ဘုရားသခင်၏ နေ့စဉ် နှုတ်ကပတ်တော်များ | “နိုင်ငံတော်ခေတ်သည် နှုတ်ကပတ်တော်ခေတ်ဖြစ်သည်” | ကောက်နုတ်ချက် ၄၀၁

ယခုမှာ နိုင်ငံတော်ခေတ်ဖြစ်သည်။ သင်၏အသက်တာသည် ဤခေတ်အသစ်ထဲသို့ ဝင်ရောက်ပြီးပြီလား၊ မပြီးသေးဘူးလား ဟူသည့်အချက်သည် ဘုရားသခင် နှုတ်ကပတ်တော်၏ လက်တွေ့အရှိတရားထဲသို့ သင်ဝင်ရောက်ပြီးပြီလား၊ မဝင်ရောက်ရသေးဘူးလား ဟူသည့်အချက်၊ ဘုရားသခင်၏ နှုတ်ကပတ်တော်များသည် သင်၏ယုံကြည်ခြင်း၊ သင်၏ချစ်ခြင်းနှင့် သင့်အသက်တာ၏ လက်တွေ့အရှိတရားဖြစ်မဖြစ်ဟူသည့် အချက်များအပေါ် မူတည်သည်။ အဆုံး၌ လူအားလုံး နှုတ်ကပတ်တော်၏ကမ္ဘာ၌ အသက်ရှင်ကြရန်နှင့် ဘုရားသခင်၏ နှုတ်ကပတ်တော်က လူတိုင်းကို အတွင်းထဲ၌ အသိဉာဏ်ပွင့်လင်းစေရန်နှင့် အလင်းပေးစေရန်အတွက် ဘုရားသခင်သည် သူ၏နှုတ်ကပတ်တော်ကို လူအားလုံးသိအောင် လုပ်ပေးခဲ့သည်။ လက်ရှိအချိန် ကာလ၌ သင်သည် ဘုရားသခင်၏ နှုတ်ကပတ်တော်ကို ဖတ်ရာ၌ အလျင်စလိုဖတ်ပြီး အရေးမထားလျှင် သင့်မှာ ဘုရားသခင်၏ နှုတ်ကပတ်တော်ကို စိတ်ဝင်စားမှု မရှိပေ။ ထိုအချက်က သင်၏ လက်ရှိအခြေအနေ တစ်ခုခု မှားနေကြောင်းကို ဖော်ပြနေသည်။ သင်သည် နှုတ်ကပတ်တော်ခေတ်သို့ ဝင်ရောက်နိုင်စွမ်း မရှိလျှင် သန့်ရှင်းသော ဝိညာဉ်တော်သည် သင့်အထဲတွင် အလုပ်မလုပ်ပေ။ သင်သည် နှုတ်ကပတ်တော်ခေတ်သို့ ဝင်ရောက်ပြီးပါက သန့်ရှင်းသော ဝိညာဉ်တော်က သူ၏အလုပ်ကို လုပ်လိမ့်မည်။ နှုတ်ကပတ်တော်ခေတ်၏ အစဖြစ်သော လက်ရှိအချိန်၌ သန့်ရှင်းသောဝိညာဉ်တော်၏ အလုပ်ကိုရရှိရန် သင်ဘာလုပ်နိုင်သနည်း။ လူတိုင်း ဘုရားသခင်၏ နှုတ်ကပတ်တော်ကို လက်တွေ့ကျင့်သုံးရန်၊ သမ္မာတရားကို လက်တွေ့ ကျင့်သုံးနိုင်စွမ်းရှိရန်၊ ဘုရားသခင်ကို အလွန်အလေးအနက်ထားပြီး ချစ်ရန်၊ လူတိုင်း ဘုရားသခင်၏ နှုတ်ကပတ်တော်ကို မိမိတို့အသက်တာ၏ အခြေခံအုတ်မြစ်အဖြစ်နှင့် လက်တွေ့အရှိတရား ဖြစ်စေရန်၊ ဘုရားသခင်ကို ရိုသေလေးမြတ်သော စိတ်နှလုံးများရှိစေရန်၊ ဘုရားသခင်၏ နှုတ်ကပတ်တော်ကို လက်တွေ့ကျင့်သုံးခြင်းအားဖြင့် လူသည် ဘုရားသခင်နှင့်အတူ အုပ်စိုးနိုင်စေရန် ဘုရားသခင်သည် ယနေ့ခေတ်တွင် ၎င်းကို သင်တို့အကြား၌ အရှိတရားဖြစ်စေမည် ဖြစ်သည်။ ဘုရားသခင် အထမြောက်အောင် လုပ်မည့်အရာသည် ထိုအလုပ် ဖြစ်သည်။ ဘုရားသခင်၏ နှုတ်ကပတ်တော်ကို မဖတ်မရှုဘဲ သင်ရှေ့ဆက် နိုင်ပါသလား။ ဘုရားသခင်၏ နှုတ်ကပတ်တော်ကို မဖတ်ဘဲ တစ်ရက် သို့မဟုတ် နှစ်ရက်ပင် ရှေ့မဆက်နိုင်သောသူ များစွာ ယနေ့၌ ရှိသည်။ သူတို့သည် ဘုရားသခင်၏ နှုတ်ကပတ်တော်ကို နေ့စဉ် ဖတ်ရသည်၊ ဖတ်ဖို့ အချိန်မရှိလျှင် နှုတ်ကပတ်တော်ကို နားထောင်ခြင်းက သူတို့အတွက် လုံလောက်သည်။ ထိုသို့သော ခံစားချက်သည် သန့်ရှင်းသော ဝိညာဉ်တော်က လူကို ပေးသောခံစားချက်ဖြစ်ပြီး သန့်ရှင်းသော ဝိညာဉ်တော်က လူကို တို့ထိလေ့ရှိပုံ ဖြစ်သည်။ ဆိုလိုသည်မှာ ဘုရားသခင် နှုတ်ကပတ်တော်၏ ပကတိအရှိတရားကို