ဘုရားသခင်၏ နေ့စဉ် နှုတ်ကပတ်တော်များ | “သိမ်းပိုက်ခြင်းအလုပ်၏ အတွင်းသမ္မာတရား (၄)” | ကောက်နုတ်ချက် ၉၂

သင်တို့၌ပြုသော သိမ်းပိုက်ခြင်းအလုပ်သည် အရေးအပါဆုံးအလုပ် ဖြစ်သည်။ တစ်ဖက်၌ ထိုအလုပ်၏ ရည်ရွယ်ချက်မှာ လူတစ်စုကို စုံလင်အောင်ပြုလုပ်ပေးဖို့၊ တစ်နည်းအားဖြင့် သူတို့ကို အောင်မြင်သောလူစုအဖြစ် စုံလင်အောင်ပြုလုပ်ပေးဖို့၊ စုံလင်အောင်ပြုလုပ်ပေးခြင်းခံရသည့် ပထမဦးဆုံးလူစုအဖြစ်၊ တစ်နည်းအားဖြင့် အဦးသီးသော အသီးများအဖြစ် စုံလင်အောင်ပြုလုပ်ပေးဖို့ ဖြစ်သည်။ အခြားတစ်ဖက်၌မူ ထိုအလုပ်၏ ရည်ရွယ်ချက်မှာ ဖန်ဆင်းခံသတ္တဝါများအား ဘုရားသခင်၏ မေတ္တာကို ခံစားခွင့်ပေးဖို့၊ ဘုရားသခင်၏ အကြီးမြတ်ဆုံး ကယ်တင်ခြင်းကို လက်ခံခွင့်ပေးဖို့၊ ဘုရားသခင်၏ ပြည့်စုံသော ကယ်တင်ခြင်းကို လက်ခံခွင့်ပေးဖို့ဖြစ်ပြီး၊ မေတ္တာအကြင်နာသာမက အထူးသဖြင့် သာ၍အရေးကြီးသည့် ပြစ်တင်ဆုံးမမှုနှင့် တရားစီရင်မှုတို့ကို လူအား မွေ့လျော်ခံစားခွင့်ပေးဖို့ဖြစ်သည်။ ကမ္ဘာကို ဖန်ဆင်းသည့်အချိန်မှ အစပြုပြီး ယနေ့ထက်ထိတိုင် ဘုရားသခင်၏ အလုပ်၌ သူလုပ်ဆောင်ခဲ့သမျှသည် ချစ်ခြင်းမေတ္တာ ဖြစ်သည်၊ လူကို မုန်းတီးသည့်စိတ် နည်းနည်းမျှ မရှိပေ။ သင်မြင်တွေ့ခဲ့သည့် ပြစ်တင်ဆုံးမမှုနှင့် တရားစီရင်မှုပင်လျှင် ချစ်ခြင်းမေတ္တာ ဖြစ်သည်၊ သာ၍စစ်သော၊ မှန်သော မေတ္တာဖြစ်သည်၊ ဤချစ်ခြင်းမေတ္တာသည် လူ့အသက်တာ၏ မှန်သောလမ်းထဲသို့ လူတို့ကို လမ်းပြပေးသည်။ နောက်တစ်ဖက်၌ သင်တို့၌ပြုသော သိမ်းပိုက်ခြင်းအလုပ်သည် စာတန်၏ရှေ့၌ သက်သေခံဖို့ဖြစ်သည်။ တစ်ဖက်၌မူ ထိုအလုပ်သည် အနာဂတ်ဧဝံဂေလိတရားကို ဖြန့်ဝေခြင်းအတွက် အုတ်မြစ်ချရန်ဖြစ်သည်။ သူလုပ်ခဲ့သော အလုပ်အားလုံးသည် လူ့အသက်တာ၏ မှန်သောလမ်းထဲသို့ လူတို့ကို လမ်းပြရန်အတွက် ရည်ရွယ်ပြီးလုပ်သည့် အလုပ်များ ဖြစ်သည်၊ ထိုသို့အားဖြင့် လူသားမျိုးနွယ်၏ ပုံမှန်ဘဝကို သူတို့ရရှိနိုင်ဖို့အတွက် ဖြစ်သည်၊ အဘယ်ကြောင့်ဆိုသော် လူသည် မည်သို့အသက်ရှင်ရမည်ကို မသိသောကြောင့် ဖြစ်သည်။ ထိုသို့ မည်သို့အသက်ရှင်ရမည်ကို မသိလျှင် သင်သည် အနှစ်မဲ့သော အသက်တာ၊ တန်ဖိုးမရှိသော၊ အဓိပ္ပာယ်ကင်းမဲ့သော အသက်တာကိုသာ ရှင်သန်နိုင်လိမ့်မည်ဖြစ်ပြီး၊ ပုံမှန်လူတစ်ဦးဖြစ်အောင် မည်သို့လုပ်ရမည်ကို သင်လုံးဝသိမည် မဟုတ်ပေ။ ယင်းသည် လူကို သိမ်းပိုက်သည့် အလုပ်အတွက် အရေးအကြီးဆုံးအရာ ဖြစ်သည်။ သင်တို့အားလုံးသည် မောဘ၏ မျိုးဆက်များ ဖြစ်သည်။ သိမ်းပိုက်ခြင်းအလုပ်ကို သင်တို့၌လုပ်ဖို့သည် သင်တို့အတွက် ကြီးမြတ်သော ကယ်တင်ခြင်းဖြစ်သည်။ သင်တို့အားလုံးသည် အပြစ်တရားနှင့် ကာမဂုဏ်လွန်ကျူးသော နေရာတွင် အသက်ရှင်နေကြသည်၊ သင်တို့အားလုံးသည် ကာမဂုဏ်လွန်ကျူးသော သူများ၊ အပြစ်ရှိသောသူများဖြစ်သည်။ ယနေ့ သင်သည် ဘုရားသခင်ကို မြင်နိုင်ရုံသာမက သာ၍အရေးကြီးသည်မှာ သင်သည် ပြစ်တင်ဆုံးမမှုနှင့် တရားစီရင်မှုကို လက်ခံရရှိခဲ့သည်၊ အနက်ရှိုင်းဆုံးဖြစ်သည့် ထိုသို့သော ကယ်တင်ခြင်းကို လက်ခံရရှိခဲ့ကြသည်၊ တစ်နည်းအားဖြင့် ဘုရားသခင်၏ အကြီးမြတ်ဆုံးဖြစ်သော မေတ္တာကို လက်ခံရရှိခဲ့ကြသည်။ သူလုပ်သမျှသည် သင်တို့အတွက် စစ်မှန်သောမေတ္တာ ဖြစ်သည်၊ သူ၌ မကောင်းသော ရည်ရွယ်ချက် မရှိပေ။ သင်၏အပြစ်များကြောင့် သူက သင့်ကို တရားစီရင်ခြင်းဖြစ်သည်၊ ထိုသို့အားဖြင့် သင်တို့သည် ကိုယ့်ကိုယ်ကိုယ် စစ်ဆေးမည်ဖြစ်သည်၊ ထူးကဲလှသော ဤကယ်တင်ခြင်းကို လက်ခံရရှိမည် ဖြစ်သည်။ လုပ်ဆောင်ခဲ့သမျှ အားလုံးသည် လူကိုပြုလုပ်ဖို့အတွက်ဖြစ်သည်။ အစမှ အဆုံးတိုင် ဘုရားသခင်သည် လူကိုကယ်တင်ဖို့အတွက် သူ၏အကောင်းဆုံးကို လုပ်ဆောင်လျက်ရှိသည်၊ ထို့ပြင် သူ့လက်ဖြင့် ဖန်ဆင်းခဲ့သောလူများကို လုံးလုံးလျားလျား ဖျက်ဆီးလိုစိတ် သူ၌မရှိသည်မှာ သေချာပါသည်။ ယခု သူသည် အလုပ်လုပ်ရန်အတွက် သင်တို့အကြားသို့ ရောက်လာပြီးဖြစ်သည်၊ ယင်းသည် သာ၍ကောင်းသော ကယ်တင်ခြင်း မဟုတ်လော။ သူက သင်တို့ကို မုန်းခဲ့လျှင် သူကိုယ်တိုင် သင်တို့ကို ဦးဆောင်လမ်းပြရန် ထိုမျှပမာဏရှိသော အလုပ်ကို သူဆက်လုပ်မည်လော။ အဘယ်ကြောင့် သူအလွန်အမင်း ဒုက္ခခံရမည်နည်း။ ဘုရားသခင်က သင့်ကို မမုန်းသကဲ့သို့ သင့်အတွက် မကောင်းသော ရည်ရွယ်ချက်လည်း မရှိပေ။ ဘုရားသခင်၏ ချစ်ခြင်းမေတ္တာသည် အစစ်မှန်ဆုံး ချစ်ခြင်းမေတ္တာ ဖြစ်ကြောင်းကို သင်သိသင့်သည်။ လူတို့၏ မနာခံမှုကြောင့်သာ သူသည် လူတို့ကို တရားစီရင်မှုအားဖြင့် ကယ်တင်ရခြင်း ဖြစ်သည်၊ ထိုသို့မပြုလျှင် သူတို့သည် ကယ်တင်ခြင်းခံရမည် မဟုတ်ပေ။ သင်သည် မည်သို့အသက်ရှင်ရမည် သို့မဟုတ် မည်သို့နေထိုင်ရမည်ကို မသိသောကြောင့်၊ ထို့ပြင် သင်သည် ကာမဂုဏ်လွန်ကျူး၍ အပြစ်တရားနှင့်ပြည့်နေသော နေရာတွင် ရှင်သန်နေသောကြောင့်၊ ကာမဂုဏ်လွန်ကျူးကာ ညစ်ညူးသော နတ်ဆိုးများဖြစ်သောကြောင့် ဘုရားသခင်သည် သင်တို့ကို သာ၍စာရိတ္တပျက်ပြားလာသူများ ဖြစ်လာခွင့် မပေးရက်ပေ၊ စာတန်စိတ်ရှိသလို နင်းခြေနေသည်ကို ခံရပြီး၊ ထိုသို့ညစ်ညူးသောနေရာ၌ အသက်ရှင်နေသည်ကိုလည်း မကြည့်ရက်ပေ၊ သို့မဟုတ် မရဏနိုင်ငံသို့ သင်တို့ ကျသွားမှာကိုလည်း မလိုလားပေ။ ဘုရားသခင်သည် သင်တို့အုပ်စုကို ရယူလိုစိတ်နှင့် သင့်ကို လုံးလုံးလျားလျား ကယ်တင်လိုစိတ်သာ ရှိသည်။ ထိုသို့လုပ်ဆောင်ခြင်းသည် သင်၌ သိမ်းပိုက်ခြင်းအလုပ်ကို လုပ်သည့် အဓိကရည်ရွယ်ချက်ဖြစ်သည်၊ ယင်းမှာ ကယ်တင်ခြင်းအတွက်သာဖြစ်သည်။ သင့်အပေါ်၌ ပြုထားသမျှသည် ချစ်ခြင်းမေတ္တာနှင့် ကယ်တင်ခြင်းတို့ပင် ဖြစ်သည်ဟု သင်မမြင်နိုင်လျှင်၊ ယင်းတို့သည် လူကိုနှိပ်စက်ဖို့ နည်းလမ်းတစ်ခုသာဖြစ်ပြီး မယုံကြည်ရသော အရာတစ်ခုဖြစ်သည်ဟု သင်ထင်လျှင် သင်သည် နာကျင်မှုနှင့် အခက်အခဲများကိုခံရန် သင်၏ကမ္ဘာသို့ ပြန်သွားလိုက်ခြင်းကသာ ကောင်းသည်။ အကယ်၍ သင်သည် ဤရေစီးကြောင်းထဲ၌ ပါလိုစိတ်ရှိပြီး ဤတရားစီရင်မှုနှင့် အလွန့်အလွန်ကြီးမားလှသော ဤကယ်တင်ခြင်းကို ခံစားလိုစိတ်ရှိလျှင်၊ လူ့လောက၌ မည်သည့်နေရာ၌မျှ မတွေ့နိုင်သည့် ဤကောင်းချီးမင်္ဂလာများအားလုံးကို ခံစားလိုလျှင်၊ ဤချစ်ခြင်းမေတ္တာကို ခံစားလိုလျှင် သိမ်းပိုက်ခြင်းအလုပ်ကို လက်ခံဖို့အတွက် ဤရေစီးကြောင်းထဲ၌ ကျိုးနွံစွာနေလော့၊ စုံလင်အောင်ပြုလုပ်ပေးခြင်းကို သင်ခံနိုင်ဖို့ဖြစ်သည်။ ယခု သင်သည် တရားစီရင်မှုကြောင့် နာကျင်မှုနှင့် စစ်ဆေးမှုအချို့ကို ခံနေရသော်လည်း၊ ထိုနာကျင်မှုသည် တန်ဖိုးရှိသည်၊ အဓိပ္ပာယ်လည်းရှိသည်။ ပြစ်တင်ဆုံးမမှုနှင့် တရားစီရင်မှုသည် လူ၏အပြစ်အတွက် ဒဏ်ပေးရန်နှင့် လူ၏ ဇာတိပကတိကို