ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၁)” | ကောက်နုတ်ချက် ၁၀၃

လူသားမျိုးနွယ်သည် အကျင့်ပျက်စီးပြီးဖြစ်သော်လည်း ဖန်ဆင်းရှင်၏ သြဇာအာဏာ၏ အချုပ်အခြာအာဏာအောက်တွင် အသက်ရှင်နေထိုင်ဆဲရှိသည်

စာတန်သည် လူသားမျိုးနွယ်ကို နှစ်ထောင်ပေါင်းများစွာကြာအောင် ဖျက်ဆီးနေသည်။ စာတန်သည် ပြောပြ၍မရနိုင်သည့် မကောင်းမှုများကို ဖြစ်ပေါ်စေခဲ့သည်။ မျိုးဆက်တစ်ဆက်ပြီးတစ်ဆက်ကို လှည့်စားခဲ့သည်။ ဆိုးယုတ်သည့် ပြစ်မှုများကို ကမ္ဘာတွင် ကျူးလွန်ခဲ့သည်။ လူသားကို နှိပ်စက်ခဲ့သည်။ လှည့်စားခဲ့သည်။ ဘုရားသခင်ကို ဆန့်ကျင်ရန် သွေးဆောင်ခဲ့သည်။ ဘုရားသခင်၏စီမံခန့်ခွဲမှု အစီအစဉ်တို့ကို ထိခိုက်ပျက်ပြားစေသည့် ဆိုးယုတ်သည့် အပြုအမူများကို ထပ်ခါတလဲလဲ ကျူးလွန်ခဲ့သည်။ သို့ရာတွင် ဘုရားသခင်၏ သြဇာအာဏာအောက်တွင် အရာအားလုံးနှင့် သက်ရှိတို့သည် ဘုရားသခင် ချမှတ်ထားသည့် စည်းမျဉ်းနှင့် နိယာမများအားဖြင့် ဆက်လက်ရှင်သန်ကြသည်။ ဘုရားသခင်၏ သြဇာအာဏာနှင့် နှိုင်းယှဉ်လိုက်လျှင် စာတန်၏ ဆိုးဝါးသည့် သဘောနှင့် သောင်းကျန်းမှုတို့က အလွန်အကျည်းတန်သည်။ အလွန်ရွံစရာကောင်းပြီး စက်ဆုပ်ဖွယ်ကောင်းသည်။ အလွန်သေးငယ်ပြီး အားနွဲ့သည်။ ဘုရားသခင်ဖန်ဆင်းခဲ့သည့် အရာအားလုံးကြားတွင် စာတန်သည် လျှောက်လှမ်းသော်လည်း ဘုရားသခင်အုပ်ချုပ်သည့် လူများ၊ အရာဝတ္ထုများ၊ ပစ္စည်းများတွင် ပြောင်းလဲမှု အနည်းငယ်ကိုပင် မပြဌာန်းနိုင်ပေ။ နှစ်ထောင်ပေါင်းအချို့ကုန်ဆုံးပြီးနောက် လူသားမျိုးနွယ်သည် ဘုရားသခင် ချပေးသနားခဲ့သည့် အလင်းနှင့် လေကို နှစ်သက်ခံစားဆဲပင်ဖြစ်သည်။ ဘုရားသခင်ကိုယ်တော်တိုင် မှုတ်သွင်းခဲ့သည့် ဇီဝအသက်ကို ရှူသွင်းဆဲပင်ဖြစ်သည်။ ဘုရားသခင်ဖန်ဆင်းခဲ့သည့် ပန်းပွင့်များ၊ ငှက်များ၊ ငါးများနှင့် ပိုးမွှားများကို နှစ်သက်ခံစားဆဲဖြစ်ပြီး ဘုရားသခင်ပေးအပ်ခဲ့သည့် အရာအားလုံးကို နှစ်သက်ခံစားဆဲဖြစ်သည်။ နေ့နှင့်ညသည် အချင်းချင်း အဆက်မပြတ်နေရာယူနေဆဲဖြစ်သည်။ ရာသီဥတုလေးခုသည် ယခင်ကဲ့သို့ပင် ပြောင်းလဲနေဆဲဖြစ်သည်။ ကောင်းကင်တွင်ပျံနေသည့် ငန်းများသည် ဤဆောင်းရာသီတွင် ထွက်ခွာကြပြီး နောက်နှစ်နွေဦးတွင် ပြန်လာဆဲဖြစ်သည်။ ရေထဲက ငါးများသည် သူတို့၏အိမ်ဖြစ်သည့် မြစ်များနှင့် အင်းအိုင်များကို မည်သည့်အခါမျှ မစွန့်ခွာပေ။ ပုစဉ်းရင်ကွဲများသည် နွေရာသီနေ့ရက်များတွင် ကျယ်လောင်စွာ သီချင်းဆိုကြသည်။ မြက်ထဲတွင်ရှိသည့် ပုရစ်များက ဆောင်းဦးရာသီတွင် လေနှင့်အတူ အချိန်မီ တီးတိုးသီဆိုနေကြသည်။ ငန်းများသည် ငန်းအုပ်အဖြစ် စုစည်းကြပြီး လင်းယုန်များက သီးသန့်နေထိုင်ကြသည်။ ခြင်္သေ့၏ မာန်မာနက အမဲလိုက်ခြင်းအားဖြင့် တည်ရှိသည်။ သမင်ကြီးများသည် မြက်နှင့်ပန်းပွင့်များမှ ရှောင်ဖယ်မသွားပေ။ အရာအားလုံးထဲမှ သက်ရှိသတ္တဝါ အမျိုးအစားတိုင်းသည် ထွက်ခွာပြီး ပြန်လာသည်။ ပြီးနောက် ပြန်ထွက်ခွာကြပြန်သည်။ မျက်စိတမှိတ်အတွင်းတွင် ပြောင်းလဲမှုများစွာ ဖြစ်ပေါ်နေသည်။ သို့ရာတွင် မပြောင်းလဲသည့်အရာမှာ သူတို့၏ ဗီဇစိတ်များနှင့် ရှင်သန်ရပ်တည်နေရေး နိယာမများပင်ဖြစ်သည်။ သူတို့သည် ဘုရားသခင်၏ ထောက်ပံ့မှုနှင့် ကျွေးမွေးမှုအောက်တွင် အသက်ရှင်ကြသည်။ မိမိတို့၏ ဗီဇစိတ်များကို မည်သူမျှမပြောင်းနိုင်ပေ။ မိမိတို့၏ ရှင်သန်ရပ်တည်ရေး စည်းမျဉ်းများကို မည်သူမျှ မဖျက်ဆီးနိုင်ပေ။ အရာအားလုံးကြားတွင် နေထိုင်သည့် လူသားမျိုးနွယ်သည် စာတန်အားဖြင့် ပျက်စီးပြီး လှည့်စားခြင်းခံရသော်လည်း လူသားသည် ဘုရားသခင်ပြုလုပ်ထားသည့် ရေ၊ ဘုရားသခင် ပြုလုပ်ခဲ့သည့် လေနှင့် ဘုရားသခင်ပြုလုပ်ထားသည့် အရာအားလုံးကို စွန့်လွှတ်နိုင်ခြင်းမရှိပေ။ လူသားသည် ဘုရားသခင်ဖန်ဆင်းခဲ့သည့် ဤနေရာတွင် နေထိုင်ပြီး ပွားများဆဲဖြစ်သည်။ လူသားမျိုးနွယ်၏ ဗီဇစိတ်များက မပြောင်းလဲပေ။ လူသားသည် မြင်နိုင်ရန်အတွက် သူ့မျက်လုံး၊ ကြားရန်အတွက် သူ၏နားများ၊ စဉ်းစားရန်အတွက် သူ၏ဦးနှောက်၊ နားလည်ရန်အတွက် သူ၏နှလုံးသား၊ လမ်းလျှောက်ရန်အတွက် သူ၏ခြေထောက်နှင့် ခြေဖဝါး၊ အလုပ်လုပ်ရန်အတွက် သူ၏လက်များစသည့် ဤအရာများကို အားကိုးဆဲပင်ဖြစ်သည်။ ဘုရားသခင်၏ ထောက်ပံ့မှုများ မပြောင်းမလဲဘဲ ရှိနေမှုကို လက်ခံနိုင်စေရန် လူသားအပေါ် ဘုရားသခင်ချပေးသနားခဲ့သည့် ဗီဇအသိစိတ်များ၊ ဘုရားသခင်နှင့် လက်တွဲလုပ်ဆောင်ရန်အတွက် လူသားအသုံးပြုသည့် စွမ်းရည်များ မပြောင်းလဲပေ။ ဖန်ဆင်းခံတစ်ဦး၏ တာဝန်များကို ထမ်းဆောင်ရန်အတွက် လူသားမျိုးနွယ်၏ စွမ်းရည်များသည် မပြောင်းလဲသေးပေ။ လူသားမျိုးနွယ်၏ ဝိညာဉ်ရေးရာ လိုအပ်ချက်များ မပြောင်းလဲပေ။ သူတို့၏ဇစ်မြစ်များကို ရှာဖွေရန်အတွက် လူသားမျိုးနွယ်၏ ဆန္ဒသည် မပြောင်းလဲပေ။ ဖန်ဆင်းရှင်၏ ကယ်တင်ခြင်းကို လူသားတို့ တောင့်တခြင်းက မပြောင်းလဲပေ။ ဤအရာများသည် ဘုရားသခင်၏ သြဇာအာဏာအောက်တွင်နေထိုင်သည့်၊ စာတန်ကဖြစ်ပေါ်စေသည့် သွေးစွန်းသည့် ပျက်စီးမှုများကို ခံခဲ့ရသည့် လူသားမျိုးနွယ်၏ လက်ရှိအခြေအနေများဖြစ်သည်။ လူသားမျိုးနွယ်သည် စာတန်၏ ဖိနှိပ်မှုကို ခံရသော်လည်း ဖန်ဆင်းခြင်းအစက အာဒံနှင့်ဧဝတို့ကဲ့သို့ မဟုတ်တော့ပေ။ ထို့အစား အသိပညာ၊ တွေးတောကြံဆခြင်း၊ ခံယူချက် စသည့် ဘုရားသခင်ကို ရန်မူလိုသည့် အရာများနှင့် ပြည့်နေပြီး စာတန်၏စိတ်သဘောထားနှင့် ပြည့်နေသည်။ ဘုရားသခင်၏ အမြင်တွင်မူ လူသားမျိုးနွယ်သည် သူဖန်ဆင်းခဲ့သည့် ယခင်က လူသားမျိုးနွယ်ဖြစ်နေဆဲပင်ဖြစ်သည်။ လူသားတို့သည် ဘုရားသခင်၏ အုပ်စိုးခြင်းနှင့် ကိုင်တွယ်ခြင်းကို ခံနေရဆဲဖြစ်သည်။ ဘုရားသခင်ပြင်ဆင်ထားသည့် လမ်းကြောင်းတွင် အသက်ရှင်နေထိုင်ဆဲဖြစ်သည်။ ထို့ကြောင့် ဘုရားသခင်၏အမြင်တွင် စာတန်၏ ဖျက်ဆီးခြင်းကို ခံရသည့် လူသားမျိုးနွယ်သည် လှုပ်ရွနေသည့် အစာအိမ်နှင့်၊ နှေးကွေးသည့် တုံ့ပြန်မှုများနှင့်၊ ယခင်ကဲ့သို့ မကောင်းတော့သည့် မှတ်ဉာဏ်များနှင့်၊ အနည်းငယ် အသက်ကြီးလာပြီး အညစ်အကြေးတို့နှင့် ဖုံးလွှမ်းနေသော်လည်း လူသား၏ လည်ပတ်မှုအားလုံးနှင့် ဗီဇစိတ်တို့သည် လုံးဝ ထိခိုက်မှုမရှိပေ။ ဤသည်မှာ ဘုရားသခင် ကယ်တင်ရန် ရည်မှန်းထားသည့် လူသားမျိုးနွယ်ဖြစ်သည်။ ဤလူသားမျိုးနွယ်သည် ဖန်ဆင်းရှင်၏ ခေါ်သံကို ကြားရန်၊ ဖန်ဆင်းရှင်၏ အသံကိုကြားရန်သာရှိပြီး ဤအသံ၏ အရင်းအမြစ်ကိုရှာရန် သူသည် မတ်တပ်ရပ်ပြီး အပြေးအလွှား ပြုလုပ်လိမ့်မည်။ ဤလူသားမျိုးနွယ်သည် ဖန်ဆင်းရှင်၏ ပုံသဏ္ဌာန်ကို ကြည့်ရန်သာရှိပြီး သူသည် သူ့ကိုယ်သူ ဘုရားသခင်ထံတွင် အပ်နှံရန်အတွက် အားလုံးကို ဂရုမစိုက်တော့ဘဲ အရာအားလုံးကို စွန့်လွှတ်ပြီး ဘုရားသခင်အတွက် မိမိ၏ဘဝကိုပင် ချပေးလိမ့်မည်။ လူသားမျိုးနွယ်၏ နှလုံးသားက ဖန်ဆင်းရှင်၏ နှလုံးသားကလာသည့် စကားများကို နားလည်သည့်အခါတွင် လူသားမျိုးနွယ်သည် စာတန်ကို ငြင်းပယ်ပြီး ဖန်ဆင်းရှင်ထံပါးသို့ လာလိမ့်မည်။ လူသားမျိုးနွယ်သည် သူ၏ကိုယ်ခန္ဓာက အညစ်အကြေးများကို လုံးဝဆေးကြောပြီးသည့်အခါတွင်၊ ဖန်ဆင်းရှင်၏ ထောက်ပံ့ခြင်းနှင့် ကျွေးမွေးခြင်းကို နောက်တစ်ကြိမ် ရရှိသည့်အခါတွင် လူသားမျိုးနွယ်၏ မှတ်ဉာဏ်တို့သည် ပြန်လည်ကောင်းမွန်လာမည်ဖြစ်ပြီး ဤအချိန်တွင် လူသားမျိုးနွယ်သည် ဖန်ဆင်းရှင်၏အုပ်စိုးမှုအောက်ကို အမှန်တကယ် ပြန်လာလိမ့်မည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