လူဝင်ရောက်နိုင်ရန်အတွက် သန့်ရှင်းသောဝိညာဉ်တော်သည် လူကို နှုတ်ကပတ်တော်များအားဖြင့် အုပ်စိုးသည်ဟု ဆိုလိုခြင်းဖြစ်သည်။ ဘုရားသခင်၏ နှုတ်ကပတ်တော်ကို မစားသောက်ဘဲ တစ်ရက်မျှနေလျှင်ပင် သင်သည် မှောင်မိုက်မှုနှင့် ဆာငတ်မှုကို ခံစားရပြီး ထိုသို့ဖြစ်ခြင်းသည် လက်ခံနိုင်ဖွယ်မရှိဟု သင်ခံစားရလျှင် သန့်ရှင်းသော ဝိညာဉ်တော်သည် သင့်ကို တို့ထိပြီးဖြစ်ကြောင်း၊ သန့်ရှင်းသော ဝိညာဉ်တော်သည် သင့်ထံမှ ထွက်မသွားသေးကြောင်း ဤအရာက ဖော်ပြနေသည်။ ထိုသို့ဆိုလျှင် သင်သည် ဤရေစီးကြောင်းထဲ၌ ရှိသောသူတစ်ဦးဖြစ်သည်။ သို့သော် ဘုရားသခင်၏ နှုတ်ကပတ်တော်ကို မစားသောက်ဘဲ နေသည်မှာ တစ်ရက် သို့မဟုတ် နှစ်ရက်ကြာပြီ ဖြစ်သော်လည်း သင့်မှာ အသိ သို့မဟုတ် ဆာငတ်မှု လုံးဝ မရှိလျှင်၊ သန့်ရှင်းသောဝိညာဉ်တော်၏ တို့ထိမှုကို မခံစားရလျှင်၊ သန့်ရှင်းသောဝိညာဉ်တော်က သင့်ထံမှ ထွက်သွားပြီဖြစ်ကြောင်း ဤအရာက ဖော်ပြနေပါသည်။ ထိုသို့ဖြစ်လျှင် သင်၏အထဲ၌ အခြေအနေ မကောင်း၊ သင်သည် နှုတ်ကပတ်တော်ခေတ်သို့ မဝင်ရောက်ရသေး၊ သင်သည် နောက်ကျ ကျန်နေသောသူ ဖြစ်သည်ဟု အဓိပ္ပာယ်ရသည်။ ဘုရားသခင်က လူကို အုပ်စိုးရန် နှုတ်ကပတ်တော်ကို အသုံးပြုသည်၊ ဘုရားသခင်၏ နှုတ်ကပတ်တော်ကို စားသောက်လျှင် သင်စိတ်ချမ်းသာသော်လည်း မစားသောက်လျှင်ကား မည်သည့်နည်းနှင့်မျှ သင်သည် နောက်က လိုက်နိုင်မည် မဟုတ်ပေ။ ဘုရားသခင်၏ နှုတ်ကပတ်တော်သည် လူ၏ အစာဖြစ်လာသည်၊ လူကို တွန်းအားပေးသည့် ခွန်အားဖြစ်လာသည်။ ကျမ်းစာ၌ “ယေရှုကလည်း၊ လူသည် မုန့်အားဖြင့်သာ အသက်ကို မွေးရမည် မဟုတ်။ ဘုရားသခင် မိန့်တော်မူသမျှအားဖြင့် အသက်ကို မွေးရမည်” ဟု ပြောထားသည်။ ထိုအမှုသည် ဘုရားသခင် ယနေ့ အထမြောက်စေမည့်အမှုဖြစ်သည်။ ဘုရားသခင်သည် သင်တို့အထဲ၌ ထိုသမ္မာတရားကို အမှန် ဖြစ်စေလိမ့်မည်။ အတိတ်က လူတို့သည် ဘုရားသခင်၏ နှုတ်ကပတ်တော်ကို ရက်ပေါင်းများစွာ မဖတ်ရှုဘဲ နေသော်လည်း အစာဆက်စား၊ အလုပ်ဆက်လုပ်နိုင်သည်မှာ မည်သို့ဖြစ်နိုင်သနည်း။ အဘယ်ကြောင့် ယနေ့ခေတ်တွင်လည်း လူသည် ထိုသို့ မနေနိုင်သနည်း။ ယနေ့ခေတ်၌ ဘုရားသခင်သည် အရာအားလုံးကို အုပ်စိုးရန် နှုတ်ကပတ်တော်ကို အဓိကအသုံးပြုသည်။ ဘုရားသခင်၏ နှုတ်ကပတ်တော်အားဖြင့် လူသည် တရားစီရင်ခြင်းခံရသည်၊ စုံလင်အောင်လုပ်ပေးခြင်း ခံရသည်၊ နောက်ဆုံးတွင် နိုင်ငံတော်ထဲသို့ ခေါ်ဆောင်ခြင်း ခံရသည်။ အထူးသဖြင့် နိုင်ငံတော်ခေတ်၌ ဘုရားသခင်၏ နှုတ်ကပတ်တော်ကသာလျှင် လူ့အသက်ကို ထောက်ပံ့ပေးနိုင်သည်၊ ဘုရားသခင်၏ နှုတ်ကပတ်တော်ကသာလျှင် လူကို အလင်းနှင့် လက်တွေ့လုပ်ဆောင်နည်းကို ပေးနိုင်သည်။ သင်သည် ဘုရားသခင်၏ နှုတ်ကပတ်တော်ကို နေ့စဉ် စားသောက်ပြီး သူ့နှုတ်ကပတ်တော်၏ စစ်မှန်မှုကို မစွန့်ပစ်သရွေ့ ဘုရားသခင်က သင့်ကို စုံလင်အောင် ပြုလုပ်ပေးနိုင်မည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ မှ

