သခင်ယေရှုက “သင်တို့သည် လောကီနိုင်ငံအရပ်ရပ် ရှိသမျှသို့သွား၍၊ ဝေနေယျသတ္တဝါအပေါင်းတို့အား ဧဝံဂေလိတရားကို ဟောကြလော့။” (ရှင်မာကုခရစ်ဝင် ၁၆:၁၅) ဟု မိန့်တော်မူခဲ့သည်။ ဧဝံဂေလိတရား ဖြန့်ဝေခြင်းနှင့် ဘုရားသခင်ကို သက်သေခံခြင်းသည် ခရစ်ယာန်များ ဆောင်ရွက်ကြသည့် နှစ်လိုဖွယ်ဖြစ်ပြီး ဖြောင့်မတ်သော လုပ်ရပ်တစ်ခု ဖြစ်သည်။သို့သော် တရုတ်ကွန်မြူနစ်ပါတီက ခရစ်ယာန်များကို ရက်ရက်စက်စက် ဖမ်းဆီးပြီး နှိပ်စက်ကြသည်။ ဤအတွက်ကြောင့် သူတို့၏ အိမ်များစွာကို ပြိုကွဲစေပြီး အချို့မှာ အိမ်များကို မပြန်နိုင်ကြတော့သလို များစွာတို့သည် အဖမ်းခံရပြီး ထောင်ချခံခဲ့ရလေသည်။ အချို့မှာ သေသည်အထိပင် နှိပ်စက်ညှင်းပန်းခံခဲ့ရသည်။ သို့သော် သူတို့၏ ဘုရားသခင်အပေါ် ယုံကြည်မှုကြောင့် သူတို့ အိမ်များ ပြိုကွဲခဲ့ရသည်ဟု စီစီပီက ဆက်လက်၍ အမှန်တရားကို လုံးဝပြောင်းလဲပစ်ခဲ့သည်။ မရေတွက်နိုင်သော ခရစ်ယာန်များ၏ အိမ်များ ဖျက်စီးခံရခြင်းတွင် အဘယ်သူသည် တကယ့်တရားခံ ဖြစ်ပါသနည်း။