အီမန်နျူရယ် ဆလန်ဟာ အင်ဒိုနီးရှားနိုင်ငံက ဘုရားကျောင်းတစ်ခုမှာ နှစ်ပေါင်းများစွာ အစေခံခဲ့တဲ့ ခရစ်ယာန် အကြီးအကဲတစ်ယောက် ဖြစ်ပါတယ်။ အသင်းတော် ကြီးပွားတိုးတက်လာတာကို သူ မြင်ချင်ခဲ့ပေမဲ့ အသင်းတော်ဟာ တဖြည်းဖြည်း ခြောက်ကပ်လာတာကိုပဲ သူ မြင်တွေ့ခဲ့ရတယ်။ တရားဟောချက်တွေမှာ အလင်းမပါဘူး၊ ယုံကြည်သူတွေကလည်း တဖြည်းဖြည်း အေးစက်လာကြတယ်၊ သူကိုယ်တိုင်လည်း အပြစ်လုပ်လိုက် ဝန်ခံလိုက်ဆိုတဲ့ သံသရာထဲ ပိတ်မိနေခဲ့တယ်။ သန့်ရှင်းသော ဝိညာဉ်တော်ရဲ့ အလုပ်ကိုလည်း သူ မခံစားရတော့ဘဲ ပိုပိုပြီး လမ်းပျောက်လာခဲ့တယ်။ သူက ကိုယ့်ကိုယ်ကိုယ် အမြဲ မေးခွန်းထုတ်နေခဲ့တယ်၊ သခင့်ကို ယုံကြည်တာ နှစ်တွေ အကြာကြီး ရှိနေပြီဖြစ်ပေမဲ့ လူတွေဟာ ဘာလို့ အပြစ်ရဲ့ ချည်နှောင်မှုကနေ မလွတ်မြောက်နိုင်ကြတာလဲ။ အသင်းတော်ဟာ အရင်ကရှိခဲ့တဲ့ စိတ်အားထက်သန်မှုတွေ ဘာလို့ ပျောက်ဆုံးသွားရတာလဲ။ လူတွေကို အပြစ်ကနေ လွတ်မြောက်စေပြီး ဘုရားသခင်ရဲ့ ကယ်တင်ခြင်းခံရဖို့ စစ်မှန်တဲ့ လမ်းခရီးက ဘယ်မှာလဲ။ ၂၀၂၀ ခုနှစ်မှာ ကိုဗစ်-၁၉ ကမ္ဘာ့ကပ်ရောဂါက ကမ္ဘာတစ်ဝန်းကို ရိုက်ခတ်သွားခဲ့ပြီး ဘုရားကျောင်း စုဝေးပွဲတွေကို ရပ်ဆိုင်းလိုက်ရတယ်။ အီမန်နျူရယ် ရှေ့ဆက်ရမယ့်လမ်းကို အသည်းအသန် ရှာဖွေနေတဲ့ အချိန်မှာပဲ မမျှော်လင့်ထားတဲ့ အတွေ့အကြုံတစ်ခုက သူ့ရဲ့ ယုံကြည်မှုဘဝမှာ အရေးကြီးတဲ့ အချိုးအကွေ့တစ်ခု ဖြစ်လာခဲ့တယ်။ သူ အတိအကျ ဘာကို ရှာတွေ့ခဲ့တာလဲ။ နှစ်ပေါင်းများစွာ သူ့ကို ဒုက္ခပေးနေခဲ့တဲ့ ယုံကြည်ခြင်းနဲ့ ပတ်သက်တဲ့ မေးခွန်းတွေအတွက် အဖြေတွေကိုကော သူ ရှာတွေ့ခဲ့လား။ ပြီးတော့ နှစ်တွေအကြာကြီး အစေခံခဲ့တဲ့ ဒီခရစ်ယာန် အကြီးအကဲဟာ ရလဒ်အနေနဲ့ ဘယ်လို ယုံကြည်မှု လမ်းကြောင်းမျိုးကို စတင် လျှောက်လှမ်းခဲ့တာလဲ။ နိုင်ငံတော် ဧဝံဂေလိတရား စကားဝိုင်းရဲ့ ဒီအပိုင်းကနေ အီမန်နျူရယ် ဆလန်ရဲ့ စစ်မှန်တဲ့ ဘဝ ယုံကြည်မှု ခရီးစဉ်ထဲကို ခေါ်ဆောင်သွားမှာပါ။

00:36 ခရစ်ယာန် အကြီးအကဲတစ်ယောက်၏ ယုံကြည်မှု ခရီးစဉ်

04:17 လမ်းပျောက်နေခြင်းမှ ဘုရားသခင်ကို အစေခံခြင်းဆီသို့

10:15 စည်ကားသည့် ဘုရားကျောင်း၊ သို့တိုင် ဝိညာဉ်ရေးရာ ခြောက်သွေ့နေခြင်း

17:53 အမှောင်ထဲမှ အလင်းရောင်ခြည် တစ်ပွင့်

23:59 ယုံကြည်သည့် နှစ်ပေါင်းများစွာ ကြာပြီဖြစ်သော်ငြား ယုံကြည်သူများသည် အဘယ်ကြောင့် အပြစ်၏ ချည်နှောင်မှု ခံနေရဆဲဖြစ်သနည်း

38:12 သခင့်ကို သူ ကြိုဆိုနိုင်ခဲ့သည့် အချိန်

41:56 သခင် ပြန်လည်ကြွလာသည့် သတင်းကို ဝေမျှသော်လည်း ဆန့်ကျင်မှုများ ရင်ဆိုင်ခဲ့ရခြင်း

50:55 ယုံကြည်မှု ရွေးချယ်ချက်တစ်ခု၊ ကြီးမားသည့် ဘဝ အပြောင်းအလဲတစ်ခု

01:02:02 ယောဘ၏ အတွေ့အကြုံက သူ့ကို ယုံကြည်ခြင်းအပေါ် အသစ်သော နားလည်သဘောပေါက်မှု ပေးခဲ့ခြင်း

01:19:24 ဘာသာရေး သင်းအုပ်ဆရာများနှင့် အကြီးအကဲများက သခင် ပြန်လည်ကြွလာခြင်းကို အဘယ်ကြောင့် ဆန့်ကျင်ကြသနည်း

01:25:32 သခင့်ကို ကြိုဆိုသည့်အခါ ယုံကြည်သူများက သင်းအုပ်ဆရာတွေနောက်ကို အဘယ်ကြောင့် မျက်စိစုံမှိတ် မလိုက်သင့်သနည်း

01:28:32 အနန္တတန်ခိုးရှင် ဘုရားသခင် အသင်းတော်နှင့် ဘာသာရေး ဘုရားကျောင်းများကြားတွင် မည်သည့်ကွာခြားချက်များ ရှိသနည်း