၁ နှုတ်ကပတ်တော်သည် လူဇာတိ၌ ပေါ်လာပြီး ဘုရားသခင်သည် ဆင်းရဲဒုက္ခနှင့် အနားမရခြင်းနှင့်ပြည့်သော ထောင်စုနှစ်ခြောက်ခုကို အဆုံးသတ်ကာ၊ ကောင်းကင်သစ်နှင့် မြေကြီးသစ်အား ဖန်ဆင်းပြီးကြောင်း ကျွန်ုပ်မြင်ရသည်။ လူဇာတိခံ ဘုရားသခင်သည် လူသားမျိုးနွယ်ထံ အလင်း ယူဆောင်လာလျက် သမ္မာတရားကို ဖော်ပြသည်။ လူကို စုံလင်စေရန် ဘုရားသခင် အမှုပြုခြင်းသည် တစ်သက်တာ အခွင့်အရေးဖြစ်ပေ၊ ကျွန်ုပ် အလွန်တရာ ကံကောင်းလှပေစွ။ လူသား၏ ယိုယွင်းသော စိတ်သဘောထားကို ကိုယ်တော်၏ နှုတ်ကပတ်တော်က ထုတ်ဖော်ပြသည်၊ တရားစီရင်သည်၊ ပြစ်တင်ဆုံးမပြီး ဖော်ထုတ်လေသည်။ စာတန်၏ ဖောက်ပြန်ပျက်စီးစေခြင်းကြောင့် လူသည် မိမိတို့၏ အသိစိတ် ဆုံးရှုံးရပြီဖြစ်ကြောင်း နောက်ဆုံးတွင် ကျွန်ုပ်သိသည်။ သူတော်ကောင်း ဟိတ်ဟန်ထုတ်လျက် အကျင့်သိက္ခာအကြောင်း ရွှန်းရွှန်းဝေအောင် ပြောဆိုသည့်အချိန်၊ အမှန်မှာ လူ့သဘာဝကို ၎င်းတို့ အချိန်အကြာကြီးကတည်းက ဆုံးရှုံးခဲ့ပေသည်။ ကျော်ကြားမှုနှင့် အကျိုးအမြတ်အတွက် အချင်းချင်း လျှို့ဝှက်ကြံစည်ကာ တိုက်ခိုက်နေရင်း အပြစ်ထဲတွင် သူတို့ အသက်ရှင်ကြသည်။

၂ လူ၏ ဆိုးယုတ်မည့်ဟန်ရှိသော စိတ်နှလုံးက ကြည့်ရှု၍မရလောက်အောင် အလွန်ဖောက်ပြန်ပျက်စီးလှသည်။ မိမိတို့ကိုယ်ကို စိတ်လိုလက်ရ ယိုယွင်းစေပြီး ညစ်ညူးစေလျက် သူတို့၌ မိမိကိုယ်ကိုချစ်ခြင်း လုံးဝမရှိပေ။ သူတို့၏ တည်ကြည်မှုနှင့် ဂုဏ်သိက္ခာ နောက်ဆုံးတစ်စိမျှ သူတို့ အဘယ်မှာ ရှာတွေ့နိုင်မည်နည်း။ လူ့ စိတ်နှလုံးသည် အလွန်ကောက်ကျစ်ကာ လှည့်ဖြားတတ်ပြီး လူသည် ဘုရားသခင်ရှေ့မှောက်သို့ လာရန် မထိုက်တန်ပေ။ ရတက်မအေးသော စိတ်နှလုံးနှင့်အတူ၊ ကြောက်ရွံ့မှုနှင့် ပူဆွေးမှုတို့ဖြင့် ကိုယ်တော့်ရှေ့ ကျွန်ုပ်၏ ဖြစ်တည်မှုတစ်ခုလုံးကို အညံ့ခံပါသည်။ လူသားဖြစ်ရသည်မှာ အဘယ်မျှခက်ခဲသည်ကို ယခုမှ ကျွန်ုပ် သိနားလည်ကာ သက်ပြင်းချမိသည်။ ကျွန်ုပ်သည် အလွန်ယိုယွင်းပြီး တရားစီရင်ခြင်းနှင့် သန့်စင်ခြင်းကို မကြုံရဘဲ ကယ်တင်ခံရနိုင်မည်မဟုတ်ပေ။ ရီဝေဝေနှင့် ကျွန်ုပ်နိုးထသည်၊ ဘုရားသခင်၏ မျက်နှာတော်ကို မော့ကြည့်ဖို့ရန် အလွန်ရှက်ရွံ့မိ။ တရားစီရင်ခြင်းအားဖြင့် ဉာဏ်အလင်းပေးခံရကာ ကျွန်ုပ်သည် လူတစ်ဦးအဘယ်သို့ ဖြစ်ရမည်ကို ရုတ်တရက် သိလိုက်သည်။ သမ္မာတရားနှင့် အသက်သည် အလွယ်တကူ ဖြစ်မလာ။ အားလုံးသည် ဘုရားသခင်၏ ကြင်နာခြင်းသာ။ ဘုရားသခင်၏ ချစ်ဖွယ်ကောင်းခြင်းကို သိရှိခြင်းက ကိုယ်တော့်အတွက် ကျွန်ုပ်၏ ချစ်ခြင်းကို ပို၍ပင် စေ့ဆော်ပေပြီ။ ဘုရားသခင်ကို ကျွန်ုပ် အမှန်တကယ် ချစ်ကာ ကျေနပ်စေနိုင်ဖို့အတွက် စစ်ဆေးခြင်းကို ခံစားကာ သန့်စင်ခံပါရစေ။