၁ သခင့်ကို ယုံကြည်သည့် နှစ်များစွာအတွင်း စကားလုံးများနှင့် အယူဝါဒများကိုသာ ကျွန်ုပ်ပြောဆိုခဲ့၊ စည်းမျဉ်းများကို ဖက်တွယ်ခဲ့ကာ ဘာသာရေးအခမ်းအနားကို ဆောင်ရွက်ခဲ့သည်။ ကျွန်ုပ်၏ ဆုတောင်းချက်တိုင်းက အနှစ်မဲ့သော ဝါကြွားမှုတစ်ခု ဖြစ်ခဲ့ပေ၊ ကျွန်ုပ် စိတ်နှလုံးထဲရှိ စကားများကို ဘုရားသခင်ထံ ဘယ်သောအခါမျှ ကျွန်ုပ်မပြောခဲ့။ ဘုရားသခင်၏ နှုတ်ကပတ်တော်များကို ဖတ်ရှုသည့်အခါ သမ္မာတရားကို ကျွန်ုပ်မရှာဖွေခဲ့ပေ။ ဘုရားသခင်၏ အလိုတော်ကို တွေးဆခြင်းငှာ ကျွန်ုပ်မစွမ်းနိုင်ခဲ့။ ထင်ရှားသည့် ကျမ်းပိုဒ်များကို အလွတ်ကျက်ခြင်းနှင့် ကျမ်းစာအကြောင်း ပြောဆိုခြင်းတို့က သမ္မာတရား၏ စစ်မှန်မှုအား ကျွန်ုပ်ပိုင်ဆိုင်ကြောင်း ဆိုလိုသည်ဟု ကျွန်ုပ်တွေးမိခဲ့။ လိမ်ညာခြင်းမှ မိမိကိုယ်ကို တားဆီးဖို့သာ ကျွန်ုပ်အာရုံစိုက်ခဲ့ပြီး ထိုသို့ဖြင့် မိမိကိုယ်ကို ရိုးသားသည်ဟု ကျွန်ုပ်တွေးထင်ခဲ့။ ကောင်းကင်နိုင်ငံထဲသို့ ကျွန်ုပ် ဝင်ရောက်နိုင်ပြီး ဆုချီးမြင့်ခံရနိုင်ဖို့ရာ နှစ်များစွာ မမောနိုင်မပန်းနိုင်နှင့် ဝမ်းသာအားရ ကျွန်ုပ် အားစိုက်လုပ်ဆောင်ခဲ့။ အနန္တတန်ခိုးရှင် ဘုရားသခင်၏ နှုတ်ကပတ်တော်များက ကျွန်ုပ်ကို ဆင့်ခေါ်သည်မှာ အဘယ်မျှ ကံကောင်းလိုက်လေ။ ဘုရားသခင်၏ အသံတော်ကို ကျွန်ုပ်ကြားရပြီး ဘုရားသခင်ထံ ပြန်လာခဲ့သည်။ ဘုရားသခင်၏ နှုတ်ကပတ်တော်များမှ သမ္မာတရားများစွာ ကျွန်ုပ် နားလည်ပြီ၊ ဘုရားသခင်၏ ပေါ်ထွန်းခြင်းနှင့် အမှုတို့ကို ကျွန်ုပ် ရှုမြင်ရပြီ။

၂ ဘုရားနှုတ်ကပတ်တော်များ၏ တရားစီရင်ခြင်းက ကျွန်ုပ်ကို ရုတ်တရက် နိုးထစေခဲ့။ သမ္မာတရားကို လိုက်စားဖို့ရန်မှာ ဘုရားသခင်၏ စိတ်နှလုံးတော်နှင့် ညီညွှတ်ပေ။ ဘုရားသခင်ကို ကျွန်ုပ် ယုံကြည်သော်လည်း ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းတို့ကို မတွေ့ကြုံလျှင် ကျွန်ုပ်၏ ယိုယွင်းသောစိတ်သဘောထား မပြောင်းလဲနိုင်။ ဘုရားသခင်ကို ကျွန်ုပ် မသိကျွမ်းသကဲ့သို့ ဘုရားသခင်ကို ကြောက်ရွံ့မှုမရှိလျှင် ကျွန်ုပ်၏ အပြုအမူကောင်းမှာ အတုအယောင်သာ။ ဘုရားသခင်၏ ဖြောင့်မတ်သော စိတ်သဘောထားမှာ လူ့အားဖြင့် ချိုးဖောက်မရနိုင်ပေ၊ လှည့်ဖြားတတ်သောလူ၏ နိုင်ငံတော်ထဲ ဝင်ရောက်ဖို့ ဆန္ဒမှာ အိပ်မက်တစ်ခုသာ။ ဘုရားသခင်၏ နှုတ်ကပတ်တော်များကို ကျင့်သုံးကာ တွေ့ကြုံဖို့၊ သမ္မာတရားကို ရရှိဖို့နှင့် ကျွန်ုပ်၏ ယိုယွင်းခြင်းကို ခွာချဖို့ ကျွန်ုပ် စိတ်ပိုင်းဖြတ်သည်။ အရာခပ်သိမ်းတွင် သမ္မာတရားကို ကျွန်ုပ်ရှာဖွေပြီး သမ္မာတရားကို လက်တွေ့ကျင့်သုံးသည်၊ ကျွန်ုပ်၏ စိတ်နှလုံးထဲတွင် ငြိမ်းချမ်းကာ အေးချမ်းသည်ဟု ခံစားရ။ ကျွန်ုပ်၏ တာဝန်ကို သစ္စာရှိရှိ ဆောင်ရွက်ကာ ဘုရားသခင်ထံ အစေခံမှုကို ကျွန်ုပ် ပျော်ရွှင်စွာ ထမ်းဆောင်သည်။ ကောင်းချီးမင်္ဂလာများ မဟုတ်၊ ဘုရားသခင်ကို ကျွန်ုပ်ချစ်နိုင်ဖို့သာ ကျွန်ုပ်တောင်းလျှောက်သည်။ ယခုတွင် သမ္မာတရားကို ကျွန်ုပ်နားလည်သည်၊ စည်းမျဉ်းများကို ကျွန်ုပ် မဖက်တွယ်တော့။ ဘုရားသခင်ရှေ့မှောက်တွင် အသက်ရှင်လျက် ကျွန်ုပ်လွတ်မြောက်လေပြီ။