ဘုရားသခင်၏အမိန့် အာဏာအောက်မှာ စာတန်ဟာဘယ်အရာကိုမှ မပြောင်းလဲနိုင်ပါ

နှစ်တွေဘယ်လောက်ကြာ ထောင်ပေါင်းများစွာ

စာတန်ဟာလူသားကိုဖျက်ဆီးခဲ့ပြီ

ဆိုးသွမ်းခြင်း မြောက်များစွာဖြစ်စေတယ်

မျိုးဆက်များစွာ လူသားများဟာ သူ့လှည့်ဖြားခြင်း ခံခဲ့ရ တာ

အိုး… ပြစ်မှုဘယ်လောက်ထိများ

ကြောက်မက်ဖွယ် ပြစ်မှုများ စာတန်ဟာ ကမ္ဘာမှာ လုပ်ဆောင်ခဲ့ပြီလဲ

ဘုရားသခင်ကို တိုက်ခိုက်စေဖို့ လူသားများအားတိုက်တွန်းလို့နေခဲ့

အသုံးချပြီး လှည့်ဖြားခဲ့ပြီ

ဘုရား၏စီမံခန့်ခွဲမှု အစီအစဉ်တွေကို ဖျက်ဆီးဖို့ရန် ကြံစည်

စာတန်ဟာ ဘုရားသခင် ဖန်ဆင်းထားခဲ့သော

အရာများကြား လျှောက်ကာသွားနိုင်ပါသော်လည်း

လူသားများ အခြေအနေများကို အနည်းငယ်မျှပင် မပြောင်းလဲစေနိုင်ပါ

စာတန်ဟာ ဘုရားသခင် ဖန်ဆင်းထားခဲ့သော

အရာများကြား လျှောက်ကာသွားနိုင်ပါသော်လည်း

စာတန်သည်ဘဝတစ်ခုကိုမျှ သူသည်မပြုပြင်နိုင်

သည့်အပြင်ပြောင်းလဲဖို့မတတ်နိုင်

ဘုရားသခင်၏ အာဏာ ကွပ်ကဲမှု အောက်၌

ဘယ်အရာမှ ပြောင်းလဲခြင်းမလုပ်နိုင်ပါ

ဘုရားသခင်ရဲ့ သြဇာအာဏာအောက်မှာ ခပ်သိမ်းသော အမှုအရာ

သူ့စည်းမျဉ်းများ အတိုင်းသာဖြစ်ရမှာ

သက်ရှိများအားလုံးကို ဘုရားသခင်က ချမှတ်ခဲ့ပေးသော

နိယာမများကို အားလုံးလိုက်နာပေးရမှာ

ဘုရားရဲ့ ကြီးမားတဲ့တန်ခိုး အာဏာနဲ့ နှိုင်းယှဉ်တဲ့အခါ

စာတန်ရဲ့ ဆိုးယုတ် မှု စရိုက်ဟာ စက်ဆုပ်ဖို့ကောင်းတာ

ရိုင်းစိုင်းတဲ့အပြုအမူတွေပြုလုပ်ပြီး အမြင်၌လည်း အကျည်းတန်

သူ၏စက်ဆုပ်ဖွယ်ကောင်းသောအပြုအမူများ

အလွန်ပင် သူသည် သေးသိမ်လွန်းလို့နေ ကာ

အလွန်ပင် အားလျော့နည်း

စာတန်ဟာ ဘုရားသခင် ဖန်ဆင်းထားခဲ့သော အရာများကြား

လျှောက်ကာသွားနိုင်ပါသော်လည်း

လူသားများ အခြေအနေများကို အနည်းငယ်မျှပင် မပြောင်းလဲစေနိုင်ပါ

စာတန်ဟာ ဘုရားသခင် ဖန်ဆင်းထားခဲ့သော အရာများကြား

