၁ လွန်ခဲ့သည့်နှစ်ပေါင်း နှစ်ထောင်က၊ ကိုယ်တော် ယုဒမြို့မှ ဘုန်းအသရေဖြင့် ထွက်ခွာခဲ့သည်။ ယခု နောက်ဆုံးသောကာလတွင်၊ နှိမ့်ချပြီး ကွယ်ဝှက်ကာ၊ ကိုယ်တော် တရုတ်ပြည်သို့ ကြွလာပြီ။ ကိုယ်တော် ပေါ်ထွန်းပြီး၊ အမှုပြုသည်၊ လူသားမျိုးနွယ်ကို တရားစီရင်ကာ သန့်စင်ရင်း သမ္မာတရားကို ဖော်ပြသည်။ ကိုယ်တော့် နှုတ်ကပတ်တော်များက ကိုယ်တော့် အနန္တတန်ခိုးကို ပြပြီး၊ လူတစ်စုကို သိမ်းပိုက်ကာ၊ စုံလင်စေခဲ့ပြီ။ ကိုယ်တော်က အဖိုးအခတိုင်းကို ပေးဆပ်ခဲ့ပြီ၊ လူသားမျိုးနွယ်၏ ကယ်တင်ခြင်းအတွက် ကိုယ်တော် အရာအားလုံးကို ပေးခဲ့ပြီ။

၂ ကိုယ်တော်က အထွတ်အထိပ် ဖြစ်ပြီး၊ ဂုဏ်သရေရှိသည်၊ သို့သော် ကိုယ်တော့်၏အမှုပြုဖို့ ကိုယ်တော်က မိမိဘာသာ နှိမ့်ချပြီး၊ လူသားအဖြစ် ပေါ်ထွန်းသည်။ မာနထောင်လွှားသူများသည် သိမ်းပိုက်ခံရပြီး၊ ကိုယ်တော့် ရှေ့တော်မှောက်မှာ အရှုံးပေးကြသည်။ ကိုယ်တော့် နှုတ်ကပတ်တော်များ၏ တရားစီရင်ခြင်း နှင့် ပြစ်တင်ဆုံးမခြင်းတို့က ကိုယ်တော့် ဖြောင့်မတ်ခြင်း နှင့် သန့်ရှင်းခြင်း တို့ကို ထုတ်ဖော်ပြသည်။ နက်ရှိုင်းစွာ ဖောက်ပြန်ပျက်စီးနေသည့် လူသားမျိုးနွယ်သည် ကြီးမားသော စစ်ဆေးခြင်းအားဖြင့် သန့်စင်ခံရသည်။ ကိုယ်တော့်၏ ပြစ်တင်ဆုံးမခြင်း နှင့် တရားစီရင်ခြင်းတို့သည် လူသားအတွက် ကိုယ်တော့် ချစ်ခြင်းမေတ္တာ နှင့် ကောင်းကြီးမင်္ဂလာများ ဖြစ်သည်။

၃ အမှုပြုရန် လူ့ဇာတိခံရင်းဖြင့်၊ အလွန်ကြီးမားသော အရှက်ရခြင်းကို ကိုယ်တော် ခံရသည်။ ကိုယ်တော်က လူသားတို့၏ ပြစ်တင်ရှုတ်ချခြင်းနှင့် ပြစ်မှားစော်ကားခြင်းတို့ကို ခံစားရသည်၊ ဤခေတ်၏ ငြင်းပယ်ခြင်းကို ကိုယ်တော်ခံရသည်။ နှစ်ပေါင်းများစွာသော ဆင်းရဲဒုက္ခကို ကျော်ဖြတ်ပြီး၊ လူသားမျိုးနွယ်ကို ကယ်တင်ခြင်းအား ကိုယ်တော် ဆက်ပြီးပြုတော်မူခဲ့သည်။ ကိုယ်တော်၏ အပတ်တကုတ် အားထုတ်မှုမှတဆင့် စကားပြောရင်းနှင့် အလုပ်လုပ်ဆောင်ရင်း လူသားတို့ ပြောင်းလဲလာခြင်းကို စောင့်မျှော်နေသည်။ ကိုယ်တော့် ဖြောင့်မတ်ခြင်း နှင့် သစ္စာရှိခြင်းတို့သည် သန်းပေါင်းများစွာတို့၏ နှလုံးသားများကို သိမ်းပိုက်လေပြီ။

၄ ကိုယ်တော့် နှိမ့်ချခြင်းနှင့် ကွယ်ဝှက်ခြင်းတို့ကို ကျွန်ုပ်တို့ တွေ့သည့်အချိန်တွင်၊ ကျွန်ုပ်တို့သည် ကြည်ညိုခြင်းဖြင့် ပြည့်နေကြသည်။ ကိုယ်တော့် ဖြောင့်မတ်ခြင်း နှင့် သန့်ရှင်းခြင်းတို့ကို ကျွန်ုပ်တို့ တွေ့သည့်အချိန်တွင်၊ ကြောက်ရွံ့ခြင်းနှင့် နာခံခြင်းတို့ဖြင့် ကျွန်ုပ်တို့ ပြညနေကြသည်။ လူ၏ စကားများသည် ကိုယ်တော့် အမှုများကို သက်သေခံရန် မလုံလောက်ပါ။ ကျေးဇူးတင်ခြင်း နှင့် ချစ်ခြင်းမေတ္တာတို့သည် ကျွန်ုပ်တို့ နှလုံးသားများတွင် အလွန်နက်ရှိုင်းစွာ အမြစ်တွယ်နေသည်။ ကျွန်ုပ်တို့၏ မစို့မပို့သော ခွန်အား တစ်စက်တိုင်းသည် ကျွန်ုပ်တို့ တာဝန်ကို သစ္စာရှိစွာ ထမ်းဆောင်ခြင်းတွင် ပါဝင်ပါမည်။