ဘုရားသခင်၏ နေ့စဉ် နှုတ်ကပတ်တော်များ | “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ- လူမျိုးအပေါင်းတို့၊ ဝမ်းမြောက်ကြလော့။” | ကောက်နုတ်ချက် ၅၈၃

ငါ၏ အလင်းတွင်၊ လူတို့သည် အလင်းကို တစ်ဖန် မြင်ကြ၏။ ငါ၏ နှုတ်ကပတ်တော်ထဲတွင်၊ လူတို့သည် ၎င်းတို့ မွေ့လျော်သည့် အရာများကို ရှာတွေ့ကြ၏။ ငါသည် အရှေ့အရပ်မှ လာ၏၊ အရှေ့အရပ်မှ ငါ နှုတ်ခွန်းဆက်သည်။ ငါ၏ ဘုန်းအသရေ ထွန်းတောက်သည့်အခါ၊ တိုင်းနိုင်ငံအားလုံးသည် ထွန်းလင်းကြ၏၊ အားလုံး အလင်းသို့ ဆောင်ယူခြင်းခံရကြ၏၊ အမှောင်ထဲတွင် တစ်ခုမျှ မကျန်ရှိပေ။ နိုင်ငံတော်ထဲတွင်၊ ဘုရားသခင်နှင့်အတူ ဘုရားသခင်၏လူတို့ အသက်ရှင်ကြသော အသက်တာသည် အတိုင်းထက်အလွန် ပျော်ရွှင်ဖွယ်ဖြစ်သည်။ ရေထုသည် လူတို့၏ မင်္ဂလာရှိသော အသက်တာများ၌ ဝမ်းမြောက်ခြင်းဖြင့် ကခုန်ကြသည်၊ တောင်များသည် ငါ၏ အလျှံပယ်ရှိခြင်းကို လူတို့နှင့်အတူ မွေ့လျော်ကြ၏။ လူအားလုံးသည် ငါ၏ နိုင်ငံတော်ထဲတွင် ကြိုးပမ်းနေကြသည်၊ ကြိုးစားလုပ်ဆောင်နေကြသည်၊ ၎င်းတို့၏ သစ္စာစောင့်သိခြင်းကို ပြသနေကြသည်။ နိုင်ငံတော်ထဲတွင်၊ ပုန်ကန်ခြင်း မရှိတော့ပေ၊ ခုခံခြင်း မရှိတော့ပေ။ ကောင်းကင်နှင့် မြေကြီးတို့သည် အချင်းချင်း မှီခိုကြသည်၊ လူသားနှင့် ငါသည် ဘဝ၏ ချိုမြိန်သော ကြီးစွာဝမ်းမြောက်ခြင်းများ တစ်လျှောက်၊ တစ်ဦးကိုတစ်ဦး အားထားလျက် နက်ရှိုင်းသော ခံစားချက်ဖြင့် ချဉ်းကပ်ကြ၏။...ဤအချိန်တွင်၊ ငါသည် ကောင်းကင်ဘုံ၌ ငါ၏ အသက်တာကို စနစ်တကျ စတင်သည်။ စာတန်၏ နှောင့်ယှက်မှု မရှိတော့သကဲ့သို့ လူတို့သည် ချမ်းသာထဲသို့ ဝင်စားကြ၏။ စကြဝဠာတစ်လျှောက်လုံးတွင်၊ ငါ၏ အရွေးချယ်ခံ လူတို့သည် ငါ၏ ဘုန်းအသရေအတွင်း၌ အသက်ရှင်ကြပြီး၊ လူတို့အလယ် အသက်ရှင်နေသည့် လူများကဲ့သို့မဟုတ်ဘဲ၊ ဘုရားသခင်နှင့်အတူ အသက်ရှင်သည့် လူများကဲ့သို့ တုနှိုင်းမမှီ ကောင်းကြီးခံစားရကြသည်။ လူသားမျိုးနွယ်အားလုံးသည် စာတန်၏ ဖောက်ပြန်ပျက်စီးစေခြင်းကို ဖြတ်သန်းကြရပြီးဖြစ်ကာ ဘဝ၏ ခါးသီးမှုနှင့် ချိုမြိန်မှု အနည်အနှစ်ကို သောက်သုံးကြရပြီးဖြစ်သည်။ ယခုတွင်၊ ငါ၏ အလင်းတွင် အသက်ရှင်ရင်း၊ အဘယ်သို့ မဝမ်းမြောက်ဘဲ နေနိုင်မည်နည်း။ ဤနှစ်သက်ဖွယ်သော အခိုက်အတန့်ကို အဘယ်သို့ ပေါ့ပေါ့တန်တန် စွန့်လွှတ်ပြီး တစ်စတစ်စ လက်လွှတ် ဆုံးရှုံးနိုင်မည်နည်း။ အသင် လူတို့။ သင်တို့ စိတ်နှလုံးများထဲတွင် ငါ့အတွက် သီချင်းသီဆိုပြီး