၁ ဘုရားသခင်သည် သူ၏လူသားမျိုးနွယ်ကို စီမံခန့်ခွဲဖို့ ခေတ်အချို့ ဖြတ်သန်းရင်း၊ သူ၏ စီမံခန့်ခွဲမှုကို ပြည့်စုံစေလျက် ထောင်စုနှစ်များအချို့ သုံးခဲ့ပြီးဖြစ်သည်။ သူ မမြင်ချင်ဆုံးသော အရာမှာ သူ ကယ်တင်သည့် လူသားမျိုးနွယ်က သူ့ကို အာခံခြင်းဖြစ်ပြီး ယင်းထက် သူ၏ ကျေးဇူးတော်ကို တစ်ချိန်က မွေ့လျော်ခဲ့သည့် လူများက သူ့ကို သစ္စာဖောက်နေကြသည့် ဖြစ်ရပ်များကို သာ၍ မမြင်ချင်ပေ။ သူ လုပ်ဆောင်သမျှမှာ ၎င်းတို့က သူ၏ နိုင်ငံတော်ထဲသို့ ဝင်ရောက်နိုင်ဖို့နှင့် သူ၏ ကတိတော်များကို မွေ့လျော်ခံစားနိုင်ဖို့အလို့ငှာ၊ ပိုမိုများပြားသော လူတို့ကို ကယ်တင်ဖို့ရန်နှင့် သူ၏ အလိုတော်ကို နားလည်ကာ သူနှင့် တစ်စိတ်တစ်ဝမ်းတည်းဖြစ်သော လူတို့ကို ပိုမိုရရှိဖို့ရန် ရည်ရွယ်သည်။

၂ ထို့ကြောင့်၊ သူ၏ မိသားစုအတွင်းတွင် အာခံမှုဖြစ်ပေါ်သည့်အခါ သူ အစက်ဆုပ်ဆုံးဖြစ်သည်။ သူ့ကို အာခံသူများအပေါ် ထားရှိဖို့ ပြစ်ဒဏ်ပေးခြင်းနှင့် ကျိန်ဆဲခြင်းတစ်ခုထက် ပိုကောင်းသည့် ရပ်တည်ချက်ရှိပါသလော။ အပြစ်ပေးခံရသူတို့သည် မည်သည့် ရွေးချယ်စရာ ရှိပါသနည်း။ ဘုရားသခင်ကို အာခံခြင်း၊ ပြစ်မှားစော်ကားခြင်းနှင့် သစ္စာဖောက်ခြင်းတို့က ပြစ်ဒဏ်ပေးခြင်းတွင်သာ အဆုံးသတ်နိုင်သည်။ ဤသည်မှာ ဘုရားသခင်၏ စိတ်သဘောထားဖြစ်ပြီး ဆိုးယုတ်သော လူတို့ကို ကိုင်တွယ်ဖြေရှင်းဖို့ သူ့အတွက် အကောင်းဆုံးသော နည်းလမ်းဖြစ်သည်။ မည်သူမျှ ထိုအရာမှ လုံးဝ မလွတ်မြောက်ဖူးပေ။ ယခင်က ဤသို့ဖြစ်ခဲ့သည်၊ ယခုတွင်လည်း ဤသို့ဖြစ်ပြီး အနာဂတ်တွင်လည်း ဤသို့ဖြစ်လိမ့်မည်။ ယင်းမှာ ထာဝရ၊ မပြောင်းလဲသော အမှန်တရားတစ်ခုဖြစ်သည်။

“အနန္တတန်ခိုးရှင် ဘုရားသခင်ကို ဆန့်ကျင်ခြင်းအတွက် ပြစ်ဒဏ်ပေးခြင်းနှင့်ဆိုင်သော ဂန္တဝင် သာဓကများ၊ နိဂုံးစကား” ကို ကောက်နုတ်၍ ဆီလျော်စွာ ပြုပြင်ထားသည်