လျှောက်ကာသွားနိုင်ပါသော်လည်း

စာတန်သည်ဘဝတစ်ခုကိုမျှ သူသည်မပြုပြင်နိုင်

သည့်အပြင်ပြောင်းလဲဖို့မတတ်နိုင်

ဘုရားသခင်၏ အာဏာ ကွပ်ကဲမှု အောက်၌

ဘယ်အရာမှ ပြောင်းလဲခြင်းမလုပ်နိုင်ပါ

စာတန်ဟာ ဘုရားသခင် ဖန်ဆင်းထားခဲ့သော အရာများကြား

လျှောက်ကာသွားနိုင်ပါသော်လည်း

လူသားများ အခြေအနေများကို အနည်းငယ်မျှပင် မပြောင်းလဲစေနိုင်ပါ

စာတန်ဟာ ဘုရားသခင် ဖန်ဆင်းထားခဲ့သော အရာများကြား

လျှောက်ကာသွားနိုင်ပါသော်လည်း

စာတန်သည်ဘဝတစ်ခုကိုမျှ သူသည်မပြုပြင်နိုင်

သည့်အပြင်ပြောင်းလဲဖို့မတတ်နိုင်

ဘုရားသခင်၏ အာဏာ ကွပ်ကဲမှု အောက်၌

ဘယ်အရာမှ ပြောင်းလဲခြင်းမလုပ်နိုင်ပါ

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၄)” | ကောက်နုတ်ချက် ၁၄၃

သင်ယုံကြည်သည့် နှစ်များတစ်လျှောက် ဘုရားသခင် သင့်အပေါ်ပြုခဲ့သည့် အရာတွေအားလုံးကို ယခုအချိန်အထိ သင်တို့ အသက်တာများအပေါ် ပြန်ကြည့်ကြည့်ပါ။...

ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၃)” | ကောက်နုတ်ချက် ၁၂၀

ဘုရားသခင်၏ သြဇာအာဏာကို ကျယ်ပြန့်သည့်ရှုထောင့်နှင့် အနုစိတ်ရှုထောင့်များမှ သိနားလည်ခြင်း ဘုရားသခင်၏ သြဇာအာဏာသည် အတုမဲ့ဖြစ်၏။ ၎င်းသည်...

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၃)” | ကောက်နုတ်ချက် ၈၀

ရှင်ယောဟန်ခရစ်ဝင်ကျမ်း ၂၁:၁၆-၁၇ တဖန်ယေရှုက၊ ယောန၏သားရှိမုန်၊ သင်သည် ငါ့ကိုချစ်သလောဟု ဒုတိယအကြိမ်မေးတော်မူလျှင်၊ ဟုတ်ပါ၏သခင်။ ကိုယ်တော်ကို...

ဘုရားသခင်၏ နေ့စဉ် နှုတ်ကပတ်တော်များ | “အတုမရှိ ဘုရားသခင်ကိုယ်တော်တိုင် (၉)” | ကောက်နုတ်ချက် ၁၈၂

ဘုရားသခင်သည် အရာအားလုံးကို ဖန်ဆင်းခဲ့ပြီး သူတို့အတွက် နယ်နိမိတ်စည်းများကို တည်ထောင်ခဲ့သည်၊ သူတို့အထဲတွင် သူသည် သက်ရှိအမျိုးအစားအားလုံးကို...