ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်အတွက် စစ်မှန်သောချစ်ခြင်းသည် သဘာဝအလျောက် ဖြစ်သည်” | ကောက်နုတ်ချက် ၄၉၂

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်အတွက် စစ်မှန်သောချစ်ခြင်းသည် သဘာဝအလျောက် ဖြစ်သည်” | ကောက်နုတ်ချက် ၄၉၂

47 |14.10.2020

လူတို့သည် မိမိတို့အသိစိတ်၏ ခံစားချက်များကိုသာ နားထောင်ပါက၊ ဘုရားသခင်၏ ချစ်ဖွယ်ကောင်းခြင်းကို ၎င်းတို့ ခံစားနိုင်မည် မဟုတ်။ ၎င်းတို့သည် မိမိတို့၏ အသိစိတ်အပေါ်၌သာ မှီခိုပါက ဘုရားသခင်အတွက် ၎င်းတို့၏ ချစ်ခြင်း အားနည်းလိမ့်မည်။ သင်သည် ဘုရားသခင်၏ ကျေးဇူးတော်နှင့် ချစ်ခြင်းကို ပြန်လည်ပေးဆပ်ခြင်းကိုသာ ပြောဆိုပါက၊ သူ့အတွက် သင်၏ချစ်ခြင်း၌ မည်သည့်စိတ်ဓာတ်ခွန်အားမျှ ရှိမည်မဟုတ်ချေ။ သင့်အသိစိတ်၏ ခံစားချက်များအပေါ် အခြေခံ၍ သူ့ကိုချစ်ခြင်းသည် တက်ကြွလှုပ်ရှားမှုမရှိသော ချဉ်းကပ်မှုသာဖြစ်သည်။ တက်ကြွလှုပ်ရှားမှု မရှိသော ချဉ်းကပ်မှုဟု အဘယ်ကြောင့် ငါပြောသနည်း။ ဤသည်မှာ လက်တွေ့ကျသော ပြဿနာတစ်ခုဖြစ်၏။ ဘုရားသခင်အတွက် သင်၏ ချစ်ခြင်းမေတ္တာမှာ မည်သို့သော ချစ်ခြင်းမျိုးနည်း။ ယင်းမှာ ဘုရားသခင်ကို လှည့်စားခြင်းနှင့် သူ့အတွက် ဟန်ဆောင်လုပ်ပြနေခြင်းသာ ဖြစ်သည် မဟုတ်လော။ ဘုရားသခင်ကို ချစ်ခြင်းအတွက် ဆုလာဘ်မရှိသည့်အပြင် သူ့ကိုမချစ်ခြင်းအတွက် ပြစ်တင်ဆုံးမခြင်းခံရမည် ဖြစ်သည့်အတွက်၊ ခြုံကြည့်လျှင် အပြစ်မလုပ်ခြင်းသက်သက်က လုံလောက်သည်ဟု လူအများစုက ယုံကြည်ကြသည်။ ထို့ကြောင့် မိမိအသိစိတ် ခံစားချက်များပေါ်အခြေခံ၍ ဘုရားသခင်ကို ချစ်ခြင်းနှင့် သူ၏ ချစ်ခြင်းမေတ္တာအတွက် ပြန်ပေးဆပ်ခြင်းသည် တက်ကြွလှုပ်ရှားမှုမရှိသော ချဉ်းကပ်မှုဖြစ်ပြီး ယင်းသည် မိမိစိတ်နှလုံးမှ သဘာဝအလျောက်လာသော ဘုရားသခင်အတွက် ချစ်ခြင်း မဟုတ်ပေ။ ဘုရားသခင်အတွက် ချစ်ခြင်းသည် လူတစ်ဦးနှလုံးသား၏ နက်ရှိုင်းသောနေရာမှ စစ်မှန်သည့် ခံစားချက်တစ်ခု ဖြစ်သင့်ပေသည်။ လူအချို့က၊ “ကျွန်ုပ်ကိုယ်တိုင် ဘုရားသခင်ကို ရှာဖွေပြီး သူ့နောက်လိုက်ဖို့ ဆန္ဒရှိသည်။ ယခု ဘုရားသခင်က ကျွန်ုပ်ကို စွန့်ပစ်ချင်လျှင်ပင်၊ သူ့နောက် ကျွန်ုပ် လိုက်နေဦးမည်ဖြစ်သည်။ သူ ကျွန်ုပ်ကို လိုချင်သည်ဖြစ်စေ၊ မလိုချင်သည်ဖြစ်စေ၊ သူ့ကို ကျွန်ုပ် ချစ်နေဦးမည်ဖြစ်ပြီး၊ အဆုံးတွင် သူ့ကို ကျွန်ုပ် ရရှိရမည်။ ကျွန်ုပ်သည် ကျွန်ုပ်နှလုံးသားကို ဘုရားသခင်အား ပူဇော်ပြီး၊ သူ မည်သည့်အရာကို လုပ်ဆောင်ပါစေ၊ ကျွန်ုပ်၏ တစ်သက်တာလုံး သူ့နောက်လိုက်ပါမည်။ မည်သို့ပင်ဖြစ်စေ၊ ဘုရားသခင်ကို ကျွန်ုပ် ချစ်ရမည်ဖြစ်ပြီး သူ့ကို ရရှိရမည်။ သူ့ကို မရမချင်း ကျွန်ုပ် နားမည်မဟုတ်” ဟူ၍ ပြောကြသည်။ သင်၌ ဤသန္နိဌာန်မျိုး ရှိသလော။