ဒဏ်ပေးရန်အတွက်ဖြစ်သော စစ်ဆေးမှုများ၊ လူကို ကရုဏာမဲ့စွာ ထုတ်ဖော်ပြောဆိုမှုများ ဖြစ်သော်လည်း၊ ယင်းတို့အထဲတွင် လူကိုပြစ်တင်ရှုတ်ချရန်နှင့် လူ၏ဇာတိခန္ဓာကို ချုပ်ငြိမ်းစေရန်အတွက် ရည်ရွယ်ပြီးလုပ်သည့် အလုပ်တစ်ခုမျှ ထိုအလုပ်၌ မပါပေ။ နှုတ်ကပတ်တော်ကို ပြင်းပြင်းထန်ထန် ထုတ်ဖော်ပြောဆိုမှုများသည် သင့်ကို မှန်သောလမ်းသို့ ဦးဆောင်လမ်းပြရန်အတွက်သာ ဖြစ်သည်။ သင်တို့သည် ထိုအလုပ်နှင့် ပတ်သက်လျှင် မြောက်မြားစွာကို ကိုယ်တိုင်ကြုံတွေ့ခံစားပြီးဖြစ်သည်၊ သိသာသည့်အရာမှာ ထိုအလုပ်သည် သင်တို့ကို ဆိုးယုတ်သောလမ်းသို့ ဦးဆောင်လမ်းပြခြင်း မရှိပေ။ ထိုအရာများအားလုံးသည် သင့်ကို ပုံမှန် လူ့သဘောသဘာဝအတိုင်း အသက်ရှင်နေထိုင်နိုင်စွမ်း ရှိဖို့ဖြစ်သည်၊ အားလုံးသည် သင်၏ပုံမှန်လူ့သဘာဝက ထမြောက်အောင်မြင်အောင် လုပ်ဆောင်နိုင်သောအရာ ဖြစ်သည်။ အလုပ်၏ အဆင့်တိုင်းသည် သင်၏လိုအပ်ချက်များ၊ သင်၏အားနည်းချက်များနှင့် သင်၏ဝိညာဉ်အသက်တာအမှန်အပေါ်၌ အခြေခံကာ လုပ်ခဲ့သောအဆင့်များဖြစ်ပြီး သင်တို့မခံနိုင်သောဝန်ကို သင်တို့အပေါ်၌ မတင်ပေ။ သင်သည် ယခု ထိုအချက်ကို ရှင်းလင်းစွာ မြင်နိုင်စွမ်း မရှိသော်လည်း၊ ငါက သင့်အပေါ်၌ ကြမ်းသလို သင်ခံစားရသော်လည်း၊ ငါသင့်ကို ပြစ်တင်ဆုံးမကာ နေ့တိုင်း တရားစီရင်ပြီး နေ့တိုင်းဝေဖန်သည်မှာ ငါသင့်ကို မုန်းသောကြောင့်ဖြစ်သည်ဟု သင်တွေးနေသော်လည်း၊ ထို့ပြင် သင်လက်ခံရရှိသောအရာသည် ပြစ်တင်ဆုံးမမှုနှင့် တရားစီရင်မှုဖြစ်သော်လည်း၊ လက်တွေ့တွင် အားလုံးသည် သင့်အတွက် ချစ်ခြင်းမေတ္တာဖြစ်သည်၊ သင့်အတွက် ကြီးမားသော အကာအကွယ်လည်း ဖြစ်ပေသည်။ ထိုအလုပ်၏ သာ၍ နက်နဲသော အဓိပ္ပာယ်ကို သင်နားမလည်နိုင်ပါက သင်ဆက်လက် ကြုံတွေ့ခံစားဖို့ လုံးဝ မဖြစ်နိုင်ပါ။ ထိုကဲ့သို့သော ကယ်တင်ခြင်းအတွက် သင်သည် နှစ်သိမ့်ပေးခြင်း ခံရသင့်သည်။ အသိစိတ် မဝင်ဘဲ မနေနှင့်။ ဤအဆင့်အထိ ရောက်လာပြီးနောက် ဤသိမ်းပိုက်ခြင်းအလုပ်၏ အရေးပါမှုကို ရှင်းလင်းစွာ သင်မြင်သင့် သည်။ ဟိုဟိုဒီဒီအမြင်ကို သင်ကိုင်စွဲ မထားသင့်တော့ပေ။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

