၁

စာတန်၏ ဘဝအတွေးအခေါ်များကို လက်ကိုင်ပြုရင်း၊ အားလုံးအထက်တွင် ငြိမ်သက်ခြင်းနှင့် သည်းခံခြင်းတို့ကို တန်ဖိုးထားရင်းဖြင့်၊

မည်သူနှင့်မျှ ဘယ်သောအခါမျှ မငြင်းခုံဘဲ ကျွန်ုပ် ဟုတ်ကဲ့သမားတစ်ဦး ဖြစ်လေ့ရှိခဲ့သည်။

အမှုအရာများကို လုပ်ဆောင်ချိန် သို့မဟုတ် အခြားသူများနှင့် အပြန်အလှန်ဆက်ဆံချိန်တွင် ကျွန်ုပ်၏ ဝင့်ဝါမှု၊ မိမိကိုယ်ကို အရေးထားမှုနှင့် အဆင့်အတန်းတို့ကို ကျွန်ုပ်ကာကွယ်ခဲ့သည်။

သမ္မာတရားကို ကျွန်ုပ်မျက်ကွယ်ပြုခဲ့ပြီး ကျွန်ုပ် ရှင်းလင်းစွာ မြင်ရသည့်အရာကို ကျွန်ုပ် ပြောမည်မဟုတ်။

တစ်စုံတစ်ရာသည် ကျွန်ုပ်နှင့် မပတ်သက်လျှင် ကျွန်ုပ်၏ ကိုယ်ကျင့်တရားကို လက်လျှော့ကာ မသိကျိုးကျွံပြုခဲ့သည်။

ကျွန်ုပ် မိမိကိုယ်ကို ကာကွယ်ခဲ့သည်၊ မည်သူ့ကိုမျှ သဘောမကျမဖြစ်စေဖို့ ကျွန်ုပ်၏ ကိုယ်ပိုင်အသိစိတ်ကို ကျွန်ုပ် သစ္စာဖောက်ခဲ့သည်။

အခက်အခဲကို ကျွန်ုပ် ကြိတ်မှိတ်လက်ခံထားသည်၊ ယုတ်ညံ့သော ဘဝတစ်ခုကို ကျွန်ုပ်အသက်ရှင်ခဲ့ကာ ကျွန်ုပ်၏လူ့သဘာဝကို ဆုံးရှုံးခဲ့သည်။

အကျင့်စရိုက် သို့မဟုတ် သိက္ခာမရှိဘဲနှင့် လူသားတစ်ဦးဖြစ်ရန် ကျွန်ုပ် မထိုက်တန်ခဲ့။

၂

ဘုရားနှုတ်ကပတ်တော်များ၏ တရားစီရင်ခြင်းကို တွေ့ကြုံရင်း ရုတ်တရက် ကျွန်ုပ်နိုးထခဲ့သည်။

သမ္မာတရားကို နားလည်ကာ လူသားမျိုးနွယ်၏ ဆိုးယုတ်မှုနှင့် ဖောက်ပြန်ပျက်စီးမှု အမှန်တရားကို ကျွန်ုပ် ရှင်းရှင်းလင်းလင်း မြင်ခဲ့သည်။

ဘုရားသခင်ရှေ့မှောက် ကျွန်ုပ်လဲကျခဲ့ပြီး ကျွန်ုပ်စိတ်နှလုံးထဲ နောင်တကြီးစွာ ခံစားခဲ့ရသည်။

ကျွန်ုပ်၏ ကိုယ်ပိုင် တစ်ကိုယ်ကောင်းဆန်မှုနှင့် ခက်ထန်မှုကို မုန်းခဲ့ပြီး ကျွန်ုပ်၏ တည်ကြည်မှုနှင့် ဂုဏ်သိက္ခာကို ဆုံးရှုံးရခြင်းအတွက် မိမိကိုယ်ကို မုန်းမိခဲ့သည်။

ဤဟုတ်ကဲ့သမားသည် နောက်ဆုံးတွင် ဖော်ထုတ်ခံခဲ့ရသည်၊ အခြားသူများကို ကျွန်ုပ်နာကျင်စေသည်၊ မိမိကိုယ်ကို ထိခိုက်စေကာ ကျွန်ုပ်ကို ဘုရားသခင်မုန်းခဲ့သည်။

ပါးနပ်ကာ လှည့်ဖြားတတ်ပြီး သူတော်ကောင်းယောင်ဆောင်တတ်သူ ကျွန်ုပ်သည် ဘုရားသခင်၏ တရားစီရင်ခြင်းမှ မလွတ်မြောက်နိုင်ပေ။

ဘုရားသခင်၏ နှုတ်ကပတ်တော်များသည် သမ္မာတရားဖြစ်ကာ ဘဝတွင် အမြင့်ဆုံးသော နဂိုမှန်အဆိုများ ဖြစ်သည်။

ရိုးသားသောလူတို့သည် ဘုရားသခင်ကို နာခံကြသည်၊ တည်ကြည်မှုနှင့် ပွင့်လင်းသော စိတ်နှလုံးဖြင့် သူတို့ပြုမူကြသည်။

အလင်းထဲတွင် အသက်ရှင်ရင်း သမ္မာတရားကို သူတို့ လက်တွေ့ကျင့်သုံးပြီး ဘုရားသခင်၏ သဘောကျမှုကို ရရှိကြသည်။

ရိုးသားသော လူတစ်ဦးဖြစ်လာဖို့ ဘုရားသခင်၏ နှုတ်ကပတ်တော်များဖြင့် အသက်ရှင်ဖို့

ကျွန်ုပ်၏ ကောက်ကျစ်ခြင်းနှင့် လှည့်ဖြားတတ်ခြင်းကို စွန့်ပစ်ကာ ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်ဖို့ ကျွန်ုပ် စိတ်ပိုင်းဖြတ်သည်။

ကျွန်ုပ်၏ တာဝန်ကို သစ္စာရှိရှိ ဆောင်ရွက်ကာ ဘုရားသခင်ကို ဘုန်းထင်ရှားစေဖို့ မှန်ကန်သော လူသားတစ်ဦးပုံသဏ္ဌာန်ကို ကျွန်ုပ် အသက်ရှင်နေထိုင်မည်။