ဝမ်းမြောက်မှုဖြင့် ကခုန်ကြလော့။ သင်တို့၏ စစ်မှန်သော စိတ်နှလုံးများကို ချီမကာ ငါ့ထံ ပူဇော်ကြလော့။ သင်တို့၏ စည်များကို တီးကြပြီး ငါ့အတွက် ဝမ်းမြောက်စွာ တီးခတ်ကြလော့။ ငါသည် ငါ၏ ဝမ်းမြောက်ပျော်ရွှင်ခြင်းကို စကြဝဠာတစ်လျှောက် ဖြာထွက်စေ၏။ ငါ၏ အသရေတင့်တယ်သော မျက်နှာကို လူတို့အား ငါထုတ်ဖော်ပြ၏။ ငါသည် ကျယ်သောအသံဖြင့် ဟစ်ကြွေးမည်။ စကြဝဠာကို ငါ ကျော်လွန်မည်။ ငါသည် လူတို့အလယ် စိုးစံနှင့်ပြီ။ ငါသည် လူတို့၏ ချီးမြှောက်ခြင်းခံရ၏။ အထက်ကောင်းကင်ပြာ၌ ငါသည် တဖြည်းဖြည်းသွားပြီး လူတို့သည် ငါနှင့်အတူ လျှောက်လှမ်းသွားကြသည်။ လူတို့အလယ် ငါ လျှောက်လှမ်းကာ ငါ၏ လူတို့သည် ငါ့ကို ဝန်းရံကြသည်။ လူတို့၏ စိတ်နှလုံးများ ဝမ်းမြောက်ကြ၏၊ ၎င်းတို့၏ သီးချင်းများက အမြင့်ဆုံးကောင်းကင်ဘုံကို အက်ကွဲသွားစေရင်း စကြဝဠာကို လှုပ်ခါကြ၏။ စကြဝဠာသည် မြူဖြင့် မပိတ်ဖုံးတော့ပေ။ ရွှံ့နွံများ မရှိတော့ပေ၊ အညစ်အကြေး စုဝေးမှု မရှိတော့ပေ။ စကြဝဠာ၏ သန့်ရှင်းသူများတို့။ သင်တို့သည် ငါ၏စစ်ဆေးမှုအောက်တွင် သင်တို့၏ စစ်မှန်သော မျက်နှာထားကို ပြကြ၏။ သင်တို့သည် အညစ်အကြေးဖြင့် ဖုံးလွှမ်းသော လူများမဟုတ်ဘဲ၊ ကျောက်စိမ်းကဲ့သို့ သန့်စင်သော သန့်ရှင်းသူများဖြစ်၏၊ သင်တို့အားလုံးသည် ငါ၏နှစ်သက်မြတ်နိုးရသူများ ဖြစ်ကြ၏၊ သင်တို့သည် ငါ၏ ပျော်ရွှင်ဝမ်းမြောက်မှု ဖြစ်ကြ၏။ အရာခပ်သိမ်းသည် အသက်ပြန်ရှင်လာကြ၏။ သန့်ရှင်းသူများအားလုံးသည် ငါ၏ နွေးထွေးသော ထွေးပွေ့မှုထဲ ဝင်ရောက်ရင်း၊ ငိုကြွေးခြင်းမရှိတော့၊ စိုးရိမ်ပူပန်ခြင်းမရှိတော့ဘဲ၊ မိမိတို့ကိုယ်ကိုယ် ငါ့ထံ ဆက်ကပ်ရင်း၊ ငါ၏ အိမ်သို့ ပြန်လာကြရင်း ကောင်းကင်ဘုံတွင် ငါ့ကို အစေခံရန် ပြန်လာကြ၏၊ ပြီးလျှင် ၎င်းတို့၏ ဇာတိမြေတွင် ငါ့ကို စဉ်ဆက်မပြတ် ချစ်ခင်ကြလိမ့်မည်။ ထာဝရကာလပတ်လုံး ဘယ်သောအခါမျှ ပြောင်းလဲခြင်းမရှိပေ။ ဝမ်းနည်းပူဆွေးမှုသည် အဘယ်မှာနည်း။ မျက်ရည်များသည် အဘယ်မှာနည်း။ ဇာတိပကတိသည် အဘယ်မှာနည်း။ ကမ္ဘာမြေကြီး ကုန်လွန်သွားသော်လည်း ကောင်းကင်သည် ထာဝရဖြစ်၏။ လူအပေါင်းတို့ထံ ငါ ပေါ်ထွန်းပြီး လူအပေါင်းတို့သည် ငါ့ကို ချီးမွမ်းကြ၏။ ဤအသက်တာ၊ ဤအလှတရား၊ ရှေးအတီတေ အချိန်ကာလမှ အဆုံးသတ်ကာလအထိ၊ ပြောင်းလဲမည်မဟုတ်။ ဤသည်မှာ နိုင်ငံတော် အသက်တာဖြစ်သည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

