ဟွမ် အီဂနာစီယိုဟာ ချီလီနိုင်ငံက ကြေးစား ဘောလုံးသမားဟောင်း တစ်ယောက်ပါ။ နှစ်ပေါင်းများစွာ သူဟာ ကြေးစားဘောလုံးသမား တစ်ယောက်အနေနဲ့ နာမည်ရဖို့ အရမ်းကို တောင့်တခဲ့တယ်။ အဲဒီလိုဖြစ်လာဖို့ သူဟာ အရူးအမူး လေ့ကျင့်ခဲ့ပြီး ချန်ပီယံဆုတွေနဲ့ ဂုဏ်သရေတွေကို အမြဲတမ်း လိုက်စားခဲ့တယ်။ နောက်ဆုံးတော့ သူ့အိပ်မက် တကယ်ဖြစ်လာခဲ့တယ်။ ကြေးစားဘောလုံး ကလပ်တစ်ခုနဲ့ စာချုပ်ချုပ်ပြီး ကြေးစားဘောလုံးလောကထဲကို ခြေချနိုင်ခဲ့တယ်။ ဒါပေမဲ့ ထိပ်တန်းအဆင့်နဲ့ ပိုနီးစပ်လာပြီလို့ ထင်နေတဲ့အချိန်မှာပဲ သူ့ရဲ့ ကြေးစား ဘောလုံးအိပ်မက်က ရုတ်တရက် တစ်စစီကြွေမွသွားတယ်။ ရှုံးနိမ့်မှုကို လက်မခံနိုင်ဘဲ နာမည်ကြီးဖို့ကို ဆက်ပြီး စွဲလမ်းနေခဲ့တယ်။ ကြေးစားဘောလုံး လောကထဲ ပြန်ဝင်ဖို့ သူ အသည်းအသန် ဖြစ်နေခဲ့ပေမဲ့ အဲဒီအခွင့်အရေးက ဘယ်တော့မှ ရောက်မလာခဲ့ဘူး။ သူ့အိပ်မက်တွေ တဖြည်းဖြည်း ဝေးကွာသွားတာနဲ့အမျှ မိသားစုလည်း ပြိုကွဲသွားတယ်၊ စားဝတ်နေရေးတောင် အနိုင်နိုင် ရုန်းကန်ရပြီး နောက်ဆုံးမှာ ဘဝရဲ့ အနိမ့်ဆုံး အောက်ခြေကို ရောက်သွားခဲ့တယ်။ နာကျင်မှုနဲ့ စိတ်ပျက်အားငယ်မှုတွေကြားမှာ ဟွမ်ဟာ ဘုရားသခင်ဆီ စတင် ဆုတောင်းခဲ့ပြီး သူအရူးအမူး လိုက်စားခဲ့တဲ့ ဘဝကို ပြန်လည်ဆင်ခြင်သုံးသပ်လာခဲ့တယ်။ အသေအလဲ ကြိုးစားပမ်းစား လုပ်ခဲ့တဲ့ အိပ်မက်က ဘာလို့ နောက်ဆုံးမှာ သူ့ဆီကို နာကျင်မှုတွေပဲ ယူဆောင်လာပေးရတာလဲ။ လူတစ်ယောက်က ကြိုးစားအားထုတ်ရုံနဲ့ ကံကြမ္မာကို တကယ်ပဲ ပြောင်းလဲနိုင်ပါ့မလား။ ပြီးတော့ ဘဝရဲ့ အနိမ့်ဆုံး အောက်ခြေကို ရောက်သွားပြီးတဲ့နောက် သူ့အတွက် ဘယ်လို အလှည့်အပြောင်းမျိုး စောင့်ကြိုနေခဲ့လဲ။

နိုင်ငံတော် ဧဝံဂေလိတရား စကားဝိုင်းရဲ့ ဒီအပိုင်းကနေ ကြိုဆိုပါတယ်။ ကျော်ကြားမှုနဲ့ အကျိုးအမြတ်ကို လိုက်စားရာကနေ နောက်ဆုံးမှာ ဘဝရဲ့ စစ်မှန်တဲ့ ဦးတည်ချက်ကို ရှာတွေ့သွားတဲ့ ချီလီ ကြေးစား ဘောလုံးသမားဟောင်း ဟွမ် အီဂနာစီယိုရဲ့ ဖြစ်ရပ်မှန် ဇာတ်လမ်းကို အတူတူ နားဆင်ကြရအောင်ပါ။

00:29 ကိုယ်ရေးအကျဉ်း- ဘောလုံးကန်သည့် ကလေးဘဝမှနေ ကြေးစားဘောလုံးသမားတစ်ယောက် ဖြစ်သည်အထိ

02:57 ကြေးစားဘောလုံးသမား ဖြစ်ချင်သည့် ကလေးဘဝ အိပ်မက်

09:15 ချန်ပီယံဆုရဖို့ ဟန်ဆောင်ဒိုင်ဗင်ထိုးခြင်း

16:14 ၅ နှစ်ဆက်တိုက် ချန်ပီယံဆု ရရာမှနေ ၅ နှစ်တာ ပွဲပယ်ခံရခြင်း

21:25 အနိမ့်ဆုံး အောက်ခြေမှနေ ကြေးစားဘောလုံးလောကထဲသို့

27:13 သူ၏ ကြေးစားဘောလုံးသမား အိပ်မက်သည် အဘယ်ကြောင့် ရုတ်တရက် အဆုံးသတ်သွားရသနည်း

34:36 အိပ်မက်ကို အရူးအမူးဖြစ်ပြီး မိသားစုကို ဆုံးရှုံးလိုက်ရခြင်း

43:42 အိပ်မက်များ ပျက်စီးပြီး ဘဝ၏ အောက်ခြေကို ရောက်သွားခြင်း

48:37 သူ့နာကျင်မှု၏ အရင်းအမြစ်ကို ဘုရားနှုတ်ကပတ်တော်က ဖော်ထုတ်ပေးလိုက်ခြင်း

53:33 ကျော်ကြားမှုနှင့် အကျိုးအမြတ်ကို လိုက်စားခြင်းက သူ့ဘဝကို ဖျက်ဆီးလုနီးပါး ဖြစ်ခဲ့ခြင်း

01:01:32 ရှိသမျှအကုန် ပုံအောကြိုးစားခဲ့သော်လည်း အဘယ်ကြောင့် ကံကြမ္မာကို မပြောင်းလဲနိုင်ခဲ့သနည်း

01:09:42 ကျော်ကြားမှုနှင့် အကျိုးအမြတ်ကို စွန့်လွှတ်ပြီး ငြိမ်သက်ခြင်းကို ရှာတွေ့ခြင်း