ဘုရားသခင်၏ နေ့စဉ် နှုတ်ကပတ်တော်များ | “အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်” | ကောက်နုတ်ချက် ၃၇

ဘုရားသခင်သည် သူ့အလုပ်ကို စကြဝဠာတစ်ခုလုံး၌ လုပ်ဆောင်သည်။ သူ့ကို ယုံကြည်သူတိုင်းသည် သူ၏ နှုတ်ကပတ်တော်ကို လက်ခံရမည်၊ သူ၏ နှုတ်ကပတ်တော်ကို မှီဝဲ၊ သုံးဆောင်ရမည်။ ဘုရားသခင် ပြသော နိမိတ်လက္ခဏာများနှင့် အံ့သြဖွယ်ရာများကို မြင်သည်ဟူသည့် အချက်ကြောင့် တစ်ဦးတစ်ယောက်ကမျှ ဘုရားသခင်၏ ရယူခြင်းကို ခံရမည် မဟုတ်။ ခေတ်အဆက်ဆက်တွင် ဘုရားသခင်သည် လူသားကို စုံလင်အောင် ပြုလုပ်ပေးဖို့အတွက် နှုတ်ကပတ်တော်ကို အမြဲ အသုံးပြုခဲ့သည်။ ထို့ကြောင့် သင်တို့သည် နိမိတ်လက္ခဏာများနှင့် အံ့သြဖွယ်ရာများ၌သာ သင်တို့၏အာရုံကို မထားသင့်၊ ဘုရားသခင်က စုံလင်အောင် ပြုလုပ်ပေးသည်ကိုခံရဖို့ အာရုံထားသင့်သည်။ ဓမ္မဟောင်းခေတ်၊ ပညတ်တော်ခေတ်တွင် ဘုရားသခင်သည် နှုတ်ကပတ်တော်အချို့ပြောခဲ့သည်၊ ကျေးဇူးတော်ခေတ်၌ ယေရှုသည်လည်း နှုတ်ကပတ်တော်များစွာ ပြောခဲ့သည်။ ယေရှု နှုတ်ကပတ်တော်များစွာ ပြောပြီးနောက်၊ နောက်ပိုင်းတွင် တမန်တော်များနှင့် ပရောဖက်များသည် လူတို့ကို ယေရှုချမှတ်ခဲ့သည့် ဥပဒေသများ၊ ပညတ်ချက်များအတိုင်း လက်တွေ့လုပ်ဆောင် စေခဲ့သည်၊ ယေရှုပြောသည့် အခြခံမူများအတိုင်း တွေ့ကြုံစေခဲ့သည်။ နောက်ဆုံးသောကာလတွင် ဘုရားသခင်သည် လူသားကို စုံလင်စေရန်အတွက် နှုတ်ကပတ်တော်ကို အဓိကအားဖြင့် အသုံးပြုနေသည်။ ဘုရားသခင်သည် လူသားကို ဖိနှိပ်ဖို့အတွက် သို့မဟုတ် လူသားလက်ခံအောင် လုပ်ဖို့အတွက် နိမိတ်လက္ခဏာများနှင့် အံ့သြဖွယ်ရာများကို အသုံးမပြုပေ။ ထိုသို့ လုပ်ဆောင်ခြင်းသည် ဘုရားသခင်၏ တန်ခိုးကို မထင်ရှားစေနိုင်ပါ။ နိမိတ်လက္ခဏာများနှင့် အံ့သြဖွယ်ရာများကိုသာ ဘုရားသခင်ပြနေလျှင် ဘုရားသခင်၏ လက်တွေ့ အရှိသဘောကို ပြဖို့ခက်မည်ဖြစ်ပြီး ထိုသို့ခက်သောကြောင့် လူသားကို စုံလင်အောင် ပြုလုပ်ပေးဖို့ ဖြစ်နိုင်မည် မဟုတ်ပေ။ ဘုရားသခင်သည် နိမိတ်လက္ခဏာများနှင့် အံ့သြဖွယ်ရာများအားဖြင့် လူသားကို စုံလင်အောင် မလုပ်ပေးပါ။ လူသားကို ရေလောင်းပေးရန်နှင့် ထိန်းကျောင်းရန်အတွက် ဘုရားသခင်သည် နှုတ်ကပတ်တော်ကို အသုံးပြုသည်။ နှုတ်ကပတ်တော်ကို အသုံးပြုပြီးနောက် လူသားက ဘုရားသခင်ကို အပြည့်အဝ နာခံနိုင်အောင်၊ ဘုရားသခင်ကို သိသောအသိ ပြည့်စုံအောင် လုပ်ပေးသည်။ ဘုရားသခင်လုပ်သည့် အလုပ်နှင့် ဘုရားသခင် ပြောသည့် နှုတ်ကပတ်တော်များ၏ ရည်ရွယ်ချက်သည် ထိုသို့ လုပ်ဆောင်ဖို့ဖြစ်သည်။ ဘုရားသခင်သည် လူသားကို စုံလင်အောင် ပြုလုပ်ပေးဖို့အတွက် နိမိတ်လက္ခဏာများနှင့် အံ့သြဖွယ်ရာများကို အသုံးပြုသည့် နည်းလမ်းကို မသုံးပါ၊ လူသားကို စုံလင်အောင် ပြုလုပ်ပေးဖို့အတွက် သူပြောသည့် နှုတ်ကပတ်တော်များနှင့် အလုပ်လုပ်နည်း မျိုးစုံကို အသုံးပြုသည်။ စစ်ဆေးသည့် အလုပ်ဖြစ်စေ၊ ဆုံးမသည့် အလုပ်ဖြစ်စေ၊ ပြုပြင်သည့် အလုပ်ဖြစ်စေ၊ နှုတ်ကပတ်တော်များပြောသည့် အလုပ်ဖြစ်စေ၊ ဘုရားသခင်သည် ရှုထောင့်အမျိုးမျိုးမှ ပြောဆိုပြီး လူသားကို စုံလင်အောင်၊ ဘုရားသခင်၏ အလုပ်၊ ဉာဏ်ပညာနှင့် အထူးတလည် ကောင်းမြတ်မှုကို သိသောအသိ လူသား၌ ပိုများလာအောင် ပြုလုပ်ပေးသည်။ နောက်ဆုံးသောကာလ၌ ဘုရားသခင်သည် ခေတ်ကို အဆုံးသတ်ပြီး လူသားကို ပြည့်စုံစေသောအခါ လူသားသည် နိမိတ်လက္ခဏာများနှင့် အံ့သြဖွယ်ရာများကို မျှော်လင့်ဖို့အတွက် အရည်အချင်း ပြည့်မီနေလိမ့်မည်။ သင့်မှာ ဘုရားသခင်ကို သိသောအသိရှိပြီး ဘုရားသခင် ဘာလုပ်လုပ် သင်နာခံနိုင်စွမ်း ရှိသောအခါ သင်သည် နိမိတ်လက္ခဏာများနှင့် အံ့သြဖွယ်ရာများကို မြင်လိမ့်မည်။ အဘယ်ကြောင့်ဆိုသော် ဘုရားသခင်၏ လက်တွေ့အရှိသဘောနှင့် ပတ်သက်ပြီး သင့်မှာ မည်သည့် အယူအဆမျှ ရှိနေမည် မဟုတ်သောကြောင့် ဖြစ်သည်။ သင်သည် အကျင့်ပျက်ပြီး ဘုရားသခင်ကို အပြည့်အဝ နာခံနိုင်စွမ်း မရှိသည့် လက်ရှိအချိန်၌ သင်သည် နိမိတ်လက္ခဏာများနှင့် အံ့သြဖွယ်ရာများကို မြင်တွေ့နိုင်ရန် အရည်အချင်းနှင့် ပြည့်မီသူ ဖြစ်ပါ၏လော။ နိမိတ်လက္ခဏာများနှင့် အံ့သြဖွယ်ရာများကို ဘုရားသခင် ပြသည့်အချိန်သည် လူသားကို အပြစ်ပေးသည့်အချိန်၊ ခေတ်ပြောင်းလဲသည့် အချိန်၊ ခေတ်အဆုံးသတ်သည့် အချိန်ဖြစ်သည်။ ဘုရားသခင်၏ အလုပ်ကို ပုံမှန်လုပ်ဆောင်နေသော အချိန်၌ သူသည် နိမိတ်လက္ခဏာများနှင့် အံ့သြဖွယ်ရာများကို မပြပါ။ နိမိတ်လက္ခဏာများနှင့် အံ့သြဖွယ်ရာများကို ပြသခြင်းသည် အလွန့်အလွန် လွယ်ကူသည်။ သို့သော် ထိုသို့ လုပ်ဆောင်ခြင်းသည် ဘုရားသခင် အလုပ်လုပ်သည့် မူမဟုတ်၊ လူသားကို စီမံခန့်ခွဲသည့် ဘုရားသခင်၏ ရည်ရွယ်ချက်လည်း မဟုတ်ပါ။ လူသားက နိမိတ်လက္ခဏာများနှင့် အံ့သြဖွယ်ရာများကို မြင်လျှင်၊ ဘုရားသခင်၏ ဝိညာဉ်တော်က လူသားကို ကိုယ်ထင်ပြလျှင် လူအားလုံးက ဘုရားသခင်ကို ယုံကြည်ကြမည် မဟုတ်လော။ ကြီးစွာသော ဆင်းရဲခြင်းဘေးမှလာသော အောင်မြင်သောသူ တစ်စုကို အရှေ့အရပ်မှ ရယူခဲ့ပြီး ဖြစ်သည်ဟု အရင်က ငါပြောခဲ့ပြီး ဖြစ်သည်။ ထိုစကားများ၏ အဓိပ္ပာယ်က အဘယ်နည်း။ ဘုရားသခင်၏ ရယူခြင်းကို ခံရပြီးသော ထိုသူတို့သည် တရားစီရင်မှုနှင့် ပြစ်တင်ဆုံးမမှု၊ ရိုက်နှက်ဆုံးမမှု၊ ပြုပြင်မှုနှင့် စစ်ဆေးမှုမျိုးစုံကို ခံပြီးမှ အမှန်တကယ် နာခံကြသည်ဟု အဓိပ္ပာယ်ရသည်။ ထိုသို့သော လူများ၏ ယုံကြည်ခြင်းသည် မရေရာသော ယုံကြည်ခြင်း မဟုတ်၊ စိတ်ကူးသက်သက်ဖြစ်သော ယုံကြည်ခြင်းမဟုတ်၊ စစ်မှန်သော ယုံကြည်ခြင်း ဖြစ်သည်။ သူတို့သည် မည်သည့် နိမိတ်လက္ခဏာ၊ အံ့သြဖွယ်ရာနှင့် သဘာဝလွန်ဖြစ်ရပ်ကိုမျှ မမြင်ရသေးပေ။ သူတို့သည် နက်နဲသော အက္ခရာများ၊ အယူဝါဒများ သို့မဟုတ် အလွန်လေးနက်သော ထိုးထွင်း နားလည်မှုများ အကြောင်းကို မပြောကြပေ။ သူတို့၌ လက်တွေ့အရှိသဘော၊ ဘုရားသခင်၏ စကားများနှင့် ဘုရားသခင်၏ လက်တွေ့အရှိသဘောနှင့် ပတ်သက်သည့် စစ်မှန်သော အသိတို့သာ ရှိကြသည်။ ထိုသို့သော လူစု၌ ဘုရားသခင်၏ တန်ခိုးကို သာ၍မြင်သာအောင် လုပ်နိုင်စွမ်း ပိုရှိသည် မဟုတ်လော။ နောက်ဆုံးသော ကာလ၌ ဘုရားသခင်၏ အလုပ်သည် စစ်မှန်သော အလုပ်ဖြစ်သည်။ ယေရှုခေတ်၌ ယေရှုသည် လူသားကို စုံလင်အောင် ပြုလုပ်ပေးဖို့ လာခဲ့သည်မဟုတ်၊ လူသားကို ရွေးနုတ်ဖို့ လာခြင်းဖြစ်သည်။ ထို့ကြောင့် သူ့နောက်ကို လူများလိုက်အောင် အံ့သြဖွယ် အမှုအချို့ကို လုပ်ပြခြင်းဖြစ်သည်။ ယေရှုသည် အဓိကအားဖြင့် လက်ဝါးကပ်တိုင်၌ အသေခံသည့် အလုပ်ကို ပြီးမြောက်အောင် လုပ်ဖို့ လောကသို့ လာခြင်းဖြစ်သည်၊ နိမိတ်လက္ခဏာများ ပြခြင်းသည် သူ၏သာသနာ၌ ပါဝင်သော အစိတ်အပိုင်းတစ်ခု မဟုတ်ပေ။ နိမိတ်လက္ခဏာများနှင့် အံ့သြဖွယ်ရာများ ပြခြင်းသည် သူ့အလုပ် ထိရောက်စေရန် လုပ်သည့် အရာများ ဖြစ်သည်။ ထိုအလုပ်များသည် အပိုဆောင်းလျက် လုပ်ဆောင်သောအလုပ် ဖြစ်သည်၊ ခေတ်တစ်ခေတ်လုံး၌ လုပ်မည့်အလုပ်ကို ကိုယ်စားမပြုပေ။ ဓမ္မဟောင်းခေတ်၊ ပညတ်တော်ခေတ်၌ ဘုရားသခင်သည်လည်း နိမိတ်လက္ခဏာများနှင့် အံ့သြဖွယ်ရာများ ပြခဲ့သည်။ သို့သော် ဘုရားသခင် ယနေ့ခေတ်၌ လုပ်ဆောင်သော အလုပ်သည် စစ်မှန်သောအလုပ်ဖြစ်ပြီး ယနေ့ခေတ်၌ ဘုရားသခင်သည် နိမိတ်လက္ခဏာများနှင့် အံ့သြဖွယ်ရာများကို မုချပြမည်မဟုတ်။ အကယ်၍ နိမိတ်လက္ခဏာများနှင့် အံ့သြဖွယ်ရာများကို ဘုရားသခင် ပြသပါလျှင် သူ၏ တကယ့်အလုပ်သည် ဖရိုဖရဲ ဖြစ်သွားမည်ဖြစ်ပြီး မည်သည့်အလုပ်ကိုမျှ သူထပ်လုပ်နိုင်တော့မည် မဟုတ်ပေ။ ဘုရားသခင်သည် လူသားကို စုံလင်အောင် ပြုလုပ်ပေးဖို့ နှုတ်ကပတ်တော်ကို အသုံးပြုမည်ဟုပြောပြီး နိမိတ်လက္ခဏာများနှင့် အံ့သြဖွယ်ရာများကိုလည်းပြလျှင် လူသားက ဘုရားသခင်ကို အမှန်တကယ် ယုံကြည်လား၊ မယုံကြည်ဘူးလားဆိုသည်ကို ရှင်းအောင် ပြုလုပ်၍ ရနိုင်ဦးမည်လော။ ထို့ကြောင့် ဘုရားသခင်က ထိုသို့ မလုပ်ခြင်း ဖြစ်သည်။ လူသား၏အထဲ၌ ဘာသာတရား အလွန်များနေသည်။ နောက်ဆုံးသော ကာလ၌ ဘုရားသခင်သည် လူသား၏ အထဲ၌ရှိသည့် ဘာသာတရားနှင့်ဆိုင်သော အယူအဆများ၊ သဘာဝလွန် ဖြစ်ရပ်များကို ဖယ်ထုတ်ဖို့၊ ဘုရားသခင်၏ လက်တွေ့အရှိသဘောကို လူသားသိစေဖို့အတွက် လောကသို့ လာခြင်းဖြစ်သည်။ မမြင်နိုင်သော၊ စိတ်ကူးသက်သက်ဖြစ်သော ဘုရားသခင်၏ ပုံရိပ်ကို၊ တစ်နည်းအားဖြင့် အမှန်တကယ် လုံးဝ မရှိသောပုံရိပ်ကို ဖယ်ရှားဖို့အတွက် ဘုရားသခင် ရောက်လာခြင်းဖြစ်သည်။ ထို့ကြောင့် သင့်အတွက် တန်ဖိုးရှိသည့် တစ်ခုတည်းသော အရာသည် လက်တွေ့အရှိသဘောကိုသိသော အသိကိုရရှိဖို့ ဖြစ်သည်။ သမ္မာတရားသည် အရာရာကို အနိုင်ယူပါသည်။ ယနေ့ သင့်မှာ သမ္မာတရား မည်မျှရှိသနည်း။ နိမိတ်လက္ခဏာများနှင့် အံ့သြဖွယ်ရာများကို ပြသောသူအားလုံးသည် ဘုရားသခင် ဖြစ်ပါ၏လော။ ဝိညာဉ်ဆိုးများသည်လည်း နိမိတ်လက္ခဏာများနှင့် အံ့သြဖွယ်ရာများကို ပြနိုင်ကြသည်၊ ထိုနတ်ဆိုးများ အားလုံးသည် ဘုရားသခင် ဖြစ်ပါ၏လော။ ဘုရားသခင်ကို လူသားက ယုံကြည်သောအခါ လူသားရှာဖွေသော အရာသည် သမ္မာတရားနှင့် အသက်ဖြစ်သည်၊ နိမိတ်လက္ခဏာများနှင့် အံ့သြဖွယ်ရာများ မဟုတ်ပေ။ ဘုရားသခင်ကို ယုံကြည်သော သူအားလုံး၏ ပန်းတိုင်သည် ထိုအရာများကို ရှာဖွေဖို့ ဖြစ်သင့်ပေသည်။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