ကောင်းကင်နိုင်ငံတော်သီချင်း (၃) လူအပေါင်းတို့…ဝမ်းမြောက်ခြင်းရှိကြလော့

ဘုရားအလင်း၌ လူတွေ အလင်းပြန်မြင်ရ နှုတ်ကပတ်တော်၌ လူတွေ ကြည်နူးစရာများ တွေ့ ဘုရားသည် အရှေ့ဘက်ကလာ၍ ထိုအရပ်ဇာတိ ဖြစ်သည် ဘုရားဘုန်းတော်ထွန်းတောက် ချိန်၊ တိုင်းနိုင်ငံအားလုံး ထွန်းလင်း အားလုံးကို အလင်းဆီခေါ်ဆောင်၊ မှောင်မိုက်၌ ကျန်ရစ်တာမရှိ ဘုရားနိုင်ငံတော်၌ ဘုရားလူမျိုးတို့ဘဝ အနှိုင်းဆမဲ့ ပျော်ရွှင် ရေသည် လူတို့၏မင်္ဂလာရှိသောအသက်တာများအတွက် ကခုန် တောင်တွေဟာ ဘုရားရဲ့ကြွယ်ဝပြည့်စုံခြင်းကို လူတွေနဲ့အတူ ဝမ်းမြောက်ခံစား လူအားလုံး အလုပ်ကြိုးပမ်းလုပ်ဆောင်လျက်ရှိ ဘုရားရဲ့နိုင်ငံတော်မှာ သူတို့ရဲ့သစ္စာတရားကို ပြသ ဘုရားနိုင်ငံတော်တွင် ပုန်ကန်မှုမရှိ၊ အတိုက်အခံလည်း မရှိတော့ပေ ကောင်းကင်နဲ့မြေကြီး အချင်းချင်းအမှီသဟဲပြု လူနဲ့ဘုရား နီးကပ်ပြီး နက်ရှိုင်းစွာသိရှိ ဘဝရဲ့ပျော်ရွှင်မှုတွေကြောင့်အတူတကွ မှီခိုတွယ်တာနေ…. ဒီချိန်မှာ ကောင်းကင်နဲ့ဆိုင်သောအသက်တာကို ဘုရားသခင် စတင် စာတန်ရဲ့နှောင့်ယှက်မှု မရှိတော့ လူတို့ ဘုရားရဲ့ငြိမ်သက်ခြင်းရရှိကြ စကြဝဠာတစ်ခုလုံး၌ ဘုရားရွေးကောက်သောလူမျိုးသည် ဘုရားဘုန်းတော်၌ နေထိုင် အနှိုင်းမဲ့ ကောင်းချီးခံစား၍ လူတွေကြား ရောနေသူများကဲ့သို့မဟုတ် ဘုရားနဲ့အတူ နေထိုင်သူများကဲ့သို့ဖြစ်သည်

