၂၀၀၈ ခုနှစ်တွင် တရုတ်ကွန်မြူနစ်ပါတီသည် “တည်ငြိမ်ရေး” အသွင်ဆောင်ပြီး ဘာသာရေးယုံကြည်မှုများကို ကသောင်းကနင်း စတင် ဖိနှိပ်ခဲ့သည်။ အလွန်များပြားသော ခရစ်ယာန်တို့ ထောင်ကျပြီး နှိပ်စက်ခံရသည်။ များစွာတို့မှာ ပုန်းကွယ်ဖို့အတွက် အိမ်မှ မဖြစ်မနေ ထွက်ခွာခဲ့ရပြီး အိမ်မပြန်နိုင်ဖြစ်ခဲ့ရသည်။ အစ်ကိုကြီးတစ်ယောက်ဖြစ်သည့် ကျန်းကျိကျုံးသည် သူ့အိမ်တွင် ဧဝံဂေလိဖြန့်ဝေပြီး အသင်းတော် အဖွဲ့ဝင်များကို လက်ခံခြင်းကြောင့် တရုတ်ကွန်မြူနစ်ပါတီမှ ဦးစားပေး ပစ်မှတ်အဖြစ် သတ်မှတ်ခံရသည်။ စီစီပီ၏ ဖမ်းဆီးမှုကို ရှောင်ရန်အတွက် တစ်မိသားစုလုံးမှာ မဖြစ်မနေ ထွက်ပြေးနေရသည်။ ကျန်းကျိကျုံးကို မဖမ်းနိုင်သောအခါ စီစီပီ အရာရှိများသည် သူ့အိမ်ကို ရှာဖွေပြီး သူ၏ ညီနှင့်ကလေးများအား စစ်ဆေးမေးမြန်းရန်အတွက် ခေါ်ယူထိန်းသိမ်းထားသည်။ သူတို့သည် သူ၏ အငြိမ်းစားလစာ ငွေများကိုလည်း ဆိုင်းငံ့ထားပြီး သူ၏ စားဝတ်နေရေးကို ဖြတ်တောက်ခဲ့သည်။ သူသည် သူ၏ မြေးကလေးနှင့် အစဉ် ပြေးလွှားနေရသောကြောင့် နေထိုင်ဖို့အတွက် တည်ငြိမ်မှုရှိသည့်နေရာမရှိဘဲ ပို၍ပင် အန္တရာယ်များလာပြီး ခက်ခဲလာခဲ့သည်။ ထို့နောက် ၂၀၁၀ခုနှစ်တွင် စီစီပီသည် ခရစ်ယာန်များကို ရှာဖွေဖမ်းဆီးရန် နိုင်ငံအနှံ့ ရှင်းလင်းရေးပြုလုပ်ရန်အတွက် ဤတစ်ကြိမ်တွင် သန်းခေါင်စာရင်းစစ်ခြင်းကို ဆင်ခြေတစ်ခုအဖြစ် အသုံးပြုသည်။ ဘယ်မှသွားစရာမရှိတော့ဘဲ ကျန်းကျိကျုံးနှင့် သူ၏ မြေးတို့သည် ဆောင်းလယ်ကာလ၏ အအေးကို အန်တုလျက် တောင်တစ်တောင်၏ ဂူထဲတွင် မဖြစ်မနေ ပုန်းကွယ်ခဲ့ရသည်။ စီစီပီ၏ လူမဆန်သည့် လိုက်လံဖမ်းဆီးမှုနှင့် ဖိနှိပ်မှုတို့ကို သူတို့ ဘယ်လို ဖြတ်သန်းကြသနည်း။ ကျေးဇူးပြု၍ စင်တင်ပြဇာတ် အဘိုးအိုနှင့် ကလေးငယ် ကို ကြည့်ရှုပါ။