ဘုရားသခင်၏ နေ့စဉ် နှုတ်ကပတ်တော်များ | “နိုင်ငံတော်ခေတ်သည် နှုတ်ကပတ်တော်ခေတ်ဖြစ်သည်” | ကောက်နုတ်ချက် ၄၀၄

ဘုရားသခင် စကားပြောသောအခါ၌ ဘုရားသခင်၏ စကားများကို စားသုံးရန်အတွက် သင်သည် ချက်ချင်း လက်ခံသင့်သည်။ မည်မျှပင် နားလည်သည်ဖြစ်စေ၊ သင့်အတွက် ဘုရားသခင်၏ နှုတ်ကပတ်တော်ကို စားသုံးဖို့၊ နားလည်ဖို့၊ လက်တွေ့လုပ်ဆောင်ဖို့ကသာ အဓိကဖြစ်သည်ဟူသည့် အမြင်ကို စွဲကိုင်ထားပါ။ ထိုသို့လုပ်ဆောင်ခြင်းသည် သင်လုပ်သင့်သောအရာဖြစ်သည်။ သင်၏ ဝိညာဉ်အသက်တာ မည်မျှကြီးထွားလာမည်နည်းဟူသည့် အချက်နှင့်ပတ်သက်၍ စိတ်မပူနှင့်၊ ဘုရားသခင်၏ နှုတ်ကပတ်တော်ကို စားသုံးဖို့ကိုသာ အာရုံစိုက်ပါ။ လူသည် ထိုသို့ ပူးပေါင်းလုပ်ဆောင်သင့်သည်။ သင်၏ ဝိညာဉ်အသက်တာဆိုသည်မှာ အဓိကအားဖြင့် ဘုရားသခင်၏ နှုတ်ကပတ်တော်ကို စားသောက်ကာ လက်တွေ့လုပ်ဆောင်ပြီး စစ်မှန်မှုထဲသို့ ဝင်ရောက်ရန်ဖြစ်သည်။ အခြားဘယ်အရာကိုမှ သင်အာရုံမစိုက်သင့်။ အသင်းတော်မှခေါင်းဆောင်များသည် ဘုရားသခင်၏ နှုတ်ကပတ်တော်ကို မည်သို့ စားသောက်ရမည်ကို ညီအစ်ကိုမောင်နှမများအားလုံး သိအောင် ဦးဆောင်လမ်းပြ နိုင်စွမ်း ရှိသင့်သည်။ ထိုသို့လုပ်ဆောင်ခြင်းသည် အသင်းတော်မှခေါင်းဆောင်များအားလုံး၏ တာဝန်ဖြစ်သည်။ အသက်ကြီးကြီး ငယ်ငယ် သူတို့အားလုံးသည် ဘုရားသခင်၏ နှုတ်ကပတ်တော်ကို စားသောက်ခြင်းကို အရေးကြီးသည့် ကိစ္စတစ်ခုအဖြစ်မြင်ပြီး သူတို့၏ နှလုံးသားထဲ၌ ဘုရားသခင် နှုတ်ကပတ်တော်ကို သိမ်းထားသင့်သည်။ သင်သည် ဤစစ်မှန်မှုထဲသို့ ဝင်ရောက်လျှင် နိုင်ငံတော်ခေတ်သို့ ဝင်ရောက်ပြီး ဖြစ်လိမ့်မည်။ ယနေ့ ခေတ်၌ လူအများစုက ဘုရားသခင်၏ နှုတ်ကပတ်တော်ကို မစားသောက်ဘဲ အသက်ရှင်နိုင်စွမ်းမရှိဟု ခံစားရပြီး မည်သည့်အချိန်မှာဘဲဖြစ်ဖြစ် ဘုရားသခင်၏ နှုတ်ကပတ်တော်သည် ဆန်းသစ်သည်ဟု ခံစားရသည်။ ထိုသို့ခံစားရလျှင် လူသည် လမ်းကြောင်းမှန်ပေါ်သို့ စတင်ရောက်ရှိနေပြီဖြစ်သည်။ ဘုရားသခင်သည် အလုပ်လုပ်ရန်နှင့် လူကို ကူညီထောက်ပံ့ရန်အတွက် သူ၏နှုတ်ကပတ်တော်ကို အသုံးပြုသည်။ အားလုံးက ဘုရားသခင်၏ နှုတ်ကပတ်တော်ကို တောင့်တ၊ ဆာငတ်သောအခါ ဘုရားသခင် နှုတ်ကပတ်တော်၏ ကမ္ဘာလောကသို့ ဝင်ရောက်ကြလိမ့်မည်။