နှုတ်ကပတ်တော်၏ လုပ်ဆောင်မှုကြောင့် လူတို့သည် ဘုရားကို ပို၍ နားလည်ကြသည်

နောက်ဆုံးသောကာလ၌ လူကိုပြည့်စုံစေဖို့ နှုတ်ကပတ်တော်ကို ဘုရားအဓိကအသုံးပြု လူကို သူ့အား ယုံကြည်(လက်ခံ)လာစေရန် နိမိတ်လက္ခဏာများနှင့် အံ့ဖွယ်အမှုများကိုမသုံး။ ထိုအရာများသည် ဘုရား၏တန်ခိုးတော်ကို ရှင်းပြနိုင်မည်မဟုတ်။ နိမိတ်လက္ခဏာ၊ အံ့ဖွယ်များသာ ဘုရားဖော်ပြခဲ့လျှင် ဘုရား၏ စစ်မှန်မှုအား ပေါ်လွင်စေနိုင်မည်မဟုတ်၊ လူကိုလည်း စုံလင်စေနိုင်မည်မဟုတ်ပေ နိမိတ်လက္ခဏာများနှင့် အံ့ဖွယ်မှု များဖြင့် လူကို ဘုရားစုံလင်စေသည်မဟုတ်။ ဘုရားကို သိကျွမ်း၊ နာခံတတ်စေရန် နှုတ်ကပတ်တော်ဖြင့် ကျွေးမွေး စောင့်ရှောက် ဒါဟာ သူ့အမှုတော်၊ နှုတ်ကပတ်တော်၏ ရည်ရွယ်ချက် စစ်ကြော၊ ဆုံးမ၊ ပြုပြင်ခြင်း၊ နှုတ်ကပတ်တော်၏ သွန်သင်ချက်ဖြင့် လူကိုစုံလင်စေသည် လူကို စုံလင်စေဖို့၊ အမှုတော်မြတ်၊ ဉာဏ်ပညာနှင့် အံ့ဖွယ်ရာများ ပို၍ နားလည်စေဖို့၊ ရှုထောင့်အမျိုးမျိုးမှ ဘုရားစကားပြောသည်။