ဘုရားသခင်ကို ယုံကြည်ခြင်း လမ်းကြောင်းနှင့် သူ့ကိုချစ်ခြင်း လမ်းကြောင်းသည် တစ်ခုတည်းပင်ဖြစ်၏။ သင်သည် သူ့ကို ယုံကြည်ပါက သူ့ကို ချစ်ရမည်။ သို့သော် သူ့ကိုချစ်ခြင်းသည် သူ၏ ချစ်ခြင်းမေတ္တာကို ပြန်ပေးဆပ်ခြင်း သို့မဟုတ် သင်၏အသိစိတ်၏ ခံစားချက်များပေါ် အခြေခံ၍ သူ့ကို ချစ်ခြင်းအား မရည်ညွှန်းပေ- ယင်းသည် ဘုရားသခင်အတွက် ဖြူစင်သည့် ချစ်ခြင်းဖြစ်သည်။ တစ်ခါတစ်ရံတွင် လူတို့သည် မိမိတို့၏ အသိစိတ်တစ်ခုတည်းပေါ် အခြေခံ၍ ဘုရားသခင်၏ ချစ်ခြင်းမေတ္တာကို မခံစားနိုင်ကြပေ။ “ဘုရားသခင်၏ ဝိညာဉ်တော်သည် ငါတို့၏ စိတ်ဝိညာဉ်များကို တို့ထိပါစေ” ဟု အဘယ်ကြောင့် ငါအမြဲပြောသနည်း။ ဘုရားသခင်ကို ချစ်ရန် လူတို့၏ အသိစိတ်များကို နှိုးဆော်ခြင်းအား အဘယ်ကြောင့် ငါမပြောခဲ့သနည်း။ ယင်းမှာ လူတို့၏ အသိစိတ်သည် ဘုရားသခင်၏ ချစ်ဖွယ်ကောင်းခြင်းကို မခံစားနိုင်သောကြောင့် ဖြစ်သည်။ သင်သည် ဤနှုတ်ကပတ်တော်များအားဖြင့် ယုံကြည်လက်ခံခြင်းမရှိပါက၊ သူ၏ချစ်ခြင်းကို ခံစားရရန် သင်၏ အသိစိတ်ကို အသုံးပြုဖို့ ကြိုးစားကြည့်လော့။ သင်သည် ခဏတာ စိတ်ဓာတ်ခွန်အား ရှိလိမ့်မည်ဖြစ်သော်လည်း မကြာမီ ပျောက်ကွယ်သွားမည် ဖြစ်သည်။ ဘုရားသခင်၏ ချစ်ဖွယ်ကောင်းမှုကို သင်၏ အသိစိတ်ဖြင့်သာ သင် ခံစားပါက၊ သင်ဆုတောင်းစဉ်တွင် လှုံ့ဆော်ခံရမည်ဖြစ်သော်လည်း မရှေးမနှောင်းပင် တက်ကြွမှုသည် လျော့ပါးကာ ကွယ်ပျောက်သွားလိမ့်မည်။ ယင်းမှာ အဘယ်ကြောင့်နည်း။ သင်သည် မိမိ၏ အသိစိတ်ကိုသာ အသုံးပြုပါက ဘုရားသခင်အတွက် သင်၏ချစ်ခြင်းကို သင်နှိုးဆွနိုင်မည် မဟုတ်ပေ။ သင့်နှလုံးသားထဲ၌ ဘုရားသခင်၏ ချစ်ဖွယ်ကောင်းမှုကို အမှန်တကယ် ခံစားရသောအခါ၊ သင်၏ စိတ်ဝိညာဉ်သည် သူ၏ တို့ထိခြင်းကို ခံရလိမ့်မည်ဖြစ်ပြီး သင်၏ အသိစိတ်က ၎င်း၏ နဂိုအခန်းကဏ္ဍကို ဆောင်ရွက် နိုင်လိမ့်မည်မှာ ဤအချိန်တွင်သာ ဖြစ်သည်။ ဆိုလိုသည်မှာ လူသား၏ စိတ်ဝိညာဉ်ကို ဘုရားသခင် တို့ထိသောအခါ၊ ပြီးလျှင် လူသားသည် အသိပညာရှိပြီး သူ၏ စိတ်နှလုံးထဲတွင် တိုက်တွန်းခြင်းခံရသည့်အခါ၊ ဆိုလိုသည်မှာ အတွေ့အကြုံ ရရှိသည့်အခါ၊ ထိုအခါတွင်မှ သူသည် မိမိ၏ အသိစိတ်ဖြင့် ဘုရားသခင်ကို ထိရောက်စွာ ချစ်နိုင်မည်ဖြစ်သည်။ ဘုရားသခင်ကို သင်၏အသိစိတ်ဖြင့် ချစ်ခြင်းက မမှားပေ- ဤသည်မှာ ဘုရားသခင်အတွက် ချစ်ခြင်း၏ အနိမ့်ဆုံး အတိုင်းအတာ ဖြစ်သည်။ “ဘုရားသခင်၏ ကျေးဇူးတော်ကို ထိုက်တန်ရုံမျှသာ” ချစ်ခြင်းသည် မိမိဘက်မှ စ၍ တက်ကြွစွာ ဝင်ရောက်ဖို့ လူသားကို တကယ် စေ့ဆော်လိမ့်မည် မဟုတ်။ သန့်ရှင်းသော ဝိညာဉ်တော်၏ လုပ်ဆောင်မှုအချို့ကို လူတို့ရရှိသည့်အခါ၊ ဆိုလိုသည်မှာ၊ ၎င်းတို့၏ လက်တွေ့အတွေ့အကြုံထဲ၌ ဘုရားသခင်၏ ချစ်ခြင်းကို မြင်တွေ့ပြီး ခံစားရသည့်အခါ၊ ၎င်းတို့သည် ဘုရားသခင်နှင့်ဆိုင်သော အသိပညာအချို့ရှိပြီး ဘုရားသခင်သည် လူသားမျိုးနွယ်၏ ချစ်ခြင်းနှင့် အလွန်ထိုက်တန်ပြီး အဘယ်မျှ ချစ်ဖွယ်ကောင်းသည်ကို အမှန်တကယ် သိမြင်သည့်အခါ၊ ထိုအခါမှသာ ၎င်းတို့သည် ဘုရားသခင်ကို အမှန်တကယ် ချစ်နိုင်ကြပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ မှ

