောင်းလဲခြင်းနှင့် တိုက်ရိုက်ဆက်နွှယ်မှု ရှိနေသည်။

၂ ဖောက်ပြန်ပျက်စီးသော လူသားမျိုးနွယ်၏ ဘဝအပေါ် ထားရှိသည့် အမြင်မှာ “မိမိကိုယ်သာ ကိုးကွယ်ရာဖြစ်၏” ပင် ဖြစ်သည်။ လူတို့အားလုံးသည် သူတို့အတွက်ချည်းသာ အသက်ရှင်ကြကာ၊ သူတို့၏ ကိုယ်ခန္ဓာများအတွက် အသက်ရှင်ကြသည်။ ယင်းသည် အဓိပ္ပာယ်ရှိဖို့ မဆိုထားနှင့်၊ တန်ဖိုးအနည်းငယ်မျှပင် မရှိချေ။ ဘဝအပေါ် သင့်အမြင်၌ လောကတွင် သင်ရှင်သန်နေထိုင်ဖို့ရန် အမှီပြုသည့်အရာ ပါဝင်သည်၊ ၎င်းမှာ သင် အသက်ရှင်ရသည့်အရာဖြစ်ပြီး သင် အဘယ်သို့ အသက်ရှင်သည်ကို ပြဋ္ဌာန်းပေးသည့်အရာ ဖြစ်သည်။ ဤအရာများအားလုံးမှာ လူသားသဘာဝ၏ အနှစ်သာရဖြစ်သည်။ လူတို့အားလုံးက ဘုရားသခင်ကို ခုခံနေကြကြောင်း၊ သူတို့မှာ မကောင်းဆိုးဝါးများသာ ဖြစ်ကြကြောင်းနှင့် အမှန်တကယ် ကောင်းသောလူ ဟူ၍မရှိကြောင်းကို ဤသဘာဝကို ပိုင်းခြားစိတ်ဖြာခြင်းအားဖြင့် တွေ့မြင်ရလိမ့်မည်။ လူတို့၏ သဘာဝများကို ပိုင်းခြားစိပ်ဖြာခြင်းအားဖြင့်သာလျှင် သင်သည် လူသားမျိုးနွယ်၏ အနှစ်သာရနှင့် ဖောက်ပြန်ပျက်စီးခြင်းအပြင်၊ လူတို့နှင့် အမှန်တကယ် စပ်ဆိုင်သည့်အရာ၊ သူတို့ အမှန်တကယ် ချို့တဲ့သည့်အရာနှင့် လူသားအသွင် အသက်ရှင်နေထိုင်ဖို့အတွက် သမ္မာတရားအား သူတို့ အဘယ်သို့ လိုက်စားသင့်ပုံတို့ကိုလည်း အမှန်တကယ် သိနားလည်နိုင်မည်ဖြစ်သည်။ ဤသည်မှာ သင် နားလည်ရမည့် သမ္မာတရားပင်ဖြစ်သည်။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ မိမိ၏စိတ်သဘောထား ပြောင်းလဲခြင်းအကြောင်း သိထားသင့်သည့်အရာ” ကို ကောက်နုတ်၍ ဆီလျော်စွာ ပြုပြင်ထားသည်