ယနေ့၊ ဘုရားပြုသည့်အမှုတော်သည် အံ့ဖွယ်အရာများ သို့မဟုတ် နိမိတ်လက္ခဏာများမပါသော စစ်မှန်သည့် အမှုတော်ပင် ထိုအံ့ဖွယ်အရာတို့သည် သူ၏ စစ်မှန်သောအမှုကို ပျက်စီးစေမည်ဖြစ်ပြီး ပို၍များသော အမှုတော်ကို သူလုပ်နိုင်တော့မည်မဟုတ် လူကိုစုံလင်စေဖို့ ဘုရားသည်နှုတ်ကပတ်တော်ကို အသုံးပြု ပြီး အံ့ဖွယ်နိမိတ်လက္ခဏာကိုလည်း ပြခဲ့ပါက လူသား၏ ဘုရား၌ယုံကြည်ခြင်းသည် စစ်မှန်သည်ကို ပြသနိုင်မလား ထို့ကြောင့် ထိုအရာတို့ ဘုရားမပြု ဘာသာတရားသည် လူတို့၌ များပြားလှပါသည်။ လူသားတို့၏ ဘာသာရေးအယူများကို ဖယ်ရှားပြီး ဘုရား၏စစ်မှန်ုခြင်းကို လူတို့အားသိစေရန် နောက်ဆုံးသောကာလ ဘုရားကြွလာခဲ့။ လူတို့ထင်မြင်သော စိတ်ကူးယဉ်ဆန်ဆန်၊ မရှိသောဘုရားပုံရိပ်ကို ဖယ်ရှားရန် သူကြွရောက်လာခြင်းဖြစ် ပေသည်။ ထို့ကြောင့် စစ်မှန်မှုအား ယခုတွင် နားလည်ခြင်းသည် သင့်အတွက် တန်ဖိုးရှိသော တစ်ခုတည်းသောအရာဖြစ်၏ နိမိတ်လက္ခဏာများနှင့် အံ့ဖွယ်အရာများ ရှာဖွေခြင်းထက် ဘုရားကို ယုံကြည်ခြင်း၌ သမ္မာတရားနှင့် အသက်ကို ရှာဖွေခြင်းသည် ဘုရားကိုယုံကြည်သူတိုင်း၏ ပန်းတိုင်ဖြစ်သင့်။ ဘုရားကိုယုံကြည်သောသူတိုင်း၏ ယုံကြည်သူတိုင်း၏ပန်းတိုင်ဖြစ်သင့်။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်အတွက် စစ်မှန်သောချစ်ခြင်းသည် သဘာဝအလျောက် ဖြစ်သည်” | ကောက်နုတ်ချက် ၄၉၃

လူတို့သည် ဘုရားသခင်ကို ၎င်းတို့၏ စိတ်နှလုံးနှင့် ဆက်သွယ်သည့်အခါ၊ ၎င်းတို့၏ စိတ်နှလုံးသည် သူ့ထံ လုံးဝ လှည့်နိုင်သည့်အခါ၊ ဤသည်မှာ...

ဘုရားသခင်၏ နေ့စဉ် နှုတ်ကပတ်တော်များ | “အစအဦး၌ ခရစ်တော်၏ မိန့်မြွက်ချက်များ- အခန်း ၁၂၀” | ကောက်နုတ်ချက် ၉၇

ဇိအုန်။ ဝမ်းမြောက်ကြလော့။ ဇိအုန်။ ရွှင်လန်းစွာသီချင်းဆိုလော့။ ငါသည် အောင်ခြင်းဖြင့် ပြန်လာပြီ၊ ငါသည် အောင်မြင်လျက် ပြန်လာပြီ။...

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်၏အလိုကို ရှာဖွေခြင်းမှာ သမ္မာတရားကို လက်တွေ့ကျင့်ဆောင်ရန်အတွက် ဖြစ်၏” | ကောက်နုတ်ချက် ၅၇၃

သင်မည်သည့်အရာကို လုပ်ဆောင်ပါစေ၊ အဘယ်ကြောင့် သင်လုပ်ဆောင်နေသည်၊ ဤအရာကို လုပ်ဆောင်ရန် မည်သည့် ရည်ရွယ်ချက်က သင့်ကို ညွှန်ကြားသည်၊ ယင်းကို...

ဘုရားသခင်၏ နေ့စဉ် နှုတ်ကပတ်တော်များ | “လူ့ဇာတိခံယူခြင်းနှစ်ကြိမ်သည် လူ့ဇာတိခံယူခြင်း၏ ရည်ရွယ်ချက်ကို ပြည့်စုံစေသည်” | ကောက်နုတ်ချက် ၁၂၉

ဘုရားသခင်လုပ်ဆောင်ခဲ့သည့် အမှုအဆင့်အသီးသီးတို့၌ ၎င်းတို့၏ကိုယ်ပိုင် လက်တွေ့ကျသော ရည်ရွယ်ချက်ရှိသည်။ ထိုစဉ်အချိန်က ယေရှုကြွလာခဲ့သောအခါ၊...