ဘုရားသခင်သည် စကားများစွာ ပြောခဲ့ပြီးဖြစ်သည်။ သင်မည်မျှ သိသနည်း။ သင်သည် မည်မျှ ဝင်ရောက်ပြီး ဖြစ်သနည်း။ အသင်းတော်မှခေါင်းဆောင်တစ်ဦးသည် ညီအစ်ကိုမောင်နှမများကို ဘုရားသခင် နှုတ်ကပတ်တော်၏ စစ်မှန်မှုထဲသို့ ဦးဆောင်လမ်းပြခြင်း မပြုရသေးလျှင် သူတို့သည် တာဝန် မကျေသေးပေ၊ သူတို့၏တာဝန်များကို လုပ်ဆောင်ရန် ပျက်ကွက်ကြခြင်းဖြစ်သည်။ ဘုရားသခင်၏ နှုတ်ကပတ်တော်ကို သင်၏ သုံးဆောင်ခြင်းသည် မည်မျှနက်ရှိုင်းသည်ဖြစ်စေ သို့မဟုတ် မည်မျှ သင်လက်ခံနိုင်သည်ဖြစ်စေ၊ ဘုရားသခင်၏ နှုတ်ကပတ်တော်ကို မည်သို့စားသောက်ရမည်ကို သင်သိရမည်။ ဘုရားသခင်၏ နှုတ်ကပတ်တော်သည် အရေးကြီးသည်ဟု သင်မှတ်ယူရမည်၊ ထိုသို့စားသောက်ခြင်း၏ အရေးကြီးပုံနှင့် လိုအပ်မှုကို သင်နားလည်ရမည်။ ဘုရားသခင်သည် များစွာပြောခဲ့ပြီးပြီဖြစ်သည်။ သင်သည် ဘုရားသခင်၏ နှုတ်ကပတ်တော်ကို စားသောက်ခြင်း မပြုလျှင် သို့မဟုတ် ဘုရားသခင်၏နှုတ်ကပတ်တော်ကို မရှာဖွေလျှင် သို့မဟုတ် နှုတ်ကပတ်တော်ကို လက်တွေ့မလုပ်ဆောင်လျှင် ဘုရားသခင်ကို သင်ယုံကြည်သည်ဟု မသတ်မှတ်နိုင်ပေ။ သင်သည် ဘုရားသခင်ကို ယုံသောသူဖြစ်သောကြောင့် ဘုရားသခင်၏ နှုတ်ကပတ်တော်ကို စားသောက်ရမည်၊ ဘုရားသခင်၏ နှုတ်ကပတ်တော်ကို ကိုယ်တိုင်ကြုံတွေ့ခံစားရမည်၊ ဘုရားသခင်၏ နှုတ်ကပတ်တော်ပြောသည့်အတိုင်း အသက်ရှင်နေထိုင်ရမည်။ ထိုသို့ လုပ်ဆောင်ခြင်းသည်သာလျှင် ဘုရားသခင်ကိုယုံကြည်ခြင်းဖြစ်သည်။ ဘုရားသခင်ကို ယုံကြည်သည်ဟု ပြောသော်လည်း သူ၏ မည်သည့်နှုတ်ကပတ်တော်ကိုမျှ သင်သည် အများရှေ့တွင် မပြောနိုင်လျှင် သို့မဟုတ် ၎င်းတို့ကို လက်တွေ့မလုပ်ဆောင်နိုင်လျှင် ဘုရားသခင်ကို သင်မယုံဟု သတ်မှတ်သည်။ ထိုသို့ လုပ်ဆောင်ခြင်းသည် “အဆာပြေဖို့အတွက် အစာရှာခြင်း” ဖြစ်သည်။ အရေးမပါသော သက်သေခံချက်၊ အသုံးမဝင်သောကိစ္စများနှင့် အပေါ်ယံကိစ္စများကိုသာ ပြောဆိုခြင်းနှင့် စစ်မှန်မှု နည်းနည်း လေးမျှ မရှိခြင်းတို့သည် ဘုရားသခင်ကို ယုံကြည်သည့်အပြုအမူများ၌ မပါဝင်ပေ။ ဘုရားသခင်ကို မှန်ကန်သည့်နည်းလမ်းဖြင့် ယုံကြည်ခြင်းဆိုသည်မှာ မည်သည့်အရာဖြစ်ကြောင်းကိုလည်း သင်နားမလည်သေးပေ။ ဘုရားသခင်၏ နှုတ်ကပတ်တော်များကို အဘယ်ကြောင့် သင်ပိုပြီး စားသောက်ရမည်နည်း။ သင်သည် ဘုရားသခင်၏ နှုတ်ကပတ်တော်များကို စားသောက်ခြင်းမပြုဘဲ၊ ကောင်းကင်နိုင်ငံသို့ရောက်ဖို့သာ ကြိုးစားနေလျှင် ထိုအရာကို ယုံကြည်ခြင်းဟု သတ်မှတ်ပါသလား။ ဘုရားသခင်ကို ယုံကြည်သူတစ်ဦး ပထမဦးဆုံး လုပ်ရမည့်အဆင့်မှာ မည်သည့် အဆင့်ဖြစ်သနည်း။ ဘုရားသခင်သည် မည်သည့်နည်းလမ်းဖြင့် လူကို စုံလင်စေသနည်း။ ဘုရားသခင်၏ နှုတ်ကပတ်တော်ကို မစားသောက်သော သင့်ကို ဘုရားသခင်က စုံလင်အောင် ပြုလုပ်ပေးနိုင်ပါသလား။ ဘုရားသခင်၏ နှုတ်ကပတ်တော်ကို သင်၏ပကတိအရှိတရားအဖြစ် မသတ်မှတ်လျှင် သင့်ကို နိုင်ငံတော်နှင့်ဆိုင်သော သူတစ်ဦးဟု သတ်မှတ်နိုင်ပါသလား။ ဘုရားသခင်ကို ယုံကြည်ခြင်းဆိုသည်မှာ အတိအကျအားဖြင့် အဘယ်နည်း။ ဘုရားသခင်ကို ယုံကြည်သူများသည် အနည်းဆုံးအနေနှင့် ပြင်ပန်းသဏ္ဌာန်အားဖြင့် ကောင်းသောအကျင့်စရိုက်များကို ပိုင်ဆိုင်သူဖြစ်သင့်ပြီး အရေးအကြီးဆုံးမှာ ဘုရားသခင်၏ နှုတ်ကပတ်တော်ရှိသူများဖြစ်ရမည်။ မည်သို့ပင်ဖြစ်စေ သင်သည် ဘုရားသခင်၏ နှုတ်ကပတ်တော်ကို လုံးဝ မစွန့်ပစ်ရ။ ဘုရားသခင်ကိုသိသော သင်၏အသိနှင့် ဘုရားသခင်၏ အလိုပြည့်စုံအောင် လုပ်ဆောင်ခြင်း အားလုံးကို ဘုရားသခင်၏နှုတ်ကပတ်တော်အားဖြင့် ရရှိသည်။ အနာဂတ်တွင် နိုင်ငံတိုင်း၊ ဂိုဏ်းဂဏတိုင်း၊ ဘာသာတရားတိုင်းနှင့် ကဏ္ဍတိုင်းကို နှုတ်ကပတ်တော်အားဖြင့် သိမ်းပိုက်လိမ့်မည်။ ဘုရားသခင်သည် တိုက်ရိုက်စကားပြောလိမ့်မည်၊ လူအားလုံးသည် ဘုရားသခင်၏နှုတ်ကပတ်တော်ကို မိမိတို့၏ လက်များထဲ၌ စွဲကိုင်ထားကြလိမ့်မည်၊ ထိုအခြင်းအရာအားဖြင့် လူတို့သည် စုံလင်အောင် ပြုလုပ်ပေးခြင်းခံရလိမ့်မည်။ ဘုရားသခင်၏ နှုတ်ကပတ်တော်သည် နေရာအနှံ့အပြား ပျံ့နှံ့သည်။ လူတို့သည် ဘုရားသခင်၏ နှုတ်ကပတ်တော်အကြောင်းပြောကြသည်၊ နှုတ်ကပတ်တော်အတိုင်း လက်တွေ့ လုပ်ဆောင်ကြသည်၊ နှလုံးသားထဲ၌ သိမ်းဆည်းထားကြသည်မှာလည်း ဘုရားသခင်၏ နှုတ်ကပတ်တော်ပင် ဖြစ်သည်၊ အတွင်းကော အပြင်ပါ လူတို့သည် ဘုရားသခင် နှုတ်ကပတ်တော်၌ နက်နက်ရှိုင်းရှိုင်း တည်နေကြသည်၊ ထို့ကြောင့် သူတို့သည် စုံလင်အောင် ပြုလုပ်ပေးခြင်းခံရသည်။ ဘုရားသခင်၏ အလိုပြည့်စုံအောင် လုပ်ဆောင်ပြီး ဘုရားသခင်၏အကြောင်း သက်သေခံနိုင်သောသူများသည် ဘုရားသခင် နှုတ်ကပတ်တော်၏ စစ်မှန်မှု ရှိသောသူများဖြစ်သည်။

နှုတ်ကပတ်တော်ခေတ်သို့ ဝင်ရောက်ခြင်း၊ တစ်နည်းအားဖြင့် အနှစ်တစ်ထောင် နိုင်ငံတော်ခေတ်သို့ ဝင်ရောက်ခြင်းသည် လက်ရှိအချိန်၌ လုပ်ဆောင်ပြီးပြီဖြစ်သော အလုပ်ဖြစ်သည်။ ယခုအချိန်မှစ၍ ဘုရားသခင်၏ နှုတ်ကပတ်တော်အကြောင်း မိတ်သဟာရဖွဲ့ကာ ပြောဆိုခြင်းကို လက်တွေ့လုပ်ဆောင်ပါ။ ဘုရားသခင်၏နှုတ်ကပတ်တော်ကို စားသောက်ခြင်းနှင့် နှုတ်ကပတ်တော်ကို ကြုံတွေ့ခံစားခြင်းအားဖြင့်သာ သင်သည် ဘုရားသခင်၏နှုတ်ကပတ်တော်ကို သဘာဝအလျောက် အသက်ရှင်နေထိုင်နိုင်သည်။ အခြားသူများ ယုံကြည်လက်ခံလာစေရန်အလို့ငှာ လက်တွေ့ကျသော အတွေ့အကြုံအချို့ကို သင်ထုတ်လုပ်ရပေမည်။ အကယ်၍ သင်သည် ဘုရားသခင့်နှုတ်ကပတ်တော်၏ လက်တွေ့အရှိတရားကို အသက်မရှင်မနေထိုင်နိုင်ပါက၊ မည်သူမျှ ယုံကြည်လက်ခံကြမည် မဟုတ်ပေ။ ဘုရားသခင်၏ အသုံးပြုခြင်းကို ခံရသော သူများအားလုံးသည် ဘုရားသခင်၏ နှုတ်ကပတ်တော်ကို တွေ့ကြုံခံစားခြင်း၏ လက်တွေ့အရှိတရား ရှိသောသူများဖြစ်သည်။ အကယ်၍ သင်သည် ဤလက်တွေ့အရှိတရားကို မထုတ်လုပ်နိုင်လျှင် သန့်ရှင်းသော ဝိညာဉ်တော်သည် သင့်အထဲ၌ အလုပ်မလုပ်ရသေးကြောင်း၊ သင်သည် စုံလင်အောင် ပြုလုပ်ပေးခြင်း မခံရသေးကြောင်းကို ထိုအရာက ပြသပေလိမ့်မည်။ ဤသည်မှာ ဘုရားသခင် နှုတ်ကပတ်တော်၏ အရေးပါမှုပင် ဖြစ်သည်။ ဘုရားသခင်၏ နှုတ်ကပတ်တော်ကို ဆာငတ်သောနှလုံးသား သင့်မှာ ရှိပါသလား။ ဘုရားသခင်၏ နှုတ်ကပတ်တော်ကို ဆာငတ်သောသူများသည် သမ္မာတရားကို ဆာငတ်သူများဖြစ်ပြီး ထိုသို့သော သူများသည်သာ ဘုရားသခင် ကောင်းချီးပေးသည်ကို ခံစားရသည်။ အနာဂတ်တွင် ဂိုဏ်းဂဏများအားလုံး၊ ဂိုဏ်းစွယ်များအားလုံးကို ပြောမည့် နှုတ်ကပတ်တော်များ ဘုရားသခင်၌ များစွာရှိသေးသည်။ ဘုရားသခင်သည် တစ်ပါးအမျိုးသားများကို ပြောဆိုပြီး သူ၏အသံတော်ဖြင့် မိန့်မြွက်ကာ ၎င်းတို့ကို သိမ်းပိုက်ခြင်းကို ဆက်လက်မလုပ်ဆောင်မီ ပထမဦးဆုံးအနေနှင့် သင်တို့အကြား၌ ပြောဆို၍ သူ၏အသံတော်ကို မြွက်ကြားကာ သင်တို့ကို ပြီးပြည့်စုံလင်စေသည်။ နှုတ်ကပတ်တော်မှတစ်ဆင့် အားလုံးသည် စိတ်ရင်းနှင့် အကြွင်းမဲ့ ယုံကြည်လက်ခံကြလိမ့်မည်။ ဘုရားသခင်၏ နှုတ်ကပတ်တော်နှင့် ဗျာဒိတ်တော်များကြောင့် လူ၏ဖောက်ပြန်ပျက်စီးသော စိတ်သဘောထား လျော့နည်းသွားပြီဖြစ်သည်။ အားလုံး၌ လူ၏ အသွင်သဏ္ဌာန် ရှိနေပြီး လူ၏ပုန်ကန်တတ်သော စိတ်သဘောထားသည်လည်း လျော့နည်းသွားပြီဖြစ်သည်။ နှုတ်ကပတ်တော်သည် လူ၌ အာဏာဖြင့် အလုပ်လုပ်ပြီး ဘုရားသခင်၏ အလင်း အတွင်းတွင် လူကို သိမ်းပိုက်သည်။ လက်ရှိခေတ်၌ ဘုရားသခင်လုပ်မည့် အလုပ်နှင့် သူ၏အလုပ်၌ အပြောင်းအလဲများ ဖြစ်စေမည့်အရာများအားလုံးကို သူ၏ နှုတ်ကပတ်တော်၌ ရှာဖွေတွေ့ရှိနိုင်သည်။ ဘုရားသခင်၏ နှုတ်ကပတ်တော်ကို သင်မဖတ်လျှင် သင်ဘာမျှနားလည်မည် မဟုတ်။ ဘုရားသခင်၏ နှုတ်ကပတ်တော်ကို သင်ကိုယ်တိုင် စားသောက်ခြင်းအားဖြင့်၊ ညီအစ်ကို မောင်နှမများနှင့် မိတ်သဟာရဖွဲ့ခြင်းအားဖြင့်၊ သင်၏ အတွေ့အကြုံအစစ်များအားဖြင့် ဘုရားသခင်၏ နှုတ်ကပတ်တော်အကြောင်းသိသော သင်၏အသိသည် တိုးပွားလာလိမ့်မည်။ ထိုနည်းလမ်းအားဖြင့်သာ သင်သည် စစ်မှန်မှုအထဲ၌ လက်တွေ့အသက်ရှင် နေထိုင်နိုင်သည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