ဘုရားသခင်ကို ယုံကြည်ခြင်းလမ်းကြောင်းသည် သူ့ကို ချစ်သောလမ်းကြောင်းပေတည်း

ဘုရားသခင်ကို ယုံကြည်ခြင်းလမ်းကြောင်းသည် သူ့ကို ချစ်သောလမ်းကြောင်းပေတည်း။ အကယ်၍ ဘုရားသခင်ကို သင် ယုံကြည်လျှင်၊ သင်၌ သူ့အပေါ် ချစ်ခြင်းမေတ္တာရှိရမည်။

ဘုရားသခင်ကို ချစ်ခြင်းဆိုသည်မှာ ဘုရားသခင်၏ချစ်ခြင်းမေတ္တာကို ပြန်ပေးဆပ်ရုံမျှသာ၊ အသိစိတ်ဖြင့် သူ့ကို ချစ်ရုံမျှသာ မဟုတ်ပေ၊ သို့သော် ဘုရားသခင်အပေါ် ဖြူစင်သောချစ်ခြင်းမေတ္တာ ရှိခြင်း ဖြစ်၏။ အသိစိတ်သည် ဘုရားသခင်အပေါ် ချစ်ခြင်းမေတ္တာကို လှုံ့ဆော်မည် မဟုတ်ပေ။ သူ၏နှစ်သက်ဖွယ်ကောင်းခြင်းကို သင် ခံစားရသောအခါ၊ သင်၏ဝိညာဉ်သည် ဘုရားသခင်၏တို့ထိခြင်းကို ခံရ်၏၊ သင်၏အသိစိတ်သည် ၎င်း၏အခန်းကဏ္ဍကို လုပ်ဆောင်လေမည်။ ဘုရားသခင်အပေါ် စစ်မှန်သောချစ်ခြင်းမေတ္တာသည် နက်ရှိုင်းသောစိတ်နှလုံးအတွင်းမှ ထွက်ပေါ်၏။ ၎င်းမှာ ဘုရားသခင်အကြောင်း လူသား၏ စစ်မှန်သောအသိအပေါ် တည်ရှိသော ချစ်ခြင်းမေတ္တာဖြစ်၏။