နိုင်ငံတော်ခေတ်တွင် ဘုရားသခင်သည် လူသားကို နှုတ်ကပတ်တော်အားဖြင့် စုံလင်စေ

ယခုခေတ်တွင် သင်တို့ကြား၌ ဤအရာများကို ဘုရား ပြည့်စုံစေမည် - အားလုံး ဘုရား၏သမ္မာတရားကို ကျင့်သုံး၊ အားလုံး နှုတ်ကပတ်တော်နှင့် အသက်ရှင်နေထိုင်ပြီး စိတ်နှလုံးသားများနဲ့ သူ့ကိုချစ်သည် ဘုရား၏နှုတ်ကပတ်တော်သည် သူတို့ဘဝ၏မူလ အခြေခံဖြစ်သည် ထိုသူအားလုံး၌ ဘုရားကို ကြောက်ရွံ့တတ်သောနှလုံးသားများ ရှိသည် နှုတ်ကပတ်တော်ကို လိုက်နာကျင့်သုံးခြင်းဖြင့် သူတို့ ဘုရားသခင်နဲ့စိုးစံကြလိမ့်မည် နှုတ်ကပတ်တော်သာ လူကို အသက်ပေးသည် နှုတ်ကပတ်တော်သာ လူကို အလင်းသို့ ပို့ဆောင်ပြီး လိုက်နာကျင့်သုံးရမည့်နည်းလမ်းကို ညွန်ပြပေးနိုင်သည် ထိုအချက်ဟာ နိုင်ငံတော်ခေတ်တွင် ပိုမှန်ကန်သည် နှုတ်ကပတ်တော်တွေက လူကို ထိန်းချုပ်သည်၊ နှုတ်ကပတ်တော်ဟာ အစားအစာနှင့်ခွန်အားဖြစ်သည် ထိုနှုတ်ကပတ်တော်ကို သုံးဆောင်သောအခါ ကျန်းမာသည်၊ မသုံးဆောင်က သွားရမည့်လမ်းကို တွေ့မည်မဟုတ် ကျမ်းစာ၌ ဆိုသည်ကား လူသည် မုန့်အားဖြင့်သာ အသက်ရှင်သည်မဟုတ် ဘုရားသခင်၏နှုတ်မှ လာသော နှုတ်ကပတ်တော်အားဖြင့် အသက်ရှင်သည် ယခု ဘုရားသခင်သည် ထိုအရာကို သင်တို့၌ပြည့်စုံစေမည်

