၁ ဇိအုန်သို့ ငါ ပြန်ပြီးသည့်နောက်တွင် ကမ္ဘာမြေပေါ်၌ ရှိသောသူများသည် ယခင်ကကဲ့သို့ ငါ့ကို ဆက်လက် ချီးမွမ်းကြလိမ့်မည်။ သစ္စာရှိသော ထိုအစေခံသူများသည် ငါ့အား အစေခံဖို့ရန် ခါတိုင်းကဲ့သို့ပင် စောင့်ဆိုင်းကြမည် ဖြစ်သော်လည်း၊ ၎င်းတို့၏ အလုပ်တာဝန်သည် ဆုံးခန်းသို့ ရောက်လာလိမ့်မည်။ ၎င်းတို့ အကောင်းဆုံး လုပ်နိုင်သည်မှာ ကမ္ဘာမြေပေါ်၌ ငါရှိနေခြင်းနှင့်ဆိုင်သော အခြေအနေများကို စဉ်းစားချင့်ချိန်ရန် ဖြစ်သည်။ ထိုအချိန်၌ ငါသည် ဘေးဒုက္ခ ခံစားရမည့် သူများအပေါ်သို့ ဘေးဒဏ်ကို စတင် ကျရောက်စေမည် ဖြစ်၏၊ သို့သော် ငါသည် ဖြောင့်မတ်သော ဘုရားသခင် ဖြစ်သည်ကို အယောက်တိုင်းက ယုံကြည်ကြ၏။ ငါသည် သစ္စာရှိသော အစေခံသူများကို မုချ အပြစ်ပေးမည် မဟုတ်ဘဲ၊ ငါ၏ ကျေးဇူးတော်ကို ၎င်းတို့ရရှိခွင့်ကိုသာ ပေးမည်။ အကြောင်းမူကား၊ ငါသည် ဖြောင့်မတ်ခြင်း၊ သစ္စာရှိခြင်းနှင့် ပြည့်စုံသော ဘုရားသခင်ကိုယ်တိုင် ဖြစ်သည်ကို ထုတ်ဖော်ပြလျက်၊ ဒုစရိုက်မှုပြုသူ အားလုံးကို ငါအပြစ်ပေးမည်ဖြစ်သကဲ့သို့၊ ကောင်းသော လုပ်ဆောင်ချက်များကို ဆောင်ရွက် သူတို့သည် ငါ ပေးအပ်သော ရုပ်ဝတ္ထုဆိုင်ရာ မွေ့လျော်မှုကို ရရှိကြလိမ့်မည်ဟု ငါ ဆိုထားပြီးဖြစ်သောကြောင့် ဖြစ်သည်။

၂ ဇိအုန်သို့ ငါ ပြန်သည့်အခါ၊ ငါသည် ကမ္ဘာလောကရှိ တိုင်းနိုင်ငံတစ်ခုစီသို့ စတင် ဦးလှည့်မည်၊ ငါသည် ဣသရေလအမျိုးသားတို့အား ကယ်တင်ခြင်းသို့ ဆောင်ကြဉ်းမည် ဖြစ်ပြီး အဲဂုတ္တုလူတို့အား ပြစ်တင်ဆုံးမမည်။ ဤသည်မှာ ငါ၏ အမှု နောက်တစ်ဆင့် ဖြစ်သည်။ ထိုအခါငါ၏ အမှုသည် ပစ္စုပ္ပန်ကာလရှိ အမှုနှင့် တူညီလိမ့်မည် မဟုတ်ပေ။ ယင်းသည် ဇာတိပကတိ အနေဖြင့် လုပ်ဆောင်ချက် ဖြစ်လိမ့်မည် မဟုတ်ဘဲ၊ ဇာတိပကတိကို လုံးဝ ကျော်လွန်လိမ့်မည်- ပြီးလျှင် ငါပြောဆိုပြီး ဖြစ်သည့်အတိုင်း ထိုအရာကို လုပ်ဆောင်ပြီးလိမ့်မည် ဖြစ်သကဲ့သို့၊ ငါ အမိန့်ပေးပြီး ဖြစ်သည့်အတိုင်း ထိုအရာ တည်လိမ့်မည်။ ပြောထားသည့် မည်သည့်အရာမဆို၊ ငါ၏ နှုတ်မှ ပြောဆိုသရွေ့၊ ယင်းသည် လက်တွေ့၌ ချက်ချင်း ပြည့်စုံလိမ့်မည်။ ဤသည်မှာ ငါပြောဆိုနေသော ငါ့နှုတ်ကပတ်တော်၏ စစ်မှန်သော အဓိပ္ပာယ်နှင့် ငါ၏ နှုတ်ကပတ်တော် ကိုယ်၌က ဩဇာအာဏာ ဖြစ်သည့်အတွက် ၎င်း၏ ပြည့်စုံခြင်းသည် တစ်ချိန်တည်းတွင် ဖြစ်ပေါ်လျက်ရှိခြင်း ဖြစ်၏။ ကမ္ဘာမြေကြီးပေါ်ရှိ လူတို့ကိုသဲလွန်စ အနည်းငယ် ပေးဖို့ နည်းလမ်းတစ်ခုအဖြစ် ငါသည် ယေဘုယျ အကြောင်းအရာ အချို့ကို ယခု ပြောဆိုနေခြင်း ဖြစ်သည်။ အချိန် ကျသည့်အခါ၊ အရာရာကို ငါ စီစဉ်မည်ဖြစ်ပြီး ငါ၏ လက်ဖြင့် ဒဏ်ခတ်ခံရမည်စိုးသဖြင့် မည်သူမျှ တဇွတ်ထိုး မပြုမူသင့်ပေ။

“နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အစအဦး၌ ခရစ်တော်၏ မိန့်မြွက်ချက်များ၊ အခန်း (၁၂၀)” ကို ကောက်နုတ်၍ ဆီလျော်စွာ ပြုပြင်ထားသည်