၁ ကိုယ်တော်သည် ကောင်းကင်မှ မြေကြီးသို့ လူ့ဇာတိ၌ ကွယ်ဝှက်လျက် ကြွလာခဲ့သည်။ လူကြားတွင် ကိုယ်တော် အမှုပြုကာ မုန်တိုင်းများထန်သော နှစ်များစွာကို ရဲဝံ့ခဲ့လေပြီ။ လမ်းကြမ်းတစ်ခုကို လျှောက်ရင်း၊ အသစ်သော ကာလတစ်ခုကို ကိုယ်တော် ဖွင့်ပေးလိုက်ပြီ။ လူသားမျိုးနွယ်ကို လုံးလုံးလျားလျား ကယ်တင်ရင်း၊ တရားစီရင်ဖို့ သမ္မာတရားကို ကိုယ်တော် ဖော်ပြခဲ့။ နှစ်များစွာကြာ အခက်အခဲကို သည်းခံကာ လူ၏ ငြင်းပယ်မှုနှင့် ဆိုင်သော နာကျင်မှုကို ကိုယ်တော် ခံစားခဲ့သည်။ နှိမ့်ချကာ ကွယ်ဝှက်လျက်၊ ယနေ့ထိ ကိုယ်တော် သည်းခံလေပြီ။

၂ တရားစီရင်ခြင်းနှင့်ဆိုင်သော နာကျင်မှုကို ကျွန်ုပ် တွေ့ကြုံပြီး ကျွန်ုပ်၏ စိတ်နှလုံးတွင် ညှင်းဆဲမှုက များလှသည်။ ရိုက်နှက်ပြီး ပဲ့ပြင်ဆုံးမခံရလျက်၊ ကျွန်ုပ် သေမလား ရှင်မလား ဖြစ်ခဲ့သည်။ ကိုယ်တော်၏ ဂရုစိုက်မှုကို ပြန်မှတ်မိရင်း၊ ကိုယ်တော့်ကို ပို၍ပင် ကျွန်ုပ် မြတ်နိုးရသည်။ အတိတ်ကို ပြနကြည့်ရာတွင်၊ ကျွန်ုပ်၏ စိတ်နှလုံး ဝမ်းနည်းမှုနှင့် ပြည့်သည်။ များလှစွာသော စမ်းသပ်မှုများနှင့် စစ်ဆေးမှုနောက်တွင်၊ ကိုယ်တော့်အတွက် ကျွန်ုပ်၏ ချစ်ခြင်းက ပို၍ ဖြူစင်သည်။ လေနှင့် မိုးကို ဖြတ်၍ ကိုယ်တော်နှင့်အတူ ကျွန်ုပ် ရှိမည်၊ သေသည်အထိ ကျွန်ုပ် သစ္စာရှိပါမည်။

၃ ကျွန်ုပ်၏ အားနည်းချက်ကို ထောက်ထားလျက်၊ ကိုယ်တော်၏ သနားကရုဏာတော်ကို ကိုယ်တော်ပြသပေ။ ကျွန်ုပ်၏ မနာခံမှုကို ကျိန်ဆဲလျက်၊ ကိုယ်တော်၏ အမျက်ဒေါသကို ကိုယ်တော် ပြသပေ။ ကိုယ်တော်၏ သနားကရုဏာတော် ကျယ်ပြန့်သည်၊ ကိုယ်တော်၏ အမျက်ဒေါသ နက်ရှိုင်းသည်။ ကိုယ်တော်၏ ဘုန်းအာနုဘော်ကို ကျွန်ုပ် ရှုမြင်ရပြီး၊ ကိုယ်တော်၏ ဉာဏ်ပညာတော်ကို ကျွန်ုပ် အသိအမှတ်ပြုရသည်။ များလှစွာသော ပြုပြင်ခြင်းနှင့် ကိုင်တွယ်ဖြေရှင်းခြင်းနောက်တွင်၊ ကိုယ်တော့်အတွက် ကျွန်ုပ်၏ ချစ်ခြင်းက ပို၍ ဖြူစင်သည်။ လေနှင့် မိုးကို ဖြတ်၍ ကိုယ်တော်နှင့်အတူ ကျွန်ုပ် ရှိမည်၊ သေသည်အထိ ကျွန်ုပ် သစ္စာရှိပါမည်။