ယခင်က လူတို့သည် နှုတ်တော်ထွက်စကားများ မဖတ်ရှုဘဲ ရက်အတန်ကြာ နေခဲ့ကြသည် အလုပ်လုပ်ပြီး ဘဝကို ရှင်သန်ခဲ့ကြသည် ယခုခေတ်တွင် ဘုရားသခင်သည် အရာခပ်သိမ်းကို အုပ်စိုးရန် အဓိကအားဖြင့် နှုတ်ကပတ်တော်ကို အသုံးပြု၍ လူတို့ကို စစ်ကြော၍ စုံလင်စေသည်၊ သူ့နှုတ်ကပတ်တော်ကြောင့် လူသားအားလုံး သူ၏နိုင်ငံတော်ထဲသို့ ဝင်ရောက်နိုင်ပြီ နှုတ်ကပတ်တော်သာ လူကို အသက်ပေးသည် နှုတ်ကပတ်တော်သာ လူကို အလင်းသို့ ပို့ဆောင်ပြီး လိုက်နာကျင့်သုံးသည့်နည်းလမ်းကို ညွန်ပြပေးနိုင်သည် ထိုအချက်ဟာ နိုင်ငံတော်ခေတ်တွင် ပိုမှန်ကန်သည် အမှန်တရားကို ထိုနှုတ်ကပတ်တော်တွင် မထားခဲ့ပါနဲ့၊ နေ့စဉ် နှုတ်ကပတ်တော်ကို သောက်သုံးပါ၊ နေ့စဉ် နှုတ်ကပတ်တော်ကို သုံးဆောင်ပါ နေ့စဉ် နှုတ်ကပတ်တော်ကို သောက်သုံးပါ၊ နေ့စဉ် နှုတ်ကပတ်တော်ကို သုံးဆောင်ပါ သို့ပြုလျှင် စုံလင်ခြင်းရှိလိမ့်မည်

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “အမှုတော်နှင့် ဝင်ရောက်ခြင်း (၇)” | ကောက်နုတ်ချက် ၁၉၄

လူသားတို့ ချို့ယွင်းသည့်အရာမှာ ဝိညာဉ်ရေးရာ အသက်တာ၏ ထောက်မခြင်းနှင့် ဘုရားသခင်ကို သိကျွမ်းခြင်း၏ အတွေ့အကြုံသာ မကဘဲ ထို့ထက်ပိုအရေးကြီးသည်မှာ...

ဘုရားသခင်၏ နေ့စဉ် နှုတ်ကပတ်တော်များ | “အမျက်ဒေါသကျရောက်မည့်နေ့ကို အသွေးအသားနှင့် စပ်ဆိုင်သောသူ အဘယ်သူမျှ မလွတ်မြောက်နိုင်” | ကောက်နုတ်ချက် ၆၁၁

သင်တို့ကိုယ်တိုင် အသက်ရှင်ကျန်ရစ်ရန်၊ ငါ့လုပ်ငန်းဆောင်တာများလည်း ချောမွေ့စွာ အခြေအနေတိုးတက်လာရန်၊ တိုင်းနိုင်ငံအသီးသီးရှိ လူများထံသို့...

ဘုရားသခင်၏ နေ့စဉ် နှုတ်ကပတ်တော်များ | “လမ်းကြောင်း၏ နောက်ဆုံးခရီးတစ်ထောက်ကို သင်လျှောက်လှမ်းသင့်ပုံ” | ကောက်နုတ်ချက် ၄၇၃

ဤစကားများသည် ယခုပြောဆိုထားပြီးဖြစ်သည်ကို သင့်အနေဖြင့် မှတ်မိရမည်။ နောင်တွင်၊ သင်သည် သာ၍ကြီးမားသော အတိဒုက္ခနှင့် သာ၍ကြီးမားသော...

ဘုရားသခင်၏ နေ့စဉ် နှုတ်ကပတ်တော်များ | “လက်တွေ့လုပ်ဆောင်ခြင်းကို အာရုံစိုက်သူများသာ စုံလင်စေခြင်းခံရနိုင်သည်” | ကောက်နုတ်ချက် ၅၅၁

ဝိညာဉ်ရေး၌ စိတ်ဝင်စားမှုရှိရန် ချင့်ချိန်တတ်ခြင်း၊ နာခံတတ်ခြင်းနှင့် သိမြင်နိုင်သောအစွမ်းတို့ ရှိရန်ဆိုသည်မှာ သင်သည် တစ်စုံတစ်ရာနှင့်...