၅၆၂ သင့်ကိုယ်ပိုင်စိတ်ကူးများနှင့် ရှုထောင့်များကိုသိခြင်းမှာ အခရာဖြစ်သည်
သင့်တို့ကိုယ်သင်တို့သိခြင်းမှာ သင်တို့၏စိတ်ကူးများနှင့် သဘောထားများထဲတွင် ဘုရားသခင်ကို ဆန့်ကျင်ပြီး သမ္မာတရားနှင့် လိုက်လျောညီထွေမှု လုံးဝမရှိသည့်အပြင် သမ္မာတရားကို မပိုင်ဆိုင်ထားသော မည်သည့်အရာများရှိကြောင်း သိခြင်းဖြစ်သည်။ ဥပမာ၊ လူသားတို့၏ မာနထောင်လွှားမှု၊ မိမိကိုယ်ကိုမှန်ကန်သည်ဟု ယူမှတ်မှု၊ အလိမ်အညာများနှင့် လှည့်ဖြားခြင်းတို့ကို သိနားလည်ခြင်း- ဤသည်တို့မှာ သတိပြုမိရန် လွယ်ကူသည့် ဖောက်ပြန်ပျက်စီးသော စိတ်သဘောထားများဖြစ်သည်။ ထို့အပြင် လူတိုင်းသည် မာနထောင်လွှားမှုနှင့် လိမ်လည်လှည့်ဖြားမှုကို မတူညီသော အတိုင်းအတာများဖြင့် ပိုင်ဆိုင်သည်။ သို့သော်လည်း လူတို့၏ စိတ်ကူးများနှင့် သဘောထားများမှာ သိနားလည်ရန် မလွယ်ကူပေ။ ၎င်းတို့မှာ လူတို့၏ စိတ်သဘောထားများကို သိရှိခြင်းလောက် မလွယ်ကူပေ။ ဤသည်တို့မှာ နက်နက်ရှိုင်းရှိုင်း အမြစ်တွယ်ထားသော အရာများဖြစ်ကြသည်။ ထို့ကြောင့် သင်၏ အမူအကျင့်နှင့် အပြင်ပန်း အနေအထိုင်တို့တွင် အနည်းငယ်သော ပြောင်းလဲမှုကို သင် ရရှိထားသောအခါ ဘုရားသခင်နှင့် ဆန့်ကျင်ပြီး သင်ရှာဖွေတွေ့ရှိမထားသေးသည့် သင်၏ အတွေးအခေါ်၊ အယူအဆများ၊ သဘောထားများနှင့် သင်ရရှိထားသည့် ရိုးရာယဉ်ကျေးမှုဆိုင်ရာ အသိပညာတို့ တည်းဟူသော သွင်ပြင်လက္ခဏာများစွာ ရှိနေသေးသည်။ ထိုကဲ့သို့သော အရာများမှာ ဘုရားသခင်အား သင်၏ဆန့်ကျင်နေခြင်း၏ မူလဇာစ်မြစ်ပင် ဖြစ်ပေသည်။
“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ မိမိ၏ကိုယ်ပိုင်လွဲမှားသောအမြင်များကို သတိပြုခြင်းဖြင့်သာ အမှန်တကယ် ပြောင်းလဲနိုင်သည်” ကို ကောက်နုတ်၍ ဆီလျော်စွာ ပြုပြင်ထားသည်
