လူသားမျိုးနွယ်အတွက် ဘုရားသခင်၏ ချစ်ခြင်းမေတ္တာသည် လူ့ဇာတိထဲရှိစဉ်၊ လူတို့ကို ကိုယ်တိုင်ကိုယ်ကျ ကယ်တင်စဉ်၊ အနည်းငယ်မျှ ဝေးကွာခြင်းမရှိဘဲ၊ မည်သည့်ဟန်ဆောင်မှုမျှမရှိဘဲ ၎င်းတို့နှင့် မျက်နှာချင်းဆိုင် ပြောဆိုကာ နေထိုင်စဉ်တွင်၊ ပြီးလျှင် လုံးဝ အစစ်အမှန်ဖြစ်နေစဉ်တွင် သူလုပ်ဆောင်ပြီးခဲ့သည့် အမှု၌ အဓိကအားဖြင့် သိသာထင်ရှားလေသည်။ လူသားမျိုးနွယ်အတွက် သူ၏ ချစ်ခြင်းမေတ္တာနှင့် သနားခြင်းတို့သက်သက်ကြောင့်၊ သူသည် လူဇာတိခံလာနိုင်ခဲ့ပြီး၊ လောကထဲတွင် လူသားများနှင့်အတူ နာကျင်စရာ နှစ်ကာလများကို ဖြတ်သန်းနိုင်ခဲ့သည့် အတိုင်းအတာအထိ လူတို့ကို သူ ကယ်တင်သည်။ လူသားများအတွက် ဘုရားသခင်၏ ချစ်ခြင်းမေတ္တာမှာ အကြွင်းမဲ့ဖြစ်ပြီး တောင်းဆိုမှုများ မပြုပေ။ ၎င်းတို့ထံမှ အပြန်အလှန်အားဖြင့် မည်သည့်အရာကို သူ ရရှိပါသနည်း။ လူတို့သည် ဘုရားသခင်ပေါ် စိမ်းကားကြလေသည်။ ဘုရားသခင်ကို ဘုရားသခင်အဖြစ် မည်သူ ဆက်ဆံနိုင်ပါသနည်း။ လူတို့သည် ဘုရားသခင်ကို နှစ်သိမ့်မှု အနည်းငယ်မျှ မပေးကြချေ။ ယနေ့ချိန်ထိ၊ ဘုရားသခင်သည် လူသားမျိုးနွယ်ထံမှ စစ်မှန်သည့် ချစ်ခြင်းမေတ္တာ မရရှိခဲ့သေးပေ။ ဘုရားသခင်သည် ပေးမြဲပေးနေကာ ကိုယ်ကျိုးမငဲ့ဘဲ ထောက်ပံ့မြဲထောက်ပံ့နေပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူသားမျိုးနွယ်အပေါ် ဘုရားသခင်၏ချစ်ခြင်းမေတ္တာကို သင်နားလည်သလော” ကို ကောက်နုတ်၍ ဆီလျော်စွာ ပြုပြင်ထားသည်