၁ ယနေ့ ဘုရားသခင်၏ တရားစီရင်ခြင်းနှင့် သန့်စင်ခြင်းတို့ကို ကျွန်ုပ် လက်ခံ၊ မနက်ဖြန် ကိုယ်တော်၏ ကောင်းကြီးမင်္ဂလာများကို ကျွန်ုပ် ရရှိမည်။ ကျွန်ုပ်၏ ပျိုရွယ်မှုကို ကိုယ်တော်အား ကျွန်ုပ် ပေးလိုပြီး ဘုရားသခင်၏ ဘုန်းကြီးသော နေ့ရကို မြင်ရဖို့ ကျွန်ုပ်၏ အသက်တာကို ကျွန်ုပ် ဆက်ကပ်လိုသည်။ အို၊ ဘုရားသခင်၏ ချစ်ခြင်းမေတ္တာက ကျွန်ုပ်၏ စိတ်နှလုံးကို နှစ်သက်ကြည်နူးစေပြီ။ ကျွန်ုပ်အပေါ် အသက်၏လမ်းခရီးကို နှင်းအပ်ရင်း၊ ကိုယ်တော် အမှုပြုကာ သမ္မာတရားကို ဖော်ပြပေ။ ခါးသောခွက်မှ ကျွန်ုပ် သောက်လိုပြီး၊ သမ္မာတရားကို ရရှိဖို့ ဆင်းရဲဒုက္ခ ကျွန်ုပ် ခံလိုပေ။ ညည်းညူခြင်းမရှိဘဲ အရှက်ရခြင်းကို ကျွန်ုပ် ခံမည်၊ ဘုရားသခင်၏ ကြင်နာမှုကို ပြန်လည်ပေးဆပ်ရင်း ကျွန်ုပ် အသက်တာကို ကုန်ဆုံးစေလိုသည်။

၂ ကျွန်ုပ်၏ ချစ်ခြင်းနှင့် သစ္စာစောင့်သိခြင်းကို ဘုရားသခင်အား ကျွန်ုပ်ပေးကာ၊ ဘုရားသခင်ကို ဘုန်းထင်ရှားစေဖို့ ကျွန်ုပ်၏ တာဝန်ကို ဖြည့်ဆည်းမည်။ ဘုရားသခင်အပေါ် သက်သေခံချက်အတွက် ရပ်တည်ကာ စာတန်ကို လုံးဝ အလျော့မပေးဖို့ ကျွန်ုပ် စိတ်ပိုင်းဖြတ်ထားသည်။ အို ကျွန်ုပ်၏ ဦးခေါင်းကွဲကြေပြီး သွေးများ စီးဆင်းနိုင်၏၊ သို့သော် ဘုရားသခင်၏ လူတို့၏ သတ္တိသွေးများ မဆုံးရှုံးနိုင်ပေ။ ဘုရားသခင်၏ တိုက်တွန်းမှုက စိတ်နှလုံးတွင် တည်ထားသည်၊ နတ်ဆိုးစာတန်ကို အရှက်ရစေရန် ကျွန်ုပ် ဆုံးဖြတ်သည်။ နာကျင်ခြင်းနှင့် ဆင်းရဲဒုက္ခများကို ဘုရားသခင် ကြိုတင်ပြဠာန်းထားပေ။ ကိုယ်တော့်ကို သေသည်အထိ သစ္စာရှိပြီး နာခံမည်။ ဘုရားသခင်ကို တစ်ဖန် ဘယ်သောအခါမျှ ကျွန်ုပ် မျက်ရည်ကျစေမည် မဟုတ် သို့မဟုတ် စိုးရိမ်စေမည် မဟုတ်ပေ။

၃ ဘုရားသခင်၏ နှုတ်ကပတ်တော်များက ကျွန်ုပ်ကို ယုံကြည်ခြင်းနှင့် ခွန်အား ပေးသည်၊ ဘုရားသခင်နောက်သို့ ကျွန်ုပ် အဆုံးထိ တည်ကြည်ခိုင်မာစွာ လိုက်မည်။ ဘုရားသခင်၏ ဧဝံဂေလိတရားကို ကျွန်ုပ်၏ နောက်ဆုံးထွက်သက်အထိ အမြဲကြေငြာကာ သက်သေခံမည်။ အို၊ ဘုရားသခင်ကို အားရပါးရ ကျွန်ုပ် ချီးမွမ်းကာ၊ အသစ်သော သီချင်းနှင့် ကခုန်ခြင်းကို ဆက်ကပ်သည်။ ကျွန်ုပ်သည် နှလုံးသားမှ ဖွင့်ဟကာ စကားပြောသည်၊ ကျွန်ုပ်၏ ရိုးသားမှုကို ဘုရားသခင်အား ဆက်ကပ်သည်။ ကျွန်ုပ်၏ စိတ်နှလုံးသည် ဘုရားသခင်နှင့်အတူ ထာဝရရှိမည်။ ဘုရားသခင်၏ ဘုန်းကြီးသောနေ့ ရောက်လာသည့်အခါ၊ ပလ္လင်အတော်အနီးတွင် ကျွန်ုပ်တို့ စုဝေးပြီး ဝမ်းမြောက်စွာ ကခုန်ကြမည်၊ ကောင်းကင်သစ်နှင့် မြေကြီးသစ်တွင် ထာဝရ ငြိမ်သက်ခြင်းချမ်းသာကို ကျွန်ုပ်တို့ မွေ့လျော်ကြလိမ့်မည်။