ဘုရားမေတ္တာဟာ စစ်မှန်လှပါတယ်

ဘုရားရဲ့လူသားတို့ကို သိမ်းပိုက်ခြင်း ဟာ ကြီးမားလှတဲ့ ကယ်တင်မှုပါ လူသည် အပြစ်နဲ့လိင်ဖောက်ပြန်မှုတွေ များပြားလှ၏ ယခု သင်သည် ဘုရားကို မျက်နှာချင်းဆိုင် မြင်သည်။ သူသည် ဆုံးမပြီးသော စီရင်သည်။ ကိုယ်တော်ရဲ့ကြီးမားသောကယ်တင်ခြင်းနှင့် အကြီးမားဆုံးမေတ္တာကို သင် ရရှိသည်။ ဘုရား အမှုတော်အားလုံးကို မေတ္တာဖြင့်သာ လုပ်ဆောင်။ သူသည် သင်၏အပြစ်ကို စီရင် သည်။ သင့်ကိုယ်သင် သုံးသပ်ရန်နှင့် သင်၏ကယ်တင်ခြင်းအတွက်ပါ။

ထိုအမှုများသည် လူတွေ လုပ်ဆောင် ဖို့အတွက်ပါ။ ဘုရားဟာသူ့လက်နဲ့ဖန်ဆင်းထားတဲ့ လူသားတို့ကို မဖျက်ဆီးလိုပါ။ ဘုရားသည် လူကို ကယ်တင်ဖို့ကြိုးစားပြီး၊ လူတို့ကြားတွင် အလုပ်လုပ်၊ စကားပြောသည် ဘုရား အမှုတော်အားလုံးကို မေတ္တာဖြင့်သာ လုပ်ဆောင်။ သူသည် သင်၏အပြစ်ကို စီရင် သည်။ သင့်ကိုယ်သင် သုံးသပ်ရန်နှင့် သင်၏ကယ်တင်ခြင်းအတွက်ပါ။

