လွန်ခဲ့တဲ့ နှစ်ပေါင်းနှစ်ထောင်မှာ သခင်ယေရှုက ပြောခဲ့ပါတယ်။ “နောင်တရကြလော့။ ကောင်းကင်နိုင်ငံတော်သည် တည်လုနီးပြီ” (ရှင်မဿဲခရစ်ဝင် ၄:၁၇) ပြီးတော့ ကတိတော်ပေးခဲ့ပါတယ်၊ “ငါသည်အလျှင်အမြန် လာသည်။” (ဗျာဒိတ်ကျမ်း ၂၂:၇) နှစ်ပေါင်းနှစ်ထောင်လုံးလုံး မျှော်လင့်ရင်း စောင့်မျှော်ရင်းနဲ့၊ ခရစ်ယာန်မျိုးဆက်ပေါင်းများစွာဟာ သခင်ယေရှု ပြန်ကြွလာဖို့ကို စိတ်အားထက်သန်စွာ တောင့်တနေခဲ့ကြတယ်။ ကယ်တင်ရှင် ကြွရောက်လာပြီး၊ လူတွေကို အလုံးစုံ ကယ်တင်ခြင်း ဖြစ်လာစေဖို့ လူသားမျိုးနွယ်အားလုံးက တမ်းတခဲ့ကြတယ်။ ကမ္ဘာကြီးက အမှောင်ဆုံးကာလကို ရောက်နေခဲ့ချိန်၊ ဘုရားကို ဆန့်ကျင်တဲ့ စာတန်ရဲ့မကောင်းတဲ့အင်အားတွေ ကြမ်းကြုတ်ရက်စက်ဆုံး ဖြစ်နေခဲ့ချိန်မှာ ကမ္ဘာကြီးရဲ့အရှေ့ခြမ်း တရုတ်ပြည်မှာတော့ အရုဏ်ကျင်းလာခဲ့ပါတယ်။ ၁၉၉၁ ဆိုတဲ့ အဲဒီ ထူးခြားလှတဲ့နှစ်မှာ၊ လူ့ဇာတိခံ လူသားဖြစ်တဲ့ အနန္တတန်ခိုးရှင်ဘုရားသခင်ဟာ သမ္မာတရားကို ဖော်ပြဖို့၊ အမှုတော်ပြုဖို့အတွက် အိမ်တွင်းအသင်းတော်တွေမှာ ပေါ်ထွန်းခဲ့တာ ဖြစ်ပါတယ်။ အဲဒီမှာပဲ ကိုယ်တော်ဟာ ဘုရားရဲ့အိမ်တော်ကနေ အစပြုတဲ့ တရားစီရင်ခြင်းအမှုကို စတင် လုပ်ဆောင်ခဲ့ပါတယ်။

ယခု မှတ်တမ်းဗီဒီယိုမှာ အနန္တတန်ခိုးရှင်ဘုရားသခင်က အိမ်တွင်းအသင်းတော်များတွင် မည်သို့ ပေါ်ထွန်းခဲ့ပုံ၊ သူ၏အမှုတော်အား မည်သို့ စတင်ခဲ့၍ သူ၏နှုတ်ကပတ်တော်တို့ကို မည်သို့ မိန့်ဆိုခဲ့ပုံတို့၏ သမိုင်းကြောင်းအစစ်အမှန်ကို အဓိကထား သရုပ်ဖော်ပါသည်။ ရွေးကောက်ထားသောသူတို့သည် အနန္တတန်ခိုးရှင်ဘုရားသခင်၏ ဤမျက်မှောက်ခေတ် နှုတ်ကပတ်တော်တို့ကို ဝေမျှယူထားကြပြီဖြစ်ရာ၊ ၎င်းတို့သည် တဖြည်းဖြည်းဖြင့် သမ္မာတရားကို နားလည်လာကြပါပြီ။ လက်တွေ့လုပ်ဆောင်ရမည့်လမ်းတစ်ခုကို ရရှိနေကြပါပြီ။ လူသားမျိုးနွယ်ဆီသို့ သန့်ရှင်းသောဝိညာဉ်တော်အားဖြင့် ယူဆောင်လာသော လွတ်လပ်ခြင်းနှင့် သုခချမ်းသာကို ခံစားနေကြပါပြီ။