၁ တရုတ်လူမျိုးတို့သည် နှစ်ထောင်ပေါင်းများစွာ ကျွန်ဘဝတွင် နေထိုင်ကြပြီးဖြစ်ကာ၊ ဤအရာက ၎င်းတို့၏ အတွေးများ၊ အယူအဆများ၊ ဘဝ၊ ဘာသာစကား၊ အပြုအမူနှင့် လုပ်ရပ်များကို ဘောင်ခတ်သည်မှာ ၎င်းတို့သည် လွတ်လပ်မှု စိုးစဉ်းမျှ မကျန်ရစ်ပေ။ နှစ်ထောင်ပေါင်း များစွာသော သမိုင်းသည် ဝိညာဉ်ပိုင်ဆိုင်သည့် အရေးပါသော လူများကိုယူကာ ဝိညာဉ်ကင်းမဲ့သော အလောင်းကောင်များနှင့် ဆင်ဆင်တူသော တစ်စုံတစ်ရာအဖြစ်သို့ ချုံးကျသွားစေပြီး ဖြစ်သည်။ စာတန်၏ သားခုတ်ဓားအောက်တွင် အသက်ရှင်သူ များစွာရှိသည်၊ သားရဲတွင်းများနှင့်တူသည့် အိမ်များတွင် နေထိုင်သူ များစွာရှိ၏၊ နွားထီးများ သို့မဟုတ် မြင်းများကဲ့သို့ အလားတူ အစားအစာကို စားသူ များစွာရှိကာ၊ “မြေအောက်ကမ္ဘာ”တွင် သတိလစ်ကာ ဖရိုဖရဲဖြစ်လျက် လှဲလျောင်းနေသူ များစွာရှိ၏။ အပြင်ပန်းသဏ္ဌာန်တွင်၊ လူတို့သည် ရှေးဦးလူသားနှင့် မကွာခြားပေ၊ ၎င်းတို့၏ အနားယူရာနေရာသည် ငရဲတစ်ခုကဲ့သို့ဖြစ်ကာ အဖော်များအဖြစ် ၎င်းတို့သည် ညစ်ပေနေသည့် မကောင်းဆိုးဝါးများနှင့် နတ်ဆိုးမျိုးစုံတို့၏ ဝိုင်းရံခြင်းခံရ၏။

၂ အပြင်ပန်းအားဖြင့် လူတို့သည် သာ၍မြင့်မားသော “တိရစ္ဆာန်များ” ဖြစ်ပုံရကြ၏၊ အမှန်တွင်၊ ၎င်းတို့သည် ညစ်ပေသော နတ်ဆိုးများနှင့်အတူ အသက်ရှင်ကာ နေထိုင်ကြ၏။ ၎င်းတို့ကို စောင့်ရှောက်ရန် မည်သူမျှမရှိဘဲ၊ လွတ်မြောက်ဖို့လမ်းမရှိဘဲနှင့် စာတန်၏ကျော့ကွင်းများတွင်မိလျက် စာတန်၏ ချောင်းမြောင်းတိုက်ခိုက်ခြင်းအတွင်း နေထိုင်ကြ၏။ ၎င်းတို့သည် ပျော်ရွှင်ပြီး ကျေနပ်ဖွယ်ကောင်းသော ဘဝများတွင် အသက်ရှင်လျက်၊ သက်သောင့်သက်သာရှိသော အိမ်များတွင် ၎င်းတို့ချစ်သောသူများနှင့်အတူ စုရုံးကြသည် ပြောခြင်းထက်၊ လူသားတို့သည် မရဏာနိုင်ငံတွင် မကောင်းဆိုးဝါးများနှင့် ဆက်ဆံကာ နတ်ဆိုးတို့နှင့် ပေါင်းသင်းလျက် အသက်ရှင်ကြသည်ဟု ပြောသင့်သည်။ အမှန်တွင်၊ လူတို့သည် စာတန်၏ ချည်နှောင်ခြင်းကို ခံနေရဆဲဖြစ်သည်၊ ၎င်းတို့သည် ညစ်ပေသော နတ်ဆိုးများ စုရုံးရာနေရာတွင် အသက်ရှင်ကြကာ၊ ၎င်းတို့သည် ဤညစ်ပေသော နတ်ဆိုးများ၏ခြယ်လှယ်ခြင်းကို ခံကြရကြသည်။ လူသားသည် ဤမြေအောက်ကမ္ဘာတွင် နေထိုင်နေခဲ့သည်မှာ ဆယ်စုနှစ်အချို့၊ ရာစုနှစ်အချို့ သို့မဟုတ် ထောင်စုနှစ်အချို့ပင် ရှိပြီဖြစ်သည်။ လူတို့သည် မရဏနိုင်ငံနှင့် ငရဲတို့တွင် နေထိုင်သောဘဝမှ လွတ်မြောက်နိုင်ရေးအတွက် ဘုရားသခင်သည် လူတို့ကို ပြောင်းလဲလို၏၊ ကယ်တင်လိုကာ သေခြင်း၏ဂူသင်္ချိုင်းမှ ကယ်ဆယ်လို၏။

“နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အမှုတော်နှင့် ဝင်ရောက်ခြင်း (၅)” ကို ကောက်နုတ်၍ ဆီလျော်စွာ ပြုပြင်ထားသည်