လူသား၏ဝိညာဉ်သည် ဘုရားသခင်၏ တိုက်တွန်းခြင်းကို ခံရသောအခါ၊ ၎င်းတို့၏စိတ်နှလုံးများထဲ၌ အသိ ရသည့်အခါ၊ ၎င်းတို့သည် အတွေ့အကြုံ ရပြီးနောက် ဘုရားသခင်ကို အသိစိတ်ဖြင့် ချစ်နိုင်ကြ၏။ လူတစ်ဦး၏အသိစိတ်ဖြင့် ဘုရားသခင်ကို ချစ်ခြင်းမှာ မမှားယွင်းသော်လည်း ၎င်းမှာ နိမ့်ကျသောချစ်ခြင်းမေတ္တာ ဖြစ်၏၊ ၎င်းသည် ဘုရားသခင်၏ ကျေးဇူးတော်ကို အကျိုးသင့်အကြောင်းသင့် ဖြစ်စေသော်လည်း လူသား၏ ဝင်ရောက်ခြင်းကို လှုံ့ဆော်နိုင်ခြင်း မရှိပေ။ ဘုရားသခင်အပေါ် စစ်မှန်သောချစ်ခြင်းမေတ္တာသည် နက်ရှိုင်းသောစိတ်နှလုံးအတွင်းမှ ထွက်ပေါ််၏။ ၎င်းမှာ ဘုရားသခင်အကြောင်း လူသား၏ စစ်မှန်သောအသိအပေါ် တည်ရှိသော ချစ်ခြင်းမေတ္တာဖြစ်၏။

လူတို့သည် ဝိညာဉ်တော်၏အလုပ်ကို ရသောအခါ၊ ဘုရားသခင်၏ချစ်ခြင်းမေတ္တာကို ၎င်းတို့ မြင်၍ မြည်းစမ်းရသောအခါ၊ ဘုရားသခင်အကြောင်း ၎င်းတို့ အသိ ရသည့်အခါ၊ ကိုယ်တော်သည် စစ်မှန်စွာ ချစ်ခြင်းကို ခံနိုင်၏။ ဘုရားသခင်သည် ထိုက်တန်ကြောင်း ၎င်းတို့ မြင်သောအခါ၊ လူသားမျိုးနွယ်၏ချစ်ခြင်းမေတ္တာကို လွန်စွာ ထိုက်တန်ကြောင်း မြင်၍၊ ကိုယ်တော်သည် အဘယ်မျှ နှစ်သက်ဖွယ်ကောင်းကြောင်း မြင်သောအခါ၊ ဘုရားသခင်ကို ၎င်းတို့ စစ်မှန်စွာ ချစ်နိုင်ကြ၏။ ဘုရားသခင်အပေါ် စစ်မှန်သောချစ်ခြင်းမေတ္တာသည် နက်ရှိုင်းသောစိတ်နှလုံးအတွင်းမှ ထွက်ပေါ်၏။ ၎င်းမှာ ဘုရားသခင်အကြောင်း လူသား၏ စစ်မှန်သောအသိအပေါ် တည်ရှိသော ချစ်ခြင်းမေတ္တာဖြစ်၏။

ဘုရားသခင်ကို နားလည်သဘောပေါက်ခြင်း မရှိသောသူများမှာ၊ ဘုရားသခင်ကို ၎င်းတို့၏ အယူအဆများ၊ ၎င်းတို့ နှစ်သက်သည့်အရာအပေါ် အခြေခံ၍သာ ချစ်နိုင်၏။ ယင်းချစ်ခြင်းမေတ္တာမှာ အစစ်အမှန် မဟုတ်၊ စိတ်နှလုံးကို အခြေခံခြင်း ဖြစ်၏။ တစ်စုံတစ်ဦးသည် ဘုရားသခင်ကို နားလည်သည့်အခါ၊ ၎င်းတို့၏စိတ်နှလုံးများသည် ဘုရားသခင်ထံ လှည့်ကြောင်းကို ပြသနေ၏။ ၎င်းတို့၏စိတ်နှလုံးထဲမှ ချစ်ခြင်းမေတ္တာသည်၊ စစ်မှန်၏၊ အလိုအလျောက် ဖြစ်၏။ ယင်းကဲ့သို့ လူမျိုးသာ ၎င်းတို့၏စိတ်နှလုံးထဲ၌ ဘုရားသခင် ရှိသောသူ ဖြစ်၏။ ဘုရားသခင်အပေါ် စစ်မှန်သောချစ်ခြင်းမေတ္တာသည် နက်ရှိုင်းသောစိတ်နှလုံးအတွင်းမှ ထွက်ပေါ်၏။ ၎င်းမှာ ဘုရားသခင်အကြောင်း လူသား၏ စစ်မှန်သောအသိအပေါ် တည်ရှိသော ချစ်ခြင်းမေတ္တာဖြစ်၏။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

နောက်ထပ်ပြပါ။
ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

မျှဝေရန်

ပယ်ဖျက်ရန်