၄ လူသားမျိုးနွယ်အပေါ် အသက် ပေးအပ်နှင်းလျက်၊ ကိုယ်တော် စကားပြောဆိုပြီး အမှုပြုသည်။ နာကျင်ဖွယ်ကောင်းသော စစ်ဆေးမှုများမှတစ်ဆင့်၊ ကျွန်ုပ်၏ ဖောက်ပြန်ပျက်စီးခြင်း သန့်စင်ပေ။ ကိုယ်တော်၏ အမှုတော်ကို ကျွန်ုပ် မြည်းစမ်းပြီး၊ ကိုယ်တော်၏ ကြင်နာမှုကို ကျွန်ုပ် ခံစားရပြီ။ ခါးသီးခြင်းနှင့် ချိုမြိန်ခြင်းတို့ကို ပြန်အမှတ်ရရင်း၊ ဝမ်းနည်းမှုနှင့် ဝမ်းမြောက်ခြင်းတို့ကြား ကျွန်ုပ် တစ်လှည့်စီနေသည်။ များလှစွာသော ဆင်းရဲဒုက္ခများနှင့် စမ်းသပ်မှုများ ပြီးသည့်နောက်တွင်၊ ကိုယ်တော့်အတွက် ကျွန်ုပ်၏ ချစ်ခြင်းက ပို၍ ဖြူစင်ပေ။ လေနှင့် မိုးကို ဖြတ်၍ ကိုယ်တော်နှင့်အတူ ကျွန်ုပ် ရှိမည်၊ သေသည်အထိ ကျွန်ုပ် သစ္စာရှိပါမည်။

၅ ကိုယ်တော်၏ အလိုတော်အတွက် မိမိကိုယ်ကိုယ် စွန့်လွှတ်ရန်မှာ ကျွန်ုပ်၏ စိတ်ဆန္ဒဖြစ်ပေ။ စမ်းသပ်မှုများကို ရင်ဆိုင်ရာတွင်၊ ကျွန်ုပ်၏ စိတ်ဆုံးဖြတ်ချက် ခိုင်မာစွာ ရပ်တည်သည်။ ကိုယ်တော့်အတွက် ကျွန်ုပ်၏ ချစ်ခြင်းမေတ္တာ တိုးပွားသည်၊ နာကျင်မှုတွင် ချိုမြိန်ခြင်းကို ကျွန်ုပ် ရှာတွေ့သည်။ အဖော်အဖြစ် ကိုယ်တော်၏ နှုတ်ကပတ်တော်နှင့်အတူ၊ ကျွန်ုပ်၏ ဘဝက အလင်းနှင့် ပြည့်ပေ။ အကြိမ်များစွာ ရိုက်နှက်ခံရပြီး ကွဲကြေပြီးသည့်နောက်၊ ကိုယ်တော့်အတွက် ကျွန်ုပ်၏ ချစ်ခြင်းက ပို၍ ဖြူစင်သည်။ လေနှင့် မိုးကို ဖြတ်၍ ကိုယ်တော်နှင့်အတူ ကျွန်ုပ် ရှိမည်၊ သေသည်အထိ ကျွန်ုပ် သစ္စာရှိပါမည်။

၆ နောက်ထပ် မည်သို့မျှ မနှောင့်နှေးချင်တော့ဘဲ ကြီးမားသော ဝန်များကို ကျွန်ုပ် ထမ်းရသည်။ ကျွန်ုပ်၏ ဝိညာဉ်ရေး အသက်တာ အလွန်နုနယ်သည်၊ သို့သော် ကိုယ်တော်၏ ချစ်ခြင်းမေတ္တာကို ကျွန်ုပ် ရရှိ။ ကိုယ်တော်၏ စေခိုင်းချက်ကို ကျွန်ုပ် လက်ခံဆောင်ရွက်ပြီး၊ ကျွန်ုပ်၏ အသက်တာကို စုံလင်စေခြင်းခံရသည်။ ကိုယ်တော်၏ အလိုတော်ကို ကျွန်ုပ် ဖြည့်ဆည်းကာ၊ စစ်မှန်သော လူသားအသက်တာကို အသက်ရှင်နေထိုင်မည်။ မိုးလေ ထန်သော နှစ်များတွင်၊ ဘဝလမ်းက ဗြောင်းဆန်မှုနှင့် အပြည့်။ ခါးသီးမှု၊ ဝမ်းမြောက်ခြင်း သို့မဟုတ် သေခြင်းဖြစ်စေ၊ ကျွန်ုပ် ညည်းညူခြင်းမရှိပေ။ မိုးလေထန်သော နှစ်များတစ်လျှောက်၊ ကျွန်ုပ် ရှေ့ဆက်သည်နှင့်အညီ ကိုယ်တော်၏ မေတ္တာက ကျွန်ုပ်နှင့်အတူ ရှိခဲ့ပေ။ ကိုယ်တော့်ကို ကျွန်ုပ် သစ္စာရှိကာ ဝမ်းနည်းမှုများမရှိဘဲ သေဆုံးမည်။