နှုတ်ကပတ်တော်၏ အရေးပါမှု

ဘုရားကိုယုံရင် အနည်းဆုံးတော့ လိမ္မာရမယ် နှုတ်ကပတ်တော်ကို ရဖို့ အဓိကပါ ဘာပဲဖြစ်ဖြစ် နှုတ်ကပတ်တော်ကို လျစ်လျူမရှုနဲ့ နှုတ်ကပတ်တော်မှ ဘုရားကို သိနိုင်၊ ကျေနပ်စေနိုင်တယ် ဂိုဏ်းခွဲတွေ၊ တိုင်းပြည်တွေ၊ ဘာသာတွေအားလုံး နှုတ်ကပတ်တော်ဖြင့် သိမ်းပိုက်ခံရမယ် လူတွေကိုဘုရားက တိုက်ရိုက်ပြောပြီး လူတို့လက်ထဲမှာ နှုတ်ကပတ်တော်ကို ဆောင်လိမ့်မယ် နှုတ်ကပတ်တော်အားဖြင့် လူတို့ဟာ ပြည့်စုံသွားပြီး နှုတ်ကပတ်တော်ဟာ ပျံ့ နှံ့ သွားမယ် လူတို့ဟာ နှုတ်ကပတ်တော် အတိုင်းကျင့်ကြံ နှုတ်ကပတ်တော်ကို နှလုံးသွင်းထားတယ် ဘုရားအသုံးပြုသူအားလုံးတို့ ၌ နှုတ်ကပတ်တော်ရဲ့ စစ်မှန်မှု ရှိ၏ သင် ၌ မရှိခဲ့သော် ဒါဟာ ဝိညာဉ်တော် သင့်လက်ထဲမှာ အလုပ်မလုပ်လို့ စုံလင်ခြင်းကို မရရှိသေးလို့ပါ ဒါဟာနှုတ်ကပတ်တော်ရဲ့ တန်ဖိုး နှုတ်ကပတ်တော်ရဲ့ တန်ဖိုးပါ

နေရာတိုင်းတွင် နှုတ်ကပတ်တော်ကို လက်တွေ့ကျင့်ကြံသူတွေဟာ စုံလင်ခြင်းကို ရကြ၏ ဘုရားအတွက်သက်သေခံ၊ ဆန္ဒတော်ကိုဖြည့်ဆည်းပေးသူများသည် နှုတ်ကပတ်တော်ကို လက်တွေ့ကျင့်သုံးကြသည် နှုတ်ကပတ်တော်ခေတ် အနှစ်တစ်ထောင် နိုင်ငံတော်ကိုဝင်ကာ ယခုပြီးမြောက်တော့မယ့် အမှုတော်ပါ။ နှုတ်ကပတ်တော်နှင့် အကျွမ်းဝင်အောင်လုပ်ပါ။ နှုတ်ကပတ်တော်ကို စားသုံးသိနားလည်မှသာ နှုတ်ကပတ်တော်အတိုင်း အသက်ရှင်နိုင်မယ် လက်တွေ့ မကြုံဖူးဘဲ နှုတ်ကပတ်တော်၏ အဖြစ်မှန်တိုင်း လက်တွေ့ အသက်မရှင်ဘဲ ဘယ်သူ့ကိုမှ မသိမ်းသွင်းနိုင်ပါ ဘုရားအသုံးပြုသူအားလုံးတို့ ၌ နှုတ်ကပတ်တော်ရဲ့ စစ်မှန်မှု ရှိတယ် သင့် ၌ မရှိခဲ့သော် ဒါဟာ ဝိညာဉ်တော်သင့်လက်ထဲမှာ အလုပ်မလုပ်လို့ စုံလင်ခြင်းကို မရရှိသေးလို့ပါ ဒါဟာနှုတ်ကပတ်တော်ရဲ့ တန်ဖိုး နှုတ်ကပတ်တော်ရဲ့ တန်ဖိုးပါ

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။