လူတိုင်း စာတန်ရဲ့ဖျက်ဆီးမှု ကြုံဖူးခဲ့ကြ ဘဝရဲ့ခါးသီးမှုနဲ့ချိုမြိန်မှုကို မြည်းစမ်းဖူးကြသည် ယခု ဘုရားအလင်း၌ အသက်ရှင် မဝမ်းမြောက်သူ ရှိမလား ဒီလိုသာယာတဲ့အခိုက်အတန့်မျိုး ဘယ်သူ လက်လွှတ်နိုင်မှာလဲ လူတို့… ဘုရားအတွက် ယခု နှလုံးသားထဲက သီချင်းများ သီဆိုကာ ကခုန်ကြလော့ ဖြူစင်တဲ့နှလုံးသားကို ဘုရားအား ပူဇော်လော့ ယခု ဘုရားအတွက် ဗုံကိုထု၍ တီးလော့ ဘုရားသည် စကြဝဠာတစ်ခုလုံး၌ ဝမ်းမြောက်ခြင်း ပြည့်လျှံစေသည် သူ့ရဲ့ဘုန်းကြီးသောမျက်နှာကို လူသားတို့အား သူပြ သူသည် မြည်ဟည်းလိမ့်မည် သူသည် စကြဝဠာကို ကျော်လွန်လိမ့်မည် သူသည် လူတွေကြားထဲမှာ စိုးစံလေပြီ၊ သူ့ကို လူသားများ ဂုဏ်ပြုချီးမြောက် ဘုရားသခင်ဟာ ကောင်းကင်ပြာကြီးထဲ လွင့်မျော လူသားများ သူ့အတိုင်း လိုက်ရွေ့ ဘုရားလူတွေကြား လမ်းလျှောက်အတူရှိနေ သူ့လူမျိုးများ သူ့အား ဝန်းရံ လူတို့နှလုံးသားများ ဝမ်းမြောက်ရွှင်လန်း သူတို့တေးသီချင်းများ စကြဝဠာကို လှုပ်ခါစေကာ၊ ကောင်းကင်ကြီးကို အက်ကွဲစေသည် စကြဝဠာကြီးကို မြူမဖုံးလွှမ်းတော့ပါ ရွံ့ဗွက်မရှိ၊ အညစ်အကြေးများ မစုရုံးတော့ပါ