ဘုရားဟာလူသားတို့ကို မမုန်းပါ။ သူ့မေတ္တာဟာ တကယ်ကိုစစ်မှန်ပါတယ်။ လူသားတွေမနာခံလို့ ဘုရားက တရားစီရင် တာပါ။ ကယ်တင်ဖို့ တစ်ခုတည်းသောနည်းပါ။ လူတွေက မနေတတ်ကြလို့ ညစ်ညမ်းပြီး အပြစ်တွေများလှတဲ့ နေရာမှာနေလို့ ဘုရားသည် သင့်ကို ကယ်တင်ရန် စီရင်ရသည်။

ညစ်ညမ်းသောကမ္ဘာမှာ မနေစေချင်ပါ၊ သင် ငရဲကျမှာ မလိုလားပါ။ စာတန်နင်းခြေတာခံရမှာ၊ ငရဲကျမှာ မလိုလားပါ ဘုရားကသင်တို့ကို ရယူချင်တာပါ။ ဘုရား၏အောင်နိုင်ခြင်းသည် လူကို ကယ်တင်ဖို့ပဲ ဘုရား အမှုတော်အားလုံးကို မေတ္တာဖြင့်သာ လုပ်ဆောင်။ သူသည် သင်၏အပြစ်ကို စီရင် သည်။ သင့်ကိုယ်သင် သုံးသပ်ရန်နှင့် သင်၏ကယ်တင်ခြင်းအတွက်ပါ။ သင့်ကိုယ်သင် သုံးသပ်ရန်နှင့် သင်၏ကယ်တင်ခြင်းအတွက်ပါ။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင် ကိန်းဝပ်သော ဇာတိပကတိ၏ အနှစ်သာရ” | ကောက်နုတ်ချက် ၁၀၀

ယေရှု ကမ္ဘာပေါ်တွင် နေထိုင်သွားခဲ့သော အသက်တာမှာ ဇာတိပကတိ၏ သာမန်အသက်တာ ဖြစ်သည်။ သူသည် သူ့ဇာတိပကတိ၏ သာမန် လူ့သဘာဝထဲတွင် နေထိုင်ခဲ့သည်။...

ဘုရားသခင်၏ နေ့စဉ် နှုတ်ကပတ်တော်များ | “အလွန်ကြီးလေးသော ပြဿနာတစ်ခု- သစ္စာဖောက်ခြင်း (၂)” | ကောက်နုတ်ချက် ၃၆၃

သင်တို့အားလုံးသည် ငါ့ကို သစ္စာဖောက်ခြင်း မည်မျှ သင်တို့အတွင်း ကျန်ရှိသည်ကို မြင်ဖို့ရန် ယခု မြန်နိုင်သမျှမြန်မြန် မိမိကိုယ်ကိုယ်...

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်သည် သူ၏စိတ်တော်နှင့် ထိတွေ့သောသူတို့ကို စုံလင်စေသည်” | ကောက်နုတ်ချက် ၅၄၆

ဘုရားသခင်ကိုယုံကြည်သူတစ်ဦး ဖြစ်ရန် သင်ပြုသမျှသော အခြင်းအရာ အလုံးစုံကို ဘုရားသခင် ရှေ့တော်မှောက်သို့ ယူလာ၍ သူ၏စေ့စေ့စပ်စပ် စစ်ဆေးခြင်းကို...

ဘုရားသခင်၏ နေ့စဉ် နှုတ်ကပတ်တော်များ | “စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ- အခန်း ၂၅” | ကောက်နုတ်ချက် ၃၇၁

ငါ၏အမြင်တွင် လူသားသည် အရာအားလုံး၏ အုပ်စိုးသူဖြစ်သည်။ ငါသည် သူ့ကို တောင်များပေါ်၌ရှိသော မြက်ခင်း၊ သစ်တောများအကြား၌ရှိသော တိရစ္ဆာန်များနှင့်...