သန့်ရှင်းသောစကြဝဠာသားများ ဘုရားရဲ့စစ်ကြောမှုတွင် သင့်မျက်နှာထားအမှန် ပေါ်လွင် သင်တို့သည် အညစ်အကြေးဖြင့် ပြည့်နေသောသူများမဟုတ်၊ ကျောက်စိမ်းပမာ သန့်ရှင်းသူများဖြစ်ကြပြီ ဘုရားရဲ့ချစ်ရသူအားလုံး၊ ဘုရားရဲ့နှစ်သက်သူအားလုံး ခပ်သိမ်းသောအရာများ အသက်ပြန်ရ သူတော်သူမြတ်အားလုံး ကောင်းကင်ဘုံ၌ ဘုရားကို အစေခံ ဘုရားရဲ့နွေးထွေးတဲ့ရင်ခွင်ထဲ တိုးဝင် ငိုကြွေးခြင်း၊ ပူဆွေးခြင်းအစဉ်ကင်း ဘုရားထံ ဆက်ကပ်ပူဇော်ကြ ဘုရားအိမ်တော်ပြန်လာကြ၊ ဘုရားအိမ်တော်ပြန်လာကြ ဇာတိအရပ်၌ သူတို့ ဘုရားကို ထာဝရချစ်ကြလိမ့်မည် ထာဝရ မပြောင်းလဲ …ထာဝရ မပြောင်းလဲ … ပူဆွေးခြင်းရှိရာ မျက်ရည်တွေရှိရာ လူ့ဇာတိနေရာ ကမ္ဘာကြီး မရှိတော့ပြီ၊ ကောင်းကင်သည် အစဉ်တည် လူမျိုးအားလုံးထံ ဘုရားပေါ်ထွန်း လူမျိုးအားလုံး ဘုရားကို ချီးမွမ်း လူတို့ မသိသေးသော ရှေးအခါမှ တည်ရှိသော ဒီဘဝ၊ ဒီအလှတရားသည် မပြောင်းလဲဘဲ အစဉ်ထာဝရ တည်တံ့လိမ့်မည် ဒါ ဘုရားနိုင်ငံတော်၌ ဘဝ ပေတည်း

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “စစ်ဆေးခြင်းကိုကြုံတွေ့ခြင်းအားဖြင့်သာ လူသားသည် စစ်မှန်သော ချစ်ခြင်းမေတ္တာကို ပိုင်ဆိုင်နိုင်သည်” | ကောက်နုတ်ချက် ၅၀၇

သင်တို့အားလုံးသည် စမ်းသပ်ခြင်းနှင့် စစ်ဆေးခြင်းတို့အလယ်တွင် ရှိကြ၏။ စစ်ဆေးခြင်းအတွင်းတွင် သင်သည် ဘုရားသခင်ကို အဘယ်သို့ ချစ်သင့်သနည်း။...

ဘုရားသခင်၏ နေ့စဉ် နှုတ်ကပတ်တော်များ | “သမ္မာတရားအား အားထုတ်ခြင်း၏ အရေးပါမှုနှင့် လမ်းကြောင်း” | ကောက်နုတ်ချက် ၅၅၈

သင့်ကိုယ်သင် သိရှိရန်၊ သင်၏ဖောက်ပြန်ပျက်စီးခြင်း နှင့်ဆိုင်သော ဖော်ပြချက်များ၊ သင်ကိုယ်တိုင်၏ ပဓာနကျသော အားနည်းချက်များ၊ သင်၏ စိတ်သဘောထား၊...

ဘုရားသခင်၏ နေ့စဉ် နှုတ်ကပတ်တော်များ | “သင်သည် ဘုရားသခင်ကို ယုံကြည်သောကြောင့် သမ္မာတရားအတွက် အသက်ရှင်သင့်သည်” | ကောက်နုတ်ချက် ၃၉၄

ဘုရားသခင်ကို ယုံကြည်ခြင်းအရာ၌ လူတို့၏ အကြီးဆုံးသော အမှားအယွင်းမှာ စကားအားဖြင့်သာ ယုံကြည်ခြင်းဖြစ်ပြီး၊ နေ့စဉ်ဘ၀များတွင် ဘုရားသခင်...

ဘုရားသခင်၏ နေ့စဉ် နှုတ်ကပတ်တော်များ | “သင်၏အနာဂတ်တာဝန်ကို မည်သို့ အာရုံစိုက်၍ လုပ်ဆောင်သင့်သနည်း” | ကောက်နုတ်ချက် ၄၆၃

ခေတ်ကာလနှင့်ပတ်သက်သည့် ဘုရားသခင်၏စိတ်သဘောထားကို ခေတ်ကာလအလိုက် အရေးပါမှုရှိသော သင့်တော်ရာ ဘာသာစကားဖြင့် သင်ဖော်ပြနိုင်ပါသလား။...